Periodeplan. Kløver. Oktober 2015 februar 2016

Transkript

1 Periodeplan Kløver Oktober 2015 februar

2 Personalet på Kløver: Anette, pedagogisk leiar. Vivian, fagarbeidar. Vikarar dykk vil møte i barnehagen er Arnstein som er heilt ny hos oss, Randi Elise, Hanne Marit, og Laura. Barnegruppa på Kløver 2015/2016: Iver Olai, Emma, Emil, Amanda, Nora, Mikael, Kamilla, Mohamed, Imran, Leah. Livet i kløvergruppa Sidan oppstartinga av det nye barnehageåret har vi vaksne nytta tida til å bli betre kjend med barnegruppa der dei er no, for å sjå kva vi skal arbeide med. Ut i frå det vi observerer barna er interessert i, gjennom å fange opp det dei er opptekne av i leik og aktivitetar, utviklar vi små og større prosjekt, og set oss mål for perioden med barnegruppa. Til no har vi sett at vi må arbeide med sosialkompetanse, og byrja fokusere på vennskap, og dette blir noko vi ynskjer å fokusere på saman med barnegruppa gjennom heile perioden. Til no har vi hatt samlingar, og snakka om vennskap der blant anna barna har fått kome med eigne tankar og refleksjonar, samt at vi har snakka rundt det vi har sett barna strevar med i forhold til vennskap. For eksempel har nokre blitt utestengt frå leiken, og vi har kome fram til at om nokon kjenner på det å ikkje ha nokon å leike med, så kan dei setje seg på ein «vennebenk». Vennebenken blei til på eige initiativ frå barn på gruppa, og dei kom sjølve med tanken om at når nokon sit på benken må andre barn kome å spørje om barnet vil leike med han eller ho. Vi vaksne synes det er viktig at barna får oppleve eit trygt og godt miljø i barnehagen, der dei får moglegheit for å knyte vennskap, og får vere ein del av eit rikt og trygt fellesskap. 2

3 Temaarbeid/prosjekt I år har vi i Øyra barnehage kome fram til at vi skal arbeide med prosjekt ut i frå eit overordna tema som vi har gitt tittelen «På veg». Vi vaksne ser at i prosjektet vårt skal vi ha eit ekstra fokus på vennskap og bygge opp om sosial kompetanse i arbeidet med barna. Barna skal også få moglegheit til å medverke i prosjektet, gjennom å uttrykke deira interesser og tankar, med støtte frå vaksne. Dette er sentralt for korleis prosjektet utviklar seg vidare. Andre sentrale tema i denne perioden er årstidene haust og vinter, der vi fyl med på endringane som skjer i naturen rundt oss. Vi kjem blant anna til å ha ei haustveke i løpet av oktober månad der vi er mykje ute. Øyra barnehage er også ein fleirkulturell barnehage. Vi vil blant anna markere aktuelle høgtidsmarkeringar, som id ul adha (offerfest for muslimar), og advent og jul. Vi kjem også til å arbeide med Forut, som er ein aksjon med fokus på fattige barn frå andre land i verda. Barna får gjennom filmar, eventyr og musikk bli kjend med barn som har andre oppvekstvilkår enn dei sjølve, samt innblikk i deira kultur og levemåte. I år er det igjen Nepal som er i fokus. Vi avsluttar denne barneaksjonen med å arrangere ein kafé for foreldre/føresette/besteforeldre der vi sel mat og diverse produkt, og samlar inn pengar til aksjonen. Dette har blitt ein tradisjon å delta på i Øyra barnehage. Vekerytme og organisering I Øyra barnehage har vi fleire kjekke og spanande aktivitetstilbod å tilby den eldste barnegruppa. Barna skal gjerast ekstra stas på gjennom å få oppleve rike og varierte opplevingar som kan styrke dei til skulestart, og gje dei gode minner om barnehagetida. Aktivitetstilbodet til Kløver inneber vasstilvenning i basseng, førskuleklubb og litt lengre turmål. I tillegg har vi kome fram til at barna skal få vere fadder for dei yngste på storbarn Kvitveisane. Det inneber at dei skal ta litt ekstra vare på dei og leike med 3

4 dei. Gjennom ei slik fadderordning ynskjer vi at dei største barna skal få kjenne på det ansvaret med å vere størst i barnehagen, då dei ofte er forbilde for dei yngre barna. Tanken er også at det kan bli mindre skummelt for dei yngste barna på storbarn, og at dette kan lette overgangen frå små- til storbarn. Barnehagen opnar Vi tilbyr barna å ete med brakt frukost frå ca Leike og aktivitetstilbodet fram til kl er på tvers av grupper på dei ulike funksjonsromma våre. Frå ca samlast vi i Kløvergruppa, og dette er vekeplanen for Kløver: Måndag Tysdag Onsdag Torsdag Fredag Frå kl : «Utedag» Gruppetid Vi går på tur Bading frå kl Gruppetid Vi er med Kl Mellom kl i sjukehus- andre ord Førskuleklubb bassenget. mykje ute heile dagen. Førskuleklubb Førskuleklubb har vi 1 gong i veka, kvar onsdag i ca. 1 time. Vi vekslar på å ha ei felles samling, og på å dele oss i to mindre grupper. Barna har fått kvar si arbeidsbok, som vi har kalla for femårsbok. Boka har ulike oppgåver og går gjennom fleire aktuelle tema som skal støtte barna i skuleførebuinga. Til no har vi arbeidd med tema om «meg sjølv» og «huset mitt» og skal snart byrje å snakke om mønster, symbol og former. Dei ulike oppgåvene i arbeidsboka går ofte ut på at barna skal teikne, fargelegge, gjengi eit mønster, streke opp, ringe rundt og liknande. Dei føre 4

5 rett inn i sjølve arbeidsboka, og får den med seg heim når dei skal slutte i barnehagen til neste sommar. Eit viktig mål med førskuleklubb i barnehagen er at barna skal få bli kjend med mange av dei omgrepa og arbeidsmetodane som dei møter i skulen. Dei skal få bli kjend med bokstavane i alfabetet og talsystemet vårt, men det er ikkje lagt opp til at barna skal lære å skrive, lese eller rekne. Noko av det som vi også ser er viktig å jobbe for mot skulestart er blyantgrep under teikning/fargeleggingsoppgåver, det å trene opp konsentrasjon til å sitje i ro og lytte, vente på tur for å snakke i samlingar, og gjennom å nytte aktivitetsbok. Vi er bevisst på at barna må huske å rekke opp handa og vente på tur for å ta ordet, og lytte til kvarandre, samt at vi må syne respekt for at vi gjer ting på ulike måtar. Vasstilvenning/bading. Vi tilbyr barna på Kløver vasstilvenning i varmtvassbassenget på sjukehuset i Volda. Kløvergruppa er delt i to mindre grupper slik at kvar gruppe har badeøkt annakvar fredag frå kl i bassenget, men vi går frå barnehagen ca og er tilbake til Gjennom ulike aktivitetar i bassenget legger vi til rette for at borna skal kjenne seg trygge, oppleve glede og mestring gjennom leik og aktivitet i basseng. Dei to badegruppene er delt inn i gruppe 1: Iver Olai, Kamilla, Emil, Mohamed, Amanda. gruppe 2: Nora, Emma, Mikael, Leah, Imran. Vi minner om badeutstyr som alle må ta med: badetøy, badehette, såpe, handkle og ferdig oppblåste baderingar til og ha rundt armane. 5

6 Turar Kløver går på tur kvar torsdag, og på turane våre ynskjer vi at borna skal få oppleve glede, sanselig- og motorisk utvikling og mestring. Vi prøvar å gå litt lengre turar enn tidlegare år i barnehagen, men sjølve turmålet vil ikkje vere det viktigaste, då vi som Reggio Emilia pedagogikk legg vekt på at vi skal undre oss saman og gjere oss oppdagingar på vegen. I etterkant av turane våre samtalar vi med barna om det vi har sett og undra oss over på vegen til og på turmålet. Vi har også kome fram til nokre viktige turreglar for gruppa. Blant anna er det viktig å gå på rekke og gå inntil kanten dersom vi går langs trafikkert bilveg. Det er viktig å lytte til vaksne, og når nokon ropar stopp, så skal man stoppe gå/springe. I trafikkerte områder er vi opptekne av skilta langs vegane, spesielt rundt sentrumsområdet. Mange er også svært bilinteresserte, og har syna interesse for ulike bilmerker. Nokre er generelt opptekne av alle slags typar motorkøyrety, som båt, bil, lastebil, traktor og motorsykkel. Av utstyr til turdagane ynskjer vi at alle barna tek med gode sekkar med festestropper, sitjeunderlag og drikkeflaske. Uteliv i barnehagen Når vi er ute i barnehagen ynskjer vi at borna skal få moglegheit for å utfalde seg fysisk, få erfaringar med dei ulike årstidene, samt få erfaring med dei ulike årstidene, og at vi nyttar naturen som ein ressurs. Vi sankar inn naturmateriale som vi kan bruke til å lage noko av i etterkant, for eksempel til bruk på forming. 6

7 Forming På formingsrommet i barnehagen skal barna få tilbod om å skape noko gjennom ulike formingsuttrykk og materiale som vi har i barnehagen. Vi vaksne som er ansvarlege på dette rommet har til no hatt fokus på fargelære, og ynskje at barna skal kunne lære seg å blande til den fargen dei vil ha, gjennom å bruke basisfargane våre: raudt, gult og blått. Dette kan barna nytte når vi arbeider med ulike prosjekt der vi for eksempel må bruke måling. Musikk, dans og drama På funksjonsrommet som vi har kalla for musikk, dans og drama-rommet skal barna få oppleve ulike estetiske uttrykk i form av dans, drama og musikk. Vi har til no observert at mange av barna er opptekne av ballett og hiphop, og har tenkt å sjå om vi kan utvikle eit eller fleire prosjekt om dette utover perioden. «Byggerommet»/konstruksjonsrom På dette rommet finn vi ulike leiker og materiale som barna kan nytte til å skape og konstruere med. For eksempel treklossar, kapla-stavar, jovo, legoklossar etc. som er i ulike størrelsar og former. I denne perioden ynskjer vi at barna skal få arbeide med prosjekt om ulike byggverk i verden. Nysgjerrigper rommet På nysgjerrigper rommet vil vi at barna skal få moglegheit for å kunne undre seg og forske vidare på ulike tema som dei er nysgjerrige på. Vi har mange spanande bildebøker, blant anna om verdsrommet, og om dinosaurar og ville dyr. Vi har og diverse utstyr med fokus på kroppen vår og skjelettet. 7

8 Viktige ting som skjer: September: 22.september foreldremøte. 23.september- Id ul adha (offerfest). Oktober: Frå veke 40: vi har fokus på brannvern, og har brannøving i veke 42. Veke 41: haustferie. Veke 42 har vi haustveke i barnehagen (eigen plan). 16. oktober: fotografering frå kl oktober har vi forut-kafé i barnehagen. Frå veke får vi 3. årssteg barnehagelærarstudentar i barnehagen. November: Foreldresamtalar Desember: 11. desember: Luciamarkering (Vi går i tog og syng på fjordsyn). Lyktefest for foreldre på ettermiddag/kveldstid. Nissefest for borna i barnehagen. Med vennleg helsing Anette og Vivian. 8