Saksnr. Utval Møtedato 104/19 Formannskapet

Transkript

1 Bremanger kommune JournalpostID: 19/10156 Sakshandsamar: Magnhild Myklebust Dato: Saksframlegg Saksnr. Utval Møtedato 104/19 Formannskapet Kommuneplanen sin arealdel til offentleg ettersyn Vedlegg: Oversikt over innspel kommuneplanarbeid ENDELEG KU_rapport samla_ Planomtale_ Område_01_Kalvåg Område_02_Grotle_Hauge_Berle Område_03_Berle_Leirgulen_Rugsund Område_04_Rugsund_Davik Område_08_Svelgen Område_07_Hjelmevatnet Område_06_Ålfoten Område_05_Davik_Ålfoten Område_10_Midtgulen Område_09_Indrehus_Botnane Rådmannen sitt framlegg til vedtak: I medhald av plan- og bygningslova vert arealdelen til kommuneplanen for Bremanger kommune lagt ut til offentleg høyring. Bakgrunn for saka: I fylgje Bremanger kommune sin planstrategi for perioden skulle det utarbeidast samfunnsdel til kommuneplanen og kommuneplanen sin arealdelen skulle reviderast i 2017/2018. Gjeldande arealdel for heile kommunen vart vedteken i Etter dette har det blitt vedteke kommunedelplanar for Bremangerbygda, Rugsund-Leirgulen, Botnane og Davik, og for Fv 614 Svelgen-Myklebust. Arbeidet med planprogram for samfunnsdelen og arealdelen til kommuneplanen starta opp hausten 2017, og planprogrammet vart vedteke Kommunestyret bestemte på arbeidsverkstad at Bremanger kommune sin visjon skal vere «Leve, virke, nyte heile livet!» Med bakgrunn i endringar i organisasjonen og kort tid fram til kommunestyrevalet vart arbeidet med samfunnsdelen utsett til etter kommunestyrevalet i På grunn av behov for avklaringar om arealbruk vart det arbeidd vidare med arealdelen av kommuneplanen. Framlegg til arealdel er no klart

2 for utlegging til høyring og offentleg ettersyn. Formannskapet : Handsaming: Svein Olav Senneset, V, ynskjeleg med regulering i satsingsområder, t.d. ein kan gje dispensasjon i fortetta sjøhusområder der ein gjere om sjøhus til fritidsbustad eller heilårsbustad. Takast med i planen, administrasjonen ser på områder for dette, bør ikkje hindre fri ferdsel i strandområder. Svein Olav Senneset, V, ein bør prøve å få forbod mot taretråling i gyteområde, naturvernområde og friluftsområde. Det kan vere vanskeleg å få inn soner med forbod - men ein kan leggje inn naturmiløområder og friluftsområder Elisabeth Hatlenes, H, er det gjort vurderingar av rasområder i ROS analyse når det gjeld vegar? det er det ikkje, det er gjort for bustadområder. Det er vegvesenet som vurderer faresonar. Elisabeth informerer om at Vestland får meir rassikringsmidlar - ein bør vere i forkant her når det gjeld å skissere behovet vårt for slike midlar. Elisabeth Hatlenes, H, kva med tomter for hus og næring - stort behov i Svelgen. Der er tomtar på Langeneset, Kvelve og bueinheitar på Naustneset ( gamle sjukeheimen), næringsområder under utbyggjing på Rise. Det er viktig satse på Svelgen. Sjå på eit område på Naustneset for tomter. Innspel om akvkulturområder ved Kalvåg, ikkje tilrådd. Henny Hansen, Sp, Utviding Bråtane bustadområde? Magnhild Myklebsut: Er ledige tomtar i eksisterande område, dei fleste ønskjer å bu meir spreidd. Der er moglegheit for utviding. Det må komme prisar på tomter Rugsund FSK- 104/19 Vedtak: I medhald av plan- og bygningslova vert arealdelen til kommuneplanen for Bremanger kommune lagt ut til offentleg høyring, med dei endringane som kom til i møtet. Aktuelle lover, forskrifter avtale mm: Plan- og bygningslova Saksopplysningar: Kommuneplanen sin arealdel er kommunen si overordna plan for styring av arealbruken i kommunen. Arealdelen skal ta for seg hovudtrekka i korleis areala skal brukast og vernast, og kva for viktige omsyn som skal ivaretakast ved disponering av areala. Planen skal ha eit langsiktig perspektiv, og skal difor vere fleksibel slik at det er mogleg å innpasse nye behov og moglegheiter. Oppdatert planverk forenklar handsaminga av plan- og byggjesaker, og vil føre til mindre behov for dispensasjonar. Planoppstart for kommuneplanen sin samfunnsdel og arealdel vart varsla , med frist for innspel Samtidig vart planprogram for samfunnsdelen og arealdelen til kommuneplanen lagt ut til høyring. Det vart halde møte med grendalaga i kommunen, og rådmannen deltok på ulike grendemøte for å orientere om planprosessen. Kommunen har motteke innspel frå privatpersonar, verksemder, lag og organisasjonar heilt fram til desember 2018, som vart sett som siste frist, og det er også komme innspel i etterkant. Kommunen har motteke 89 innspel, jf. vedlagt tabell. Innspela gjeld både planprogrammet, samfunnsdelen

3 og arealdelen, men dei fleste gjeld framtidig arealbruk. Mange av innspela omhandlar fleire ulike tiltak/arealformål. I tillegg har kommunen komme med innspel til ny arealbruk, og forslag til endringar av arealformål frå tidlegare plan. Den nye arealdelen byggjer vidare på eksisterande plan. I planprogrammet er det peika på område som har særleg fokus ved revisjon av planen: Byggjeområde for næring og bustad Sjøområde og strandsone Jordvern, landbruk og friluftsliv Infrastruktur Kulturminne, kulturmiljø og kulturlandskap Vassmiljø Mineralressursar Sidan kommunen manglar ein samfunnsdel som legg føringar for arealbruken vart det utarbeidd ein arealstrategi som vart drøfta i formannskapet Innspela er vurderte opp mot sentrale og regionale føringar, og kommunen sin arealstrategi. Før nye byggjeområde kan leggjast inn i arealdelen må det gjerast ei vurdering av konsekvensane for miljø og samfunn, og risiko- og sårbarheit tiltaka vil medføre. Det er gjort konsekvensutgreiing av 58 innspel. Framlegg til konsekvensutgreiing og plankart vart lagt fram for regionalt planforum , der både Fylkesmannen, fylkeskommunen, fiskeridirektoratet, NVE, Kystverket og Statens vegvesen deltok. Dei regionale instansane kom med tilbakemeldingar på planframlegget og avklaringar på aktuelle problemstillingar knytt til planarbeidet. Nordplan er engasjert for planarbeidet for arealdelen, med prosjektleiar Siri Gausemel. Nordplan har utarbeidd planomtale, konsekvensutgreiing og plankart, og vore på synfaring. Dei vil også delta på folkemøte ved offentleg ettersyn. Gjeldande kommunedelplaner for Botnane, Rugsund-Leirgulen, Davik og for Fv 614 Myklebust-Svelgen vert i hovudsak vidareført. Det same gjeld tidlegare vedtekne reguleringsplanar. Planen opnar i hovudsak for nye byggjeområde for bustader, fritidsbustader, naust, fritid/turisme og næring. I tillegg er det ein del landbruks-, natur- og friluftsområde (LNFføremål) der det er opna for spreidd bustadbygging, bygging av fritidsbustader eller kombinert føremål, med både bustadar og fritidsbustadar. Bustader I planprogrammet er det sett som mål å ha 100 nye bustader i kommunen innan Arealstrategien legg desse føringane for bustader: Kommunen ynskjer ei fortetting av utbygde område i tettstadane og tilrettelegging for ulike bustadtypar. Bustadfelt skal leggjast i tilknyting til tettstadar og etablert infrastruktur. For å sikre eit variert tomtetilbod i kommunen skal ein opne for spreidd bustadbygging i område der det ikkje er konfliktfylt. I områda for spreidd bygging kan det opnast for både bustad- og fritidsbustadbygging. Der det ikkje er funksjonell strandsone eller konflikt med registrerte eller viktige allmenne verdiar kan ein vurdere å opne for utbygging av bustader i strandsona. I tettbygde område/regulerte bustadområde skal det ikkje tillatast bruksendring frå bustad- til fritidsbustadføremål.

4 Kommunal bustadmasse skal samsvare best mogleg med dokumenterte bustadbehov. Sidan tettstadane Svelgen, Kalvåg og Hauge i hovudsak er omfatta av reguleringsplanar som skal vidareførast, er det i liten grad lagt opp til nye bustadfelt i arealdelen. Det er lagt opp til fortetting av busetnaden rundt tettstadane, og i dei meir spreiddbygde grendene er det lagt inn LNF-område der det kan byggjast spreidde bustader og fritidsbustader. I gjeldande reguleringsplanar for Langeneset (Svelgen) og Steinset (Kalvåg) er det regulert totalt 80 bustadtomtar som pr i dag ikkje er opparbeidde med infrastruktur. Gjennom arealdelen til kommuneplanen er det opna for om lag 100 nye bustadtomtar (nye framlegg og vidareføring av enkelte byggjeområde/område med spreidd utbygging frå tidlegare arealdel). Samla sett er dette vurdert å vere tilstrekkeleg for planperioden. Fritidsbustader Føringar for fritidsbustader i arealstrategien: Hovudvekta av framtidige fritidsbustader skal leggjast i hyttefelt og i tilknyting til etablert infrastruktur. I område for spreidd bygging skal det opnast for både bustad- og fritidsbustadbygging. I tettstadane skal det kunne opnast for kombinerte føremål næring/fritidsbustad innanfor definerte område. Rorbuer (kombinert naust og hytteformål) skal berre kunne etablerast i område som er regulert for formålet, der det ikkje bryt med eksisterande bygningsmiljø eller er i konflikt med allmenne interesser. I framlegget til arealdel er det avsett byggjeområde for fritidsbustader på Steinset, og utviding av hyttefelt på Liset og på Gildreneset. Det er elles fleire LNF-område der det er opna for spreidd bustad og hyttebygging og nokre område der det kun er opna for hyttebygging, då dei er vurdert som ueigna for bustader (m.a på grunn av avstand frå sentrumsfunksjonar og manglande infrastruktur). Næringsareal Arealstrategien set føring om at etablerte industriaktørar skal ha naudsynt areal for å kunne oppnå ønska vekst dei neste ti åra, og at det skal vurderast behov for areal til etablering av næringsklynger/-parkar i tettstadar og grender. Det skal også vurderast aktuelle areal for landbasert akvakultur. Det har komme lite konkrete innspel om nye næringsareal. Det er sett av areal til utviding av industriområde i Breivika, og det er lagt føringar om næringsareal i Svelgen ved omregulering av Svelgen sentrum. Det er elles lagt inn næringsareal på Myklebust, på Indrehus, på tidlegare Kjelkenes ferjekai, i Steinvika sør for Svelgen, i Bortnen, i Skatestraumen og i tilknyting til Hennøy vindpark. I Smørhamn er det lagt inn næringsareal der det er opna for landbasert akvakultur. I fylgje arealstrategien skal ikkje arealdelen opne for nye store område for råstoffutvinning,

5 men det er sett av areal til steinbrot på Aksla, i samsvar med forslag frå Bremanger Quarry. Viktige gytefelt og område for kystfiske er ivareteke og vektlagt i arealdelen, i samsvar med føringane i arealstrategien. Det er opna for utviding av fleire eksisterande område for akvakultur, men det er ikkje lagt inn nye område for akvakultur i høve tidlegare plan. Ein del akvakulturområde frå tidlegare plan er ikkje vidareført på grunn av konflikt med andre anlegg eller interesser. Arealstrategien og politisk vedtak fastslår at det ikkje skal opnast for nye område for vindkraft eller utviding av eksisterande område. Illustrasjonar på område som var vist som aktuelle for vindkraft i tidlegarare arealdel er fjerna i ny plan. Når det gjeld turisme skal arealdelen leggje til rette for at etablerte turistverksemder skal ha naudsynt areal for å oppnå vekst dei neste ti åra, og det skal leggjast til rette for nye etableringar/aktørar. Det er lagt inn nye område for næring/turisme på Sagebø, i Ålfoten, i Struen, ved Dalevatnet og på Gloføykneset. På grunn av ny regional handelsføresegn må arealdelen til kommuneplanen definere kommunesenter og lokalsenter dersom det skal kunne etablerast handelsverksemd. Planen definerer difor kommunesenter i Svelgen, og lokalsenter i Kalvåg, på Hauge og Iglandsvik, på Davik, i Ålfoten og i Leirgulen, slik at eksisterande butikkar skal ha høve til utvding dersom det vert aktuelt. Tettstadutvikling Arealstrategien legg føringar for at kommunen skal ha hovudfokus på utvikling av kommunesenteret Svelgen, ved å setje av areal til sentrumsfunksjonar, servicenæring og ulike typar bustader. Det skal setjast av bilfrie areal til uformelle møteplassar i tettstadane våre. Dette blir i hovudsak føringar for framtidige omreguleringar av tettstadane, då arealdelen ikkje viser så detaljerte planføremål. Infrastruktur Arealstrategien sine føringar for infrastruktur: Arealdelen skal vise arealbehovet for realisering av Kystvegen. Behov for gang- og sykkelvegar mellom bustadområde og skular/arbeidsplassar skal vurderast. Behov for ny infrastruktur som t.d parkeringsplassar i tilknyting til viktige friluftsområde skal takast omsyn til. Ved lokalisering av nye byggjeområde skal det vurderast høve til utviding/tilknyting til kommunale vassverk og avløpsanlegg. Eksisterande og framtidige byggjeområde for bustad og næring skal ha tilfredsstillande mobil- og breibanddekning. Kommunen har fått tilsendt veglinjene for tilrådd trase av Kystvegen, og desse er nytta i arbeidet med arealdelen. Traseen for Kystvegen er vist som illustrasjon i plankartet, men er ikkje juridisk bindande, sidan detaljane ennå er uklare.

6 Trase for gangveg mellom Struen og Hauge, og mellom Hauge og Igland er vidareført frå tidlegare plan. Høvet til tilrettelegging av enkel sti langs sjøkanten frå Struen til Hauge er vist som illustrasjon i planen. Det er lagt inn areal til parkering på Svarstad for utfart til Vetvika, og arealbruken for eksisterande parkeringsplass ved Karlskaret/Langesjø er stadfesta i planen. Friluftsliv, naturmiljø og kulturminne/-landskap Føringar i arealstrategien: Arealdelen skal ivareta viktige naturområde som blir nytta til rekreasjon for lokalbefolkninga og for besøkande. Verdiane i kulturlandskap, kulturmiljø og kulturminne skal ivaretakast og i størst mulig grad gjerast tilgjengeleg for allment friluftsliv. Viktige kulturminne skal visast med omsynssone i arealdelen. Kommunen er igong med ei kartlegging av friluftsområda i kommunen. Dette arbeidet er ikkje komme så langt at alle friluftsområda i kommunen kan visast med omsynssoner, men det er lagt vekt på opplysningane som er komme inn frå grender og lag i kommunen ved vurderinga av konsekvensane av nye tiltak (KU). Likeeins pågår det arbeid med kulturminneplan i kommunen. Dette arbeidet er heller ikkje komme så langt at det er vurdert kva kulturminne med kommunal verdi som skal visast med omsynssone i planen. Området med krigsminne på Tongane, Gottraneset og Aspeneset er vist med omsynssone i plankartet. Naust og båthamner Arealstrategien nemner ikkje naust og båthamner særskilt, men høvet til fiske og sjøretta friluftsliv er noko av det som er med å skape trivsel og gjere kommunen attraktiv å bu i. Ein vurderer det difor som viktig å leggje til rette for tilstrekkeleg med småbåthamner/båtplassar og nausttomtar, både i tilknyting til tettstadane og i grendene. Arealdelen opnar for nye nausttomtar, mellom anna aust for Kalvåg sentrum, ved Velsneset/Båtvika i Svelgen og i Berle. Det er opna for utviding av gjestehamn i Berle, og nye småbåthamner i Kalvåg, Svelgen, Sagebø og Ålfoten. Vurdering: Planframlegget er i stor grad i samsvar med dei innspela kommunen har fått, og dei føringar som er lagt for planarbeidet. Enkelte innspel er avgrensa eller avslått, då desse er i strid med nasjonale og regionale føringar som gjeld for planlegginga. Vurdering av innspela går fram av vedlagt tabell. Økonomiske konsekvensar av framlegg til vedtak: Planframlegget er utarbeidd basert på innkomne innspel, og behov som har vore kjende kommunal. Erfaringsmessig veit ein at innbyggjarar og grunneigarar gjerne vil komme med innspel etter at framlegg til plankart er utarbeidd, ikkje berre merknader til den arealbruken

7 som er foreslått. Eventuelle nye innspel som kjem inn i høyringsrunden og som skal takast med i planen vil krevje ny utlegging til offentleg ettersyn. Utarbeiding av nye konsekvensutgreiingar og endringar av plandokumenta vil medføre kostnader til plankonsulent.