Sesongrapport Hareid menn senior 2 og 3, sesongen 2016

Transkript

1 Sesongrapport Hareid menn senior 2 og 3, sesongen 2016 Ei utgåve av Hareid 3 i ein bortekamp mot Austefjord i september. Bak frå venstre: Nathaniel Eiksund Brekke, Håvard Bolstad Banne, Thomas Østrem, Andreas Emdal Fure, Truls Jonny Levik Kolstad, Odd-Magne Brandal. Framme: Ajeevan Amirthalingam, Einar Orten Trovåg, Fredrik Fagerli Abrahamsen, Anders Hjelle Øiestad. A. November og desember 2015 Interessa for treningane var stor denne perioden. Det vart derfor køyrt 14 frivillige treningar i november og desember, omtrent like mange inne som ute. I tillegg stilte Hareid 2 eitt lag i inne-km (futsal) i Voldahallen. Etter eit imponerande gruppespel gjekk faktisk Hareid 2 vidare, etter sigrar mot både Rollon og Blindheim. I mellomspelet vart det exit etter tap mot Volda 2 og LGFK. Uansett ei god erfaring der karane viste god moral og godt spel. B. Januar og første del av februar 2016

2 Etter eit spelarmøte på nyåret vart det bestemt at vi skulle prøve å stille lag i både 6.-divisjon og sjuarserien også denne sesongen. Det såg bra ut med tanke på spelarmaterialet på dette tidspunktet. Fleire spelarar tok på seg forskjellige roller rundt laga. Mellom anna vart Hazhir Alipoor lagleiar for Hareid 2 og Thor André Barstad Gulbrandsen for Hareid 3. Antoni Gardshol tok på seg å leie enkelte treningar. Brørne Hareide organiserte draktvasken. Ei stund etter møtet trekte dessverre Jonas Pilskog Pedersen seg som trenar for Hareid 3 (då snakkar vi om å ta seg av gjennomføringa av kampane). Vi satsa på ein roleg inngang på året, med utetreningar tysdagar og innetreningar søndag. Etter Odden-cupen litt ut i februar (som ikkje vart nokon sportsleg suksess, begge laga våre rauk ut i kvartfinalane) gjekk vi over til å trene berre ute. Normalen var treningar tysdagar, fredagar og søndagar. Men mange tysdagar gjekk med til å spele treningskampar (alle 11-ar). C. Oppkøyringa vidare, frå februar til midt i april Det var stort sett godt oppmøte på treningane. I treningskampane la vi vekt på å gi speletid til alle med brukbart oppmøte. Vi hadde ikkje fokus på resultat i treningskampane. Det handla mest om å kome i kampform og få trena på stor bane, noko som er vanskeleg under dei ordinære treningane. Resultata i kampane gjekk alle vegar. Vi såg i enkelte kampar at stallen var noko skeivt samansett, med tanke på at vi hadde svært mange defensive spelarar og få angriparar. Men vi brukte heller nesten ikkje a-spelarar i treningskampane. (I vårsesongen fekk vi til kvar kamp fire spelarar frå a- laget, om hausten var det ofte både seks og sju.) D. Vårsesongen Med tanke på spelartilgangen var dette ei svært god tid for Hareid 2-3. Det har aldri vore betre, og kjem heller aldri til å bli det igjen. Sjølv på fredagstreningane kunne det vere fleire og 20 mann. Stallen talde brutto 30 spelarar. Det var ingen problem å stille lag i verken 6.-divisjon eller sjuarserien denne våren. Derfor var det synd at store hol i terminlista gjorde at vi knapt nok fekk spele kampar i periodane vi hadde mykje folk. Fleire kampar vart utsette, og til slutt trekte også Langevåg 2 laget (som det tredje av i utgangspunktet ti lag). Sluttabellen ber nok preg av at vi fekk spele få kampar i periodane vi hadde ein god stall kvalitativt og kvantitativt. I 6.-divisjon opna vi med to knappe tap mot to av dei beste laga (Sæbø og Gjerdsvika). Men sigrane borte mot Bergsøy 2 og Tjørvåg lukta det svidd av. Då var laget i godt slag. Dei to siste kampane før ferien, mot Bergsøy 2 (heime) og Hasundgot enda begge uavgjort. At ikkje kampen mot Hasundgot enda med siger var vel den einaste reelle underpresteringa denne våren. Å skulle slå Gjerdsvika borte i april er aldri lett. Og Sæbø viste seg å ha eit eige nivå i denne divisjonen. Sjølv om Hareid var nær poeng også den kampen. I sjuarserien gjekk det lenge veldig bra. Dei tre første kampane enda i enkle sigrar mot dei tre svakaste laga i divisjonen. Deretter var det ein knapp 4-3-siger borte mot Tjørvåg 2. Før vårsesongen vart avslutta med eit surrealistisk 17-4-tap heime mot Bergsøy 3. E. Sommaren Vi tok ein lang ferie på heile fem veker, minus eit par sosiale frivillige treningar i slutten av juli. Så starta vi å trene igjen rundt 1. august. F. Haustsesongen Som venta forsvann mange spelarar i løpet av sommaren. Det gjaldt blant andre heile familien Alipoor, Aksel Røyset Bakken og Emil Vartdal Hareide. Dessutan mista Benjamin Slettebakk heile

3 haustsesongen grunna skade. Ole André Kragset, som rett nok var i a-stallen (men spelte kampar for oss), melde overgang til ÅVK. Arthur Hareide mista mesteparten av haustsesongen, sidan han var på sjøen. I tillegg var fleire spelarar mindre tilgjengelege om hausten enn våren grunna ulike jobbsituasjonar. Den einaste nysigneringa om sommaren var Thomas Østrem. Alt i alt vart det plutseleg mykje betre plass på treningane og i kamptroppane. Men vi kom i mål, sånn akkurat (det vart svært mykje logistikk for å få kabalane til å gå opp siste par vekene, då det hopa seg opp med utsette kampar). Med eitt eller to unntak klarte vi også å gjennomføre treningane på ein heiderleg måte med nok spelarar. Når det gjaldt prestasjonane i seriane, så var ikkje forventningane så store denne hausten. I 6.- divisjon gjekk det igjen midt på treet med tre sigrar og tre tap (skal seiast at to av sigrane kom mot Moltustranda, det klart dårlegaste laget i divisjonen). I sjuarserien vart det først tre klare sigrar mot dei tre svakaste laga, før sesongen vart avslutta med tomålstap mot både Tjørvåg 2 og Bergsøy 3. Merk at andreplass i sjuarserien (Søre) var eitt hakk opp i høve Femteplassen i 6.-divisjon var ikkje så imponerande kontra andreplassen i Men dette hadde nok mest med stabiliteten å gjere. I 2015 kunne Hareid 2 stille ganske like lag frå runde til runde, med nøkkelspelarar som var med kamp etter kamp (A. Hareide, Hove, Slettebakk, Kragset, Hide og Gardshol var til dømes alle stabile i 2015, men ikkje i 2016 av ulike grunnar). I 2016 var for det første fleire av desse nøkkelspelarane anten skadde eller vekke på andre måtar. Og for det andre så var det også mykje inn og ut med dei som kom inn for desse i Men det skal seiast at det har vore mange gode prestasjonar i år også, både kollektivt og individuelt. Det må også presiserast at det er 2016 som er eit normalår for eit lag som Hareid 2. Ein stabilitet som vi hadde i 2015 er meir som eit unntak å rekne på dette nivået. G. Medlemsliste 2016 * Odd-Magne Brandal. Var mykje vekke i år grunna reiser i jobbsamanheng. * Emil Bastian Reite. Var på ei handfull treningar, men ingen kampar. Mykje opptatt med dømming. * Per Inia Brekke. Var med litt her og der, men mest opptatt med dømming. * Thor André Barstad Gulbrandsen. Stabil og god mann for Hareid 3 i vår. Men mista heile hausen grunna ein skade. * Martinus Warholm. Etter alle skadeproblema i 2015 hadde MW ein god og jamn sesong. * Einar Orten Trovåg. Begynte å trene igjen i løpet av våren. Og spelte ein del kampar om hausten, mest sjuar. * Fredrik Fagerli Abrahamsen. På sjøen 50 %. Stiller alltid opp når han er heime. God sportsleg sesong. * Anders Hjelle Øiestad. Fast innbytar på 11-arlaget. Men mista siste del av hausten grunna sjukdom. * Jonas Pilskog Pedersen. Dårleg tid grunna jobb. Men fekk trena litt og spelt eit par sjuarkampar om hausten. * Arthur Hareide. To (lange) opphald på sjøen. Dermed ikkje like stabil som åra før. Men uansett ein bra mann å ha på topp for 11-arlaget. * Emil Vartdal Hareide. Stabil og god vårsesong, fast på 11-ar. Flytta til Oslo om sommaren. * Antoni Gardshol. Mista nesten heile sesongen grunna skadar. Synd, for dette er kanskje beste spelaren vi har. * Preben Nedrelid. Mykje jobb. Spelte ein del på sjuarlaget om våren. * Daniel Reite. 50 % sjøen. Synd at terminlista passa så dårleg for han i år, mtp sjøen. Er svært viktig som forsvarar for 11-arlaget når han er heime. * Eirik W. Brandal. Vart ikkje like ofte oppteken med jobb som tidlegare år. Dermed fekk han ein god og jamn sesong. Spelte for begge laga.

4 * Benjamin Slettebakk. Ute heile haustsesongen grunna skada. Trena også ein del med a-laget gjennom vinteren. * Honar Alipoor. Reserve på 11-ar om våren. Flytta om sommaren. * Håvard Bolstad Banne. Hadde ein bra og jamn sesong, om vi ser vekk frå ein skadeperiode vinter/vår. Spelte mest sjuar, men også 11-ar. * Thanusan Tharumalingam. Kunne kanskje ha trena litt meir, men sportsleg god sesong for 11-ar, spesielt om hausten. * Vidar Pilskog. Ein sesong prega av skadar. Spelte ein del sjuar om våren. * Andreas Emdal Fure. Har vore kaptein for 11-arlaget. Har hatt ein god sesong. * Kevin Øvrelid. Ikkje alltid tilgjengeleg grunna skule og jobb. Men har i periodar vist eit veldig høgt toppnivå. Vart toppscorar for 11-arlaget i serien (fem mål). * Olav Hofseth. Meir og meir vekk utover i sesongen. Knapt nok med om hausten. Spelte ein del sjuar om våren. * Hazhir Alipoor. Stilte på omtrent alt som var av treningar og 11-arkampar i vinter og vår. Gjorde det også godt sportsleg. Synd han flytta om sommaren (også pga det adm rundt laget). * Per Ståle Nykrem. Bur i Myrvåg og rekk ikkje innom altfor mange treningar. Men var med nok til å få spele ein del på sjuarlaget. * Ulrich Kurseth. Kom frå Tjørvåg i vinter. Vart på ein måte vår store redning då han begynte å satse som keeper i vår. For keeper hadde vi ikkje frå før. * Ben Buntu. Kom frå Tjørvåg IL i vinter. Vart berre betre og betre utover vinteren og våren. Hamna då på a-laget. Flytta tillbake til Fosnavåg om hausten. Men vart med oss nokre kampar då det passa seg slik. * Truls Jonny Levik Kolstad. Kom frå FK Sykkylven i vinter. Har i seriesamanheng berre spelt sjuar. * Thomas Østrem. Kom frå Lokomotiv Oslo i sommar. Spelte fast på sjuarlaget om hausten. * Emil Johannes Dahlen Folkestad. Sett vekk frå ein skadeperiode om våren har han hatt ein jamn og god sesong. * Aksel Røyset Bakken. Gjorde comeback i vår og var verkeleg på gang. Synd for oss at han flytta om sommaren. I alt har vi altså hatt 31 medlemmar. Spelarar i a-stallen, samt dei i junioralder, er ikkje tatt med her. Det er heller ikkje nokre frå Myrtun (asylmottak) som har trena litt med gruppa. Alle har fått lov til å trene gratis med laget tre gonger før dei bestemmer seg for om dei blir med vidare eller ei. H. Utstyr Vi har grovt sett spelt i dei gule reservedraktene til a-laget i 6.-divisjon. I sjuarserien har vi spelt i dei raude treningsskjortene/draktene (med tal bakpå), som alle betalande medlemmar har fått utdelt. Når det gjeld ballar har det vore ein svært merkeleg sesong. Vi har to gonger fått påfyll av ballar frå Sportssenteret, men nesten alle har blitt øydelagde etter kort tid, nokre etter berre fire-fem treningar. Dei ballane som held best kvalitet er faktisk nokre gamle og godt brukte som a-laget ikkje lenger ville ha. Konklusjonen får bli at det er betre å kjøpe inn åtte skikkelege kvalitetsballar enn 16 på tilbod. I. Treningsframmøte Er ført inn i same oversikta som (alle) kampar og turneringar, så har ikkje eiga oversikt berre for treningar. Men frå starten av januar til 19. oktober hadde vi faktisk nøyaktig 100 aktivitetar. Det er fem færre enn i 2015 (skuldast truleg kortare sommarpause då).

5 Totalt 76 personar har delteke på minst éin aktivitet. Det er faktisk ein nedgang på 33 får Skuldast truleg at fleire no kjenner opplegget og ikkje treng om å «prøvespele» for å vite kva dei evt. går til. Flest aktivitetar (feilmargin pluss minus 2): Eirik Brandal 70 Andreas Emdal Fure 69 Martinus Warholm 68 Arthur Hareide 66 Emil Johannes Dahlen Folkestad 62 Thor André Barstad Gulbrandsen 62 J. Prisar og liknande Årets spelar Hareid 2: Thanusan Tharumalingam Årets unge spelar Hareid 2: Andreas Emdal Fure Toppscorar Hareid 2: Kevin Øvrelid (Eirik W. Brandal hadde flest inkl. treningskampar) Assist-konge Hareid 2: Fredrik Andresen Årets spelar Hareid 3: Håvard Bolstad Banne Toppscorar Hareid 3: Eirik W. Brandal Ligavinnar vinter/vår: Thor André Barstad Gulbrandsen Ligavinnar haust: Blir avslutta i desember Desse har passert 50 HIL2-kampar i løpet av sesongen: Hazhir Alipoor, Emil Vartdal Hareide, Arthur Hareide, Odd-Magne Brandal, Venthan Ketheeswaran. Sjekk elles statistikk i vedlegg. Hareid. 30. oktober *** Vedlegg: Treningskampar (alle 11-ar): Hareid Hasundgot 1-2, Hareid Gjerdsvika 3-0, Hareid Fiskerstrand 3-0, Hareid Åmdal 2-2, Hareid Volda II 2-2, Hareid Sæbø 1-2, Hareid Langevåg II 7-0, Hareid Bergsøy II 2-2, Hasundgot Hareid 3-1 (sommar). Seriekampar 6.-divisjon: Hareid Sæbø 2-3, Gjerdsvika Hareid 4-2, Bergsoy II Hareid 0-2, Tjørvåg Hareid 1-4, Hareid Hasundgot 2-2, Hareid Bergsøy II 4-4, Moltustranda Hareid 0-9, Hareid Gjerdsvika 1-4, Hareid Tjørvåg 1-2, Hasundgot Hareid 3-4, Sæbø Hareid 5-2, Hareid Moltustranda 6-0. Seriekampar sjuarserien: Flø Hareid 8-13, Hareid Gjerdsvika II 15-2, Hareid Austefjord 9-0, Tjørvåg II Hareid 3-4, Hareid Bergsøy III 4-17, Hareid Flø 11-1, Austefjord Hareid 2-10, Gjerdsvika II Hareid 6-11, Hareid Tjørvåg II 1-3, Bergsøy III Hareid 7-5.