NY BUSTAD PÅ GNR: 97, BNR 91.

Transkript

1 NY BUSTAD PÅ GNR: 97, BNR 91. Godkjent byggetom Ragnhild Stubhaug Barsnes og Per Barsnes kjøpte gnr. 97 bnr. 91 i 2007 av Liv Bleiklie Oppedal og Guttorm Oppedal. Eigedomen er tinglyst og godkjent som byggetomt for bustad. jamfør vedlagt målebrev datert (vedlegg C3, 2b) Byggbar del av tomta Tomta er under eit halvt mål og må slik karakteriserast som ei lita tomt. I tillegg har den ei vanskeleg form som legg klare restriksjonar på kor ein kan plassere bustaden. Dersom ein parallellkopierer tomtegrensa inn 4 meter, ser ein kva del av tomta som det kan byggast på (LOV Plan- og bygningsloven pbl. 29-4). Dette tilsvarer eit bruttoareal på 127 m2 (BTA). Tar ein utgangspunkt i ein ytterveggstjukkleik på 350 mm, sit ein att med eit areal på 109 m2 (BRA).

2 Areal Tomta er uregulert, men ligg i eit noverande byggeområde. Ettersom tomta er uregulert, er det kommuneplanens arealdel som er gjeldande. Bergen. Kommuneplanens arealdel (Planid: ), tillet ei tomteutnytting (%BRA) på 50% og ei byggehøgde på 9 meter. Prosent bruksareal (%BRA) angir øvre grense for kor mykje ein har lov til å bygge på tomta. %BRA = Bruksarealet for bygnadane på ei tomt(bra) x 100 tomtearealet Gjeldande eigedom har eit totalt areal på 459 m2. I tillegg høyrer det til 2 biloppstillingsplassar utanfor tomteområdet. Det er likevel planlagt å ha ein biloppstillingsplass på sjølve tomta. I samsvar med LOV Plan- og bygningsloven pbl Parkeringsareal, reknast det med ein parkeringsplass på 15 m2 i BRA. Slik kjem ein fram til kor mykje ein kan bygge på tomta (BRA): BRA = %BRA x (tomteareal - parkeringsareal ) = 50 x (459 15) = 222 m Ettersom tomta er forholdsvis lita, er det naturleg at den får ein noko større utnytting enn det som er tilfellet for dei nærmaste naboeigedomane. Forslag til ny bustad på gnr/bnr.: 97/91 har eit fotavtrykk på 93m2 (BYA) og strekker seg over tre plan. Samanlikna med bustadane på dei fem nabotomtene som det nye tiltaket vedkjem, har likevel det omsøkte tiltaket det minste fotavtrykket. I tillegg byggjer ein eit fotavtrykk som er 16 m2 mindre enn det ein har høve til. Byggherren er eit ektepar som begge har passert 65 år. Det er difor naudsynt å planlegge for at dei skal kunne klare seg på eit plan i framtida. Fyrste etasje må kunne innehalde alle primærfunksjoner samt ha tilgang for rullestol. Ei slik løysing krev at huset får ei romsleg grunnflate. For å minimere fotavtrykket til bygget, har ein valt å legge alle soveromma i dei andre etasjane. Dersom det skulle bli naudsynt, gjerast det eine opphaldsrommet på plan 1 om til soverom, jamfør vedlagt alternativ plan for 1. etasje (vedlegg E7). Arealoppsett (BRA): 1. etasje: 73,1 m2 2. Etasje: 76,4 m2 Kjellar: 45,5 m2 Totalt areal: 195 m2 Dersom ein samanliknar totalt areal med reknestykket for kva ein har høve til å bygge, ser ein at huset har eit bruksareal (BRA) som er 27 m2 mindre enn det ein har høve til å bygge. Det planlagde arealet representerer ei utnytting på %BRA=45,8.

3 Høgde: Gesimshøgder er her angitt i meter over gjennomsnittleg planert terrengnivå og ikkje i kotetal jmf. Veileder T-1459 Grad av utnytting. Dette er valt på grunn av at det digitale kartmaterialet vi fekk oversendt frå Bergen Kommune, berre har koteavmerking for kvar andre meter og det er difor ikkje mogleg å kotesette gjennomsnittleg planert terrengnivå. Gesimshøgda for bustaden ligg på 7 over ferdig planert terrengnivå, 2 meter lågare enn det ein har høve til. Samtlege fasadar som ligg 4 meter frå nabogrensa, har ei gjennomsnittleg terrenghøgde på under eller lik 8 meter. Fasaden lengst aust på tomta har ei gjennomsnittleg terrenghøgde som overskrid 8 meter og er difor trekt litt tilbake på tomta. Plassering på tomta Bustaden er trekt opp i det nord vestre hjørne av tomta innan for den delen det er tillate å bygge på. Slik i varetek ein mest mogleg av dei sol og utiktsforholda som knytter seg til bustaden i Fanavegen 273 A (gnr/bnr.: 97/14). Denne plasseringa av bustaden sikrar samtidig utsikt frå Fanavegen 269 (gnr/bnr.: 97/33) til fjorden. Sjå vedlagt illustrasjon av nye utsiktsforhold frå desse bustadane (vedlegg J3). Elles er sol- og skuggeforhold vurdert og oppsummert i det vedlagte sol-/skuggediagrammet (vedlegg J4).

4 Terrengtilpassing Tomta inngår i eit eksisterande kulturlandskap. Mellom dei andre hagane ligg denne opne grasflekken. Sentralt på tomta trekker landskapet seg litt tilbake og dannar ei forsiktig skålform. I nordaust stig terrenget opp mot ein liten kolle der tomannsbustaden Fanavn. 273 A og B ligg. Her stig berget opp av graset fleire stader. I nedre kant av denne kollen er det ei lita hylle i landskapet. Det kan nesten sjå ut som om ein gamal kjerreveg har skjært seg gjennom landskapet her. Den nye bustaden tar i mot denne hylla i landskapet og brukar den som ein av to uteplassar på terreng. Bak denne uteplassen legg huset seg inn i kollen nordaust på tomta og fortset den eksisterande landskapsveggen som hylla i terrenget skaper. Huset strekker seg vidare framover på tomta, og legg seg på plass i den forsiktige skålforma. Ved skjære seg inn i kollen, avgrensar ein høgda på huset i nordaust mot tomannsbustaden. Sør på tomta drar ein nytte av skålforma som mogleggjer tilgang med ytterdør til kjellarbod og vindauge frå soverom i kjellar. Mot sør og sørvest, tilpassar ein landskapet slik at det blir mogleg å ha uteplassar på terreng i tilnærma same nivå som fyrste etasje. Ved tilkomsten til eigedomen mot nord, er landskapet justert. Dette er gjort for å vidareføre tilkomstvegen si høgdekurve inn på tomta. Huset er senka ned i landskapet slik at plan 1 og uteplassane på terreng ligg i tilnærma same høgde som tilkomsten til tomta. Dette er i samsvar med føresetnaden om at det skal kunne vere mogleg å klare seg på eit plan i framtida. Uttrykk Strøkskarakteren for området er hus i opparbeida hagar. Det nye tiltaket føyer seg inn i denne samanhengen. Det får ei grunnflate, ei høgde og ein materialitet som ikkje er ulik dei eksisterande bustadane. Den nye bustaden representerer den tida vi lever i, i forhold til høver, ynskjer og behov. I staden for å imitere tidlegare tiders stilartar, søkjer ein å ta tak i dei utfordringane som tomta og byggeoppgåva byr på, og forme arkitekturen i samsvar med desse. Innanfor eit moderne formspråk, står ein friare til å utforme bygningsvolumet. Dette har vore ein føresetnad for å kunne løyse denne byggeoppgåva på denne tomta. Samtidig har ein søkt slektskap med nabohusa, ikkje på ein konkret, men heller på ein abstrakt måte. Det er valt å kle huset i ståande trepanel. Trekledinga skaper fellesskap med nabohusa, medan retninga på panelet uttrykker det høgreiste ved huset. Store vindauge drar nytte av primærkvalitetane på tomta; utsikten og sola. I samsvar med det arkitekturspråket ein jobbar innanfor, har huset fått flatt tak. Det er ikkje unaturleg at huset har fått eit funksjonalistisk preg, då ein ut i frå vanskelege føresetnader har søkt å lage dei beste løysingane for både naboar og byggherre.

5 Uteplassar På grunn av størrelsen og forma på tomta, samt terrengforholda, er det ikkje mogleg å tilrettelegge for meir enn to beskjedne uteplassar på terreng. For å kompensere for dette er det etablert ein takterrasse. Takterrassen får eit transparent rekkverk. Endringar frå nabovarsel til innsending av rammesøknad Etter klager frå naboar på gesimshøgder, er det forsøkt å kome dei i møte ved å senke høgda på huset. Forslaget som blei sendt ut til nabovarsel, hadde tilkomst til takterrassen ved at ein frå plan 2 gjekk opp ein halv etasje innvendig, og ein halv etasje i ei utvendig trapp som var integrert i fasaden. Sjå vedlegg C1. Ved å henge trappa på utsida av veggen mot vest, har det vore mogleg å senke gesimshøgda med 675 mm. Fjerninga av den integrerte trappa medførte ei endring av fasaden mot nord.