Planomtale pr Planomtale TIL REGULERINGSPLAN FOR NAUSTOMRÅDE PÅ GBNR. 17/5 PÅ LEPSØY I HARAM KOMMUNE. Side 1 av 18

Transkript

1 Planomtale TIL REGULERINGSPLAN FOR NAUSTOMRÅDE PÅ GBNR. 17/5 PÅ LEPSØY I HARAM KOMMUNE Side 1 av 18

2 INNHALD: 1 Bakrunn og samandrag 2 2 Tilhøve til andre planar 3 3 Beskrivelse av planområdet 4 4 Vurdering av risiko og sårbarheit 9 5 Beskrivelse av reguleringsføremåla 10 6 Gjennomføring 11 7 Merknader i samband med varsling av planoppstart 11 8 Merknader i samband med 1. gongs off. ettersyn 12 9 Verknader av planen Avsluttande kommentar Vedlegg 18 1 Bakgrunn og samandrag Føremålet med reguleringa: Føremålet med reguleringa er å legge til rette for naustbygging. Det er jamn etterspørsel etter nausttomter i området. Mange som har båtplass i hamna ynskjer også å ha eit naust på land til lagring av vegn og utstyr og eventuelt vinterlagring av båt. Området ligg rett ovanfor hamna, og er derfor den næraste aktuelle plasseringa for nye naust ved hamna. Planlagt regulering: Tiltakshavarane antar foreløpig at det kan bli regulert inn ca. 12 naust på området. Dei er tenkt bygt i same stil som eksisterande naust på hamna der det er ei rekke som består av bygningar med 3 samanbygde naust med gangareal mellom bygningane. Side 2 av 18

3 Tiltakshavar og grunneigar: Tiltakshavar for reguleringa er grunneigarane Gunnbjørg og Mandor Seth. Tilkomst: Det er planlagt å nytte eksisterande tilkomst til hamna. Lepsøy småbåtforening har gitt løyve til å nytte same avkøyrsle frå fylkesvegen som småbåthamna har, og gir også løyve til å bygge adkomstveg på nordsida av naustrekka på hamna. Planprosess: Tiltakshavar og planleggar har hatt oppstartmøte med Haram kommune Det vart omsnakka på dette møtet om småbåthamna burde takast med i reguleringa. Tiltakshavarane har teke dette opp med Lepsøy Småbåtforening som har svart at dei ikkje ynskjer å vere med på reguleringa, men dei gir løyve til tilkomst og at nausteigarane kan nytte hamna sine fasilitetar viss dei er medlemar av Lepsøy Småbåtforening. Fast utval for plansaker har i sak 008/16 gitt løyve til oppstart av privat regulering av dette området. Oppstart av planlegginga vart varsla ved brev til offentlege organ, naboar m.m., samt at planoppstarten vart varsla ved annonse i lokalavisa «Nordre» og utlagt på heimesida til Haram kommune. Føringane i referatet frå oppstartmøtet, saksutgreiinga til planutvalssaka og innkomne merknader i samband med varsling av planoppstart har lege til grunn for utarbeidinga av reguleringsplanen. Etter utlegging til offentleg ettersyn er det gjort nokre mindre endringar på planen på grunn av innkomne merknader. Det er m.a. innlagt parkeringsplass på enden av veg 2. Sjå elles kommentarar i kapittel 8. Framdrift: Tiltakshavarane vil truleg starte med opparbeiding av tilkomstveg og snuplass for feltet så snart reguleringsplanen er godkjent. Planleggar: Planarbeidet er utført av HA-PLAN AS v/ siv.ing Hallgeir Wuttudal. 2 Tilhøve til overordna planar Gjeldande reguleringsplan: Området er ikkje regulert, men ligg inntil eit område som er etablert som småbåthamn og naustområde. På kommuneplanen sin arealdel ligg området som LNF - dominert av landbruk, og er bandlagt etter lov om naturvern. Dette betyr at alle fugle- og pattedyrartar er freda mot jakt og fangst. Side 3 av 18

4 Utsnitt av arealdelen av kommuneplanen. Pila peiker mot planområdet. 3 Beskrivelse av planområdet Planområdet ligg ved Lepsøy småbåthamn ved ferjekaia på Lepsøy i Haram kommune. Ved hamna er det etablert tilkomstveg, parkering- og oppstillingsplassar, og det er bygt fleire naust langs vest- og sørsida av hamneområdet. Nausta mot vest består av ei naustrekke med 3 og 3 samanbygde naust. Det er no planlagt å bygge ei ny rekke av same type naust vest for denne etablerte naustrekka på utkanten av den dyrka marka på gbnr. 17/5. Planen vil medføre at ca. 600 m2 (målt av grunneigar) fulldyrka jordbruksareal blir omdisponert til naustområde. Grunneigarane opplyser at dette arealet har blitt brukt til kalve- og sauebeite dei siste 50 åra. Grøftene vart tekne for minst 80 år sidan, og det er no vanskeleg å pusse over området med beitepussar. Side 4 av 18

5 Nokre bilete frå planområdet: Eksisterande naustrekke langs vestsida av hamneområdet. Avkøyrsla til hamna sett frå ferjekaiområdet. Side 5 av 18

6 Dei eksisterande nausta ved hamna sett frå avkøyrsla ved fylkesvegen. Området med infotavle, benk m.m. er planlagt flytta litt vestover til området F1. Side 6 av 18

7 Utsikt mot området der dei nye nausta er tenkt plassert. Beitemarka vest for planområdet. Side 7 av 18

8 Utsikt mot planområdet frå vest. Avkøyrsle og hamneområde. Side 8 av 18

9 4 Vurdering av risiko og sårbarheit Vi har gått igjennom Sjekkliste for vurdering av risiko og sårbarheit i samfunnsplanlegginga frå Fylkesmannen i Møre og Romsdal, sjå vedlegg. Vi kan ikkje sjå at det finst vesentlege faremoment i området, men har nokre kommentarar til eit par punkt. Sløkkevassforsyning: Hamna er i dag forsynt med ei 32 mm vassleidning. Dette er nok til dagleg bruk, men ikkje til brannsløkking. Avstanden til næraste brannkum er ca. 250 meter. Planområdet ligg ved fylkesvegen, og er såleis godt tilgjengeleg med brannbil med vasstank. Området ligg elles godt til rette for brannsløkking med rikeleg tilgjengeleg sløkkevatn i hamnebassenget. Verknad av stormflo: Områda for vegar og plassering av bygningar må plasserast på så høgt nivå og elles skjermast slik at ein unngår skader ved stormflo Tryggleiksklasser mot stormflo, TEK10 7-2: Naust og boder blir ikkje blir nytta til varig opphald og dei økonomiske konsekvensane av flom er små. Dei er derfor plassert i tryggleiksklasse F1 i føresegnene som har 1/20 årleg sannsynlegheit for flom. Høgaste registrerte havnivå i Ålesund som er målt i perioden er kote 1,82. I heftet «Håndtering av havnivåstigning i kommunal planlegging (mars 2015)» frå DSB er det gitt råd om korleis havnivåstigninga skal takast omsyn til i planlegginga. Utifrå rapporten «Havnivåstigning Estimater av framtidig havnivåstigning i norske kystkommuner (2009)» er det sett minimumshøgder for byggverk og vegar i føresegnene. For Haram er det oppgitt desse verdiane for havnivåstigning (intervall på grunn av usikkerheit i parentes): Havstigning : 21 cm (13-35) : 69 cm (49-104). 100 års stormflo : 217* cm ( ) : 270* cm ( ). *) relativt NN1954. Vegar: Lavtliggande vegar må byggast slik at dei toler å bli påført krefter frå stormflo og bølgjer og skal byggast slik at dei kan hevast når dette blir naudsynt. Minimumsnivå for vegar i området er sett til kote 2,50. Naust og boder: Desse må byggast slik at dei toler vassintrenging utan at dette skader konstruksjonen. Minimum golvnivå for desse er sett til kote 2,50. Side 9 av 18

10 5 Beskrivelse av reguleringsføremåla Forslag til reguleringskart. Naust: På området N1 er det planlagt bygging av ei naustrekke med totalt ca. 12 nye naust. Nausta er planlagt bygt som 4 grupper med 3 stk. samanbygde naust. Dei nye nausta er planlagt bygt i same stil som den eksisterande rekka med samanbygde naust. Alternativt kan det settast opp enkeltståande naust i heile eller delar av naustrekka. Side 10 av 18

11 Småbåtanlegg i sjø og vassdrag: Dette gjeld 2 mindre delar av landområdet til småbåthamna som har blitt med i planområdet på grunn av den valgte avgrensinga. Vegformål: Krysset ved fylkesvegen skal utformast iht Vegnormal N100. Veg 2 er tilkomstveg til dei nye nausta. Det er planlagt at parkering for naust blir utført på eige areal mellom nausta og Veg 2. Det er elles regulert eit område for felles parkeringsplass ved enden av Veg 2. Friområde: Området kan opparbeidast og nyttast til leik og sosialt samvær. 6 Gjennomføring Arbeidet med bygging av Veg 2 og klargjering av tomtene vil truleg starte så snart reguleringsplanen blir godkjent. Utbygging av nausta vil bli utført etter kvart som tomtene/nausta blir selde. 7 Merknader i samband med varsling av oppstart Det kom inn 3 merknader i samband med varsling av planoppstart. Desse er referert og kommentert nedanfor. 1. Brev frå Møre og Romsdal fylkeskommune, datert : Fylkeskommunen har ikkje innvendingar mot føremålsendring, men forventer at alle viktige omsyn blir vurderte i planomtalen. 2. Brev frå Fylkesmannen i Møre og Romsdal, datert : Generelt. Fylkesmannen støtter kommunen si vurdering om å ikkje krevje konsekvensutgreiing eller planprogram for detaljplanen, men føreset at potensielle konfliktområde blir drøfta i planomtalen. Kommentar: Potensielle konfliktområde er drøfta i kapittel 9 Verknader av planen. Natur- og miljøvern. Side 11 av 18

12 Planen må vurderast etter naturmangfaldlova. Etter Plan- og bygningslova 1-8 skal det takast særlege omsyn til natur- og kulturmiljø, friluftsliv, landskap og andre allmenne interesser i 100-metersbeltet langs sjøen. Kommentar: Det er gjort slike vurderingar i kapittel 8 Verknader av planen. Samfunnstryggleik. Det må utførast ei risiko- og sårbarheitsanalyse for planområdet. Kommentar: Dette er utfylt sjekkliste for ROS som følgjer planen. Aktuelle faremoment er kommentert under punkt 4 framføre. Naust. Fylkesmannen tilrår nokre krav til utforming av nausta. Kommentar: Desse tilrådingane er innteke i føresegnene. 3. Brev frå Statens vegvesen, datert : Avkøyrsla frå fylkesvegen må vere utarbeidd i samsvar med utformingskrav og siktkrav i Vegnormalen N100 med tilhøyrande siktlinjer. Parkering bør skje innanfor planområdet. Breidde på areal til vegføremål langs fylkesvegen bør vere minimum 7 meter. Byggegrense. Avstand frå køyrebanekant for biloppstillingsfelt til fasade på naustrekka bør vere minimum 15 meter. Statens vegvesen føreset at avgrensinga av reguleringsplanen mot fylkesvegen vert lagt til midtlinja av vegen. Kommentar: Desse tilrådingane er innteke i føresegner og plankart. 8 Merknader i samband med 1. gongs offentleg ettersyn Vi har motteke kopi av 4 merknader i samband med utlegging av planen til offentleg ettersyn, og har gjort diverse endringar av planen for å imøtekome desse: Møre og Romsdal fylkeskommune: Dei viser til det generelle aktsemdkravet i kulturminnelova og har elles ikkje merknader. Fylkesmannen: Fylkesmannen ber om at arbeidet med etablering av oppsamlingsordning for farleg avfall blir prioritert. Side 12 av 18

13 Statens vegvesen: Statens vegvesen ber om at arealet sør for vendehammaren vert avsett til parkering. Eventuelt bør planområdet utvidast noko mot vest for å gi meir plass framfor nausta. Kystverket : Kystverket tilrår at breidda på kommunikasjonsarealet mellom naustrekkene vert utvida i breidda. Oppsummering korleis innspela er teke omsyn til i framlegg til plan: Det er innteke i føresegnene at det skal etablerast ein miljøstasjon for oppsamling av farleg avfall i hamna. Området sør for vendehammaren ved enden av veg 2 er regulert til parkering. Byggegrensa mot veg 2 er flytta 1 m lenger frå vegen for å betre parkerings- og manøvreringsarealet framfor nausta. 9 Verknader av planen. Det er jamn etterspørsel etter nausttomter i området. Mange som har båtplass i hamna ynskjer også å ha eit naust på land til lagring av vegn og utstyr og eventuelt vinterlagring av båt. Området ligg rett ovanfor hamna, og er derfor den næraste aktuelle plasseringa for nye naust ved hamna. Eventuell konsekvensutgreiing: Kommunen har i saksutgreiinga til sak 008/16 i Fast utval for plansaker gjort ei grundig vurdering av behovet for dette og konkluderer slik: «Tiltaket er vurdert til å ikkje ha vesentlege verknader for miljø og samfunn, og det krevjast ikkje KU eller planprogram for detaljplanen. Tiltaket er i tråd med statlege retningslinjer for differensiert forvalting av strandsone og bør utformast i tråd med råd frå fylkesmannen om bygging av naust.» Fylkesmannen har i «Fråsegn ved varsel om oppstart» støtta denne vurderinga, men føreset at potensielle konfliktområde blir drøfta i planomtalen. Tilgrensande område: Planområdet omfattar nedre del av eit område som er nytta til sauebeite og litt fritidsaktivitetar, og området grenser mot aust og sør til eit område med naust og småbåthamn. Mot nord ligg fylkesveg 148 med ferjekai, pendlarparkering og felt for ferjeoppstilling. Planområde: Kommunen ynskte primært i oppstartmøtet at heile småbåthamna med eksisterande naust hadde inngått i planområdet fordi dette området ikkje er regulert. Nausta som tidlegare er godkjent i området er godkjent ved dispensasjon frå forbod mot bygging i strandsone. Det er også godkjent ein utbyggingsplan etter gammal planlov. Tiltakshavarane tok før det vart søkt om oppstart av reguleringa kontakt med småbåtforeninga for å avklare om dei var interesserte i å vere med på reguleringa, og fekk til svar at det var dei ikkje interessert i. Side 13 av 18

14 Grunneigar/tiltakshavar valgte derfor å starte med regulering av naustområde på eigen grunn. Det er i tillegg til naustområdet berre medteke areal til tilkomstveg og avgrensing mot fylkesvegen med frisiktsoner slik Statens vegvesen har bede om. Eksisterande naturformer og strandsone: Planen medfører ikkje store naturinngrep. Planlagt naustrekke blir liggande bak ei eksisterande naustrekke langs småbåthamna. Det er ikkje naturleg fjøre framfor naustområdet ettersom den næraste delen av strandsona allereie er utbygd med småbåthamn og ferjekai. Ettersom denne planen gjeld ei utviding av eit eksisterande naustområde lenger frå opprinneleg strand enn eksisterande naust og hamn vurderer vi at ei slik utbygging ikkje vil ha vesentlege negativ verknad for natur- og kulturmiljø, friluftsliv, landskap og andre allmenne interesser i 100- metersbeltet langs sjøen. Landbruk: Tiltaket medfører at areal som tidlegare har vore nytta til jordbruk, og no delvis blir brukt til beitemark vil gå ut av drift. Teigen på gbnr. 17/5 består av om lag 11,6 daa. fulldyrka jord der den nedre delen av teigen er jorddekt fastmark. Denne planen vil omfatte omdisponering av ca m2 jordekt fastmark og 600 m2 fulldyrka jord til naustformål. På Lepsøya (som i dei fleste andre bygder) minkar det med bønder. Dei som er igjen har nok å velje i til tilleggsjord slik at desse areala som er tungdrevne med dagens jordbruksreiskapar ikkje framstår som særleg attraktive jordbruksareal sjølv om dei har ein viss verdi som beitemark. Kommunen skriv i vurderinga av KU at «Dette er vurdert til å vere ei marginal omdisponering og det ligg i utkanten av teigen, slik tilgjenge til teigen og bruken av arealet elles ikkje vert vanskeleggjort». ROS-analyse: ROS-analyse er utført. Det er ikkje funne spesielle faremoment i området. Sjå kommentarane under punkt 4 ang. sløkkevatn og stormflo. Friluftsinteresser og tilgjenge for allmenta: I føresegnene for naust står det mellom anna: «Det er ikkje tillate med gjerde/levegg/platting eller andre stengsel i naustområdet.» Den utbygde delen av hamna, med naust, er mykje brukt som samlingsstad av lokalbefolkninga. Mogelegheiter for fleire naust vil bidra til auka trivsel og utvikling av hamneområdet som samlingsstad for folk. Ved innkøyringa til hamneområdet er det i dag tillaga eit område med benk og infotavle. Tilkomstvegen til dei nye nausta vil gå gjennom dette området. Det er derfor tilrettelagt for å etablere eit nytt område, friområdet F1, for sosialt samvær mellom nye naust og fylkesvegen. Tilkomstveg: Tilkomstvegen til hamna er allereie opparbeidd. Ved opparbeiding av det nye naustområdet vil det bli gjort eventuelle tilpasningar av denne viss dagens avkøyrsle ikkje er tråd med vegnormal N100. Naturmangfald: 1. Naturmangfaldlova: Side 14 av 18

15 7.(prinsipper for offentlig beslutningstaking i 8 til 12) Prinsippene i 8 til 12 skal legges til grunn som retningslinjer ved utøving av offentlig myndighet, herunder når et forvaltningsorgan tildeler tilskudd, og ved forvaltning av fast eiendom. Vurderingen etter første punktum skal fremgå av beslutningen. 8.(kunnskapsgrunnlaget) Offentlige beslutninger som berører naturmangfoldet skal så langt det er rimelig bygge på vitenskapelig kunnskap om arters bestandssituasjon, naturtypers utbredelse og økologiske tilstand, samt effekten av påvirkninger. Kravet til kunnskapsgrunnlaget skal stå i et rimelig forhold til sakens karakter og risiko for skade på naturmangfoldet. Myndighetene skal videre legge vekt på kunnskap som er basert på generasjoners erfaringer gjennom bruk av og samspill med naturen, herunder slik samisk bruk, og som kan bidra til bærekraftig bruk og vern av naturmangfoldet. 9.(føre-var-prinsippet) Når det treffes en beslutning uten at det foreligger tilstrekkelig kunnskap om hvilke virkninger den kan ha for naturmiljøet, skal det tas sikte på å unngå mulig vesentlig skade på naturmangfoldet. Foreligger en risiko for alvorlig eller irreversibel skade på naturmangfoldet, skal ikke mangel på kunnskap brukes som begrunnelse for å utsette eller unnlate å treffe forvaltningstiltak. 10.(økosystemtilnærming og samlet belastning) En påvirkning av et økosystem skal vurderes ut fra den samlede belastning som økosystemet er eller vil bli utsatt for. 11.(kostnadene ved miljøforringelse skal bæres av tiltakshaver) Tiltakshaveren skal dekke kostnadene ved å hindre eller begrense skade på naturmangfoldet som tiltaket volder, dersom dette ikke er urimelig ut fra tiltakets og skadens karakter. 12.(miljøforsvarlige teknikker og driftsmetoder) For å unngå eller begrense skader på naturmangfoldet skal det tas utgangspunkt i slike driftsmetoder og slik teknikk og lokalisering som, ut fra en samlet vurdering av tidligere, nåværende og fremtidig bruk av mangfoldet og økonomiske forhold, gir de beste samfunnsmessige resultater. Kommunen har gjort nokre vurderingar i samband med sakshandsaminga til oppstartsløyvet (sak 008/16 i Fast utval for plansaker). Nokre relevante klipp vedr. naturmangfald frå sakshandsaminga er medteke nedanfor: Side 15 av 18

16 Vurdering av tiltaket i forhold til vedlegg 3 i Forskrift om KU, vurdering av vesentleg verknad for miljø og samfunn: Det skal vurderast om planar kan få vesentlige verknader etter tredje ledd dersom det er sannsynlig at planen vil kunne komme i konflikt med; a) områder som er vernet, midlertidig vernet eller foreslått vernet etter naturmangfaldlova kap. V eller etter markaloven 11, Vurdering: Tiltaket kjem ikkje i konflikt med område som er verna etter naturmangfaldslova eller markalova, men ligg innanfor område bandlagt etter lov om naturvern - dyrelivsfreding (Løvsøyrevet). Området er allereie utbygd med naust, fergeleie og småbåthamn, ei mindre utviding i tilknyting av dette vil ikkje medføre vesentleg negativ verknad for dyrelivsfredingsområdet. Einaste restriksjonen i dyrelivsfredingsområdet er freding mot jakt. b). c) laksebestander i områder som er omfattet av ordningen med nasjonale laksevassdrag og nasjonale laksefjorder, Vurdering: Ikkje relevant. d) en forekomst av en utvalgt eller truet naturtype, verdifull naturtype av verdi A eller B, truet eller prioritert art, eller mot økologisk funksjonsområde for en prioritert art, Vurdering: Det omsøkte området inngår ikkje i punkta under bokstav d). e).. f) g). h).. i) vesentlig økt belastning av luftforurensning, støy eller lukt, eller vesentlig forurensning til vann, grunn eller sedimenter eller vesentlig stråling, Vurdering: Naust og småbåthamn kan medføre utslepp av miljøgifter til sedimenter og sjø, ved pussing av båtar, skraping, måling, drivstoffbehandling etc. Handtering av avfall frå skraping og pussing må samlast opp, og saman med tilsølt materiale oppbevarast i eigen miljøstasjon i hamna, inntil det vert henta eller levert til godkjent mottak av farleg avfall. Reguleringsplanen må syne eksisterande løysing for handtering av miljøgifter, eller sette krav om at dette etablerast. Ein heilskapleg plan for heile hamna vil betre kunne ivareta slike forhold. Side 16 av 18

17 j) vesentlig økning av utslipp av klimagasser, Vurdering: Tiltaket vil ikkje medføre vesentleg auke i utslepp av klimagassar. k) risiko for alvorlige ulykker, ras, skred eller flom, Vurdering: ikkje relevant l). m) vesentlig påvirkning av miljømessig sårbarhet, naturens tålegrense eller områder der fastsatte grenseverdier er overskredet, Vurdering: ikkje relevant. n) omfattende bruk av eller båndlegging av naturressurser eller medføre store mengder avfall, Vurdering: ikkje relevant. o) vesentlige miljøvirkninger i en annen stat, Vurdering: ikkje relevant. p). q). Kulturminne: Det er ingen kjende automatisk freda kulturminne eller kulturminne frå nyare tid i planområdet. Tekniske anlegg: Spillvatn: Det er ikkje planlagt å etablere toalett i samband med dei nye nausta. Viss det blir aktuelt med toalett i området blir dette truleg etablert av småbåtforeninga. Vassforsyning: Det er lagt 32 mm vassleidning til hamna som eventuelt kan tilknytast viss ein vil etablere nye tappepunkt for den nye naustrekka. Drenering: Ledast til sjøen via eksisterande avløp. Avfallshandtering: Denne reguleringa medfører ingen auke i avfallsmengda i området. Småbåthamna har 60 båtplassar totalt som alle er opptekne. Dei nye nausta vil bli selt til folk som allereie har båtplass i hamna, og som treng ein plass til oppbevaring av vegn og eventuelt vinterlagring av båt. Pr. i dag er det ikkje etablert oppsamlingsordning for farleg avfall i hamna. Alle båteigarane tek med sitt eige avfall. Det er på gang planlegging av felles miljøstasjon i hamna for oppsamling av avfall frå skraping og pussing for levering til godkjent mottak for farleg avfall. Vasking og spyling av båtar skal skje på ein plass der det er tilrettelagt for oppsamling av slam og partiklar i spylevatnet. Side 17 av 18

18 Området ligg ved sida av fylkesvegen. Det kan derfor enkelt etablerast eit område på hamna for avfallsdunkar for brukarane av hamn og naust som er lett tilgjengelege for Årim. 10 Avsluttande kommentar. Tiltakhavarane og småbåtforeninga opplever at det stor etterspørsel etter naust/bodplass ved hamna. Dette området peiker seg ut som det næraste og mest høvelege området for å etablere nye naust. Vi trur derfor at ei slik utbygging vil ha langt større nytteverdi enn eventuelle ulemper for andre brukarar av dette avgrensa området. Vi håper derfor at planen handsamast raskt slik at dei som ynskjer å skaffe seg naust i nærleiken av småbåthamna får realisert dette så raskt som mogeleg. 11 Vedlegg 1. Plankart. 2. Reguleringsføresegner. 3. Sjekkliste ROS-analyse. 4. Innkomne merknader i samband med varsling av planoppstart. Side 18 av 18