DETALJREGULERINGSPLAN UTVIDING NÆRINGSOMRÅDE HOLLUNDSDALEN 87/20, 54 og 89/104 PLANID: BØMLO KOMMUNE

Transkript

1 DETALJREGULERINGSPLAN UTVIDING NÆRINGSOMRÅDE HOLLUNDSDALEN 87/20, 54 og 89/104 PLANID: BØMLO KOMMUNE PLANOMTALE April 2018 Side 1

2 Innhold 1.0 BAKGRUNN/INNLEIING Bakgrunn PLANSTATUS Kommuneplan Reguleringsplan OMTALE AV PLANOMRÅDET / EKSISTERANDE SITUASJON Geografisk plassering Historikk og arealbruk Eksisterande bygg Eksisterande veg- og trafikktilhøve Naturgjevne tilhøve EIGEDOMSTILHØVE PLANPROSESS MERKNADER TIL OPPSTART AV PLANARBEID OMTALE / KONSEKVENSAR AV PLANFORSLAGET PLANFAGLEGE VURDERINGAR Kulturlandskap og kulturminne Samfunnsverknader Transport Friluftsliv Naturmiljø og Naturmangfaldslova Landskap / Estetikk Universell utforming Born og unge sine interesser Folkehelse ROS- ANALYSE Side 2

3 1.0 BAKGRUNN/INNLEIING 1.1 Bakgrunn Forslagsstillar: KS Sambygg v/ Hans Oskar Vikse Tlf: e-post: Utarbeidd av: Gøtz AS v/ Kari Hilde Rommetveit og Vidar Vedå Sæ 132, 5417 Stord Tlf.: e-post: Tlf.: e-post: Forslagsstillar ynskjer å leggja fram eit forslag til reguleringsplan for delar av gnr. 87 bnr.20, 54 og gnr. 89 bnr. 104, Hollundsdalen, Bømlo kommune. Det vart sendt prinsippsøknad for å melde oppstart av planarbeid Denne vart godkjend (sak 111/16), men med vilkår om at det skulle utarbeidast handelsanalyse som ein del av reguleringsplanen. Bakgrunnen for dette, er at regionale føresegner i «Regional plan for attraktive senter i Hordaland» seier at dersom nytt eller samla bruksareal for detaljhandel i reguleringsplan eller ved søknad om byggjeløyve/ rammeløyve overstig 3000 m2, krevst det samtykke frå fylkeskommunen. Det vert kravd handelsanalyse for å vurdere samtykke. I samband med frådelingssøknad kom det også fram at plangrensa burde justerast litt. Gøtz AS sende då ny prinsippsøknad til kommunen med justert areal, kor ein då presiserte at handelsarealet ikkje vil overstige 3000 m2 BRA her vart søknaden handsama av kommunen (sak 8/17). Søknaden vart godkjent, og kravet om handelsanalyse vart trekt ut hadde ein også møte med Hordaland fylkeskommune for å avklare spørsmål kring den planlagde utbygginga, krav om handelsanalyse m.v.. Representant frå planavdelinga i Bømlo kommune var også til stades på møtet. Ein fekk då m.a. bekrefta at den planlagde utbygginga ikkje utløyser krav om handelsanalyse. Plangrensa vart sett i samråd med kommunen, og vart då tilpassa til eksisterande reguleringsplanar i nord (R-134) og i aust (Reguleringsplan for nytt næringsområde i Hollundsdalen del av 87/3, planid: ). Det vart meld oppstart med denne plangrensa Føremål Føremålet med reguleringsplanen er å leggja til rette for utviding av eksisterande kontor- /næringsbygg, «Kuben», i Hollundsdalen på Bømlo. Området skal regulerast til forretning/ kontor med tilhøyrande veg- og parkeringsareal. Tilkomst vil skje via tilgrensande næringsområde vest for planområdet. Eksisterande vegar, kryss og avkøyrsler frå Fv542 og fram til planområdet skal vere dimensjonert til å tole den trafikkauken som utbygginga medfører. Ein ynskjer også å betre eksisterande varetilkomst og parkering. Som i eksisterande bygg vil det berre verta detaljhandel i første høgda. I 2. etasje skal det etablerast kontorlokale. Utgangspunktet for planen er å utbetre dagens trafikale forhold, auke talet på parkeringsplassar slik at dette tilfredsstiller dagens behov, samt å utvide den eksisterande butikken m.a. for å betre arbeidsvilkåra for dei tilsette, for å kunne tilby eit vareutval som er tilpassa dagens standard, og for å tilpasse arealet i høve til det som er dagens krav hjå kundar og daglegvarekjeda. I tillegg er det leigetakarar i 2. etasje som etterspør større og meir rasjonelle kontorlokale. Side 3

4 Eit overordna mål med reguleringsplanen er å leggje til rette for at fleire verksemder kan etablere seg i området og skape eit godt næringsmiljø. Den planlagde utbygginga vil vere med på å auke attraktiviteten og gjere området meir attraktivt. Planområdet vert totalt sett rekna som godt eigna til føremålet. Konsekvensutgreiing: Planen er vurdert i høve til forskrift om konsekvensutgreiing, og planetaten i Bømlo kommune har konkludert med at planen ikkje skal konsekvensutgreiast, då dette allereie er gjort i samband med kommuneplanarbeidet. Dette vart også avklara under oppstartsmøtet med kommunen Justering av plangrense etter melding om oppstart: Før ein skulle melde oppstart av planarbeidet, vart som nemnt plangrensa tilpassa til eksisterande reguleringsplanar i nord (R-134) og i aust (Reguleringsplan for nytt næringsområde i Hollundsdalen del av 87/3, planid: ) etter ynskje frå kommunen. Det vart då laga eit «hakk» i plangrensa mot R-134 nord, kor det er regulert «gang-/sykkelveg». Biletet viser plangrensa slik ho var vist i oppstartsmeldinga. Raud ring viser tilpassing inn mot R-134. Side 4

5 Biletet viser plangrensa slik ho var vist i oppstartsmeldinga med R-134 i nord og reguleringsplan med planid: med raud skravur i aust. Når ein skulle teikne opp plankartet, så såg ein at det planlagde tilbygget til eksisterande kontor- og næringsbygg «Kuben» vil gå over fleire reguleringsplanar (sjå vedlagd prinsippskisse, teikn.nr ). I reguleringsplanen med planid: i aust er området som tilbygget vil koma inn i regulert til forretning/kontor, så her er det ingen problem. I R-134 i nord, er derimot det arealet som tilbygget vil koma inn i regulert til gang- og sykkelveg. Det er då snakk om eit areal på ca. 12 m2. Det er etablert gangforbindelse mellom busstoppet langs fylkesvegen og næringsområdet lengre vest i dag, så den gangvegen som er vist frå fortauet langs fylkesvegen og opp til næringsområdet i R-134 kjem ikkje til å bli bygd slik. For å sleppe å søke om dispensasjon frå R-134 i samband med byggjemelding av tilbygget til «Kuben», tok ein kontakt med kommunen for å høyre om ein kunne justere plangrensa litt her. Det fekk ein lov til, og kommunen ville ikkje krevje ny oppstartsmelding på grunn av dette. Eigedomsgrensene langs Fv542 vart justert for nokre år sidan etter utvidinga av fylkesvegen, så då meiner ein at det er ryddigast å gå heilt ut til eigedomsgrensa i nord med plangrensa. Dette vert også meir i tråd med dagens situasjon, då det er bygd parkering i dette området i dag. Planområdet er altså utvida ca. 150 m2 i høve til oppstartsmeldinga. Tilsvarande reguleringsplanen i aust, vil då også denne reguleringsplanen erstatte R-134 innanfor det regulerte området. Planområdet utgjer totalt ca. 4,6 daa etter utvidinga. 2.0 PLANSTATUS 2.1 Kommuneplan I gjeldande kommuneplan er planområdet vist som «næringsbebyggelse» med krav til reguleringsplan. Tiltaket vil såleis vere i tråd med overordna plan Side 5

6 Kartutsnitt frå Kommuneplanen. Planområdet ligg også inne med omsynssone H110_6 «drikkevasskjelde og settefiskanlegg», dvs. nedslagsfelt for drikkevatn. Innanfor omsynssona er det forbod mot tiltak som kan forureine drikkevatnet. 2.2 Reguleringsplan Området er ikkje regulert tidlegare. Planområdet grensar til reguleringsplan R-12 «Industriområde, Hollundsdalen» i vest, kor det allereie er eit eksisterande næringsområde. Utsnitt av tilgrensande reguleringsplan i vest, R-12. I nordaust grensar området til reguleringsplan med planid «Reguleringsplan for nytt næringsområde i Hollundsdalen del av 87/3». Dette området er regulert til forretning/kontor. Side 6

7 I Tilgrensande reguleringsplan i nordaust, planid: I nord grensar planområdet til reguleringsplan R-134 «Rv 542 Rubbestad Stokkabekken». Dette området er regulert til køyreveg, gang-/sykkelveg og anna trafikkareal. Tilgrensande reguleringsplan i nord, R-134. Fylkesvegen vart utbetra for nokre år sidan, og ein ser at R-134 ikkje er heilt i tråd med plasseringa av fylkesvegen og det som er bygd. Side 7

8 3.0 OMTALE AV PLANOMRÅDET / EKSISTERANDE SITUASJON 3.1 Geografisk plassering Stord kommune Planområdet ligg like aust for eksisterande næringsområde i Hollundsdalen og eksisterande næringsbygg, «Kuben». Planområdet grensar til Fv542 mot nord og omfattar heile eller delar av eigedomane gnr. 87 bnr.20, 54 og gnr. 89 bnr Kart som viser plangrensa. Denne er altså justert etter oppstartsmeldinga. Sjå kap Oversiktskart over området. Side 8

9 3.2 Historikk og arealbruk Historikk Ein kjenner ikkje til historikk i området som vil vere relevant for- eller i konflikt med planarbeidet. Arealbruk i dag Delar av området er i dag i bruk som parkeringsareal og område for lager i samband med eksisterande næringsområde i vest. Planområdet omfattar elles LNRF-område med fulldyrka jord og innmarksbeite for sau. Arealbruk tilgrensande areal Planområdet ligg like sør for fylkesveg 542, og grensar i vest til eksisterande næringsareal i Hollundsdalen. Det eksisterande næringsområdet i Hollundsdalen har ca. 30 etablerte næringsverksemder i dag. Like vest for planområdet ligg «Kuben». 1. etasje i «Kuben» inneheld per i dag daglegvarebutikk (Coop Extra), Trend Hårdesign AS, Asian restaurant AS, Apply TB AS, Sunnhordland Brannsikring AS (held også til i 2. etasje), Automasjon & Data AS. Til saman utgjer 1. etasjen med detaljhandel ca m2 i grunnflate per i dag. 2. etasje består av div. kontor. Verksemder som held til i 2. etasje er per i dag Bygg Prosjekt AS, Tveit Regnskap AS, Jonsson AS, Tannlegane Lønning AS, Trimclub, Energi Norge AS, Idrift AS og Marine Harvest. «Kuben» er altså er eit mindre kontor- og næringsbygg med eit samla bruksareal for detaljhandel < m2. Eksisterande kontor-/næringsbygg «Kuben» som ligg like vest for planområdet. I nord ligg Fv.542, Bremnesvegen, og mellom fylkesvegen og planområdet er det registrert eit område med sikringssone for drikkevasskjelde og settefiskanlegg (gnr. 67, bnr. 3). I nordaust, på motsett side av fylkesvegen, ligg det nokre bustader. Planområdet er elles del av eit større LNRF-område kor det går beitande sau. Kommuneplanen for Bømlo kommune opnar for utviding av eksisterande næringsområde også sør for planområdet. Side 9

10 3.3 Eksisterande bygg På gnr. 89 bnr. 104 er det i kartdatabasen «Fonnakart» synt eit eksisterande bygg av liten storleik. Dette bygget er fjerna, og det er såleis pr. i dag ingen eksisterande bygg innanfor planområdet. 3.4 Eksisterande veg- og trafikktilhøve Veg Fv.542, «Bremnesvegen» går som nemnt forbi planområdet i nord. Denne vegen har ei fartsgrense på 60 km/t og ein ÅDT på 1300 (tal frå 2016). Frå Fv.542 og rundkøyringa ved Hollundsdalen går det ein veg i sørleg retning. Denne vegen er tilkomstveg til tilgrensande næringsområde i dag. Fartsgrensa her er 50km/t. Biletet viser rundkøyringa ved Hollundsdalen og eksisterande tilkomstveg for næringsområdet som ligg vest for planområdet. Kjelde: google maps). Det er ikkje etablert eigen tilkomstveg innanfor plangrensa i dag, men det er planlagd at tilkomst skal skje via PV1063 i tilgrensande næringsområde. Ein har litt problem med at det kan bli litt trongt for bilane inne på det eksisterande næringsområdet, og då spesielt ved varelevering. Slik dette føregår i dag, så køyrer varebilane på framsida av «Kuben» og rundt på austsida av bygget, kor vareleveringa skjer. Det er då spesielt når dei store varebilane passerer i framkant av bygget, at det vert trongt og uoversiktleg for bilar som skal ut og inn av parkeringsområdet. Ein ynskjer difor å sjå på løysingar for korleis ein kan betre denne situasjonen. Parkering I tilknyting til eksisterande verksemder vest for planområdet er det etablert ein parkeringsplass kor nokre av oppstillingsplassane ligg inne i planområdet på gnr. 87 bnr. 54. Parkeringsplassen vert i dag nytta av eksisterande næringsverksemder på tilgrensande tomt. I alt er det ca. 60 stk. oppmerkte parkeringsplassar i tilknyting til «Kuben» i dag. I tillegg er det oppmerkte plassar i tilknyting til dei to andre næringsbygga (XL- Bygg og Mekonomen) som ligg i tilknyting til «Kuben». Side 10

11 Biletet viser flyfoto over eksisterande næringsområde i vest og vegar og oppmerka parkeringsplassar i tilknyting til verksemdene her. 3.5 Naturgjevne tilhøve Terrengtilhøve/Landskap I Aurland Naturverkstad si landskapskartlegging av Hordaland fylke, ligg planområdet innan Landskapsregion 20, Kystbygdene på Vestlandet. Delar av planområdet er planert som ein del av det eksisterande næringsområdet i vest. Dette området er planert på ca. kote +33. Det er etablert ein mur i grensa mellom eksisterande næringsområde og LNF- området i aust. I LNF- området er terrenget kupert og det er fjell i dagen fleire stader. Den høgaste haugen innanfor plangrensa ligg aust i planområdet på ca. kote +35. Side 11

12 Biletet viser muren som er etablert i grensa mellom LNF- området og eksisterande næringsområde. Til venstre i biletet ser ein kor kupert området innanfor plangrensa er. Arealis viser at grunnen i planområdet består av metateksitt (svak migmatittisering), xenolitter av kalksilikater, glimmerskifer, kvartsitt, marmor, og ureine kvartsitt- og glimmerskiferlag (figur 4). Lausmassane i området er beskrive som bart fjell, der meir enn 50% av arealet er fjell i dagen. Det er ikkje registrert rasfare i området, og «Nasjonalt aktsomhetskart for radon» viser at aktsemdgraden i området er «moderat til låg». Geologisk kart over området. Heile planområdet ligg innan gult felt kor bergarten metateksitt dominerer. Vegetasjon Det meste av planområdet består av fulldyrka jord og innmarksbeite. Planområdet er dominert av graminider; gras og andre einfrøblada planter (sjå figur 5). Ein finn elles enkelte innslag av buskar (einer) og trær (gran og bjørk), til saman ca. 10 stk. individ. Det er ikkje registrert nokon sjeldne eller trua artar i område. Det er heller ikkje registrert nokon svartelista artar som er framand /truande i høve til norsk biologisk mangfald. Side 12

13 Planområdet sett i frå nord ( Forureining Det er ikkje registrert skadelege radonførekomstar (aktsemdgrad 1) eller andre ureiningar i grunnen. Når det gjeld eksisterande miljøpåverknader, så ligg planområdet i nær tilknyting til fylkesveg 542 og delvis innan gul støysone (figur 6). Gul støysone= Dba. Dersom ein ynskjer å byggja ut innanfor gul støysone kan det verta krav til støydempingstiltak. Ein kjenner elles ikkje til andre forureiningar som t.d. støv, elektromagnetisk stråling m.v. innanfor planområdet i dag. Støysonekart. Delar av planområdet ligg innan gul støysone= Dba (Statens vegvesen, 2016). Sol- og utsiktsforhold Ikkje relevant for det tiltenkte formålet. Verneinteresser Det er ikkje registrerte verneinteresser innanfor planområdet. Side 13

14 4.0 EIGEDOMSTILHØVE Planområdet omfattar heile eller delar av eigedomane gnr/bnr. 87/20, 87/54 og 89/104. Gnr. 87 bnr. 20 er eigd av Gnr. 87 bnr. 54 er eigd av Gnr. 89 bnr. 104 er eigd av - Kirsten Oline R. Jordahl - KS Sambygg - Bømlo Bil & Motorservice AS 5.0 PLANPROSESS Oppstartsmøte med kommunen: Prinsippsøknad 1.gong: utsending: godkjent: Prinsippsøknad 2.gong: utsending: godkjent: Melding om oppstart: utsending: Varselbrev Annonse på kommunen sine nettsider Annonse i avisa "Bømlo Nytt" frist: MERKNADER TIL OPPSTART AV PLANARBEID I samband med oppstartsmeldinga er det komen inn nokre merknader som fylgjer vedlagt. Desse har ein summert opp og kommentert nedanfor. Gjer merksam på at plangrensa er utvida med ca. 150m2 i nordleg retning i høve til den plangrensa som vart sendt ut i samband med oppstartsvarselet. Endringa er klarert med sakshandsamar i kommunen. Oversikt merknader: Nr Avsendar Dato Offentlege instansar ( statleg og kommunal) 1. Fylkesmannen i Hordaland e-post Hordland Fylkeskommune e-post Statens vegvesen e-post Ideelle foreiningar Private 1. Fylkesmannen i Hordaland, Brev Skriv at dei legg til grunn at kommunen gjer ei vurdering av om planarbeidet er i samsvar med overordna plan. Dei ser ikkje at planen er i strid med nasjonale føringar for arealpolitikken, men kjem likevel med nokre innspel: Side 14

15 ROS- analyse: Skriv at det er krav til ROS- analyse i alle plansaker, samt krav til handtering av risiko i plan. ROS- analysen skal vise risiko og sårbarheit som har verknad for spørsmålet om arealet er eigna til utbygging, og eventuelle endringar i slike forhold som følgje av planlagd utbygging. Luftforureining: Viser til retningslinje T-1520/2012 om behandling av luftkvalitet i arealplanlegging. Retningslinja har anbefalte grenser for luftforureining som skal leggjast til grunn ved planlegging av nye verksemder osv. Kjøpesenter: Dei viser til at «Regional plan for attraktive senter i Hordaland» skal leggjast til grunn i den kommunale planlegginga. Dei viser m.a. til føresegn 4.1 kor det går fram at nytt bruksareal for detaljhandel berre er tillate i nærare definerte senterområde. Medverknad Skriv at ein må leggje til rette for god medverknad i planprosessen, og at kommunen har eit særleg ansvar for å sikre at born og unge og andre som treng spesiell tilrettelegging får delta i planarbeidet. Kommentar: Det vert utarbeidd ROS- analyse i tråd med gjeldande krav i samband med reguleringsplanen. Når det gjeld luftforureining, så har ein lagt inn i føresegnene at utslepp frå næringsområdet ikkje må vere til ulempe for luftkvalitet, og til ei kvar tid skal liggje innanfor rammene som er fastsett i «retningslinje for behandling av luftkvalitet i arealplanlegging», T-1520/2012. Arealet ligg i tilknyting til eksisterande næringsområde i Hollundsdalen, og utbygginga vil verta ei naturleg utviding av eksisterande kontor-/næringsbygg i vest (Kuben). Området er avsett til framtidig næringsområde i kommuneplanen, og kommunen opnar altså for denne typen utbygging her. Samla bruksareal for detaljhandel vil ikkje overstige 3000 m2, og det er her berre snakk om å utvide den eksisterande daglegvarebutikken som er i «Kuben» i dag hadde ein møte med Hordaland fylkeskommune, og dei meinte då at den planlagde utvidinga bør kunne godkjennast. Ein vil leggje til rette for god medverknad i planprosessen. 2. Hordaland Fylkeskommune, Senter og tettstadsutvikling: Minner om Regional plan for attraktive senter. Dei peikar på at planområdet ligg ca. 2 km frå Svortland sentrum og at det ikkje kjem fram detaljert informasjon om kva slags handel det skal leggjast til rette for. Dei skriv så at for at sentrumsområde skal fungere optimalt, er det viktig å samle handelstilboda innanfor ei tett kjerne. Handelsetableringar i sentrum skal difor i hovudsak liggje innanfor sentrumsavgrensinga. Dei skriv så at det etter det dei kjenner til ikkje er sett ei sentrumsavgrensing for Svortland. Jf. Regional plan for attraktive senter i Hordaland, gjeld då ei utstrekning på 600 meter frå ytterkant til ytterkant i kommunesenter. Planområdet kan dermed ikkje definerast som ein del av senterområdet på Svortland. Vidare skriv dei at det ligg bygg tett inntil planområdet som er etablert med detaljhandel. HFK gjer merksam på at dei er kritisk til planen dersom det vert lagt til rette for vidare utvikling av detaljhandel i Hollundsdalen. Dei ber om at det vidare planarbeidet skildrar korleis ny utvikling innanfor planområdet stør opp under utviklinga av senterområdet. Meir om samferdsel: Ber om at vegløysingar og forholda for mjuke trafikantar vert skildra i planarbeidet. Side 15

16 Meir om klima og energi: Minner om regional klimaplan for Hordaland som har som mål at energibruken i bygningsmassen i Hordaland skal reduserast med 20% innan 2020 i høve til energibruken i 2017, og 25% i Utslepp av klimagassar frå byggsektoren i Hordaland skal reduserast ved konvertering til alternative fornybare energikjelder og klima- og miljøvenleg materialbruk. Dei ber om at det vert teke omsyn til dette i prosessen vidare. Meir om kulturminne og kulturmiljø: Skriv at dei ikkje har kjennskap til automatisk freda kulturminne i det aktuelle området. Arealet er vurdert til å ha lågt potensiale for funn av uregistrerte kulturminne i marka. Dei har difor ingen avgjerande merknader på noverande stadium. Kommentar: Senter og tettstadsutvikling: Ein er klar over at Bømlo kommune korkje har definert utstrekninga av Svortland sentrum eller andre nærsenter m.m. i kommuneplanen. Dette meiner ein er uheldig, men er noko som må takast inn i kommuneplanarbeidet ved neste rullering. Formålet med reguleringsplanen er å utvide det eksisterande kontor-/næringsbygget «Kuben» med eit tilbygg på ca. 515m2. Det er m.a. ein eksisterande daglegvarebutikk i 1. etasjen til «Kuben» i dag. Det har vore daglegvarebutikk her i ca. 20 år, og den eksisterande butikken har no behov for å utvide. Planen er å utvide daglegvarebutikken med heile 1. etasjen i det planlagde tilbygget. I 2. etasje er det kontor i dag og det er tenkt å ha kontor også i denne etasjen på tilbygget. Det er altså ingen nye handelsetableringar som skal inn her, men ei utviding av eksisterande daglegvarebutikk. På denne måten kan butikken få nyare og meir funksjonelle butikklokale. Dei vil også kunne tilby eit vareutval som er betre tilpassa dagens standard og kunne tilpasse arealet i høve til det som er dagens krav hjå kundar og daglegvarekjeda. Dette vil også skape eit betre arbeidsmiljø for dei tilsette og tryggje eksisterande arbeidsplassar. I tillegg til å fungere som nærbutikk for dei som jobbar i nærområdet, er det eksisterande og planlagde bustadfelt <1 km unna. Det er i tråd med mål satt i pkt. 4.1 i Regional plan for attraktive senter i Hordaland at daglegvarehandel skal lokaliserast nære bustadområde. I tillegg til at det er eksisterande bustader i nærleiken av «Kuben», så er det er ein pågåande reguleringsplan under utarbeiding med mellom bustader på Busthorn. Busthorn ligg ca. 600 m vest for planområdet, på nordsida av Fv542. Eksisterande daglegvarebutikk ser difor at dei har behov for å utvide lokala sine. Elles vil det regulerte området nyttast til tilkomstveg og parkeringsplass for kundar og tilsette. Utbygginga er i tråd med gjeldande kommuneplan, og ein må difor anta at kommunen har vurdert det slik at næringsområdet i Hollundsdalen kan utvidast her. Ein meiner at den ynskja utvidinga av «Kuben» ikkje bidreg til å svekka Svortland sentrum noko nemneverdig hadde ein også møte med Hordaland fylkeskommune for å avklare spørsmål kring den planlagde utbygginga, krav om handelsanalyse m.v.. Ein fekk då bekrefta at den planlagde utbygginga ikkje utløyser krav om handelsanalyse, og at den er av slik karakter at den bør kunne godkjennast i dette området. Samferdsel: Dette er skildra i planomtalen under pkt. 7.0 og 8.3. Klima og energi Ein forutset at Coop- kjeda har fokus på miljø, og at dei er bevisste i sine val av belysning, kjøl/frys mm. Kulturminne og kulturmiljø Ein har lagt inn i føresegnene at dersom automatisk freda kulturminne som gjenstandsfunn, bergkunst, flekkar med trekol eller konstruksjonar blir avdekt under gjennomføring av tiltaket, må dette straks meldast til Fylkeskonservatoren i Hordaland fylkeskommune, og alt arbeid stansast til rette forvaltningsstyresmakt har vurdert funnet, jf. kml. 8, 2. ledd. Side 16

17 3. Statens vegvesen, Skriv at fv.542 er utbetra i Bømlopakken og at vegen har kapasitet til å ta den auka trafikken. Dei har difor ingen merknader til planarbeidet så langt. Kommentar: Ingen kommentar. 7.0 OMTALE / KONSEKVENSAR AV PLANFORSLAGET Arealbruk (pbl 12-5), arealoppgåve Planområdet er totalt ca. Av det er: 1. Bygningar og anlegg ( Nr. 1) Forretning/ kontor, BKB 2. Samferdselsanlegg og teknisk infrastruktur ( Nr. 2) Parkeringsplassar 4,58 daa 0,34 daa 4,22 daa BYGNINGAR OG ANLEGG Forretning/ kontor, BKB Innanfor området BKB kan det førast opp bygningar med kombinerte formål til forretning og kontor. Detaljhandel kan berre godkjennast i 1. etasje. Hovudformålet med reguleringsplanen er å utvide eksisterande kontor-/næringsbygg «Kuben», som ligg på tilgrensande tomt gnr.89, bnr Skisse som viser tilbygget til «Kuben» med lysegul skravur og korleis parkering i tilknyting til området er tenkt. Side 17

18 Tilbygget vil i praksis verta liggjande i 3 reguleringsplanar; R-12, R-134 og reguleringsplan med planid: (sjå pkt. 2.2). Ein hadde først tenkt å regulere heile planområdet til område for forretning/kontor slik som det er gjort i eksisterande reguleringsplan i aust (planid: ), men hadde ein møte med Hordaland fylkeskommune, og dei meinte då at ein heller burde leggje formålsgrensa kring den delen av tilbygget som er omfatta av plangrensa og heller legge det resterande arealet som trafikkareal. Dette har ein difor gjort. Utnyttingsgraden innanfor det området som er regulert til forretning/kontor i denne reguleringsplanen er difor 100%. Retningslinjer for oppføring av bygg er gjeve i tilhøyrande føresegner (sjå vedlegg). Tilbygget til det eksisterande kontor-/næringsbygget vil vere på ca. 515m2 i grunnflate totalt. Ca. 335 m2 av grunnflata til tilbygget vil bli liggjande innanfor plangrensa. 1. etasje vil verta ei utviding av dagens daglegvarebutikk. Totalt vil 1. etasjen få eit samla bruksareal på ca m2. Det arealet som er avsett til detaljhandel vil altså framleis liggje under m2. Oversiktperspektiv teikna av arkitekt JK- arkitektur AS. Det har vore daglegvarebutikk i «Kuben» i ca. 20 år, og butikken har no eit ynskje om å utvide drifta si og betre arbeidsvilkåra for sine tilsette. Det er naturleg for dei som jobbar i «Kuben» og på næringsområdet elles å handle lunchen og daglegvarene sine i denne daglegvarebutikken. Vidare er det i seinare tid etablert fleire bustader i nærleiken som det er, og vil vere naturleg at vil handle daglegvarene sine her. Ein tenkjer då spesielt på bustadfeltet på Raunevarden. Det er også eit større bustadfelt under regulering på Busthorn, som ligg på nordsida av fylkesvegen. Her vil det truleg koma ein stad mellom nye bustadeiningar. Det ligg an til at tilkomst frå fylkesvegen til bustadfeltet på Busthorn vil skje via rundkøyringa i Hollundsdalen. Ein ser det difor som sannsynleg at også ein stor del av desse bustadane vil utgjere kundegrunnlaget for den utvida daglegvarebutikken. Intensjonen er å stimulere til handel i eit allereie etablert kontor- og næringsbygg, og samstundes leggje til rette for ein moderne daglegvarebutikk i nærleiken av der folk bur. Dette er i tråd med regionale føresegner og retningslinjer i Regional plan for attraktive senter i Hordaland (2014). I 2. etasje i det planlagde tilbygget, vil det leggjast til rette for nye kontorlokale. Ved å utvide eksisterande bygg, vil ein kunne endre litt på planløysinga for dei eksisterande kontorlokala, og samstundes få moglegheit til å romme nye kontorverksemder. Byggjegrensa til «Kuben» samt det regulerte området nord-aust for planområdet (reg.plan for nytt næringsområde i Hollundsdalen, del av 87/3, planid: ) ligg i dag ca. 20m frå Fv.542 (senter veg). Området som er regulert til forretning/ kontor ligg lengre vekke enn 20 m frå senterlinja for fylkesvegen, så ein har difor lagt byggjegrensa i formålsgrensa for BKB mot nord. Side 18

19 Vedlagt planomtalen ligg illustrasjonar av korleis ein ser føre seg tilbygget. Illustrasjonane er utarbeidd av jk-arkitektur AS. Ein gjer merksam på at illustrasjonane ikkje er endelege, og at det kan førekome endringar i samband med byggjemeldinga. SAMFERDELSANLEGG OG TEKNISK INFRASTRUKTUR Parkeringsplassar, SPP1-SPP2 Innanfor SPP1 og SPP2 kan det opparbeidast interne vegar og parkeringsplassar etter nærare godkjent situasjonsplan/utomhusplan. I føresegnene har ein vist parkeringskrava for området, i tråd med kommunen sine krav. Eit anna hovudmål med reguleringa er å betre trafikkløysinga, utvide dagens parkeringsplass og betre situasjonen ved varelevering. Når ein no skal utvide «Kuben» og den eksisterande daglegvareforretninga, så ynskjer ein å flytte hovudinngangen til motsett side enn det den er i dag. I dag er det daglegvareforretninga som har størst parkeringsbehov og som skapar mest trafikk. Ved å flytte hovudinngangen til austsida så vil ein ikkje berre få fleire parkeringsplassar i tilknyting til «Kuben», men også fleire parkeringsplassar kring inngangspartiet. Illustrasjon av nytt inngangsparti for daglegvarebutikken og tilkomst frå parkeringsplass (jk-arkitektur AS). Dette vil gjere trafikksituasjonen meir oversiktleg. Ein tenkjer også å ta vekk ein del av parkeringsplassane som ligg langs tilkomstvegen nord for bygget i dag, slik at ein får mindre kryssande trafikk. Totalt ser ein føre seg å få inn ca. 150 oppmerkte parkeringsplassar i området kring «Kuben». Ein har også fokusert på å betre dagens situasjon med tanke på varelevering. I dag føregår all vareleveringa slik at transportbilane køyrer inn på framsida av «Kuben» (mellom fylkesvegen og «Kuben») og rundt på austsida av bygget. Ein har sett at denne løysinga ikkje er så god, då større varebilar ofte kjem i konflikt med personbilar som skal rygge seg ut/inn av parkeringsplassane. Ein har difor sett på nye løysingar i samband med varelevering, og planen er at denne etter utvidinga av «Kuben» skal føregå i området kring det sørvestlege hjørna av bygget. Side 19

20 Varelevering merka med raudt. TEKNISKE ANLEGG Vatn og avlaup Området vert tilknytt off. vass- og avlaupsanlegg som ligg i nærleiken. Det nye tilbygget vil kople seg på eksisterande vatn og spillvatn i dagens bygg. Overvatn Planområdet ligg innanfor omsynsona for drikkevatn i kommuneplanen. Terrenget i dag har naturleg fall ned i området som leier mot drikkevatnet, Selsvatnet, men det ligg i luftline vel 800m frå drikkevatnet. Pr i dag så ligg det landbruksland med beitande dyr samt Fv542 mellom planområdet og drikkevatnet. Slik me kjenner til det, så blir ikkje overflatevatnet frå desse områda reinsa, anna enn ved naturleg sedimentering og filtrering, før det renn ut i drikkevatnet. For planområdet så skal det heller ikkje vere noko forureina overflatevatn. Det er berre takvatn og overflatevatn frå parkeringsplassen. Takvatn og overflatevatn frå parkerings- og trafikkareala vil bli samla opp i sandfang og ført vidare til steinfylling i sørlege delen av parkeringsplassen. Sandfanga vil fange opp hovudsedimenta og fyllinga vil bli opp mot 8,0m høg og fungere som ei fordrøyning her før det går over landbruksområdet som overvatnet frå dette området har gjort tidlegare. Ved å gå frå landbruksareal til eit parkeringsareal så vil samtidigheita auke frå ca. 35l/s til ca. 75l/s etter berekningar for 10- minuttsbyge med 20års intervall og klimafaktor 1,3. Difor er det naudsynt med fordrøyning i steinfyllinga. Straum Det er straum i området i dag og det vil ikkje vere noko problem å leggje straum til nye bygg i området. Side 20

21 8.0 PLANFAGLEGE VURDERINGAR 8.1 Kulturlandskap og kulturminne Det er ikkje registrerte automatisk freda kulturlandskap eller kulturminne innanfor området. Det er heller ingen SEFRAK- registrerte bygg i området. Konklusjon: Planen vil ikkje medføre konsekvensar for kulturminne eller SEFRAK- registrerte bygg. Ein har lagt inn i føresegnene at dersom det i samband med gravearbeid kjem fram automatisk freda kulturminne som gjenstandsfunn, flekkar med trekol eller konstruksjonar, må dette straks meldast til Hordaland fylkeskommune, og alt arbeid stansast til rette forvaltningsstyremakt har vurdert funnet, jfr. lov om kulturminne av , andre ledd. 8.2 Samfunnsverknader Lokalt / Nærmiljø Den planlagde utbygginga vil verta ei naturleg utviding av allereie eksisterande næringsområde i Hollundsdalen, og arealbruken er allereie avklara i overordna plan. Planområdet er godt eigna til føremålet med tanke på tilkomst, terreng og landskap, og generelt har ein som mål å skape eit flott og funksjonelt næringsområde som kan verta attraktivt for alle partar. I tilgrensande næringsområde er det frå før etablert om lag 30 næringsverksemder. Eigarane av den eksisterande daglegvarebutikken på «Kuben», Coop Extra, ynskjer å utvide den eksisterande butikken m.a. for å betre arbeidsvilkåra for sine tilsette, for å kunne tilby eit vareutval som er tilpassa dagens standard og for å tilpasse arealet i høve til det som er dagens krav hjå kundar og daglegvarekjeda. Parallelt med dette reguleringsarbeidet er det som nemnt eit pågåande planarbeid på nordsida av fylkesvegen. Her skal ein regulere inn ein stad mellom bueiningar, og den utvida matvarebutikken vil liggja under 1 km vekke frå bustadfeltet som er under planlegging på Busthorn. Innkøyrsla til dette bustadområdet vert via eksisterande rundkøyring i Hollundsdalen, og butikken vil såleis verta ein naturleg nærbutikk for dei som buset seg i det nye feltet. Vidare er det eit nyare bustadfelt lengre vest på Raunevarden som er under utbygging. Det er etablert gangveg frå dette feltet og ut på fylkesvegen, slik at næringsområdet med matbutikk osv. vert lett tilgjengeleg for mjuke trafikkantar. Dette er i tråd med mål sett i «Regional plan for attraktive senter i Hordaland», som seier at «Sentera skal vere tilrettelagt for effektiv og miljøvenleg transport i, til og frå sentrum». I følgje Regional plan for attraktive senter i Hordaland utgjer daglegvarer om lag 35% av detaljhandelen. Nærbutikken med daglegvarer er ein viktig miljøskapande faktor, både i distrikta og i meir sentrale område. Butikken kan fungere som ein møteplass og såleis bidra til trivsel i lokalsamfunnet. Noreg er ein av dei stadane i Europa med høgaste butikktettleik per person med 0,8 butikkar per 1000 innbyggar (tal frå 2014). I 2004 var det 0,9 butikkar per 1000 innbyggjar. Ein ser altså at både storleiken på daglegvarebutikkane og opningstidene har utvida i desse åra. Det er viktig å leggja til rette for at handelstilboda i etablerte næringsområde står i samsvar med etterspurnad og behov og det er positivt for nærmiljøet at det vert lagt til rette for gode og funksjonelle næringsområde. I samband med utbygginga, ynskjer ein også å forbetre dagens situasjon i høve til parkering og varelevering. Dette er positivt for brukarane av området og dermed også nærmiljøet. Kommunalt I Bømlo kommune ynskjer ein vekst og aktivitet. I kommuneplanen for Bømlo kommune er det mellom anna lagt vekt på god utvikling av alle delar av næringslivet, med fokus på entreprenørskap, nyetablerte og eksisterande bedrifter. Eit av måla for kommunen Side 21

22 er å marknadsføra seg som ein attraktiv næringskommune, og gjere det mogleg for unge å flytta tilbake til Bømlo. Området ein ynskjer å regulera er avsett til næringsområde i kommuneplanen og det er etablert infrastruktur i nærområdet. I kommuneplanprosessen har ein kome fram til at dette er eit eigna areal for føremålet. Ei utviding av eksisterande næringsbygg vil mellom anna kunne gje fleire arbeidsplassar, noko som er positivt for både kommunen og innbyggjarane. I samband med utbygging av området skal ein kople seg på offentleg vass- og avlaupsanlegg, og VA- anlegga vert overteke av kommunen. Kommunen har elles ingen ålmenne interesser. Konklusjon: Samfunnsmessig er det ingen negative konsekvensar. Ein ser det som positivt at når utbygginga av området er ferdig så vil området verta meir funksjonelt og næringsområdet utnytta på ein betre måte. Dette vil støtte opp under mål om vekst, aktivitet og næringsutvikling i kommunen. Reguleringsplanen er elles ein privat plan der kommunen ikkje har nokre ålmenne interesser. 8.3 Transport Bil Området vil få tilkomst via eksisterande rundkøyring i Hollundsdalen og vidare via den kommunale vegen KV1063 Hollundsdalen. Utvidinga av den eksisterande daglegvarebutikken med tilhøyrande kontor vil truleg medføre ei lita auke i biltrafikken, men det vil ikkje verta behov for utviding eller utbetring av eksisterande vegar. Statens vegvesen bekreftar dette i sin uttale til oppstartsmeldinga. Som allereie skildra under pkt. 7.0 så har ein i dag utfordringar i samband med vareleveringa. I ny reguleringsplan har ein flytta vareleveringa og gjort parkeringsplassane mellom «Kuben» og fylkesvegen langsgåande. På den måten vert det betre plass på nordsida av «Kuben». Ein har også utvida parkeringsplassen slik at det no vert plass til ca bilar i tilknyting til «Kuben». Alle p- plassane skal vere oppmerka. Side 22

23 Parkering og køyremønster vist med piler. Gang- og sykkelveg Det er etablert fortau langs sørsida av Fv542 Bremnesvegen og opp til eksisterande næringsområde vest for planområdet. Mjuke trafikkantar vil få tilkomst via dette fortauet. Ein kan anten gå på veg/parkeringsarealet framom XL-bygg Kr. Steinsbø/ Blinkhus, eller ein kan gå vidare på fortauet langs fylkesvegen og gå opp ei trapp slik at ein kjem opp mellom XLbygg Kr. Steinsbø/ Blinkhus og «Kuben». Det er lagt til rette for tilkomst til området via fortau og gangvegar frå bustadområdet på Raunevarden. Dette vert det også lagt vekt på når ein planlegg nytt bustadfelt med mellom bustadeiningar på Busthorn. Buss Det går i dag buss langs Bremnesvegen fv542 som stoppar like nord for planområdet (sjå kart under). Dette gjer området lett tilgjengeleg for fleire brukarar. Lokalisering av daglegvarebutikk med kort avstand til busstopp fremjar eit berekraftig reisemønster og styrkjer tilgjenge for brukarane. Handelstilbodet i planområdet vil såleis vere retta også mot Side 23

24 dei som ikkje disponerer bil. Med ein veksande generasjon av eldre, er det grunn til å tru at talet på dei utan bil vil auke i åra som kjem. Den planlagde utbygginga vil ikkje medføre nokon form for ulempe for-, eller endring av eksisterande busstrafikk i nærområdet. Kart som syner eksisterande busshaldeplassar Støy Planområdet ligg ca. 20m frå Fv.542. Statens vegvesen har laga ei støykartlegging langs Fv.542. Støyvarselkartet er utarbeidd etter Miljøverndepartementet si retningslinje for behandling av støy i arealplanlegging (T-1442). Støyvarselkartet viser berekna raud (Lden>65dB) og gul (Lden>55dB) støysone. Delar av planområdet ligg innanfor gul støysone. Sjå kart under pkt Kartlegginga syner anbefalte utandørs støygrenser ved etablering av bustader og annan bebyggelse med støyfølsam bruksformål. Her er det ikkje snakk om å etablere uteopphaldsareal til bustader eller annan bebyggelse med støyfølsam bruksformål, men daglegvarebutikk, kontor og parkeringsareal i samband med kontor- og næringsareala. Ein har lagt inn i føresegnene at det i samband med byggjemelding av tiltak innanfor byggjeområdet skal dokumenterast tilfredsstillande innandørs støynivå i høve til gjeldande forskrifter. Trafikktryggleik Auka trafikk vil normalt gje auka trafikkfare. Det er etablert fortau langs Fv.542 i dag, og dette fortauet svingar opp frå fylkesvegen slik at mjuke trafikkantar kjem seg inn på parkeringsplassen som er etablert i tilknyting til eksisterande verksemder vest for planområdet. Det er også mogleg å kome direkte opp til næringsområdet frå busstoppet i nord via ei eksisterande trapp. I samband med utvidinga av «Kuben» vil ein gjere litt om på parkeringsplassane slik at parkeringsplassane på nordsida av «Kuben» vert langsgåande i staden for vinkelrett på bygget. Dette vil gje betre plass og reduserer rygging på området, noko som gir betre trafikktryggleik. Utvidinga av næringsområdet vil ikkje verta så omfattande at det vil verta behov for ytterlegare trafikksikringstiltak. Alle parkeringsplassar i samband med kontor- og næringsareal skal verta oppmerka, og ein betrar også situasjonen i samband med varelevering. Konklusjon: Utbygginga vil medføre ei lita auke i biltrafikken, men vil ikkje medføre store konsekvensar i høve til tilkomst, trafikktryggleik eller busstrafikk. Ein betrar dagens trafikksituasjon ved å flytte vareleveringa til sørvestsida av Kuben. Når det gjeld støy, så vil bygningane få tilfredsstillande innandørs støynivå i høve til tenkt bruk. Side 24

25 8.4 Friluftsliv Friluftsliv Delar av området er i dag i bruk som parkeringsareal og område for lager i samband med eksisterande næringsområde i vest. Planområdet omfattar elles LNRF-område. Denne delen av området er inngjerda, skjøtt og nytta som innmarksbeite for sau. Ein kjenner ikkje til at det går turstiar gjennom området eller at området vert brukt til utøving av friluftsliv. Det føreligg heller ingen registreringar for planområdet i høve til vern som friluftsområde. Vidare ligg området i nær tilknyting til eksisterande næringsområde og med kort avstand til fylkesvegen i nord. Det er såleis ikkje eit område som er i bruk som friluftsområde, ei heller eit område som er attraktivt til dette formålet. Konklusjon: Tiltaket vil ikkje koma i konflikt med statleg sikra friluftslivområde og området er ikkje godt eigna som friluftsområde generelt. 8.5 Naturmiljø og Naturmangfaldslova Biologisk mangfald Det er ikkje registrert verneverdige naturområde, kulturlandskap, svartelista artar (framande artar som ikkje høyrer naturleg heime i norsk natur), eller raudelista artar (sårbare/ truga) innanfor av planområdet. Planen omfattar heller ingen dammar eller tjern. Ein ser såleis ikkje utbygging i planområdet som ein trussel mot biologisk mangfald. Geologi Bergarten metateksitt er vanleg å finne i Bømlo kommune, og planen omfattar ingen bergartar som krev geologisk vern eller annan form for bevaring. Terrenget tilseier at det er lite fare for ras. I området er aktsemdgraden for radon lik 1 moderat til låg. Nye bygg skal forskriftsmessig sikrast mot radon. Alternativt kan ein føreta radonmålingar for å sjekke om dette faktisk er eit problem i området. Landbruk skogbruk Størstedelen av planområdet består som tidlegare nemnt av fulldyrka jord og innmarksbeite ( Ettersom området har dyrka og dyrkbar jord fell det automatisk inn under Jordlova. I Jordlova 9 står det skrive: «Departementet kan i særlege høve gi dispensasjon dersom det etter ei samla vurdering av tilhøva finn at jordbruksinteressene bør vika. Ved avgjerd skal det mellom anna takast omsyn til godkjende planar etter plan- og bygningslova, drifts- eller miljømessige ulemper for landbruket i området, kulturlandskapet og det samfunnsgagnet ei omdisponering vil gi. Det skal òg takast omsyn til om arealet kan førast attende til jordbruksproduksjon. Det kan krevjast lagt fram alternative løysingar». Planen er i tråd med overordna plan, og delar av området er allereie utbygd med parkeringsplass/ lagring brukt til eksisterande næringsområde på tilgrensande areal i vest. Området elles består av innmarksbeite og fulldyrka jord, brukt som beiteområde for sau. Dette er fråskild med fylkesvegen frå resten av gardsbruket. Området har generelt lite lausmassar og varierande terrengformasjonar med fjell i dagen fleire stader. Slik området står i dag vert det rekna som lite eigna til skogbruk. Side 25

26 Biletet viser kva område som er eigna for jordbruk i planområdet. Kjelde: miljostatus.no. Konklusjon: Utbygging vil alltid ha negative konsekvensar på naturen, og på bakgrunn av føreliggjande og nye registreringar vil utbygging i dette planområdet særskilt påverke innmarksbeite og fulldyrka jord. Området er skild med fylkesvegen frå resten av gardsbruket, og området er såleis noko avgrensa med redusert landbruksverdi frå før. Området er vurdert opp mot naturmangfaldlova 7-12, og utbygging av området reknast ikkje å medføre vesentleg eller irreversibel skade på naturmangfaldet i området. Planområdet ligg elles tett opp mot eksisterande næringsområde og bilvegar. Området er såleis prega av ein del støy frå trafikk og bedrifter, og er i stor grad påverka av tilgrensande areal. Arealbruken er dessutan avklara i kommuneplanen. Inngrepet vert rekna som moderat ut i frå omfang, lokalitet og artsregistrering. For Bømlo sitt naturmiljø vil planen gje få eller ingen konsekvensar. 8.6 Landskap / Estetikk Landskapsvurdering Planområdet har ingen særskilt interessante landskapstrekk som gjer at området utmerkar seg i høve til kringliggjande landskap. Side 26

27 Visuelle inngrep Planområdet ligg tett opp mot eksisterande næringsområde i Hollundsdalen. Utbygginga vil mellom anna verta synleg frå fylkesveg 542, men utforming vil bli av same art som eksisterande utbygging på tilgrensande næringsareal, då det her er snakk om eit tilbygg til det eksisterande bygget «Kuben». Tilbygget vil verta liggjande på same terrenghøgd som Kuben og vil få same høgda på bygget. Ein har lagt vekt på at bygg og infrastruktur skal få ei god landskaps- og terrengtilpassing. Eit tilbygg her vil kunne gjere fasaden på bygget finare enn det den er i dag. Tilbygg sett frå Fv 542. (Jk- arkitektur AS) Størstedelen av planområdet vil verta planert og nytta til parkering. Alle involverte partar er opptekne av at området skal bli fint, og ein har i føresegnene stilt krav til tiltaksklasse 2 for kompetanse i høve til arkitektur/utforming. Fysiske inngrep Området er småkupert, og dei største fysiske inngrepa vil koma i samband med fylling for å få den austlege delen av planområdet opp på same nivå som det eksisterande næringsområdet og ved etablering av natursteinsmurar. Tekniske anlegg skal liggja under veg eller i grøfta langs vegen. Konklusjon Utbygging vil alltid medføre inngrep i naturen. Planlagd utbygging kjem til å verta synleg i landskapsbilete, men vil bli tilpassa eksisterande utbygging i området. Konsekvensen av fysiske inngrep er på bakgrunn av dette vurdert som negativ, men akseptabel. 8.7 Universell utforming I føresegnene har ein lagt inn at det skal leggjast vekt på universell utforming ved detaljregulering av bygg og parkering/ tilkomst innanfor planområdet. Tek17 skal leggjast til grunn ved utforminga av desse anlegga. For alle verksemder gjeld at min. 5% av parkeringsplassane skal vere tilpassa rørslehemma. 8.8 Born og unge sine interesser Arealet vert ikkje nytta til leik og er ikkje i bruk som friluftsområde. Ein er ikkje kjent med at det går stiar eller barnetrakk i området. Born og unge har slik ein ser det ingen interesser i området i dag. Planforslaget vil verta sendt ut på høyring til Barnas representant i plansaker slik at dei får delta i planprosessen. Side 27

28 8.9 Folkehelse Omgrepet folkehelse har ingen overordna definisjon i Noreg, men det tyder dei levekåra som bidreg til å fremja eller hemma god helse i befolkninga. Omgrepet tilseier at dette dreiar seg om summen av dei faktorar som påverkar vår helsetilstand. I statleg og regional folkehelsestrategi er hovudmålsettinga å auke kvardagsaktiviteten til både born og vaksne. Planlegginga skal vere helsefremjande jamfør plan- og bygningslova. I tettstader kring eit senter vert gå- avstand gjerne rekna som 1 km og sykkelavstand som 5 km. Planområdet er knytt opp mot eksisterande gang- og sykkelvegnett, og den utvida daglegvarebutikken vil liggje godt under 1km unna eksisterande bustadfelt på Raunevarden. Det vil også vere gang-/sykkelavstand frå framtidig bustadfelt på Busthorn. Ein har lagt inn i føresegnene at det i samband med byggjemelding av tiltak innanfor byggjeområdet skal dokumenterast tilfredsstillande innandørs støynivå i høve til gjeldande forskrifter. Vidare skal utslepp av støv og andre utslepp frå næringsområdet ikkje vere til ulempe for luftkvaliteten. Planområdet ligg innanfor omsynssone for nedslagsfelt for drikkevatn. Det er berre takvatn og overvatn frå parkeringsareal som kjem til å felle til terreng her. I utgangspunktet så er overvatnet då ikkje forureina og ein tenker ikkje å gjere ekstra tiltak for å reinse det før ein leder det til terreng. Overvatnet vil renne gjennom sandfang og steinfylling før det når terreng. Større partiklar vil vere samla opp i sandfanga og mindre partiklar vere filtrert i steinfyllinga før det når dagens terreng. Overvatnet vil vidare silast i over 100m med beiteland før det når bekk som igjen renn over 800m før det når drikkevatnet. Ein ser at overvatnet frå fylkesvegen som ligg nærare drikkevatnet, heller ikkje er reinsa meir enn dette. Dei planlagde tiltaka medfører såleis ingen negative konsekvensar i høve til folkehelse slik ein ser det. 9.0 ROS- ANALYSE Bakgrunn Hensikta med risiko- og sårbarheitsanalyse er å utarbeide eit grunnlag for planleggingsarbeidet slik at beredskapsmessige omsyn kan integrerast i den ordinære planlegginga i kommunen. For å kunne redusere omfang og skadar av uønska hendingar, slik som uhell, ulukker, driftsstans og katastrofar, er det ein føresetnad at ein først kartlegg risiko og sårbarheit. I tilknyting til dette reguleringsplanarbeidet er det av omsyn til plantiltakets omfang utført ein analyse av risiko og sårbarheitsforhold. ROS- analysen byggjer på føreliggjande kunnskap om planområdet og arealbruken der. Metode Analysen er gjennomført i samsvar med "Samfunnssikkerhet i arealplanlegging - kartlegging av risiko og sårbarhet" frå DSB. Analysen er basert på føreliggjande planforslag med tilhøyrande illustrasjonar og løysingar som der er gitt. Moglege uønska hendingar som kan påverke planområdets funksjon som område for fritidsbustader er vurderte jf. vedlagt sjekkliste. Forhold som ikkje er relevante i sjekklista er ikkje merka. I vegleiaren er analysearbeidet delt inn i 6 fasar: 1. Skildring av analyseobjekt 2. Kartlegging av moglege hendingar og potensielle farar 3. Vurdering av årsaker og sannsyn 4. Vurdering av konsekvensar Side 28

29 5. Systematisering og risikovurdering 6. Forslag til tiltak og oppfølging Risiko uttrykker den fare som uønska hendingar representerer for menneske, miljø, økonomiske verdiar og samfunnsviktige funksjonar. Risiko er eit resultat av Sannsyn (frekvens) og konsekvens av hendingar. Vurdering av sannsyn for uynskte hendingar er delt i: Begrep/ grad av sannsyn Vekt Intervall Svært sannsynleg 5 Meir enn ei hending kvart 20. år Sannsynleg 4 Mindre enn ei hending kvart 20. år, men meir enn ei hending kvart 200. år Noko sannsynleg 3 Mindre enn ei hending kvart 200. år, men meir enn ei hending kvart år Lite sannsynleg 2 Mindre enn ei hending kvart år, men meir enn ei hending kvart år. Usannsynleg 1 Mindre enn ei hending kvart år Vurdering av konsekvensar av uynskte hending er delt i: Konsekvens Vekt Menneske Katastrofalt 5 Meir enn 5 daude, eller 25 alvorleg skada (KBP nivå 3) Kritisk 4 Inntil 5 daude, eller fare for inntil 25 alvorleg skadde personar (KBP nivå 2) Alvorleg 3 Inntil 10 alvorlege personskadar, eller mange mindre personskadar, men med sjukefråver. Vesentlege helseplager og ubehag. (KBP nivå 2) Ein viss fare 2 Mindre skadar som treng medisinsk handsaming, evt. kortare sjukefråver. (KBP nivå 1) Ubetydeleg 1 Ingen eller små personskadar. (KBP nivå 1) Ytre miljø (luft, jord, vatn) Materielle verdiar Varig større skade på ytre Skadar for meir miljø enn kr Alvorleg skade av mindre omfang på ytre miljø, eller mindre alvorleg skade av stort omfang på ytre miljø Store skadar på ytre miljø, men som vil utbetrast på sikt Mindre skadar på ytre miljø, men som naturen sjølv utbetrar på kort tid Ingen eller ubetydeleg skade på ytre miljø. Skadar mellom kr Skadar mellom kr Skadar mellom kr Skadar for inntil kr For å gje ei visuell og kvantifiserbar framstilling av ROS- analysa, er det her nytta ei risikomatrise. Risikomatrisa bidrar til å påpeike kva område det er behov for å iverksette eventuelle avbøtande tiltak, og ROS- analysen har i så måte ein praktisk verdi i gjennomføringa av planen. Konsekvens: Sannsyn: 1. Ubetydeleg 2. Ein viss fare 3. Alvorleg 4. Kritisk 5. Katastrofalt 5. Svært sannsynleg Sannsynleg Noko sannsynleg Lite sannsynleg Usannsynleg Side 29