Reguleringsplan for «Rv. 55 Bondeviki Fardal. Utbetring av eksisterande veg» Vurdering av krav om konsekvensutgreiing

Transkript

1 Statens vegvesen Reguleringsplan for «Rv. 55 Bondeviki Fardal. Utbetring av eksisterande veg» Vurdering av krav om konsekvensutgreiing Forord I samband med planoppstart for regulering skal det vurderast om tiltaka i planen krev konsekvensutgreiing. Dette dokumentet er ei utgreiing av dette for denne reguleringsplanen, etter kriteria i forskrift om konsekvensutredninger. Det er i dokumentet også gitt ei skildring av planområdet og prosjektet. Vurderinga er utført av Statens vegvesen, som førebuing til planarbeidet. Skildring av planområdet Kartet i Figur 1 viser planområde for reguleringsplan for utbetring av eksisterande rv. 55 mellom Bondeviki og Fardal i Sogndal kommune. Planområdet strekk seg frå vest-enden av gang- og sykkelvegen langs Stedjeberget og til nordaust-enden av plangrensa for vedteken reguleringsplan for gang- og sykkelveg mellom Fardal og Ylvisåker. Planområdet grensar mot fjorden på delar av strekninga. Det er i tillegg tatt med eit område i fjorden ved Bondeviki, om det skulle vere ønskjeleg å vurdere å deponere noko overskotsmasse her. Planområdet er trekt litt opp i terrenget ovanfor vegen for å ta med areal viss det viser seg nødvendig å etablere sikring mot t.d. steinsprang eller ev. utføre reinskearbeid. Figur 1: Kart over planområde, vist med stipla svart strek. Postadresse Telefon: Kontoradresse Fakturaadresse Statens vegvesen Telefaks: Askedalen 4 Statens vegvesen Region vest firmapost-vest@vegvesen.no 6863 LEIKANGER Regnskap Askedalen 4 Båtsfjordveien Leikanger Org.nr: VADSØ Telefon: Telefaks:

2 Oppstart av planarbeid Det blir meldt om oppstart av reguleringsplanarbeid for utbetring av eksisterande rv. 55 mellom Bondeviki og Fardal i Sogndal kommune. Denne strekninga manglar tilfredsstillande skulder og rekkverksrom. Smale grøfter er eit sikkerheitsproblem pga. liten avstand til sidehinder som t.d. fjellskjeringar. Smale grøfter er og eit problem i høve iskjøving og isnedfall frå skjeringane. Det er også registrert nedfall av stein frå skjeringane. Det er skader på vegdekket enkelte stader som kan komme av ein kombinasjon av dårleg drenering, svake vegfyllingar og smale vegskuldrer. Det er også sig i vegbana på sjøsida ved Bondeviki, sannsynlegvis pga. utvasking av vegfyllinga mot fjorden. Ved Eskestrand er det ein høg mur som har fått setningsskadar. Her er det dårlege massar bak muren og øydelagt drenering. Det må etablerast ny mur i samband med utbetring av vegen. Årsdøgntrafikken (ÅDT) i 2014 var 2600 køyretøy med der 8 % var lange køyretøy (ÅDT-T). Opningsåret for prosjektet er satt til Prognoseåret er 20 år etter opningsåret, slik at det er prognose for ÅDT i år 2038 det skal planleggast etter. ÅDT 2038 er berekna til 2800 køyretøy med ein tungtrafikkdel på 12 %. Mål med reguleringsplanen Målet med reguleringsplanarbeidet er å planlegge utbetring av eksisterande veg slik at den tilfredsstiller krav i eksisterande vegnormalar. Det er utbetringsstandard U-H2 i handbok N100 Veg- og gateutforming som blir lagt til grunn for planlegginga. Tverrprofil for U-H2 ved fartsgrense 80 km/t er vist i Figur 2 nedanfor. 2 Figur 2: Tverrprofil for vegklasse U-H2 80 km/t. Statens vegvesen handbok N100 Veg- og gateutforming. For å legge tilhøve betre til rette for transportsyklistar på strekninga, vil vegen bli planlagt med utvida skulder til 1,5m på kvar side av vegbana i staden for 1m som vist på skissa ovanfor. Total vegbreidde blir da 9,5m. Der fartsgrensa er 60 km/t kan tverrprofilet reduserast noko som vist i Figur 3. Ved Fardal kan det difor vere aktuelt å redusere tverrprofilet jf. dette. Skulderbreidda bør uansett vere 1,5 meter, slik at total vegbreidde blir 9,0m. Det må også vurderast om det er aktuelt med ei anna løysing for gåande og syklande på strekninga forbi busetnaden, som t.d. einsidig gang- og sykkelveg.

3 3 Figur 3: Tverrprofil for vegklasse U-H2 60 km/t. Statens vegvesen handbok N100 Veg- og gateutforming. Det må etablerast betre grøfter og vurderast tiltak langs skjeringar for å unngå problem med drenering, iskjøving og is-/ steinnedfall. Reguleringsplanen skal vise område der det vil vere nødvendig å gjere inngrep for å få gjennomført tiltaket, nødvendig areal for tilkomst til anleggsområdet i byggefasen og framtidig driftsfase, og ev. behov for areal til rigg og deponi. Vurdering av krav om konsekvensutgreiing Aktuelle punkt i forskrifta Vurderingane er gjort i høve til «Forskrift om konsekvensutredninger», FOR Planer som skal vurderes nærmere c) reguleringsplaner for tiltak i vedlegg II. Vedlegg II. Planer etter 3 som skal vurderes etter vedlegg III: 10. Infrastrukturprosjekt e) Bygging av veier, havner og havneanlegg, herunder fiskehavner og offshorerelaterte havner, samt utvidelse eller vesentlig endret bruk av eksisterende havner og farleder. Vedlegg III. Vurdering av vesentlige virkninger for miljø og samfunn Planer etter 3, jf. Vedlegg II, som kan få vesentlige virkninger skal behandles i tråd med bestemmelsene i forskriften. Det skal vurderes om planer kan få vesentlige virkninger etter tredje ledd dersom det er sannsynlig at planen vil kunne komme i konflikt med eller medføre: b) kulturminner eller kulturmiljø som er fredet, midlertidig fredet eller foreslått fredet etter kulturminneloven eller vernet etter plan- og bygningsloven, eller hvor det finnes eller er stor sannsynlighet for å finne automatisk fredete kulturminner som inngår i kulturmiljø med stor tidsdybde. d) en forekomst av en utvalgt eller truet naturtype, verdifull naturtype av verdi A eller B, truet eller prioritert art, eller mot økologisk funksjonsområde for en prioritert art. 5 Planprogram Ut frå 5 i forskrifta, er det ikkje krav om at det skal utarbeidast planprogram for tiltak som kjem inn under 3 bokstav c.

4 4 Vurdering av krav om konsekvensutredning For punkt b) i vedlegg III i forskrifta, er følgjande vurdert: Ved synfaring i området vart det på oppsida av vegen ved Ryggsneset påvist ei røys. Lokaliseringa i landskapet, på eit punkt med vidt utsyn utover over innover fjorden, gjev sterke indikasjonar på at det er ei gravrøys. Forma og plasseringa gjer det sannsynleg at røysa kan daterast til bronsealderen. Figur 4. Røys på hylle ovanfor Ryggsneset. Det er truleg ei gravrøys frå bronsealderen. Foto: Marit Anita Skrede, SVV 2015 Røysa ligg i eit kulturlandskap, i dag mykje overgrodd, som også truleg har ei stor tidsdjupn. Her er ei heil rekkje fossile dyrkingsspor, mellom anna mange fossile åkrar (med klårt definerte åkerreiner), steingardar og rydningsrøyser. Her er vegfar frå ulike tidsepokar. I tillegg er her truleg både tuft(er) og kokegroper.

5 5 Figur 5. I området er mange som spor som kan knytast til jordbruk. Her er ein av dei mange steingardane. Foto: Marit Anita Skrede, SVV 2015 På nedsida av vegen på Ryggsneset vart det ved arkeologiske registrering i 1995 påvist ein eldstad, truleg frå jarnalderen. Det er SEFRAK-registrerte bygningar ved Eskestrand. Det skal ikkje gjerast tiltak som kjem i konflikt med desse bygningane. Konklusjon punkt b) i vedlegg III i forskrifta: Observasjonane som vart gjort ved synfaringa, gjer det svært sannsynleg at det finst automatisk freda kulturminne med stor tidsdjupn i planområdet. Ei utbetring av vegen vil kunne koma i konflikt med desse. Statens vegvesen vurderer det til at kulturminneverdiar i området løyser ut krav om konsekvensutgreiing. For punkt d) i vedlegg III i forskrifta, er følgjande vurdert: Det er registrert raudlista soppar i nærleiken av planområdet. Ingen av dei kartfesta førekomtane ligg i området som vegbygginga vil gripe inn i. Det er likevel ikkje utelukka at det også kan finnanst førekomstar av artane nærare dagens veg enn det som er registrert til no. Det vil difor bli gjort søk etter artane i dette området i vekstsesongen.

6 6 Det er også prioriterte naturtypar i planområdet, som vist på kart nedanfor. Figur 6. Prioriterte naturtypar markert med grøn skravur. Kjelde Fylkesatlas, To av områda er i Naturbase registrert som utvalde naturtypar, jf. naturmangfaldlova kap. VI og forskrift om utvalde naturtypar. Dette er to slåttemarker, Eskestrond aust (BN ), verdi B/viktig (nr.3 på Figur 6) og Eskestrond (BN ), verdi B/viktig (nr. 1 på Figur 6). På oppsida av vegen lenger vest er det registrert eit område med hagemark, Eskestrond vest (BN ), med verdi svært viktig/a (nr 2 på Figur 6). Områdeavgrensingane og typeinndelingane kjem frå kartlegging av biologisk mangfald i Sogndal kommune i 2000 (Nedrelo, 2001) eller tidlegare registreringar i regi av Høgskulen i Sogn og Fjordane. I 2011 vart det utført ei supplerande naturtypekartlegging (Flynn m.fl., 2014). I denne kartlegginga vert det vurdert at lokaliteten på nedsida av vegen (Eskestrond) bør takast ut av Naturbase fordi bruken er opphøyrd og marka attgrodd. Vidare er slåtteenglokaliteten på oppsida av vegen (Eskestrond aust) føreslege omdefinert til haustingsskog, med lokal verdi (C). Lauvenger inngår som ein del av mosaikken i området. Delar av lokaliteten er difor framleis utvald naturtype i høve til forskrifta om utvalde naturtypar. Den vestre lokaliteten på oppsida av vegen (Eskestrond vest), er i dei nye registreringane også definert som haustingsskog, med regional verdi (B), men utan lauvenginnslag. Lokalitetane grensar delvis til vegen. Kartlegginga frå 2011 (publ. 2014) er ikkje registrert i Naturbase enno. Vi har gått gjennom dei vegnære områda i dei registrerte naturtypene på oppsida av vegen, jf. Figur 11. I det vestre området er det nokre styvingstre. Nærast vegen er det bjørk, elles er det også styva meir varmekjære tre (truleg ask) i området, jf. Figur 7. Det er lite sannsynleg at tiltaket med utbetring av riksvegen vil føre til at desse trea må fjernast. Det er elles mykje hasselkratt i området. Gran er i spreiing. Grunnsjiktet er dominert av mosegrodd blokkmark. Det er også parti mot vegen med meir eller mindre bart fjell med noko rogn, furu og einer. Langs vegen elles registrerte vi fleire maurtuver som var delvis utgravde, sannsynlegvis av spettar.

7 7 Figur 7. Registrering av styva tre i delar av Eskestrond vest. Kvite er bjørk, grøne er truleg ask Figur 8. Eskestrond vest sett frå vegen Foto Eli Mundhjeld Det vegnære området i Eskestrond aust gjennom svingen på Ryggsneset er i hovudsak bratte bergknausar med einer på dei små berghyllene i mellom. Verdifulle tre (gammal, men ikkje spesielt stor, styva ask eller alm) og opne parti/tidlegare hausta eng, ligg eit godt stykke frå vegen, jf. Figur 9.

8 8 Figur 9. Registrering av styva tre og tidlegare hausta eng i delar av Eskestrond aust. Mørk grønn er styva alm el. ask, ljose grøne er små opne parti i skogen. Figur 10. Eskestrond aust, sør/vest for svingen t.v. og nord/aust for svingen t.h. Foto: Eli Mundhjeld

9 Det går ein del eldre driftsvegar opp frå riksvegen, og i området elles. Det er også andre spor etter tidlegare drift i området, t.d. røyser og murar. Dette er vurdert i høve til kulturminne og kulturmiljø. Aktuelt tiltak med utbetring av eksisterande veg, vil truleg ikkje omfatte inngrep i dei viktigaste naturverdiane i området, sjølv om det grip noko inn i det som etter nye registreringar er definert som naturtype haustingsskog (B- og C-lokalitet). Det er enno ikkje avklara kor omfattande anleggsområdet vil bli. Dette er avhengig av dei geologiske vurderingane og omfang av justering av veglinje. Dersom tiltaket vil krevje at det vert gjort inngrep i eit breitt område ut i frå eksisterande veg, må høve til konsekvensutgreiing vurderast på nytt. Det vil elles bli vurdert tiltak for å gjere minst mogleg skade i desse områda. Konklusjon punkt d) i vedlegg III i forskrifta: Tiltaket vil kunne føre til utløysing av krav om konsekvensutgreiing. Dette vil vi måtte vurdere nærare når vi ser omfang av tiltaket i området. Referansar: Artskart, : Fylkesatlas, : Flynn, K. M., Fjeldstad, H., Gaarder, G., Hansen, U., Biologisk mangfald i Sogndal kommune. Supplerande naturtypekartlegging i Miljøfaglig utredning. Rapport 2014: s + vedlegg. ISBN Forskrift om utvalgte naturtyper etter naturmangfoldloven, FOR Naturbase, : www. naturbase.no Nedrelo, E., Biologisk mangfald i Sogndal kommune. Kartlegging og verdisetting av naturtyper, vil og raudlisteartar. Nærare studier av artsrike vegkanter i Sogndalsdalen. Cand. Scient. Oppg., Norges Landbrukshøgskule,

10 10 Figur 11. Sporlogg frå og , Eskestrond vest og aust Konklusjon Statens vegvesen vurderer at tiltaka i reguleringsplan «Rv. 55 Bondeviki Fardal. Utbetring av eksisterande veg.» utløyser krav til konsekvensutgreiing for bokstav b) om kulturminne og kulturmiljø jf. vedlegg III i forskrift om konsekvensutgreiing for planar etter plan- og bygningslova. Tiltaket kan også utløyse krav om konsekvensutgreiing for bokstav d) i vedlegg III i forskrifta. Dette må vurderast når vi har fått utført noko planarbeid og ser omfanget av tiltaket. Jf. 5 i forskrifta er det ikkje krav til at det skal utarbeidast planprogram for planar som vert omfatta av 3 bokstav c). Konsekvensutgreiinga vil bli utført i ht. Statens vegvesen si handbok V712 Konsekvensanalysar for aktuelle fagtema. Leikanger,