Fyresdal kommune. Møteinnkalling. Side1. Utval: Administrasjonsutvalet Møtestad: Kommunestyresalen Kommunehuset Dato:

Transkript

1 Fyresdal kommune Møteinnkalling Utval: Administrasjonsutvalet Møtestad: Kommunestyresalen Kommunehuset Dato: Tid: 13:30 Forfall meldast til sentralbordet på tlf Varamedlemmer møter bare etter nærare varsel. Side1

2 Saksliste Utvalssaksnr PS 1/15 RS 1/15 RS 2/15 RS 3/15 Innhald Referat og meldingar Rundskriv frå KS Protokoll frå Amu Sjukefråværsrapport Lukka møte() RS 4/15 Svar på permisjonssøknad i delar av heimel 2510 RS 5/15 Svar på søknad om permisjon i 20% stilling som næringssjef heimel 1200 RS 6/15 Søknad om permisjon 20% hnr 2416 RS 7/15 Søknad om permisjon utan løn RS 8/15 RS 9/15 Svar på søknad om redusert arbeidstid i heimel 2760 frå Tilsettingssak 22,7% fast stilling som fagarbeidar / assistent i TTF RS 10/15 Tilsetjingssak ID 348- Utlysing tospråkleg assistent i 60 % fast frå RS 11/15 Tilsetjingssak ID 346, 40 % lærar vikar i heimel 2338, frå snarast t.o.m RS 12/15 Tilsetjingssak - 20 % assistent/fagarbeider vikariat- heimel 2419 RS 13/15 Underteikna arbeidsavtale i fast stilling i heimel 2725 RS 14/15 Svar på oppseiing av stilling som sjukepleiar RS 15/15 Oppseiing av stillinga som rektor kulturskulen/avdelingsleiar kultur hnr 2200 RS 16/15 Heimelsendringar 2014/2015 PS 2/15 Søknad om forlenging av permisjon frå stilling som fagarbeider i barnehagen PS 3/15 Søknad om permisjon utan løn PS 4/15 Kommunereform - Fyresdal kommune si framtid Fyresdal utvalsleiar utvalssekretær Side2

3 PS1/15Referatogmeldingar RS1/15RundskrivfråKS RS2/15ProtokollfråAmu RS3/15Sjukefråværsrapport RS4/15Svarpåpermisjonssçknadidelaravheimel2510 RS5/15Svarpåsçknadompermisjoni20%stillingsomnæringssjefheimel 1200 RS6/15Sçknadompermisjon20%hnr2416 RS7/15Sçknadompermisjonutanlçn RS8/15Svarpåsçknadomredusertarbeidstidiheimel2760frå RS9/15Tilsettingssak22,7%faststillingsomfagarbeidar/assistentiTTF RS10/15TilsetjingssakID348-Utlysingtospråklegassistenti60%fastfrå RS11/15TilsetjingssakID346,40%lærarvikariheimel2338,fråsnarast t.o.m RS12/15Tilsetjingssak-20%assistent/fagarbeidervikariat-heimel2419 RS13/15Underteiknaarbeidsavtaleifaststillingiheimel2725 RS14/15Svarpåoppseiingavstillingsomsjukepleiar RS15/15Oppseiingavstillingasomrektorkulturskulen/avdelingsleiarkultur hnr2200 RS16/15Heimelsendringar2014/2015 Side3

4 Fyresdal kommune Arkiv: 020 Saksmappe: 2014/914-6 Saksbeh.: Ketil O. Kiland Dato: Saksframlegg Kommunereform - Fyresdal kommune si framtid Utval Utvalssak Møtedato Arbeidsmiljøutvalet 4/ Administrasjonsutvalet 4/ Råd for eldre og menneske med nedsett funksjonsevne Kommunestyret Endeleg vedtaksrett i saka har: Kommunestyret. Dokument i saka: - Kommunereforma forstudie for kommunane i Vest-Telemark, november 2014 Bakgrunn for saka: I sak 36/14 gjorde kommunestyret slikt vedtak: "Fyresdal kommune ber Vest-Telemarkrådet om å greie ut vidare samarbeid mellom kommunane der ei løysing kan vere samanslåing. Det er ein føresetnad at fleirtalet av kommunane ynskjer slik utgreiing. Fyresdal kommune ynskjer at Vest-Telemarkrådet set ned ei arbeidsgruppe som involverer kommunane i arbeidet med å lage ein forstudie. Arbeidsgruppa kan leige inn nødvendig ekstern hjelp, men Fyresdal kommune ynskjer ikkje å delta dersom heile arbeidet setjast bort til eksternt konsulentselskap. Forstudiet avsluttast tidlegast etter at stortinget har avklart kva oppgåver og ansvar kommunane skal ha". I sak 62/14 gjorde Vest-Telemarkrådet slikt samrøystes vedtak: "Vest-Telemarkrådet har drøfta dokumentet "Kommunereforma - Forstudie for kommunane i Vest-Telemark". Dokumentet blir lagt fram for Vest-Telemarktinget 2. desember, og sendt over til kommunane i Vest-Telemark for vedtak om eventuell deltaking i eit forprosjekt slik det går fram av kapittel 11 i forstudiet". I kommuneproposisjonen 2015 la regjeringa fram sitt syn på korleis ein kommunereform bør gjennomførast i Noreg. Stortinget har seinare handsama dette spørsmålet. I innstillinga frå kommunal- og forvaltningskomiteen på stortinget, og påfølgjande handsaming av denne, vart det sikra ei god tverrpolitisk oppslutning om dei viktigaste hovudprinsippa i reforma. Stortinget slutta seg til fylgjande overordna mål for reforma: Gode og likeverdige tenestar til innbyggjarane Heilskapleg og samordna samfunnsutvikling Bærekraftige og økonomisk robuste kommunar Styrka lokaldemokrati Side4

5 Sett frå eit nasjonalt perspektiv vil reforma omhandle fire ulike område: Desentralisering av oppgåver. Struktur på kommunar, fylkeskommunar og statsforvaltning. Prinsipp for styring og organisering av kommunar og korleis staten styrar kommunal sektor. Finansiering i samband med gjennomgang av det kommunale inntektssystemet som er varsla satt i verk frå For å få gode råd om reforma og korleis den bør gjennomførast har regjeringa sett ned eit ekspertutval som på fritt fagleg grunnlag skal foreslå kriterier som har betydning for oppgåveløysinga i kommunane. Ekspertutvalet leverte ein delrapport i mars 2014 som danna grunnlag for regjeringa si meldingsdel i kommuneproposisjonen 2015, med påfølgjande handsaming i stortinget. Sluttrapporten, som vart levert 1. desember 2014, vil danne grunnlag for ei varsla melding frå regjeringa til stortinget om oppgåvefordeling i mars Ekspertutvalet har tre viktige tilrådingar for ein god kommunestruktur: 1. Kommunane bør ha minst innbyggjarar for å sikre ein god oppgåveløysing. 2. Kommunestrukturen bør i større grad nærme seg funksjonelle samfunnsutviklingsområde. 3. Staten bør redusere detaljstyringa og ordningar for politisk deltaking bør vidareutviklast for å sikre gode og slagkraftige demokratiske arenaer. Det er viktig å merke seg at regjeringa har lagt mindre vekt på talet på innbyggjarar enn det ekspertutvalet har gjort. Her bør det også takast omsyn til areal og avstandar. Når det gjeld delegering av oppgåver frå statleg- og fylkeskommunalt forvaltingsnivå til kommunane kjem ekspertutvalet med nokre føringar og døme, men visar til departementet for ein meir konkret oppgåvefordeling. Noko som kan ventast i ein melding frå departementet til stortinget i mars Da kommunereforma vart handsama av stortinget i juni 2014, ynskte eit fleirtal på stortinget at det blei gjennomført ein gjennomgang av oppgåvene til fylkeskommunen parallelt med arbeidet med å gje fleir oppgåver til kommunane. For å gje regjering og storting eit godt fagleg grunnlag for avgjersle, fekk Møreforsking hausten 2014 i oppdrag å samanstille og vurdere moglege modellar for det regionale folkevalde nivå ut i frå tidlegare utgreiingar av regionsspørsmålet. I meldinga som regjeringa legg fram for stortinget i mars 2015, vil det bli orientert om oppfylginga av stortinget sitt vedtak om det regionale folkevalde nivået. Kommunalminister Jan Tore Sanner har sendt eit brev til kommunane der han oppmodar kommunane til å starte eit arbeid med å utgreie kommunereforma på kommunalt forvaltningsnivå. Etter at kommunestyret har fatta vedtak om eventuell vidareføring til eit forprosjekt, vil forprosjektet starte opp. Forprosjektet vil ende opp med forslag til vedtak om samanslåing våren Dersom kommunestyret fattar vedtak om samanslåing med andre kommunar vil saka sendast over til regjering og storting for endeleg vedtak samstundes som eit hovudprosjekt startar opp. I løpet av forprosjektet bør kommunane lage ei intensjonsavtale eller ein intensjonsplan som legg føringar for organisering av den nye kommunen. I denne fasen bør det også gjennomførast involvering av innbyggjarane. Korleis innbyggjarane skal involverast er eit spørsmål som kommunestyret sjølv må ta stilling til. Departementet vil kome med eit «skreddarsydd» opplegg ultimo 2015 som kan nyttas av kommunane. Side5

6 Vurdering: Spørsmålet/saka er vurdert ut frå følgjande mål i økonomiplanen for /måla i budsjettet for 2015 der det heiter; Gjennom handlekraft, fleksibilitet og utradisjonelle løysingar, skal Fyresdal vere ein framifrå stad å bu og virke. Rådmannen ser i hovudsak for seg tre alternativ: - Seks kommunar blir til ein kommune i Vest-Telemark. - To eller fleire kommunar i regionen slår seg saman, evnt. med andre kommunar utanfor regionen. - Utvikle kommunesamarbeidet vi har i dag, men beheld eksisterande kommuneinndeling. Fleirkjernestruktur: Rådmannen er skeptisk til ein såkalla fleirkjernestruktur. Ein struktur der ein i ein ny kommune fordelar sentrale oppgåver ute i dei gamle kommunane for å demme opp mot ei einsidig sentralisering til fordel for eit nytt kommunesenter. Ein slik modell vil fort føre til auka byråkratisering og vil med ny politisk struktur lett stå for fall. Press på økonomien i ein ny kommune og/eller ynskje om rasjonalisere og bygge opp eit kraftsenter både med næringsutvikling og kompetanse vil fort kunne sete fleirkjernestrukturen under press. Rådmannen har ikkje funne dokumentasjon for at denne modellen kan syne til vedvarande gode resultat. Moglege fordelar og ulemper med ein kommune i Vest-Telemark: Ved etablering av ein ny kommune i Vest-Telemark ville ein gjere utfordringane ein i dag har med habilitet mindre. Ein ville truleg gjere det lettare å rekruttere politikarar frå alle parti, noko som ville styrke demokratiet. Rådmannen meiner at Vest-Telemark er eit godt etablert merkenamn som lett kan nyttast av ein ny kommune. Dei fleste som bur i regionen er stolte av å kome frå Vest-Telemark, men det er og sikkert at identiteten den einskilde har til den kommunen ein i dag bur i er enda større. Med å lage ein ny kommune syner all erfaring at det tar lang tid å endre på dette og motkrefter vil gjerne vare i generasjonar. Fyresdal kommune har hatt økonomi og politisk vilje til å bruke ekstra mykje på næringsutvikling. - Det må vere rimeleg å stille seg spørsmål om næringsutvikling, som er avgjerande for å skape arbeidsplassar og busetting, vil kome alle dei gamle kommunane til del etter ei kommunesamanslåing, eller om det vil etablere seg ein standard der utviklinga vil kome nærare eit nytt regionsenter. Telemarksforsking har dokumentert at Vest-Telemark i liten grad er ein felles bu- og arbeidsregion. Med unntak av ein del pendling mellom Fyresdal og Tokke vil Fyresdal i sær vere avhengig av å skape eigne arbeidsplassar for å lykkast med busetting. - Det må vere rimeleg å stille seg spørsmål om dei store avstandane vil bremse politisk deltaking frå alle delar av regionen, eller om politisk makt kan bli flytta mot eit nytt senter i Vest-Telemark. - Det må vere rimeleg å stille seg spørsmål om ein nytt regionsenter vil tappe dei gamle kommunane for kompetanse med auke i fråflytting frå dei kommunane som ligg lengst borte. - Det må vere rimeleg å stille seg spørsmål om dei demokratiske ulempene med interkommunalt samarbeid er større eller mindre enn det demokratiet oppnår i ein ny kommune med så store avstandar som rår i Vest-Telemark. Side6

7 - Det må vere rimeleg å stille seg spørsmål om dei tilskota staten gir for å stimulere til kommunesamanslåing over tid er gode nok. - Det må vere rimeleg å stille seg spørsmål om staten vil overføre oppgåver og redusere inntekter til kommunane som på sikt "tvingar" kommunane til å slå seg saman. Kommunane i Vest-Telemark har i dag svært ulikt inntektsgrunnlag inntekter og gjeldsbelastning. - Det må vere rett å stille seg spørsmål om ei kommunesamanslåing vil gje eit betre eller dårlegare tenestilbod for innbyggjarane i Fyresdal. - Det må vere rett å stille seg spørsmål om stordriftsfordelane som blir trekt fram eintydig er rette. Generelt er offentlege tenestetilbod i små kommunar gode og kan vere betre enn i større kommunar. Det bør ikkje bli ei absolutt sanning at små kommunar ikkje kan ha kompetanse eller miljø store nok for å takle morgondagens utfordringar. Det er lett å hekte seg på bølgja av ulike samanslåingar og flyttestraumar som for tida går mot meir urbane strøk, men all erfaring syner at dette svingar og da gjerne i samanheng med store økonomiske endringar. Ein stor kommune vil kunne samordne kulturtilbod og kanskje høgne kvaliteten på einskilde arrangement, men det vil kunne gå ut over mangfaldet vi har i dag. Store avstandar vil vere ei ulempe for mange om kulturtilboda lokalt blir svekka. Det vil kunne liggje eit potensial i å bruke bygningsmassa kommunane i dag rår over meir effektivt med ein stor kommune. Eit døme kan her vere innan omsorg der pleietrengande lettare vil kunne få eit tilbod der det er plass i regionen. Slik fungerer det også mellom kommunane i dag, men ei samla koordinering i ein stor kommune ville kunne gjere det meir effektivt og lettare for regionen å møte eldrebølgja. Det same kan og gjelde skule der forholda ligg til rette for det. Sjølv om tilsette ikkje skal seiast opp, vil det vere naivt å tru at ei samanslåing ikkje vil gje konsekvensar for tilsette i negativ eller positiv lei. Større fagmiljø kan vere positivt, men endra oppmøtestad for tilsette kan vere negativt og vil kunne endre på busettingsmønsteret over tid. Lista ovanfor er ikkje uttømande, men synleggjer nokre sider som ein må rekne med at forprosjektet vil greie ut meir om. Utviding av eksisterande samarbeid i Vest-Telemark: Samarbeidet i Vest-Telemark er godt kjent. Det er kanskje eit av dei regionsamarbeida som fungerer best og som har stort potensiale i seg til å utviklast vidare. Det er gode høve til å utvide samarbeidet om administrative oppgåver som innbyggjarane ikkje vil merke så mykje til. Det er fullt mogeleg å samlokalisere og effektivisere fagområde som IKT, telefoni, økonomi og lønn utan at tenestetilbodet til innbyggjarane blir svekka. Det vil og vere mogeleg å styrke samarbeidet om andre tenestar, så som landbruksforvaltning, byggesakshandsaming, oppmåling, psykiatri, utmarks- og viltforvaltning som døme. Dette vil kome i tillegg til dei alt godt etablerte samarbeida regionen frå før har. Vinje, Tokke og Fyresdal - ein kommune: Om vi slår saman alle kommunane i Vest-Telemark vil folketalet bli om lag innbyggjarar. Det ligg under det folketalet ekspertutvalet har tilrådd med innbyggjarar. Ved ei samanslåing av kommunane Vinje, Tokke og Fyresdal vil ein ha godt og vel halvparten av folkemengda i Vest-Telemark med innbyggjarar. Avstandane med ein kommune i Vest-Telemark blir svært store og vil vere ei stor utfordring. Avstandane mellom kommunane Vinje, Tokke og Fyresdal er òg store, men særskilt mellom Tokke og Fyresdal og mellom Tokke og Vinje ser ein at det er felles bu og arbeidsmarknadar som kan utviklast vidare. Dei tre kommunane har felles interesseområde som store Side7

8 utmarksareal, kraftressursar, verneområde, villrein, eksisterande hyttebygging og store område godt eigna for å utvikle dette vidare. Rådmennene i Vest-Telemark kjem med eit omforent forslag til tilråding (kursiv tekst nedanfor): Tilråding med framlegg til mål, organisering og tidsplan for forprosjekt. Med utganspunkt i forstudiet i regi av Vest-Telemarkrådet rår rådmennene i Vest-Telemark kommunane å tinge eit forprosjekt som omfattar to alternativ: Ein kommune i Vest-Telemark Oppretthalde alle kommunane, med ei forplikting om meir interkommunalt samarbeid Atterhald: Dersom færre enn seks kommunar vel å delta i forprosjektet, skal saka attende til ny handsaming i kommunestyra. Forprosjektet skal sjå på sterke og svake sider ved dagens kommunestruktur og vurdere dei to alternativa i høve til den framtidige utviklinga i regionen med tanke på å utvikle eit godt tenestetilbod, syte for god rekruttering av fagfolk, gjera regionen meir attraktiv og bli ein meir slagkraftig region i Telemark og landet som heilskap. Forprosjektet skal synleggjera fordelar og ulemper for den einskilde kommune og danne grunnlag for mogleg deltaking i eit hovudprosjekt. Alternative utgreiingar: Dette forprosjektet er ikkje til hinder for at den einskilde kommune kan vere med i andre forprosjekt saman med andre kommunar. Andre alternativ innanfor regionen kan gå inn i forprosjektet med finansiering gjennom Vest- Telemarkrådet. Dersom kommunane ynskjer andre alternativ utafor Vest-Telemarkregionen, er det sjølvsagt i orden, men finansierast ikkje av fellesmidlar gjennom Vest-Telemarkrådet. Organisering: Forprosjektet skal ha ei styringsgruppe beståande av ordførarane og rådmennene i dei seks kommunane, saman med ein hovudtillitsvald og eitt hovudverneombod. Styringsgruppa skal fylgje arbeidet i arbeidsgruppene, avklare prinsipielle spørsmål og ha ansvar for å utarbeide og sette i verk ein plan for å informere og få innspel frå innbyggarane og dei tilsette. Møte i styringsgruppa kan kombinerast med møte i Vest-Telemarkrådet. Styringsgruppa vel ein rådmann til å vere prosjektansvarleg (PA). Kommunale arbeidsgrupper: Ein skal opprette ei arbeidsgruppe i kvar kommune, der arbeidet vert organisert av rådmannen som også er sekretær for gruppa. Dette er for å sikre politisk og kommunal medverknad og informasjon gjennom heile prosjektet. Tilrådd samansetting av arbeidsgruppene er; ein representant frå kvart parti i kommunestyret pluss hovudtillitsvald og hovudverneombod i kommunen. Interkommunale arbeidsgrupper: Prosjektet skal ha faglege arbeidsgrupper som skal ha fokus på fylgjande område: Økonomi Tenester Myndigheitsutøving og overordna styring Samfunnsutvikling Demokrati Gruppene samhandlar med dei kommunale gruppene, og rapporterer til styringsgruppa. Side8

9 Gruppene settast saman av fagpersonar frå kommunane, og bør vere dei som best kan gjere greie for felta som skal utgreiast. Det er naturleg at samansettinga fastsettast av rådmennene. Oppgåver i arbeidsgruppene: Tenester Kva er sterke og svake sider ved kommunen som tenesteytar i dag? Kva for oppgåver og utfordringar krev felles løysningar på tvers av kommunegrensene? Kva er utfordringane i høve til forventa demografisk utvikling? Kva for utfordringar har kommunane når det gjelder kompetanse, spesialisering og rekruttering? Myndigheitsutøving og overordna styring: Skaper mangel på kapasitet og kompetanse utfordringar for myndigheitsutøvinga? Har kommunen gode rutinar og system for myndigheitsutøving? Kva for utfordringar er avdekka gjennom statlege tilsyn? Korleis skal ein legge opp den overordna administrative styringa i ein ny kommune og korleis kan ein best sameine ulike organisasjonskulturar? I kva for grad er det problem med habilitet, og kva for utfordringar skaper dette? Samfunnsutvikling: Korleis kan ein legge opp til ein fleirkjernestruktur i ein ny kommune? Kva for utfordringar står kommunane føre i dag med tanke på å fremje ei langsiktig og heilskapleg utvikling, både kvar for seg og for regionen som heilskap? Kva er situasjonen i kommunane når det gjelder folketalsutvikling, næringsutvikling og sysselsetting? I kor stor grad er kommunane i stand til å gjennomføre vedtak i plan og utbyggingssaker? Demokrati: Korleis kan ein vitalisere det lokalpolitiske arbeidet i ein ny stor kommune eller i dei eksisterande kommunane? Korleis kan ein sikre distriktsmessig balanse i det nye kommunestyret? Korleis skal me engasjere innbyggjarane i kommunereformprosessen? Kva for politisk struktur kan ein sjå for seg i ein ny kommune og korleis skal det organiserast? Økonomi: Korleis vil prognoser for framtidig demografiutvikling påverke kommuneøkonomien? Har kommunane ulik praksis når det gjeld eigedomsskatt og kommunal prissetting? Korleis skal ein handtere kraftinntektene og ulikskapen i lånegjelda? Vil ein framtidig kommune vere meir robust når det gjeld framtidige investeringar, til dømes i infrastruktur? Ressursbruk: Gjennomføring av forprosjektet innanfor fastsette rammer (også mogleg andre alternativ innanfor regionen) vert finansiert gjennom Vest-Telemarkrådet. Kommunane finansierer eigeninnsatsen i arbeidsgruppene, noko som er estimert til omlag 1/2 årsverk for kvar kommune. Oppsummering - organisering: PE: Kommunane i Vest-Telemark PA: (velgast av styringsgruppa) PL: Kjell Gunnar Heggenes, adm. VTR Styringsgruppe: Ordførarane, rådmennene, ein hovudtillitsvald og eitt hovudverneombod (14 totalt) Side9

10 Prosjektstart: april 2015 Prosjektslutt: mai 2016 Kommunereformprosessen skal gjennomførast etter denne tidsplanen: Tid Handling April 2015 Oppstart av forprosjektet Våren 2015 Regjeringa tek sikte på å legge fram ei melding til Stortinget våren 2015 med forslag til nye oppgåver til robuste kommunar. September 2015 Kommuneval Mai 2016 Forprosjektet er ferdig handsaming i Vest-Telemarkrådet Mai/juni 2016 Kommunestyret fattar vedtak om kommunestruktur Juni 2016 Handsaming av forprosjektet i kommunestyra og vedtak om eventuell samanslåing Juni 2016 Fylkesmannen oppsummerer situasjonen i Telemark og kjem med tilråding til departementet Våren 2017 Regjeringa kjem med proposisjon om ny kommunestruktur Juni 2017 Stortinget gjer vedtak om ny kommunestruktur September 2017 Stortingsval Hausten 2017 Oppstart av hovudprosjekt Sommaren 2019 Hovudprosjekt ferdig September 2019 Kommuneval for evt. ny kommune 1.januar 2020 Ny kommune blir iverksett Tabellen ovanfor syner tidslina for kommunereforma. Dei vedtaka kommunestyra evnt. gjer i januar/februar 2015 om å gå vidare mede eit forprosjekt bind ikkje kommunane til å gå inn for ei kommunesamanslåing. Grunnlaget for ei slik avgjerd vil bli gjort i forprosjektet. Og det er fyrst dei vedtaka som skal fattast før sommaren 2016, som vil bli bindande for kommunane. Fattar kommunane vedtak om samanslåing vil fylkesmannen innkalle eit felles kommunestyremøte etter reglane inndelingslova og hovudprosjektet kan settast i gang. Blir det ikkje fatta vedtak om samanslåing vil fylkesmannen i løpet av hausten 2016 gje ei tilråding og så skal regjeringa kome med ei stortingsmelding våren Deretter skal stortinget ta endeleg avgjerd når det gjeld framtidig kommunestruktur. Endeleg resultat vil dermed ikkje ligge føre før sommaren I så fall er det ikkje grunn til å starte noko hovudprosjekt før hausten I kommuneproposisjonen er det lagt til grunn at kommunane bør bruke 1½ år på hovudprosjektet. Etter denne planen vil ein ha ca. 2 år til rådvelde. Konklusjon: Fyresdal kommune er minst i folketal av kommunane i Vest-Telemark og ligg lengst vekk frå dei største trafikkårene i regionen. Fyresdal kommune har i alle år hatt eiga handlekraft til å utvikle eige næringsliv og gje gode tenestetilbod. Dersom rammevilkåra ikkje endrar seg vesentleg og folketalet aukar kan det vere fleire fordelar med å halde fram som eigen kommune. Uansett om vi slår saman alle kommunane i Vest-Telemark får vi eit lågare folketal enn det ekspertutvalet rår til. Fyresdal er i dag avhengig av å utvikle arbeidsplassar lokalt og er ein liten del av regionen sin felles bu- og arbeidsmarknad. Om ein større kommune vil kome til å ha fokus på å skape nye arbeidsplassar i "gamle" Fyresdal kommune framfor meir sentrale delar av regionen er tvilsamt. Folketalsutviklinga kan ytterlegare bli sett på ei stor prøve. Ei utvikling av det godt etablerte samarbeidet i Vest-Telemark vil vere ei god løysing for Fyresdal kommune. Om kommunen skulle bli ståande att aleine, ville nok det kunne bli ei for stor oppgåve. Fyresdal kommune bør difor vere med i ein dialog med kommunane i Vest- Telemark for om alle kommunane kan bli ein kommune. Om ikkje det let seg gjere bør ein arbeide for å utvikle eksisterande samarbeid i Vest-Telemark eller gå i ein dialog med dei Side10

11 kommunane som vi har mest til felles med, og som saman kan utvikle ein felles bu og arbeidsmarknad. Innstilling frå rådmannen: - Kommunestyret i Fyresdal ynskjer primært at samarbeidet i Vest-Telemark skal halde fram og utviklast slik at oppgåver kommunane har kan løysast i den einskilde kommune eller om det er føremålstenleg i eit regionalt samarbeid og/eller i samarbeid med andre regionar/kommunar. - Om kommunane i Vest-Telemark ynskjer eit forprosjekt i regi av Vest-Telemarkrådet deltek Fyresdal kommune i dette forprosjektet som omfattar to alternativ: Ein kommune i Vest-Telemark Oppretthalde alle kommunane, med ei forplikting om meir interkommunalt samarbeid - Dersom færre enn seks kommunar vel å delta i forprosjektet, skal saka attende til ny handsaming i kommunestyra. - Om forprosjektet kjem i gang ynskjer kommunestyret i Fyresdal å invitere kommunane Vinje og Tokke til å greie ut ei mogeleg samanslåing av dei tre kommunane. Utgreiinga blir ein del av forprosjektet med finansiering gjennom Vest-Telemarkrådet. - Kommunestyret i Fyresdal legg rådmennene i Vest-Telemark sitt omforente forslag til tilråding (kursiv tekst under vurdering i saksutgreiinga) i sitt heile til grunn for vedtak i saka. Ketil O. Kiland rådmann Ketil O. Kiland Rådmann Side11