GLOPPEN KOMMUNE SAKSPAPIR

Transkript

1 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet Kommunestyret Avgjerd av: Kommunestyret Saksbehandlar: Jan Kåre Fure Objekt: Arkiv: 614 S10 &53 Arkivsaknr.: 09/ Gloppenstasjonane: Organisering av drift og eigarskap - avtale med SFE Produksjon AS Vedlegg: Dok.nr Tittel på vedlegg Aksjonæravtale for Gloppen Energi AS Avtale om retta emisjon i Gloppen Energi AS Samandrag: Styret i Gloppen Energi AS tilrår samrøystes at eigarskapen til Gloppenstasjonane (kraftverka i Evebøfossen, Eidsfossen og Trysilfossen) blir overførde til Gloppen Energi AS frå 1. januar 2016, og at SFE Produksjon AS får kjøpe 30 % av stasjonane. Som ein del av saka tilrår styret at selskapet sine aksjar i SFE blir tilbakeførde til Gloppen kommune. Rådmannen tilrår at kommunestyret vedtek styret sitt framlegg. Styret si utgreiing av saka: Bakgrunn for saka Det vart i 1995 inngått avtale mellom Gloppen kommune og Sogn og Fjordane Energiverk AS (SFE) om 20 års leigeavtale av Gloppen kommune sine kraftanlegg Trysilfossen, Eidsfossen og Evebøfossen (Gloppen stasjonane). Ved inngåing av avtalen vart det utbetalt ein eingongssum på 65 mill. kr. Avtalen er forlenga for 2015 i tilleggsavtale datert mellom dei same partane og SFE utbetalte ein leigesum på 4,5 mill. kr til kommunen. Det er ein opsjon på ytterlegare forlenging av avtalen med eitt år dersom partane ønskjer det. I samsvar med tilråding frå styret i Gloppen Energi (GE) gjorde kommunestyret i møte sak 36/15 slikt vedtak: Gloppen kommunestyre gir styret i Gloppen Energi får fullmakt til å vurdere organisering av Gloppenstasjonane og her under føre forhandlingar med aktuelle partar, og gi endeleg tilråding til Gloppen kommunestyre.

2 Kommunestyret ber styret i Gloppen Energi vurdere følgjande: 1. Overføring av Gloppenstasjonane til Gloppen Energi eller i ein annan struktur som styret finn tenleg som f. eks konsern-/holdingmodell 2. Følgjande moment skal vektleggast: a. Vurdere finansiering av selskapet med vekt på garanti/lån med Gloppen kommune som eigar med bakgrunn i regelverk i kommunelova 50. b. Vurdere medeigarskap i Gloppenstasjonane med inntil 1/3 av aksjane i selskapet. Det skal vektleggast pris, kompetanse og eventuell finansieringsbistand c. Vurdere konvertering av Gloppen kommune sitt lån på 60 mill. kr til Gloppen Energi til aksjekapital d. Vurdere skatte- og lovmessige spørsmål både for eigar og i det (dei) aktuelle selskapet(-a) 3. Vurdere og angi muleg utbytte til kommunen både på kort og lang sikt med bakgrunn i forventa økonomisk utvikling. Styret i GE har på bakgrunn av vedtaket i kommunestyret vurdert modellar for at verdiane i Gloppen stasjonane blir organisert for å gi best mogeleg resultat for kommunen både på kort og lang sikt. Samandrag Styret i GE tilrår samrøystes ein modell med overføring av Gloppenstasjonane til selskapet GE og med tilbakeføring av aksjane i SFE frå GE til Gloppen kommune. Det blir vidare foreslått at SFE blir medeigar i GE med ein andel av aksjekapitalen på 30 % gjennom ein retta aksjeemisjon. Emisjonen er basert på ei verdsetting av kraftstasjonane på 150 mill. kr og med ein avtalt opsjon på utbetaling av 15,8 mill. kr dersom det vert gitt konsesjon for utbygging av ny produksjon og vedtak om utbygging i selskapet sitt styre. Styret har gjennom prosessen nytta både juridisk og økonomisk bistand. På grunn av tidspress er det ikkje nytta juridisk eller økonomisk/skattemessig kompetanse ved utarbeiding av sjølve avtalane og det er derfor ønskjeleg med ei kvalitetssikring før signering. Det vert teke atterhald om at det ikkje oppstår uønska negative konsekvensar av økonomisk og/eller skattemessig art ved vurdering og gjennomføring av modellen og transaksjonen. Det er utarbeidd forslag til aksjonær- og emisjonsavtale (jfr vedlegg) som regulerer forholdet mellom partane. Det er eit vilkår for gjennomføring av avtalene at aksjane i SFE kan tilbakeførast til Gloppen kommune utan at dei andre aksjonærane i SFE krev forkjøpsrett jfr tidlegare avklaring ved overføring av aksjane frå Gloppen kommune til GE i Utgreiing Modell Styret har vurdert ulik organisering for tilbakeføring av Gloppenstasjonane med overføring til Gloppen Energi, ein konsern/holding-modell, oppretting av kommunalt selskap etc. Kommunaldepartementet har gitt avslag på at Gloppen kommune gir garanti for lån i Gloppen Energi som holdingselskap for aksjar i selskap som produserer og omset kraft. Ettersom selskapet ikkje oppnår gunstige lånevilkår i Kommunalbanken er det mindre aktuelt med ein selskapsstruktur med 2 selskap.

3 Det er konkludert med ein modell med bruk av selskapet GE slik: SFE aksjane blir tilbakeført til kommunen Gloppenstasjonane blir overført frå kommunen til GE etter at leigeavtalen er avslutta SFE går inn som medeigar med 30% av aksjane. Denne modellen har fleire fordeler: Det kan gjennomførast eit klart skilje mellom tidlegare transaksjonar knytt til opplåning på SFE-aksjane og økonomien til GE med Gloppenstasjonane Kommunen vil få (stabilt) utbytte på SFE aksjane i sitt budsjett GE vil gjennom kapitaltilførsel (emisjon) få ein god kapitalstruktur og med soliditet til å utvikle og gjennomføre både nødvendig rehabilitering og utbygging av ny produksjon Selskapet får tilgang til kompetanse, betre finansiering og redusert risiko på sitt engasjement i kraftsektoren som har store svingingar i kraftprisane jfr inneverande år med historisk låge kraftprisar Mindre administrativt arbeid med kun eit selskap. Advokatselskapet Lund & Co har vidare vurdert om Gloppen kommune kan låne 25 mill. kr (i Kommunalbanken) til betaling av restinvesteringane på 25 mill. kr hos SFE. Dette er det høve til etter kommunelova sjølv om stasjonane blir vidareført til GE og med to alternativ: Kommunen betaler rente/avdrag på lånet til Kommunalbanken og får kompensert sine utgifter gjennom utbytte frå GE. Kommunen gir eit lån på 25 mill. kr til GE og med vilkår som minst gir rentedekning og avdrag tilsvarande kommunen sitt lån i Kommunalbanken. Fordelen med dette er at selskapet/eigar får nytte av gunstig opplåning i Kommunalbanken. Ettersom det er skattemessig frådrag for renter i GE og utan at renter blir skattelagt i kommunen, vil ein få ein skattefordel med lån til GE samanlikna med alternativet med utdeling av utbytte. Styret har ikkje konkludert med val av alternativ. Det er truleg ikkje høve for kommunen å overta GE sitt lån på 60 mill. kr med bakgrunn i kommunelova. For at partane i samarbeidet skal vere likestilte er det også avklart at SFE vil yte eit lån til GE tilsvarande sin eigarandel dersom lån frå kommunen. Ettersom SFE oppnår gode rentevilkår i marknaden vil derfor GE samla få gunstige vilkår på sin låneportefølgje. Styret har ikkje vurdert sal av Gloppenstasjonane med bakgrunn i sak 47/14 til kommunestyret der det m.a. vart lagt til grunn følgjande føresetnader for den framtidige organiseringa: Kommunestyret har fattet prinsippvedtak om at Gloppenstasjonene skal forbli i kommunalt eie. Salg er derfor ikke et reelt alternativ. I forhandlingane med SFE er det drøfta muleg opsjon for kommunen til å konvertere eigarskapen i GE til aksjar i SFE, og dei er open for dette. Dette vil i så fall auke kommunen sin eigarskap i SFE frå ca 3,36% til ca 5-5,5,%, men avhengig av den gjeld som kommunen til ei kvar tid har i GE. Dersom kommunen ønskjer det, kan styret ta opp forhandlingar med SFE om opsjonsavtale på vegne av kommunen. Modellen med emisjon ikkje vil medføre kapitaluttak til kommunen. Verdien av Gloppen stasjonane vil såleis ikkje bli redusert ved ei eventuell seinare konvertering til aksjar i SFE. Når det gjeld fortsatt utleige av kraftstasjonane, er det iflg ny forskrift høve til utleige innanfor ei tidsramme på 15 år. På bakgrunn av dei utfordringar som ein står overfor med eldre stasjonar med stort rehabiliteringsbehov i størrelse ca 76 mill. kr og utbygging av ny

4 NOK/MWh kraft kalkulert til ca 94 mill. kr, totalt 170 mill. kr, vurderer styret at det er ønskjeleg med styring og kontroll over kraftverdiane og i dei prosessar og planlegging som ein står overfor. Forhandlingsresultat Leigeavtalen for Gloppenstasjonane med SFE frå 1995 har forkjøpsrett for SFE til stasjonane og med slik ordlyd: Mulighetene for kjøp: Etter leietidens utløp har SFE, for en periode på 10 år, forkjøpsrett på å kjøpe kraftverkene til markedsvilkår,(utheva her) for det tilfelle at Gloppen kommune eller Gloppen Elverk skulle bestemme seg for å selge kraftverkene. SFE har videre rett til, på ethvert tidspunkt i leieperioden, å innlede forhandlinger med Gloppen kommune om kjøp av kraftverkene. Spørsmål om kjøp av kraftverkene skal tas opp til vurdering av partene i fellesskap etter 10 års leietid. Sjølv om avtalen ikkje angir medeigarskap er det liten tvil om at forkjøpsretten også omfattar deleigarskap. På denne bakgrunn er det ført forhandlingar med SFE ettersom inngåing om medeigarskap vil ikkje kome under regelverk for off. anskaffelser. Forhandlingane med SFE er gjennomført i ein open og grei tone og administrasjonen på SFE tilrår at utkast til avtalar blir lagt fram i produksjonstyret og med endeleg vedtak i konsernstyret Det er såleis parallell handsaming med kommunen. Som illustrasjon er vist marknadsutsikter for kraftprisen frå ein av marknadsaktørane basert noteringsprisar i marknaden og framtidsutsikter. Det er ikkje heller så store utslag mellom dei ulike marknadsaktørane når det gjeld vurdering av den framtidige kraftprisen. Grunnkraft Grunnkraftpris base case Grunnkraftpris base case - reell (Den heiltrekte linja er løpane prisar, medan den stipla linja er forventa prisar med dagens kroneverdi).

5 NOK/MWh El. sertifikat Elsertifikatpris Elsertifikatpris - reell Forhandlingane med SFE er sluttført slik: Medeigarskap SFE 10% 20% 30% Totalverdi av Gloppenstasjonane eks. gjeld: (Beløp i mill. kr.) SFE har ikkje fremma krav/ønskje om medeigarskap på 33,3% (negativt fleirtal) og ser det som naturleg at kommunen har kontroll og styring i selskapet. Under føresetnad av ein middelproduksjon på ca 65 GWh gir 150 mill. kr ein pris på ca kr 2,30/kWh og kr 3,50/kWh når ein tek omsyn til nødvendig oppgradering på 76 mill. kr. Dersom gitt konsesjon for utbygging og vedtak i styret om utbygging vil kommunen få ein opsjon på 15,8 mill. kr i alle tre alternativ. SFE vil betale ein andel av beløpet på 30% tilsvarande 4,7 mill. kr. Som eksempel vil SFE ved 30% eigarskap betale slik: Totalverdi 150 mill. kr - gjeld (illustrasjon) 60 mill. kr Nto verdi 90 mill. kr SFE 30 % 27 mill. kr. Ved ein emisjon vil imidlertid beløpet frå SFE bli høgare ettersom tilførsel av kapital vil auke verdien på selskapet. SFE sin andel blir derfor høgare for at andelen medeigarskap fortsatt skal vere 30 %. Til orientering vil emisjonsbeløpet frå SFE bli ca 40 mill. kr med desse føresetnadene. Styret har nytta konsulentselskapet Deloitte til vurdering og drøfting av marknadsverdien med basis i grunnlagsdata og kalkyler frå SFE. Deloitte kjenner bransjen godt og har erfaring og kunnskap om andre transaksjoner som er gjennomført den siste tida. Det er styret si vurdering at verdien som angitt i avtaleutkast er i samsvar med marknadsverdien på Gloppenstasjonane, med dei føresetnader som er i marknaden i dag med omsyn til prisar, kalkylerente etc. Medeigarskap/finansiering

6 Selskapet GE har i dag ei høg lånegjeld og denne vil auke dersom selskapet skal innfri restverdien av investeringane som SFE har gjort i leigeperioden. Oppgjeret er regulert i leigeavtalen frå 1995 og kommunen har tidlegare vurdert at tilstanden på Gloppenstasjonane er i samsvar med avtalte vilkår jfr eigen rapport frå konsulentselskapet Sweco. Beløpet på 25 mill. kr har direkte referanse til Gloppenstasjonane og bør derfor følgje overføring av stasjonane til GE. Lånegjeld pr før eventuelle strukturendringar er berekna slik: Lån til Sparebanken 60 mill. kr Lån til Gloppen kommune 60 " Lån til ubetalte renter på lån til kommunen 17 " Lån til innfriing av investeringar til SFE 25 " Sum 162 mill. kr Med dagens lånerente gir dette ei årleg rentebelastning på ca 5-6 mill. kr. I tillegg kjem avdrag på låna. SFE-aksjane ligg i dag i selskapet GE og selskapet får utbytte på aksjane. GE vil likevel ikkje ha likviditet etter overføring av stasjonane til å handtere denne lånegjelda med dagens prisutsikter. I tillegg kjem lån til nødvendig rehabilitering av stasjonane kalkulert til 76 mill. kr og eventuell utbygging til ny kraft med ca 94 mill. kr. På grunnlag av dei økonomiske berekningane er det foreslått å konvertere lånegjelda til kommunen på ca 77 mill. kr til aksjekapital i samband med overføring av stasjonane til GE. Styret har ikkje gjort eigne vurderingar av eventuelle negative konsekvensar i kommunen sin rekneskap ved denne transaksjonen, men rådmannen er informert og bør eventuelt vurdere dette nærare. Sjølv etter denne restruktureringa vil selskapet ha knapp likviditet til å handtere lånegjelda. Det blir derfor foreslått ein aksjeemisjon for å styrke selskapet sin balanse ytterlegare. Kraftbransjen er utsett for stor risiko pga store svingingar i kraftprisen. Det er få bransjar som er utsett for så store årlege endringar i pris og dermed resultat. Under er vist prisutvikling tilbake til 1996:

7 Høgste pris er på godt over 40 øre/kwh i 2010 og lågaste pris ned mot 10 øre/kwh. Snitt prisen for inneverande år er ca 19 øre/kwh, men har i sommar lege på ca 10 øre. Kommunen er medeigar i SFE og vertskommune for selskapet. Morselskapet til SFE og dotterselskapa for produksjon og marknad er lokalisert på Sandane. Medeigarskap i GE vil bidra til å utvikle SFE-konsernet og styrke selskapet si lokalisering i Gloppen kommune. Eit medeigarskap vil styrke både selskapet sin kapitalstruktur og tilføre kompetanse på drift og utvikling av selskapet. Styret ser det som mindre aktuelt å bygge opp eigen kompetanse i selskapet for å ivareta dei ulike oppgåvene og foreslår at det vert etablert avtalar med SFE basert på forhandlingar mellom partane, jfr vedlagde forslag til avtalar. Det er også foreslått styresamansetning som reflekterer eigarskapen i selskapet og med tanke på samansetning av ulik kompetanse i selskapet. Det er ikkje vurdert om selskapet treng ei (mindre) administrativ stilling. Balanse Modell med lån Gloppen kommune Modell utan lån Gloppen kommune Kraftstasjoner (inkl. skatt) 150,0 MNOK Kraftstasjoner (inkl. skatt) 150,0 MNOK Omløpsmiddel 3,3 MNOK Omløpsmiddel 3,3 MNOK Gjeld til sparebanken -60,0 MNOK Gjeld til sparebanken -60,0 MNOK Gjeld til SFE 0,0 MNOK Gjeld til SFE 0,0 MNOK Gjeld Gloppen kommune -25,0 MNOK Gjeld Gloppen kommune 0,0 MNOK Verdi aksjar 68,3 MNOK Verdi aksjar 93,3 MNOK Emisjonsbeløp: 29,3 MNOK Emisjonsbeløp: 40,0 MNOK Total verdi etter emisjon: 97,6 MNOK Total verdi etter emisjon: 133,3 MNOK Lån gitt frå SFE til GE: 10,7 MNOK Lån gitt frå SFE til GE: 0,0 MNOK Sum "innskot" frå SFE 40,0 MNOK 40,0 MNOK Tilleggsverdi konsesjon: Retta emisjon mot SFE 15,8 MNOK 6,8 MNOK Eigedelar: Eigedelar: Fallrett 70,0 MNOK Fallrett 70,0 MNOK Kraftstasjon 100,3 MNOK Kraftstasjon 100,3 MNOK Omløpsmiddel 3,3 MNOK Omløpsmiddel 3,3 MNOK Sum eigedelar 173,7 MNOK Sum eigedelar 173,7 MNOK EK og Gjeld: EK og Gjeld: Utsett skatt 20,3 MNOK Utsett skatt 20,3 MNOK Lån Sparebanken 20,0 MNOK Lån Sparebanken 20,0 MNOK Lån Gloppen kommune 25,0 MNOK Lån Gloppen kommune 0,0 MNOK Lån SFE 10,7 MNOK Lån SFE 0,0 MNOK Eigenkapital 97,6 MNOK Eigenkapital 133,3 MNOK

8 Sum EK og gjeld 173,7 MNOK Sum EK og gjeld 173,7 MNOK Eigenkapital 56% Eigenkapital 77% Over er vist transaksjonar og balanse basert på forhandlingsresultatet med SFE. Det framgår at strukturen i balansen blir god og med akseptabel lånegjeld. I alternativet med lån frå Gloppen kommune på 25 mill. kr må SE gi eit lån på 10,7 mill. kr for at partane skal vere likestilte.(alternativet med aksjeverdi på 68,7 mill. kr): Lånegjelda til GE vil bli slik ved dei to alternativa: Lån både frå kommunen og SFE, 30% medeigarskap: lån ca 55 mill. kr Utan lån frå kommunen og SFE «lån ca 20 mill. kr. Eigenkapitalen vil vere mellom 50 til 75%, og selskapet får ein god balansestruktur. Beløpet som blir betalt til SFE på 25 mill. kr er restinvesteringar for Gloppenstasjonane og det er derfor naturleg at det er lånegjeld i selskapet. Denne balansen er avhengig av at både lånegjeld til kommunen på 60 mill. kr og ubetalte renter 17 mill. kr blir konvertert til aksjekapital. Utbytte Det er i forslaget forutsett at aksjane i SFE blir tilbakeført frå GE til kommunen. Aksjane er antatt å ha ein verdi på ca 150 mill. kr. Kommunen vil få inntekter frå sitt kraftengasjement gjennom utbytte på SFE-aksjane og (på sikt) utbytte frå GE som 70 % eigar av Gloppenstasjonane. Det er i berekningane lagt til grunn eit (normalt) årleg utbyttenivå på ca 2,5 mill. kr på SFEaksjane, men lågare dei første åra og spesielt i 2016 pga låge kraftprisar. I den tidlegare leigeavtalen med SFE om Gloppenstasjonane var konsesjonskrafta til kommunen disponert av SFE. I forslag til avtale med SFE er konsesjonskrafta føresett disponert av kommunen og dette er også reflektert i verdsettinga. Staten fastset sjølvkost på krafta og som i år er ca 10,7 øre/kwh. Med eit kvantum på ca MWh gir dette ei årleg inntekt for kommunen på ca kr med ein margin på ca 15 øre/kwh. Dei «faste» inntektene som eigedomsskatt, konsesjonsavgifter vil vere som før. Konklusjon Styret i GE har på bakgrunn av vedtaket i kommunestyret vurdert modellar for at verdiane i Gloppenstasjonane blir organisert for å gi best mogeleg resultat for kommunen både på kort og lang sikt. Gloppenstasjonane representerer viktige og varige verdiar for kommunen og med potensiale for løpande verdiskaping til nytte for GK og kommunen sine innbyggarar, og styret ønskjer å vidarutvikle Gloppenstasjonane på forretningsmessig basis med langsiktig kontroll over fallrettar og kraftverk og utviklinga av desse. Kommunen er medeigar i selskapet Sogn og Fjordane Energi (SFE). Morselskapet til SFE og dotterselskapa for produksjon og marknad er lokalisert på Sandane. Kommunen ønskjer gjennom medeigarskap frå SFE i GE å bidra til å utvikle SFE konsernet og styrke selskapet si lokalisering i Gloppen kommune.

9 Styret i GE tilrår samrøystes ein modell med tilbakeføring av aksjane i SFE frå GE til Gloppen kommune, og overføring av Gloppenstasjonane til selskapet GE. Det blir vidare foreslått at SFE blir medeigar i GE med ein andel av aksjekapitalen på 30 % gjennom ein retta aksjeemisjon. På grunn av tidspress er det ikkje nytta teknisk, juridisk eller økonomisk/skattemessig kompetanse ved utarbeiding av avtalane og det er derfor ønskjeleg med ei kvalitetssikring før signering. Det vert derfor teke atterhald om at det ikkje oppstår uønska negtive konsekvensar av økonomisk og/eller skattemessig art ved nærare vurdering og gjennomføring av modellen og transaksjonen. Det er ein føresetnad at dersom det oppstår vesentlege endringar i avtalar, verdi etc som følgje av dette, skal det leggast fram for kommunestyret til handsaming. Det er utarbeidd forslag til aksjonær- og emisjonsavtale (jfr vedlegg) som regulerer forholdet mellom partane. Det er eit vilkår for gjennomføring av avtalane at aksjane i SFE kan tilbakeførast til Gloppen kommune utan at dei andre aksjonærane i SFE krev forkjøpsrett jfr tidlegare avklaring ved overføring av aksjane frå Gloppen kommune til GE i Forslag til vedtak Styret i Gloppen Energi tilrår Gloppen kommunestyre å gjere slikt vedtak: 1. Gloppen kommune er eigar av Trysilfossen, Eidsfossen og Evebøfossen kraftverk med tilhøyrande fall og reguleringsanlegg (Gloppenstasjonane). Stasjonane har vore utleigd til SFE og etter utløpet av leigeperioden vil kommunen overføre Gloppenstasjonane med reguleringsanlegg samt tilhøyrande grunn-, fall- og reguleringsrettar til selskapet Gloppen Energi AS. 2. Ved overføring av Gloppenstasjonane vil Gloppen kommune omgjere lån på 60 mill. kr og krav på ubetalte renter på 17 mill. kr mot Gloppen Energi AS til aksjar i selskapet. Verdien på kravet blir endeleg fastsett ved avslutning av rekneskapen i Gloppen Energi AS pr Gloppen kommunestyre godkjenner avtale om ein retta emisjon mot SFE Produksjon AS i selskapet Gloppen Energi AS og aksjonæravtale mellom SFE Produksjon og Gloppen kommune. Avtalene gir SFE ein eigarskap på 30% i selskapet Gloppen Energi AS. 4. I samband med overføring av Gloppenstasjonane og aksjeemisjonen vil aksjane i SFE bli tilbakeført til kommunen. Det er eit vilkår for godkjenning av avtalane at aksjane i SFE kan tilbakeførast til Gloppen kommune utan at dei andre aksjonærane i SFE krev forkjøpsrett. 5. Det vert teke atterhald om at det ikkje oppstår uønska negative konsekvensar av økonomisk og/eller skattemessig art ved kvalitetssikring av modellen og transaksjonen. Det er ein føresetnad at dersom det oppstår vesentlege endringar i avtalar, verdi etc som følgje av dette, skal saka leggast fram for kommunestyret til handsaming. --- Så langt styret si utgreiing og tilråding. Økonomiske konsekvensar for kommunen: Dei økonomiske konsekvensane for kommunen er utgreidde av styret så langt det let seg gjere, og rådmannen har ikkje noko å legge til her. Dei budsjettmessige konsekvensane for kommunen av styret sitt framlegg vil bli lagde fram av rådmannen som ein del av budsjettet for 2016.

10 Rådmannen si vurdering: Styret for Gloppen Energi AS har gjort eit grundig og godt arbeid i vurderinga av korleis Gloppen Energi AS kan drivast vidare som eigar av Gloppenstasjonane. Kommunen sitt engasjement og eigarskap i «kraftbransjen» har vore samansett og noko uoversiktleg. Styret sitt framlegg til løysing er avklarande og oppryddande, og løysinga er slik rådmannen ser det den beste både for kommunen og Gloppen Energi AS. Som det går fram av styret si utgreiing står både Gloppen Energi AS og Gloppen kommune som eigar av kraftstasjonane overfor store utfordringar: Dei økonomiske utfordringane til Gloppen Energi AS må løysast og Gloppestasjonane må drivast vidare og opprustast/byggast ut på ein forsvarleg måte. Til dette trengst både mannskap, kunnskap og kapital. Det er rådmannen sitt syn at Gloppen kommune åleine ikkje kan handtere dette på ein forsvarleg måte. Kommunestyret i Gloppen ha vore klare på at kommunen skal ha styringa med Gloppenstasjonane. Dette ligg sjølvsagt til grunn for det framlegget styret kjem med. Styret har vurdert langsiktig utleige som uaktuelt med dei opprustings- og utbyggingstiltak som er aktuelle i stasjonane. Rådmannen er samd i dette. Styret har ikkje vurdert sal av stasjonane, men er opne for å drøfte med SFE om kommunen sine aksjar i Gloppen Energi AS skal konverterast i SFE-aksjar viss kommunestyret ønskjer det. I praksis er dette å selje Gloppen Energi AS. Rådmannen viser her til styret si utgreiing. Utrekningane til styret i Gloppen Energi AS viser at det ikkje er rett tidspunkt no å vurdere sal av stasjonane. Bakgrunnen for dette er både dagens straumprisar, den økonomiske situasjonen til Gloppen Energi AS og status for stasjonane. Rådmannen tilrår at kommunestyret sluttar seg til styret i Gloppen Energi AS si tilråding. Skal det nye Gloppen Energi AS vere operative frå komande nyttår, har vi ikkje meir tid enn det trengst. Det blir sjølvsagt nødvendig å kome tilbake til kommunestyret med dei problemstillingane som no ikkje er godt nok avklara t.d. korleis innløysingssummen til SFE på om lag 25 mill. skal handterast så snart som råd. Det er også nødvendig å ta atterhald om uforutsette tilhøve i slik siste punktet i styret si tilråding omtalar. RÅDMANNEN SI TILRÅDING: Gloppen kommunestyre viser til sitt vedtak i sak 36/15, og gjer slikt vedtak om framtidig drift og eigarskap av Gloppen Energi AS og Gloppenstasjonane: 1. Gloppen kommune er eigar av Trysilfossen, Eidsfossen og Evebøfossen kraftverk med tilhøyrande fall og reguleringsanlegg (Gloppenstasjonane). Stasjonane har vore utleigd til SFE og etter utløpet av leigeperioden vil kommunen overføre Gloppenstasjonane med reguleringsanlegg samt tilhøyrande grunn-, fall- og reguleringsrettar til selskapet Gloppen Energi AS 2. Ved overføring av Gloppenstasjonane vil Gloppen kommune omgjere lån på 60 mill. kr og krav på ubetalte renter på 17 mill. kr mot Gloppen Energi AS til aksjar i selskapet. Verdien på kravet blir endeleg fastsett ved avslutning av rekneskapen i Gloppen Energi AS pr Gloppen kommunestyre godkjenner for sin del avtale om ein retta emisjon mot SFE Produksjon AS i selskapet Gloppen Energi AS og aksjonæravtale mellom SFE Produksjon

11 og Gloppen kommune. Avtalene gir SFE ein eigarskap på 30% i selskapet Gloppen Energi AS 4. I samband med overføring av Gloppenstasjonane og aksjeemisjonen vil aksjane i SFE bli tilbakeført til kommunen. Det er eit vilkår for godkjenning av avtalane at aksjane i SFE kan tilbakeførast til Gloppen kommune utan at dei andre aksjonærane i SFE krev forkjøpsrett 5. Det vert teke atterhald om at det ikkje oppstår uønska negative konsekvensar av økonomisk og/eller skattemessig art ved kvalitetssikring av modellen og transaksjonen. Det er ein føresetnad at dersom det oppstår vesentlege endringar i avtalar, verdi etc som følgje av dette, skal saka leggast fram for kommunestyret til handsaming.