Desse medlemmene møtte: Olav Moritsgård Sigrunn Lundestad Hans Myklebust Arnfinn Ommedal

Transkript

1 GLOPPEN KOMMUNE ELDRERÅDET HOVUDUTSKRIFT Møtedato: Møtetid: Kl. 13:00 15:15 Møtestad: Gloppen heradshus Saksnr.: 028/13-032/13 Desse medlemmene møtte: Olav Moritsgård Sigrunn Lundestad Hans Myklebust Arnfinn Ommedal Parti Forfall meldt frå følgjande medl. Parti Følgjande varamedl. møtte Parti Karoline Råd Olav Felde Kristin Sandal Sp Dagfinn Nyhammer H Arnfinn Brekke Krf Ingen Ugilde Sak i forv.lova Følgjande varamedl. møtte Olav Moritsgård Sekretariatsjef Jan Kåre Fure Møteleiar: Frå adm. møtte: Utlevert i møtet: Orientering: Sjå sak 29/13! Sp.mål/interpell.: Synfaring: Diverse: Underskrifter: Sak 32/13 vart teken opp på møtet Olav Moritsgård Side 1

2 SAKLISTE Sak nr. Sakstittel 028/13 Godkjenning av møtebok, innkalling og sakliste 029/13 Referat- og orienteringssaker 030/13 Bruk av Hamarøy-modellen i samband med bygging av bustader til vanskelegstilte 031/13 Vedtak om gebyr og betalingssatsar for endeleg behandling 032/13 Økonomiplanen inkludert årsbudsjett for endeleg behandling Side 2

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Eldrerådet /13 Avgjerd av: Eldrerådet Saksbehandlar: Jan Kåre Fure Arkiv: 033 Objekt: Arkivsaknr.: 13/ Godkjenning av møtebok, innkalling og sakliste Møteboka frå eldrerådet sitt møte den 11. november i år blir lagt fram til godkjenning. Samstundes ber rådmannen om godkjenning av innkallinga og saklista til dette møtet. RÅDMANNEN SI TILRÅDING: 1. Eldrerådet godkjenner møteboka frå sitt møte den 11. november Eldrerådet godkjenner innkallinga og saklista til møtet den 9. desember ELDRERÅDET 028/13 VEDTAK: Eldrerådet godkjenner møteboka frå sitt møte den 11. november 2013 Eldrerådet godkjenner innkallinga og saklista til møtet den 9. desember Vedtaket var samrøystes. Side 3

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Eldrerådet /13 Avgjerd av: Eldrerådet Saksbehandlar: Jan Kåre Fure Referat- og orienteringssaker Arkiv: 033 Objekt: Arkivsaknr.: 13/1866 Refererte skriv og meldingar: Nr Dok.ID T Dok.dato Avsendar/Mottakar Tittel 1 13/13051 I Pensjonistforbudnet Sogn og Fjordane Orienteringssaker: Om kvardagsrehabiliteringsprosjektet v/prosjektleiar Anita Lothe. Gjennomgang av sakene til hovudutvalsmøta den 10. desember. Brev frå brukarutvalet i Sogn og Fjordane - forskrift om ei verdig eldreomsorg RÅDMANNEN SI TILRÅDING: Rådmannen legg ikkje fram tilråding i saka ELDRERÅDET Sekretæren gjekk gjennom sakene til hovudutvalsmøta den 10. desember Leiar for kvardagsrehabiliteringsprosjektet Anita Lothe orienterte om prosjektet. 029/13 VEDTAK: Det vart ikkje gjort vedtak i saka. Side 4

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Rådet for funksjonshemma /13 Helse- og omsorgsutvalet /13 Formannskapet /13 Eldrerådet /13 Kommunestyret Avgjerd av: Kommunestyret Saksbehandlar: Beate O. Kornberg Objekt: Arkiv: F17 Arkivsaknr.: 12/ Bruk av Hamarøy-modellen i samband med bygging av bustader til vanskelegstilte Vedlegg: Dok.nr Tittel på vedlegg Samarbeidsavtale mellom Husbanken og Samarbeidsforumet av funksjonshemma sin organisasjon SAFO Hamarøymodellen - privatutbygde bustader til vanskelegstilte Bakgrunn for saka: I «Bustadsosial handlingsplan , som vart vedteken i juni 2012, var eit av tiltaka å kartlegge unge med nedsett funksjonsevne sine ønskjer og behov for framtidig bustader. Kartlegginga vart gjennomført vinteren 2012/ 2013 av koordinatorane til aktuelle unge (ned i 10 års ålder) og deira foreldre. Det vart og gjort ei kartlegging av vaksne med nedsett funksjonsevne med stort hjelpebehov som framleis bur i foreldra sin heim. Ei oppsummering av denne kartlegginga vart i mars 2013 lagt fram som eiga sak i Helse og omsorgsutvalet og kommunestyret, der det vart gjort eit vedtak om å gjennomføre eit forprosjekt for ei samlokalisert bueining for om lag 6 bustader for unge med nedsett funksjonsevne. Forprosjektet skal seie noko om kostnad, finansiering, plassering og utforming. Leiar NAV og helse og omsorgsleiar hadde våren 2013 eit møte med Husbanken i Bergen, der dei og vart presentert for nokre eksempel på samlokaliserte bustader for målgruppa. Det har etter det ikkje vore høve til å jobbe vidare med saka. Det har no komt inn nye moment i saka som krev ny politisk handsaming. Saksutgreiing: Kartlegginga viser at det er behov for å få i gang ei utbygging av samlokaliserte bustader med fellesareal, som gir den einskilde tilgang til både sosialt fellesskap og tilstrekkeleg privatliv. Vedlagt brevet frå SAFO Vest viser at aktuelle brukarorganisasjonar er sterkt opptekne av dette. Kommunen har i dag ikkje egna samlokaliserte bustader til denne målgruppa, som fyller dagens krav til universell utforming og tek inn over seg nye føringar i bustadpolitikken. Det er bl.a. ei klar politisk føring i moderne bustadpolitikk at vanskelegstilte i størst mogleg grad Side 5

6 skal kunne busette seg i gode bumiljø som legg til rette for inkludering og deltaking i lokalsamfunnet. Kommunen har i løpet av hausten blitt kjent med fleire alternative måtar å bruke husbanken sitt «Tilskot til kommunalt disponerte utleigebustader». Formålet med tilskotet er «å auke talet på egnede utleigebustader for ungdom og vanskelegstilte». Rettleiaren for tilskotsordninga legg vidare vekt på «at talet på samlokaliserte bustader for vanskelegstilte skal vere så lavt at ein oppnår normalisering og integrering i vanleg bustadmiljø». Hammarøy kommune har gjennom eit prosjekt gjennomført ei storstilt utbygging av fleire samlokaliserte utleigebustader, i regi av private utbyggarar. Utbyggar kan få husbanken sitt tilskot dersom dei har ei skriftleg avtale med kommunen på at kommunen disponerer bustadane i inntil 20 år. Kommunen har og tildelingsrett til desse bustadene. Hammarøymodellen beskriv korleis kommunen betre kan utnytte Husbankens ordninger, og sjå samanhengen mellom bustadbehova til ordinære bustadsøkarar og vanskelegstilte. I kommunen sin kravspesifikasjon vart private aktørar bedt om å stille eit gitt tal einingar til rådvelde til vanskelegstilte, etter definert storleik og standard. I tillegg krevde kommunen at utbygger skulle levere tilsvarande tal bustader til den ordinære bustadmarknaden. Det er to alternative måter å løyse behovet for tomteareal. 1. Privat utbyggar disponerer sjølv tomt i sentrumsnære områder. 2. Kommunen stiller kommunale tomter til disposisjon for sal til utbyggar som kommunen inngår avtale med. Økonomiske konsekvensar for kommunen: Dersom kommunen vel å gjennomføre «Hamarøymodellen» er alle kostnadar knytt til forvaltning, drift, vedlikehald og utvikling av eigedomane lagt på utbyggar. Kommunen oppnår med dette inga auke av kommunale driftskostnadar og eigedomsmasse, samtidig som private aktørar sikrast god finansiering og utleige av bustadane Dersom kommunen vel å bygge desse bustadene sjølv, vil kommunen kunne nytte seg av Husbanken sine tilskotsordningar og låneordningar for bustader til denne målgruppa. Dette medfører investeringsutgifter, men husleiga vil dekke lån- og renteutgifter. Rådmannen si vurdering: Det hastar å ta stilling til korleis kommunen skal løyse denne utfordringa. Utifrå kartlegginga er det ikkje trong for meir enn 3-4 bustader i løpet av dei første 3 åra, men at det er behov for 3-4 nye i løpet av 6-10 næraste åra. Ei gradvis utbygging må ta omsyn til at målgruppa er samansett og har ulike behov for oppfølging. I tillegg er det behov for rimlege, funksjonelle bustader sentralt på Byrkjelo, til ytterlegare 3 unge vaksne i løpet av 4-5 år. Desse har ikkje så stort behov for oppfølging. Bruk av Hamarøy-modellen opnar opp for at dette er mogleg å gjennomføre, samtidig som det opnar for utbygging til andre vanskelegstilte og til personar som ønskjer å kjøpe eigen bustad. Dette gjeld unge, flyktningar og vaksne og eldre med trong for universell utforming eller fleire rom. Slike bustader er det i dag ikkje særleg tilgang på i kommunenmanglar pr.i dag. Rådmannen har sett på alternative kommunale tomter for slik utbygging og finn at tomter i desse områda kan vere aktuelle for eit ev samarbeid med privat utbyggar: Side 6

7 Nederst i Valborgkleiva: Denne tomta vurderast å vere mindre egna til målgruppa, både p.g.a.tomta si storleik og form, og si plassering i utkanten av bustadfeltet. Øvre del av Valborgkleiva (på fleire ledige tomter): Dette arealet er større og gir rom for fleire einingar. Tomtene ligg i meir flatt lende, og det ligg betre til rette for bruk av utearealet. Dessutan ligg dei inne i eit ordinært bustadfelt med dei positive effektar det vil gje, og med gang og sykkelveg til både sentrum, aktivitetstilbod og potensielle arbeidsplassar. På sørleg del av Faleideflata, mellom Strukturplast og Furubu. Sistnemde område er regulert til industriføremål, for potensiell utviding for Strukturplast si verksemd. Dette behovet er slik rådmannen vurderer det ikkje lenger aktuelt, då dei har fått tildelt nytt areal i samband med Bano si utviding på Øyrane. Ei utbygging på Faleideflata vil kreve ei omregulering og vil ta lenger tid å realisere. Samstundes er dette eit stort areal det er lett å opparbeide, og med gangavstand til potensielle arbeidsplassar og aktivitetstilbod, Myklebustflata, turområde ved Longisane og barkeløypa og gir høve til fleksibel bruk av personalressurs til andre bueiningar i området. Dersom ein vel å bygge i dette område er det viktig å legge til rette for blanda busetnad (gjennomgangsbustader for unge og familiar i etableringsfasen, flyktningar, eldre som ønskjer å bu meir lettvindt og sosialt). Det kan og nemnast at sal av Byrkjelo barnehage med omkringliggande tomt kan gje rom for ei liknande privat utbygging av bustader til vanskelegstilte og andre på Byrkjelo. Ein parallell gevinst for kommunen ved å nytte seg av denne modellen er at vi samstundes får fortgang i utbygging av rimelege, samlokaliserte gjennomgangsbustader til den opne marknad, for unge i etableringsfasen, og potensielle tilflyttarar som ynskjer å leige bustad i første fase. Rådmannen ønskjer å arrangere eit ope møte for aktuelle samarbeidsparter i desember for å orientere om modellen og sjekke interessa hos private utbyggarar. Parallelt med dette ønskjer vi tidleg i prosessen å ta kontakt med aktuelle leigetakarar og deira organisasjonar for å sikre ei best mogleg medverknad. RÅDMANNEN SI TILRÅDING: Gloppen kommunestyre syner til rådmannen si vurdering og godkjenner at Hamarøymodellen vert lagt til grunn for utbygging av kommunalt disponerte bustader til vanskelegstilte og andre grupper som skal inn i bustadmarknaden i kommunen RÅDET FOR FUNKSJONSHEMMA 018/13 VEDTAK: Råd for funksjonshemma meiner det er viktig at aktuelle leigetakarar og deira organisasjonar får høve til å medverke i planlegginga av bygging av samlokaliserte bustader for personar med nedsett funksjonsevne. Vedtaket var samrøystes. Side 7

8 HELSE- OG OMSORGSUTVALET 039/13 VEDTAK: Helse- og omsorgsutvalet si tilråding: Gloppen kommunestyre syner til rådmannen si vurdering og godkjenner at Hamarøymodellen vert lagt til grunn for planlegging av kommunalt disponerte bustader til vanskelegstilte og andre grupper som skal inn i bustadmarknaden i kommunen. Når plan for utbyggingsmodell er klar, vert den lagt fram til godkjenning. Kommunestyret sluttar seg til vedtaket i råd for funksjonshemma der dei meiner det er viktig at aktuelle leigetakarar og deira organisasjonar får høve til å medverke i planlegginga av bygging av samlokaliserte bustader for personar med nedsett funksjonsevne. Vedtaket var samrøystes FORMANNSKAPET Framlegg frå Ragnar Eimhjellen (V): Som rådmannen si tilråding, med tillegg av vedtaket i rådet for funksjonshemma. Det blei røysta slik: 1. Tilrådinga frå helse- og omsorgsutvalet, som fekk to røyster 2. Framlegget frå Ragnar Eimhjellen, som vart samrøystes vedteke. 136/13 VEDTAK: Rådmannen si tilråding vart samrøystes innstilt med slikt tillegg: Kommunestyret sluttar seg til vedtaket i råd for funksjonshemma der dei meiner det er viktig at aktuelle leigetakarar og deira organisasjonar får høve til å medverke i planlegginga av bygging av samlokaliserte bustader for personar med nedsett funksjonsevne. Vedtaket var samrøystes ELDRERÅDET 030/13 VEDTAK: Eldrerådet meiner det bør vektleggast at nye bustader til målgruppa blir bygde nær og i tilknyting til eksisterande hjelpetilbod slik at dei som bur i bustadene enkelt kan nytte seg av hjelpetilboda. Vedtaket var samrøystes. Side 8

9 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet /13 Helse- og omsorgsutvalet /13 Kultur- og miljøutvalet /13 Oppvekstutvalet /13 Teknisk og landbruksutvalet /13 Formannskapet Kommunestyret Avgjerd av: Formannskapet Saksbehandlar: Jan Kåre Fure Objekt: Arkiv: 231 Arkivsaknr.: 13/ Vedtak om gebyr og betalingssatsar for endeleg behandling Vedlegg: Dok.nr Tittel på vedlegg Gebyr- og betalingssatsar for Renovasjonsgebyr for Gebyrregulativ for byggesak Gebyrregulativ for arbeid etter matrikkellova og eigarseksjoneringslova Frå tidlegare behandling av saka (i formannskapet den 28. november 2013): Bakgrunn for saka: Denne saka inneheld alle gebyr og betalingssatsar som ligg til grunn i rådmannen sitt framlegg til årsbudsjett for 2014, unnateke skatteøret og den kommunale eigedomsskatten. I denne utgåva manglar også elev- og brukarbetaling i kulturskulen og betaling for den nye storhallen m m i Trivselshagen. Årsaka til dette er at rådmannen i skrivande stund ikkje har klart sitt framlegg til satsar på betalingsområda. Årsbudsjettet inngår som første året i økonomiplanen for Saksutgreiing: I økonomiplanen for er det for årsbudsjettet 2014 lagt til grunn ein lønnsauke frå 2013 på 3,5 %. Dei fleste av betalingsområda i kommunen er lønnstunge. Det betyr at utgiftsveksten i all hovudsak vil følgje lønnsveksten. Dette ligg også til grunn for rådmannen sitt framlegg til gebyr og betalingssatsar. Husleigesatsane er auka i samsvar med auken i konsumprisindeksen frå september 2013 til september Dette gje ein auke på 2,83 %. Samanlikna med tilsvarande dokument til 2013-budsjettet er desse ny betalingsområda med: Gebyr for saksbehandling og kontroll av mindre avløpsanlegg (nytt gebyrområde) Side 9

10 Ny betalingssats for matlevering til dei som har under 2G i inntekt (endring som følgje av rundskriv I frå Helse- og omsorgsdepartementet rundskrivet ligg ved) Gebyr for behandling av konsesjons- og delingssaker (utegløymt i 2013). Framlegg til betalingssatsar på desse områda er ikkje klare: Elev- og brukarbetaling i kulturskulen Betaling for den nye storhallen m m i Trivselshagen. Reguleringsdato for alle endringar er 1. januar Økonomiske konsekvensar for kommunen: Betalingssatsane er ein viktig del av kommunen sine inntekter, og avgjerande for å halde oppe tenestene på fleire område. I tillegg er kommunen pålagt å krevje inn dekking av utgiftene på avgiftsområda (kap 2.1 i regulativet). Rådmannen si vurdering: Rådmannen håpar det vedlagde regulativet er oversiktleg og opplysande, og legg derfor ikkje opp til å kommentere framlegget særskilt. Rådmannen vil vurdere å ta leige for ekstern bruk av kommunen sitt videokonferanserom på heradshuset viss det blir noko etterspørsel etter å bruke rommet frå ikkje-kommunale brukarar. --- Framlegget til gebyr og betalingssatsar skal leggast ut til offentleg gjennomsyn saman med resten av økonomiplanen. Endeleg tilråding blir derfor ikkje lagt fram no. Utleggingsperioden er rekna frå 29. november til 13. desember. RÅDMANNEN SI TILRÅDING: Formannskapet vedtek å legge rådmannen sitt framlegget til gebyr- og betalingssatsar for 2014 ut til gjennomsyn fram til 13. desember FORMANNSKAPET Framlegg frå Per Jarle Myklebust (Sp): I tillegg til rådmannen si tilråding: Rådmannen sine framlegg til betalingsatsar for kulturskule og idrettsanlegg blir send ut på høyring med atterhald om at dei skal til politisk behandling i kulturog miljøutvalet 10. desember 2013, og vidare til formannskapet til behandling den 16. desember Framlegget vart samrøystes vedteke. 147/13 VEDTAK: Side 10

11 Formannskapet vedtek å legge rådmannen sitt framlegget til gebyr- og betalingssatsar for 2014 ut til gjennomsyn fram til 13. desember Rådmannen sine framlegg til betalingsatsar for kulturskule og idrettsanlegg blir send ut på høyring med atterhald om at dei skal til politisk behandling i kultur- og miljøutvalet 10. desember 2013, og vidare til formannskapet til behandling den 16. desember Vedtaket var samrøystes. Nye opplysningar i saka: Rådmannen sitt framlegg til betalingssatsar for kulturskulen og for idrettsanlegga ser slik ut, og er lagt ut på høyring saman med formannskapet sitt framlegg til økonomiplan og kommunale prisar: Elevavgift ved kulturskulen Elevavgifta og brukarbetalinga ved kulturskulen blir auka med om lag 5,6 %, slik: Tilbod Pris kr Framlegg 2014 Satsar i 2013 Auke i % Enkeltundervisning, 1. elevplass per år 3.000,- (2.840) 5,63 Gruppeundervisning, per år 3.000,- (2.840) 5,63 Musikk mellom liten og stor, per år 1.200,- (1.135) 5,73 Samspel/kor/orkester/band, per semester 660,- (625) 5,60 Instrumentleige fiolin, per år 660,- (625) 5,60 Dirigenttenester korps og kor for barn og unge, per time 410,- (390) 5,13 Dirigenttenester korps og kor for vaksne, per time 610,- (580) 5,17 Idrettshallen og gymsalar ved skulane i kommunen Betaling for sal- og hall-leige er sett opp utifrå ei leigetid på 32 veker i året. Då er det gjort fråtrekk for sommarferie, jul og påske m.m. Med ein timepris på kr 200,- for 32 veker vil ein halltime på ei heil handballflate eller i ein gymnastikksal ha ein pris på kr 6.400,- i året. Obligatoriske kampar inngår i leiga. Andre arrangement og meisterskap kjem i tillegg. Trening (timepris) Arrangement/ turneringar (dagpris) Enkelt hall (handball) 200, ,- Heil hall (storhall) 600, ,- Friidrett/kast 150, ,- Turnhall 200, ,- Badmintonbane 200, ,- Gymnastikksalar 200, ,- Klatrevegg: - Ein person 100, ,- - Årskort 4.500,- Side 11

12 Det vil bli mogleg med drop-in på timar som er ledige. Desse vil ha eit påslag på 25 %. Nytt frå 2014: Betaling for leige av gymnastikksalane ved skulane på Sandane Det blir gjort framlegg om å innføre priser for leige av kommunen sine gymnastikksalar ved skulane på Sandane. Rådmannen får fullmakt til å inngå avtale om eigen pris ved spesielle høve. --- Høyringsfristen på utlegginga er fredag 13. desember RÅDMANNEN SI TILRÅDING: 1. Gloppen kommunestyre godkjenner rådmannen sitt framlegg til gebyr og betalingssatsar for 2014 datert 25. november 2013, slik desse følgjer av vedlegget i saka. 2. Elevavgifta i kulturskulen og betaling for bruk av idrettshallen i Trivselshagen og gymnastikksalane ved skulane blir fastsette i eigne saker ELDRERÅDET 031/13 VEDTAK: Eldrerådet føreset at betalingssatsane i helse og omsorg, her inkludert husleiga for dei dette gjeld, ikkje er så høge for minstepensjonistar at dei kjem under minstekravet for disponible midlar til eige forbruk. Eldrerådet ber om å få seg førelagt utrekningar som viser om dette er tilfelle. Vedtaket var samrøystes. Side 12

13 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /13 Eldrerådet /13 Avgjerd av: Kommunestyret Saksbehandlar: Marit Elisabeth Larssen Objekt: Arkiv: 145 Arkivsaknr.: 13/ Økonomiplanen inkludert årsbudsjett for endeleg behandling Vedlegg: Dok.nr Tittel på vedlegg Økonomiplandokumentet endeleg utkast versjon 3 Bakgrunn for saka: Administrasjonen sitt framlegg til økonomiplan for perioden med budsjett for 2014 har vore til behandling i dei politiske utvala og formannskapet. Basert på vedtaka i utvala og drøftingar i formannskapet legg rådmannen fram nytt utkast til plan. Det nye utkastet er justert og inneheld dei framlegg frå den politiske behandlinga som rådmannen har funne rom til å innarbeide. Det har vore ein del merksemd rundt driftstilskot frå kommunen til kyrkjeleg fellesråd. Nivået på tilskotet er ikkje endra i framlegget til økonomiplan for kommunen. Det blir likevel lagt fram eiga sak om tilskot til fellesrådet. Kommentarar til fellesrådet sitt budsjett for 2014 er derfor ikkje innarbeidd i kommunen sin økonomiplan. Dette er i tråd med retningslinene for behandling av fellesrådet sitt budsjett. Saksutgreiing: Vedtak i utvala Vedtaka frå utvalsmøta og samt tema i drøftingane til formannskapet er tatt inn i saksutgreiinga. Rådmannen har lagt inn sine kommentarar etter kvart utval. Det går fram om dei er innarbeidd i det nye utkastet til plan og korleis finansiering er løyst. I den grad justeringane påvirker botnlina til budsjettet for 2014/balansen i økonomiplanen blir det også kommentert. Dei punkta som inneheld tingingar til administrasjonen om utgreiingsarbeid eller tema som eit utval ønskjer å kome tilbake til i 2014 er ikkje kommenterte og heller ikkje innarbeidd i tilrådinga frå rådmannen. Dette gjeld pkt 2 og 4 i vedtaket til kultur- og miljøutvalet, pkt 3 i vedtaket til helse og omsorgsutvalet og siste avsnittet i vedtaket til oppvekstutvalet. Når det gjeld tema frå drøftinga i formannskapet er det knytt kommentarar til dei som var konkret nok til at det er muleg å faktabasere kommentaren. Følgande punkt er ikkje kommentert: Side 13

14 Sjå nærare på kostnader til politisk aktivitet. Sjå nærare på kostnader til overordna leiing. Auka støtte til kyrkja Inntekter til Trivselshagen Auka støtte til kyrkja er omtalt under kulturutvalet. Inntekter til Trivselshagen er det eige framlegg om frå kulturutvalet For å kunne kommentere punktet om kostnader til politisk aktivitet og overordna leiing hadde det vore greitt å få avklart om det er snakk om kostrafunksjonane 100 og 120. Kostrafunksjon 120 er elles omtalt i økonomiplandokumentet. Oppvekstutvalet «Når det gjeld investering, ser utvalet at det er behov for at prosjektering og klargjering for anbodsinnbyding for Hyen skule vert flytta fram til Oppvekstutvalet tilrår elles budsjett og økonomiplan for slik den ligg føre for dei tenesteområda utvalet har ansvaret for. Utvalet vil likevel bemerke at den økonomiske ramma for sektoren er svært stram for økonomiplanperioden. Vedtaket var samrøystes» Rådmannen sin kommentar: Framlegget om å flytte prosjektering av Hyen skule fram til 2015 er ikkje innarbeidd i det nye utkastet til økonomiplan. Det er 2 grunnar for dette: Økonomisk ved at driftseffekt av investeringa kjem med full effekt i denne økonomiplanperioden. Det påvirker balansen i økonomiplanen negativt. Kapasitet til gjennomføring. Dei kommunale byggeprosjekta blir no gjennomført utan eksternt kjøp av byggeleiing, det er ikkje muleg å gjennomføre viss Hyen skule blir flytta fram til Utgifter til tenestekjøp av byggeleiing må innarbeidast i økonomiplanen og bidreg i negativ retning. Kulturutvalet «Kultur- og miljøutvalet har følgjande merknader til rådmannen sitt framlegg til økonomiplan for : 1. Kultur- og miljøutvalet ber formannskapet om å tilføre utvalet kr ,- for å auke tilskotet til Den norske kyrkja for Utvalet vil i løpet av 2014 sjå nærare på økonomiplanen for for tenesteområde som gjeld Trivselshagen når prosjektet «Trivselshagen bruk, utvikling og marknadsføring» vert framlagt. Dette for å kvalitetssikre tala som i dag ligg i økonomiplanen 3. Utvalet ber teknisk og landbruksutvalet om å vidareføre avtalen med kunstlaget om leige av kunst på Heradshuset 4. Vedtak om eventuell nedlegging av bibliotekfilialane vert gjort i eiga sak der det også vert gått gjennom eventuelt avbøtande tiltak. Vedtaket vart gjort mot ei røyst» Rådmannen sin kommentar: Side 14

15 Det er ikkje innarbeidd auke i ramma til fellesrådet. Basert på budsjettframlegget frå administrasjonen til fellesrådet er det ein differansen på kr ,- mellom framlegget som er innarbeidd i kommunen sin økonomiplan og framlegget til fellesrådet. Det ligg førebels ikkje føre endeleg politisk vedtak frå rådet. Syner elles til eiga sak om budsjett 2014 til fellesrådet. Vidareføring av avtalen med kunstlaget om leige av kunst er ikkje innarbeidd i nytt utkast. Til grunn for framlegget om å seie opp leigeavtale ligg det ikkje at kunsten skal ned frå veggane på Heradshuset. Vurderinga er at det ikkje kan vere rett at kommunen betaler for å stille Heradshuset og andre kommunale lokale til rådvelde for kunstlaget si faste utstilling. Det kunne vore omvend: utstillar betaler for fast veggplass. Ut frå rådmannen si vurdering må det vere ein god avtale for kunstlaget at det er gratis for dei å ha si faste utstilling i kommunen sine lokale. Helse- og omsorgsutvalet «Helse- og omsorgsutvalet tilrår at formannskapet legg utkast til økonomiplan for til alminneleg ettersyn med høyringsfrist 12. desember 2013 med desse tillegga: 1. Helse- og omsorgsutvalet aukar innsparinga på legesenteret teneste frå kr til kr Innsparinga på kr vert overført til ramma til kultur- og miljøutvalet. 2. Helse- og omsorgsutvalet aukar stønaden til Frivillegsentralen med kr ,- til kr ,- i årsbudsjettet for 2014 for å justere for lønns- og prisvekst frå Auken vert dekka frå kjøp frå fylkeskommune, art 13 på Gloppen kommunale kjøkken. 3. Reduksjonen av fem plassar på korttids/rehab. Avdelinga på teneste vert gjort mellombels for 2014 og vert handsama på nytt i samband med budsjettet for Vedtaket var samrøystes, med unnatak av punkt 1 som var mot ei røyst» Rådmannen sin kommentar: Auka innsparing på legesenteret er ikkje utan vidare kurant å gjennomføre. Legane er privatpraktiserande fastleger, og har løn frå kommunen for den delen av stillinga som er knytt til kommunalt arbeid (helsestasjon, institusjon, kommunelege-oppgåver). Innsparinga på kr ,- som er gjort framlegg frå administrasjonen, er endringar i utgifter til vikarlegeordninga og effekt av digitalisering og bruk av elektroniske verktøy. Utgifter knytt til dei kommunale stillingane rår kommunen over, men utgifter knytt til privat praksis rår vi ikkje over. Desse er regulert gjennom avtaler med den einskild lege. Avtalen definerer kva utgifter kommunen skal dekke og kva utgifter den einskilde lege sjølv skal dekke. Avtalane om privat praksis er individuelle og må seiast opp viss kommunen skal i posisjon til å reforhandle dei. Resultatet av ev forhandlingar er vanskeleg å meine noe om på førehand og framlegget om ytterlegare innsparing på kr ,- er derfor ikkje innarbeidd i det nye utkastet til økonomiplan. Avtalane som legane har, blei i si tid inngått for å sikre god og solid legedekning i kommunen. Viss avtalane skal reforhandlast ber rådmannen om å få eit signal frå kommunestyret om det. Auka stønad til Frivillegsentralen er innarbeid i tråd med framlegget til utvalet. Teknisk og landbruksutvalet Side 15

16 «Teknisk og landbruksutvalet tilrår at formannskapet legg utkastet til økonomiplan for ut til alminneleg ettersyn med høyringsfrist 12. desember 2013 med følgjande tillegg: 1. Reparasjon av vestveggen på idrettsbygget i Hyen må utførast i Gravlastar vert flytta fram til 2014-budsjettet. Dette av sikkerheitsmessige omsyn. Dette føreset sal av kommunal eigedom. Ei slik løysing kan halvere kostnadene. 3. Rekneskapstala for 2012 vert lagt til i økonomiplanen. Vedtaket var samrøystes» Rådmannen sin kommentar: Vestveggen på idrettsbygget i Hyen er innarbeidd i investeringsprogrammet i Arbeidet blir foreslått finansiert frå investeringsfondet og påvirker ikkje driftsutgiftene i økonomiplanen. Inntekter frå sal av eigedomar blir tilført investeringsfondet og bidreg dermed indirekte til finansiering av tiltaket. Gravelastar er flytta til Denne investeringa er finansiert på sjølkostområdet, og kan derfor ikkje finansierast slik utvalet gjer framlegg om. Sal av kommunale eigedomar kan ikkje nyttast til finansiering av investeringar på sjølvkostområdet, med mindre eigedomen eller anlegget tilhøyrer sjølvkostområdet. Det gjer dei ikkje i dette tilfellet. Administrasjonsutvalet Administrasjonsutvalet si tilråding: 1. Kommunestyret godkjenner framlegga til mål for kommuneorganisasjonen og tenesteområda slik dei går fram av økonomiplanen sine kapittel 3 og 6 med desse endringar: kapittel 3, Overordna mål for personalforvaltning og organisasjon: o punkt 2: Gloppen kommune er ein robust organisasjon som møter dei endringane som kjem til same kapittel, Overordna mål for samfunnsutvikling nytt o punkt 5: Gloppen kommune skal delta aktivt i det arbeidet som følgjer av kommunereforma til kapittel 6.1 overordna mål for kommuneorganisasjonen, personalforvaltning: o punkt 1: Gjennomsnittleg sjukefråvær skal vere 5 % eller lågare kvart år i planperioden 2. Kommunestyret godkjenner rammene for opplæring og andre kompetansehevande tiltak for planperioden Vedtaket var samrøystes.» Rådmannen sin kommentar: Administrasjonsutvalet sitt framlegg til endra målformuleringar er innarbeidd i det nye utkastet. Frå drøftinga til formannskapet: Partia presenterte kva vurderingar dei gjer av økonomiplanen og mulege løysingar på dei økonomiske utfordringane til kommunen: Sal av aksjar i Firda Billag Kutte i prosjektarbeid mellom anna «Saman om ein betre kommune» Fjerne styringsverktøyet Betre Styring, og modulane som er knytt til dette programmet Utsette bygging av driftsstasjon i Eidsmona Ta inn ventilasjon på kjøkkenet Side 16

17 Reduserte investering i IKT infrastruktur Heradshuset, ikkje innvendig oppussing av 2 etasje Sjå nærare på kostnader til politisk aktivitet Sjå nærare på kostnader til overordna leiing Auka støtte til kyrkja Inntekter til Trivselshagen Rådmannen sin kommentar: Det er ikkje muleg på førehand å fastslå økonomisk vinst av sal av aksjar i Firda Billag. I balansen er verdiane av aksjane sett til mill kroner. Kutte i prosjektarbeid. «Saman om ein betre kommune». Prosjektet er tillagt ansvaret for å gjennomføre oppgåver som kommunen må løyse anten vi er med i Saman om ein betre kommune eller ikkje. Gjennom deltaking i prosjektet har kommunen fått framdrift og kvalitet på desse oppgåvene. I tillegg er kommunen tildelt 1.5 mill kroner i sum over 5 år (0.3 mill pr år) for å det arbeidet vi gjer. Desse midlane fell vekk utan at oppgåvene felle vekk. Betre Styring er eit oppfølgings- og rapporteringsverktøy som gjer det muleg å følgje opp og levere rapportar for fokusområda i kommunen: økonomi, personal/organisasjon, tenesteyting og samfunnsutvikling. Innføringa av verktøyet gjer det monnaleg enklare for leiarane å overvåke kritiske punkt i drifta. Samstundes leverer vi omsider meir fullstendige rapportar til politiske utval enn vi klarer utan eit oppfølgings- og rapporteringsverktøy. Det er ikkje kapasitet (personressursar) i organisasjonen til å levere dei same rapportane basert på manuelt arbeid. Utbygging av driftsstasjonen i Eidsmona blir i hovudsak finansiert over sjølvkostområda fordelinga mellom sjølvkost og drift er Viss anlegget ikkje blir bygd må kommunen på leigemarknaden for å skaffe lagerlokale. I tillegg får vi ikkje tatt ut full effekt av å samle fagarbeidarmiljø i eigedom og kommunalteknikk under sam tak. Ventilasjon på kjøkkenet har ikkje vore inne i tidlegare økonomiplanar. Det kom som framlegg frå sektoren til planen for Tiltaket er ikkje innarbeidd då ventilasjonsløysinga blir påvirka av kva løysing kommunen vel for «Rett mat til rett tid til rett pasient», dvs saka om val av kokemetode. Tiltaket vil bli omtalt og innarbeidd i denne nemnde saka. Investering i IKT infrastruktur skal dekke utbygging av fiber i og i mellom kommunen sine bygg, samt utskifting av gammalt utstyr. Dette er ei teneste som Nordfjord Drift ikkje har ansvaret for å levere. Kommunen har framleis store utfordringar knytt til transport av datatrafikk i eige nett. Kapasiteten i nettet vårt er for liten og fleire løysingar er utdaterte. Dette er truleg viktigaste årsaken til at vi ikkje får ønskt effekt ut. Det er lokaliseringar som ikkje kjem inn på intranett,og får tilgang til løysingane som ligg der. Ustabil kommunikasjon gir regelmessige brot i arbeidet til medarbeidarar. Å bygge stabil infrastruktur koster, og vi har ikkje full oversikt over kostnadene. Viss kommunestyret vel å redusere desse investeringane gir ein reduksjon på kr ein positiv driftseffekt på kr Rådmannen tilrår at driftseffekten av ein ev reduksjon blir tilført disposisjonsfondet Heradshuset oppussing av 2 etasje er kostnadsrekna til kr Viss beløpet blir sletta gir det ei innsparing på kr ,- kvart år i perioden. Økonomiske konsekvensar for kommunen: Side 17

18 Endringane som er innarbeidd i det nye utkastet til økonomiplan, versjon nr 3, har ikkje gitt endringar i balansen i planen. Økonomiplanen er gjort opp med eit underskot i budsjettet for 2014 på kr Underskotet er foreslått finansiert ved bruk av disposisjonsfondet. I resten av perioden er det overskot i drifta. Samla fondsavsetting i perioden er kroner som fordeler seg slik: Kr i 2015 Kr i 2016 Kr i 2017 Rådmannen si vurdering: For første gong på mange år er det grunn til å sjå positivt på dei økonomiske framtidsutsiktene til kommunen. Det er lenge sidan økonomiplanen har vore gjort opp med balanse i åra etter budsjettåret (det vil seie åra ) utan at det samstundes har vore innarbeidd omfattande krav til effektivisering kvart år i perioden. Den økonomiske effekten av tilbakeføring av Gloppenstasjonane frå 2015 slår umiddelbart positivt ut, ved at Gloppen Energi blir i stand til å svare for sine økonomiske forpliktelsar til kommunen. Dette er viktig for den endringa vi ser. Kommune har vore gjennom store driftsendringar og krevande omstillingar sidan Det kan høve med eit kort resyme: I desember 2008 gjorde kommunestyret vedtak om å søke om utviding av sin kassakreditt til 18 millionar for å kunne møte sine økonomiske forpliktelsar. Kommunen hadde på det tidspunktet ein kassakreditt på 10 mill kroner, som var brukt. Vi var med andre ord avhengige av lån for å finansiere drifta og hadde ikkje eigenkapital til å møte økonomiske svingingar og uføresette hendingar. For å snu denne negative situasjonen blei dei i økonomiplanen for mellom anna gjort vedtak om endra struktur på skular og barnehagar og omheimlingar av insitusjonsplassar til heimeteneste innan pleie/omsorgstenesta. I tillegg blei det gjort vedtak om årlege fondsavsettingar for å sikre kommunen sin likviditet og arbeidskapital. Skulestrukturen blei endra i 2009, omheimling av institusjonsplassar blei gjennomført i 2010 og den nye barnehagen i Breim blei opna i Ei rad andre tiltak er også gjennomført og den innsatsen som er lagt ned har gitt resultatet: Kommunen har gode resultat på alle målingar som blir gjennomførte anten det er tenestekvalitet eller økonomi som blir vurdert. Det er bygd opp nye fond og kommunen har tilstrekkeleg arbeidskapital til å møte uføresette hendingar i høve den daglege drifta. Fondsoppbygginga sikra til dømes at kommunen kunne rydde opp ein gamal avfallsplass i Eidsmona utan at det gjekk ut over drifta. Vi er ein innovativ og framtidsretta kommune som leverer gode tenester. Vi rekrutterer gode fagfolk som følgje av at det er fokus på utviklingsretta arbeid og tenking. Tilsette som vil fagleg utvikling blir møtt positivt. Kommuneplanen sine målsettingar har peikt ut retninga for arbeidet vårt. Dei har vore grunnleggande både kva gjeld økonomistyring, personalarbeid og organisasjonsutvikling, tenesteyting og samfunnsutvikling Kommunen har vore ambisiøs når det gjeld anleggsutbygging. Døme på dette er Trivselshagen som no er ferdig, det er bygd barnehage i Hyen, og «ny» barnehage i Breim. Samarbeid med lokale lag og organisasjonar har gitt opprusta og til dels nye anlegg både i Hyen. Breim og ved Gloppefjorden. Det er grunn til å vere stolt av den innsatsen som er lagt ned og dei resultata som er nådd. Side 18

19 Vi har lagt krevande år bak oss, og står foran eit nytt krevande år. Då er det viktig å kunne hente inspirasjon til ny innsats gjennom det arbeidet vi har gjort. Vi ser at det nytter. Budsjettet for 2014 er svært stramt, sjølv om det er foreslått balansert ved bruk av midlar frå disposisjonsfondet. Å foreslå bruk av disposisjonsfond til å skape balanse i driftsbudsjettet sit langt inne hos meg som rådmann. Når eg likevel har vald å gjere det kjem det av at: Det i 2014 skal gjennomførast nye driftstiltak som krev dei tilgjengelege pesronalressursane viss vi skal lykkast med målsettinga om ein økonomisk situasjon som frå 2015 er positiv. Desse går fram av tiltakslista i økonomiplanen, kapittel 5. Føresett at tiltak som er foreslått i 2014, blir gjennomført er det veksande overskot i drifta resten av økonomiplanperioden. Ei fondsoppbygging på vel 17 millionar over 3 år har det ikkje vore grunnlag for å oppnå i tidlegare økonomiplanar utan å gjennomføre krevande tiltak kvart år i perioden. Til samanlikning var den samla fondsavsettinga i økonomiplanen budsjettert til 2.5 mill kroner og i gjeldande plan ( ) budsjettert til 2.9 mill kroner. Eg rår formannskapet til å legge økonomiplanen for 2014 til 2017 ut på høyring med tilråding om at kommunestyret godkjenner planen. Høyringsperioden er til RÅDMANNEN SI TILRÅDING: 1. Gloppen kommunestyre godkjenner framlegget til økonomiplan for med eit underskot i budsjettåret 2014 på kr Underskotet blir finansiert med bruk av disposisjonsfondet, slik at budsjettet er i balanse 2. Fondsavsettinga blir sett til kr i perioden fordelt med kr 0 i 2014, kr i 2015, kr i 2016 og kr i For årsbudsjettet 2014 gjeld: Kommunestyret gjev rådmannen fullmakt til å fordele avsette midlar på tilleggsløyvingane til lønnsauke og eigendel på sjukepengar, samt eventuell tilleggsrekning frå kommunen sitt pensjonsselskap Kommunestyret vedtek maksimalsatsane på inntekts- og formueskatt, og fastset satsen for eigedomsskatt til 7 Kommunestyret vedtek å ta opp til saman kr i nye lån til å gjennomføre investeringstiltaka i budsjettet. Rådmannen får fullmakt til å ta opp låna og rekne ut avdragstid etter reglane om vekta avdragstid for kommunale lån FORMANNSKAPET Framlegg frå Gunnvor Sunde (SD): Måla blir å kome tilbake til i den vidare handsaminga av økonomiplanen. Framlegg frå Anniken Rygg på vegner av Høgre, Arbeiderpartiet, Samfunnsdemokratane og Kristeleg Folkeparti: I: På drifta Sentral styring Side 19

20 12010 Administrativ leiing Reduserast med 1 million kvart år ut perioden. Dette inkluderer avslutning av prosjektet «Saman om ein betre kommune» og «Betre styring». Helse Utgifter på 1 million til kjøkkenet ut frå tapte inntekter vert fjerna. Dette vert eventulelt endra når ein ser kva sjølvkost på tenesta er og kva omfang det gjeld. Dette kan kome i samanheng med eiga sak om kjøkkendrifta. Ytterlegare reduksjon i utgifter frå 2015 og resten av perioden blir teke ut av planen no, og føl eiga sak om kjøkkendrifta. I tillegg blir punkt 1 og 3 i helse- og omsorgsutvalet si tilråding i sak 40/13 fremma på nytt. Økonomisk konsekvens for 2014 er ei innsparing kr Inkludert i pkt 1 i helse- og omsorgsutvalet sitt vedtak er at rådmannen skal førebu reforhandlingar av legeavtalane i Teneste blir tilført kr frå Kultur- og miljøutvalet Kommunale idrettsbygg og idrettsanlegg Moms på inntekter utgjer om lag kr ,-. Moms er også teke med på utgiftsida, jfr kap 6. Summen frå 2014 vert vidareført ut perioden. Denne kan blir justert når ein veit kva reelle inntekter som kjem av auka aktivitet i Trivselshagen Kommunale kulturbygg Inntektsnivået for 2014 vert vidareført ut perioden, her er også moms ein del av inntektene. Denne kan bli justert når ein veit kva potensiale som ligg i inntekter frå aktiviteter i Trivselshagen Den norske kyrkja (usikker grunna mangel på budsjett) Ramma vert auka med kr ,- (frå helse) til kr ,- ut perioden. Kr ,- til Kunstlaget for utstilling av kunst i Heradshuset. Som kultur- og miljøutvalt si tilråding. Denne utgifta blir teke inn att. II: På investeringane Prosjekt nr Heradshuset vert redusert til kr ,-. Driftseffekt er kr ,- mindre i driftsutgifter Prosjektnr 12050, IKT vert redusert til kr ,- i 2014 og til kr ,- frå 2015 og ut perioden. Driftseffekt kr frå Prosjekt nr Ny gravelaster vert flytta til 2014 og redusert til kr ,-. Nytt tiltak Ventilasjon til kjøkken på Gloppen omsorgssenter blir ført opp med kr ,- i III: Tekstendringar Side 20

21 Overordna mål for økonomiplanperioden Personalforvaltning punkt 4 blir endra til: Gjennom kompetanseutvikling skal kommunen utvikle ein robust organisasjon med omstillingsevne og kunnskap som set oss i stand til å møte utfordringar som kjem. Tenesteyting punkt 1 blir endra til: Arbeidet med omstilling og modernisering held fram med fokus på kvalitetsutvikling i tenestene. Kapittel 6 Rammer for drifta Pkt 6.3, teneste 23400, siste avsnitt: Siste setninga: «For 2015 er det lagt inn ytterlegare effektiviseringskrav tilsvarande eit årsverk. Dette er vurdert som realistisk ut frå samanlikningar med kjøkken som driv etter same metode som kommunen gjer i dag.» blir teken ut. IV: Nettovirkning for botnlinja i budsjettet for 2014 Underskotet blir redusert frå kr ,- til kr ,- som skal dekkast av disposisjonsfondet. Framlegg frå Per Jarle Myklebust (Sp): --- Ramma til kultur- og miljøutvalet vert auka med kr ,- kvart år i perioden. Auken skal gå til auka tilskot til kyrkjeleg fellesråd. Dette vert finansiert slik: Auka innsparing legesenteret kr ,- Reduksjon av løyvingar til opprusting til Heradhuset til 1,5 mill kr ,- (Innvendig oppgradering kan gjerast innanfor denne ramma) IKT-investering, redusert til 3 mill kvart år i perioden kr ,- Frigjering frå driftsbudsjettet gjennom sal av hytta på Utviklfjellet Og Rygg skule kr ,- Sum kr ,- Restbeløpet går til styrking av budsjettet i 2014 og avsetting dei påfølgande år. Det vart først røysta alternativt mellom framlegget frå Anniken Rygg og framlegget frå Per Jarle Myklebust: Framlegget frå Anniken Rygg fekk fem røyster Framlegget frå Per Jarle Myklebust fekk fire røyster. Endeleg framlegg frå Anniken Rygg på vegner av Høgre, Arbeiderpartiet, Samfunnsdemokratane og Kristeleg Folkeparti: 1. Gloppen kommunestyre godkjenner framlegget til økonomiplan for med dei endringane som går fram av framlegget frå Høgre, Arbeiderpartiet, Samfunnsdemokratane og Kristeleg Folkeparti. Dette gir eit underskot i budsjettåret 2014 på kr ,-. Underskotet blir finansiert med bruk av disposisjonsfondet, slik at budsjettet er i balanse. 2. Fondsavsettinga blir sett til kr ,- i perioden fordelt med kr 0,- i 2014, kr ,- i 2015, kr ,- i 2016 og kr ,- i Side 21

22 3. For årsbudsjettet 2014 gjeld: o Kommunestyret gjev rådmannen fullmakt til å fordele avsette midlar på tilleggsløyvingane til lønnsauke og eigendel på sjukepengar, samt eventuell tilleggsrekning frå kommunen sitt pensjonsselskap o Kommunestyret vedtek maksimalsatsane på inntekts- og formueskatt, og fastset satsen for eigedomsskatt til 7 o Kommunestyret vedtek å ta opp til saman kr ,- i nye lån til å gjennomføre investeringstiltaka i 2014-budsjettet. Rådmannen får fullmakt til å ta opp låna og rekne ut avdragstid etter reglane om vekta avdragstid for kommunale lån. Endeleg framlegg frå Per Jarle Myklebust (Sp): 1. Gloppen kommunestyre godkjenner framlegget til økonomiplan for med dei endringane som går fram av framlegget frå Senterpartiet. Dette gir eit underskot i budsjettåret 2014 på kr ,-. Underskotet blir finansiert med bruk av disposisjonsfondet, slik at budsjettet er i balanse 2. Fondsavsettinga blir sett til kr ,- i perioden fordelt med kr 0,- i 2014, kr ,- i 2015, kr ,- i 2016 og kr ,- i For årsbudsjettet 2014 gjeld: o Kommunestyret gjev rådmannen fullmakt til å fordele avsette midlar på tilleggsløyvingane til lønnsauke og eigendel på sjukepengar, samt eventuell tilleggsrekning frå kommunen sitt pensjonsselskap o Kommunestyret vedtek maksimalsatsane på inntekts- og formueskatt, og fastset satsen for eigedomsskatt til 7 o Kommunestyret vedtek å ta opp til saman kr i nye lån til å gjennomføre investeringstiltaka i 2014-budsjettet. Rådmannen får fullmakt til å ta opp låna og rekne ut avdragstid etter reglane om vekta avdragstid for kommunale lån Endeleg røysting: Framlegget frå Høgre, Arbeiderpartiet, Samfunnsdemokratane og Kristeleg Folkeparti: Fem røyster Framlegget frå Senterpartiet: Fire røyster. Det blei ikkje røysta over framlegget frå Gunnvor Sunde. 148/13 VEDTAK: Framlegget til økonomiplan blir lagt ut til høyring fram til 13. desember 2013 med følgjande tilråding frå formannskapet: 1. Gloppen kommunestyre godkjenner framlegget til økonomiplan for med dei endringane som går fram av framlegget frå Høgre, Arbeiderpartiet, Samfunsdempkratane og Kristeleg Folkeparti. Dette gir eit underskot i budsjettåret 2014 på kr ,-. Underskotet blir finansiert med bruk av disposisjonsfondet, slik at budsjettet er i balanse. 2. Fondsavsettinga blir sett til kr ,- i perioden fordelt med kr 0,- i 2014, kr ,- i 2015, kr ,- i 2016 og kr ,- i For årsbudsjettet 2014 gjeld: Kommunestyret gjev rådmannen fullmakt til å fordele avsette midlar på tilleggsløyvingane til lønnsauke og eigendel på sjukepengar, samt eventuell tilleggsrekning frå kommunen sitt pensjonsselskap Side 22

23 Kommunestyret vedtek maksimalsatsane på inntekts- og formueskatt, og fastset satsen for eigedomsskatt til 7 Kommunestyret vedtek å ta opp til saman kr ,- i nye lån til å gjennomføre investeringstiltaka i 2014-budsjettet. Rådmannen får fullmakt til å ta opp låna og rekne ut avdragstid etter reglane om vekta avdragstid for kommunale. Vedtaket var gjort med fem mot fire røyster ELDRERÅDET 032/13 VEDTAK: Eldrerådet legg merke til at rådet sitt vedtak i saka om økonomiplanen ikkje er kome med i rådmannen si endelege saksframstilling. Dette kan ikkje eldrerådet godta. Rådet sin uttale skal følgje saka til det utvalet som gjer vedtak, jfr 3 i lov om eldreråd. Eldrerådet har gjort slikt vedtak: 1. Eldrerådet kan ikkje godta nedskjeringane på kjøkkenet utan at det ligg føre ei utgreiing som viser kva denne nedskjeringa går ut på og kva konsekvensar ei slik nedskjering vil få 2. Til side 9, punktet om personalforvaltning: Eldrerådet reknar med at gjennomsnittleg sjukefråvær maksimalt skal vere 5 % kvart år i perioden 3. Til side 27, punktet om tenesteyting: Eldrerådet ber om at det ikkje blir gått så fort fram i bruk av sjølvhjelpsløysingar og interaktive løysingar at brukarar og pårørande ikkje greier å følgje med. --- Eldrerådet vil legge til at kommunestyret no må skjere gjennom i saka om det kommunale kjøkkenet og vedta at kjøkkenet skal drivast vidare etter det prinsippet som gjeld i dag. Vedtaket var samrøystes. Side 23