START- OG INFORMASJONS PUNKT VED HALLINGSKARVET NASJONALPARK

Transkript

1 START- OG INFORMASJONS PUNKT VED HALLINGSKARVET NASJONALPARK

2 DOKUMENTINFORMASJON Oppdragsgiver: Hallingskarvet nasjonalparkstyre Rapporttittel: Start og informasjonspunkt ved Hallingskarvet nasjonalpark Utgave/dato: 1/ Filnavn: Hallingskarvet start- og infopunktok.pdf Arkiv ID Oppdrag: Innfallsport Hallingskarvet nasjonalpark Start- og informasjonspunkt Oppdragsleder: Sigrid Hafslund Avdeling: Landskap Hamar/Ål Fag Leke- og aktivitetsområder Skrevet av: Marianne Laa Kvalitetskontroll: Sigrid Hafslund Asplan Viak AS FØREORD Asplan Viak har vore engasjert av Hallingskarvet nasjonalparkstyre, for å sjå på oppgradering av start- og informasjonspunkt rundt Hallingskarvet etter dei nye retningslinjene for merkevarebygging og skiltbruk. Nasjonalparkforvaltar Trond Erik Buttingsrud har vore kontaktperson for oppdragsgjevar. Landskapsarkitekt Marianne Laa har gjennomført synfaringane og utført oppdraget, med Sigrid Hafslund som oppdragsleiar og kvalitetssikrar for Asplan Viak. Ål, Landskapsarkitekt MNLA Marianne Laa

3 START- OG INFORMASJONS PUNKT VED HALLINGSKARVET NASJONALPARK INNLEIING Hallingskarvet nasjonalpark er ein attraktiv stad å ferdast i fjellet. Det er mange innfallsportar til dette fjellet som alle rundt det oreinterer etter, og forheldt seg til. Det er ulikt trykk i forhold til talet besøkande på dei ulike punkta, og det er ulik trong for informasjon. Kartet under syner ei oversikt over dei mest brukte sti startpunkta og informasjonspunkta, i randsona rundt nasjonalparken. Desse punkta er utgreidd i dette arbeidet: Vargevatn s3 Vierbotn s5 Storestølen s6 Geiteryggen s7 Raggsteindalen s8 Finse Budalen Prestholt Haugastøl Åkerstølen Ustaoset s12 s14 s17 s20 s22 s24 Side 1 av 27

4 START- OG INFORMASJONS PUNKT VED HALLINGSKARVET NASJONALPARK MÅL OG METODIKK Målet med dette arbeidet har vore å sjå på korleis ein skiltar opp og organiserer desse viktige start- og informasjonspunkta for Hallingskarvet nasjonalpark, etter utkast til den nye vegleiaren frå Miljødirektoratet; Innfallsportar retningslinjer for prosjektering (Miljødirektoratet; foreløpig utgave av 27. august 2015), samt den nye skiltmalen for nasjonalparkar; Nasjonalparker skiltsystem (av 22.april2015). Vegleiaren oppsummerer sine tankar om informasjonspunkt med at informasjonspunkta er aktuelle i tilknytning til alle nasjonalparkar, og ofte er samlokalisert med andre aktørar som rasteplassar, utsiktspunkt, infotorg eller andre ting. Dei skal vere tilrettelagt for alle brukargrupper og inneheld skilt og tavler, samt eventuelle benkar. Startpunkta oppsummerast i vegleiaren, til å skulle vere det beste sti-startpunktet, og dermed utgangspunktet for tur. Det har i regelen, mogelegheit for parkering og informasjon retta mot turgåaren. Dette arbeidet er ei syntese av vurdering av kvart punkt og tankar om nye skilt inn på den einskilde lokaliteten. Det er foreslått skilt etter den nye skiltmalen, som er plassert på kvar einskild lokalisering; anten ved stistartpunkt eller informasjonspunkt. Dei nye skilta er meint å fungere saman med DNT og Hol kommune sine retnings- og avstands skilt. I nokre høve er det foreslått andre tiltak i samband med dette, for å får staden til å fungere etter intensjonen. Dette gjeld til dømes forslag til samling og/eller flytting av andre aktørar sine oppslag og skilt. På Ustaoset gjeld det opparbeidinga av ein rasteplass i samband med infopunktet der. Alle illustrasjonar av skilt, er henta frå Nasjonalparker skiltsystem. Side 2 av 27

5 STARTPUNKT VARGEVATN Store Vargevatn ligg vest for Hallingskarvet. Dette sti startpunktet er i enden på ein lang anleggsveg som endar ein knapp kilometer frå grensa til nasjonalparken. Ein må difor vite kva og kvar ein skal før ein kjem hit, så noko stort informasjonsskilt er det ikkje bruk for her. Staden har god og romsleg parkering. Staden blir mest brukt som utgangspunkt for jakt og fiske, men det går også an å gå inn i nasjonalparken og opp på Vargebreen, samt vestover og inn i Aurland Statsalmenning. Det går også truleg an å gå austover til Geiterygghytta herifrå. Skiltforslag; lite portalskilt med invitasjon inn. Skiltet vender mot sørvest og ein ser rett in i nasjonalparken. Side 3 av 27

6 STARTPUNKT VARGEVATN Til venstre: Eksisterande skilt står eigentleg fint, men bør takast ned dersom det ikkje skal brukast til andre type skilt som t.d. skilt om fiskerettar etc. Under: Utsikt nordover, med pil for tenkt plassert nytt skilt. Dette er tenkt plassert på sida av parkeringsplassen, og skal vende mot nasjonalparken (sjå oransje pil). Parkeringsplassen er romsleg og har plass til ca. 25 bilar. Side 4 av 27

7 INFOPUNKT VIERBOTN På dette punktet må ein parkere om ein skal gå inn frå fylkesveg 50 til Geiterygghytta, eller austover til Raggsteindalen. Her ser ein inn mot nasjonalparken, og dette er starten på gå-turen sidan vegen er stengd for anna enn nyttekøyring. Her er det parkeringsplass for ca. 30 bilar. Skiltforslag; medium informasjons-punkt skilt (0,7x1,8m). Eksisterande skilt, kan med fordel flyttast lengre nord på plassen og erstatte andre skilt der. Side 5 av 27

8 INFOPUNKT STORESTØLEN Storestølen ligg omtrent halvveges langsmed nordsida av Strandavatnet. Herifrå er det fantastisk utsikt over vatnet og til nordsida av Hallingskarvet. Nedanfor her går det an å få båtskyss tvers over vatnet og rett inn i Nasjonalparken, til munningen av Ynglesdalen. Storestølen er også eit populært utgangspunkt for turar nordover i Skarveheimen. Det er også ein ynda stad for vegfarande å stoppe for ein kaffikopp når kafeen er open. Skiltforslag; lite mellomstort (0,7x1,8m) informasjonsskilt som erstatning for eksisterande «skiltbord». Skiltet vil her kunne vende mot nord og ein ser rett inn i nasjonalparken, forbi skiltet. Side 6 av 27

9 STARTPUNKT GEITERYGGEN Dette sti startpunktet er trekt vekk frå dei mange småstigane rundt Geiterygghytta for å understreke at denne stigen er spesiell og fører inn i nasjonalparken. Den er mykje brukt, og ein kjem over til Finse om ein går langt nok, men før det kjem ein til den ubetjente DNT hytta Klemsbu. Ein informasjonsfolder om nasjonalparken kan gjerne ligge inne på turisthytta, heller enn å henge skilt på veggen ute. Skiltforslag; lite portalskilt med invitasjon inn. Skiltet vender mot sørvest og ein ser rett inn i nasjonalparken, som ein trør inn i nokre hundre meter fram. Side 7 av 27

10 INFOPUNKT RAGGSTEINDALEN Her ved brua over Raggsteindøla er det nyleg opparbeidd ein parkeringsplass for å avlaste området elles for turparkering. Dette er eit viktig utgangspunkt for stigar inn i nasjonalparken i tre retningar; gjennom Folarskardet til Haugastøl, gjennom Kyrkjedøri til Finse samt vestover til Geiterygghytta. Staden har relativt ny, opparbeidd parkering for rundt 20 bilar. Skiltforslag; medium informasjonspunkt (1,2x1,8m). Eksisterande skilt på treet, må flyttast lengre aust på plassen. Side 8 av 27

11 INFOPUNKT RAGGSTEINDALEN Til venstre: Parkeringsmogelegheit og tenkt plassering av informasjonsskilt - oransje pil. Nytt mellomstort informasjonsskilt er tenkt på sida av parkeringsplassen. Dersom ein snur seg 180 grader der, vil ein sjå innover i nasjonalparken. Her er det tenkt «velkomen inn» skilt ved kvar av dei tre sti startane då dei er spreidd utover området. Eksisterande nasjonalparkinformasjons skilt er lokalisert mykje lenger aust, ved Vesle Faugeli. Dette blir å ta vekk der, men det kan eventuelt flyttast til det nye informasjonspunktet, og brukast til annan informasjon her (sjå forslag til plassering - blå pil). Til høgre: Utsikt sørvestover til Hallingskarvet,i retning Kyrkjedøri. Side 9 av 27

12 STARTPUNKT RAGGSTEINDALEN Eit av dei tre stistartpunkta inn i nasjonalparken, og den som er mest brukt, er denne stigen gjennom nasjonalparken, over til Finse. Den går inn frå bilvegen på nordsida av Raggsteindøla, oppe mellom hyttene ved Sledaskardstølen. Plasseringa av «velkomen inn» skiltet er tenkt noko inn på stigen, etter at ein har passert dei fyrste hyttene, og får auge på dalen ein skal innover i. Det trengst ei klopp eller lita bru over bekken litt lenger framme for å få god samanheng i stigen vestover. Skiltforslag; lite portalskilt med invitasjon inn. Side 10 av 27

13 STARTPUNKT RAGGSTEINDALEN Startpunktet for stigen som går over Hallingskarvet, gjennom Folarskardet og til Haugastøl, går opp gjennom stølsvollen på Nordrestølen. Her ser ein det ikkje naturleg å setje opp noko «velkomen inn» skilt; det må i så fall vurderast mykje lenger opp i lia kanskje ved skoggrensa. Då vil det i så fall vere eit lite portalskilt ved stigen der oppe. Skiltforslag; ingen skilt her nede ved stølsvollen, bortsett frå retningsskiltet til DNT. Side 11 av 27

14 INFOPUNKT FINSE Her på Finse kjem dei besøkande med tog via Bergensbanen, med sykkel langsmed Rallarvegen eller til fots. Skiltet som er foreslått under, erstattar eksisterande informasjonsskilt på nordsida av togbanen. Det er noko problematisk i forhold til snø her om vinteren då området blir «tråkka ned» med tråkkemaskin og snøscooter, slik at skiltet ofte kan forsvinne noko nedi snøen. Det er likevel ei god plassering i forhold til at det står ved sjølve sti starten for stigen som frå Finse til Geiterygghytta, og andre ruter nord for jernbanelinja. Her vil det ikkje vere så naturleg å setje opp «velkomen inn» skilt, sidan ein framleis er midt i bustadområdet. Skiltforslag; medium informasjonspunkt (1,2x1,8m). Side 12 av 27

15 INFOPUNKT FINSE Til venstre: Tenkt plassering av informasjonsskilt - oransje pil. Nytt mellomstort informasjonsskilt er tenkt som erstatning for eksisterande skilt på sida av vegen/ stigen som går nordover og ut av stasjonsområdet/ sentrum. Til høgre: Utsikt sørover til Hardangerjøkulen, samla informasjon om nasjonalparken, biotopvernområde, med meir, heng her på veggen til venstre. Side 13 av 27

16 INFOPUNKT BUDALEN Denne staden i nærleiken av Vestreim fjellstove, er eit godt utgangspunkt for turar austover og ned i Havsdalen, men er nok aller mest brukt som utgangspunkt vestover på nordsida av Hallingskarvet, mot Raggsteindalen og enda lengre vest. Her går ein gjennom, og i kanten på nasjonalparken heile vegen vestover. Staden har relativt ny, opparbeidd parkering for rundt 25 bilar. Skiltforslag; lite, medium informasjonspunkt (0,7x1,8m). Eksisterande skilt må flyttast lengre aust på plassen. Side 14 av 27

17 STARTPUNKT BUDALEN Startpunktet går i retning nasjonalparken, og leier rett inn i denne noko lengre vest, for så å følgje grensa på nasjonalparken vestover til ein ynskjer å gå ned nordover ved Hivjufossen, til Sudndalen eller Raggsteindalen. Staden har relativt ny, opparbeidd parkering for rundt 25 bilar. Skiltforslag; lite portalskilt med invitasjon inn. Side 15 av 27

18 STARTPUNKT BUDALEN Til venstre: Parkeringsmogelegheit ved stigstart og Vestreim/Budalen utsikt vestover. Stigstart vest for denne parkeringa - oransje pil. Blå, liggande pil er forslag til flytting av retningskilt for å rydde situasjonen for «velkomen inn» skiltet ved stigstart mot vest. Blå ståande pil er forslag til flytting av eksisterande skilt for vidare privat bruk for å rydde i skiltsituasjonen. Nytt mellomstort informasjonsskilt er tenkt på staden der skilta står, i dag. Side 16 av 27

19 INFOPUNKT PRESTHOLT Dette er den aller mest besøkte informasjonslokaliteten av alle, rundt Hallingskarvet nasjonalpark, med opp mot 27 tusen besøkande i året! Her er ein tett på Nasjonalparken, og har mogelegheit for å gå opp på brattkanten via trappestigen. Vidare kan ein gå ein merka runde mot aust, eller ein kan gå opp på Prestholtskarvet mot vest. Ein kan også gå vestover nede, langsmed skarvet til Ustaoset herifrå. Staden har stor, opparbeidd parkering for rundt 150 bilar. Skiltforslag; medium informasjonspunkt (1,2x1,8m). Eksisterande skilt på staden, må takast vekk eller flyttast; dei kan eventuelt brukast til annan type informasjon ved parkeringsplassen. Side 17 av 27

20 STARTPUNKT PRESTHOLT Skiltforslag; lite portalskilt med invitasjon inn. Skiltet vender mot nordvest og ein ser rett inn i nasjonalparken, som ein trør inn i nokre meter lengre fram. Stigen frå Prestholt inn i nasjonalparken og opp på brattkanten av Skarvet, er svært mykje brukt, og difor steinlagt for å hindre slitasje og erosjon. Med all nødvendig informasjon frå infopunktet, nede ved Prestholt stølen i bakhovudet, bør dette «velkomen inn» skiltet kunne stå her utan meir forklaring. Det vil då erstatte steinen med logo frå Side 18 av 27

21 STARTPUNKT PRESTHOLT Til venstre: Delar av parkeringsplassen rett nedanfor kafeen på Prestholtseter. Serveringa der sommarstid, er ein attraksjon i seg sjølv. Parkering skjer utan oppmerka plassar, og sjølv om det er plass til ca. 150 plassar kan det bli noko kaotisk på dei mest trafikkerte dagane. Under: Delar av parkeringsplassen vidare austover (sjå oransje pil på biletet til venstre) Her ser ein også godt tilkomstvegen frå aust. Dette er ein grusa fjellveg, som ligg med terrenget innover frå Havsdalen. Den kan også brukast som turveg, for dei som ikkje kan gå ut i terrenget. Side 19 av 27

22 STARTPUNKT HAUGASTØL Startpunktet går i retning nasjonalparken, og leier rett inn i denne noko lengre nord for så å klatre opp gjennom Folarskardet og over til Raggsteindalen. Dette er ein mykje brukt stig. Det er også mogeleg å ta av og gå austover til Åkerstølen frå dette utgangspunktet. Staden har ikkje opparbeidd parkering, men det er plass til 3-4 bilar på sida av vegen. Dei fleste går truleg opp frå Haugastøl stasjon eller parkerer nede ved Haugastøl hotell. Skiltforslag; lite portalskilt med invitasjon inn. Side 20 av 27

23 INFOPUNKT HAUGASTØL Til venstre: Eksisterande parkering fungerer tilfredstillande; det er plass til 3-4 bilar langsmed vegen. Under: Tenkt plassering av «velkomen inn» skilt - oransje pil. Det bør ryddast opp i situasjonen med andre type skilt. Desse bør samlast ved vegvisarstolpen. Eksisterande informasjonsskilt nede ved avkøyringa opp hit, skal vekk og kan kanskje brukast til denne andre informasjonen. Det skiltet bør då stå på austsida av parkeringa (sjå blå pil i bilete til venstre). Side 21 av 27

24 STARTPUNKT ÅKERSTØLEN Dette stistartpunktet er godt eigna for å komme innover langsmed Hallingskarvet, vestover mot Haugastøl. Dersom ein fortset vestover, og ikkje tek nedover mot Haugastøl, vil ein komme rett inn i nasjonalparken ved Raggetjørne. Skiltforslag; lite portalskilt med invitasjon inn. Side 22 av 27

25 STARTPUNKT ÅKERSTØLEN Parkeringsmogelegheit ved Embretstøltjørni og Åkerstølen utsikt vestover. Stistart vest for denne parkeringa (oransje pil) fører vestover mot Haugastøl. Infoskiltet som står ved vegen innover til Åkerstølen står litt malplassert i forhold til parkering og stistartar, og bør takast vekk her. Det bør undersøkast betre i forhold til den faktiske bruken av stigane, og dersom det skal vere infoskilt her bør det lokalisert ved den mest brukte parkeringsplassen. Side 23 av 27

26 INFOPUNKT USTAOSET Dersom ein vel å flytte infopunktet hit vil det vere meir synleg for alle; både dei som kjem frå Ustaoset stasjon og for dei vegfarande. Dette er utgangspunktet for val av stig ut ifrå Ustaoset og inn i nasjonalparken. Her bør ein i tillegg til skiltet, kunne lage ein rasteplass med benkebord og noko skjermande vegetasjon. Sentrum har gode parkeringsmogelegheiter, og ein må parkere her og gå vidare, då ein ikkje kan parkere ved sti startane grunna private tilhøve. Skiltforslag; medium informasjonspunkt (1,2x1,8m). Side 24 av 27

27 INFOPUNKT USTAOSET Under: Skisseforslag til rasteplass med infotavle, i sentrum på Ustaoset. Med denne plasseringa vil ein skimte Hallingskarvet mellom husa mot nord, samtidig som plassen er lett synleg frå vegen og jernbanen. steinlagt eller grusa plass steinlagt stig ny infotavle benkebord eit eller to stor naturstein ny vier Side 25 av 27

28 STARTPUNKT USTAOSET VEST Dette sti startpunktet er godt eigna for å komme heilt inn i nasjonalparken og inn under brattkanten, ved Hesteberget. Der går det også an å gå vidare vestover til Tvergastein. Austover er det ei fin rundløype til Prestholt og attende langs den austre stigen mellom Ustaoset og Prestholt. Staden har ingen parkerings-mogelegheit; det må parkerast nede ved sentrum. Skiltforslag; lite portalskilt med invitasjon inn. Side 26 av 27

29 STARTPUNKT - USTAOSET AUST Startpunktet her er ein mykje brukt stig til Prestholt stølen, og til stigen der, opp på brattkanten. Den er difor godt eigna for å komme heilt inn i nasjonalparken. Vestover att frå Prestholt, er det ei fin rundløype til Hesteberget og attende langs den vestre stigen ned til Ustaoset. Staden har ingen parkerings-mogelegheit; det må parkerast nede i, eller ved sentrum. Skiltforslag; lite portalskilt med invitasjon inn. Side 27 av 27