- bygdemobilisering i Vinje skulekrins SLUTTRAPPORT JANUAR 2010 DESEMBER Vest-Telemark Næringsutvikling

Transkript

1 - bygdemobilisering i Vinje skulekrins JANUAR 2010 DESEMBER 2012 SLUTTRAPPORT 1 Vest-Telemark Næringsutvikling

2 INNHALD SAMANDRAG 3 Føremål etter vedtektene 3 Om sluttrapporten 3 Mål i prosjektskildringa 3 ORGANISERING OG ANSVAR 4 Bakgrunn 4 Rammer og prosjektperiode for planen 4 FLYT-møte 4 Styret i Liv i Vinje 4 Oppstart av prosjektet 4 GJENNOMFØRT I PROSJEKTPERIODE / MÅLREALISERING 5 H1: Oppstart med ny organisering 5 H2: Gjennomføre satsingsområdet «Bulyst i Vinje» 6 Tilrettelegge for attraktive og aktuelle bustadmoglegheiter. 6 Sosiale møteplassar for barn og ungdom. 6 Jobbe med skuletilbodet i Vinje. 7 Trekke inn regionale bulysttiltak med lokal gjennomføring 7 Jonsokfeiring ved Vinjevatn 7 Måndagsmiddag 7 Heimeside og sosiale medier 8 Fotokonkurranse i samarbeid med Vinje Handverkslag 8 Velkomst/integrering 8 Andelslandbruk i Vinje 8 Tur/stadnamn 9 Bygdebrev 9 H3: Gjennomføre satsingsområdet «Ny Næring i Vinje» 9 Kulturnæringshage 9 Næringsbygg 9 Eigarskifte på Mjonøy 9 Vinje litteraturpark 9 H4: Gjennomføre satsingsområdet «Arrangement i Vinje» 10 Bøgrend Autofest 10 Påfonnprisen 12 Bøgrend Automarken 13 H5: Rapportering, sluttrapport og resultatoverføring 13 Besøk frå Hjelmeland kommune 13 Vertsskapsseminar 13 Sluttrapport 13 OPPSUMMERING AV PROSJEKTARBEID/ERFARING MED METODEN 14 Organisering av bygdeutviklingsprosjekt 14 Generelt om bygdeutviklingsprosjekt 14 Spesielt: erfaringar frå Liv i Vinje 14 Rammer for prosjektet og handsaming av innspel 15 KOSTNADAR OG RAMMER 15 AVSLUTNING 15 VEDLEGG 15 2

3 Ungane ved oppvekstsenteret syng «Heim te Vinje» for full hals. Foto: Anne Vesaas SAMANDRAG Liv i Vinje var eit 3-årig bygdeutviklingsprosjekt i Vinje skulekrins, ein av 5 skulekrinsar i Vinje kommune. Liv i Vinje vart til etter initiativ frå bygdefolk i skulekrinsen. Skulekrinsen Øyfjell hadde nett avslutta eit 3-årig og vellukka bygdeutviklingsprosjekt og politikarane i Vinje signaliserte vilje til ei ny satsing i Vinje skulekrins. Etter nokre bygdemobiliseringsmøte og søknad til kommunen vart det løyvd kr i 3 år. Liv i Vinje vart stifta , og prosjetleiar starta i januar-februar Prosjektet vart avslutta , jmf. vedtektene. > Sjå vedlegg: Vedtekter Liv i Vinje Prosjektet Liv i Vinje har generert mange spennande tiltak i prosjektperioden. Tiltak som har gjort livet i skulekrinsen rikare. Både store og små arrangement har vore gjennomført, og har både skapt samhald og blomstring i bygda. Det har vore ei god rørsle i bustadmarknaden, men denne hadde truleg kome uavhengig av prosjektet. Likevel har nok prosjektet supplert den naturlege utviklinga med eit ekstra fokus på bustadsituasjonen i denne perioden, noko me trur vil halde fram også etter at prosjektet er avslutta. Føremål etter vedtektene Livivinje er ein samanslutnad som arbeider for auka trivnad og livskvalitet for dei som bur i Vinje skulekrins. Livivinje arbeider og for å auke folketalet og sikre elevgrunnlaget for Vinje Oppvekstsenter i framtida. Ved bruk av ulike virkemiddel skal samanslutnaden legge tilrette for opparbeiding av nye tomter, ny busetnad og rørsle i ein sovande bustadmarknad. Om sluttrapporten Herunder vil me rapportere på prosjektplanen som vart vedteke av styret i januar Aktivitetane i det fyrste året av prosjektet er sauma inn i rapporten slik at rapporten skildrar heile prosjektperioden. > Sjå vedlegg: Prosjektplan for Liv i Vinje Mål i prosjektplanen Kortsiktig mål: Auka trivsel og livskvalitet for dei som bur i Vinje skulekrins. Legge til rette for opparbeiding av nye tomter, ny busetnad og rørsle i ein sovande bustadmarknad. Legge til rette for nye næringsetableringar. Langsiktig mål: Auke folketalet og sikre beste skule- og fritidstilbod for ungane i Vinje skulekrins. Arbeide for at Vinje skal vera ein attraktiv stad å bu, arbeide og oppleve. 3

4 ORGANISERING OG ANSVAR Bakgrunn Fyrste halvår av prosjektet vart det arbeidd ein del med å finne arbeidsgjevar til prosjektleiaren. Til slutt var det Vest-Telemark Næringsutvikling som tok på seg denne oppgåva. Frå september 2010 var arbeidsgjevar og kontorplass i Veksthuset i Kviteseid i orden. Etter endt 1. år av prosjektet ynskte prosjektleiaren å seie ifrå seg stillinga. Styret i Liv i Vinje ynskte å få eit prosjektforslag for ei vidare gjennomføring av prosjektet frå Vest-Telemark Næringsutvikling (VTNU). VTNU utarbeidde eit forslag til prosjektplan og denne vart vedteke på styremøtet i Liv i Vinje den 6. januar Rammer og prosjektperiode for planen Prosjektet omfattar grendene i Vinje skulekrins. Prosjektstart: 1. januar 2011 Prosjektslutt: 31. desember 2012 Organisering Oppdragsgjevar Prosjektansvarleg (PA) Prosjektleiar (PL) Prosjektgrupper Personressurser i prosjektet Ansvar Styret i Liv i Vinje VTNU v/haldor Kaasin VTNU v/ole Dalen «Bulyst i Vinje», «Ny Næring i Vinje» og «Arrangement i Vinje» HA 2: VTNU v/elisabeth Lid HA 3: VTNU v/eivind Kaasin og Ole Dalen HA 4: VTNU v/silje Hegg Prosjektleiarane har jobba på alle aktivitetsområda i prosjektet. Styret i Liv i Vinje ynskte seg aller helst ein person som var tett på livet i krinsen, og som budde og hadde kontor der, men fann at denne nye organiseringa var ei god alternativ løysing. Prosjektleiinga synest det var bra å vera fleire om oppgåvene knytt til prosjektarbeidet, sidan slike jobbar ofte vert einsame. FLYT-møter Den nye organiseringa gjorde at styret tok initiativ til å ha FLYT-møter i mai Tanken med FLYT-møta var å ha ein regelmessig dialog og å skape nærleik mellom prosjektleiinga og bygdi. Ein gong i månaden møtte ein eller fleire av prosjektleiarane på FLYT-møte rett etter måndagsmiddagen på Vinjar. Ikkje mange nytta høvet til å møte prosjektarbeidarane på desse møta, men for dei som møtte var det nok likevel ein viktig arena for å få lufta tankar og idear. Hausten 2012 vart FLYT-møta annonsert med ulike tema, for kanskje å trigge fleire folk til å møte. Det vart m.a. arrangert gratis kurs i marknadsføring av arrangement, og ei idéskisse til kulturnæringshage vart presentert. Styret i Liv i Vinje Styret i Liv i Vinje var oppdragsgjevaren til prosjektleiinga ved VTNU. Styret hadde litt ulik samansetning gjennom perioden. Det har vore omlag 40 styremøte i prosjektperioden, frå arbeidsutval via interimstyre til styre. Ved prosjektslutt i desember 2012 sat desse i styret: Anders Sandvik (leiar), Anne Romtveit, Britt Rønningen, Ellen Nordstoga, Olav Rui, Sveinung Hylland Olsnes (vara), Inger Lise Ulsvik (vara). Oppstart av prosjektet I tillegg til generell prosjektadministrasjon, omfattande møteverksemd og arbeidet ein kan lesa meir om nedover i rapporten, vart det det fyrste året sendt ut infobrev om prosjektet til alle som hadde gått på Vinje skule og som då var mellom 25 og 45 år. Ein omfattande søknad om Bulystmidlar vart sendt til Kommunal- og regionaldepartementet. Søknaden vart tilrådd av Telemark fylkeskommune, men fekk likevel ikkje tilslag hjå departementet. Det vart også sendt ein søknad til Sparebankstiftelsen og Statkraft om midlar til segleklubb på Vinjevatn for ungdom i heile Vinje. 4

5 GJENNOMFØRT I PROSJEKTPERIODE / MÅLREALISERING Styreleiar Anders Sandvik i svevet. Foto: Luke Tennant H = Hovudaktivitet H1: Oppstart med ny organisering H1: Oppstart med ny organisering H2: Gjennomføre satsingsområdet «Bulyst i Vinje» H3: Gjennomføre satsingsområdet «Ny Næring i Vinje» H4: Gjennomføre satsingsområdet «Arrangement i Vinje» H5: Rapportering, sluttrapport og resultatoverføring Framhald med ny organisering Prosjektplanen vart presentert på årsmøtet (bygdemøte) i januar 2011 og i tillegg informert om i bygdebrev til alle husstandane i krinsen, og på heimesida til Liv i Vinje. Etter den lokale informasjonsrunden vart det sendt ut pressemelding. Pressekonferanse vart halde på Vinje skule i samband med innspelinga av Vinjesongen. Radio og aviser var til stades. I forslaget frå VTNU vart prosjektleiinga organisert i eit lag på 3, og etterkvart 4, personar som skulle jobbe med ulike delar i prosjektet. Dei 3 delane som vart definert i prosjektplanen var bulyst, ny næring og arrangement. Prosjektleiinga starta arbeidet med møter med etablerte arbeidsgrupper for å fastsette vidare aktivitet og sikre prosjektforankringa, i tillegg til å definere ei ny arbeidsgruppe knytt til næring. Denne gruppa var under oppsegling i 2010, men fekk fyrst si form seint Bulyst-ansvarleg i den nye prosjektleiinga knytte seg m.a. til den eksisterande bustadgruppa. Det vart ikkje etablert noko eiga gruppe for arrangement, sidan dei ulike arrangementa hadde ulike arbeidsgrupper kvar for seg. 5

6 Jonsokfeiring ved Vinjevatn. Foto: Luke Tennant H2: Gjennomføre satsingsområdet «Bulyst i Vinje»: Tilrettelegge for attraktive og aktuelle bustadmoglegheiter. Bustadgruppa jobba det fyrste året med å kartlegge status på alle tomme hus i krinsen. Eit grundig og godt arbeid vart gjort her, og brev til alle huseigarar med tomme hus vart sendt ut, med oppmoding om å leige ut eller selje. Det var lite respons frå huseigarane på desse breva. Gruppa følgte også opp bupliktsaker i kommunen og var på befaring på aktuelle bustadtomter med folk frå planavdelinga i kommunen, for å knyte prosjektet opp til aktuelle planprosessar i kommunal regi. Kommunen var velvillig innstilt og hjelpsame i dette arbeidet. Ein ung, lokal arkitekt i bustadgruppa laga til slutt fine prospekt på desse potensielle bustadtomtene. Prospekta vart distribuert på internett lokalt og regionalt, på flygeblad lokalt, i tillegg til at dei fekk redaksjonell omtale i lokalavisa Vest-Telemark blad. Desse forsøka endte med at for få folk hadde tid og kapasitet til å gjera ein innsats. Nye initiativ er teke seinare i prosjektperioden, og dette arbeidet sorterer no under Vinje ungdomslag. Så får me sjå kva ungdomslaget får til vidare, og om dei får med seg fleire aktive medlemmar. > Sjå vedlegg: Tomteprospekt Sosiale møteplassar for barn og ungdom. Det fyrste året vart det jobba med å få liv i Vinje Ungdomslag som lenge hadde vore inaktivt. Det siste året i prosjektperioden gjenoppsto Vinje Ungdomslag og noko av det fyrste dei gjorde var å arrangere ein kveld med ungdomsklubb. Oppslutninga var god, med 17 frammøtte ungdommar. Det fyrste året vart det også jobba med å få i sving ei kulturgruppe, og seinare ei teater-og revygruppe. Tomteprospekt. Utforma av Sigrid Vesaas. 6

7 Jobbe med skuletilbodet i Vinje. Liv i Vinje inviterte tidleg til samarbeid med skulen og spurte om dei ynskte å delta i prosjektet på nokon måte. Styret diskuterte mykje kring skulen si rolle i bygdi. I dialog med dei tilsette på skulen vart det tidleg i 2011 utarbeidd eit forslag til oppussing av inngangspartiet på skulen. Dette var tenkt som starten på ei meir aktiv vertsskaphaldning i bygdi, med skulen som ein viktig møtestad for nye innbyggarar. Idéskissa vart overlevert skulen i mars Trekke inn regionale bulysttiltak med lokal gjennomføring Med base i bustadgruppa gjennomførte prosjektarbeidar på Bulyst eit seminar om generasjonskifte på gardsbruk saman med Østnorsk Landbruksrådgivning våren Deltakinga var god, og tilbakemeldingane var at det var eit nyttig seminar. Jonsokfeiring ved Vinjevatn Jonsokfeiring ved Vinjevatn blei gjennomført med god hjelp av grendelaga. Det var mange oppmøtte, leikar for ungar og vaksne, felles grill, stort bål, iskrem og god stemning. I 2012 vart feiringa avlyst pga tungt regn. Det store bålet som var bygd vart fyra opp til Olsok i staden. Måndagsmiddag Kvar måndag blir det laga middag på dugnad for heile bygdi på Vinjar. Dette tiltaket starta i 2009, før prosjektet fekk finansiering og formell form. Det rullar og går med 7-8 arbeidslag som byttar på å lage middag kvar måndag. Dette er ein unik møteplass skapt med unik dugnadsinnsats. Idéskisse - gang på Vinje skule. Utforma av Sigrid Vesaas > Sjå vedlegg: idéskisse for Vinje Skule Ungane på oppvekstsenteret var med som kor på innspelinga av vinnarsongen ( Heim te Vinje ) i songtevlinga til prosjektet. Frivillige krefter mobilisert av prosjektet kom inn i skulen og hjalp skulen med songøvingane. Odd Nordstoga kom heim og jobba ein dag i studio med ungane. Studio vart sett opp i Vinjarsalen. Dagen vart dekt av 3 aviser og Telemarkssendinga på radio. Tiltaket har fått mykje mediemerksemd, m.a. to tv-reportasjar i NRK Østafjells og NRK Supernytt. Tiltaket har også inspirert andre bygder til å prøve det same. Signala frå folkemøtet i september 2012 er at dette er noko bygdefolk gjerne vil ha med seg vidare etter prosjektperioden. 7 Måndagsmiddag på Vinjar. Foto: Ole Dalen

8 Heimeside og sosiale medier Heimesida vart laga på dugnad av Luke Tennant og Kari Nestestog i 2009, i starten av bygdemobiliseringa. I tillegg til delar av prosjektleiinga har dei drifta portalen sidan. Folk sender dei informasjon dei vil ha ut på sidene. Kari og Luke heldt kurs i oppdatering av heimesida hausten 2012, og håpet er at nokon andre også vil bidra med redigeringa vidare, etter prosjektperioden. Det fyrste året oppretta prosjektet også ei eiga facebookside, og ein twitter-konto. Desse har vore administrert av prosjektleiarane, men også andre har hatt tilgang til å legge ut informasjon på desse profilane. Styret har ansvaret for vidareføring og utvikling av arbeidet i desse kanalane. Fotokonkurranse i samarbeid med Vinje Handverkslag Samstundes som det vart utlyst ei songtevling i Liv i Vinje vart det lyst ut ein fotokonkurranse. I fleire temakategoriar vart vaksne og ungar oppmoda til å tevle i kvar sine klasser. Bileta skulle vera frå Vinje skulekrins og prosjektet oppfordra spesielt skulen til å delta og inkludere tiltaket i passande undervisning. Prosjektet samarbeidde med Vinje Handverkslag som sa ja til å stille ut dei beste bileta på Vinjeutstillinga Ein jury plukka ut nesten 30 bilete som vart trykte opp og fekk vera med på utstillinga, i tillegg til å kåre eit vinnarbilete, som fekk pryde årets utstillingsbanner. Det var eit positivt samarbeid med Vinje Handverkslag. Velkomst/integrering Velkomstkomitéen har dela ut velkomsthelsing til 14 nye husstandar, i tillegg til tre lokale som har kjøpt seg hus i krinsen, og endå tre husstandar som komitéen ikkje har vitja med helsing endå. Det blir 20 i alt. Andelslandbruk i Vinje Ein engasjert gjeng ynskjer å starte andelslandbruk i Vinje og arrangerte ein spennande temakveld med Knut Vollan frå Norsk landbruksrådgivning Østafjells hausten Dei sendte i siste bygdebrev før jol 2012 ut ei oppmoding om at interesserte og potensielle grunneigarar måtte melde seg: Før var det slik at dei fleste hadde ein jordepleåker og kjøkenhage med bær og grønnsaker. Slik kunne dei sjølve skaffe det som hushaldet trong direkte frå jorda. Dette er det omtrent slutt med, og gruppa meiner yngre generasjonar difor mistar verdfull kunnskap om denne matauka. Sjølv om t.d. jordepleonna kunne vera arbeidsam, så var det òg eit viktig felleskap i onnearbeidet, ofte mellom grannar og gjerne slik at fleire generasjonar deltok på sama åkeren. Eit slikt arbeidsfelleskap om dyrking og hausting ynskjer dei å få igang att i Vinje. > Sjå prosjektskisse: Vinje Jordfresarlag 8 Bilete frå fotokonkurransen. Foto: Knut Krossbakken

9 Tur/stadnamn Eldsjela i stadnamngruppa, som hadde nokre møte det fyrste året, jobba vidare med stadnamn i historielagssamanheng. Noko turgruppe vart ikkje etablert i prosjektet. Bygdebrev Distribuert til alle husstandar i skulekrinsen sju gonger. Det har kome ut to brev i året, eitt før sommaren og eitt før jol. I tillegg til å innehalde nyttig informasjon frå styret og prosjektleiinga har brevet fortalt om hendingar og anna moro i siste halvår og meldt om komande arrangement og planar. Etterkvart vart fleire lag flinke til å sende inn informasjon frå sine aktivitetar til bygdebrevet, som vart meir og meir omfattande for kvar gong. Bygdebrevet fekk gode tilbakemeldingar på folkemøtet i september, som noko som knyter bygdi tettare saman og inspirerer til å delta på arrangement i krinsen. Håpet er at nokon vil ta på seg å vidareføre dette arbeidet etter at prosjektperioden er over. H3: Gjennomføre satsingsområdet «Ny Næring i Vinje» Kulturnæringshage Det vart våren 2011 sett ned ei arbeidsgruppe som skulle arbeide med idear knytt til Ny næring i Vinje. Gruppa har arbeidd med idear om etablering av ein kulturnæringshage i Vinje. Våren 2012 kom Eivind Kaasin inn i Vest-Telemark Næringsutvikling og jobba vidare med ideane på hausten. I dette arbeidet har ein sett på kva ein slik kulturnæringshage kan innehalde med idear til prosjekt, funksjonar og aktivitetar. Arbeidet har resultert i ei idéskisse om mogleg utvikling av ein slik næringshage, og kva som må til på vegen vidare. Ideane og planane er ikkje sett i gang, men er eit godt utgangspunkt for vidare arbeid dersom det vert aktuelt. Ein har også starta med å kartlegge informasjon om kven som arbeider og/eller er aktive innan kulturnæringar i dei ulike bygdene knytt til Vinje, og i regionen elles. Dette kan vera grunnlaget for eit kulturnettverk i Vest-Telemark. Sjå vedlegg: Idéskisse til kulturnæringshage idéskisse til kulturlandsby Næringsbygg Det har vore bruka noko tid på å handsame innspel knytt til ledige næringsbygg i krinsen. Eigarskifte på Mjonøy Eigarskiftet på Mjonøy har vore viktig i prosjektperioden. Det er gledeleg at Mjonøy har fått nye unge drivarar med pågangsmot og vyer for framtida. Bygdebrev. Formgjeving: Anne Vesaas Vinje litteraturpark Prosjektleiinga var involvert i oppstarten av dette prosjektet som hadde arbeidstittelen Ord Uro Brot Bru, og som er leia av Vinje kommune v/ kulturetaten. 9

10 H4: Gjennomføre satsingsområdet «Arrangement i Vinje» Bøgrend Autofest festival på ein nedlagt bensinstasjon! Salen kokar under Blåmann Blåmann på Autofesten Foto: Anne Vesaas Bøgrend Autofest vart gjennomført tre somrar på rad i den nedlagte bensinstasjonen Bøgrend Auto, i Bøgrend. Prosjektleiinga i Liv i Vinje har bidratt med arbeidsinnsats i festivalen. Ansvarleg arrangør var konsertforeininga Havresekken som elles i året held til i Oslo. Dei vidareførte profilen sin Musikk du ikke veit du liker, på et sted du ikke visste du kom til å trives til Bøgrend og skapte med dette ein heilt unik festival i norsk samanheng. Allereie etter eitt år kom festivalen inn på festivalstøtteordninga til Norsk kulturråd, noko som er litt av eit nålauge. På Bøgrend Autofest fekk publikum servert god musikk innanfor et breidt spekter av sjangeruttrykk. Folkemusikk, jazz, rock, pop, klassisk, metal, elektronika og country sto side om side. Lokal forankring var eit tydeleg fokus og arrangørane samarbeida m.a. med Vinje Gardsmat og Bodil Nordjore og Øystein Løvlie som sto for matsalet med kjøttråvarer frå Vinje slakteri. Det tredje året stelte Vinje grendelag til overnatting i grendehuset sitt Breihjot; nok eit vellukka samarbeid. I tillegg til å ha eit unikt og solid konsept jobba arrangørane grundig med marknadsføring av festivalen og fekk såleis særdeles bra mediadekning. Totalt omlag 120 oppslag, klypp og artiklar fekk festivalen i aviser og radio, både lokalt og nasjonalt. I 2012 var det 1500 deltakarar på festivalen og billettane var utselde på førehand. Publikum var både lokale og langvegsfarande frå alle delar av landet, og aldersspreiinga var frå 20 år (aldersgrensa) til over 70 år. Festivalen vart på tre år godt kjend og bejubla av publikum i heile landet, og ikkje minst artistar. Festivalen sette verkeleg Bøgrend kartet. Arrangørane av Bøgrend Autofest tek no ei pause på ubestemt tid, for å finne ein berekraftig måte å gjennomføre og finansiere festivalen vidare. > Sjå eigne vedlegg presseoppslag og rapportar 10

11 Aasne Vinjerui, Lars Ole Hagen og ungane ved oppvekstsenteret framfører «Heim te Vinje» på platesleppet. Foto: Anne Vesaas Vinjesongen - Heim te Vinje Songtevling og vinnarsongen Liv i Vinje lyste i 2010 ut ei songtevling der prosjektet ynskte å få inn bidrag til ein ny song som skulle vera ein hyllest til Vinje. Song og musikk skapar trivsel, og målet var at songen skulle verke samlande og identitetsskapande, og bidra til å auke kjensla av å høyre til og bu på ein god stad. Håpet var også at songen skulle bli ein hit og skape positiv blest også utanfor Vinje sine grenser. Ni bidrag kom inn, og ein jury valde ut ein vinnar som prosjektet ynskte å gjera ei innspeling av. Vinnaren av songtevlinga vart Ingebjørg Harman Bratland, som hadde laga både tekst og melodi til songen Heim te Vinje. Vidare ynskte ein å inkludere så mange lokale bidragsytarar som mogleg, samt å gjera ei heilproff innspeling for å sikre eit godt sluttprodukt. Fleire av musikarane var lokale, ungane ved Vinje oppvekstsenter kora, og to ungdommar frå krinsen, Lars Ole Hagen og Aasne Vinjerui, fekk oppgåva med å synge songen. Odd Nordstoga stilte opp på dugnad og var produsent og konsulent for prosjektet. Han rigga opp studio i Vinjarsalen i mars 2011 der to dagar gjekk med til innspeling med lokale musikarar, vokalistar og ungar. Prosjektet nådde målet det hadde med songen Heim te Vinje. Den vart ein stor hit hjå vinbyggar og telemarkingar i alle aldrar, og songen blir stadig spelt på Telemarksendinga. Fyrste opplag på 500 cd-singlar vart utseld i løpet av to månader, og skiva er no ute i sitt tredje opplag (det er altså trykt 1500 cd ar). Heim te Vinje kom også til semifinalen i kåringa Tidenes Telemarkslåt i NRK Telemark i På Paafonndajen i 2011 var singelen ferdig trykt og det var stor konsert med alle bidraga frå songtevlinga i tillegg til plateslepp med vinnarlåta. Plakat for cd-singelen. Formgjeving: Anne Vesaas 11

12 Paafonndajen / Vibø-rennet Påfonnprisen Tanken bak Den fyste enternasjonale Paafonndajen som vart arrangert palmesundag 2010 var å samle folk til leik og moro på eit tidspunkt då ein del unge folk var heime i Vinje på ferie, samstundes som ein knytte seg til fødselsdagen til AO Vinje og hans legendariske sitat: Folk maa eingong um Aaret vera galne og slaa seg lause og snu up ned paa alle Ting. Den fyrste Påfonnprisen vart dela ut i 2012 og gjekk til Vinje slakteri. Prisen skal premiere nyskaping innanfor Vinje skulekrins. Prismottakarane skal bidra til positiv omtale for området, auke trivnaden og aktiviteten i området, og kan gjevast til både lag og organisasjonar. Paafonndajen vart lagt til palmesundag, same dag som det tradisjonsrike Vibø-rennet (hopprenn og skirenn) som har blitt arrangert i Bøgrend i mange år. Ein tok vare på hopprenn og skirenn og la til kostymerenn, grendecup på 3er-ski og anna moro. I tillegg vart det felles middag og underhaldning på Vinjar på kvelden. Såleis styrkte ein eit eksisterande arrangement som trong ei vitamininnsprøyting og fekk med nye deltakarar på dette. Arrangementa har vore særs vellukka. Det var problem med litt lite sno til hopp-og skirenn dei siste to åra, men ein fann løysingar på det. I 2011 var det konserten og plateslepp med Heim te Vinje som utgjorde Paafonndajen på Vinjar. I 2012 vart det sykkelløp og trillebårrenn istaden for skirenn. Vinnar av Påfonnprisen Vinje Slakteri. Foto: Anne Vesaas Påfonndagen Foto: Luke Tennant. 12

13 H5: Rapportering, sluttrapport og resultatoverføring Bøgrend Automarken Det vart arrangert loppemarknad på Bøgrend Auto i Festivalen hadde opna opp dette, til då, nesten ubrukte lokalet på ein måte som gjorde at denne idéen dukka opp. Arrangementet var vellukka med mange besøkande. Fordi det skorta på dugnadskreftene vart det ikkje arrangert fleire loppemarknader i Bøgrend Auto. Mykje folk på Bøgrend Automarken Besøk frå Hjelmeland kommune Hjelmeland kommune fekk Bulystmidlar og ville koma på studietur til Seljord og Vinje. Prosjektarbeidaren på Bulyst ynskte vel møtt og tok imot ein delegasjon på Mjonøy våren Ho presenterte prosjektet Liv i Vinje, og Aasne og Lars Ole stakk innom og song vinnarsongen Heim te Vinje for dei. Vertsskapsseminar I september 2012, siste halvår av prosjektperioden, ynskte styret å gjennomføre eit folkemøte som inkluderte vertsskapseminar og ei slags evaluering av prosjektet så langt. Ein ynskte å få tilbakemeldingar frå bygdi på kva ein hadde lært gjennom nesten 3 år med prosjekt og kva folk meinte vart viktig i framtida, etter prosjektperioden. Märit Thorkildson frå verksemda Vertskapet var leigd inn til å leie seminaret og gruppearbeidet. Om lag 50 personar møtte fram på folkemøtet. Sluttrapport Denne sluttrapporten vert fullført og levert til styret i Liv i Vinje i februar Rapporten med vedlegg vert også lagt ut på heimesida til Liv i Vinje: Anders Sandvik styrer auksjonen på Bøgrend Automarken. 13

14 OPPSUMMERING AV PROSJEKTARBEID / ERFARING MED METODEN Påfonndagen Foto: Anne Vesaas Organisering av bygdeutviklingsprosjekt Generelt om bygdeutviklingsprosjekt Det er utfordrande å finne ein god måte å drive lokale bygdeutviklingsprosjekt på. Kvar einaste bygd er unik, og prosjektarbeidet barkar iveg på ulike måtar alt etter kven som bur og virkar i bygdi. Kanskje er det fruktbart med ein prosjektleiar som lever tett på samfunnet og er synleg og engasjert i alle delar av kvardagen i ei bygd. Personar som kan tenkje seg å gå inn i ei slik rolle, ofte med avgrensa lønsmidlar/deltidsstilling, veks ikkje på tre. Spesielt: erfaringar frå Liv i Vinje Liv i Vinje starta sitt andre år med å prøve ut ein annan måte å drive prosjektleiing på, etter at prosjektleiaren sa frå seg stillinga etter eitt år i jobben. Den administrative delen av prosjektarbeidet vart organisert i eit lite team med personar som skulle ha ansvar for kvart sitt felt: bulyst, arrangement og næring. Prosjektleiinga har inntrykk av at dette skapte avstand til bygdi som ikkje alle i styret var like komfortable med. Den nye organiseringa gjorde arbeidet med prosjektet utfordrande på nye måtar, men lærerikt. Me trur det hadde fungert betre dersom ulike dugnadsgrupper hadde ein leiar, og at desse arbeidsgruppeleiarane utgjorde eit styre. Såleis ville kontakten mellom prosjektleiarteamet og styret vore meir direkte knytt til den faktiske jobben som skulle gjerast. Då ein prøva å etablere arbeidsgrupper det fyrste året var det imidlertid ingen som ynskte å ta på seg leiaransvar for gruppene. Dei som alt sat i styret hadde heller ikkje ekstra kapasitet til å ta på seg nye oppgåver som arbeidsgruppeleiarar. 14

15 Rammer for prosjektet og handsaming av innspel Løyvinga frå Vinje kommune var på i 3 år. I denne ramma låg det ikkje inne midlar til tiltak. Endringar og innspel undervegs i prosjektet har ført til omdisponering av ressursar og avgrensingar på planlagte hovudaktivitetar. I heile prosjektperioden kom det innspel og idear om saker folk ynskte at prosjektleiarane skulle ta tak i og arbeide med. FLYT-møta og arbeidet med andelslandbruk er døme på innspel som har ført til omdisponering av tid og midlar. Konklusjon Vårt inntrykk er at prosjektarbeidet har blitt gjennomført på ein god måte. Til trass for at det i utgangspunktet ikkje var økonomiske rammer til tiltak, har prosjektet gjennomført mange gode satsingar, som t.d. Songtevling, CD-utgjeving, vertsskapsseminar, utarbeiding av tomteprospekt, seminar om generasjonsskifte i landbruket, fotoutstilling, velkomstgåver osb. Prosjektet har vore utgangspunkt for svært mange fine arrangement, bustadgruppa har gjort ein grundig innsats, nye initiativ har etterkvart funne si form, og ikkje minst måndagsmiddagen, som er ein unik møteplass, har rulla og gått utan noko som helst inngripen frå prosjektleiinga. All ære til bygdefolket for dette arbeidskrevjande løftet! AVSLUTNING Prosjektleiinga trur at prosjektet har sådd mange gode frø, som kan spire i åra framover. Fleire gode arrangement har vist at alt er mogleg, sjølv på små stader med få innbyggarar. Det gjev von for framtida i Vinje. VEDLEGG Prosjektplan for Liv i Vinje Vedtekter for Liv i Vinje Tomteprospekt Idéskisse til Vinje Skule Prosjektskisse - Vinje Jordfresarlag Idéskisse - Kulturnæringshage Idéskisse - Kulturlandsby Presseklipp Bøgrend Autofest Presseklipp Bøgrend Autofest Presseklipp Bøgrend Autofest Rapport Bøgrend Autofest 2010 Rapport Bøgrend Autofest 2011 (Rapport 2012 vert ettersendt når den er klar) Prosjektreikneskap Liv i Vinje KOSTNADAR OG RAMMER Sett i sin heilskap ser prosjektleiar seg nøgd med den økonomiske situasjonen i prosjektet. Til trass for mange aktivitetar me ikkje kunne planlegge detaljert på førehand, har prosjektet klart seg innanfor dei rammene ein opprinneleg hadde planlagt. Det har kome inntekter på ,- kr frå CD-sal og sponsorar. Meirforbruket på kr ,52 ved avslutninga av prosjektet er dekt av Vest-Telemark Næringsutvikling. Totale inntekter var kr ,36,-. > Sjå vedlegg: Prosjektreikneskap for Liv i Vinje