Søreide gnr. 36 bnr. 1, 3, 408 og 442, m.fl. og gnr. 35 bnr. 6 Bergen kommune

Transkript

1 Søreide gnr. 36 bnr. 1, 3, 408 og 442, m.fl. og gnr. 35 bnr. 6 Bergen kommune KULTURHISTORISKE REGISTRERINGAR REGULERINGSPLAN FOR SØREIDE SENTRUM. RAPPORT

2

3 Forord Etter omorganiseringa av kulturminnevernet i 1990 vart ansvaret for automatisk freda kulturminne i plansaker overført til fylkeskommunane. I Hordaland fylkeskommune er det Seksjon for kulturminnevern og museum ved Kultur- og idrettsavdelinga som utfører det kulturminnefaglege arbeidet. Planområda vert sjekka ut i høve til arkivopplysingar om kjente automatisk freda kulturminne. Det vert og gjort ei kulturminnefagleg vurdering om det må gjerast arkeologiske registreringar i felt. Den arkeologiske registreringa i felt har som mål å finne ut om eit planlagd tiltak vil komma i konflikt med automatisk freda kulturminne (eldre enn 1537). I den grad tiltaket vil verka inn på nyare tids kulturminne vil desse bli kort omtalte. Denne rapporten er utarbeidd på bakgrunn av arkeologisk registrering i felt. Rapporten gjev opplysingar om arbeidsomfang, utstrekning og karakter av registrerte kulturminne, og om framlagde planar er i konflikt med kulturminne. Innhaldsliste: Forord Samandrag Bakgrunn Kulturminne og kulturmiljø - nokre sentrale omgrep Området Tidlegare registreringar og funn i området Metode Undersøkinga Automatisk freda kulturminne Askeladden ID nr Dyrkingslag og kokegroper Askeladden ID. nr Dyrkingslag Askeladden ID nr Kokegroper og dyrkingslag Nyare tids kulturminne Tolking Konklusjon Litteratur Vedlegg: 1. Liste over vitskaplege prøvar 2. Liste over strukturar 3. C14 dateringar 4. Originale sjaktteikningar 5. Utskrift frå Askeladden 6. Fotoliste Side 1

4 Figurliste: Figur 1 Arbeidsbilde teikning av sjakt Figur 2 Oversiktskart... 4 Figur 3 Plankart. Rutemønster markerer automatisk freda kulturminne registrert i Figur 4 Dei arkeologiske periodar... 6 Figur 5 Områda som vart registrert under undersøkinga er markert med raud farge og nummerert for referanse vidare i dokumentet... 7 Figur 6 Tidlegare registrerte kulturminne i området. Kart frå kulturminnedatabasen Askeladden Figur 7 Strandforskyvingskurve for Søreide, Bergen kommune Figur 8 Oversiktskart over resultatet av undersøkinga Figur 9 Oversiktsbilde av område for manuelle prøvestikk Figur 10 Negative prøvestikk i område Figur 11 Kart over daterte strukturar og dyrkingslag...13 Figur 12 Oversikt over område 1, lokalitet Figur 13 Oversiktskart lokalitet Figur 14 Strukturliste lokalitet Figur 15 Reinteikna planteikning sjakt 1, Lok ID Skravert område markerer dyrking Figur 16 Struktur 2, sjakt 1. Kokegrop. Askeladden ID Figur 17 Oversiktsbilde kokegroper sjakt 1. ID , 2, 3, 4 og Figur 18 Utsnitt av teikning profil 1, sjakt 1. ID Figur 19 Planteikning sjakt 2, lokalitet Skravert område markerer dyrking. Bølgestrek markerer annan dyrking Figur 20 Oversikt strukturar sjakt 2, ID , 7, 8, 9, 10 og Figur 21 Utsnitt av teikning av profil 3, sjakt 2. ID Figur 22 Utsnitt av profilteikning profil 2, sjakt 2, ID Figur 23 Profil 2, sjakt 2. ID Figur 24 Planteikning over dyrkingslag i sjakt 3, ID Skravert område markerer dyrking. 23 Figur 25 Profil mot vest i sjakt 3. Dyrkingslag. ID Figur 26 Sjakt 7 med ID , lengst bak i biletet Figur 27 Oversikt lokalitet Figur 28 Oversiktsfoto ID Figur 29 Planteikning lok Skravert område på sjaktteikning markerer dyrking Figur 30 Profil 4, sjakt 14. ID Figur 31 Utsnitt av teikning profil 4, sjakt 14. ID Figur 32 Oversiktsbilde ID Figur 33 Oversikt over lokalitet Figur 34 Strukturliste lokalitet Figur 35 Planteikning sjakt 15, lok Figur 36 Oversikt strukturar lok ID , Figur 37 Kokegrop ID Figur 38 Profil 5, sjakt 15. Dyrkingslag. ID Figur 39 Profil 5, sjakt 15. Dyrkingslag ID Figur 40 Utsnitt av profilteikning profil 7, Dyrkingslag ID Figur 41 Utsnitt av profilteiking profil 8. Dyrkingslag ID Figur 42 Mogleg dyrkingslag i nedre del av sjakt 15, ID Figur 43 Utsnitt av profilteikning profil 6, sjakt 16. ID Figur 44 Sjakt og profilteikning sjakt 17, profil 9. ID Figur 45 Nyare tids kulturminne, Steingard Figur 46 Bunker i fjell under veg ved prøvestikkområde Side 2

5 1. Samandrag I samband med reguleringsplan for Søreide Sentrum har Kultur og Idrettsavdelinga ved Hordaland fylkeskommune gjennomført ei arkeologisk registrering for å kartleggje høvet til eventuelle automatisk freda kulturminne i planområdet. Delar av planområdet vart kartlagt i Den delen av planområdet som var gjenstand for registreringa i 2010 ligg på gnr 35 bnr 6 og gnr 36 bnr 1, 3, 408, 442, med fleire. Figur 1 Arbeidsbilde teikning av sjakt 2 Arbeidet vart utført med sjakting med maskin i perioden , og med manuell prøvestikking i perioden vart arbeidet utført av Heidi Joki og Solveig Lohne Rongved av Solveig Lohne Rongved og Jostein Aksdal, av Solveig Lohne Rongved og Øystein Skår, av Solveig Lohne Rongved. I perioden vart arbeidet utført av Solveig Lohne Rongved og Anja Sveinsdatter Melvær. Samla vart det nytta 126 timar i felt. Etterarbeid og rapport vart utført av Solveig Lohne Rongved. Gravemaskinførar var Thomas Håvardstun. Det vart påvist tre nye lokalitetar (Askeladden ID , , ). Registrerte kulturminne er kokegroper C14-datert til romartid og dyrkingslag C-14 datert til bronsealder. Av nyare tids kulturminne vart det funne ein steingard. 2. Bakgrunn Registreringa vart gjennomført i samband med reguleringsplan for Søreide Sentrum, plannummer , saksnummer Delar av planområdet vart registrert i 2005 av Byantikvaren i Bergen ved Øystein Skår og Nils Ole Sundet. Det vart då gjort funn av fem lokalitetar, omtalt som Søreide 1-5. Resten av reguleringsplanområdet vart ikkje vurdert i Side 3

6 høve til kulturminne på dette tidspunktet. Lokalitetane registrert under arbeidet i 2010 er nummerert som fortsetjing på same nummerrekke som lokalitetane frå registreringa i 2005, det vil sei Søreide-6, 7, 8. Figur 2 Oversiktskart Side 4

7 Figur 3 Plankart. Rutemønster markerer automatisk freda kulturminne registrert i 2005 Side 5

8 3. Kulturminne og kulturmiljø - nokre sentrale omgrep Kulturminne er konkrete spor etter menneske som levde før oss. Dei omfattar òg stader det er knytt historiske hendingar, tru eller tradisjonar til, jf. Kulturminneloven 2, 1. ledd. Kulturminne kan til dømes vere hus, gravhaugar, tufter, båtar og vegar. Desse kan vere frå tidlegare tider eller frå vår eiga tid. Med kulturmiljø er meint eit område der kulturminne er ein del av ein større heilskap eller samanheng. Kulturmiljø kan til dømes vere ein bydel, eit gardstun med landskapet ikring, eit fiskevær eller eit industriområde med fabrikkar og bustader, jf. Kulturminneloven 2, 2. ledd. Eit stort tal med verdifulle kulturminne er freda. Gjennom Kulturminneloven er kulturminne frå oldtid og mellomalder (inntil år 1537), ståande bygningar eldre enn 1650 og samiske kulturminne eldre enn 100 år automatisk freda. Lova inneheld òg eigne lovføresegner om vern av skipsfunn. Kulturminneloven 4 inneheld ei liste av ulike typar kulturminne som er automatisk freda. I kulturminneforvaltninga vert det også ofte skilt mellom automatisk freda kulturminne, også kalla fornminne og nyare tids kulturminne. Hovudperiode Underperiode Datering før/e. Kr. Eldre steinalder Tidlegmesolitikum f.kr. (mesolitikum) Mellommesolitikum f.kr. Seinmesolitikum f.kr. Yngre steinalder (neolitikum) Tidlegneolitikum f.kr. Mellomneolitikum A f.kr. Mellomneolitikum B f.kr. Seinneolitikum f.kr. Eldre bronsealder f.kr. Yngre bronsealder f.kr. Eldre jernalder Førromersk jernalder 500 f.kr. - år 0 Romartid År e.kr. Folkevandringstid e.kr. Yngre jernalder Merovingartid e.kr. Vikingtid e.kr. Mellomalder Tidleg mellomalder e.kr. Høgmellomalder e.kr. Seinmellomalder e.kr. Figur 4 Dei arkeologiske periodar Dei aller fleste av dei automatisk freda kulturminna er enno ikkje registrert. Det er ulike årsaker til dette. Mest vanleg er at dei ligg under dagens markoverflate, og ikkje er synlege. Det kan og skuldast at ein aldri har leita etter kulturminne i desse områda, eller at kulturminna er så overgrodd at dei ikkje lenger er synlege. Så lenge kartfesting og registrering av automatisk freda kulturminne aldri vil bli fullstendig, er ein i offentleg forvalting og arealplanlegging avhengig av den informasjonen og dei data kulturminnevernet får fram gjennom registreringsarbeidet. Ved planlegging av offentlege og større private tiltak pliktar den ansvarlege å undersøke om tiltaket vil virke inn på automatisk freda kulturminne, jf. Kulturminneloven 9. Kulturminne frå nyare tid (yngre enn 1537) har meir eller mindre stor verneverdi, men er med unntak av ståande bygningar eldre enn 1650 i utgangspunktet ikkje automatisk freda. Dei kan verte freda etter 15 i Kulturminneloven eller verte regulerte til vern med heimel i Plan- og Side 6

9 bygningsloven. I Sefrak-registeret er kulturminne frå før 1900 (hovudsakleg ståande bygningar) registrert. I nokre områder er òg kulturminne frå etter 1900 Sefrak-registrert. 4. Området Planområdet ligg i Søreide Sentrum og strekkjer seg på begge sider av Steinsvikvegen og Rv 556. Området aust for Rv 556 vart undersøkt av Byantikvaren i Den delen av planområdet som var mål for undersøkinga i 2010 kan delast i tre område. Figur 5 Områda som vart registrert under undersøkinga er markert med raud farge og nummerert for referanse vidare i dokumentet Område 1 og 2 ligg aust for Søreide sentrum, 1 på nordsida og 2 på sørsida av Steinsvikvegen. Desse områda ligg på høvesvis gnr 36/1, 36/309, 36/408, 36/440, 36/442, og gnr 36/3 og 36/442 og vart undersøkt ved søkesjakter. Område 1 og 2 ligg nær kvarandre og er relativt like når det gjeld topografi og vegetasjon. Områda er gammal slåttemark der det har vore pløgd opp til moderne tid. Vegetasjonen er i dag i hovudsak gras. Område 1 har eit noko flatt, skogkledd parti på toppen av ein åsrygg, medan område 2 og hovuddelen av område 1 er slakt skrånande lende ned mot Steinsvikvegen, med naturlege terrassar. Det er lite jord og fleire stader stikk det synleg berg opp i dagen. Vegetasjonen ber preg av gamalt jordbrukslandskap, med slåttemark som no er i ferd med å gro til. I kanten av Steinsvikvegen ligg det ein høgspentkabel, men elles er det lite kablar i desse områda. Område 3 ligg nordvest for Søreide Sentrum, vest for RV 556 og kort veg frå Dolvika, på gnr 35/6. Dette området vart undersøkt ved prøvestikking. Denne delen av planområdet ligg på ei lågare høgd enn resten av området. Her er eit daldrag mellom ein bergrygg med RV 556, og skrånande terreng opp mot byggefelt på Søreideneset i vest. Området ber preg av at det i dag er lite aktivitet her. Området er lunt og fuktig, dette gjev svært høg og tett botnvegetasjon. Det er lite med tre og buskar i området. Ein bunker/fjellhole er sprengt inn i berget under RV 556 og ligg i austre kant om lag midtvegs inne i område 3. Side 7

10 5. Tidlegare registreringar og funn i området Delar av området i reguleringsplan for Søreide Sentrum vart registrert av Byantikvaren i Bergen ved Øystein Skår og Nils Ole Sundet i perioden Det vart under dette arbeidet påvist fem forhistoriske lokalitetar og dokumentert to nyare årestover/eldhus. Dateringane frå lokalitetane strekte seg frå eldre bronsealder til merovingartid i yngre jernalder. Det er tidlegare kjent automatisk freda kulturminne i nærleiken til planområdet. Det var ikkje kjend automatisk freda kulturminne innanfor områda som var aktuelle for denne registreringa før arbeidet tok til. Det er tidlegare gjort utgravingar av hellarar og buplassar ved Straume Ruskeneset rett nord for planområdet. Det er mellom anna gjort utgravingar i Dolvika og i to hellarar på gnr 35 og 36 på Ruskeneset. På Ruskeneset vart det gjort funn frå yngre steinalder, men òg spor etter eldre jernalder. Under utgraving i Dolvika på gnr 34 bnr 2, 3 m. fl vart det avdekka to steinalderlokalitetar med spor frå seinmesolitikum, tidlegneolitikum og mellomneolitikum. Det vart i tillegg undersøkt ei aktivitetsflate med dyrkingslag og aktivitetsspor frå eldre bronsealder til middelalder. Det er gjennom tida gjort fleire lausfunn i området kring planområdet. Mellom anna er her funne ein flintdolk på gnr 35/17, ei skafthulløks på gnr 35/132,162, ei trinnøks på gnr 35/243, 235, ei trinnøks på gnr 35/87, og 10-20meter sørvest frå Søreide skole er det funne ei flekke og ein pilspiss. For ei meir utførande skildring av funn i området, sjå rapporten frå arbeidet i 2005 (ref. under). Kjelder: Innberetning om registrering. Søreide, Ytrebygda, gnr 35, bnr 2, 688 mfl. Byantikvaren i Bergen Figur 6 Tidlegare registrerte kulturminne i området. Kart frå kulturminnedatabasen Askeladden. Side 8

11 6. Metode Sidan førhistoriske spor etter menneske ofte ikkje er synleg på markoverflaten, vil registreringsmetode vanlegvis innebere graving manuelt med spade, prøvestikking eller ved hjelp av gravemaskin, maskinell flateavdekking. I område kor ein reknar med funn av synlege kulturminne vert det søkt i overflata. Ofte vert fleire metodar nytta på ei og same registrering. Kva metode som er vald avheng av topografi, høgd over havet og kva type kulturminne ein reknar med å kunne påvise. Prøvestikking er den mest nytta metoden for å påvise kulturminne frå steinbrukande tid, men kan også nyttast til å påvise yngre kulturminne. Ved bruk av denne metoden sonderar ein fyrst med eit jordborr etter lausmassar. Ved påvising av lausmassar grev ein så prøvestikk med spade. Prøvestikka er om lag 40 x 40 cm. Den oppgravne massen under torva vert vassålda i såld med 4 millimeter maskevidde. Slik vil funn av reiskap og avslag etter reiskapsproduksjon vere lett å finne. Maskinell flateavdekking er ein arkeologisk registreringsmetode ofte nytta til å påvise automatisk freda kulturminne i dyrka mark. Metoden går ut på at ein fjernar jordlag med gravemaskin ned til undergrunnen eller til uforstyrra lag med funn av forhistoriske spor. Når den overdekkande jordmassen blir fjerna av gravemaskina føl arkeologane maskina og reinsar fram den avdekka flata for å påvise spor etter førhistorisk aktivitet. Slike spor er til dømes stolpehol og veggriller etter hus, ulike typar nedgravingar som graver, kokegroper og eldstadar, ardspor etter førhistorisk jordbruk eller restar av kulturlag eller dyrkingslag. Ved registreringa er det opna opp søkesjakter i ikring tre meters breidde og i varierande lengde. Ved overflateregistrering vert området som skal undersøkast synfare systematisk med tanke på synlege kulturminne. Synlege kulturminne kan vere gravminne, hustufter, helleristningar, bergmalingar, steingjerder, geilar, jakt- og fangstanlegg, kolgroper, vegar og vegfar, hellerar, runesteinar jernvinne, steinbrot, bygdeborgar. Landskapet har endra seg mykje sidan førhistorisk tid; enten ved at tidlegare tidars busetjingsområde har gått ut av bruk og grodd att, ved moderne påverking eller ved landheving. Det er utarbeidd kurver over eldre strandlinjer for Hordaland (Lohne 2006; sjå også Rommundset 2005 og Vasskog 2006).Dette kan vere ein god reiskap til å forstå landskapsendringar over tid. Strandlinekurver er også ein metode ein nyttar for å datere steinalderlokalitetar innanfor ei gjeve ramme. Ei strandlinjekurve for det gjeldane området er vist på figuren under. Side 9

12 Strandforskyvningskurve for UTM Ø, Høyde Tid (kalender år: + tall = f.kr, - tall = e.kr) Figur 7 Strandforskyvingskurve for Søreide, Bergen kommune På bakgrunn av kunnskap om tidlegare kjende kulturminne i området, terrenget og nærleik til sjøen kunne ein venta å finne spor frå steinalder i område 3, og frå bronsealder og jernalder i område 1 og 2 innanfor planområdet. Ved registreringa vart det prøvestukke, sjakta med gravemaskin og søkt i overflata etter synlege kulturminne. Område 1 og 2 vart sjakta med gravemaskin, og område 3 prøvestukke manuelt. 7. Undersøkinga Arbeidet vart utført med sjakting med maskin i område 1 og 2 i perioden , og med manuell prøvestikking i område 3 i perioden vart arbeidet utført av Heidi Joki og Solveig Lohne Rongved av Solveig Lohne Rongved og Jostein Aksdal, av Solveig Lohne Rongved og Øystein Skår, av Solveig Lohne Rongved. I perioden vart arbeidet utført av Solveig Lohne Rongved og Anja Sveinsdatter Melvær. I område 1 og 2 vart det grave til saman 17 sjakter, høvesvis 14 stk i område 1 og 3 stk i område 2. I 8 av sjaktene vart det gjort funn av automatisk freda kulturminne, 9 sjakter var utan funn av kulturminne. I område 1 var det 5 sjakter med funn, i område 2 var dei tre sjaktene og med funn. Totalt vart det opna opp eit areal på 1011 m2. I området som vart sjakta vart det påvist 15 kokegroper fordelt på 4 sjakter. Det vart registrert 10 område med eldre dyrking, fordelt på 6 sjakter. Side 10

13 Figur 8 Oversiktskart over resultatet av undersøkinga I område 3 vart det grave manuelle prøvestikk. Det vart tatt 19 prøvestikk der alle var negative. Det vart observert mange moderne forstyrringar i området i form av grøfter og kummer, og det er påfylte jord og steinmassar i store delar av området. Side 11

14 Figur 9 Oversiktsbilde av område for manuelle prøvestikk Figur 10 Negative prøvestikk i område 3 Side 12

15 Det vart påvist tre automatisk freda lokalitetar innanfor planområdet. To av desse ligg i område 1, og ein i område 2. Ein dyrkingslagslokalitet, og to lokalitetar med dyrkingslag og kokegroper. Av nyare tids kulturminne er det ein steingard i austre del av område 1. Figur 11 Kart over daterte strukturar og dyrkingslag 7.1 Automatisk freda kulturminne Det er registrert tre lokalitetar med automatisk freda kulturminne. ID ID ID Dyrkingslag og kokegroper Dyrkingslag Dyrkingslag og kokegroper Askeladden ID nr Dyrkingslag og kokegroper Lokaliteten ligg i slakt skrånande terreng på mark som tidlegare har vore dyrka og slått, men som har lagt brakk nokre år. Den lågast liggjande delen av lokaliteten ligg på om lag 21moh, og lokaliteten skrår opp til om lag 26 moh. Det er fire sjakter på lokaliteten, alle med funn. Totalt er det avdekka om lag 375m2 på lokaliteten, og lokaliteten dekkar om lag 3574m2. Det er tynt overdekke med jord på berget i området, og i matjorda ligg direkte på berget i store delar av området. På små flater i berget har det samla seg litt meir masse, og det er på desse flatene der er gjort funn av kokegropet. Dette er mest situasjonen i alle sjaktene der det Side 13

16 er kokegroper. Dyrkinga er på flatare område og nedst i sjaktene der desse vert djupare. Kokegropene ligg gjerne tett i berget, anten dette er vitra eller ikkje. Figur 12 Oversikt over område 1, lokalitet Figur 13 Oversiktskart lokalitet Side 14

17 Avgrensing Lokaliteten er avgrensa ved funntomme sjakter, veg, og topografiske høve i form av berg i dagen og hellande terreng. Fleire stader kring lokaliteten er det svært grunn matjord, og berg stikk opp i dagen. Det er difor trekt færre avgrensingssjakter kring lokaliteten enn det som elles ville vore gjort dersom det var meir lausmasse å sjakta i. I sør er lokaliteten trekt til der terrenget skrår oppover mot Steinsvikvegen. Funn Her er registrert 13 kokegroper og 3 område med dyrkingslag på lokaliteten. Eit av dyrkingslaga, lag 4 i profil 3, er C14- datert til f. kr, 2950±40 BP (Beta ). Ei av kokegropene, ID , er C14-datert til e. kr, e. kr, e. kr, 1660±40 BP (Beta ). Nr Type lengde breidde djupne form sider botn merknad 1 Kokegrop 65 Sirkel Delvis avdekka 2 Kokegrop Sirkel Vitra/brent stein. C14 datert 3 Kokegrop Sirkel? Delvis avdekka 4 Kokegrop Sirkel Skadd av grøft og S5 5 Kokegrop Avlang? Uklårt avgrensa, delvis avdekka 6 Kokegrop Sirkel Brent stein 7 Kokegrop Bua Flat Gjennomgrave med maskin. Dokumentert i profil 8 Kokegrop Oval? Delvis avdekka. Litt utdradd i sørenden. Mykje skjørbrent stein 9 Kokegrop Oval? Delvis avdekka. Usikkert om det dreier seg om ein struktur eller to. 10 Kokegrop Oval? Utdradd i lengderetninga til sjakta 11 Kokegrop Delvis avdekka 12 Kokegrop Sirkel 13 Kokegrop Utydeleg avgrensa Figur 14 Strukturliste lokalitet Sjakt 1 I sjakt 1 vart det funne 6 kokegroper og ein dyrkingsprofil med fleire lag. Kokegropene ligg om lag midt i sjakta, og forsvinn inn i profilen på begge sider av sjakta. Gropene ligg på eit flatare område i sjakta, mellom vitra berg i nord og ei grøft i sør. Grøfta har truleg skadd S 4 og S 5. Sør for grøfta går det bratt nedover, og her er det dyrkingslag. Matjorda over strukturane er om lag 30-40cm tjukk, og strukturane har best tilstand av alle strukturane funne under registreringa. Her er mykje vitra berg, og det er difor svært vanskeleg å sei kor vidt vitra stein i kokegropene er brent eller naturleg vitra. I lausmassane ved sjakt 1 på same høgd som strukturane vart det gjort lausfunn av keramikk og brent bein. Det vart funne to bitar med keramikk, det eine om lag 3cm x 2,5cm, det andre 1cm x 2cm. og eit lite fragment av brent bein. Begge keramikkbitane er magra med asbest, den største biten er truleg del av eit spannforma leirkar. Det minste fragmentet ser ikkje ut til å vera frå same kar som det andre fragmentet. Side 15

18 Figur 15 Reinteikna planteikning sjakt 1, Lok ID Skravert område markerer dyrking Strukturane er alle kokegroper, og er grave ned i den gyllenbrune undergrunnen. Struktur 1, 3 og 5 er berre delvis avdekka i sjakta, og forsvinn inn i profilveggane. S 1, ID : Kokegropa ligg halvvegs inne i vestre sjaktvegg. Tydeleg sirkulær og kraftig. Mykje kol. Tydeleg sirkelforma struktur, om lag 65cm N-S cm Ø-V på det meste. S 2, ID : Kokegrop ligg midt i sjakta. Mykje stein i gropa, særleg frå midten og sørover. Kraftig kolhaldig. Tydeleg avgrensa og sirkulær, 1m10cm Ø-V, 1m N-S. Gropa er C14-datert til e. kr, e. kr, e. kr, 1660±40 BP (Beta ). Det er i nærleiken av S2 at keramikken er plukka i lausmassane over. Keramikken viser då ei samanfall med datering frå S2. Det er grunn til å sjå alle dei påviste strukturane som del av aktivitet i eldre jernalder. Side 16

19 Figur 16 Struktur 2, sjakt 1. Kokegrop. Askeladden ID S 3, ID : Sannsynleg kokegrop. Strukturen er berre i lita grad avdekka i sjakta, og ligg nesten heilt under sjaktveggen i aust. Den delen som er synleg er bua på form og verkar som del av sirkel. Kraftig kolhaldig. 70 cm Ø-V, 40cm N-S på det meste. S 4, ID : Kokegrop, 70cm N-S, 80 cm Ø-V. Gropa verkar liggja under S 5, og er difor truleg eldre. Sirkulær og tydeleg, men verkar grunn. Kanten er meir synleg enn midten av gropa. Litt stein. Gropa ligg i kanten av ei veit som går sør for strukturane, og dette gjer det vanskeleg å sjå klårt korleis høvet er mellom S 4 og S 5. S 5, ID : Kokegrop, 1m50cm N-S og 75cm 1 m Ø-V på det vidaste. Mykje stein og heterogen masse. Stor og kraftig grop, men ikkje sirkulær. Gropa er berre delvis avdekka, og forsvinn inn under austre sjaktvegg. Truleg delvis skadd av veit. Side 17

20 Figur 17 Oversiktsbilde kokegroper sjakt 1. ID , 2, 3, 4 og 5 Dyrkingslag, ID : Sør for veita som går sør for strukturane skrår terrenget bratt nedover, og her er det bevart tjukkare jordlag. Her er ein dyrkingsprofil med fleire nivå. Det er tatt prøve frå tre av laga. Laget startar truleg under grøfta. På grunn av høgspentkabel i kanten av Steinsvikvegen var det ikkje mogleg å grava sjakta lang nok til å finna ut om laget held fram heilt til vegen, eller om det forsvinn når terrenget stig oppover att. Det siste vart tolka som mest truleg. Det er om lag 20 cm matjord og 50 cm grusblanda sand, til saman 70 cm overdekke over dyrkingslaga. Stratigrafi A. Torv og brun, sandblanda grus B. Mørk brun grusblanda sand med einskilde små trekolbitar. C. Lysbrun og mørkbrun grusblanda sand med trekolbitar D. Svart, sterkt humus- og kolhaldig sand E. Lys brun sand med trekolbitar F. Gyllenbrun grusblanda sand. Undergrunn. Figur 18 Utsnitt av teikning profil 1, sjakt 1. ID Sjakt 2 I sjakt 2 er gjort funn av 6 kokegroper og to dyrkingsprofilar med fleire fasar. Lengst nord i sjakta kan òg vera teikn til dyrking. Under graving var det her mykje mørk jordmasse i sjakta, Side 18

21 noko som førte til at struktur 7 vart snitta med maskina og oppdaga i profilen. Strukturane ligg her på eit flatare område lengst nord i sjakta. Deretter føl eit område med skrånande berg under matjord, før terrenget flatar ut på nytt på om lag same høgd som kokegropene i sjakt 1. Her er det dyrking i to nivå under den moderne matjorda. Sør for denne flata går terrenget brattare nedover att, og her er det ein ny dyrkingsprofil med bevarte lag, denne på om lag same høgda som dyrkingsprofilen i sjakt 1. Figur 19 Planteikning sjakt 2, lokalitet Skravert område markerer dyrking. Bølgestrek markerer annan dyrking S 6, ID : Kokegrop. Lita, rund grop med raud, brent stein i. Grave ned i gyllenbrun undergrunn. Tydeleg og kraftig kolhaldig cm N-S og cm Ø-V. S 7, ID : Sannsynleg kokegrop. Gropa vart gjennomgraven med maskin under sjakting og funne i profilen. Gropa ligg rett inntil berget i nord, og er berre 5-10cm tjukk. Massen er sterkt kolhaldig. Er cm lang N-S, og om lag 5-10 cm tjukk. S 8, ID : Kokegrop. Mykje stein i midten av gropa. Forma er dradd litt utover i sjaktretningen (N-S). Gropa er delvis avdekka og forsvinn inn under vestre sjaktvegg. Kraftige kolflekkar. Om lag 75cm vid N-S og om lag 60cm Ø-V på det meste. S 9, ID : Sannsynleg kokegrop. Stor grop med uklår avgrensing og oppbygging. Det er usikkert om det er ei kokegrop med dyrkingslag over, eller om det er to groper som ligg i kvarandre, eller ei grop som er grave ned i ei anna. Sjaktveggen er svært oppsmuldra, og trass i at gropa ikkje er heilt avdekka men forsvinn inn under vestre profilvegg er det vanskeleg å Side 19

22 avgjera kva som er tilfelle. Gropa kan sjå ut til å vera satt saman av ein større og ein mindre del, i hovudsak basert på massen. Massen i hovuddelen av gropa verkar mindre kolhaldig enn i den mindre delen. Medan hovuddelen er sotblanda, er det kraftige kolbitar i den mindre delen. Om lag 1m50cm N-S på det meste og 1m30cm Ø-V på det vidaste. S 10, ID : Kokegrop. Gropa ligg rett på eller inntil vitra berg. Det er mykje vitra stein i gropa, men det er usikkert om denne stammar frå berget eller om den er brent. Gropa er utdradd i sjaktretninga (N-S) Kraftig oppsmuldring i kantane av vitra berg og store kolbitar gjer det vaskeleg å reinsa fram gropa skikkeleg. 85cm lang N-S og 65cm Ø-V. S 11, ID : Sannsynleg kokegrop. Gropa er delvis avdekka og forsvinn inn under austre sjaktvegg. Gropa ligg inntil berg i sør, og det er mykje stein i gropa. Tydeleg kolhaldig masse. 1m lang N-S og 55cm Ø-V. Figur 20 Oversikt strukturar sjakt 2, ID , 7, 8, 9, 10 og 11 Dyrkingslag, ID : Sør for strukturane er det ope, skrått berg i dagen. Sør for dette flatar området ut att og her er det registert dyrkingslag i to nivå under moderne matjord. Det er om lag 20cm matjord over det øvste dyrkingslaget. Det øvste dyrkingslaget er 10-15cm tjukt, medan det nedste er om lag 20cm tjukt. Det øvste laget lag 3 strekkjer seg om lag 7m i sjakta, og smalar av i begge sider. Det er mest synleg i den vestre sjaktprofilen. Overdekket varierer mellom cm matjord. Det nedste dyrkingslaget lag 4 ligg under lag 3 og er synleg i 4m lengde. Laget er kraftigare mørkt på farge enn lag 3 og inneheld meir kol. Laget er berre synleg i vestre sjaktprofil. Det er tatt prøve av lag 3 og lag 4. Lag 4 er C14-datert til f. kr, 2950±40 BP (Beta ). Side 20

23 Stratigrafi 1. Matjord/torv 2. Mørk brun jord/silt med små stein 3. Raudbrun fin silt/sand med kraftige kolspettar. Dyrkingslag 4. Kraftig kolhaldig dyrkingslag 5. Undergrunn. Lys, gyllenbrun sand. Figur 21 Utsnitt av teikning av profil 3, sjakt 2. ID Dyrkingslag, ID : Nedanfor det flatare partiet i sjakt 2 med dyrkingslag ID , er det eit område med grøfter og berg under matjorda. Berget skrår nedover mot sør, og her er det som i sjakt 1 danna djupare massar gjennom jordsig. Profilen er her 80 cm djup og har botn i berg. Det er synleg dyrking i sjaktveggen i sør, vest og aust i området markert på sjaktteikning. 1: Matjord 2: Brun silt med litt større (2-4cm) stein i. 3: Brun, feit silt utan stein 4: Tør, brun silt med småstein 5: Feit, gråsvart silt. Kolspetta 6: Raudbrun, feit silt. Omdanna torv? Kolspetta 7: Lys gråbrun sand og silt. Mykje vitra stein. Ikkje kol 8: Dyrkingslag. Feit, kolhaldig silt. Brunsvart med synleg kol. 9: Vitra stein og sand. Lys gyllenbrun farge Figur 22 Utsnitt av profilteikning profil 2, sjakt 2, ID Side 21

24 Figur 23 Profil 2, sjakt 2. ID Sjakt 3 Sjakt 3 består for det meste av skrått, bart berg under matjord. I sørenden av sjakta er det som i sjakt 1 og 2 danna djupare jordlag og her er det bevart ein dyrkingsprofil. Denne profilen vart ikkje teikna då sjakta måtte leggjast att fort, og det vart prioritert å teikna profilen på same høgd i sjakt 1. Side 22

25 Figur 24 Planteikning over dyrkingslag i sjakt 3, ID Skravert område markerer dyrking Dyrkingslag, ID : Figur 25 Profil mot vest i sjakt 3. Dyrkingslag. ID Side 23

26 Sjakt 7 Sjakt 7 ligg øvst på lokaliteten, og her er det registrert to kokegroper. Denne sjakta startar mest øvst på ein liten rygg som går over området. Her er det mest ikkje noko matjord over berget. Strukturane ligg opp mot denne ryggen under svært tynt overdekke. Kokegropene er grave ned inntil det vitra berget, og er noko dratt utover. Det er vitra berg kring dei på alle kantar i sjakta. Sør for strukturane består det meste av sjakta av vitra berg under matjord. Det er ikkje teikn til dyrking eller andre strukturar i denne sjakta. Det er 15-25cm overdekke over strukturane. Figur 26 Sjakt 7 med ID , lengst bak i biletet. S 12, ID : Kokegrop. 60cm NØ-SV, 55 cm NV-SØ. Tydeleg avgrensa grop som verkar grunn. Sterkt kolhaldig. S 13: ID : Kokegrop. 1m10cm NØ-SV på det meste. 75cm NV-SØ på det meste. Utydeleg avgrensa på grunn av at gropa ligg inntil og kan hende delvis over berget. Sterkt kolhaldig. Sjakt 7 illustrerer situasjonen i området på ein god måte. Strukturane ligg i ei lomme i berget der undergrunnen består av sand og grus. Kring strukturane er det berg eller vitra berg i dagen, og overdekket er svært tynt. Strukturane er dradd utover i massen og er truleg bevart berre fordi matjorda er for tynn til at det kan ha vore pløgd effektivt i området. I sjakt 7 var det ingen spor av dyrking, og dyrkinga på lokalitet avgrensar seg dermed til den nedre delen av lokaliteten, på om lag moh. På grunn av ei grøft mellom Side 24

27 kokegropene og dyrkingslaget i sjakt 1 er det ikkje råd å sei noko om korleis desse ligg i høve til einannan. I sjakt 2 er kokegropene og dyrkingslaga skild frå kvarandre av eit område med eit tynt dekke matjord over berg, og det er dermed heller ikkje her mogleg å sjå samanhengande lag som kan sei noko om korleis dyrkingslaga ligg i profilen i høve til strukturane. Askeladden ID. nr Dyrkingslag Lokaliteten ligg på ei flate som går frå sørvest til nordaust på toppen av ein haug, om lag 26moh. Den omfattar om lag 213m2. Det vart tatt ei maskinell søkesjakt som avdekka om lag 30m2. Undergrunnen er jamn og fin mellom to bergnabbar. Berget ligg grunt i det meste av området kring flata, og registreringssjakta vart avgrensa av berg i begge endar. Lokaliteten er ei fin flate mellom bergnabbane, og skrår svakt nedover mot nordaust. I sørvest stig terrenget oppover til ein liten topp. Utanfor flata skrår terrenget nedover i tre retningar. Lokaliteten er C14-datert til f.kr, og f. kr, 2590±40 BP (Beta ). Figur 27 Oversikt lokalitet Under graving av sjakta vart det observert eit mørkt lag som var synleg i det meste av sjakta. Laget vart tynnare mot den nordaustre enden av sjakta. Laget skilde seg klårt frå den overliggjande matjorda, og vart tolka som dyrkingslag. Mot den nordaustre enden av sjakta vart laget mindre tydeleg. Det er framleis kol i botnen av massen, men den er meir humusaktig og vanskeleg å skilja frå matjorda. Massen vert òg her noko tørr og sprø heller enn feit dyrking. Trass i at laget var klårt synleg under graving er det ikkje klårt definert i nordvestre profil. Det er synleg, men er mykje omblanda i botnen av matjorda. Her er ingen Side 25

28 spor etter strukturar. Tilstanden til lokaliteten verkar god. Det var ingen spor av nedgravingar eller liknande i området. Matjorda er ikkje svært tjukk, men varierer mellom 15 og 25cm. Avgrensing Lokaliteten er avgrensa dels ved den funntomme sjakt 11 i vest, men primært naturleg gjennom topografien på staden. Det vart ikkje tatt fleire sjakter på lokaliteten på grunn av den avgrensa utstrekninga. Figur 28 Oversiktsfoto ID Side 26

29 Figur 29 Planteikning lok Skravert område på sjaktteikning markerer dyrking. Figur 30 Profil 4, sjakt 14. ID Side 27

30 1: Torv/matjord 2: Raudbrun, lys, finkorna siltmasse. Nedgraving? 3: Kolhaldig, mørk dyrkingsmasse. Litt tørr. Datert til f.kr, og f. kr, 2590±40 BP (Beta ) 4: Lys grå sand. Undergrunn Figur 31 Utsnitt av teikning profil 4, sjakt 14. ID Askeladden ID nr Kokegroper og dyrkingslag Lokalitet 3 ligg i skrått, nordvendt terreng. Midt i området er det ein tverrgåande rygg som skapar ei lita flate. Området er gammal jordbruksmark med engvegetasjon. Her er ingen tre eller busker, men eit større innslag av ugras i kantane av området syner at det truleg er noko tid sidan området var i bruk til slåttemark eller liknande. Lokaliteten strekkjer seg truleg over heile området. Øvste del av lokaliteten ligg på om lag 28 moh, og nedste på om lag 20 moh. Lokaliteten ligg mindre enn 50meter frå lokalitet ID Side 28

31 Figur 32 Oversiktsbilde ID Lokaliteten omfattar om lag 2786m2, og er påvist gjennom 3 maskinelle søkesjakter som til saman omfattar eit areal på 205m2. Alle søkesjaktene var positive. På grunn av tidspress vart det ikkje tatt fleire søkesjakter i området. Det vart i tillegg vurdert som utilrådeleg å trekkja fleire sjakter over ryggen midt i området der det vart registrert kokegroper, ettersom dette arealet var avgrensa og det ikkje var ynskjeleg å avdekka for stor del av det. Det er ein del nyare grøfter i området, og høgspentkabel går i kanten av vegen. Side 29

32 Figur 33 Oversikt over lokalitet Avgrensing Området er avgrensa av moderne inngrep. I nord og nordvest ligg vegen, i vest går ein gangog sykkelsti, og området vest for denne er bygd ut. I sør skrånar terrenget brattare oppover til moderne hus, og i aust ligg gardsbygningar. Funn Det er registrert to kokegroper og fleire dyrkingslag på lokaliteten. Eit av laga frå profil 5, VP 13; er datert til eldre bronsealder. Dateringa er f.kr, 3350±40 BP (Beta ). Kokegrop med ID er datert til Romartid, e.kr, 1770±40 BP ( Beta ). Nr Type lengde breidde djupne form sider botn merknad 14 Kokegrop Oval? Utdradd og uklårt avgrensa 15 Kokegrop Oval? Utdradd og uklårt avgrensa Figur 34 Strukturliste lokalitet Sjakt 15 Det vart registrert to kokegroper og fleire dyrkingslag i sjakta. Kokegropene vart registrert på ein rygg som går på tvers over heile området om lag 23moh. Her er svært tynt overdekke, og gropene er truleg sterkt skadd. Personleg kommunikasjon frå grunneigar var at under pløying måtte ein her løfte på plogen for å unngå å treffa stein. Dyrkingslaga er registrert ovanfor og nedanfor ryggen med kokegroper. Ryggen gjer at det samlar seg masse i ei lomme mellom skråninga og der berget løfter seg for å skapa ryggen. Her er det godt bevarte spor etter dyrking. Sameleis er det nedanfor ryggen bevart tjukke masser på grunn av jordsig. Her er òg bevart dyrkingsspor. Side 30

33 Figur 35 Planteikning sjakt 15, lok Figur 36 Oversikt strukturar lok ID , 2 Side 31

34 S 14, ID : Gropa ligg på flatt parti på ein tørr rygg. Den ligg inntil vitra berg, og dette gjer det vanskeleg å sjå ei klar avgrensing. Ein del stein i gropa. 60cm NV-SØ, 50 cm NØ-SV. Gropa er datert til Romartid, e.kr, 1770±40 BP ( Beta ). S 15, ID : 70 cm NØ-SV, 85cm NV-SØ. Utydeleg kokegrop. Kraftige kolfragment er synlege, men elles er massen meir sotblanda enn svart. Uklårt avgrensa inn mot vitra berg. Ser tynn ut. Figur 37 Kokegrop ID Dyrkingslag ID I øvste del av sjakt 15, ovanfor rygg med kokegroper er der eit dyrkingslag under tjukke massar med torv. Laget er datert til f.kr, 3350±40 BP (Beta ). Fargen og djupna til laget minner til dels om dyrkingslaga funne i sjakt 16, ID Side 32

35 1: Torv, gråbrun 2: Sandlinse. Gul. Mykje glimmer 3: Gråbrun torv, meir nedbrutt enn lag 1. 4: Gammal torvlinse. Raudbrun på farge. Nebrutte røter eller greiner er synlege. 5: Mørk brun feit masse. Kolspetta. Tolka som dyrking 6:Undergrunn. Sandblanda strandgrus. Figur 38 Profil 5, sjakt 15. Dyrkingslag. ID Figur 39 Profil 5, sjakt 15. Dyrkingslag ID Dyrkingslag ID Der sjakt 15 held fram på nedsida av den tverrgåande ryggen i området, er det tydeleg dyrking i sjakta. Laget er klårt synleg som sterkt mørk stripe i NØ -profil (jamfør profil 7) men lite Side 33

36 synleg i SV profil (profil 8) trass i at laget var godt synleg i plan under graving. Høvet mellom profil 7 og 8 tyder på at terrenget tidlegare har skrådd nedover mot aust eller nordaust, og at ein gjennom planering av terrenget har skrapa av den sørvestre profilen slik at dyrkinga her no er lite synleg. Laget liknar elles lite på dyrkinga i sørenden av sjakta. To grøfter skjer tydeleg gjennom laget. Profil 7 og 8 er tatt på same stad i sjakta, men er motståande profilar. A: Brun jord/humus med bitar av glas B: Mogleg dyrkingslag. Kolhaldig silt C: Lys grått tynt lag under dyrking. Fin sand. Kolhaldig, mørk brunsvart D: Undergrunn. Lys gulbrun fin sand Figur 40 Utsnitt av profilteikning profil 7, Dyrkingslag ID A: Matjord B: Mogleg dyrkingslag. Tynt og utydeleg, men ellers som lag B i profil 7. C: Gulbrun sand, lik lag D i profil 7. D: Lys grå havleire. Figur 41 Utsnitt av profilteiking profil 8. Dyrkingslag ID Dyrkingslag ID I nordre og nedre del av sjakt 15 vart det under sjakting sett spor av eit tynt, mogleg dyrkingslag med om lag same farge og konsistens som laget i profil 5, 6 og 9. Under om lag 65cm med torv og humus med mykje bitar av tre låg eit tynt, 2-5cm tjukt lag med små kolfragment over undergrunn av strandgrus. Massen er litt mørkare enn strandgrusen og er klårt ikkje humus. Massen verkar som silt/sand, og ein kjenner laget betre enn ein kan sjå det. På grunn av tidspress vart profilen ikkje teikna. Det observerte laget var tynt og lite Side 34

37 samanhengande, og var klårt ulikt frå laget skildra i profil 7 og 8. Ei grøft skjer seg gjennom sjakta og bryt profilen, og det er ikkje mogleg å avgjera kva som er høvet mellom denne dyrkinga og den i profil 7 og 8. Figur 42 Mogleg dyrkingslag i nedre del av sjakt 15, ID Ettersom terrenget flatar ut mot Steinsvikvegen vert dyrkinga tynnare og meir oppblanda i botn av matjorda. Høgspentkabelen langs Steinsvikvegen gjorde at sjakta ikkje kunne forlengast særleg langt ut mot vegen. Sjakt 16 Sjakt 16 vart tatt sørvest for med øvre del av sjakt 15 for å undersøkja utstrekkinga til dyrkingslaget i øvre del av sjakt 15. Sjakta vart tatt ovanfor ryggen midt i området, men vart ikkje trekt ned over ryggen. Det var grøfter i begge endar av sjakta, og svært mykje vatn i sjakta. Dyrkinga er synleg i begge profilane. Dyrkingslag ID Under tjukke torvmassar vart det her registrert eit tynt mogleg dyrkingslag, mykje likt på farge og konsistens som det i profil 5 i sjakt 15. Side 35

38 A: Torv/humus B: Kolstripe/brent kvist C: Humus med mykje rotne tre og litt kolfragment D: Vitra kvit stein, litt tre og kolfragment i humusmasse E: Humus med litt kolfragment F: Humus med røter. Lik lag E G: Dyrkingslag? Siltaktig masse og meir kol enn øvrig masse. H: Undergrunn. Figur 43 Utsnitt av profilteikning profil 6, sjakt 16. ID Sjakt 17 Sjakt 17 vart tatt aust for nordre del av sjakt 15 for å avklara utstrekkinga til dyrkingslaga som var observert i denne sjakta. Sjakta vart grave i knekken mellom skråninga og flaten ned mot Steinsvikvegen. Lengst i sør i sjakta der terrenget var skrått var det bart berg i sjakta, og her er det lite lag bevart. Der terrenget flatar ut er det bevart tjukke lag med torv, og høva er mykje det same som i sjakt 16. Undergrunnen er grov strandsand og leire. Det er bevart mykje trebitar i torva. Her var ingen grøfter, og massane er fuktige. Dyrkingslag ID Dyrkingslaget er tynt og ligg under cm med torv. Den djupe sjakta kombinert med ugunstig lys gjorde det vanskeleg å sjå laget i profilen. Laget verkar på farge og konsistens mykje likt som ID og Side 36

39 A: Torv/humus B: Lys grå sand med mykje stein. Litt trebitar C: Dyrkingslag? Mørk grå våt masse med flekkar av kol. Litt tre. D: Undergrunn. Fin grå strandsand Figur 44 Sjakt og profilteikning sjakt 17, profil 9. ID Oppsummering automatisk fred kulturminne Mange av kokegropene ligg utsett til under tynt overdekke. Særleg er dette tilfelle for ID og 13, og ID og 2. Potensialet for fleire kokegroper er svært stort på lokalitet ID Potensialet er noko mindre på lokalitet ID , der det potensielle området truleg er konsentrert til ryggen midt på lokaliteten. Her er det tynne overdekket grunn til å frykta at eventuelle ytterlegare strukturar her vil vera sterkt skadd. Dei daterte kokegropene stammar frå romartid i yngre jernalder. Dyrkingslaga på lokalitet ID er dei kraftigaste og tydelegaste. På lokalitet ID er det i hovudsak tynnare lag, og dei er mindre samanhengande og meir rota opp i botn av humus. Lokalitet ID held eit godt synleg, men ikkje særleg tjukt dyrkingslag. Massen er klårt dyrkingsaktig og skil seg tydeleg frå matjorda der profilen er god, men profilen er ikkje tydeleg alle stader. Delar av laget er mykje rota opp i botn av matjorda. Alle dei daterte dyrkingslaga er frå bronsealder, og det er fleire lag som ikkje er datert. 7.2 Nyare tids kulturminne I område 1 er det eit nyare tids kulturminne i form av ein steingard. Denne ligg vest for vegen opp mot huset på gnr 36/440, i øvre del av lokalitet ID Side 37

40 Figur 45 Nyare tids kulturminne, Steingard I område 3 er det ein bunker/utsprengt fjellhole. Figur 46 Bunker i fjell under veg ved prøvestikkområde Side 38

41 8. Tolking Funna som er gjort i området spenner over eit tidsrom frå eldre bronsealder til yngre jernalder. I dette er funna gjort under denne registreringa samanfallande med det biletet som vart teikna etter registreringane i 2005, jamfør kapittel 5 i denne rapporten. Under registreringa i 2005 vart det funne dyrkingslag frå bronsealder og jernalder, samt strukturar frå bronsealder og jernalder. Området har truleg vore i omfattande bruk gjennom lengre tid. 9. Konklusjon Kulturminneregistreringa har vist at forslag til reguleringsplan er i konflikt med automatisk freda kulturminne Litteratur Den nasjonale kulturminnedatabasen Askeladden Innberetning om registrering. Søreide, Ytrebygda, gnr 35, bnr 2, 688 mfl. Byantikvaren i Bergen Side 39

42 1. Liste over vitskaplege prøvar, Søreide, Bergen VP Til datering Betanummer Datert 1 C14 Profil 1, lag C Dyrkingsprofil 2 C14 Profil 1, lag D Dyrkingsprofil 3 C14 Profil 1, Lag E Dyrkingsprofil 4 C14 Struktur 2 X Kokegrop e. kr. 1660±40 BP e. kr e. kr. 5 C14 Profil 2, lag 5 Dyrkingsprofil 6 C14 Profil 2, lag 6 Dyrkingsprofil 7 C14 Profil 2, lag 8 Dyrkingsprofil 8 C14 Profil 3, lag 3 Dyrkingsprofil 9 C14 Profil 3, lag 4 X Dyrkingsprofil f. kr, 2950±40 BP 10 C14 Struktur 9 Kokegrop 11 C14 Struktur 12 Kokegrop 12 C14 Profil 4, lag 3 X Dyrkingsprofil f. kr. 2950±40 BP f. kr. 13 C14 Profil 5, lag 5 X Dyrkingsprofil f. kr, 3350±40 BP 14 C14 Profil 7, lag B Dyrkingsprofil 15 C14 Struktur 14 X Kokegrop e.kr. 1770±40 BP 16 C14 Profil 6, lag E Dyrkingsprofil 17 C14 Profil 6, lag G Dyrkingsprofil 18 C14 Profil 9, lag C Dyrkingsprofil 19 Ekstraprøve profil 4, lag 3 20 Ekstraprøve sjakt Strukturliste Nr Type lengde breidde djupne form sider botn Askeladden-ID 1 Kokegrop 65 Sirkel Kokegrop Sirkel Kokegrop Sirkel? Kokegrop Sirkel Kokegrop Avlang? Kokegrop Sirkel Kokegrop Bua Flat Kokegrop Oval? Kokegrop Oval? Kokegrop Oval? Kokegrop Kokegrop Sirkel Kokegrop Kokegrop Oval? Kokegrop Oval? Side 40

43 3. Dateringar Side 41

44 Side 42

45 Side 43

46 Side 44

47 Side 45

48 Side 46

49 Side 47

50 4. Originale sjaktteikningar Side 48

51

52 Side 50

53 Side 51

54 Side 52

55 Side 53

56 Side 54

57 Side 55

58 Side 56

59 Side 57

60 Side 58

61 Side 59

62

63

64 Side 62

65 Side 63

66 Side 64

67 Side 65

68 Side 66

69 Side 67

70 Kultur- og idrettsavdelinga Agnes Mowinckels gt 5 Postboks 7900 N-5020 BERGEN Telefon: