Sogndal kommune Møteinnkalling Utval: FORMANNSKAPET Møtestad: Formannskapssalen Møtedato: 03.10.2013 Tid: 09:00 Eventuelt forfall skal meldast til telefon 57 62 96 00 - Varamedlemmar møter etter nærare avtale. Sakliste Saksnr. Arkivsaksnr. Tittel 48/13 13/424-12 Formannskapet 03.10. 2013 - Opning, konstituering, orienteringar og meldingar. 49/13 12/3315-54 Revisjon av kommunal plan for fysisk aktivitet, idrett og friluftsliv 2013-2016 50/13 12/3635-13 Boligsosialt velferdsprogram - søknad om å få delta i programmet 51/13 13/1759-6 TV-aksjonen NRK 2013 - Nasjonalforeningen for folkehelsen. Økonomisk støtte. 52/13 13/1846-2 Oppmoding om busetjing av flyktningar i 2014-206 53/13 13/2378-3 Regional plan for fysisk aktivitet, idrett og friluftsliv 2014-2017 - Høyring 54/13 13/3226-2 Fritak frå politiske verv fram til 01.01.2014. 55/13 13/3367-1 Kjøp av bustad - Kongabergvegen 52
56/13 13/771-4 Forskrift for namnsetjing, adressering og adresseforvaltning i Sogndal kommune 57/13 13/2143-3 Namnet Amlabukti og/eller Kaupangerbukti - uttale. Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: www.sogndal.kommune.no Sogndal, 27.09.2013 Jostein Aanestad
Sogndal kommune Sak 48/13 Formannskapet Saksh.: Gerd Kleiven Arkiv: Arkivsak: 13/424 Saksnr.: Utval Møtedato 48/13 Formannskapet 03.10.2013 Sak 48/13 Formannskapet 03.10. 2013 - Opning, konstituering, orienteringar og meldingar. Tilråding: Pkt. 1 OPNING. A. Konstituering av møte: * Møtet lovleg sett med følgjande til stades: * Ordførar Jarle Aarvoll, varaordførar Laura Kvamme, Eline Orheim, Eva Ramstad, Stig Ove Ølmheim, Karin Vikane, Arvid Stenehjem, Heidi-Kathrin Osland, Helge Torstad. * Frå administrasjonen møter rådmann Jostein Aanestad. * Innkalling og sakliste Godkjenning. * Møteleiar: Ordførar Jarle Aarvoll. * Ope møte. B. Protokoll frå møte 15.08.2013 godkjenning. Pkt. 2 ORIENTERINGAR OG DRØFTINGAR A. Orientering frå ordførar: 1. Sognefjordvegen. 2. Eldredagen 2013 3. Møte i Saman om ein bedre kommune 26. og 27. september 4. Besøk frå Gratton skule, venskapsskulen til Kvåle skule frå Sør Afrika veke 39. 5. Fylkesjubileet 250 år. 6. Rauma 11. og 12. september 7. Møte i Ungdomsrådet 17. september B. Orientering frå utval: C. Innspel frå medlemane: D. Orientering frå rådmann: 1. Legevakttelefonen, jf vedlagd kopi av brev frå Luster kommune til Lærdal kommune, datert 20.09.2013. (Arkivsak 12/1530) 2. Stenging av avkøyrsle til gamle Kjørnes, jf vedlegg: Notat til Formannskapet frå Rådmann, datert 27.09.2013 Brev frå grunneigarar på Kjørnes, datert 09.09.2013 Brev frå bebuarar på Kjørnesplatået, datert 29.08.2013 Brev frå grunneigarar, datert 30.08.2013 E-post frå bebuarar Kjørnesplatået, datert 03.09.2013 3. Kjørnesutbygginga 4. Gymnasbygget 5. Prosjektsøknad regionale parkar 6. Utbygging Mundal sentrum 7. Fjordstien Side 3 av 23
Sak 48/13 8. Utbygging Kulturhuset, jf vedlegg : Notat frå Arkitektkontoret A38 ved Gunnar Hageberg, datert 12.09.2013 E. Drøftingar : Pkt. 3 SKRIV OG MELDINGAR A. Høring forslag til forskriftsendring krav om lokalpolitisk behandsling av kvalitetskrav i helse- og omsorgstjenesten. Brev datert 02.07.2013 frå Helse- og sosialdepartementet. (Arkivsak 13/2366). B. Fylkeskommunalt driftstilskot idrettsanlegg 2013. Kopi av brev datert 22.08.2013 til SkiSogn frå Sogn og Fjordane fylkeskommune. (Arkivsal 13/1058). C. Riksveg 5 Kaupangsenteret-Amla. Høyringsbrev framlegg til generell fartsgrense. Brev datert 29.08.2013 frå Statens vegvesen Region Vest. (Arkivsak 13/3033). D. Innspel til kommuneplanen om kommunalt vatn på Fimreite. Skriv datert 08.05.2013 frå Fimreite Grendalag v/gyril Fimreite. (Arkivsak 12/2030) E. Søknad og påminning om vidare driftstilskot for 2014. (Arkivsak 11/3801) F. Informasjon om prosessen rundt omorganiseringa av 110- regionene. (Arkivsak 13/427) G. Fråsegn til offentleg ettersyn av arealdelen til kommuneplanen for Sogndal kommune 2013 2023, med konsekvensutgreiing. Brev frå Fylkesmann datert 25.09.2013. (Arkivsak 12/2030) H. Sogndal kommune Offentleg ettersyn for arealdelen til kommuneplan motsegn. Brev frå Sogn og Fjordane fylkeskommune, datert 26.09.2013. (Arkivsak 12/2030). I. Revisjon av arealdel til kommuneplan. Brev frå Sogn og Fjordane fylkeskommune, datert 10.09.2013. (Arkivsak 12/2030). Vedlegg: Pkt. 2D.1,2,8 og pkt 3. Sogndal 27.09.2013 Merethe Trettenes -konsulent- Side 4 av 23
Sogndal kommune Sak 49/13 Formannskapet Saksh.: Inger Pedersen Arkiv: C21 Arkivsak: 12/3315 Saksnr.: Utval Møtedato 69/12 Formannskapet 27.09.2012 49/13 Formannskapet 03.10.2013 Sak 49/13 Revisjon av kommunal plan for fysisk aktivitet, idrett og friluftsliv 2013-2016 Tilråding: Formannskapet legg framlegg til kommunal plan for fysisk aktivitet, idrett og friluftsliv 2013 2016 til offentleg høyring. Prenta vedlegg: 1. Framlegg til kommunal plan for fysisk aktivitet, idrett og friluftsliv 2013 2016 (vert ettersendt måndag 30.09.13). Uprenta vedlegg: 1. Framlegg til regional plan for fysisk aktivitet, idrett og friluftsliv 2014 2017 2. Kulturdepartementet Rettleiar for kommunal planlegging for idrett og fysisk aktivitet 3. Kulturdepartementet Føresegner om tilskot til anlegg for idrett og fysisk aktivitet 2013. Saksutgreiing Bakgrunn Formannskapet har sett ned ein sakskomité med følgjande medlemar: Ivar Slinde (saksordførar), Vibeke Johnsen, Ove Ellingsen, Kåre Stokkenes og Ingunn T. Løvik. Sakskomiteen sitt mandat var å revidere eksisterande kommunal plan for idrett, friluftsliv, fysisk aktivitet og folkehelse i samsvar med departementet sine retningsliner. Komiteen skulle leggje særleg vekt på oppdatering av handlingsprogrammet og prioritering av tiltak. Satsinga på folkehelse skal vidareførast i planen. Departementet set krav til utforming av planen og planprosess. Planen skal innehalde eit kortsiktig handlingsprogram med dei anlegga kommunen eller andre planlegg å byggje dei neste 4 åra og eit langtidsprogram. I planen skal tiltaka prioriterast mellom handlingsprogrammet og langtidsprogrammet. Prioritering mellom dei ulike tiltaka i handlingsprogrammet skjer ved prioritering av søknadene kvart år. Planprosessen skal mellom anna vere i samsvar med planog bygningslova sine krav om annonsering, høve til å kome med innspel og offentleg høyring. Sakskomiteen handsama framlegg til plan (høyringsutkast) i møte den 20.09.13. Start av planarbeidet har vore kunngjort i lokalavisa og på kommunen si nettside. Sakskomiteen har gjennomført eit ope informasjonsmøte og møte med ungdomsråd, eldreråd og rådet for funksjonshemma som ein del av planprosessen. Alle elevråda i kommunen har òg vorte oppmoda om å kome med innspel til planarbeidet. Innspel på konkrete utbyggingstiltak er innarbeid anten i handlingsprogrammet eller i langtidsprogrammet. Andre relevante innspel er Side 5 av 23
Sak 49/13 omtala eller innarbeid i teksten. Det er formannskapet som gjer vedtak om utlegging til offentleg høyring. Vidare framdrift vil vere: 03.10.13 - Handsaming i formannskapet offentleg høyring 06.11.13 - Høyringsmøte ansvar sakskomiteen 15.11.13 - Høyringsfrist 02.12.13 - Handsaming i sakskomiteen (handsaming av innspel/ferdigstilling) 12.12.12 - Handsaming i kommunestyret. Vurdering Sakskomiteen har vald å nytte den same nemninga på den kommunale planen som fylkeskommunen nyttar på den regionale planen. Sjølv om eksisterande plan vart forlengja med eitt år, vil sakskomiteen rå til at ny kommunal plan skal gjelde for 2013 2016. Vi vil då ha ein oppdatert plan i samband med dei søknadene om spelemidlar som skal prioriterast av kommunen i desember i år, og ny plan vil verte ferdig før fylkeskommunen reviderer sin plan. Alle tiltak det vert søkt om spelemidlar til, må vere med i ein kommunal plan. Nokre kommunale tiltak må òg vere med i den regionale planen, og vi har sett at det er avgjerande for å verte prioritert at desse er med i den kommunale planen før fylkeskommunen startar sitt revisjonsarbeid. Både nasjonale føringar og regional plan for fysisk aktivitet, idrett og friluftsliv set søkjelys på fysisk aktivitet og folkehelse. Den regionale planen har òg med konkrete resultatmål for t.d. omfanget av dagleg fysisk aktivitet for vaksne og barn, frisklivssentral m.m. I den kommunale planen er det gjort greie for status og kva for mål, strategiar og resultatmål vi har på desse områda i kommuneplanen (samfunns- og arealdel) og andre temaplanar. Konkrete tiltak knytt til t.d. fysisk aktivitet og folkehelse i andre planar er ikkje teke opp att i eit eige handlingsprogram i denne planen. Det vil seie at den kommunale planen til ein viss grad vert avgrensa til å gjelde utbygging av ulike anlegg som skal fremje fysisk aktivitet, idrett og friluftsliv. Dette er i tråd med tidlegare praksis. Sogndal, 25.09.13 Jostein Aanestad rådmann Side 6 av 23
Sogndal kommune Sak 50/13 Formannskapet Saksh.: Helga Bakken Arkiv: U71 Arkivsak: 12/3635 Saksnr.: Utval Møtedato 81/12 Formannskapet 25.10.2012 50/13 Formannskapet 03.10.2013 Sak 50/13 Boligsosialt velferdsprogram - søknad om å få delta i programmet Tilråding: Formannskapet sluttar seg til vedlagde søknad om deltaking i i utvikling av bustadsosialt velferdsprogram Vedlegg: 1. Bustadsosialt velferdsprogram oppfølging etter søkekonferansen 15.05.2013, brev frå Husbanken dagsett 12.06.2013 2. Søknad om å få delta i Bustadsosialt velferdsprogram, dagsett 19.09.2013. Bakgrunn: Sogndal kommune fekk i fjor, som ein av to kommunar i fylket, invitasjon til å søkja om å deltaking i Bustadsosialt velferdsprogram som er Husbanken sitt nye strategiske verkemiddel for å setja kommunane best mogeleg i stand til å gjennomføra ein heilskapleg og lokalt tilpassa politikk for vanskelegstilte på bustadmarknaden. Flora kommune vart teken ut til å delta i programmeet. Vi kan søkja på nytt innan 15.10.2013, det er krav at søknaden skal vera politisk handsama. Vurdering: Deltaking i det bustadsosiale utviklingsarbeidet er ein unik sjanse til å styrkja kompetansen og samorda tilboda våre, og difor bør vi søkja på nytt om å få delta i programmet. Side 7 av 23
Sogndal kommune Sak 51/13 Formannskapet Saksh.: Gerd Kleiven Arkiv: X03 Arkivsak: 13/1759 Saksnr.: Utval Møtedato 38/13 Formannskapet 06.06.2013 51/13 Formannskapet 03.10.2013 Sak 51/13 TV-aksjonen NRK 2013 - Nasjonalforeningen for folkehelsen. Økonomisk støtte. Tilråding: Sogndal kommune løyver kr. 7.503,- (Kr. 1 pr. innbyggjar per 2. kvartl 2013) til TV-aksjonen NRK Nasjonalforeningen for folkehelsen 2013. Vedlegg: Brev datert 6.august 2013 frå Fylkesaksjonsleiar Kristin Sandal. Saksutgreiing: TV-aksjonen NRK 2013 går til Nasjonalforeningens arbeid med demens. Pengane frå aksjonen skal gå til forsking for å løyse demensgåta, og dermed gje grunnlag for utvikling av medisin og vaksiner. Over 70 000 menneske har i dag ein demenssjukdom, og det er venta ei dobling dei neste tiåra. Rundt 300 000 menneske er næraste pårørande, og heile Norges befolkning er meir eller mindre ramma. Tilbodet til demenssjuke og deira pårørande skal styrkast, slik at dei kan få fleire gode dagar. TV-aksjonen og pengane frå bøsseinnsamlinga skal også være med på å gje informasjon om sjukdomen, slik at mytane knusast, kunnskapen aukar og dermed gjev eit meir demensvenleg samfunn. Som tidlegare år vert det tilrådd å støtte aksjonen med kr. 1,- pr innbyggar. (7503 ifølge SSB pr. 2. kvartal 2013). I tillegg yter kommunen ressursar i form av sekretærfunksjon, felles informasjonsmøte for kommunane i Sogn og førebuing til sjølve aksjonsdagen. Jarle Aarvoll -ordførar- Gerd Kleiven -politisk sekretær- Side 8 av 23
Sogndal kommune Sak 52/13 Formannskapet Saksh.: Inger Pedersen Arkiv: F30 Arkivsak: 13/1846 Saksnr.: Utval Møtedato 52/13 Formannskapet 03.10.2013 / Kommunestyret Sak 52/13 Oppmoding om busetjing av flyktningar i 2014-206 Tilråding: Sogndal kommune er innstilt på å busetja 30 flykningar i året i perioden 2014-2016. Familiesameining kjem i tillegg. Kommunen ønskjer å prioritere personar frå Sogndal statlege mottak og personar som aktivt ønskjer seg hit, jf. samarbeidsavtalen med IMDI. Vedlegg: Brev frå IMDI dagsett 3.5.13 Bakgrunn: IMDI ber i brev dagsett 3.5.13 kommunen busetje 30 personar i året i 2014, 2015 og 2016. Familieinnvandring kjem i tillegg. Måltala for dei ulike kommunane er framkome i samarbeid med KS. Status busetjing Sogndal kommune har gjort positive busetjingsvedtak over mange år og har sidan 2008 og fram til første kvartal i år busett 122 personar av desse har 37 personar kome i samband med familieinnvandring. Etter oppmoding frå IMDI vart det i 2011 gjort vedtak om å busetje 25 flyktningar + familieinnvandring. Ved utgangen av året hadde vi busett 21 personar og 9 personar i samband med familieinnvandring. Vi hadde då med nokre få unnatak busett dei personane som IMDI fortløpande hadde bedt oss om å busetje. For 2012 vart vi oppmoda om å busetje 20 personar, og kommunen gjorde slikt vedtak i samband med handsaming av økonomiplanen 2012 2015: Sogndal kommune er innstilt på å busetje inntil 20 personar, men slik at familiesameining det første busetjingsåret skal vere ein del av kvoten på 20 personar. I 2012 vart det busett 23 personar, av desse 7 i samband med familiesameining. I 2013 vart det gjort følgjande vedtak: «Sogndal kommune er ein kommune som ønskjer folk velkomne. Sogndal kommune er innstilt på å busette 35 flyktningar i 2013 under føresetnad at vi klarer å skaffe bustad til og integrere dei som skal busetjast. Omfanget av busetjing av primærflyktningar kan bli redusert, dersom det skal busetjast mange familieinnvandrarar før utgangen av 2013. Kommunen ønskjer å prioritere personar frå Sogndal statlege mottak og personar som aktivt ønskjer seg hit, jf. samarbeidsavtalen med IMDI.» Så langt i år har vi busett 29 flyktningar, av desse 10 i samband med familiesameining. Kommunale oppgåver i samband med busetjing av flyktningar Side 9 av 23
Sak 52/13 Dei viktigaste kommunale oppgåvene er: Syte for den første bustaden (medrekna inventar). Flyktningane betalar sjølv vanleg husleige. Leggje til rette for deltaking i introduksjonsprogrammet (norskopplæring, språkpraksis- og arbeidspraksis). Avklaringssamtalar med NAV før ein går ut av introduksjonsprogrammet. Barnehageplass. Barnehageplass vil ofte vere naudsynt for at begge foreldra kan delta i introduksjonsprogrammet. Helsehjelp. Økonomisk rettleiing, introduksjonsløn eventuelt kombinert med økonomisk sosialhjelp. Generell rettleiing og informasjon i samband med integrering. Utover dette har flyktningane rett til dei same kommunale tenestene som andre innbyggjarar. Alle som har rett til det, får tilbod om norskopplæring innan 3 månader etter at det er søkt om det. Språkpraksisplass er ein del av introduksjonsprogrammet og er viktig med tanke på språkutvikling, integrering og sosialisering. Det skal òg gje lokale arbeidsgjevarar høve til å sjå kva for ressursar flyktningane har. Vi ser ofte at ein språkpraksisplass kan føre til betalt sommarjobb eller til og med fast jobb. Flyktningtenesta klarer stort sett å skaffe språkpraksisplass til alle. Det er NAV som har ansvaret for arbeidspraksisplassar og skaffe flyktningane jobb. Her har det til tider vore kapasitetsproblem hjå NAV. Dei fleste klarer å skaffe seg sommarjobb/deltidsjobb medan dei er i introduksjonsprogrammet anten på eiga hand eller som eit resultat av språkpraksisplass. Det er sett i gang eit eige samarbeidsprosjekt mellom norskundervisninga, flykningetenesta og NAV med titelen arbeidsretta introduksjonsprogram, for å styrka samordninga mellom desse tenestene og auke sysselsetjingsgraden blant flykningar. Generell rettleiing og informasjon i samband med integrering skjer individuelt etter behov og i grupper. Det er utarbeidd ein kommunal strategi for busetjing, kvalifisering og integrering av flykningar. Strategien skal sikre brei medverknad i kommunen og lokalsamfunnet når det gjeld busetjing, kvalifisering og integrering, og motivere flyktningane til aktiv deltaking og ta eit medansvar for arbeidet med integrering. Det er òg utarbeidd ein kommunal strategi for arbeidet med minoritetsspråklege barn i barnehagen. Kommunen har bygd opp ei god flyktningteneste og eit regionalt norskopplæringstilbod, og vi får gode tilbakemeldingar frå IMDI på det arbeidet vi gjer. Samarbeidsavtale mellom IMDI Vest og Sogndal kommune om busetjing av flyktningar Avtalen vart godkjend av kommunestyret den 14. juni 2012. Målet med avtalen er å sikre eit tett samarbeid mellom kommunane og IMDI på felt som busetjing, kvalifisering og integrering. I dette samarbeidet vil òg Husbanken og andre statlege aktørar vere sentrale partar. Gjennom avtalen får kommunen fagleg rettleiing frå IMDI, tettare samarbeid med Husbanken og tilgang til utviklingsmidlar. Tilgang til bustader Side 10 av 23
Sak 52/13 Manglande tilgang på bustader er den største utfordringa i samband med busetjing av flykningar. Dei fleste i asylmottak er einslege, og etter avtale med IMDI nyttar vi i stor grad hybelhus/bufellesskap som første bustad. Då er det fleire som deler kjøken og bad. Utfordringa er å skaffe den neste bustaden, slik at vi får sirkulasjon i bruken av hybelbustadene. Den andre utfordringa har vore at relativt mange av dei vi har busett, har status «asyl», og såleis har rette til å søkje om familiesameining innan eitt år innan han eller ho vert busett. Då kan resten av familien kome på relativt kort varsel. Denne delen kan vi til ein viss grad styre sidan vi no skal kunne kartlegge på førehand dei flyktningane vi skal busetje. Men noko familieinnvandring vil vi alltid måtte rekne med, og tilgangen på familiebustader er relativt avgrensa i kommunen. Men samla sett er det positivt å kunne busetje familiar og ikkje berre enkeltpersonar. Kommunen kjøpte i 2012 Leighgota 4, 6 og 8 for bruk til dette føremålet og har i 2013 kjøpt Kongabergvegen 52. Alle kjøp vert finansiert ved bruk av støtte frå Husbanken, der resternade finans- og driftskostnader vert dekka av husleiga. Pr sep. 2013 (Kongabergvegen 52 ikkje rekna med) nyttar flykningetensta 57 overnattingsrom (i bufelleskap og leilegheiter) i kommunal eige og 29 overnattingsrom i den private leigemarknaden. Økonomi Kommunen får statstilskot for dei flyktningane vi busett i 5 år. Satsane vert fastsett kvart år i samband med statsbudsjettet. Tilskotet skal dekke drift av flyktningtenesta, kostnader i samband med busetjing, introduksjonsløn til deltakarane i introduksjonsprogrammet (2 år) og eventuelt økonomisk sosialhjelp dei neste 3 åra. Tilskotet dekker ikkje fullt ut desse kostnadene i 5 år. Det er difor viktig at flyktningane vert kvalifisert for arbeid og får arbeid så raskt som mogleg etter at dei har fullført introduksjonsprogrammet. Ikkje nytta statstilskot vert sett av på disposisjonsfond (flyktningfondet). Det er eiga tilskotsordning for norskopplæringa. I tillegg er det nokre mindre tilskot til barn i barnehage/skule det første året. Vurdering Samla sett er det positivt for kommunen å ta imot flykningar. Flykningar representerer ein del av folkeveksten i kommunen, og er viktig for dekking av arbeidskraftbehovet i regionen i framtida. Flyktningtenesta og norskopplæringa har kapasitet til årleg å ta imot 30 flyktningar. Vi er avhengig av å ha omlag dette nivået på busetjinga, for å kunne ha økonomi til å oppretthalde nivået på flyktningtenesta og norskopplæringa. Utfordringa er tilgang på bustader. IMDI er klar over bustadsituasjonen i kommunen. Rådmannen rå til at kommunen gjer vedtak om busetjing av flyktningar i samsvar med oppmodinga frå IMDI. Sogndal, 13.09.13 Jostein Aanestad rådmann Side 11 av 23
Sogndal kommune Sak 53/13 Formannskapet Saksh.: Inger Pedersen Arkiv: C21 &13 Arkivsak: 13/2378 Saksnr.: Utval Møtedato 53/13 Formannskapet 03.10.2013 Sak 53/13 Regional plan for fysisk aktivitet, idrett og friluftsliv 2014-2017 - Høyring Tilråding: 1. Sogndal kommune vedtek fråsegn til regional plan for fysisk aktivitet, idrett og friluftsliv 2014 2017 slik det går fram av pkt. 4 i saksutgreiinga. 2. Sogndal kommune ber om at følgjande tiltak vert teke med i den regionale planen. a. Kunstgrasbane på Kaupanger b. Kunstgrasbane på Fosshaugane c. Undervarme på Fosshaugane Rehabilitering av basseng ved Fjærland skule. Prenta vedlegg: 1. Høyringsbrev frå Sogn og Fjordane fylkeskommune dagsett 02.07.13. 2. Framlegg til regional plan for fysisk aktivitet, idrett og friluftsliv 2014 2017 (er tilgjengeleg på fylkeskommunen si nettside). 3. Innspel frå Sogndal IL 4. Innspel frå Sogndal Skisenter AS 5. Innspel frå Sogndal idrettsråd 6. Kopi av innspel frå Sogn og Fjordane Skikrins til idrettskrinsen i fylket. Saksutgreiing 1. Bakgrunn Fylkeskommunen har lagt framlegg til regional plan for fysisk aktivitet, idrett og friluftsliv 2014 2017 ut til offentleg høyring med høyringsfrist 01.10.13. Fylkeskommunen ber om innspel til både teksten og handlingsprogrammet. Fylkeskommunen ber òg om at kommunane hentar inn synspunkt frå lokale lag og organisasjonar som grunnlag for si fråsegn. Sogn og Fjordane idrettskrins, Forum for natur og friluftsliv og Funksjonshemma sin fellesorganisasjon er bedt om å samordne innspela frå «sine» organisasjonar. 2. Plandokumentet Planen har sterkt fokus på folkehelseperspektivet og behovet for auka fysisk aktivitet og har eit handlingsprogram med konkrete resultatmål for dei fleste kommunale tenesteområda, t.d. kor aktive barn i skule og barnehage skal vere kvar dag og frisklivssentral i alle kommunar. Planen har ei auka satsing på og omtale av nærmiljøanlegg, friluftsliv og folkehelse i høve til tidlegare planar. I tillegg er det med ein prioritert utbyggingsplan (handlingsprogram) for 2014 2017 og eit langtidsprogram for same periode med ei uprioritert liste. Avhengig av type og storleik er det Side 12 av 23
Sak 53/13 nokre anlegg, der tildeling av spelemidlar vert styrt av den regionale planen. Det vil seie at prosjekta må vere med i handlingsprogrammet for å kunne få spelemidlar i 4 års perioden. For Sogndal kommune gjeld det 7 delprosjekt i regi av Sogndal Skisenter, fleirbrukshall på Kvåle, treningsrom og nye garderobar på Fosshaugane Campus. Desse prosjekta står på den uprioriterte lista. Prosjekta er ikkje med i ekisterande kommunal plan, men er sendt fylkeskommunen som politiske enkeltvedtak. Fylkeskommunen har informert kommunen at det berre er dei tiltaka som var med i ein vedteken kommunal plan, som vert teke med i det prioriterte handlingsprogrammet. I tillegg gjeld dette rehabilitering av bassenget i Fjærland. Dette tiltaket står i eksisterande kommunal plan, men er likevel ikkje kome med i den regionale planen, og fylkeskommunen har bedt oss spele dette inn i samband med høyring av den regionale planen. Fylkeskommunen har òg opna opp for at vi kan spele inn tre nye prosjekt (kunstgras Kaupanger og undervarme/kunstgras Fosshaugane) i samband med kommunen si høyringsfråsegn, sjølv om fristen er gått ut. Desse vil då kunne kome med i langtidsprogrammet (uprioritert liste). Kommunen vart først kjend med desse tre prosjekta for nokre veker sidan. Planen drøftar òg utfordringar knytt til prioritering av anlegg inn mot bruken av spelemidlar. Det er viktig å få til ei god og rett utvikling av ulike anlegg, og behovet for anlegg er framleis stort. Det må sikrast at alle har tilstrekkeleg tilgang til anlegg. Dette problemet er størst, der det bur flest. I eit fylke der innbyggjarane bur spreitt, bør det takast omsyn til geografisk spreiing av anlegg. Alle skal sikrast god tilgang til ulike anlegg utan at reisetida vert for lang. For å nå dette, er det i planen lagt opp til ei sterkare styring av utbygging av anlegg t.d. kor mange kunstgrasbanar og fleirbrukshallar som kan få spelemidlar i dei ulike kommunane. Utifrå ei slik vurdering kan det i følgje framlegg til plan: Kan det byggjast to nye fleirbrukshallar i Sogndal. Etablering av nye hallar bør skje sentrumsnært, der folk bur og gjerne tilknytt ein skule. Det er ikkje rom for å nytte spelemidlar til fleire store badeanlegg. Rehabilitering av symjeanlegg skal prioriterast i fylkeskommunal tildeling av spelemidlar. Sogndal kommune er ikkje med på lista over anlegg som kan få spelemidlar til alpinanlegg Sogndal er mellom dei kommunane som kan få spelemidlar til vidareutvikling og rehabilitering av motorsport anlegg. Det er ikkje rom for å etablere meir enn 45 kunstgrasbanar i fylket (64x100m), og det er folketalet i kvar kommune som avgjer talet på kunstgrasbaner. Når det gjeld alpinanlegg står det følgjande i planen (side 6) Det er 8 større alpinanlegg i fylket. Desse ligg i Eid, Førde, Gloppen, Høyanger, Jølster, Luster, Sogndal og Stryn. Dei fleste av desse har planar om vidare utbygging. Det er ikkje befolkningsgrunnlagg og ressursar nok til større utbyggingar av alle alpinanlegg i fylket finansiert gjennom spelemiddelordninga. Dei anlegga som har høve til å få spelemidlar, er anlegga i Eid, Jølster og Luster kommune. Dette er ei vidareføring frå førre plan. Anlegget i Hodlekve har vore prioritert med spelemidlar i førre perioden, og i framlegg til ny plan er første fase av planlagt utbygging (7 delprosjekt) med i langtidsprogrammet. Sidan 2006 har fylkeskommunen gitt driftstilskot til store og driftskrevjande anlegg med vesentleg innslag av frivillig drift og eigarskap. Sogndal Skisenter har fått tilskot gjennom denne ordninga gjennom «Ski i Sogn» - eit samarbeid mellom Sogndal Skisenter og Sogn Side 13 av 23
Sak 53/13 Skisenter i Luster. Ordninga er ikkje omtala i planframlegget, og fylkeskommunen har opplyst at ordninga er under vurdering mellom anna når det gjeld kriteria for tildeling. Som ein lekk i styringa av fordeling av spelemidlar er det gjort framlegg om slik fordeling mellom dei ulike anleggskategoriane: 15% til nærmiljøanlegg 55% til anlegg styrt av regional plan for fysisk aktivitet, idrett og friluftsliv 30% til ordinære anlegg styrt av kommunale planar. 3. Innspel frå lag og organisasjonar i kommunen 3.1. Sogndal Idrettslag Sogndal IL i samarbeid med Sognahallen planlegg bygging av ny fleirbrukshall på Kvåle. Dei er godt nøgde med korleis dette prosjektet er handsama i planframlegget. 3.2. Sogndal Skisenter AS (Hodlekve) Dei peikar på formuleringa i planen om at det berre er anlegga i Eid, Jølster og Luster kommune som skal kunne få spelemidlar, og meiner at Hodlekve har vore prioritert i førre planperiode. 3.3. Sogndal idrettsråd Idrettsrådet har framlegg til tillegg/endringar i teksten til pkt. 10.2 (aktive nærmiljø), punkt 10.3.2 (organsert aktivitet og frivillig arbeid) og ein merknad til punkt 10.4.2 (helsefremjande grunnskule og skulefritidsordning). 3.4. Sogn og Fjordane skikrins Dette er kopi av fråsegn stila til Sogn og Fjordane idrettskrins, som skal samordne innspela frå «sine» organisasjonar. Fråsegna tek opp to tilhøve som er relevante for Sogndal kommune alpinanlegg og anlegg med driftstilskot frå fylkeskommunen. 4. Kommunen si fråsegn 1. Sogndal kommune er positiv til at planen syner ei auka satsing på og omtale av nærmiljøanlegg, friluftsliv og folkehelse i eit breitt perspektiv, og vi syner her òg til fråsegna frå Sogndal idrettsråd. Vi er samde i mål og strategiar og for så vidt òg resultatmåla, men prinsipielt stiller vi oss spørjande til om ein fylkesplan skal ha såpass konkrete resultatmål på kommunale tenesteområde. 2. Vi syner til formuleringa på side 6 i planframlegget om at det berre er alpinanlegga i Eid, Jølster og Luster kommune som kan få spelemidlar til vidareutvikling av anlegga. Vi er klar over at eksisterande plan har den same formuleringa, men samstundes har alpinanlegget i Hodlekve fått spelemidlar i førre planperiode og er med langtidsprogrammet i framlegg til ny plan. Vi ber difor om at det kjem tydeleg fram at òg anlegget i Sogndal kommune kan få spelemidlar og at Sogndal vert teken inn i teksten å side 6 i planframlegget. 3. «Ski i Sogn» (Sogn Skisenter og Hodlekve Skisenter) har vore ein av fire anlegg som har fått driftstilskot dei seinare åra. Vi tek til etterretning at fylkeskommunen vil vurdere ordninga, men vil peike på at dette har vore eit viktig tilskot til ski anlegg, som kan ha eit avgrensa inntektsgrunnlag. Dei er avhengige av gode snøtilhøve og kan ikkje ta betaling for all bruk mellom anna grunna allmannaretten. Dette er òg anlegg som for ein stor grad legg til rette for eigenorganisert aktivitet for all aldersgrupper. Side 14 av 23
Sak 53/13 Sogndal, 27.09.13 Jostein Aanestad rådmann Side 15 av 23
Sogndal kommune Sak 54/13 Formannskapet Saksh.: Gerd Kleiven Arkiv: 033 Arkivsak: 13/3226 Saksnr.: Utval Møtedato 54/13 Formannskapet 03.10.2013 Sak 54/13 Fritak frå politiske verv fram til 01.01.2014. Tilråding: 1. Fram til 01.01.2014 får Kjetil Ertesvåg (FrP) fritak for følgjande verv: - Kommunestyrerepresentant. - Medlem av valstyre. - 1. vararepresentant til forvaltningsutvalet. 2. Sigurd Sætre rykker opp som fast representant for Frp i kommunestyre. Framstegspartiet får då 4 vararepresentantar som rykker opp i rekkefølgje. Rita Navarsete vert medlem i valstyre med som personleg varamedlem. Idar Kollsete rykker opp som 1. vararepresentant til forvaltningsutvalet. Vedlegg vert referert i møtet: Stadfesting frå lege. Saksutgreiing: Bakgrunn: Kjetil Ertesvåg er medlem for Frp i kommunestyre, medlem i valstyre og første vararepresentant til forvaltningsutvalet. For resten av 2013 må det veljast nye personar til desse verva. Vurdering: Sigurd Sætre rykker opp som fast representant for Frp i kommunestyre. Framstegspartiet får då 4 vararepresentantar som rykker opp i slik rekkefølgje: 1. Alfred Brusegard 2. Kristine Lie 3. Idar Kollsete 4. Kjell Fodnes. Rita Navarsete vert medlem i valstyre. Ny personleg varamedlem må veljast. Idar Kollsete rykker opp som 1. vararepresentant til forvaltningsutvalet. FrP får då 2 vararepresenatar til forvaltningsutvalet i slik rekkefølgje: 1. Idar Kollsete 2. Kari Lie 3. Rita Navarsete Jarle Aarvoll -ordførar- Gerd Kleiven -politisk sekr.- Side 16 av 23
Sogndal kommune Sak 55/13 Formannskapet Saksh.: Helga Bakken Arkiv: 614 Arkivsak: 13/3367 Saksnr.: Utval Møtedato 55/13 Formannskapet 03.10.2013 Sak 55/13 Kjøp av bustad - Kongabergvegen 52 Tilråding: Kommunen kjøpet Kongabergvegen 52 for 3 325 000,- kroner eksl. offentlege avgifter. Formannskapet ber rådmann leggje kostnadene ved kjøp og oppgradering og finansiering inn i 2. tertial rapport. Vedlegg: Takst Saksutgreiing: Bakgrunn: Bustadbehovet til flyktningar vert dekkja både gjennom den private leigemarknaden og ved bruk av eigne bustader. Den private marknaden er framleis stram og kommunen har ikkje nok gjennomgangsbustader. Kongabergevegen 52 er ein eigedom som har lege ute for sal på Finn.no over noko tid. Kongabergvegen 52, gnr.22, bnr. 67, har eit areal på 750 m2, festetomt, og har felles grense med Kongabergvegen 54 som er ein kommunale eigedom. Primærarealet er 155 m2, BRA er 165 m2. Bustaden går over to plan og fordeler seg slik: Underetasje: stove, tre soverom, bad, vaskerom og to boder, 1.etasje: stove, kjøkken, to soverom og WC. Taksten for eigedomen er 3 900 000,- kroner. Prisantydningen i annonsen var kr 3 700 000. Kjøpesummen er kr 3 325 000, dokumentavgift m.m. kjem i tillegg. FDV har saman med flyktningtenesta vurdert behovet for oppussing/tilpassing av huset til kr 400 000. Hovudetasjen bli eit bufellesskap med fire soverom og i underetasjen vil det bli leiligheit med to soverom. Samla kostnader er kr 3 825 000,-. Vi kan søkja Husbanken om tilskot med inntil 20 prosent av prosjektkostnadane. Vilkåret er at tilskotet skal gje fleire eigna utleigebustader for vanskelegstilte på bustadmarknaden. Prioriterte bustadtiltak er: boligtiltak til bostedsløse og flyktninger boliger til personer som trenger oppfølgingstjenester Side 17 av 23
Sak 55/13 boliger for vanskeligstilte med barn i gode bomiljøer for barn Utmålinga av tilskot skal vera fleksibel og basert på økonomien i det prosjektet. Maksimalt tilskot skal ikkje overstige differansen mellom kostnadsdekkande og reell husleige og vil normalt ikke overstige 20 % av godkjende prosjektkostnader. For dette prosjektet betyr det venteleg eit tilskot på kr 765 000,-. Kostanden ved kjøpet vil full ut bli dekka gjennom tilskot frå Husbanken, husleigeinntekter og flykningeøkonomien, og vil slik ikkje få verknader for generaløkonomien til kommunen. Ordførar har nytta fullmakta kommunestyrethar gjeve, jf reglement for ordførar, til å kjøpe eigedomen. Sogndal 27.9.2013 Jostein Aanestad Rådmann Side 18 av 23
Sogndal kommune Sak 56/13 Formannskapet Saksh.: Eirik Røysi Arkiv: L32 Arkivsak: 13/771 Saksnr.: Utval Møtedato 56/13 Formannskapet 03.10.2013 Sak 56/13 Forskrift for namnsetjing, adressering og adresseforvaltning i Sogndal kommune Tilråding: Forskrift for namsetjing, adressering og adresseforvaltning i Sogndal kommune vert vedteken. Vedlegg: Forskrift for namnsetjing adressering og adresseforvalting i Sogndal kommune Brev dat 25.02.2013 frå Fylkesmannen Brevdatert 01.04.2013 frå Karverket Saksutgreiing: Bakgrunn: Miljøverndepartemenet har, med bakgrunn i Ot.Prp. nr.70 om lov om eigedomsregistrering og Innst.o.nr 118 (2004-2005) frå energi- og miljøkomiteen om lov om eigedomsregistrering, lagt fram tilråding om å intensivere overgangen frå matrikkeladresser til offisielle adresser i form av vegadresser. Overordna mål er eit einsarta adressesystem for heile landet innan 01.01.2015. Prosjektet er ein nasjonal dugnad leia av Kartverket, som har utarbeidd strategi og retningslinjer nedfelt i strategidokumnetet «Strategi 2010-2015». Lokal adresseforskrift Kommunane kan med heimel i forskrift til matrikkelova 59, lage utfyllande reglar om tildeling av adresser i ei lokal adresseforskrift. Føremålet med ei lokal forskrift er å regulere tilhøve i adressetildelinga som ikkje er omtala i lova eller sentrale forskrifter. Lokal forskrift kan regulere korleis adresserettleiaren skal nyttast i kommunen. Det er i regi av Sogn regionråd teke initiativ til at dette skal kunne gjennomførast etter same mal i alle regionrådskommunane. Vi har på dette grunnlaget utarbeidd utkast til lokale forskrift. Føremålet med forskrifta er at den skal organisere adresseringsarbeidet og gje køyrereglar for korleis adresseringa skal gjennomførast i kommunen på ein rasjonell og effektiv måte. Adressemyndigheita i forskrifta er lagt til rådmannen, slik at rådmannen er ansvarleg for adresseforvaltinga i kommunen med tildeling av adresser etter reglane i matrikkellova og tilhøyrande føresegner, samt har ansvar for saksførebuande arbeid knytt til fastsetjing av vegnamn og adressenamn etter reglane i lov om stadnamn. Side 19 av 23
Sak 56/13 Namnemyndigheita, med ansvar for tildeling av vegnamn og fastsetjing av skrivemåte av stadnamn /adressenamn etter reglane i lov om stadnamn, og ansvar for uttale i namnesaker der kommunen ikkje har vedtaksmynde, ligg i utgangspunktet til kommunestyret, og er ved delegasjonsvedtak i k-sak 55/08 den 11.12.2008 delegert til formannskapet. Det er i forskrifta lagt opp til at formannskapet framleis skal vere namnemyndigheit. Namnenemnd: 4 i forskrifta legg opp til at det skal nedsetjast ei namnenemnd som skal vere kommunen sitt rådgjevande organ i saker etter stadnamnlova der kommunen har vedtaks/uttalerett. Nemnda skal særleg ivareta 7 i forskrifta og bør såleis i sterk grad inneha lokalhistorisk kompetanse. Det er i forskrifta førsett at namnenemnda består av 3 personar og vert samansett slik: 1. Ein representant med personleg vararepresentant som Sogndal Sogelag peikar ut. 2. Ein represenetant m/personleg vararepresentant som De Heibergske samlinger Sogn Folkemuseum peikar ut. 3. Ein person med personleg vararepresentant som rådmannen peikar ut. Høyring: I samsvar med utredningsinstruks for slike forskrifter, har kommunen sitt utkastet til forskrift vore oversend Kartverket i Bergen og Fylkesmannen i Sogn og Fjordane på høyring før forskrifta no vert framlagt for politiks handsaming. Den lokale forskrifta skal sendast inn til norsk Norsk Lovtidend for kunngjereing den dagen ho vert vedteken. Høyring hos Kartverket og Fylkesmannen er gjennomført. I brev datert 25.02.13 har fylkesmannen påpeika et ordet forskrift bør brukast i staden for ordet føresegn, som var brukt i overskrifta i høyringsutkastet. Fylkesmannen presiserer forskrifta skal kunngjerast i Norsk Lovtidend etter at vedtak er gjort. Vidare har Fylkesmannen vist til at forskrifta vil gjelde i 3 år frå vedtak/kunngjering, dersom ikkje anna er sagt i forskrifta, eller at kommunen opphevar ho på eit tidlegare tidspunkt. Fylkesmannen si forståing av spørsmålet om gyldigheit for vedtekta har vore førelagt Statens Kartverk. Ein har her fått stadfesta at tidsfristen på 3 år er ein overgangsbestemmelse som gjeld for eventuelle tidlegare forkrifter som finst i kommunen, og skal ikkje gjelde den nye forkrifta. Fylkesmannen sine påpeikingar er retta opp i forskrifta ved at ordet føresegn er endra til forskrift. I brev datert 19.04.2013 viser kartverket til at 5 i utkastet til vedtekter ikkje kan innhalde ein annan defininsjon av offisiell adresse enn den offisielle forklaringa som står i matrikkelforskrifta. Kartverket har her kome med forslag til tekst som kan nyttast. Kartverket har vidare peika på at tilvisingsskilt ikkje er huseigar sitt ansvar og på dette grunnlag føreslege at 9.6 i høyringsutkastet vert teken bort, og at 9.1 viser at kommunen har ansvar for tilvisingsskilt. Kartverket sitt framlegg til tekst i 5 er no innarbeidd i forskrifta. Høyringsutkastet sitt forslag om at tilvisingsskilt er huseigar sitt ansvar, dels i 9.2 og i paragraf 9.6 er fjernafrå forskrifta. Jfr. 9.1 er tilvisingsskilt kommunalt ansvar. Ressursbruk/økonomi: Det er om lag 1700 adresseeiningar (bueiningar) som ikkje har offisiell gateadresse i Sogndal i dag. Kor mange adresseparsellar (gatenamn) dette omfattar kan vi ikkje vite før oppdeling av Side 20 av 23
Sak 56/13 vegnettet i adresseparsellar er gjort etter reglane i vedtektene. Ut frå talet på adresseiningar, eit stipulert antal adresseparsellar, og erfaringstal for liknande prosjekt, har regionrådet for Sogndal kommune sin del lagt til grunn at den administrative delen av adresseringsarbeidet inkl. monteringsarbeid for veg- og husnummerskilt vil legge beslag på ca 2760 timeverk og har ei stipulert kostnadsramme på kr 1,6 mill. Endring i tal adresseparsellar kan gje endring både i tidsbruk og kostnader. Eit førebels eksperiment med oppdeling i adresseparsellar etter reglane i forskrifta for ein del av kommunen, gav noko høgare tal på adresseiningar enn det som var stipunlert i regionrådet sitt overslag. Det er såleis sannsynleg at både arbeidsomfanget og kostnadene med prosjektet kan bli noko meir omfattande Ein god del av det administrative arbeidet kan gjerast som eigeninnsats i kommunen sin eigen administrasjon. For desse delene av arbeidet vil kostnadene falle innanfor einingane sine eigne lønnsbudsjett, men med eit omfang på omlag 1,5-2 årsverk, vil det truleg i tillegg vere behov for innleigd hjelp i deler av prosjektet. Det vil medføre direkte utgifter. I tillegg vil kommunen med prosjektet få direkte utlegg til innkjøp av materiell til vegskilt. I fylgje kostnadsoverslaget til regionrådet er dette kalkulert til kr 461.000,-. Vurdering: Eintydige gateadresser vert eit stadig viktigare hjelpemiddel for at både offentlege og private aktørar skal orientere seg i samfunnet. Samfunnsøkonomisk vil ein ha stor gevinst i form av at naudetatar kjem raksare fram for å redde liv og verdiar og ein oppnår raskare og meir presisi levering av varer og tenester. Lokal forskrift for namnsetjing, adressering og adresseforvalning i Sogndal kommune er eit viktig verktøy for å kunne innføre eit eintydig system med gateadresser i kommunen. Sogndal 27.9.2013 Jostein Aanestad Rådmann Side 21 av 23
Sogndal kommune Sak 57/13 Formannskapet Saksh.: Eirik Røysi Arkiv: L23 Arkivsak: 13/2143 Saksnr.: Utval Møtedato 57/13 Formannskapet 03.10.2013 Sak 57/13 Namnet Amlabukti og/eller Kaupangerbukti - uttale. Tilråding: Sogndal kommune gjev følgjande uttale til Statens Kartverk: Ut frå føreliggjande dokumentasjon er det Sogndal kommune si oppfatning at Almabukti er det eldste og historisk mest korrekte namnet å bruke på bukta og namnet bør ikkje endrast. Vedlegg: Brev datert 12.06.13 frå Kartverket m/vedlegg Utdrag frå «Norske Gårdenavne» for gnr 106 og 107 Amle øvre og nedre. Saksutgreiing: Bakgrunn: I brev datert 12.03.2013 har Kartverket bede Sogndal kommune om uttale om bruken av namnet Amlabukti eller Kaupangerbukti på det som i kartverket har namnet Amlabukti. Bakgrunnen er innspel frå Christen F. Knagenhjelm der han ved e-post av 21.03.2013 til kartverket har framsett grunngjeven påstand om at namnet Amlabukti er feil og meiner at dette bør bytast ut med namnet Kaupangerbukti. I tilknyting til saka er det også oversendt kartverket ei støtterklæring frå 27 personar datert 01.03.2013, som støttar Christen F. Knagenhjelm sin søknad om at Kaupangerbukti blir registrert som namn på bukta i Kaupanger. Christen F. Knagenhjelm opplyser i e-posten at namnet Amlabukti vart brukt fyrste gong på amtskartet over Bergehus amt som vart utgjeve kring 1880. Knagenhjelm går ut frå at årsaka til dette var at Fylkesbåtane i Sogn og Fjordane starta damskipsrute på Sogn i 1858. Stoppestaden i Kaupanger var i Amla, og Knagenhjelm meinar at namnsetjing av Amlabukti ved utarbeidinga av amtskartet var gjort på grunnlag av fylkesbåtane sitt rutehefte. Knagenhjelm viser til at gardsnamnet Amla har vore å finne på kart både frå 1700 talet og frå1850, men då kun som gardsnamn, og går ut frå at namnet stamma frå ein persom med namnet Amla. For Knagenhjelm sin del og eldre personar han har kjent har Kaupangerbukti vore vanleg nemning på bukta. På denne bakgrunn ber han om at Amlabukti vert stroke som stadnamn og at Kaupangerbukti vert registrert i stadnamnregisteret. Side 22 av 23
Sak 57/13 Eit anerkjent og mykje brukt oppslagsverk for å finne historikk og tyding av gardsnamn er «Norske Gaardnavne», eit 18-binds verk utarbeidd av Professor Oluf Rygh og utgjeve i perioden frå 1897-1924. Kjeldematerialet Rygh har brukt for å finne fram til namneformer i bokverket, er sagaer, diplom, jordebøker, skattemanntal og ei rekkje andre kjelder attende til 15-1600-talet. I Norske Gaardnavne, bok nr 12 side 103 omtalar Rygh m.a. gardsnamnet på gardsnummer 106 og 107 i Sogndal Amle øvre og nedre. Det er her vist til ulike registrerte skrivemåtar for namnet som Annblada, Andblada, Ambladt, Amblaidt, Amlle, Ammle i perioden frå 1563 til 1567. Noko seinare i 1603 1611,1666 og 1723 er det fleire registreringar med Amble som skrivemåte. Når det gjeld tydinga av namnet som i dag har skrivemåten Amla, ser ein at «Norske Gaardnavne» viser til bokverket Bjørgvin Kalvskinn frå ca 1500-talet. Der er det forklart at ut frå skrivemåten namnet hadde på 1560-talet (Annblada og Andblada), er oppfatninga at dette har vore eit gammalt namn på Amlabukta. Tolkinga er at endinga -blad(a) har tydinga bladforma landtunge og innleiinga and-/ann- har tydinga: rett overfor kvarandre (eks. to som ligg andføttes ligg med beina mot kvarandre). Ut frå dette har namnet Amlabukta tydinga: bukta innanfor to bladforma landtunger som ligg mot kvarandre. Vurdering: Christen F. Knagenhjelm meiner at namnet Amlabukti vart teke i bruk fyrste gong i amtskartet over Nordre Bergehus amt i 1880, og at dette skuldast at fylkesbåtane sin rutetabell for stoppstader i fjorden vart lagt til grunn for namnsetjing av amtskarta. Namnet Amla meinar han truleg har sin opprinnelse frå ein person med namn Amla. Framlagde dokumentasjon viser at namnet Amlabukti truleg har vore i bruk i alle fall sidan sidan sidan 1560 talet. Historiske kjelder tolkar at namnet tyder «bukta innanfor to bladforma landtunger». På dette grunnlaget vil rådmanne tilrå at formannskapet i medhald av delegasjonsvedtak i K-sak 55/08 den 11.12.2008 gir ein uttale i saka om at kommunen meiner at Amlabukti er det eldste og historisk mest korrekte namnet å bruke på bukta. Sogndal 27.9.2013 Jostein Aanestad Rådmann Side 23 av 23