for alle Handbok for trenarar, lagleiarar, føresette, domarar og leiarar

Transkript

1 for alle Handbok for trenarar, lagleiarar, føresette, domarar og leiarar

2 Innhald Innleiing Barnefotball i Trott Ungdomsfotball i Trott Leiarrollene og drift av laga Generell del Trenarar Oppmenn / Lagleiarar Foreldra Haldningar Utstyr Privat utstyr Drakter og felles utstyr Overtrekksdrakter og anna utstyr ikkje dekka av Merking av 5`er og 7`er banar Forsikring Barneidrettsforsikring Forsikring over 13 år Sportsleg del Seriespel og cup-deltaking Trening: 10 år og yngre Trening: år Reglar for 5`ar og 7`ar fotball Overgang til 11`ar fotball Trening/taktikk: år Trening/taktikk: år Norsk Fotballforbund (NFF) sine dugleiksmerke Tine sin fotballskule og Spar Haga jenteturnering Retningsliner for spissing / topping av lag Hospitering av spelarar Regionalt samarbeid Trenings- og kamptider på dei ulike banane Flytting av kampar Politiattest Utdanning Leiar- og trenarutdanning Domarutdanning 2

3 5.2.1 Klubbdomar Rekrutteringsdomar Krinsdomar Kontaktpersonar i Trott Innleiing Velkomen som trenar / leiar / domar i Trott si barne og ungdomsgruppe (TBUG). Me er glad for at du har sagt ja til å vera med å gi born i Nordbygdo gode fotballopplevingar. I Trott skal det vera eit godt miljø, både sportsleg og sosialt. Miljøet skal vera positivt, engasjerande, inkluderande og rusfritt. Barne og ungdomsgruppa i I.L.Trott har som målsetting å leggja forholda til rette slik at flest mogeleg barn og unge, på alle nivå, kan få ta del i fotballaktivitet prega av tryggleik, meistring, trivsel og Fair-play. Idretten skal vera ein samlingsfaktor der det skal det vera plass til alle som vil driva med fotball, utan tanke på kva bakgrunn eller kva livssyn dei måtte ha. I Trott jobbar me heile tida med å skaffe gode nok treningsforhold. Me ynskjer at Prestegardsskogen skal bli ein open sosial møteplass for barn og unge, både formelt og uformelt. Dette vil skapa identitet og samhald. Me har som mål å rekruttera dyktige, engasjerte trenarar og leiarar til alle lag. Me skal bidra til å auka trenarkompetansen ved hjelp av impulssamlingar / kurs i eigen regi, eller i samarbeid med naboklubbar eller Hordaland Fotballkrets (HFK). Barne- og ungdomsgruppa skal jobba aktivt med å rekruttera nye domarar. Me skal leggja forholda til rette og motivera til at spelarar, leiarar og trenarar kan velja dømming som alternativ. Barne og ungdomsgruppa skal ha eit godt samarbeid med dei andre klubbane på Stord, andre idrettar, frivillige organisasjonar, Stord kommune og det offentlige. Dette heftet er utarbeid av Barne- og ungdomsgruppa i Trott (TBUG) 2006 som informasjon og rettleiing til dykk i barne- og ungdomsavdelinga. I arbeidet har me henta inspirasjon og idear frå handboka til I.L. Solid og Drammen Ballklubb. I tillegg har nettsidene til Noregs Fotballforbund og Noregs Idrettsforbund og Olympiske Komité vore nyttige. I prosessen har tilbakemeldingar på to allmøte med trenarar og lagleiarar vore veldig viktige. Denne gruppa vert vidare viktig i revideringa av handboka. Øystein Djuve (red.) 3

4 2.0.0 Barnefotball i Trott Målgruppa omfattar all organisert fotball i klubben for gutar og jenter frå 1.klasse og opp til og med 12 år. Trott følgjer NFF sine 8 regler for barnefotball: 1. Barnefotballen er leikorientert. Gode opplevingar gjennom leik, aktivitet og meistring er viktig. 2. Det viktigaste for små spelarar er å vera saman med vener. Samhald og fellesskap er viktig i den sosiale utviklinga, gjennom samhandling og konfliktløysning i trygge rammer der barna trivst. 3. Alle skal få spela like mykje. Laga skal ikkje toppast og barna skal spela etter tur frå start, og alle må få spela på forskjellige plassar. 4. Barna skal læra å tola både å vinna og tapa. 5. Meir trening og færre kampar. Barna skal bli oppmuntra til eigenorganisert aktivitet utanom organiserte treningar. 6. Barnefotball skal vera ein allsidig aktivitet. Viktig for barna for å utvikla grunnleggjande motorisk dugleik. 7. Fotball er eit spel. Barna skal gradvis læra reglane for spelet gjennom flest mogelege involveringar i trening. Ikkje lange køar med mykje venting. 8. La oss gå saman om gla`fotball for dei små. Barna skal få oppmuntring og rettleiing slik at dei utviklar dugleik og opplever framgong. NFF oppsummerar punkta sine i ein breiddeformel: Tryggleik + meistring = Trivsel Det må også understrekast dette med FAIR PLAY. Alle lag skal takka motstandarane for kampen med handtrykk. Dei vaksne må vera veldig på vakt med tanke på mistrivsel og mobbing. Der er det null-toleranse. Og: Det er ei kjensgjerning at det skjer som regel når dei vaksne ikkje ser. Ver obs på kva som skjer utanom sjølve treninga, t.d. i garderoben. Trott skal og må rekruttera fleire foreldre / føresette til trenar- og leiararbeid. Og i klubben skal forholda leggast til rette for å få med fleire jenter. 4

5 3.0.0 Ungdomsfotball i Trott: Flest mogeleg lengst mogeleg. Målgruppa er alle fotballspelarar i Trott, gutar og jenter, i alderen år, med ulike ynskjer, motiv og ambisjonar. Me skal gi et godt tilbod både til: Spelarar med motiv og ynskjer om å delta eit par gangar i veka i fotballspill i eit positivt, inkluderande og engasjerande miljø. Spelarar med store ambisjonar og ynske om å bli toppfotballspelar, og som trener svært målmedvitne i forhold til dette. Det er aktiviteten og måten den blir leia på som skaper trivsel, tryggleik og meistring blant ungdom. Det er avgjerande for kor lenge ungdomen blir i klubben vår. TBUG og styret i Trott skal derfor: Leggje forholda til rette for auka leiarkompetanse og utvikling. Leggje forholda til rette for jentefotball, slik at jentene kjem til oss og blir hos oss. Leggje til rette for at ungdomen skal vera i eit godt sportsleg og trygt inkluderande miljø. Leggje til rette for at ungdomen sjølv får vera med i utforming av aktivitetane, og på den måten får trening i å ta ansvar for seg sjølv og andre. Leggje forholda til rette for at unge spelarar med spesielle føresetnader, dugleik, innstilling og vilje skal kunne få utvikle sitt potensial over tid, til beste for rekruttering til seniorfotball i Trott eller høgare nivå. Ungdomane skal i tillegg til mykje dugleikstrening, prioritera utvikling av fysiske ressursar og forståing for den strukturelle dimensjonen i spelet, dvs. organiseringa av spelet. Ungdomane skal oppfordrast til eigenorganisert trening med mange repetisjonar av teknisk karakter Leiarrollene og drift av laga Me har sett opp denne delen i ein generell del, ein sportsleg del og ein del med oversikt over arbeidsoppgåver i klubben Generell del Barne- og ungdomsgruppa har utarbeidd ein del prinsipp og retningslinjer som skal liggja til grunn for alt arbeid med dei unge i laget vårt. Eit viktig moment for oss er å gå fram som eit godt eksempel. Dette er særs viktig då barn lett tar etter kva dei vaksne gjer, heller enn å høyra kva dei seier. Leiarane våre skal alltid arbeida for å oppnå eit godt og sunt miljø i laget, slik at foreldre og føresette veit at borna har det trygt og godt når dei er på trening eller kamp for Trott. Borna kjem frivillig til oss, og me har stor påverknad på dei. Det er derfor viktig at denne påverknaden er positiv. Dette med reinsemd, orden og framferd er saker me ikkje må sjå lett på. Me må heller ikkje sjå mellom fingrane med banning, røyking 5

6 eller bruk av rusmidlar. Husk dette med høvisk framferd både på og utanfor banen. Det er viktig at dei retningslinjene me set opp for laget også gjeld for oss føresette. Trenar / oppmann skal behandla spelarane rettferdig. Gi gjerne ros til dei som allereie er gode, men gløym ikkje å stimulera dei som yter sitt beste for å verta betre. I.L.Trott spelar FAIR-PLAY på alle plan. I gjennomføring og organisering av det sportsleg og det utanom sportslege Trenarar Ver klar over at di rolla som trenar/leiar er viktig. Barn har ein egen evne til å gjera som du gjer ikkje som du seier. Derfor er ofte spelarane si framferd før, under og etter kampar eit spegelbilete av leiarane og trenarane sine haldningar og åtferd. Det kan vera ein fordel å ha eit skriftleg opplegg til treningane. Då er det lettare for andre å hjelpa til, eller ta over dei gongane trenaren ikkje kan møta sjølv. Det forventast at trenarane: Førebur treningane og kampane Gjennomfører treningane Leiar laget under kampar I tilfella der det er hjelpetrenarar skal dei: Hjelpa til med treneraren sine oppgåver Vera trenar når trenaren ikkje er tilstades Hjelpa til med organisering av spelarbyte under kampar Oppmenn/Lagleiarar Få på plass spelarliste med namn, fødselsdato, foreldre, adresse, tlf. Kontakt med foreldra : foreldremøte, foreldreengasjement i tilknyting til trening, kamp, dugnad, reiser osv. Oversikt over utstyr: ballar, drakter, medisinskrin m.m. (saman med trenar og spelarar). Planlegging av cup saman med trenaren/ane og føresette. Planlegging av dugnad saman med trenaren/ane og føresette. Ansvar for regnskap med reiser på kamp og cup. Hald deg oppdatert om det som skjer i barne- og ungdomsgruppa (møter, arrangement, på heimesida ) Samla inn kvitteringar for betalt kontingent. (Viktig med tanke på forsikring). Oppgåver med bortekampar: Kontakt med møtande lag (stadfesting av kamptid og stad) Organisering av reise: kjøring, eigenandel, regnskap osv. Oppfølging av spelarar og leiarars framferd Oppgåver i tilknyting til heimekampar: Kontakt med møtande lag (stadfesting av kamptid og stad). Er kampen sett 6

7 opp ei anna tid enn vanleg treningstid, evt. ein nyttar heile banen (mot halve til vanleg), SKAL laga i Trott som opphavleg har tida få melding i god tid, slik at dei kan finna alternative løysingar på treninga. Me praktiserar prinsippet om KAMP FØRE TRENING, men retningslinene MÅ følgjast for å unngå keisame situasjonar. Om ein ikkje har oversikt over alle treningstidene tar ein kontakt med ansvarleg for banar og treningstider i klubben. Det er ein kampoversikt over banane i Prestegardsskogen gras og kunstgras tilgjengeleg på kretsen sine sider for kampar frå 12 år. Det er mogeleg å finne ei kampoversikt på men denne er ikkje alltid oppdatert dersom det t.d. kjem kampendringar. Det er derfor kretsen sine sider som er best oppdaterte. Av denne grunn er det viktig å melda inn til kretsen ved kampflytting på eige kampflyttingsskjema. Dei yngre klassane har ei lokal kampavvikling med kampar i treningstida. Slik vert det sjeldan kollisjonar. Kontakt med domar og evt. betaling av domar. Det er sett opp domarar frå kretsen si side frå 11`ar-fotball. Desse skal betalast etter kampslutt. Lagleiarane leverar kvittering og får pengar av økonomiansvarleg i klubben: For tida er dette Trond Søyland. Ansvar for at banen er ledig og i orden (målnett, merking osv) Oppfølging av spelarar og leiarar si framferd (fair play, takke domar og møtande lag for kampen m.m.) Dette kan vera mykje arbeid på ein person slik at oppmannen / lagleiaren har den fulle rett til å høyra med foreldra om hjelp. Me skriv opp nokre oppgåver som bør og kan delast på fleire: Baneansvarleg Merking av banen ved heimekampar. Domaransvarleg. Kontakt med oppsett domar før kamp. Transportansvarleg. Setja opp kjørelister til ute-kampar. Andre område som kan ansvarsfordelast: Dugnad, cupar og sosiale tiltak. Det er viktig å prøva å organisera dette, men foreldregruppene er sjølvsagt ulike frå lag til lag. Håpet er at flest mogleg foreldre vil oppdaga kor utruleg kjekt og viktig dette arbeidet er. Samstundes er det viktig at lagleiarane ikkje kjenner seg heilt åleine med arbeidet og slit seg ut på det Foreldra si rolle Stor deltaking frå ressursgruppa føresette, foreldre og besteforeldre er heilt avgjerande for å kunne drive fotballaktiviteten i Trott. Fair-play gjeld for alle som er involvert kring laga. Foreldrevettreglane til NFF: Møt opp på kamp og trening Støtt laget og ikkje enkeltspelarar under kamp Gi aldri negativ kritikk på banen Ikkje kommenter eller forsøk på å påverke lagleiar sine disposisjonar under kamp 7

8 Sørg for riktig utstyr, ikkje overdriv slik at det vert overdriven kjøpepress Ikkje kommenter domaravgjeringar under kamp Gi oppmuntring, både i medgang og motgang Hjelp ungen din til å tåla tap Ikkje press barna til å delta, men prøv å stimulera til deltaking Spør om kampen var gøy og spanande, ikkje bare resultatet Vis respekt for det arbeid som klubben gjer, ta på deg oppgåver meir enn det å følgja ditt eige barn til trening og kamp Haldningar Trott spelar FAIR-PLAY på alle plan. Både i gjennomføring og organisering av det sportsleg, og det utanomsportslege, må spelarane, leiarane, oppmenna og trenarane visa RESPEKT for: Andre si tid og koma på tida Domar og andre spelarar, leiarar og trenarar Domaren sine avgjeringar Laget sine reglar Spelarane, leiarane, oppmenna og trenarane må visa DISIPLIN og: Ta omsyn til andre sine meiningar og ynskjer Utføra pålagte oppgåver Ta seier og tap med fornuft Spelarane, leiarane, oppmenna og trenarane må vise TOLERANSE i forhold til: Medspelar sine feil. Gi oppmuntring og ikkje kjeft Leiarar og trenar sine feil Domaren sine feil Uvante forhold VÆR KLAR OVER AT DI ROLLE SOM TRENAR / LEIAR ER VIKTIG. Barn har ein eigen evne til å gjera som du gjer ikkje som du seier. Derfor er ofte spelarane si framferd før, under og etter kamper et spegelbilete av leiarane og trenarane sine haldningar og åtferd. Me må derfor: Godta og respektera kvarandre Respektera reglar Hjelpa, støtta og oppmuntra kvarandre Øva for å bli betre Å kunne takla medgang og motgang på ein fornuftig måte Fotball er gøy og den bør væra gøy for alle. Barna skal gleda seg til å møta opp i Trott fordi: Det er artig på treningar, kampar og i andre sitt samvær Dei kjenner tryggleik og omsorg i fotballmiljøet Dei får passe utfordringar og framgang. 8

9 Spelarane skal lærast opp til å ta vare på klubben sitt utstyr. Både det dei får og det som er felles. Det er viktig at garderoben og banene er rydda når ein forlet den etter trening og kamp, både heime i Prestegardsskogen og når me spelar vekke. Etter trening skal måla av banen pga. mogeleg vedlikehold Utstyr Det er klart at dei daglege aktivitetane i klubben gjer at me må ha retningsliner for utstyret vårt. Det er ikkje små summar det er snakk om dersom ein tar med alt som er i bruk av privat og felles utstyr. Det er viktig å få alle med og laga gode rutinar, som vil letta arbeidet og gi gode ringverknadar på miljøet rundt Privat utstyr Alle barna må sjølv stilla i treningsklede og sko. Leggskinn skal nyttast. Lagleiarar/oppmenn stiller med medisinskrin om uhellet er ute. Trott har i år avtale med Sport 1 om levering av utstyr til klubben. Det er ein fin avtale der medlemmene får gode rabattar. Trenarane og oppmann / lagleiar til laga får løysa ut ein overtrekksdress til redusert pris til treningsarbeidet. Flott om desse vert nytta i kampsituasjon, slik at me viser kven me er og kvar me høyrer til Drakter og felles utstyr Lagleiaren ser til at laget har naudsynt utstyr ballar, kjegler, vestar og medisinskrin. Laga bruker sjølvsagt utstyr frå tidlegare år inntil det er t.d. slitt ut eller ballane er for små. Trott stiller med følgjande utstyrsliste til laga: Ballar + nett Kjegler Markeringsvestar Fløyte Keeperhanskar (1 sett pr. lag) Ballpumpe Medisinskrin + innhald (isposar, tape, sårbehandling) Utstyrsbag Draktsett. Utstyret kan ein henta ved Sport 1, etter å gjort avtale med hovudmaterialforvaltar først. Det er for tida Asbjørn Lunde. Alle laga skal ha blå drakter. Klubben har oversikt over kven som har og kven som treng drakter. TBUG koordinerar og evt. søkjer/kjøper nye sett der det trengst. Draktsett som er for små leverast inn til hovudmaterialforvaltar for vidare formidling av desse. 9

10 Klubben ynskjer helst å ha drakter utan for mykje reklame og namn på enkeltspelarar. Drakt-setta går i arv i klubben om dei ikkje er utslitt. Dersom laget likevell vil ha sponsor og sponsoren vert godkjent av styret, gjeld følgande : Prisen er kr. 3000,- + omkostnigar som trykk og trykking. Trott sender faktura på dette til dei aktuelle bedrifter. Hovudstyret vil styra kven som sponsar dei ulike laga for å ha opne liner med hovudsponsorar til Trott. Skaffar laga eigne sponsorar må dei melda frå til hovudmaterialforvaltar og denne/desse avklarast av hovudstyret. Lagleiarane tar ansvar for å få inn drakter til spelarar som sluttar. Det vert jobba med å få ei god ordning for dei som ynskjer å lagra felles utstyr på Loftet. Dei som mottek nøkkel må passa godt på den, og ikkje låna den vekk til andre enn dei som har oppgåver knytte til aktivitetar i klubben sin regi Overtrekksdrakter og anna utstyr ikkje dekka av Dersom laga ynskjer å kjøpa inn felles overtrekksdraktar eller liknande, finansiert ved hjelp av sponsing og eventuell eigenandel. Skal dette avklarast med Styret. Styret skal godkjenna sponsorane. Overtrekksdraktane må laga sjølv skaffa via vår utstyrsleverandør, for tida Sport 1. Overtrekksdraktane vil bli sett på som personleg utstyr, men TBUG oppfordrar til moderasjon, for å unngå for store forskjeller mellom laga Merking av 5`er og 7`er banar. Det er laga til to lengder med kvite lange tau til merking av banane ved kamp. Det er veldig lett og bra måte å få gode rette heilstrekkande liner. Taua har god tyngde med karabinkrokar i enden. Dei vert hengande rett over for kjøkkendøra på ein krok. Det er viktig at taua heng slik at dei tørkar, når dei ikkje er i bruk Forsikring Alle i Trott vert forsikra gjennom å betala årskontigent. Kvittering skal leverast til lagleiar så snart som råd er. Før den er levert kan ikkje barnet delta i aktiviteten i laget. På NFF sine sider kan ein lesa: Alle spillere, frem til og med det året de fyller 12 år, er forsikret i If gjennom Norges Idrettsforbunds (NIF) barneforsikring. Fra det året spilleren fyller 13 skal spilleren forsikres gjennom SPORTSCOVER EUROPE LTD, enten gjennom lagsforsikring eller med individuell lisens. SPORTSCOVER EUROPE LTD forestår selv skadeoppgjør på spillerlisens og lagsforsikring. 10

11 Skademeldinger sendes NORGES FOTBALLFORBUND, LISENSFORSIKRING, 0840 OSLO Forsikringsordningen har et eget fast telefonnummer som skal brukes ved alle henvendelser om vilkår og skader til SPORTSCOVER EUROPE LTD. Nummeret er På nettstaden eller finn du alt om forsikringa. Dette er ein standarforsikring og føresette må sjølv vurdera om dei tykkjer den er tilfredstillande for sitt / sine barn. Ved skade som kjem inn under forsikringsorninga skal det fyllast ut skadeskjema. Det får ein av klubben eller kan hentast på kretsen si heimeside og den skal så fort som råd sendast Barneidrettsforsikring Medlemmer av klubb / lag tilslutta Norges Fotballforbund (NFF) er forsikra til og med det året dei fyller 12 år gjennom Norges Idrettsforbunds barneidrettsforsikring. Barn som ikkje er medlem av klubb / lag, men som deltar i organisert aktivitet i klubben sin regi, er og forsikra. Trenarar, leiarar og domarar for dei same utøvarane, er og forsikra når dei trenar, leiar eller dømmer kamp / trening for medlemmer. Forsikringa gjeld ulykkeskade under direkte reise til og frå idrettsutøving organisert av lag, krets eller forbund, anten utøvaren / ane reiser åleine eller i lagsamanheng. Forsikringa gjeld høgst ei veke før første, og 3 dagar etter siste konkurransedag Forsikring over 13 år For utøvarar over 13 år gjeld same vilkår som i barneidretten. Det er ei gruppeforsikring som Trott betaler for. Spelarane vert registrert med namn gjennom spelarlisensen. Denne dekker skade og evt. handsaming av den i etterkant Sportsleg del Denne delen inneheld tips og vink til trenarane, og typiske trekk i dei ulike årsklassane. I tillegg er det tatt med ein del om serie- og cupspel Seriespel og cupdeltaking Styret melder på laga til seriespelet. Frå 11`ar lagar kretsen terminlistene. Desse vert lagt ut på Hordaland Fotballkrets (HFK) sine sider. 11

12 Det har vore ulik praksis kor mange cupar laga er med på. Klubben betalar påmeldinga for laga. Det har vore vanleg at laga i dei yngste årsklassane har vore med på 2 lokale cupar pr. år. Dei som har vore mest nytta er Fitjar-cup, Kiwi-cup, Puttefestivalen, Aasencup og Sparebanken Vest-cup. Seinare vert Etne-cup, Husnes-cup, Voss-cup,Lyngdal-cup, Sogndal-cup og Sørlands-cup meir aktuelle. Ungdomsfotballen har hatt som tradisjon å reisa ein lengre tur på cupar om sommaren. Både Dana-cup og Norway-cup er nytta som reisemål. Trott dekkar reise og utgifter til 1 vaksen på desse større cupane med lengre reiser / sommar-cupane. Dei andre utgiftene med t.d. fleire vaksne må det reisande laget dekkja inn. Det er ikkje noko fast mønster i korleis Trott gjer dette med cupar, men laga kan finne informasjon om dei aktuelle cupane på Sjekk Oversikt over alle godkjente turneringar i Noreg finn du på Det vert lagt vekt på at alle desse arrangementa me deltek på i Trott sin regi er rusfrie for alle spelarar, trenarar, lagleiarar og foreldre. Alle må vidare følgja dei reglane som er sett opp før ein reiser år og yngre Deltakarene i desse klassane skal og bør høyra til i nærmiljøet. Aktiviteten skal innehalda allsidig leik med og uten ball. Trott inviterer foreldre og barn frå 1.klasse på skulen, om å vera med i idrettslaget. Foreldra sjølv må organisera aktiviteten, der Trott skaffar utstyr og treningstid. Det er ynskjeleg at foreldra som driv aktiviteten tar i mot tilbod om trenarkurs. Spesielt Del 1 av Trenar 1 utdanninga : Aktivitetleiarkurs. Ta kontakt med utdanningskoordinatoren ang. dette. For tida er dette Sigfrid Halleraker. For dei yngste klassane er lokalmiljøet i lag med krinsen, blitt einige å spela 5`arfotball. Det vert sett opp seriespel for desse klassane på øya. Med 5 på kvart lag vil barna få fleire involveringar og dette er meir dugleiksfremmande. Treningstips: Variert spontanaktivitet / leik Koordinasjonsøvingar Mykje spel på små lag Alle spelarane skal ha mykje ballkontakt Del opp i fleire små lag under treninga Uttøying 12

13 Teknisk trening Enkle tekniske øvingar Demping, mottak og pasning med innsida og utsida av foten Skottrening Taktisk trening Prøv å få spelarane til å danna ei forsvarsrekke og angrepsrekke. Samstundes skal det vera lov for alle å vera med opp i angrep Regler for 5`ar og 7 er fotball Me tar med desse reglane sidan det ofte er føresette, trenarar og oppmenn som vert sett til å dømma kampane i desse årsklassane. Speletida vert avtala før kampstart, men det er mest vanleg med 2x20 min på dei minste, for så å auka til 2x25 min etter det fyste året. Det skal ikkje førast tabellar i seriespelet. Litt om spelet: Frispark vert dømt for: Å fella ein motspelar Å føra, slå eller kasta ballen med handa eller arm I ord eller handling å visa seg ueinig med domaren sine avgjeringar Ved usportsleg opptreden. Offside praktiserar me ikkje. Innkast (når ballen går utover sidelina). Det skal utføres med begge hendene over hovudet, ansiktet vendt mot banen, og begge føtene må vera i kontakt med sidelina eller banen utanfor sidelina. Ved feilkast skal domaren gi dei under 10 år, rettleiing og nytt kast. Dersom eine laget leiar med meir enn 5 mål, kan det andre laget setja inn ein ekstra spelar. Vert differansen redusert, skal det vera like mange spelarar att år Typiske trekk Dei fysiske føresetnadane vil ofte vera ganske like med tanke på høgde og vekt. Den psykiske utviklinga fører til mindre grad av sjølvsentrering. Forståing for samspel vil derfor kunne utviklast så smått. Alderen er veldig gunstig for utvikling av teknikk, som bør prioriterast høgt på treningane. Treningane bør innehalda : Korte pasningar med inn- og utsida av foten. Begge bein Lange pasningar med vristspark. Begge bein Ballkontroll Mottak, demping, vending og pasning Dribling og forbipassering. 1 mot 1og 2 mot 1 Heading Skudd-trening 13

14 Koordinasjonsøvingar Uttøying Taktisk trening Utvikle forståing for prinsippa bredde og dybde Støttepassningar Utvikle forståing for press på dei forskjellige banedelane Sørg for at garderoben er rydda etter kampar. Det gjelder heime- og bortebane. Påverka til eigentrening med ball, helst dagleg. Åleine, to og to eller fleire saman. Prøv å få spelarane til å trene på ting dei meistrar mindre bra Overgang til 11 er fotball Pasningar og plassering vert viktigare Keeper vil få ei ny rolle. Han må stå lengre ute og jobbe meir i sweeper- rolla Forsvarsspelarane vil møte mykje raskare spelarar enn dei er van med Midtbanespelarane får mykje meir springing, må vinna meir taklingar, spela gode framspel og meir styra spelet Angrep og mottak i vendingane må skje fortare, for så å setje fart mot mål. Betra skot og koordinering av løp pga. meir plass Presentasjon for soneforsvar i storskala. For å læra dette må ein drille den bakre 4`ar og midtbanen i dette. Det kan gjerast ved å spela 4 mot 5-7 angriparar på ½ bane Til å begynne er det viktig å ta for seg noen få, men viktige moment: Kven skal gå i ballførar? Kor tid skal ein gå i ballførar? Avstand til sikringsspelaren? Konsentreringsgraden. Kva for område er farleg og kva for nokre kan me gi slepp på? I byrjinga tek ein for seg 1 eller 2 av desse momenta og legg vekt på det. Det gjer du med tilrop i speløkta, eller ved å frysa spelet og rettleia år Typiske trekk Store individuelle forskjellar i den fysiske utvikling Psykisk utvikling vil ofte vera i tråd med den fysiske Dei som enno ikkje har kome inn i puberteten sin lengdevekst, vil gjerne ha betre føresetnader for å læra seg teknisk trening enn dei som er i ein vekstperiode. Dei som er i lengdeveksten må vera forsiktige med styrketrening Treningane sitt innhald: Utespelarar Vidareføring av teknikken, men med større krav til presisjon og tempo. Dvs. 14

15 vektlegging av detaljer for å betra teknikken Finter Headingar. I lufta og på bakken. Med og utan motspelar Mottak og vending med ball. Med og utan motstander. Tempo og presisjon Målmann Grep Kropp si stilling Plassering i målet Slenge seg - teknikkar Utkast og utspark. Spesielt med tanke på tilbakespel Taktisk trening Forståing for og utnytting av viktige føresetnader for godt passningsspel. Passnings-skygge, rørsle inn i gode posisjonar for å motta passningar Medviten bruk av støttepassningar Skapa og utnytta 1 mot 1 situasjonar i angrep, dribling og forbipassering Skapa og utnytta 2 mot 2 situasjonar med veggspel overlapping Forståing av press, sikring og markering Forståing av riktig rørsleretning mot mål i avslutningsfasen av eit angrep. Løp mot 1., 2. stolpe og returrom Forståing av korleis innlegg skal slåast mot 1. og 2. stolpe. I tillegg til timing av innlegg og løp år Typiske trekk For mange er dette ein kritisk periode når det gjelder fråfall i fotballen på grunn av andre interesser. Aldersgruppa er derfor viktig å ta vare på. Av mange grunnar men òg med tanke på komande rekruttering til A- laget Fysiske forskjellar spelarane i mellom er ofte markante. Dette bør ein ta omsyn til når det gjelder tåleevna både fysisk og psykisk Mange er prega av å vera usikker og sjenerte No bør ein auka krav til prestasjonar på alle områder i fotballen Alderen er gunstig med tanke på påverknad av resursdelen. Spelarane i typisk lengdevekst må være svært forsiktige med styrketrening, som lett kan øydelegga ryggen. Ein må være merksam på uheldige øvingar, og heller ikkje bruke for tunge vekter. Treningane bør innehalda: Utespelarar Vidare utvikla teknikken og still eit større krav til gode tekniske løysingar under press i spelet Heading og skot er spesielt viktig Isolert trening på svake sider Utespelarane må forstå kor viktig målmanns-treninga er, som av og til kan føra til at dei sjølv ikkje blir så aktive 15

16 Taktisk trening Medviten utføring av riktig press, sikring og markering Samarbeid mellom bakre firar og målmann Medviten bruk av støtte og vending av spelet Medviten bruk av crossballar. Snu spelet kjapt Medviten bruk av veggspel ved overlappingar Spesialisering. Trening i forhold til plass på laget Oppbygging av angrep: -Spel frå eigen forsvarssone -Spel gjennom midtbanen -Lange oppspel Forståing av og bruk av løp på 2. og 3. mann Taktiske moment i forhold til formasjonen / ar Overgang til junior- og seniorfotball Det er viktig at junior- og senioravdelinga har like retningslinjer med omsyn til f.eks. treningsmetodikk og formasjonar, for å få til kontinuitet i klubben. Det vil letta overgangen for spelarane NFF sine dugleiksmerke Dette er eit frivillig tilbod til alle klubbar. TBUG vil sjå på om dette kan setjast i system i klubben. Merketaking kan vera eit mål for å t.d. sjå om ein har utvikla seg teknisk som fotballspelar i løpet av sesongen. Eller berre prøva seg for gøy. Dugleiksmerke er delt inn i sju forskjellige grader. Minimerket I og II, Blått, Rødt, Bronse, Sølv og Gullmerket Minimerket I og II skal gjennomførast innan barna er fylt 12 år Gullmerket har ei øvre aldersgrense på 16 år Forslag på alderstrinn spelarane første gang prøver å ta ein grad er: Minimerket I Minimerket II Blått merke Rødt merke Bronse merke Sølv merke Gull merke 8-9 år 9-10 år år år år år år Dette vil vera individuelt frå spelar til spelar. Det er viktig at det er spelaren sjølv som er pådrivar. Det kan bli snakk om å ha merketaking etter sesongen på hausten. Tanken er då å ha folk som tilrettelegg dette for fleire aldersgrupper på gitte kveldar. Svein Langeland har gjort mykje godt arbeid for klubben med merketaking (også denne hausten.) Sjekk i tillegg 16

17 4.5.9 Tine sin fotballskule og Spar Haga jenterturnering Det er blitt ein tradisjon at I.L.Trott arrangerer Tine fotballskule for barn i alderen 7 12 år. Denne har gått over 3 dagar og vore ein stor suksess med omlag deltakarar kvart år. Trott tar sikte på å laga til fotballskule komande åra og. Instruktørane har vore jenter og gutar frå eigne rekker i klubben. Dei har så langt gjort ein flott jobb. Dei har fått god erfaring frå å leia lag / grupper i yngre aldersgrupper. Dei siste åra er det laga til ei flott jenteturnering på hausten for jenter frå år. Det har vore eit flott tiltak der det vert gjort mykje god dugnad. Om lag 20 lag har delteke Spelarutvikling - retningsliner for spissing / topping av lag I tillegg til at fotball er ein sosial samlingsstad for fysisk fostring, leik og moro, er det òg ein idrett der målet er å vinna. Det er òg ein del spelarar som ønskjer å bli best mogleg, og spela fotball på høgast mogleg nivå i framtida. Trott som klubb har og eit ansvar for å leggja til rette for at dette vert mogleg. Korleis ein oppnår dette strides dei lærde om, men ein ting er sikkert - for å bli god, må du spela/trena mykje, og med tida, målbevisst. Det er likevel mange veier til Rom, og temaet vert ofte eit diskusjonstema og kime til konfliktar mellom trenarar, foreldre, spelarar og andre. Me ønskjer å prøva å gje retningsliner for korleis Trott ser for seg dette arbeidet. Sidan synet og politikken på område forandrar seg med alderen på borna, har me valt å dela tema inn etter ulike aldersgrupper. Me ønskjer å lage ei relativ stram ramme rundt dette temaet, for at dette ikkje skal liggja til den einskilde spelar, foreldre eller trenar. Og me ønskjer at Trott sine aldersbestemte lag skal framstå nokolunde eintydige. Sjølvsagt kan det oppstå situasjonar der ein må avvika frå normalen. Men det som er viktig i slike høve, er at ein då trekkjer inn Barne- og ungdomsavdelinga i Trott, og at det er klubben som tek avgjerd om korleis ein skal løysa dette år: Aktivitet og det sosiale er det viktigaste. Borna skal læra seg at det å væra i aktivitet og det å spela fotball er kjekt Alle får spela like mykje - nyttar stoppeklokkeprinsippet Alle følgjer sin årsklasse Ingen bevisst hospitering Laga tek utgangspunkt i skuleklassane, men har gjerne felles turneringar Det vert praktisert både 5 ar og 7 ar fotball Dei trenar vanlegvis 1-2 gonger i veka a` 1 time Me oppfordrar til allsidig trening og aktivitetar (at borna òg går på andre aktivitetar i tillegg til fotball) Alle skiftar på dei ulike rollene i laget (keeper, forsvar, angrep) Vanleg at ein hentar trenar frå foreldra. Her oppmodar me sterkt at dei tek Trenar 1 kurs Del 1. 17

18 Trenaren skal rettleia og leggja til rette for eigentrening år: Sjølv om aktivitet og det sosiale er det viktigaste, byrjar ein fokusera meir på fotball som sport / konkurranse Alle får spela, men ei gryande differensiering t.d. i høve treningsiver og frammøte. (NB! Viktig å ta omsyn til andre aktivitetar - er ein borte frå trening fordi ein er på annan aktivitet, skal ikkje dette brukast mot spelaren) Me oppfordrar til allsidig trening og aktivitetar (at borna òg går på andre aktivitetar i tillegg til fotball) Alle følgjer sin årsklasse Opnar for hospitering på høgare (eldre) lag, men eige lag skal prioriterast (hospiteringa kjem i tillegg) Laga tek utgangspunkt i skuleklassane Det vert hovudsakleg praktisert 7 ar fotball Dei trenar vanlegvis 1-3 gonger i veka a` 1 time Ein må framleis variera på dei ulike rollene i laget (keeper, forsvar, angrep), men ein startar ein gryande spesialisering Me oppmodar sterkt at trenar for laget fortsett med Trenar 1 kurs, evt. vidare trenarutdanning Trenaren skal rettleia og leggja til rette for eigentrening og spesialisering Spelarane må kunne ta i mot meldingar og gi beskjed om dei ikkje stiller på trening år: Nå satsar ein meir på sjølve sporten og dette medfører større konkurranse. Likevel er det viktig å ta vare på det sosiale i laget Alle får spela (meir enn et innhopp ) men meir differensiering i speletid t.d. i høve treningsiver, seriøsitet og frammøte. (NB! Det er framleis viktig å ta omsyn til andre aktivitetar) Hospitering, men må også følgje sin årsklasse. Opnar likevel for at ein kan fordela treningstid (eks. to treningar med hospiterande lag og to med eige lag). NB! Ved kampkollisjon skal ein velja aldersbestemt lag Det vert hovudsakleg praktisert 11 ar fotball Dei trenar vanlegvis 2-4 gonger i veka a 1,5 time (2 treningar + kamp) Meir spesialisering av spelarposisjonar, men framleis er det viktig å la spelarar prøva ulike posisjonar Bør ha kvalifisert trenar. Klubben skal prøva å hjelpa til med å skaffa dette Trenaren skal rettleia og leggja til rette for eigentrening og spesialisering Spelarane må kunne ta i mot meldingar og gi beskjed om dei ikkje stiller på trening år: Meir spesialisering og krav til spelaren. Spelaren bør byrja velje hovudsatsing om han / ho driv med fleire aktivitetar Opnar for at spelar + støtteapparat sjølve vel på kva nivå ein spelar. (Kan t.d. slutta på aldersbestemt nivå og kun spela på høgare nivå). NB! Viktig å trekkja inn Sportsleg utval i slike situasjonar Alle får spela. Viktig at alle som er med har ein plass i laget. Det er ikkje 18

19 sikkert at alle spelar alle kampane, men at alle får speletid (dette er avhengig av det totale talet spelarar på laget) Spelarar med evner og ambisjonar bør hospitera på eldre / betre lag Det vert hovudsakleg praktisert 11 ar fotball Dei trenar vanlegvis 3-5 gonger i veka a 1,5 time (3 treningar + kamp) Meir spesialisering av spelarposisjonar, men framleis er det viktig å la spelarar prøva ulike posisjonar Skal ha kvalifisert trenar. Klubben har ansvar for å skaffa / skulera dette Trenaren skal rettleia og leggje til rette for eigentrening og spesialisering Spelarane må kunne ta i mot meldingar og gi beskjed om dei ikkje stiller på trening Hospitering av spelarar Hospitering er at spelarar med gode haldningar og gode ferdigheter for alderen, kan tilbys å trena med eit lag ein årsklasse over. Dette skal vera i full åpenhet og avgjerast i samarbeid mellom foreldre, trenarar og TBUG. Ved usemje / konfliktar eller ein avviker frå normene i denne planen, så skal dette takast opp med trenarkoordinatoren. Klubben vil til ein kvar tid følgje med dei tendensar / signal som kjem frå fotballmiljøet og NFF, og utvikle retningslinene i denne planen etter dette. Klubben jobbar for tida med å laga gode og klare retningsliner for korleis me vil handtera dette. Dette dokumentet vil vera lagt ut på Trenar-koordinatoren i klubben vil vera sentral i dette arbeidet med tilrettelegga og gjennomføra reglane for hospitering. Dokumentet vil vera informativt med tanke på korleis ein praktiserer reglane og rolla trenarkoordinatorfunksjonen med tanke på hospitering. Trenarkoordinatoren for barnegruppa i klubben er for tida Remy Tyse. I tillegg til hospitering som eit tilrettelegt tilbod til dei som vil litt meir, jobbar TBUG pr. jan 09 med eit ekstra opplegg med helgatreningar for ivrige 9-13 åringar Regionalt samarbeid Trott vil støtte opp og ta del i spelarutviklingstiltak på tvers av klubbane i regionen. Eksemplar på dette er Fotballskulen og sonetiltaka Trenings- og kamptider på dei ulike banane Trott har fått eit fantastisk flott anlegg i Prestegardsskogen. Det er me alle glade for. Kvar år fordelar klubben treningstider og banar etter beste evne. Det er vanleg at det vert mogeleg å koma med ynskjer ei tid før det vert sett opp. Dette skjer pr. mail. Terminlista for dei yngste klassane ordnar me internt her på øyo. Det er stort sett berre lokale lag med der. Som regel er det Solid som har ordna dette på ein flott måte. 19

20 Kretsen set opp kampane i ungdomsfotballen no frå 11 år. Terminlistene finn ein på kretsen sine sider eller i skriven form (handbok). Der er det ført opp alle opplysningane ein treng. Det er viktig å vera obs på at kretsen ikkje tar omsyn til treningsoppsettet til dei ulike klubbane når dei set opp kampar eller flyttar kampar. Dette må ein følgja med på sjølv, og varsla dei som vert ramma av flyttinga. Dette har vore eit problem fleire gongar, og me har sett opp nokre retningsliner for dette med flytting av kampar (sjå neste punkt ). Trott søkjer kvart år om treningstider i gym-salen på Rommetveit skule om hausten/vinteren. Fordelinga der skjer på same måte som med banane ute. Det einaste er at me ikkje disponerar salen heile tida. Det vert sett opp faste tider til oss. Dei yngste klassane vert prioritert til innetreninga. Me må vera nøye på å følgja retningslinene for salen når me trenar der Flytting av kampar Her er rettleiande punkt kring flytting av kampar: 1. Kamp føre trening - prinsippet. Avvikling av kampar vert prioritert. Me prøver sjølvsagt å nytta tid der me disponerar banen frå før. 2. Dei som har treningstid på gjeldande tidspunkt MÅ takast kontakt med, slik at dei veit om dette og kan finna alternative treningstid og / eller plass. Dette er viktig! Slik unngår me keisame situasjonar. 3. Alle laga i dei eldre klassane har terminfesta kampar frå kretsen si side. Om det vert endring i desse SKAL kretsen ha melding om dette. Det gjeld òg om ein berre flyttar ein kamp eit par timar. I tillegg : 4. Endring av treningstider skal gå gjennom den ansvarlege i klubben for dette. Er det nokon som ikkje brukar dei / den faste tida dei er sett opp på, må den ansvarlege få melding om det Politiattest Det er vedteke at alle som driv organisert idrettsarbeid med barn og unge må framvisa politiattest frå Trott skal pr. okt. 08 gå i gang med dette arbeidet. Vidare kan du lesa litt om det som er sagt om dette til idrettslaga, evt sjekk på nettet på Sitat: - Idretten skal være et trygt sted å være for alle, og særlig for barn. Dessverre har det i dagens samfunn vist seg nødvendig å kontrollere voksne som utfører oppgaver som innebærer et tillits- eller ansvarsforhold overfor mindreårige. - Idrettsstyret har valgt å gjøre ordningen obligatorisk for at det skal være lik rett til lik beskyttelse for alle barn, og for i størst mulig grad å fjerne vilkårlig, skjønnsmessig behandling av et såpass følsomt tema. - Politiattesten inneholder opplysninger om en person for tiden er siktet/tiltalt eller 20

21 tidligere er ilagt forelegg/dømt for brudd på enkelte bestemmelser i straffeloven om seksualforbrytelser. - Idrettslaget har ikke anledning til å be personen om å innhente politiattest for andre straffbare forhold. Søknadskjema som skal nyttast ser slik ut: Her kan du sjå arbeidsdokumentet til klubben laga av Noregs idrettsforbund: Hva skal idrettslaget gjøre? Styret skal avkreve politiattest av alle ansatte og frivillige som skal utføre oppgaver for idrettslaget som innebærer et tillits- eller ansvarsforhold overfor mindreårige eller mennesker med utviklingshemming. Styret skal oppnevne en person som er ansvarlig for å håndtere ordningen med politiattest i idrettslaget. Det skal også oppnevnes en vararepresentant. Styret må informere om ordningen på idrettslagets hjemmeside. Der skal også navn og kontaktinfo på personene som skal håndtere ordningen i idrettslaget, fremgå. Idrettslaget må fastsette hvilke oppgaver og hvilke personer som er omfattet av ordningen. Den styreoppnevnte skal informere de(n) aktuell(e) personen(e) om at de(n) må ha politiattest. Den styreoppnevnte skal sende inn søknad om politiattest til politiet. Søknaden må undertegnes av søkeren og av den styreoppnevnte. Attesten sendes fra politiet til den enkelte søker. Alle som skal ha politiattest må fremvise attesten for den styreoppnevnte. Den styreoppnevnte skal lagre opplysninger om hvilke personer som er avkrevd politiattest, at attesten er fremvist og dato for fremvisningen. Selve attesten beholdes av søkeren. Idrettslaget skal ikke gi oppgaver som innebærer et tillits- eller ansvarsforhold overfor mindreårige eller mennesker med utviklingshemming til personer som ikke fremviser politiattest eller som har anmerkninger på attesten. Idrettslaget kan når som helst kontakte NIF for råd og veiledning i disse sakene på telefon eller på e-post til politiattest@idrettsforbundet.no Utdanning / skulering Me har som mål å rekruttera dyktige og engasjerte trenarar, og leiarar til alle lag. Me skal bidra til å auka trenarkompetansen ved hjelp av impulssamlingar / kurs i eigen regi, eller i samarbeid med naboklubbar eller i kretsen. Barne- og ungdomsgruppa skal jobba aktivt med å rekruttere nye domarar. Me skal leggja forholda til rette og motivere til at spelarar, leiarar og trenarar kan velje dømming som alternativ Leiar- og trenarutdanning 21

22 Fotballgruppa i I.L. Trott ynskjer å ha godt skulerte trenarar / leiarar på alle aldersnivå i barne- og ungdomsgruppa. Slik at me kan ta vare på det sportslege og administrative ved å ha born og unge i aktivitet. Me oppmodar deg derfor til å vurdere dei ulike tilboda som finnes innanfor trenar / leiarutdanning. Hordaland Fotballkrets held sine Trenar 1-kurs om hausten. Desse er delt opp i delkurs, der 1. del: Aktivitetsleiarkurs passar best for dei minste aldersgruppene, og kor delkursa: Teknikk og Taktikk høver for litt eldre spelarar. Ein kan såleis ta eit delkurs (ein ettermiddag + ei helg) om gongen og jobba seg fram mot ein Trenar 1 - status. I tillegg til foreldra, og andre vaksne med Trott-engasjement, ynskjer barne- og ungdomsgruppa å rekruttera trenarar frå dei eldste laga. Alle gute -, jente- og junior - spelarar vil få tilbod om å delta på aktivitetsleiarkurs som vil kvalifisera dei til å trena dei yngste laga (5`ar og 7àr fotball). Trott vil dekka det det kostar for kursa i håp om at den som er med frå klubben, tar på seg trenaroppdrag i klubben. Ta kontakt med TBUG eller fotballkretsen for meir informasjon om litteratur og kurs, eller gå inn på nettstaden: Aktuell litteratur til kursa: NFF sin Handlingsplan Fotball er gøy, Andreas Morisbak N.W.Damm & Søn A.S Fotballutdanning på 1-2-3, brosjyre NFF Fotballskole hefte Kursmateriell Delkurs 1, Trener I-kurset Domarutdanning Trott håpar å rekruttera domarar frå ungdomsavdelinga til dømming. Det er sett opp eit fornuftig løp for dei som ynskjer det. Alle som har lyst vil få tilbod om å følgja domarkursa i området Klubbdomar Alle 1.års gute- og jentespelarar skal delta på eit 3 timars internt domarkurs, som vil kvalifisera dei til å døma 7`ar fotball. Etter å ha gjennomført eit klubbdomarkurs kan domarane få dømma kampar for dei yngste i klubben Rekrutteringsdomar Klubbdomarar som fyller 16 år vil få tilbod om å halda fram med Rekrutteringsdomarkurs. Dette vil kvalifisera dei til å døma 11`ar fotball i smågut- / jenteklassen, og sett opp i terminlister av HFK. 22

23 5.2.3 Krinsdomar Etter 1 år som Rekrutteringsdomar vert ein løfta opp til Krinsdomar, og er kvalifisert til å døma juniorlag og 7.divisjon. Ein vert då vidare følgt opp av HFK og kan stiga i divisjonssystemet etter innsats og ambisjonar Kontaktpersonar i Trott 2006 Barne og ungdomsgruppa (TBUG): Ungdomsleiar : Per Audun Halleraker Kasserar / materialforvaltar : Asbjørn Lunde jr. Sportsleg utval : Øystein Djuve (red. handbok) Gruppemedlem : Ann Kristin Brakedal Gruppemedlem : Hilde Heggøy Kjelsnes Gruppemedlem,Web-ansv. : Tor Erik Eide Trenarkoordinator barn : Remy Tyse Utdanningskoordinator : Sigfrid Halleraker Hovudstyret : Fung. leiar : Birger Grov Nestleiar : Skrivar : Karina Mæhle Kasserar : Asbjørn Lunde Sportsleg leiar : Terje Moe Ungdomsleiar : Per Audun Halleraker Me håpar dette heftet kan vera til hjelp i di leiarrolle i I.L. Trott. Me takkar igjen for at du bruker av di tid på born i laget vårt, og håpar på eit godt fotballsamarbeid. Trykt og distribuert 1.gong november 2006 Revidert jan Endringar kan verte gjort i løpet av året. Den siste versjon ligg alltid tilgjengeleg på Neste rev. vert jan