Sesongrapport Hareid menn senior 1, sesongen 2016

Transkript

1 Sesongrapport Hareid menn senior 1, sesongen 2016 Hareid A før seriestart i Bak frå venstre: Vidar Vollsæter (trenar og lege), Torgeir Skeide, Joar Møller, Lars Roar Holstad, Robin Jackson Indreflø, Eiliv-Tore Howlid, Alexander Nevstad, Runar Stranden, Simon Holstad Grimstad, Jon André Thue, Ruben-Kenneth Brandal, Nauris Driksna, Thor-Ove Brekke, Kristian Angelsen (lagleiar), Harald Møller (trenar). Framme: Einar Magne Skeide (trenar), Knut Helge Hovden (materialforvaltar), Venthan Ketheeswaran, Ole André Kragset, August Brandal, Benjamin Slettebakk, Hiwa Alipoor, Fredrik Andresen, Sigve Overå Hide, Fredrik Lonbakken, Håvard Mork Breivik, Håvard Øvrelid, Håvard Knudsen Bjåstad, Jon André Skarshaug, Anders Hjelle Øiestad (assisterande lagleiar). Manglar: Vagn Scheide Mork (trenar), Martinus Røyset Bakken. A. Støtteapparat I slutten av november vart det klart at vi fekk inn Einar Magne Skeide som ny trenar rundt a-laget (altså slutta Stig Monsen etter éin sesong). Men grunna verv i IL Hødd kunne ikkje han vere hovudtrenar åleine. Sportsleg utval laga dermed ei løysing med Skeide som delt hovudtrenar saman med Vagn Scheide Mork, som gav seg som spelar etter 2015-sesongen. Vidar Vollsæter og Harald Møller (vårsesongen) vart med vidare som hjelpetrenarar. Sett i ettertid så er det Mork som har tatt det tyngste taket på trenarsida, med tanke på at han har vore på nesten alle treningar og kampar. Men det har vore til stor nytte for gruppa at Skeide har vore med på (gjennomsnittleg) to aktivitetar per veke.

2 Vidare har Kristian Angelsen gjort ein god jobb som lagleiar, som i Knut Helge Hovden stilte nok ein sesong opp som materialforvaltar. Anders Hjelle Øiestad var med litt som medhjelpar, men bere i vårsesongen. B. Treningar Laget har på det jamne hatt fire aktivitetar per veke heile sesongen (minus sommaren). Det er noko meir enn i 2015, då det var berre tre store delar av sesongen. Suksessen slik sett i år var då laget utpå vinteren fann ut at det var betre å trene søndagar enn laurdagar. Det har gitt mykje høgare frammøte. I sesongen har laget dermed trena søndagar, måndagar og tysdagar og spelt kampar torsdagar. Det vart ikkje arrangert treningsleir i Det kan nok skuldast forskjellig, men det er ikkje til å legge skjul på at terroren i Tyrkia (der treningsleirane har vore tre siste åra) nok har skremt mange. C. Stallen Som i 2015 var det stor interesse for å bli med i stallen då oppkøyringa starta. Derfor måtte trenarane gå ut med beskjed om at stallen i utgangspunktet var den same som i 2015, og at eventuelle nye (frå Hareid 2 eller kvar det måtte vere) måtte kontakte trenarane for eventuelt prøvespel. Først når trenarane fekk betre oversikt fekk nokre spelarar frå Hareid 2 prøve seg. Men ingen av desse vart uansett faste innslag i stallen, med eit mogleg unntak av Ben Buntu om våren. Frå eigen stall vart desse tatt opp meir eller mindre permanent (dei kunne i alle fall i realiteten trene så mykje dei ville med a-laget): Jon André Skarshaug (99-modell), August J. Brandal (01), William Valde Bigset (00) og Håvard Mork Breivik (01). Av desse hadde Bigset og Breivik vore med litt i Av spelarar som forsvann i høve stallen for haustsesongen 2015 forsvann (merk, ikkje samtidig, nokre først utpå vinteren) Ole Magnus Ljøen Melchior, Georg Eikrem Olsen, Vagn Scheide Mork og Ulrik Wingsternes. I tillegg gjekk Hazhir Alipoor etter eige ønskje ned på Hareid 2. Den einaste nysigneringa var Ruben-Kenneth Brandal frå Hødd. I tillegg trena politistudenten Ole Magnus Danielsen ein del med laget om våren, utan å melde seg inn. Grovt sett var stallen vinteren og våren 2016 ei litt yngre utgåve enn den vi hadde hausten 2015, utan spesielt store forandringar (Mork, Olsen og Wingsternes var vel dei einaste viktige spelarane frå hausten 2015 som ikkje var med lenger). * Det var i grunnen større forandringar om sommaren. Då forsvann Jon André Thue og Ole André Kragset til ÅVK, Hiwa Alipoor til studiar i Oslo, medan Joar Møller la opp (eller i alle fall tok ein fotballpause). Det var vente at både Kim-Tore Husøy og Christer Adrian Mork (flytta heime) skulle gjere comeback om sommaren, men av dei var det berre Husøy som kom på bana. Roar Amundsen frå Vinstra vart signert frå Oslo-klubben Ready. Enkelte spelarar mista så godt som heile haustsesongen grunna skadar. Men det er ei anna historie. D. Oppkøyringa elles

3 Med tanke på resultat og prestasjonar i treningskampane såg det ikkje veldig lyst ut. Mot fleire 3.- divisjonslag fekk Hareid regelrett bank. Mot kollegaane i 4.-divisjon gjekk det betre, med jamne kampar mot til dømes Langevåg og Ørsta. Avslutningane på oppkøyringa var derimot god med ein solid siger heime mot LGFK. Det skal seiast at det sjeldan eller aldri vart toppa noko lag i oppkøyringa. Alle i stallen fekk mykje speletid. Sjølvsagt synd at både Olsen og Wingsternes slutta eit stykke ut i oppkøyringa, men ikkje mykje å gjere med det. Ruben-Kenneth Brandal kom seg etter kvart på føtene og viste mykje bra spesielt mot slutten av oppkøyringa. F. Vårsesongen Om det ikkje hadde kome inn så mange nye spelarar i høve fjoråret, var det ein del nytt i høve taktikk og posisjonar. Hareid spelte for det aller meste denne sesongen. Og fleire spelarar hadde fått nye posisjonar på bana. Simon Holstad Grimstad, som spelte midtbane i 2014 og ving i 2015, vart no sett ned som midtstoppar. Venthan Ketheeswaran vart køyrt inn som høgreback. Robin Jackson Indreflø, som hadde spelt mest back dei par siste åra, var tilbake på ein ving. Thor-Ove Brekke vart konsekvent nytta som midtspiss. Det var i utgangspunktet Fredrik Lonbakken som hadde tatt over som førstekeeper etter Vagn Scheide Mork, men litt ut i vårsesongen tok Sigve Overå Hide over. Så lenge alle var tilgjengelege denne våren var dette standard lagoppstilling: Hide Ketheeswaran, Holstad/Nevstad, Grimstad, Driksna Brandal, Nevstad/Thue, Skeide Stranden, Brekke, Indreflø/Øvrelid. Merk at 15 år gamle Håvard Mork Breivik spelte seg inn på laget i løpet av vårsesongen. Han vart først nytta mest på midtbana, deretter hovudsakleg i midtforsvaret. Eiliv-Tore Howlid spelte som alltid litt her og litt der. Hareid fekk ei god opning på sesongen med ein solid 2-1-siger på Siffen, i ein kamp der Thor-Ove Brekke var avgjerande på topp. I andre runde hadde derimot Hareid lite å stille opp med heime mot Langevåg. Hareid tapte 3-0. I tredje runde vann Hareid på Valderøya (Valder var kanskje eit lag som vart litt skrytt opp før sesongen, skulle det vise seg.) I fjerde runde spelte Hareid godt og leia 2-0 heime mot LGFK, men etter nokre uheldige situasjonar av både dommarar og spelarar enda kampen 2-2. Etter dette fekk Hareid derimot ein periode med mykje flyt og mykje godt spel; 2-0 borte mot Ørsta, 4-0 heime mot Emblem og 3-1 borte mot Godøy. I det heile såg det veldig bra ut på dette tidspunktet. Ikkje minst med tanke på at Hareid hadde møtt dei fleste av dei beste laga. Men i juni mista Hareid rett og slett godforma. Det hadde både å gjere med skadar og anna som gjorde at det frå då av vart mange endringar på laget frå kamp til kamp og at Hareid møtte lag som i større grad (enn topplaga) la seg bakpå for å demme opp for Hareid sitt overgangsspel (som mellom anna hadde vore veldig godt mot Godøy). I alle tilfelle vart det tap heime mot Norborg og Stranda og eit stor tap borte mot FK Sykkylven denne perioden. Brått måtte Hareid sjå seg nedover på tabellen. På dette tidspunktet var det uklart om fire eller fem lag ville rykke ned som ein følgje av det nye divisjonssystemet. Heldigvis fekk laget ein opptur i siste runde før ferien: Ein flott 6-2-siger borte mot Skodje. Ola Kalvø Vattøy, busett i Molde, hadde seg eit sommaropphald i Hareid-drakt, og var ein av fleire som var god denne kampen. (Ein annan som var med litt om sommaren var Joachim Røyset, men det vart med tre kampar for han i august.) Totalt sett var uansett vårsesongen god, med heile 19 poeng i fangsten. Ikkje verst for eit lag dei fleste tippa langt nede på tabellen.

4 G. Haustsesongen Etter sommaren skulle det derimot gå meir som ekspertane tippa før sesongen. Sjølv om laget glimta til i periodar, og kanskje heller ikkje alltid fekk spesielt godt betalt med spel og sjansar, var det i grove trekk ein tung haust. Klart. At lagets beste spelar mistar 10 av 11 kampar om hausten, har jo ein del å seie. Det var heller ikkje positivt at ein del andre spelarar forsvann. Hovudproblemet var kanskje likevel den manglande stabiliteten i gruppa som var igjen. Det er ikkje nokon som har skulda for det, sånn sett. Av og til er det slik at eit lag er heldige med få skadar og karantenar, og kan stille det same laget kamp etter kamp. Det kunne Hareid eit godt stykke ut i vårsesongen, på same måte som Leicester kunne det i heile sesongen Haustsesongen til Hareid var prega av skadar, karantenar, barnefødslar, skuleturar, jobbreiser, med meir. Og totalen av dette var nok ikkje veldig positiv for laget. Når det er sagt så hadde kanskje ikkje mange tenkt på dette om Hareid hadde slått til dømes Norborg i 19. seierunde og FK Sykkylven i 20. serierunde. Hareid skapte mest begge kampane, men tapte begge. Hadde Hareid vunne desse to hadde plassen vore sikra to rundar før slutt. I staden var det duka for eit nervedrama i dei to siste rundane. Då såg det ut som at Hareid måtte vinne dei to siste kampane for å stå (noko det viste seg at vi måtte). Først vann Hareid 2-1 på Stranda etter mål av Håvard Øvrelid og Runar Stranden. Det var ein kamp Hareid kunne ha vunne med langt større siffer. Men det var spennande heilt inn. Før siste runde kjempa Norborg, Hareid og Ørsta om to ledige plassar i neste års forsterka 4.-divisjon. Nokre minutt ut i 2. omgang leia både Norborg og Ørsta, medan det stod 0-0 på Hareid mot Skodje. Akkurat då var Hareid i 5.-divisjon. Men heldigvis sørga mål av Thor-Ove Brekke og Kim-Tore Husøy for 2-0-siger. Og då var plassen sikra på mest mogleg dramatisk vis. Sidan LGFK tapte sin siste kamp enda Hareid faktisk heilt oppe på sjetteplass. H. Oppsummering Sjølv om det var ein varierande sesong, så må vi også kunne seie at det totalt sett var ein bra sesong. For målet var å kome med i den nye 4.-divisjonen. Og det klarte Hareid. Sjetteplass var fire plasseringar betre enn i 2015, og det vart også plukka seks poeng meir. Det store problemet i 2016 var i grunnen heimeforma heime var dårlegast av alle borte var derimot tredje best i divisjonen. I. Kåringar Årets spelar: Runar Stranden Toppscorarar: Thor-Ove Brekke og Runar Stranden Assist-konge: Runar Stranden Årets unge spelar: Simon Holstad Grimstad Desse passerte 100 kampar i løpet av sesongen: Runar Stranden, Fredrik Andresen, Lars Roar Holstad, Robin Jackson Indreflø. Sjekk elles adelskalenderen og den vedlagte spelarstatistikken. J. Eventuelt * Elles høver det med å nemne at trass i ein frykteleg svak heimestatistikk har det vore jamt over godt frammøte på heimekampane i år. Vi har inga nøyaktig oversikt over talet på tilskodarar (betalande + ikkje betalande) per kamp. Men det har bikka 100 fleire gonger. Mot LGFK var det godt over 200. Til bortekampen mot Stranda var vi også så heldige at 20 supporterar reiste innover for å støtte laget med heiing og bluss. Veldig bra!

5 * Vi kan også ta med at treningsforholda var gode i Takka vere mange dyktige folk i Hareidfotballen har vel så vidt vi kjem på i farten ikkje ei einaste trening gått ut grunna snø eller liknande. * I november 2015 stilte Hareid A eitt lag i futsal-km i Voldahallen. Laget rauk ut i gruppespelet. Hareid. 30. oktober *** Vedlegg: Tabell 4.-divisjon: 1. SIF (46), 2. Langevåg (44), 3. Godøy (41), 4. Emblem (38), 5. FK Sykkylven (38), 6. Hareid (29), 7. Norborg (29), 8. LGFK (29), 9. Ørsta (28), 10. Valder (23), 11. Skodje (14), 12. Stranda (12). Hareids målforskjell: Ingen opprykk. Nedrykk: Lag Treningskampar: Bergsøy Hareid 7-2. Hareid Emblem 4-3, Hødd II Hareid 1-1, Stryn Hareid 6-0, Hareid Ørsta 2-3, Hareid Volda 0-7, Hareid Langevåg 2-1. Rollon Hareid 5-0, Hareid Larsnes/Gursken FK 5-1, Hareid ÅVK 3-3 (sommar). Seriekampar: SIF Hareid 1-2, Hareid Langevåg 0-3, Valder Hareid 0-3, Hareid LGFK 2-2, Ørsta Hareid 0-2, Hareid Emblem 4-0, Godøy Hareid 1-3, Hareid Norborg 0-1, FK Sykkylven Hareid 5-1, Hareid Stranda 0-2, Skodje Hareid 2-6, Hareid SIF 2-4, Langevåg Hareid 1-0, Hareid Valder 2-2, LGFK Hareid 3-6, Hareid Ørsta 2-1, Emblem Hareid 2-1, Hareid Godøy 0-4, Norborg Hareid 2-1, Hareid FK Sykkylven 0-2, Stranda Hareid 1-2, Hareid Skodje 2-0. Jubel etter at sesongen enda godt med 2-0-siger heime mot Skodje i siste serierunde. Bakre rekkje frå venstre: Fredrik Andresen, Gustav Bjørlykke Kløvning, Lars Roar Holstad, Sigve Overå Hide, Håvard Mork Breivik. Midtrekkja: Eiliv-Tore Howlid, Runar Stranden, Simon Holstad Grimstad, Thor-Ove Brekke, Kim-Tore Husøy, Roar Amundsen. Nest fremste rekkje: Vidar Vollsæter, Vagn Scheide Mork, Venthan Ketheeswaran, Torgeir Skeide, Nauris Driksna, Robin Jackson Indreflø, Martinus Røyset Bakken, Ola Kalvø Vattøy. Heilt framme: Knut Helge Hovden, Einar Magne Skeide.