K-POSTEN. ÅRGANG 15, NUMMER 2 Mai 2012

Transkript

1 K-POSTEN ÅRGANG 15, NUMMER 2 Mai 2012 PROGRAM FOR 17. MAI I NAUSTDAL KOMMUNE. NAUSTDAL. Kl Gudsteneste i Naustdal kyrkje Kl Togoppstilling frå Banken Coop. Sjå oppsett/plakat om rekkefølgje. Kl Avgang tog : Sentrum Nyebrua- Øyravegen-NAS- Gamlebrua- Naustdalshallen. Kl Program Naustdalshallen Hovudtalar Elin Haugen. Song, musikk, russetale, premiering med meir. Kl Kafeane opnar Kl Leikar Kl Premiutdeling leikar. INSTEDALEN. Kl Middag på Instedalen skule Kl Leikar for born og vaksne Kl Premieutdeling, Von 4H, avisa Framsteg, musikk innslag Kl Tale v/åsmund Bertelsen MIDTREDALEN Kl : Mat. Sal av middag, kaffi og anna. Leikar for born og vaksne Kl Folkefest. Tale ved Erlend Haugen Herstad, Avisa, 4H, Premieudeling Vel møtt! HORSTAD KL Samling på Horstad skule. - Sal av mat m.m Kl Aktivitetar for born og vaksne Kl Program: Tale ved Øystein Djupvik - songinnslag HELLE Kl Oppmøte ved Helle grendahus Kl Folketog Kl Kafeen opner Servering av gømmegraut kaker og kaffi, ulikeleikar og aktivitetar Velkomen! VEVRING 16 mai skyting sjå oppslag lokalt 17 mai Kl Gudsteneste Kl Kransepålegging ved bautaen, tog, leikar og aktivitetar for born og vaksne på skulen Kl Program

2 Togoppstilling 17. mai 2012 i Naustdal. 1. Lensmannen 2. Flaggborga v/ 17. mai komiteen 3. Naustdal kommunestyre 4. Rosarussen 5. Horstad barnehage 6. Lunden barnehage 7. Loffen barnehage 8. Mallasvik familiebarnehage 9. Korps 10. Naustdal skule 1 9. klasse 11. Vevring skule 12. Dalen skule 13. Speidaren i Naustdal 14. Hjelpekorpset 15. Naustdal songlag 16. Grønrussen 17. Foreldre og andre 17.maifeiringa i Naustdal sentrum. 17.mai-komiteen 2012 har gjort nokre endringar i programmet for dagen. Utfrå eit ønskje om å samle alle innbyggarane til «ei bygd» denne dagen, er det viktig å gje alle høve til å delta, kunne sjå og kunne høyre alt som forgår. Vi har difor lagt hovudprogrammet til kommunen si storstove,- Naustdalshallen. Årets tog vil ha oppstilling frå Banken og mot Coop. Toget vil gå gjennom sentrum, over Nybrua, rundt Naustdal og ende opp i Naustdalshallen. Toget vil ha ein kort stopp ved NAS der vi har allsong. I Naustdalshallen vert det ein programdel med taler, song og musikk. Etter dette vert det opne kafear og tid for leikar. Leikane vert som tidlegare ute, men flytta inn om det er dårleg ver. Det vil også i år verte premiering for beste innslag i toget. Ungdommar frå Rampen er jury, og Håjen Kafe står for premien. Vel møtt til triveleg feiring av nasjonaldagen! 17. MAI NEMDENE Vi oppmodar alle som sit i 17. mai nemndene rundt om i Naustdal om å sende neste års nemnder til redaksjonen i K-posten. I år igjen har det vært eit detektiv arbeid for å finne ut kven som sit i nemndene i krinsane for å få det på plass til fristen i K-posten er ute. Dette er eit tidkrevjande arbeid som redaksjonen ikkje kan bruke så mykje krefter på. Så når ny nemnd er vald vær vennleg å send namna til : Foto: Lilli Ann Seljeseth bibliotek@naustdal.kommune.no

3 ØKONOMI. Rådmann Øyvind Bang-Olsen Vi går ei spennande tid i møte. Fjordlandsbyen er i ferd med å bli detaljplanlagt. I tillegg regulerer private aktørar andre områder i området Sentrum Sæla. Kommunen nærmar seg no ei planreserve på 500 bustader. Kommuneplanen har ytterlegare potensiale. Til saman utgjer dette eit fornyingspotensiale på noko under 2/3 del av eksisterande bustadmasse. Naustdal kommune har valt Med kultur for utvikling som sin visjon. Kultur skal være ein viktig drivkraft og endringsfaktor i samfunnsutviklinga. Kommunen må alltid gjere vegval for å gjere desse orda til handlingar. Våren 2012 har vi fått på plass ein langsiktig plan for kultur og kunst, ei offensiv satsing vil eg seie. I året skal vi også gjere planstrategi for Sunnfjord kommunane til vår. Planen bidreg til å arbeid for attraktive bustadområde i regionen, felles jobbing for E39/Kystvegen for å oppnå større arbeidsmarknadsintegrasjon og støtte opp om vekstmotoren på næringssida i Florø. For Naustdal kommune skal vi få fellessatsing i Sunnfjord til å heng saman med vår eigen. Viktigast er likevel at sunnfjordkommunane står saman for å fremje ei sams regional utvikling. Over tid vil dette gagne Naustdal. Men vi må likevel utfordre oss sjølv på kva samfunn vi ynskjer vi å skape her, både for å ta imot nye innbyggjarar og ta vare på kvarandre som bur her i dag? Vår eigen planstrategi er no under arbeid og vi ventar å leggja fram eit utkast før sommarferien. Tema som er aktuelle for strategien er; korleis oppnå stabile driftsog økonomivilkår for tenester, areal- og utbyggingspolitikk for grendene, næringsutvikling for å nemne nokon. Likevel må vi ha kapasitet og beredskap for å kunne respondere på samfunnsutviklinga, samt å kunne støtte og motivere gode initiativ så langt ein har ressursar til. Vi har den siste tida jobba mykje med innhald i tenester og framtidige behov vi trur innbyggjarane kjem til få. Samhandlingsreforma er den største reforma vi arbeider med. I løpet av 2012 må vi avklare korleis byggje ut og drive helse- og sosialområdet det kommande tiåret. Om ein drøy månad kjem vi dessutan med ein rapport som viser korleis vi rehabiliterer NBU. Det blir også ein viktig dag når ny barnehage startar opp drifta i august Idrettsbarnehagen har allereie tiltrekt seg foreldre frå andre kommunar. Naustdal kommune gjekk i 2011 med 1,7 mill. kr. i underskott. Kommunen må dekkje dette underskottet innan utløp av Dette har vi teke høgde for i økonomiplanen. Underskott er lågare enn prognostisert hausten Betre skatteinngang, lågare samla rente- og avdragstutgifter er hovudå rsaka til dette. Men ser ein vekk frå fondet på 2,5 mill. kr. som vart nytta i 2011 var det underliggjande driftsunderskottet på 4 mill. kr. Kommunen har allereie starta snuoperasjonen for å tilpasse drifta. Alle seksjonar bidreg med økonomiske tilpassingar. Det er likevel alltid opprivande og vanskeleg å måtte gå til det skritt å gjennomføre strukturendringar slik vi måtte med krinsreguleringar og barnehagenedlegging. I løpet av 2011 vart det handsama mange store saker som det vart brukt mykje tid på. Sakene har vore krevjande og det er ytt ein særs stor innsats for å kunne gjennomføre dei, både frå administrasjonen, politikarane og innbyggjarar som har engasjert seg. Stikkord er lister med godkjende reguleringsplanar og byggjesaker, Engebøsaka, Fjordlandsbyen, Kommunedelplan i Vevring, Landbruksplan Kompetanse- og kvalitetsarbeidet i skulen med betre 3

4 læringsmiljø som mål. Arbeid med kvalitet i skulen har gått over fleire år og gjev resultat. Skulen arbeider målbevist for å bli betre. Læringsmål blir formulert for kvar time. Det er viktig at også foreldre deltek i arbeidet med å gjera skulen betre. Dette arbeidet dannar grunnlag for ei positiv utvikling for lokalsamfunnet. Gledeleg er det derfor at folketalet auka med 23 personar frå 2011 til Tilslutt er det grunn til å bruke nokre ord på uværet Dagmar som rasa i julehelga. Sjølv om ikkje kommunen vår vart hardt råka såg ein einskilepersonar som gjorde innsats utover det vanlege. Det var personale i pleie- og omsorg tenestene som hadde omtanke for hjelpetrengjande og mobiliserte i fleire dagar. Det var kommunen sin uteseksjon og våre vaktmeistrar som stod på lenge etter orkanen var stilna. Tilslutt vil eg også trekkja fram hjelpekorpset som kunne aktiviserast og som hadde sambandsutstyr. Takk for innsatsen. Kommunebarometer 2012 I ei ny undersøking som Kommunale Rapport nyleg har offentleggjort ligg Naustdal kommune godt an på kommunebarometeret for Når ein legg saman resultat for 100 ulik indikatorar er Naustdal kommune mellom dei 20% beste kommunane i landet (64 plass, ein plass bak Førde). Undersøkinga omfattar alle tenesteområder. Naustdal gjer det best innan sosial, barnevern og brukarperspektiv. Men best resultatutvikling har ein hatt for skule. Tala er henta frå Kostra databasen til SSB og grunnskulen sitt informasjonssystem. Les meir på kommunen si heimeside. STATUS FOR DIVERSE PLANARBEID I NAUSTDAL Kommunedelplan Vevring, sak nr 10/571. Strandsoneanalyse, barnetrakk og planverkstad med innbyggarane er gjennomført og Asplan Viak har levert sine analyser og avslutta sitt oppdrag. Analysene er å finne på kommunen si heimeside. I 2012 har kommunen vore på synfaring på alle innspela som er komne til planarbeidet og medlemmer frå den lokale arbeidsgruppa deltok. Kommunen har også søkt fylkeskommunen om kr ,- til å gjennomføre eit første studie på korleis tettstaden Vevring kan utviklast kring skule, butikk og kyrkje. Vi fekk støtte til dette og arbeidet vil venteleg starte opp hausten Reguleringsplan for ny gang- og sykkelvegbru over Nausta i sentrum, sak nr 10/574. Arbeidet med trafikkanalyse, planprogram for regulering og skisseprosjekt er starta opp og dei første skissene til ulike brukonstruksjonar kjem i desse dagar. Nokre tekniske føresetnader for kryssing av elva og riksvegen må avklarast før reguleringsarbeidet held fram. Det vert også laga eit grovt kostnadsoverslag i denne fasen. Utbygging på Sæla, sak nr 10/483 Regulering av nye byggeområde både ovanfor og nedanfor vegen er i full gang. NGI sin rapport viser at ein mindre del av byggeområdet kan vere rasutsett ved spesielle tilhøve og her må aktuelle sikringstiltak vurderast før vidare regulering. Vi nyttar også høvet til å få kartlagt sjøbotnen der det er aktuelt med utfylling. Planstrategi for Sunnfjord, sak 10/649 Eit felles strategidokument for Sunnfjord er i desse dagar på høyring. Første juni skal det vere felles planutvalmøte mellom kommunane, der ein skal semjast om kva som skal stå i det endelege dokumentet. Arne Kringlen 4

5 Dei byggjer fjordlandsbyen Naustdal sine nye byggjeområde har unike kvalitetar som nærleik til sentrum, tilgang til strandsone, fjordutsikt, godt klima og trafikksikker tilkomst til skule og barnehage. Få stader kan konkurrere med desse kvalitetane og alle byggjeområda i sentrum, Mallasvika og Sæla vil framover verte marknadsført som del av «Fjordlandsbyen». På Sæla er Norgeshus Naustdal Bygg AS i gang med støyping av ringmurar på dei første tomannsbustadane, og trearbeidet startar tidleg i mai. Her startar også fullføring av veganlegg inne i feltet i byrjinga av mai, inkludert VA anlegg og kablar. I Mallasvika er Gravdalgruppa i gang med og byggje infrastruktur og rasvoll i bakkanten av sitt felt, der dei førebels har lagt ut 6 einebustadtomter for sal som er byggjeklare til sommaren. 3 av desse er reserverte. Vidare kjem dei i byrjinga av mai med ei bustadblokk beståande av 12 leilegheiter på nedsida av vegen og med sjøen som næraste nabo. Utover dette vil det i løpet av året vil det bli lagt ut rekkehus og tomannsbustader på oppsida av vegen. Lenger oppe i Mallasvika har Dvergsdal&Sunde AS 11 einebustadtomter og ein tomannsbustad for sal. Her er det også på gang regulering av eit byggjeområde eigd av H.Kvame AS I Naustdal Sentrum er Stølsvik godt i gang med å byggje «Hotellhagen» med 25 leilegheiter. Eit anna sentrumsprosjekt er Kapal Eigedom AS sitt «Bakstedalen» med 24 leilegheiter og «Brunene» med 4 leilegheiter som også ligg ute for sal. Prosjektet i Brunene vert starta opp om ikkje lenge. På nettsida Fjordlandsbyen.no er no byggeprosjekta i Naustdal samla og ein kan følgje med på kva som skjer og kva som vert lagt ut for sal. Du kan også følgje utviklinga i Naustdal på facebook/fjordlandsbyen Arne Kringlen SKOGPLANTING VÅREN 2012 Brandsøy Plateskule har fine gran, furu, lerk, sitka og bjørkeplanter. Tilskot til plantekjøp og planting er svært gunstig, 70 % av totalkostnaden. Ting planter ved å ta kontakt med Naustdal kommune v/ Malones ( ) Aktivitetsmidlar for barn og unge Ved sluttgodkjenning av Kommunedelplan for kultur i mars 2012 vedtok Kommunestyret i Naustdal at Ungdomsrådet i kommunen skal disponere 20% av aktivitetsmidlane. Dette medfører noko endring i prioriteringane, men midlane går framleis kun til aktivitetar og tiltak for barn og unge i Naustdal kommune. Naustdal kommune har to årlege søknadsfristar for aktivitetsmidlar for barn og unge, neste søknadsfrist er 15. september Denne vert annonsert i Tilskuddsportalen, i Firda og på kommunen sine nettsider. 5

6 KULTURNYTT Ungdomsrådet Ungdomsrådet i Naustdal gjev ungdom høve til å ta ansvar for og påverke sitt eige oppvekstmiljø, gjennom aktiv deltaking og medverknad i politiske prosessar. Rådet skal skape grobotn for engasjement i og kunnskap om demokratisk arbeid. Vidare er Ungdomsrådet eit talerøyr for å sikre barn og ungdom sine interesser, høyringsorgan i saker som vedkjem barneog ungdomsarbeidet, og kontakt- og samarbeidsorgan mellom ungdomane og kommuneadministrasjonen. Ungdomsrådet i Naustdal har møter i forkant av møtene i dei politiske komitéane og gjev uttale til saker, i tillegg til at dei set fram eigne saker. Medlemmar i ungdomsrådet kan få taletid i tilknyting til møte i komiteane, formannskapet og kommunestyret i Naustdal, der ungdom har særlege interesser. Rådet er samansett av: Katrine Indrebø Apalseth, leiar. (Ingeborg Kringlen, vara) Martine Mallasvik, nestleiar. Annika Solheim, medlem. (Renate Hestenes, vara) Sigrid Underlid, medlem. (Josefine Schmider, vara) Johan Henrik Erdal, medlem. (Gard Nesje Malones, vara) Sebastian Gjervik, medlem. (Martin Andreas Hamre, vara) Kulturplanen Naustdal kommunestyre vedtok Kommunedelplan for kultur med fokus på samtidskunst og næring 22. mars Utanom Kommunedelplan for idrett, friluftsliv og kulturbygg har ikkje Naustdal kommune hatt noko planverk på kulturområdet tidlegare. Denne kulturplanen er utvikla som eit ledd i det samla kommuneplanarbeidet Frå plan til handling i Det har vore brei medverknad i prosessen. Representantar for lag og organisasjonar har danna ei referansegruppe. I sine møter har gruppa gitt innspel til kommunen sin kulturpolitikk og kulturarbeidet. Bygdefolket elles har og vore freista involvert gjennom lågterskel tiltak under SlettemarkART i oktober Planen er avgrensa og handlingsretta. Ein går ikkje i djupna på alle felt som ligg under kulturområdet, men fokuserer på område som dannar grunnlaget for kultursatsinga i Naustdal kommune: kulturbasert næringsutvikling, satsinga på samtidskunst og tusenårsstaden Sanden. Plandokumentet er tilgjengeleg på kommunen sine nettsider. Gardsbruket Lunden I brev av tilbyr Kåre Lunden Naustdal kommune å disponere gardsbruk 107/2 Lunden under visse vilkår. Lunden ynskjer å få til ei ordning som gjer at bygningar og miljø vert teke vare på. Han vurderer at dette best kan sikrast ved at kommunen, eventuelt det offentlege på anna vis, overtek eigedomen. 6

7 I møte 22. mars 2012 gjorde Naustdal kommunestyre føljande vedtak i sak 11/344 Disponering av GBR 107/2 Lunden: «Naustdal kommunestyre takkar Kåre Lunden for det rause tilbodet om disponering/overtaking av eigedommen gbr 107/2, men avslår med bakgrunn i at dette er ei for stor og omfattande kulturhistorisk satsing for kommunen i dag. Vedtaket vert sendt til Sogn og Fjordane fylkeskommune og Sunnfjord Museum med oppmoding om å gripe fatt i saken. Naustdal kommune kan saman med frivillige lokalt vere medspelar om Kåre Lunden og regionale/statlege institusjonar/aktørar finn grunnlag for eit samarbeid om utvikling av gardsbruk 107/2 Lunden.» Hjelp oss å fylle utescena Ampen med aktivitet! Under opninga av SlettemarkART i oktober 2011 fekk Rampen Ungdomsklubb overrekt nøklar til den mobile utescena av prosjektgruppa bak Ambassade for Kjartanistan. Scena er ein trailer-tilhengar som er plassert ved Sanden, og denne kan nyttast lukka eller med open langside. Har du tankar om ein konsert, ein litteraturkveld, ei teaterframsyning, ein danseopptreden, eit lite seminar eller eit anna arrangement? Då kan Ampen vere noko for deg! Kontakt kulturleiar Ann Lisbeth Lesto: / ann.lisbeth.lesto@naustdal.kommune.no Verdas Bokdag. Måndag 23 april var det Verdas Bokdag. Dette ville vi også i år markere på skulebiblioteket.vi arrangerte derfor ei leseløype, ein tippekonkurranse og ein teiknekonkurranse for elevane i klasse på sentrumskulen. Leseløypa var for elevane i klasse.Her fekk dei bryne seg på spørsmål frå bøkenes verden, og her blei det fleire vinnarar sidan vi hadde sagt at ein kunne gå aleine eller gruppevis. Første premie gjekk til 4 gutar i 7. klasse og 2. premie gj ekk til ei jente i 5. klasse. På ungdomsskulen var det ei gruppe, samansett av ein gut og ei jente, som fekk premien. Det var bokpremier til alle vinnarane. Tippekonkuransen var for elevane frå klasse. Her skulle dei tippe kor mange Norsk Barneblad som låg i ein haug på eit bord. Ingen visste 7

8 kor mange blad som var i bunken, men ved teljing viste det seg at det var165 blad. Vinnaren, ein gut i 4. klasse, hadde tippa 166 blad. Andre premie gjekk til ei jente, i same klasse, som hadde tippa 161 blad. Teiknekonkuransen var lagt opp slik at læraren skulle lese om Smørbukk i Norsk Barneblad, sidan bladet fyller 125 år i år. Så fekk elevane i oppdrag å teikne Smørbukk. Her var det ei jente i 2. klasse som fekk premien for beste teikning.i tillegg til ein individuell premie vann ho is til heile klassen sin. Det var stor aktivitet på biblioteket denne dagen, og det kom inn veldig mange kreative teikningar av Smørbukk. Ein del av desse vil bli utstilt på biblioteket framover. Vi takkar alle som var med på å gjere Verdas Bokdag til ein aktiv og flott dag på biblioteket. Ein stor takk også til dei fire jentene frå 9. klasse som gjorde at den praktiske gjennomføringa av dagen gjekk fint. SOMMARLES 2012 Det nærmar seg sommar og skuleferien står snart for døra. Det betyr mellom anna at biblioteket bur seg på ein ny runde med Sommarles for elevar frå klasse. Sommaren 2011 var første året at Naustdal bibliotek arrangerte Sommarleskampanje. Reglane for Sommarles er enkle. Elevane les så mange sider som dei greier i løpet av dei vekene kampanjen går føre seg. I år er det frå starten av juni til ca. midt i september. Biblioteket har registreringsskjema der ein skriv opp titlane og sidetalet på bøkene ein har lese. Så leverer ein det utfylte skjemaet på biblioteket ved kampanjeslutt. Om reglane er enkle, så er fordelane med å delta mange. Elevane som deltek får mengdelesing og dei får høve til å forbetre eller halde vedlike leseferdigheitene sine gjennom ein lang sommar. Dessutan får dei mange gode leseopplevingar og dei kan tileigna seg ny kunnskap. Ikkje minst kan dei konkurrere med seg sjølv. Til dømes med å prøve å lese fleire sider enn i fjor. Og opp i det heile kan dei vere av dei heldige som vinn ein fin premie, i tillegg til at alle får ein flott diplom med lokalt tilsnitt. For å få med flest mogeleg elevar på Sommarles vil grendaskulane, i starten på juni, få tilsendt materiell, og på sentrumsskulen vil skulebiblioteklærar koma rundt i klassane for å informere og dele ut registreringsskjema. Som avslutning vert det eit arrangement der det vil bli delt ut diplomar og premiar. Sommarles er eit tilbod frå biblioteket som vi håpar alle elevar frå klasse vil 8

9 nytta seg av. Så hermed oppmodar vi alle foreldre, med born i aktuell alder, til å leggja til rette for at det blir ein god lesesommar for barnet dykkar. Biblioteket har tusenvis av gode bøker til utlån, og har ope gjennom heile sommaren. God lesesommar med Sommarles. Frå premieutdelinga på sommarles 2011 Opningstider ved Naustdal bibliotek sommaren Frå 27 juni til 18 august Tysdag: Laurdag: VÅR Solen skiner høgt på sky, fuglane kvitrar og er så yr, blomane er store og små, ja det er våren vi vil ha. Du vår med ljose dagar.. Vi syng i lag - gudsteneste Naustdal kyrkje onsdag 13.juni Forenkla liturgi, og mykje song og musikk. Vi leitar fram kjende og kjære salmar og songar. Andakt ved sokneprest Rigmor Frøyen Musikkinnslag. Bebuarar ved sjukeheimen og andre pensjonistar er særleg inviterte, men det er inga aldersgrense oppover eller nedover Vi vonar at mange finn vegen til kyrkja denne føremiddagen. Vi legg til rette for at alle skal kunne kome seg til kyrkja. Ta kontakt med Frivilligsentralen ved trong for skyss Har du særlege salme eller songynskje for denne songgudstenesta? Ta kontakt med kyrkjekontoret (det må vere salmar/songar som vi har notar til) Etter gudstenesta vert det kyrkjekaffi på kyrkjelydshuset I samarbeid : Kyrkja Frivilligsentralen Pensjonistlaget 9

10 NAUSTDAL FRIVILLIGSENTRAL Årsmøte i Naustdal Frivilligsentral: Naustdal Frivilligsentral hadde årsmøte 20.mars, og la fram ei årsmelding som viser stor aktivitet også i Etter årsmøtet er desse med i styret: Johnny Følling styreleiar, Gunnar Gustavsen nestleiar, Annlaug Birkeland kommunal representant, Marit Apneseth, Randi Savland, Martha Søbak, og Mary-Anna Vik som styremedlemmar. Aud Kleiva, Jarle Øvrebø og Gislaug Apneseth er varamedlemmer, og Trude Meek er vara for kommunen sin representant. På årsmøtet vart det vidare gjort vedtak om å oppløyse foretaket Naustdal Frivilligsentral som Selskap med begrensa ansvar etter pålegg frå Brønnøysundregisterne. Frivilligsentralen er frå 2011 eigd av Naustdal kommune, foretaket blir difor erstatta av at frivilligsentralen brukar kommunen sitt organisasjonsnummer og får eige bedriftsnummer. Andre saker som vart handsama på årsmøtet var rekneskap for 2011, samt arbeidsplan og budsjett for Ein-til-ein tenester: Ein-til-ein tenestene er tilbod om hjelp til ulike gjeremål som du vanlegvis greier sjølv, men som du på grunn av sjukdom, alder eller funksjonshemming kan trenge hjelp til. Arbeidet er gratis, mot at du betalar for nødvendige utgifter (t.d. bensinutgifter). Vi ringer tilbake om kven som kjem, slik at du ikkje får uventa besøk. Eksempel på tenester du kan få hjelp til: Handle varer. Køyring i diverse ærend. Følgeteneste. Småreparasjonar. Turvenn/besøksvenn. Hagestell. Råd/rettleiing. Skriving av brev/kort. Måndagstreff: Treff for alle som er ledige på dagtid måndagar. Treffet held til i 1.etg. på Kyrkjelydshuset kl kvar måndag. Kafè med kaffi/te, vaflar og smørbrød. Måndagstreffet held på fram mot sommaren til og med måndag 25.juni, og startar opp igjen 6.august. Foreldre-/barn-treff: Annakvar måndag i 2.etg. på Kyrkjelydshuset kl Vi har leikematte, litt leikar og bøker. Alle foreldre med born, fortrinnsvis i alderen 0-1 år, er hjarteleg velkomne! Det er høve til å kjøpe kaffi/te, smørbrød og vaflar i kafèen i 1.etg. Datoar for treff i vår: 14.mai og 4.juni. Treffet tar pause i sommar og startar opp igjen ved skulestart til hausten. Sosialt samvere på Nillestova: Kvar tysdag og torsdag kl på Nillestova. Er for alle pensjonistar og eldre i kommunen. Kvar gong er det Føremiddags-kaffi, trim, sosialt samvær, høve til å kjøpe middag. Av og til er det: Framsyning av film/bilete på storskjerm m/musikk, bingo, hjelp til handarbeid, song og musikk, eller seniordans. 3-4 frivillige medarbeidarar er med kvar gong. Dagsenteret kostar kr.40,- pr. gong, middag kr.60,-, bingo kr.10,-. Treng du skyss til / frå Dagsenteret, ta kontakt med Frivilligsentralen. Nillestova vil halde på kvar tysdag og torsdag til og med torsdag 28.juni. I sommar vil vi prøve å ha ope på Nillestova annakvar tysdag, følg med på «Det skjer«i Firda! Til hausten startar vi opp igjen kvar tysdag og torsdag f.o.m. tysdag 21.august. 10

11 Seniornett Naustdal: Dataklubb for seniorar 55+. Klubben har slutta av for sommaren og startar opp igjen til hausten i slutten av september. Seniornett Naustdal har eiga heimeside: ogn_og_fjordane/naustdal Nybegynnarkurs i data: Er du interessert i nybegynnarkurs i data, ta kontakt med Frivilligsentralen! Kurset som vi prøvde å få til i vår måtte avlysast på grunn av for få påmelde. Dersom det blir nok påmeldingar til hausten prøvar igjen med kurs. Klubben har nokre pc-ar til utlån for dei som ikkje har eiga maskin. Torsdagskafè på kyrkjelydshuset: Torsdagskafèen er open kvar torsdag kl , og vil halde på t.o.m. 28.juni. Kafèen opnar igjen 2.august til hausten. Serviceskyssen kan nyttast frå Dalen, hugs påmelding til drosja dagen før. Sogelaget har i vår hatt framsyning av gamle bilde frå Naustdal på storskjerm, samt teke i mot bilde til kopiering. Sogelaget har no avslutta dette for sommaren, og vil starte opp igjen til hausten i slutten av september. Fredagskafè på kyrkjelydshuset: Fredagskafèen er open kvar fredag kl , og vil halde på t.o.m. 29.juni. Kafèen opnar igjen 3.august til hausten. Dei fleste fredagar er det Anna Sæla som er i kafèen med sal av heimelaga tradisjonsmat som potetkaker, natronkaker, kringle m.m. Serviceskyssen kan nyttast frå Fjorden, hugs påmelding til drosja dagen før. Sanden-Søndag 26.august 2012, - 10-årsjubileum: Tradisjonen tru vert det ulike sjø- og strand-aktivitetar for både små og store i tillegg til kulturelle innslag, matsal m.m. på årets Sanden-Søndag. Som tidlegare år startar dagen med opning kl som varer ein times tid, deretter startar dagsaktivitetane. Nytt i år er salsboder i telt på området. Bodene opnar også etter opninga, ca. kl Arrangementet varer til kl Førebels er desse laga med: Tambarskjelvar idrettslag: Ulike idrettsaktivitetar som tidlegare år. Naustdal Køyre- og rideklubb: Barneriding og rideoppvisning. Naustdal Speidargruppe: Kanopadling. Naustdal Jakt- og fiskelag: Aktivitetar for born og unge. Naustdal Bondelag har med seg dyr som ein kan sjå og klappe på. Naustdal Sogelag: Om lag det same som tidlegare. Sandens Venner: Informasjonsstand Midtredalen Bygdekvinnelag: Sal av grillmat og hellekaker, kaffi og brus. Naustdal og Horstad Bygdekvinnelag: Sal av kaker, kaffi, brus og pølse m/ brød. Naustdal Pensjonistlag tilrettelegg bordsete for pensjonistar. Av programinnslag kan vi røpe at det blir konsert i kyrkja kl Salgsboder på Sanden-Søndag 2012: Nytt i år er at det er høve til å ha salsboder med sal av lokale handverksprodukt, husflid, og tradisjonsmat frå Naustdal. Eksempel: treskjæring, korgfletting, strikke-/hekle /sy-arbeid, hardangersaum, broderi, bilde, maleri, smykker, spekemat, røykjelaks, lefse, natronkaker, potetkaker, flatbrød o.l. Salsbodene blir i stort telt med vegg på 3 sider. Det blir ei lita avgift pr bord. Dei 11

12 som er interessert i å ha salsbod kontaktar Frivilligsentralen for meir informasjon og påmelding. Tidspunkt for sal frå bodene: kl Frist for påmelding: måndag 21.mai. Nye innslag på Sanden-Søndag? Er det andre frivillige organisasjonar i Naustdal, eller enkeltpersonar, som ynskjer å bidra med noko på Sanden-Søndag? Då er de hjarteleg velkomne! Ta kontakt med frivilligsentralen for påmelding! Dette er ein god sjanse til å syne fram kva de driv med, og å rekruttere fleire medlemmar i laget! Barnas Turlag Naustdal: Eit samarbeid mellom frivillige organisajonar i Naustdal, enkeltpersonar, frivilligsentralen og Indre Sunnfjord Turlag. For å vere med på tur er det berre å møte fram, det er inga påmelding. Har de spørsmål, ta kontakt med turleiar. Alle born skal ha følgje med vaksne. Ta med mat og drikke, og kanskje litt ekstra kle? Det er ikkje krav om å vere medlem av turlaget, men ein kan melde seg inn viss ein ynskjer til kontoret i Førde eller på internett. TURAR I MAI / JUNI 2012: Søndag 20. mai: Tur i fjæresteinane på Skitlabrotet Avgang / parkering: Ved krysset til Mortensbakke. Tid: kl Turleiarar: Siss-May Edvardsen og Viggo Leikanger Tlf.: / fjæra, og dei som vil kan fiske frå dei fine svaberga Ta med fiskestang! Truleg lagar vi bål, så ta med grillmat, evt kan du satse på fiskelykke ;) Søndag 10.juni: Tur til Andalsstøylen og evt. Kalleskaret Avgang/parkering: Einevollen Tid: kl Turleiarar: Ludvik Slettehaug og Solfrid Bygstad Tlf: / Turen går først på traktorveg til Einevollsvatnet, og vidare på sti i lett terreng til Andalsstøylen. Turen passar for born frå ca 6 år. Større born kan evt gå vidare til Kalleskaret, denne turen har nokre bratte parti og tar ca 4 timar. Torsdag 21.juni: Tur til Åsestølane Avgang/ parkering: Lona (før Kleppstølen) Tid: kl Turleiarar: Jannike Juvik og Lilli-Ann Seljeseth Tlf.: / Turen er på grusveg og sti med bruer over elva. Først flatt, deretter stigning opp mot stølane. Passar for born frå ca. 4-5 år, og tar ca 1½ time. Ta gjerne med fiskestang! Torsdag 28.juni: Tur på Sanden vi lærer førstehjelp Frammøte / parkering: Båthamna Tid: kl Turleiarar: Siss-May Edvardsen og Camilla Savland Tlf.: For informasjon om fleire turar i 2012: Følg med på annonser / Det skjer i Firda, eller ta kontakt med Frivilligsentralen. Barnas Turlag Naustdal har også eiga Facebookside. Lett tur på sti som passar for alle. Avgang frå krysset til Mortensbakke kl Fin sti først til kvia ved vestre enden av Vatnevatnet, så nedover siste stykket til sjøen. Vi skal utforske 12

13 Frivillig medarbeidar i Frivilligsentralen? Har du høve til å vere frivillig? Har du ein idè som du ynskjer skal bli røyndom? Ta kontakt! Som frivillig bestemmer du sjølv: - kva arbeid du vil gjere - når du kan gjere arbeidet - kor mykje tid du vil bruke Du inngår ingen langsiktig avtale, synest du det er givande held du fram. Du har ingen utgifter med å vere frivillig medarbeidar. Vi har årleg festleg samkome for dei frivillige medarbeidarane våre, og om våren arrangerer vi hyggelig dagstur. Naustdal Frivilligsentral 2.etg. på kommunehuset. Kontortid: Måndag - fredag Tlf: E-post: frivilligsentralen@naustdal.kommune.no Adr.: Naustdal Frivilligsentral, Postboks 43, 6806 Naustdal Heimeside: Torill Hukset, dagleg leiar Serviceskyssen i Naustdal Er som ei vanleg bussrute, og for alle aldersgrupper! Ruta blir utført med taxi, og kostar kr 15,- kvar veg. Meld deg på til Naustdal Taxi, tlf , seinast kl. 20:00 dagen før ruta skal gå. Dette for at drosjeeigar skal vite kvar han skal køyre, og kunne planlegge kor stor bil som må nyttast. DET ER VIKTIG AT RUTENE BLIR BRUKT FOR Å FÅ BEHALDE DEI! Ruter som går fast kvar veke til Naustdal sentrum: Onsdagar: Sentrumsområdet Naustdal sentrum Start Helgås kl tar med passasjerar i byggjefeltet Naustdal sentrum ca kl Retur frå Naustdal kl Stopp Helgås ca kl Torsdagar: Dalen Naustdal Sentrum Start Svoa kl Slettemark Ullaland Byrkjeflot Åse Naustdal sentrum ca kl Retur frå Naustdal kl Stopp Svoa ca kl Fredagar: Fjorden Naustdal sentrum Start Horne kl Vassbotnen Helle- Naustdal sentrum ca kl Retur frå Naustdal kl Stopp Horne ca kl NB! Serviceskyssen går kvar veke heile året, men ikkje på Raude dagar. I 2012 går rutene også i heile juli månad. RUTER SOM GÅR I TILLEGG TIL DEI FASTE RUTENE: Ruter til møter i pensjonistlaget: Rute 1: Horne kl Naustdal. Retur kl Rute 2: Svoa kl Naustdal. Retur kl Alle møta i pensjonistlaget er kl Dato for møter i 2012: 08.06, 21.09, 26.10, Ruter til Seniortreff på Fjordbutikken: Siste torsdag kvar mnd.: 31.mai, 30.aug, 27.sept, 25.okt, 29.nov. Start Horne kl Vevring Redalen Stopp Vevring kl Retur frå Vevring kl Har du spørsmål om skyssordninga kan du ringe det same nummeret, , eventuelt til Frivilligsentralen tlf , eller service-kontoret på kommunen, tlf

14 Open Kafè på Kyrkjelydshuset: Måndag : Onsdag: Sal av raspeballar frå kl Torsdag: Fredag: Laurdag: Kafé-vertar: Naustdal Kyrkjelydshus Onsdagskafèen Frivillige organisasjonar i Naustdal Frivilligsentralen PÅRØRANDESKULE I NAUSTDAL Vi startar opp kurs for pårørande til personar med demens, hausten Dette er eit tilbod til deg som har ein familiemedlem eller andre nære, med ein demenssjukdom. Personen med demens kan bu heime, eller på institusjon. Gjennom faglege forelesningar vil du få kunnskap om demens, og du får mulighet til å treffe, og snakke med andre pårørande i same situasjon. Kurset blir halde over 5-6 kveldar, med ulike tema kvar gong. Tema vil vere bl.a. "Kva er demens?", "Kommunikasjon" og "Rettigheter". Datoane har vi ikkje klare endå, info om det kjem etterkvart. Kursavgift 300 kr. (inkluderer kursmateriale og enkel servering) For meir info, kontakt: Demensteamet sin vakttlf: mandag, onsdag eller torsdag, kl 10-14, eller på e-post: oddlaug.kvame@naustdal.kommune.no Arrangør: Demensteamet i Naustdal kommune. Naustdal Sogelag inviterer til tur til Sunnfjord Museum Tysdag 15 Mai. Vi møter kl 13 ved kommunehuset for å samordne skyss. Lundensaka aktualiserer tur til Sunnfjord Museum som truleg kan fortelje om det å ta vare på gamal tid. Sogelaget innbyr medlemane sine, kommunen (ordførar, formannskap og kulturkontoret), pensjonistlaget og alle andre til denne turen. Vi besøker Sunnfjord Museum 15 Mai kl til omlag Programmet vert velkomen ved Gunnhild som vil halde eit foredrag om m.a kva rolle museet har for Sunnfjord, litt historikk og små historier frå opprettinga av sunnfjord museum, tankane bak det osv. Deretter tek ho oss med på ei omvisning m.a. til Brennevinsstaua frå Naustdal. Sjå Firda eller heimesida til sogelaget for nærare opplysninger. Her står det om samordning av skyss. Heimeside: FLASKEINNSAMLING.. Tredje og siste flaskeinnsamling for Polentur for elevar frå NBU vert i veke 21. Det vil seie at de kan spare flaskar frå både konfirmasjonar og 17.mai feiring til vi kjem rundt i veka etter nasjonaldagen. Om du/de ikkje har hatt flaskesamlarar på døra så kontakt innsamlingsansvarleg Ingvald A Frøyen på tlf , så skal vi ordne dette. Takk for at de er med og gjer polenturen mogeleg! 14

15 Naustdal Sogelag Sogeskrift 2012 Sunnfjord Triathlon 7. juli 2012 Vi ynskjer å utfordre deg gode naustedøl til å stille på Sunnfjord Triathlon 7. juli, enten på lag (3 stk) eller individuelt til det som blir sommarens store hending i Sunnfjord. Saman med mange andre gode tiltak i fylket! Samle i hop familie, vennar, bedriftar, politiske parti, administrasjonen i kommunen osv osv og ver med. Dette skal være leik og moro for alle. Om ikkje du vil delta så kom å vær tilskodar i da minste. Øvingane her er symjing (ca 500 m) rundt øya, ca 23 km på sykkel i vakker natur oppover Naustedalen og det heile vert avslutta med ein fin løpetur på 3,7 km rundt sentrum av Naustdal. Alle vekslingar blir på Sanden, slik at arrangementet blir mest mulig publikumsvenleg. På kvelden blir da levande musikk, med mat og drikke i stort telt, også da på Sanden. Dato for arrangementet vert laurdag 7. juli Tidspunkt barnetriathlon : kl Tidspunkt vaksne : Gå inn på for meir informasjon. Ver med å gjer dette til ein festdag i Naustdal. Vel møtt. Sara Skriftstyret ynskjer framleis artikkelen DIN i neste sogeskrift! Kjenner du ei Sara eller har du noko anna om fortida i Naustdal, så ta kontakt med skriftstyret på tlf Odd Byrkjeflot. Du kan òg kontakte Hallstein Erdal eller Bjarne Erdal. Vi ynskjer tips til neste sogeskrift! Visinga av gamle bilete på kyrkjelydhuset tek sommarferie, men startar opp att i slutten av september. Skriftstyret ønskjer framleis gamle bilete. Sjå heimesida til Sogelaget ( Her er lagt ut over 400 bilete under FOTOALBUM. Du kan bla i bileta og skrive inn opplysningane dine om bileta. Er du flink på data, treng vi òg hjelp med å oppdatere sida og å gjere ho meir brukarvenleg. Er det nokon som har gløymt å betale medlemsavgift for i fjor, så er ikkje banken stengt enno. Berre dei som har betalt får Sogeskrift Gled dykk! Med sportsleg helsing Tambarskjelvar il 15

16 MARKEDSUNDERSØKELSE FOR»EMBLA» «MAT PÅ DØRA» HAR DU EIN STREVSAM KVARDAG?HAR DU OG UNGANE FLEIRE FRITIDSAKTIVITETER? FØLER DU DEG FANGA I TIDSKLEMMA? HAR DU DÅRLEG SAMVITTIGHET FOR USUNNE /FOR LETTVINTE MÅLTIDSLØYSINGAR I KVARDAGEN? HAR/ER DU HYBELBUANDE UNGDOM? «EMBLA»KAN DÅ VÆRE LØYSINGA FOR DI OG AKTIVE FAMILIAR/PERSONAR SOM ØNSKER MEIR FRITID OG SUNNARE OG BETRE MIDDAGSLØYSINGAR. «EMBLA»FUNGERER SLIK: -DU BESTILLER/PLANLEGGER MIDDAGEN PÅ NETTET.DU FÅR EN MENY PÅ 12 MIDDAGSRETTER DER DU VELGER HVILKE MIDDAGSRETTER OG TIL KOR MANGE PERSONAR DU ØNSKER Å BESTILLE TIL. KJØT/FISK ER FERSKT OG PANNEKLART,SAUSANE ER HEIMELAGA OG GRØNSAKENE ER FRISKE/GRYTEKLARE OG SESONGBETONTE. INGEN TOROSAUSAR,FROSSNE GRØNSAKER ELLER FRYSETØRKA KJØT.MATEN BLIR LEVERT SLIK AT TILLAGINGSTIDA ER MINIMAL,MEN KVALITETEN PÅ TOPP. ER DETTE NOKO DU KUNNE TENKT Å BENYTTE DEG AV,SEND EIN SMS»JA»ELLER»NEI»TIL TLF

17 Arrangerar Open dal 9. juni i og ved Midttunet på Ullaland- Midt i Naustedalen Reiselivsprosjektet: «Naustedalen» markerar ein viktig milepæl laurdag 9. juni. Sambygdingar, gode støttespelarar og interesserte er hjarteleg velkomne! Program for dagen: Klokka Klatring, ved Hallgeir Kalland. Frammøte ved Dalen Næringssenter. Klokka Guida fottur i Styggelifossen eller til Kleivastølen, ved Åsmund Bertelsen og Jan M. Herstad. Frammøte ved Dalen Næringssenter. Klokka Snorklipping i Nausta, ved konferansier Tom Farsund. Klokka Opning og presentasjon av heimesida naustdalen.no Utstilingar, musikkinnslag, sal av kunst & handverk og mat. Opplevingar for heile familien Frå spikkekurs til riding Naustedalen er eit etablert nettverk som ynskjer verdiskaping og reiselivsutvikling. Aktørane i Naustedalen er svært glade for at vi allereie no i oppstarten representerer ei spennvidde frå Kvellestad ved Førdefjorden til Trodalen i Instedalen. Ved å stå samla, med dei ulike tilboda vi kan tilby, vil vi gjere oss attraktive og konkurransedyktige. Laurdag 9. juni skal vi markere og "opne" heimesida vår, presentere tilbod om produktpakkar og gjere oss synlege i marknaden. Aktørane i Naustedalen vil vere til stades og presentere eigne prosjekt. Vi vil også dele våre framtidsvyer om reiselivsutvikling med dykk. Med utstillingar og presentasjonar, musikk og andre kulturinnslag vil vi gje eit innblikk i kva Naustedalen kan by på for både tilreisande og bufaste. Programtilboda vil vere frå vandring & klatring, musikkinnslag av unge og lovande artistar til fotoutstilling ved Geir Ole Laberg. Her kan ein få inspirasjon og fornya energi i eit godt lag, gjerne over ein kopp kaffi. Merk difor i almanakken allereie no - Å tilbringe 9. juni i Midttunet på Ullaland, når kalanderen viser varme grader og villaksen har stø kurs opp elva. Denne dagen er viktig for alle som er opptekne av reiselivs- og næringsutvikling. Velkomne! For aktørane i Naustedalen Therese Helland-Prosjektleiar Kreativ gullalder i Naustedalen Naustedalen boblar av kreativ verdiskaping. Det er fristande å seie at vi er inne i ein kreativ gullalder. Tre store prosjekt, med mål om å skape aktivitet og næringsutvikling i området, pågår samstundes. Alle prosjekta viser stor vilje og interesse for denne nyskapinga. Kva for ein tidsalder Naustedalen var i før den gjekk inn i den kreative gullalderen er ikkje godt å seie. Kanskje var Naustedalen og heile Naustdal i ein kulturalder? Med mellom anna kultur for mat- og musikktradisjonar, idrett, kunst og handverk. Grunnlaget for den aktiviteten som no blomstrar, har truleg lagt her lenge. Dette gjenspeglar det mangfaldet som er av attraktive aktivitetar og dyktige eldsjeler. Vi er difor priviligerte å ha dette grunnlaget, i tillegg til det naturen kan tilby, med lett tilgjengeleg natur. Her er korte avstander frå fjord til villakseelv, frå skogsområder og jaktterreng til stølar og høgfjell, både sommar og vinter. 17

18 Reiselivsprega aktivitet ligg godt tilrette for å utvikle, visst det er vilje og forståing for at dette er ei næring som har livsrett og som treng tid å bygge opp. Dette særleg fordi det ikkje har vore kultur for reiseliv i området, med unntak av nokre få aktive. Det er forståeleg at mange lett kan miste oversikten over alt som skjer av utviklingsarbeid og har vanskar med å skille mellom dei ulike prosjekta. «Naustedalen», som er eit reiselivslag, har i ein 3-årsperiode gjennomført opplæring innafor marknadsføring og sal, fått fagleg rådgjeving undervegs, utarbeida logo og prosjektnamn og gjennomført nettverksbygging med forpliktande samarbeid. I forkant av dette prosjektet vart det i 2009 gjennomført ei kartlegging- om det var interesse for reiselivsutvikling i området. Sidan dette tiltaket var eit privat initiativ, så vart invitasjonane om deltaking vidare i hovudprosjektet begrensa til deltakarar frå Naustedalen. Både forprosjektet og hovudprosjektet har fått økonomisk støtte frå Sunnfjord Næringsutvikling og Fylkesmannen. Valet av namnet vårt: «Naustedalen» bygger på det geografiske likelydande namnet, som er nedtegna på kart og som femnar om området i dalføret vårt. Når aktørar frå fjorden ynskjer å vere med, så er dette likevel fullt mogleg og ei styrke- fordi aktivitetane blir endå meir mangfoldige. Det er viktig å sjå moglegheitene i alt utviklingsarbeid ein gjer og heller styre unna dei mange begrensingane som lett kjem i vegen. At det ikkje er tilsvarande prosjekt ved fjorden gjer også til at vi i dag ynskjer aktørar frå fjorden velkomne. Ved å vere med i Naustedalen, vil samtlege i gruppa kunne stå sterkare. Vi vil til dømes kunne tilby større grupper overnatting ved store arrangement. Erfaringane så langt viser også at det no er lettare å vidaresende gjester, visst ein sjølv har fullt. Aktørane i nettverket vil også kunne vere gode støttespelar for den enkelte når det gjeld spørsmål om eige utviklingsarbeid. Samla sett er gruppa i god gang med å opparbeide kompetanse og erfaringar, som i tillegg er godt forankra i miljøet. At Naustedalen er deltakar i det interkommunale Stiprosjektet viser også at vi har opparbeida nettverk innanfor reiselivsmiljøet i Sunnfjord. Dei som er med i Naustedalen har ulike ambisjonar for sine prosjekt. Dette er viktig å merke seg. Slik har vi opna opp for at vi vil kunne få fram breidda av aktivitetar og tilbod. Ein har gjerne ulike aktivitetsnivå eller kanskje sesongbaserte aktivitetar. Andre satsar meir. Nokre har også større investeringar enn andre. Vi har også aktørar som er godt etablerte, medan andre er i startgropa. Felles for alle er at ein ynskjer å drive med reiselivsnæring. Som leiar i Naustedalen ser eg fram til Open dal 9. juni, med lansering av den fine nettsida vår. Mediebruket har laga nettsida og fotografane Dagrun Reiakvam og Geir Ole Laberg har tatt bilda. No skal vi «opne» eit arbeid som vi har bygd opp over ein periode på 4 år. Vi står i startgropa til vidare utvikling av Naustedalen, til ein meir tilrettelagt oppstart for dei som ynskjer å vere med oss vidare. Ta gjerne kontakt om dette kan vere aktuelt, eller ta det over ein kopp kaffi med oss i Naustedalen den 9. juni. Mvh Therese Helland Foto Dagunn Reiakvam 18

19 Bra forhold og stor aktivitet i Instedalen Skileikanlegg Med mykje snø og tåleg bra ver, har det vore stor skiaktivet i Instedalen skileikanlegg i vinter. Kvar måndag gjennom heile vinteren har det vore barneidrett/skiskule kvar måndag og ski- og orienteringsgruppa i Tambarskjelvar hatt alle karusellrenna der. På barneidretten/skiskulen har det vore med frå ungar kvar gong. Barnas Turlag hadde Kom deg ut-dag i anlegget med god deltaking. Aktiviteten i skileikanlegget seg med Instiaden med eit par hundre små og store som deltakarar og tilskodarar. kan folk fyre opp og grille. Og det er godt å sette seg ned for å få litt ly for vind og ver. I løpet av sommaren er også planen å sette opp to brakker som skal nyttast til toalett, smørebu og varmestove. Brakkene har skianlegget fått av Gravdalgruppa. Prøver å få løyve Instedalen Skianlegg har også ansvaret for å brøyte vegen til parkeringsplassen ved Vonavegen. Det vert også preparert løype til Vonavatnet gjennom heile vinteren. Selskapet har også prøvd å få løyve til å køyre skuterspor innover til Gotdalen ein gong i veka gjennom vinteren. Førebels har ein fått avslag på dette. Men styret vil sende ny søknad for neste vinter. Styret meiner at ein tur med skuter i veka ikkje vil skade verneverdiane i landskapsvernområdet. Lengre skiløype Det ser no ut til å gå i orden med avtalar om grunn til ei lengre skiløype ved skileikanlegget. Planen er å bygge ei lysløype på fem kilometer med start og mål i skileikanlegget. Styret for skianlegget håpar å få gjort ein del grovarbeid til sommaren slik at det neste vinter skal vere mogleg å lage ei brukande skuterløype. Etter kvart skal det bli ein trase med plass for både å skøyte og gå klassisk. Styret trur at dette vil gjere skileikanlegget meir attraktivt og få fleire til å bruke det. Til å gjennomføre dette skal det søkjast om spelemidlar og utbygginga er ein del anleggsplanen til kommunen. Bålhuset som vart ferdig i fjor haust har vore flittig brukt gjennom heile vinteren. Her Mange brukar både tilbodet i Vonaområdet og i skileikanlegget. Parkeringsavgift er ein viktig del av inntekene. Fleire, mellom anna Sparebanken Sogn og Fjordane har medverke med gåver og fleire lokale verksemder støttar med reklame på skianlegget si heimeside. For å sikre og utvikle drifta er Instedalen Skianlegg avhengig av eit endå betre driftsgrunnlag med fleire brukarar og meir støtte frå lokale organisasjonar og verksemder. Instedalen Skianlegg har årsmøte 3. mai og inviterer alle interesserte til å delta og kome med synspunkt både på drifta og planane om utbygging. Meir informasjon finn alle på: Åsmund Berthelsen (leiar i styret) 19

20 Er i gang på Øyra/Løken Den 21. april starta arbeidet med bygge ut og utvikle nærmiljøanlegget ved Øyra/Løken på austsida av Nausta! Ein dugnadsgjeng hogg, rydda og jamna for å få det til å sjå betre ut. Og for å gjere klart for det vidare arbeidet. Det neste steget er å gjere ferdig ei sandvolleyballbane, bygge ein skatepark og ei sykkellbane. For å få til det siste er ein avhengig av å få ein del tilskot som det er søkt om. Alle grendaglaga i byggefeltet har gått saman for å ruste opp og bygge ut nærmiljøanlegget. Det er valt eit eige styre der alle laga er representerte. I tillegg er kommunen og Tambarskjelvar med. Etter at kommunen har regulert eit større område til aktivitetar og friområde vil det vere plass til endå fleire element som særskilt kan utfordre ungar og ungdom. Det er utarbeidd ein plan med idear til kva området kan innehalde og korleis det bør sjå ut. Planen er å ha område for både ballspel, klatring, turn, sykling og skating om sommaren. Vinterstid er det alt lagt til rette for ski og planen er også å få eit område for skøyter. I tillegg vil det også bli plass til, til 20

21 dømes ein gapahuk og kan hende eit amfi. Dei endelege planane skal utformas i samarbeid med alle interesserte og særskilt skal styre hente inn meiningane til ungdomsrådet, om kva ungdom kan tenkje seg å bruke området til. Det fødtes i oss en visshet: Frihet og liv er ett, så enkelt og så uundværlig som menneskets åndedrett. Vi følte da trelldommen truet at lungene gispet i nød som i en sunken u-båt Vi vil ikke dø slik død. Verre enn brennnende byer er den krig som ingen kan se, som legger er giftig slimslør på bjerker og jord og sne. Med angiverangst og terror besmitter de våre hjem. Vi hadde andre drømmer og kan ikke glemme dem For å få til utbygginga er ein avhengig av økonomisk støtte og av dugnadsinnsats. Anlegget er godkjent for tildeling av spelemidlar og det vil bli sendt søknad til hausten. Med heile byggefeltet og alle grendalaga i ryggen håpar styret for anlegget at ein no skal greie å få området til å sjå bra ut og vere prega av leik, fysisk aktivitet og sosialt samver. Men fyrst må også kommunen og ein del private gjere ein jobb, med å få vekk steinhaugar og bilar. Anleget har gruppe på facebook, så der kan ein følgje med på kva som skjer. Åsmund Berthelsen (leiar i styret for Øyra/Løken Nærmiljøanlegg) MAI Av Nordahl Grieg I dag står flaggstangen naken blant Eidsvolls grønnende trær. Men nettopp i denne timen vet vi hva frihet er. Det stiger en sang over landet, seirende i sitt språk, skjønt hvisket med lukkede leber under de fremmedes åk. Langsomt ble landet vårte eget med grøde av hav og jord, og slitet skapte en ømhet, en svakhet for liv som gror. Vi fulgte ikke med tiden, vi bygde på fred, som i tross, og de hvis dåd er ruiner har grunn til å håne oss. Nå slåss vi for rett til å puste. Vi vet det må demre en dag da normenn forenes i samme befriende åndedrag. Vi skiltes fra våre sydpå, fra bleke utslitte menn. Til dere er gitt et løfte: at vi skal komme igjen. Her skal vi minnes de døde som ga sitt liv for vår fred, soldaten i blod i sneen, sjømannen som gikk ned. Vi er så få her i landet, hver fallen er bror og venn. Vi har de døde med oss den dag vi kommer hjem. Lest i radioen fra Nord-Norge 17. mai

22 Les meir på heimesida Etter lansering av ny internettportal på vil internett vere den best oppdaterte og viktigaste kanalen for informasjonsformidling mellom kommunen og innbyggarane. Målet er at alle nyhende av ei viss allmenn interesse skal presenterast her. Internettportalen gjev og innsyn i offentlege postlister og politiske saker, og skal gje oppdatert informasjon om kommunale tenester og organisasjon, og linkar vidare til anna offentleg informasjon. For å gjere sidene så nyttige og oppdaterte som mogleg, er det viktig med respons frå innbyggarane. Vi håpar mange vil bidra ved å gje oss tilbakemeldingar om erfaringar med heimesida. Saknar de informasjon som de meinar burde ligge her? Finn de feilaktig informasjon? Er det vanskeleg å finne fram til aktuell informasjon? Har de tips til nyhende, arrangement eller anna informasjon som kan vere av interesse for andre? Vi ber om tilbakemeldingar! Bruk kontaktskjemaet under hovedmenypunktet kontakt oss, eller send e- post til ein av oss i web-prosjektgruppa. robert.rysjedal@naustdal.kommune.no britt.kringlen@naustdal.kommune.no oddlaug.indrekvam@naustdal.kommune.no kjell.skaflestad@naustdal.kommune.no 22