«Jærske ord og tonar» med Vind i gardhol (22. januar)

Transkript

1 GARBORGDAGAR 2014 «Jærske ord og tonar» med Vind i gardhol (22. januar) Thime Station på Bryne kl Det var god stemning på Thime Station då visegruppa Vind i gardhol opna Garborgdagar Gruppa består av Hans og Jarle Obrestad, Kjell Gudmestad, Leif Obrestad, Trond Gudmestad, Svein Obrestad og Torstein Obrestad. Dei gav ut LP`en «Vind i gardhol» i 1981, og spelte frå A- og B-sida. Tekstane er på jærsk, og gjestene denne kvelden var godt kjende med innhaldet. Det vart både allsong og klapping utover kvelden. Gjestene fekk òg med seg eit og anna Garborg-sitat mellom songane. Time Mållag stod bak konserten i eit fullsett lokale. Arne Garborg og Jæren: Eit band på vondt og godt (23. januar) Storsalen, Garborgsenteret/Time bibliotek kl Torsdag 23. januar opna Sigbjørn Reime Jæren Senioruniversitet si føredragsrekkje i 2014 med eit glitrande føredrag om Arne Garborg sitt forhold til Jæren. Om lag 130 menneske hadde møtt fram for å høyra Garborgforedraget under Garborgdagar. Stappfullt, men knappenålsstilt i salen. Etter pause var mikrofonen open for spørsmål og innspel, det heile fint styrt av Egil Harald Grude frå Jæren Senioruniversitet. 1

2 Ta ein trall for Arne Garborg - Barnehagearrangement (24. januar) Storsalen, Garborgsenteret/Time bibliotek kl og Bursdagsfeiring for Arne Garborg (163 år) dagen før dagen, gjennomført 24. januar i Storsalen, eit samarbeid mellom Garborgsenteret og Time bibliotek. 5-åringane i barnehagane i Time var inviterte til å delta. Pia Kaldheim (biblioteket) var vertinne og den som hadde regien. Oddny Torvanger Heggen (biblioteket) hjelpte til. Pia og Inger Undheim (Garborgsenteret) fortalte om Arne Garborg før barnehagane viste kva dei hadde øvt på. Her var det mange flinke barn som song, dansa og spelte skodespel! Deretter kom Arne Garborg (Ørjan Johansen frå Garborgsenteret) inn. Ungane song bursdagssongen for han og gav gåver (pute og kosebamse). Deretter fortalte Garborg nokre historier frå barndommen og så sette han på to teiknefilmar. Etterpå fekk alle saft og skikkeleg gode bollar. Det vart gjennomført to framsyningar for 120 barn og om lag 30 vaksne. «Ta ein trall for Arne Garborg» har blitt halde tre år på rad, og kjem til å vera eit fast innslag under Garborgdagar i åra som kjem. Spelet STRID (25. januar) Utstillinga, Garborgsenteret kl Spelet STRID vart sett opp laurdag 25.1., men dessverre var det ikkje nok påmelde til at det kunne gjennomførast. Dei frammøtte fekk likevel ein demonstrasjon av spelet, og gav svært positive tilbakemeldingar. 2

3 Rasjonelt fjøsstell av Hulda Garborg (25. januar) Storsalen, Garborgsenteret/Time bibliotek kl Etter suksessen på Undheim Samfunnshus under Garborgdagar i fjor, vart Undheim Revyteater inviterte til å setja opp Hulda Garborg sin komedieklassikar «Rasjonelt Fjøsstell» i storsalen på Garborgsenteret under årets Garborgdagar. Før skodespelet varma koret DeKor v/kari Kaald Reiten flott opp med fleire Garborg-songar, og inviterte publikum med på Småsporven. Torstein Tunheim dukka opp som Arne Garborg, 3

4 og barnebarnet hans, Ane Olsen, medverka som Veslemøy. Ei fin og rørande framføring. Etterpå var det duka for fjosstell. Undheim Revyteater spelte framifrå, og regissør Jan Jonassen har verkeleg henta ut det komiske potensialet i teaterstykket som Morgenbladet i 2013 kåra til eitt av dei ti beste dramaa etter Henrik Ibsen. Rasjonelt Fjøsstell vart spelt for fullt hus (90 tilskodarar), med lattermild og topp stemning heile vegen. Det vart ein flott festkveld, og ei fin feiring av Arne Garborgs fødselsdag. Skrivekurs med Kristin Auestad Danielsen (25. og 26. januar) Time bibliotek kl begge dagar Tolv deltakarar deltok saman med kursleiaren, forfattar Kristin Auestad Danielsen. Foto: Ørjan Johansen, Garborgsenteret Danielsen gav tilbakemelding på innsendte tekstar og gjennomførte skriveoppgåver begge dagar. Deltakarane var så fornøgde at dei starta si eiga skrivegruppe, «Appelsinen», etterpå. Dei gjorde bruk av både biblioteket, Garborgstova og Garborgsenteret. 4

5 Franske freistingar - Garborgstova ( januar) Kaféen Garborgstova ligg i hjarta av Bryne, i bygget som husar Time bibliotek og Garborgsenteret. Ein varm atmosfære, ein følelse av ro og velvære inviterer oss til å nyta heimelaga mat laga av kokk Eric Valentin, servert av kona hans Plamena Valentin. Under Garborgdagar 2014 tok Plamena og Eric utgangspunkt i boka «I Huldas kjøkken» av Ruth-Hege Holst. Inspirert av oppskrifter herifrå kunne dei tilby torskefilet, biff-filet og vannbakkels med sjokolade. Komité for Garborgdagar 2014: Aud Søyland Kristensen (Time kommune - biblioteksjef) Sigbjørn Reime (Time kommune kulturformidlar) Asbjørn Vollsund (Time kommune rådgjevar i stab) Janne Berit Nese (Time kommune rådgjevar i stab) Synnøve Obrestad (Time kommune konsulent i kommunikasjonsavdelinga) Turid Time (Time Mållag - leiar) Inger Undheim (Garborgsenteret dagleg leiar) Ørjan Johansen (Garborgsenteret formidlar) 5