Høyring - Forslag til program for konsekvensutgreiing for utbygging og drift av Pil og Bue - PL 586

Transkript

1 saksframlegg Dato: Referanse: Vår saksbehandlar: /2016 Bengt Endreseth Saksnr Utval Møtedato Regional- og næringsutvalet Fylkesrådmannens tilråding Fylkesutvalet Høyring - Forslag til program for konsekvensutgreiing for utbygging og drift av Pil og Bue - PL 586 Dokument i saka Kunngjering frå VNG Norge AS av 14.desember Dokumentet er tilgjengelig for nedlasting på ( ) VNG legg, på vegne av lisenshavarane, fram forslag til utgreiingsprogrammet for konsekvensutgreiinga for utbygging og drift av Pil og Bue-prosjektet. Dette er i samsvar med Petroleumslova som fastsett at det før utbygginga skal utarbeidast ei konsekvensutgreiing med tilhøyrande utgreiingsprogram. Forslaget presenterer alternative utbyggingsløysingar, tidsplaner og tema som vil bli nærare utgreidd i konsekvensutgreiinga. Høyringsfristen er 7. mars Bakgrunn VNG Norge AS er eit heileid dotterselskap av Leipzig-baserte VNG Verbundnetz Gas Aktiengesellschaft. VNG-gruppa deltek i heile verdikjeda i tysk og europeisk naturgassverksemd. Kjerneverksemda er leiting og produksjon, handel og tenester, transport og lagring. VNG Norge AS er operatør for funna Pil og Bue i utvinningsløyve PL586 innanfor blokkene 6406/11 og 12 i Norskehavet. Rettighetshavarane til funna er VNG Norge (30 prosent), Spike Exploration Holding (30 prosent), Faroe Petroleum Norge (25 prosent) og Pure E&P Norway AS (15 prosent). Dei har som mål å levere Plan for utbygging og drift (PUD) til styresmaktene våren Produksjonsstart er planlagt til 2021 Alternative utbyggingsløysingar Pil og Bue er lokalisert i utvinningsløyve (PL) 586 på Haltenterrassen i Norskehavet, med havdjup på om lag 340 meter. Felta ligg om lag 32 km sørvest for Njord og 62 km sørvest for Draugen. Lisensen dekker deler av blokkene 6406/11 og 6406/12. Lokaliseringa av lisensen er vist i figur nedanfor.

2 Pil og Bue består av olje og mindre mengder gass. Det vert førebels vurdert tre alternative utbyggingsløysingar for Pil & Bue: 1. Sjølvstendig utbygging med produksjonsskip, FPSO, (Floating Storage, Production and Offloading) med gasseksport til Åsgard Transport eller Polarled. 2. Havbotnsutbygging knytt til Draugen-plattforma 3. Havbotnsutbygging knytt til Njord A-plattforma Sjølvstendig utbygging med produksjonsskip, FPSO Ei sjølvstendig utbygging inneber utbygging med ei frittståande innretning utan tilknytingar til ei vertsplattform. Konseptet inkluderer naudsynte fasilitetar for lagring og eksport av produsert olje og mogleg reinjeksjon av gass i den tidlege fasen til feltet for mellombels lagring av produsert gass. Seinare i levetida til feltet vil det vera behov for gasseksport via rørledning knytt til gasseksportledningane Åsgard Transport eller Polarled. I begge tilfelle knytte opp mot eksisterande T-samband om lag km frå Pil og Bue. Dei førebelse konseptevalueringane tilseier at ein skipsbasert FPSO er den meste eigna løysinga ved ei sjølvstendig utbygging av feltet. Ein produksjonskapasitet på m 3 olje pr døgn er lagt til grunn i studia for ei sjølvstendig feltutbygging. Havbotnsutbygging med tilknyting til Draugen-plattforma Draugen har stor kapasitet til separasjon av brønnstraum, men avgrensa gasshandsamingskapasitet. Denne avgrensinga gjer at Draugen har kapasitet til å prosessere mellom Sm 3 pr dag frå Pil og Bue utan at det vert gjort større modifikasjonar om bord. Dersom ein ynskjer å auka denne kapasiteten kan det oppnåast ved å installera eit ekstra gasstog, noko som vil vere ein betydeleg modifikasjon av Draugen i følgje VNG.

3 Produksjonsstraumen frå botnrammene vert knytt opp mot vertsplattforma via ein 65 km lang oppvarma rørledning med rør i rør løysing i tillegg til ein rørledning for vassinjeksjon og ein for gassløft. Rørleidningar med oppvarma rør i rør har ikkje tidlegare vore nytta på norsk sokkel. For ei havbotnsutbygging med tilknyting til Draugen plattforma vil sjølve havbotnsutbygginga vere nokså lik den for ei sjølvstendig utbygging. For løysing med avgrensa ombygging av Draugen er oppstarttidspunkt vurdert til siste del av Havbotns utbygging med tilknyting til Njord A-plattforma For Njord-plattforma er det sett på to alternative løysingar som følgje av Njord sitt eige behov for oppgradering; Anten modifisering av den eksisterande plattforma i samband med at denne skal tauast til land i 2016 for betydelege forsterkingar og ombyggingar, eller ei heilt ny plattform som erstatning for den som ligg på feltet i dag. For Pil feltutbygging er det berre eksisterande plattformløysing som er aktuell. Ein modifikasjon av dagens plattform vil kunne vera klar til produksjonsoppstart i 2019 med noko avgrensa produksjonskapasitet, og forventast ha ein produksjonskapasitet på Sm 3 frå omkring For Pil & Bue-prosjektet er dette ei utbyggingsløysing med høg kompleksitet, både med omsyn til definisjon av arbeidsomfang og tilhøyrande tidsskjema. Havbotnsutbygginga vil vere nokså lik som ei sjølvstendig utbygging og som for Draugen. Rørledningsløysinga vil vere nokså lik som for Draugen men med ei lengd her på 36km. Miljøomsyn Pil og Bue ligg innanfor området dekt av forvaltingsplanen for Norskehavet, jfr St.meld. nr. 37 ( ). «Heilskapleg forvalting av det marine miljø i Norskehavet (forvaltingsplan)». Forvaltingsplanen for Norskehavet skal sikre omsynet til det ytre miljøet, naturressursar, fiskeressursar, sjøfugl, sjøpattedyr, særleg verdifulle og sårbare område, miljøprioriterte lokalitetar mv, og interessene til ulike brukarar av havet, herunder petroleumsverksemda og regionalt næringsliv. I tillegg til omsyn skildra i desse planane skal utgreiinga ta omsyn til dei kartleggingane som er utført i samband med konsekvensutgreiing for bygging av rørledningen frå Aasta Hansteenfeltet, som kryssar område nær Pil og Bue, og dessutan gjennomførde konsekvensutgreiingar for Linnorm-, Zidane- og Maria-felta (Norske Shell 2012, RWE Dea Noreg 2013, Wintershall Norge AS 2014). Vidare ta omsyn til Miljødirektoratet sin rapport om fagleg grunnlag for oppdatering av forvaltingsplan for Norskehavet (Miljødirektoratet 2014). I forkant av dei gjennomførde leite boringane på Pil og Bue vart det i august 2012 og april 2015 gjennomførd omfattande habitatkartlegging ved bruk av digitale stillbilete og videoopptak frå havbotnen for å kunne identifisere og avgrensa eventuelle førekomstar av kaldvasskorall og svamp omkring dei planlagde brønnlokalitetane. Det vart ikkje identifisert nokon førekomst av korallar eller annan sårbar botnfauna ved desse undersøkingane. Det er og gjennomført kartlegging av havbotnen langs førebelse trasear til Draugen og Njord (Fugro 2015). Undersøkinga avdekte spreidde førekomstar av koloniar av blautkorall. Tettleiken av korall i desse førekomstane var låg, under 5 koloniar per

4 25 m 2, og ingen er vurdert å vere gode korallførekomstar som vert omfatta av OSPARs liste over truga habitat. Ut over dette vart ingen rødlisteartar observert i det undersøkte området. Det vert gjort nærare greie for desse kartleggingane i konsekvensutgreiinga. Pil og Bue ligg utanfor dei viktigaste gytefelta for dei viktige fiskeartene som norsk vårgytande sild, torsk, sei og hyse og uer. Store mengder egg og larvar driv likevel gjennom området der feltet er lokalisert. Det er ingen registrerte kulturminne i Pil og Bue-området. I konsekvensutgreiinga for Pil og Bue vil det bli gitt ei nærare skildring av utslepp til luft for den tilrådde utbyggingsløysinga. Kraftbehov Berekningar i konseptfasen indikerer eit auka kraftbehov på ei vertsplattform (Draugen eller Njord) på omkring 6 MW relatert til Pil og Bue. For ei frittståande utbyggingsløysing (FPSO) på Pil og Bue er det tilsvarande kraftbehovet førebels estimert til 55MW ved normal produksjon. Det vil utførast konseptstudiar for å stadfeste at kraftforsyning frå land er teknisk mogleg, og det vil vere eit alternativ ved ei frittståande utbygging av Pil og Bue. For tilknyting til Draugen eller Njord vert ikkje kraft frå land vurdert som ei aktuell løysing. Prosjektet sin tidsplan føreset endeleg val av utbyggingsløysing og innsending av PUD tidleg Investeringar og kostnader For ei sjølvstendig utbygging er investeringane førebels berekna til å liggje i storleiksorden 13 milliardar kroner, inklusive FPSO produksjonsinnretning. FPSO er planlagt levert ved ei leigekontrakt. For ei utbygging basert på tilknyting til eksisterande innretning i Norskehavet er investeringane førebels berekna til å liggje i overkant av 15 milliardar kroner, inklusive naudsynte modifikasjonar på mottaksinnretning. Ei løysing med tilknyting til ei vertsplattform vil ha ein lågare driftskostnad enn driftskostnadane til ei løysing basert på ein frittståande FPSO, høvesvis 300 millionar og 750 millionar kroner årleg. Kostnadane er i 2015-kroner. Tidlegare måtte investeringar på over 10 milliardar kroner godkjennast av Stortinget. Under handsaminga av Prop. 1S ( ) samtykka Stortinget i at Olje- og energidepartementet i 2016 kan godkjenne prosjekt under 20 milliardar (planar for utbygging/anlegg og drift) på norsk kontinentalsokkel under følgjande føresetnader: 1. Prosjektet må ikkje ha betydelege prinsipielle eller samfunnsmessige sider. 2. Øvre grense for dei samla investeringane per prosjekt utgjer 20 milliardar kroner. 3. Kvart enkelt prosjekt må vise akseptabel samfunnsøkonomisk lønsemd og vere rimeleg robust mot endringar i prisutviklinga for olje og naturgass.

5 Vurdering VNG skriv at naudsynte basefunksjonar for utbygging og drift er planlagt lagt til Kristiansund. Vidare at det vil etablerast ein driftsorganisasjon for feltet knytt til VNG sitt hovudkontor i Stavanger. For alternativet med sjølvstendig utbygging kan den tekniske drifta setjast til ein driftskontraktør som vil sørge for offshorebemanninga. Vi meiner det vil vere naturleg å greia ut Kristiansund som stad for driftsfunksjonane både for ei sjølvstendig utbygging, ved at og driftskontora for nærliggande felt ligg i Kristiansund, og for tilknyting til ei eksisterande plattform ved at både Njord og Draugen har driftsfunksjonar lagt til Kristiansund. Petroleumslova 1-2 seier at petroleumsressursane skal forvaltast i eit langsiktig perspektiv slik at dei kjem heile det norske samfunn til gode. Vi meiner difor at dei samfunnsøkonomiske konsekvensane og miljøkonsekvensane ved dei tre ulike utbyggingsalternativa må koma tydeleg fram i den endelege konsekvensutgreiinga. Alle tre utbyggingsløysingane bør skildrast grundig ut frå omsynet til god ressursforvalting. Vi vurderer programmet som dekkande for dei analysane og utgreiingane som vert lagt opp ift miljø, fiskeri, kulturminne og forureining Forslag til vedtak: Møre og Romsdal fylkeskommune vil gje slik uttale: Møre og Romsdal fylkeskommune er oppteken av dei ringverknader ein kan oppnå i regionen som resultat av utbygginga av Pil og Bue feltet i Norskehavet. Det er positivt at naudsynte basefunksjonar for utbygging og drift er planlagt lagt til Kristiansund. Møre og Romsdal fylkeskommune meiner at det føreslåtte utgreiingsprogram må legge særleg vekt på: Utgreiing av konsekvensane for samfunnsøkonomi og miljø for dei tre ulike utbyggingsalternativa Grundig skildring av dei tre utbyggingsløysingane ut frå omsynet til god ressursforvalting Kristiansund må utreiast som lokaliseringsstad for driftsfunksjonane både for ei sjølvstendig utbygging og for tilknyting til eksisterande plattform Ottar Brage Guttelvik fylkesrådmann Bergljot Landstad regional- og næringssjef