SAMLA SAKSFRAMSTILLING

Transkript

1 Side 1 SAMLA SAKSFRAMSTILLING Arkivsak: 12/ /14 Saksbeh.: Arkivkode: Saksnr.: Utval Møtedato 61/14 Formannskap/ plan og økonomi /14 Kommunestyret Magnhild Gjengedal PLAN soneinndeling SAMLA SAK - DETALJREGULERINGSPLAN FOR BRYNAVOLLEN PLAN-ID GONGS HANDSAMING Administrasjonen si innstilling: I medhald av plan og bygningslova godkjenner KST privat detaljreguleringsplan for Brynavollen, plan-id , slik det går fram av plankart, datert , planomtale datert og reguleringsføresegner, datert , sist revidert , signert Tegra arkitekt og ingeniørtjenester. Formannskap/ plan og økonomi den sak 61/14 Behandling i møte: Administrasjonen si innstilling vart samrøystes tilrådd. Tilråding: I medhald av plan og bygningslova godkjenner KST privat detaljreguleringsplan for Brynavollen, plan-id , slik det går fram av plankart, datert , planomtale datert og reguleringsføresegner, datert , sist revidert , signert Tegra arkitekt og ingeniørtjenester. Saksordførar: Knut Olav Nestås Kommunestyret den sak 61/14 Behandling i møte: Repr. Knut Olav Nestås la fram saka på vegne av utval for formannskap/plan og økonomi. Røysting: Tilrådinga frå utval for formannskap/plan og økonomi vart samrøystes vedteken. Vedtak: I medhald av plan og bygningslova godkjenner KST privat detaljreguleringsplan for Brynavollen, plan-id , slik det går fram av plankart, datert , planomtale datert og reguleringsføresegner, datert , sist revidert , signert Tegra arkitekt og ingeniørtjenester.

2 Side 2 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. * Planomtale, datert 12.06,2013, sist revidert * Reguleringsføresegner, datert , sist revidert * Plankart datert , sist revidert * Illustrasjon uteopphalds- og leikeareal, datert * Soldiagram, datert * Illustrasjonssnitt, datert * ROS-analyse, datert , revidert * Merknad ved offentleg ettersyn Fylkesmannen i Hordaland, datert Hordaland fylkeskommune, datert Jernbaneverket, datert NVE motsegn, datert NVE trekker motsegn, datert Bebuarane på Brynavollen, datert Statens vegvesen, datert Voss energi, datert Øystein Klyve, datert Har du problem med å opne dokument på heimesida, ta kontakt med planavdelinga på tlf , eller send e-post til zehra.causevic@voss.kommune.no 3. SAMANDRAG AV SAKA: Planforslaget gjeld 2. gangs handsaming og endeleg godkjenning av privat detaljreguleringsplan for Brynavollen, plan-id Tiltakshavar er Tharaso bygg og eigedom. Planområdet er lokalisert mellom Raundalselva og toglinja på Hardangerbana. Tilkomst til området er i forlenging av den kommunale vegen Brynavollen. Føremålet med planen er å legge til rette for utbygging av 36 husvære fordelt på tre bygningskroppar, uteområde, leikeareal, tilkomst og parkeringsløysing. Ved offentleg ettersyn kom det inn sju merknader og ei motsegn, seks frå offentlege instansar og to frå private. Desse er kommentert og innarbeidd i planen av Tegra arkitekt og ingeniørtjenester. Motsegna er no trekt og planen kan leggjast fram til endeleg godkjenning. 4. FAKTA OM SAKA: Tegra har på vegne av tiltakshavar Tharaso bygg og eigedom fremja privat detaljreguleringsplan for Brynavollen i Voss kommune. Planprosess: Det vart gjennomført oppstartmøte Oppstart vart handsama i FPL sitt møte Det vart varsla oppstart av planarbeid i avisa Hordaland den Frist for å komme med innspel Det kom inn 8 innspel. 6 frå offentlege instansar og 2 frå private. Undervegsmøte vart halde Varsel om endring i planarbeidet vart varsla

3 Side 3 Frist for å kome med innspel Vedtak i FPL om utlegging til offentleg ettersyn Frist for å kome med innspel Det kom inn 7 merknader og ei motsegn, 6 andre frå offentlege instansar og 2 frå private Motsegn frå NVE. Det vart framsett grunna at flaum- og skredfare ikkje var godt nok utgreidd i planen. Etter at det er gjort endringar i plankartet og reguleringsføresegnene, og ROS-analysen er oppdatert finn NVE ikkje lenger grunnlag for motsegn. NVE trekte motsegna i brev datert Føremål med planarbeidet: Føremålet med planarbeidet er å oppnå ei høgare utntytting og ein annan type bustader enn det som ligg i gjeldande detaljreguleringsplan for Brynavollen plan-id 97014, sist endra No vert det lagt till rette for 36 husvære fordelt på tre bygningskroppar, med parkering i kjellar, tilkomst og felles uteopphalds- og leikeareal. Overordna plan: I den gjeldande reguleringsplanen, Brynavollen plan-id 97014, er området i dag regulert til bustadføremål, offentleg veg, spesialområde vassdrag, og fellesområde leikeplass. Den øvrige delen av planområde har i kommuneplan for Voss føremål LNF. Området nordaust i planen er teken med etter merknad frå Statens vegvesen ved oppstart. Dette vart gjort for å kunne regulere areal til gang- og sykkelveg. Ny regulering fører ikkje til avvik frå overordna plan. Planområdet: Planområdet er på totalt 27,8 dekar. Det ligg langs Hardangervegen, aust for Voss sentrum. Området er avgrensa av Raundalselva i nordvest og av Hardangervegen og deler av den gamle Hardangerbanen i søraust. I nordaust grensar planområdet mot området ved bru over Brynagjelet og i sørvest mot eksisterande bustadområde på Brynavollen. Planområdet er i dag ikkje utbygt. Området rundt er prega av sentrumsnær busetnad mot sør og vest, industriområde i aust og LNF-område i nordaust. Området B1 er to tidlegare utskilde tomter. Den eine er utbygd, medan den andre er under utbygging. Terrenget frå Hardangervegen og jernbanesporet og mot Raundalselva er skrånande med småskog. I nordaust går det frå kote +72 til +51 og i sørvest går det frå kote +64 til +49. Planområdet ligg vendt mot nordvest, med ettermiddagssol og utsikt mot Tvildemoen og Hangurslia. Det skal settast opp sikringsgjerde mellom gang- og sykkelvegen og jernbanesporet. Jernbaneverket har også merknad vedkomande sikring av sjølve jernbanesporet i utbyggingsperioden, dette går fram av reguleringsføresegnene. Jernvaneverket har påpeika at det må inn eit punkt i reguleringsføresegnene som tek i vare: Stabilitet for jernbanesporet, avrenning, tilhøve knytt til ulovleg ferdsel i sporet og risiko i samband med rydding av snø i sporet. Nemnde punkt må utgreiast nærare av fagkunnig personell før byggeløyve vert gjeve. Nær og fjernverknad

4 Side 4 Planområdet ligg i skrånande terreng mellom Hardangerbana og Raundalselva, noko som ikkje fører med seg nærverknad for eksisterande busetnad. Når det gjeld fjernverknad vil området til dels vere synleg frå Tvildemoen. Friområde mellom byggegrense og Raundalselva vil skjerme området for innsyn frå andre sida av elva Topografi og vegetasjon gjer at byggjeområdet er lite synleg frå landskapet på austsida av Raundalselva. Jernbanesporet ligg på ein rygg mellom Hardangervegen og planlagde bustader. Infrastruktur og parkering Tiltaket vil ikkje føre til ny avkøyrsle frå Hardangervegen. Trafikktryggleiken i området er god. Planområdet har tilkomst via eksisterande avkøyring frå Hardangervegen ved kommunal driftsavdeling på Brynavollen. Eksisterande avkøyring til Hardangervegen 102 (B3, aust i planområdet) vert stengt. Ny tilkomstveg til denne eigedomen vert i forlenginga av tilkomstveg/gang og sykkelveg frå Brynavollen. Det vil bli opparbeidd gang- og sykkelveg gjennom området. I framtida skal denne koplast saman med gang- og sykkelveg i Brynagjeldet. Leik og opphald, barn og unges interesser Det er planlagt felles leikeareal som dekker minimumskrav til storleik, 900 m 2. Mesteparten av dette er plassert på stader med god kvalitet og gode soltilhøve. Brynavollen høyrer til Palmafossen skulekrins. Ungdomsskule ligg på Vangen og vidaregåande skular ligg på Vangen og Skulestadmoen. Næraste barnehage er Regnbogen natur og kulturbarnehage på Bryn og Voss barnehage på Tvildemoen. Energi/kommunaltekniske anlegg Energibruk for husværa skal halda seg til gjeldande regelverk. Det skal leggast til rette for vassboren varme. Universell utforming Bustadblokkene med tilhøyrande uteområde skal, så langt som mogleg vere tilrettelagt etter prinsippa for universell utforming (jmf. krav i TEK 10). ROS-analyse Det er gjennomført ei oppgradert ROS-analyse for området, og den avdekka at det må gjennomførast grunnundersøkingar og geoteknisk vurdering, dette gjeld både fare for setningar og utgliding. Det vert lagt inn radontetting av betongkonstruksjonar i parkeringsanlegg. 5. ADMINISTRASJONEN SI VURDERING: Ved offentleg ettersyn kom det motsegn frå NVE grunna mangelfull utgreiing av flaum- og skredfare. I tillegg kom det sju andre merknader, fem frå offentlege instansar og to frå private Norges vassdrags- og energidirektorat (NVE)

5 Side 5 NVE kom med motsegn og ber om at flaumutsett areal må leggast inn som omsynssone på plankartet, og at reell fare må ugreiast. I motsegna viser dei til 5-4 i PBL; «Grunnlaget for motsegna er at flaum- og skredfare mot planlagd busetnad ikkje er tilstrekkeleg utgreidd. Dersom det vert gjennomført ei fagkyndig utgreiing av flaum- og skredfaren, og konklusjonar frå denne vert innarbeidd i plankart og føresegner, slik at tilstrekkeleg tryggleik for busetnaden vert nådd, vil grunnlaget for motsegna falle bort.» Planleggjar sin kommentar: Det er no utført nærare utgreiing av flaumfaren. Den viser at planlagd busetnad ligg utanfor naudsynt omsynssone. Det er mellom anna gjennomført ein grundigare ROS-analyse som viser at elva renn på fast fjell forbi planområdet. Byggegrense er likevel sett til 20 m frå toppen av elveskråning. Busetnad kjem vesentleg over grensa for 200-årsflaum. Omsynssone for flaum er teke inn på plankartet og er teke inn i reguleringsføresegnene som eige føremål. Administrasjonen sin kommentar: Voss kommune sende brev til NVE, datert 22.05,2014, der det vart vist til rapport frå Cowi i høve til flaumfare, oppdatert ROS-analyse, plankart med omsynssone Flaumfare og reguleringsføresegner der desse punkta er innarbeidd. I tilbakemeldinga frå NVE skriv dei at grunnlaget for motsegna har falle vekk og at NVE difor trekker motsegna mot detaljreguleringsplanen for Brynavollen. Hordaland fylkeskommune Fylkeskommunen kom med merknader til planforslaget når det gjeld arkitektur, landskap, barn og unge sine interesser og folkehelse. Planleggjar sin kommentar: I nærare detaljering vil ein leggje særleg vekt på å få til best mogleg soltilhøve for alle bueingane, sett i høve til dei avgrensingane som ligg på tomten. Felles uteopphaldsareal og leikeareal ligg spreidd i planområdet. I tillegg ligg ein stor open leikeplass (FL1) sør i planområdet. Leikeareala som ligg spreidd har ulike terrengformasjonar og soltilhøve, men FL1 har gode tilhøve når det gjeld sol, i tillegg til at arealet har godt tilgjenge og kan utformast i høve til universell utforming. Administrasjonen sin kommentar: Gjennom heile planprosessen har plassering og vinkling av bustader vore viktige tema. Føremålet med endringa av tidlegare reguleringsplanen (planid 97014) er høgare utnytting av området. Det fell såleis godt saman med kommunen sitt ønskje om å fortette busetnaden i Voss sentrum. Det er sjølvsagt utfordrande å få til optimale soltilhøve for bustader som har fasade mot nordvest, og der fjellet ligg såpass nær som det er tilfelle her. Men slik det no ligg føre meiner administrasjonen at resultatet er akseptabelt. Planområdet ligg i eit smalt område mellom Raundalselva og jernbanesporet på Hardangerbanen. Sporet, som er lite brukt, ligg som ein voll mellom Hardangervegen og bustadane. Her er det lagt til rette for eit leikeareal som ligg sørvendt, det er no også planlagt leikeareal framfor bygningane, mot søraust. Leikeareal F1 ligg godt til mot sør med tanke på sol. Det vil også få god tilkomst og ligge til rette for universell utforming. Heile området mot sørleg grense i planområdet vil vere ein fin

6 Side 6 stad for leik og uteaktivitetsområde. Gang- og sykkelvegen vil vere tilkomstveg for ein bustad, B3. Jernbaneverket Jernbaneverket hadde ikkje merknader utover det som vart sendt til oppstart. Fylkesmannen i Hordaland Fylkesmannen har ikkje særlege merknader til planen. Voss energi Voss energi minner om at det må setjast av plass til nettstasjon inne i området. Planleggjaren sin kommentar: Plass til nettstasjon vil bli teke omsyn til i detaljprosjektering Statens vegvesen Statens vegvesen ber om at det vert presisert både i føresegnene og plankartet at «Eksisterande avkøyring frå rv. 13 til gnr/bnr 191/27, 42 skal fysisk stengast.» Planleggjaren sin kommentar: Avkøyringa ved Hardangervegen 102 er stengt med kode i SOSI-fila. Tekst er teke inn i reguleringsføresegnene. Øystein Klyve Øystein Klyve peikar på at tilkomst til eigedomen 191/27, 42 må takast i vare. Planleggjar sin kommentar: Illustrasjonssnitt som føl planforslaget viser at køyrbar gang- og sykkelveg ligg noko lågare enn Hardangervegen. God tilkomst til denne eigedomen med nøyaktig kotesetting vil bli gjort i detaljprosjekteringa. Konklusjon: Detaljreguleringsplan for Brynavollen som vert lagt fram for endeleg godkjenning er no godt gjennomarbeidd og legg naudsynte føringar for utbygginga av området. NVE har trekt motsegn mot planen etter at det er lagt inn omsynssone for Flaumfare på plankart og reguleringsføresegner. Det er også gjennomført ein oppdatert ROS-analyse. I tillegg er det lagt inn tilstrekkeleg areal for felles leikeareal, Føringane i planen vil sikre at det vert teke naudsynte omsyn til trafikktryggleik, landskapstilpassing gode uteareal/leikeareal, flaum m.m. Rekkefylgjekrav sikrar at tiltak vert følgd opp i rett rekkefølgje når det gjeld opparbeiding av området. Detaljreguleringsplanen utgjer 36 nye sentrumsnære bustader av ulike storleikar. Slik planen framstår no syner den løysingar med god kvalitet. Administrasjonen er nøgd med føringane som er lagt for utbygginga av området og rår til at privat detaljreguleringsplan for Brynavollen vert godkjent.