Årsrapport Hareid a-lag 2014

Transkript

1 Årsrapport Hareid a-lag 2014 Biletet: Heile troppen som var i Tyrkia i mars. Støtteapparat: Hovudtrenar: Hans Gisle Holstad Hjelpetrenar: Vidar Vollsæter Hjelpetrenar: Ruben-Kenneth Brandal Backup-trenar: Vagn Scheide Mork Lagleiar: Einar Orten Trovåg Materialforvaltar: Knut Helge Hovden Hjelpemann: Anders Hjelle Øiestad Lagkaptein: Vagn Scheide Mork. Visekapteinar: Ørjan Engen Grimstad (vår) og Ulrik Wingsternes (haust). Treningar: Ein periode frå sesongslutt 2013 og fram mot inne-km vart det køyrt frivillige innandørstreningar måndagskveldane. Frå midten av november og fram til jul tok Hans Gisle Holstad over og hadde ei ressursøkt kvar måndag. Etter jul var det først tre treningar i veka på kunstgrasbana (eventuelt + internkamp laurdag). Frå midten av februar vart det normalt sett tre treningar + treningskamp og seinare seriekamp. Det var lang sommarferie i år. Som vanleg var det ein periode i juli to frivillige treningar per veke. Malen for hausten var også tre treningar pluss kamp, men ved eit par-tre høve vart laurdagstreninga sløyfa av ulike grunnar. Sidan det ikkje vart tatt ut stall i 2014 er det vanskeleg

2 å seie kor mange som burde ha vore på kvar trening, men grovt sett har treningsoppmøtet vore bra. I vekene har det ofte vore over 20 spelarar på øktene. I helgane oftast ein del færre. Stallen: Det vart aldri tatt ut ein offisiell stall denne sesongen, noko som sikkert både har hatt positive og negative sider. Ein del «lause fuglar» har jo i tøffe periodar heldt oppe treningsframmøtet, men det har samtidig vore vanskeleg å vite kven som satsar og ikkje satsar til alle tider. Det har vore spelarar som først i sesongen har satsa, så meldt at dei har trappa ned, for så å melde at dei satsar igjen. Av dei som var med hausten 2013 forsvann Marius Rise og Audun Øvrelid av sentrale spelarar i vinter. Håkon Lonbakken la opp (eller pause). Ørjan Engen Grimstad skulle i utgangspunktet ikkje vere med i 2014, men budde mesteparten av våren heime. Joachim Røyset har budd både i Oslo og USA i år, men vore med før og etter sommaren. Nikolay Sundgot og Per Ståle Nykrem satsa ikkje heilhjarta i 2014, medan Martinus Røyset Bakken var sjømann og dermed av og på. Joachim Moldskred varsla opptrapping etter å ha vore ute hausten 2013, men etter nokre treningar la han inn årane. Honar Alipoor mista stort sett heile sesongen grunna skadar. Det same gjaldt Emil Johannes Dahlen Folkestad. Venthan Ketheeswaran var i det militære i år, men har trena ein del med laget når han har vore heime. Christer Adrian Mork sleit med skadar om vinteren og kom aldri skikkeleg i gang. Han scora rett nok mot Rollon som innbytar. Men etter sommaren flytta 2013-toppscoraren til Volda. Ole André Kragset og Antoni Gardshol var for det meste med på b-laget i år, sjølv om dei trena litt med a-laget. Av nye spelarar kom Håkon Orten Trovåg, Martin Nikolai Longva og Kristian Myklebust inn i vinter. Av desse var Longva viktige heile året, Trovåg god så lenge han var heime (flytta til Oslo om sommaren), medan Myklebust grunna jobb og skadar var mykje av og på. Rett før sesongstart melde Alexander Nevstad seg inn frå LGFK, medan Ulrik Wingsternes kom seinare på våren. Faste hospitantar: Fredrik Lonbakken (1997), Fredrik Andresen (1995), Thanusan Tharumalingam (1995), Runar Stranden (1996), Hazhir Alipoor (1996) modellane Simon Holstad Grimstad, Håvard Øvrelid og Isak Kristoffersen trena to gonger med laget frå sesongstart av. Etter kvart vart Grimstad fast hospitant, medan dei to andre var sjeldnare og sjeldnare å sjå. Elles har Odd-Magne Brandal og Arthur Hareide frå b-stallen, samt junioren Emil Vartdal Hareide, (1995) vore ein del med på treningar. Oppkøyringa: Treningane gjekk fint, men treningskampane gav ikkje gode utsikter. Laget verka noko spinkelt med mange unge spelarar på bana samtidig. Dessutan var spelarmassen litt dårleg samansett. Det var mange back- og vingtypar, men få typiske spissar og sentrale midtbanespelarar. Hareid vann berre tre av 12 treningskampar før sesongen, og eit par av tapa var skikkeleg stygge. Men det skal også seiast at resultatfokuset var lite. Heile 33 spelarar fekk prøve seg i treningskampane.

3 Hareid prøvde seg på ein offensiv type fotball med pasningsspel langs bakken denne sesongen. I treningskampane fungerte ikkje det særleg. Generalprøven mot Tornado Måløy FK var typisk for sesongen. Hareid spelte best og skapte haugevis av sjansar, men makta ikkje å score. TMFK vann 1-0. Det må elles seiast at treningsleiren til Tyrkia i mars var ein stor suksess. To treningar kvar dag dei dagane vi ikkje spelte treningskamp. Symjekonkurranse i Tyrkia. Bak: Vattøy, L. Folkestad, Kragset. Framme: Stranden, Ø. Grimstad, S. Grimstad. Håkon Orten Trovåg, Martin Nikolai Longva og Joachim Røyset quizvinnarar i Tyrkia.

4 Vårsesongen: Hareid stilte dette laget i første seriekamp borte mot Godøy: Vagn Scheide Mork (K) (Fredrik Lonbakken 90) - Robin Jackson Indreflø, Martin Nikolai Longva, Ørjan Engen Grimstad, Nauris Driksna - Lars Andreas Dahlen Folkestad (Emil Johannes Dahlen Folkestad 82), Thor-Ove Brekke (Alexander Nevstad 70) - Håkon Orten Trovåg, Ola Kalvø Vattøy (Eiliv-Tore Howlid 82), Georg Eikrem Olsen (Fredrik Andresen 77) - Runar Stranden (Joar Møller 60). Thor-Ove Brekke, Anders Hjelle Øiestad og Ørjan Engen Grimstad etter sigeren på Godøya. Kampen var lenge jamspelt, og Hareid leverte ingen topp prestasjon. Men Godøy fekk utvist keeperen sin i 2. omgang og Hareid vann vel fortent 3-1 til slutt. Det var a-lagets første siger på Godøya nokon gong. Men i andre serierunde gjekk Hareid skikkeleg på trynet. Ingenting stemte borte mot Emblem, som til slutt vann 7-0. Dette tapet viste seg å vere eit blaff. For resten av vårsesongen var Hareid stabilt ganske gode. Alexander Nevstad hadde etablert seg på laget og scora eitt av måla i 2-0-sigeren mot Skodje. Sigeren gav sjølvtillit, og det vart følgt opp med sterke 3-1 borte mot Rollon. I femte runde vart svake Stranda slått 3-2, med Nevstad som matchvinnar. I sjette runde gjekk Hareid på eit bittert 2-1-tap borte mot suverene Volda. Lars Andreas Dahlen Folkestad utlikna to minutt før slutt, men Volda scora i overtida. Uavgjorte kampar heime mot FK Sykkylven og Ørsta følgde. Her kunne Hareid både ha vore meir og mindre heldige. 1-1 borte mot Valder runden etter var ein god prestasjon, der Hareid like greitt kunne ha vunne. 15 år gamle Simon Holstad Grimstad, som no hadde etablert seg på laget, scora Hareids mål. Hareid mangla både L. Folkestad og Robin Jackson Indreflø med karantene denne kampen. På plussida hadde Ulrik Wingsternes etablert seg i midtforsvaret (noko som gjorde at Ørjan

5 Engen Grimstad kunne spele lengre framme på bana, sidan Wingsternes og Longva danna ein stopparduo av høg kvalitet), medan Øyvind Hagen spelte ein av sine fem kampar på «ferielån» frå Varegg. I nest siste runde kom eit litt ufortent tap borte mot Langevåg (1-0). 2-2 heime mot svake Blindheim i siste vårkamp (Ø. Grimstad spelte spiss og scora eitt mål) gjorde at avslutninga på vårsesongen vart noko skuffande. Hadde Hareid til dømes tatt seks poeng på dei to siste kunne vi sagt at vårsesongen hadde vore god var for så vidt inga skam med tanke på at dei fleste venta Hareid skulle kjempe på nedre halvdel. Men vi sat med ei kjensle av at Hareid ikkje makta å avgjere kampar med spelemessig overtak. Laget mangla ein typisk goalgetter gjennom store delar av sesongen. Standard lagoppstilling denne våren: V. Mork Indreflø, Grimstad, Howlid, Driksna H. Trovåg, Nevstad, L. Folkestad, Olsen Vattøy Stranden Nevstad, L. Folkestad, Ø. Grimstad, Vattøy og Øiestad etter sigeren mot Stranda. Sommaren: Før haustsesongen vart det spelt to treningskampar. Først 8-0-siger borte mot Hovdebygda (Per Ståle Nykrem gjorde eit kort comeback og scora eitt mål), deretter 3-1-tap i Ørsta (Einar Orten Trovåg med si første a-scoring). Det spørst om resultata sa oss særleg meir enn at det er ganske stor nivåforskjell på 4. og 5.-divisjon.

6 Frå den tradisjonelle sommaravslutningsfesten i Fredsæla. Vagn Scheide Mork, Joar Møller og Ola Kalvø Vattøy med grillen. Haustsesongen: Til haustsesongen forsvann fleire sentrale spelarar; Håkon Orten Trovåg, Lars Andreas Dahlen Folkestad, Ørjan Engen Grimstad, Christer Adrian Mork og sommarspelarar som Joachim Røyset og Øyvind Hagen. Men ikkje alle forsvann samtidig. Til første haustkamp mot Godøy spelte til dømes Øyvind Hagen ei sentral rolle. Han scora eitt mål i 2-1-sigeren på Hareid stadion. Georg Eikrem Olsen vart matchvinnar. Øyvind Hagen og fotballformann Stian Runne Brandal.

7 Hareid fekk ikkje det store tilfanget av spelarar. Politistudentane Erik Bratland Kolstø og Kristian Larssen Hove melde seg inn frå Hulløy (Nordland), men dei var mykje vekke og spelte ikkje så mykje sjølv om Hove scora eit fint mål mot FK Sykkylven. Nikolai Røyset hadde flytta tilbake til Hareid, og gjorde eit lite comeback etter å ha øydelagt korsbandet både i 2012 og I andre haustrunde kjempa Hareid inn eit 0-0-resultat mot Emblem, sjølv om Hareid fekk to utviste spelarar. I tillegg til manglande kontinuitet elles hjelpte det ikkje på at Hareid fekk ei mengde karantenar denne hausten, inkludert fem raude kort på fem kampar. Spesiell situasjon, med tanke på at Hareid før Emblem-kampen hadde spelt to år utan eit einaste raudt kort. Manglande kontinuitet, skadar og karantenar (og vi kan vel også legge til uheldig dømming elles eit par kampar) gjorde at Hareid etter Emblem-kampen gjekk i ein svært tung periode. Bortetap mot Skodje og heimetap mot Rollon følgde. Så vart det 2-2 borte mot Stranda, ein kamp Hareid dominerte trass i at Alexander Nevstad vart utvist før pause. Heime mot Volda låg eit nykomponert Hareid-lag under 3-1, men kom tilbake og fekk 3-3 etter scoringar av Aadland og Stranden trudde vi. Dessverre førte ein generalfeil av dommarane til at 3-3-målet feilaktig vart annullert. Der mista Hareid eit nesten senasjonelt poeng med tanke på den sterke motstanden. Vidare leia Hareid 2-0 på Ikornnes mot FK Sykkylven, men tapte 4-2. Ein ujamn prestasjon, der 1. omgangen var OK og vel så det. Også i Ørsta var Hareid bra i 1. omgang. Men etter 0-0 halvvegs skuffa Hareid i 2. omgang og tapte 3-0. No tyda det meste på ei svært tung avslutning på sesongen. Men no var det om ikkje anna slutt på karantenane. Folk var ferdige med skuleturane. Og skadane vart færre. Og som ein Fugl Fønix reiste Hareid seg på tampen med tre sigrar av tre moglege. Det vart 2-1-siger heime mot Langevåg i ein jamn kamp, der Martinus Røyset Bakken og Thor-Ove Brekke scora måla. Hadde Hareid tapt denne kampen hadde det faktisk blitt niandeplass til slutt (uansett full utteljing to siste), og ikkje femteplass som det vart. Blindheim borte vart nesten overraskande lett match. Hareid vann 5-1. Ola Kalvø Vattøy scora to av måla. Han sende også Hareid opp i 1-0 heime mot Valder i Hans Gisle Holstad sin siste kamp som Hareid-trenar. Valder utlikna. Men på overtida scora endeleg Runar Stranden sitt første seriemål for Hareid a-lag. Dermed vart Hareid igjen nummer 5. Poengsummen enda på 30 pinnar, av dei 14 om hausten. Så trass i vanskelege arbeidsforhold om hausten var det ein fin sesong til slutt likevel. Vi må ta med at laget tok spelemessige steg i høve Hareid har blitt eit meir og meir spelande lag. Lite har vi sett av langpasningar og dunkingar. Ja kanskje har det vore litt for lite kynisme enkelte kampar, meiner fleire. Standard lagoppstilling denne hausten: V. Mork Indreflø, Longva, Wingsternes, Driksna Stranden, Brekke (Møller), S. Grimstad, Olsen Vattøy Hi. Alipoor. Årets spelar Martin Nikolai Longva hadde ein god sesong, spesielt om hausten, og vart kåra til årets spelar. Også Ørjan Engen Grimstad leverte gode prestasjonar, men han spelte akkurat ikkje nok til å vere med i kåringa. Runar Stranden vart kåra til årets unge spelar. Merk også at ein 15-åring som Simon Holstad Grimstad hadde god utvikling gjennom sesongen.

8 Ola Kalvø Vattøy vart toppscorar. Sjekk elles statistikken i eige vedlegg. Til kvar heimekamp kåra ein lokal anonym jury heimelagets beste spelar: Hareid Skodje: Robin Jackson Indreflø Hareid Stranda: Ola Kalvø Vattøy Hareid FK Sykkylven: Vagn Scheide Mork Hareid Ørsta: Ørjan Engen Grimstad Hareid Blindheim: Martin Nikolai Longva Hareid Godøy: Øyvind Hagen Hareid Emblem: Martin Nikolai Longva Hareid Rollon: Alexander Nevstad Hareid Volda: Martin Nikolai Longva Hareid Langevåg: Hiwa Alipoor Hareid Valder: Fredrik Lonbakken Inne-KM A-laget vart som i 2013 nummer fire både i Søre-meisterskapen og i KM-sluttspelet. Dei som ville kunne vere med og spele, så det var ikkje noko toppa a-lag som var med slik sett. Ola Kalvø Vattøy fungerte som spelande trenar. Hans Gisle Holstad takka av etter Valder-kampen. Hareid vann 2-1.