ETNE KOMMUNE SAKSUTGREIING

Transkript

1 ETNE KOMMUNE SAKSUTGREIING Utval Møtedato Saknr Saksh. Komite Drift /15 JOH Sakshandsamar: Jørgen Hopland Arkiv: N-566 Arkivsaknr: FASTSETTING AV VEGNAMN I ETNE KOMMUNE - UTLEGGING TIL OFFENTLEG ETTERSYN Vedlegg i saka: Liste med forslag til vegnamn i Etne kommune Brev frå Vindafjord kommune dagsett vedkomande adressenamn for E134 Utrykte saksdokument: Lov om eigedomsregistrering (matrikkellova) og matrikkelforskrifta med merknadar, samt Adresseveiledaren (om tildeling og forvaltning av adresser etter matrikkellova) Lov om stadnamn og tilhøyrande sentralforskrift Saksgang: Komitè Drift Utskrift til: Utvikling Stadnamntenesta Kartverket

2 SAKSUTGREIING: 1. Kva saka gjeld: Namnsetting av riks-,fylkes-, kommunale- og private vegar og områder i Etne kommune. Områder gjeld hytteområder og veglause grender. 2. Bakgrunn for saka: Ot.prop nr: 70 «Lov om eigedomsregistrering» eller Matrikkellova ( ) Føremålet med eit godt adressesystem er gitt i matrikkelforskrifta 49 kor det heiter: «Adresser og skilt skal sørge for at alle på en lett og forståelig måte kan identifisere og finne fram til bygninger, atkomst til bygninger, boliger og andre objekter eller steder som det er viktig å finne fram til. Adressen skal også tjene som stedfestingsobjekt og nøkkel til aktuell informasjon i private og offentlige registre og arkiv. Føring av adresser i matrikkelen skal bidra til et felles adressesystem for hele landet.» Etne kommune har no utarbeida forslag til namn på alle adresseparsellar (vegar) og områder i kommunen og legg desse ut på høyring. 3. Problemstilling: Parsellar og vegnamn: Regelverket som gjeld fastsetting av adresser går fram av ovannemnde lover og Forskrifter. Etne kommune har adressemynde og fastset offisielle adresser. Etne kommunestyre har i sak 70/14 gjort slikt vedtak: Etne kommunestyre delegerer fastsetjing av vegnamn til komitè Drift. Fastsetjing av adresseparsellar og tildeling av fortløpande vegadresser vert delegert til Utvikling v/oppmålingsavdelinga Drift- og vedlikehald får det framtidige ansvaret for tilsyn / vedlikehald og oppsetting av nye skilt etter at prosjektet er avslutta Kartverket har gjeve ut ein adressevegleiar som gjev råd i å etablere og forvalte eit felles adressesystem og råd knytt til dei ulike delane av heile adresseringsprosessen. Kommunen v/ Utvikling deler altså alle adresseverdige vegar og områder (både riks-fylkeskommunale og private vegar og område) opp i adresseparsellar eller område, og kvar parsell eller område vert tildelt namn. Etter reglane kan ein veg eller område få eige namn når der er tilknytt 5 adresser eller at det av andre vesentlege grunnar er rett å namngje. Ved vedtak i Kulturstyret sak 40 /95 var det for begge sentrumsområda i kommunen bestemt namn på ei mengd vegar. Då var og gjerne ein veg delt opp i fleire parsellar med kvar sine namn. Slik oppdeling er det ikkje høve til lenger.

3 Etter gjeldande reglar skal heile kommunen sjåast under eit og soleis ikkje berre sentrumsområda som i 95. Nytt er også at vegparsellar skal definerast på ein annen måte, der overgang til ny vegparsell skal skje ved eit vegkryss, rundkjøring eller anna naturleg avslutning av ein vegparsell og vidareføring av ein ny. Som følgje av dei nye reglane om vegnamn, vert det ikkje behov for alle dei namna som vart vedtekne i nemnde sak i kulturstyret, men ein har nytta så mange av dei som det er naturleg. I tillegg har ein vore i kontakt med ulike personar i dei ulike bygdene i kommunen og soleis fått forslag til vegnamn eller at ein har funne forslag til namn utifrå økonomisk kartverk eller likn. Namn på vegparsellar vil i dei fleste høve avspegle endepunktet på vegen. Eksempelvis kan nemnast «Håfossvegen» som startar i kryss med «Strondavegen» v/gamleskulen på Enge og går til Håfoss. Den får då stigande adressenummer langs vegen frå Enge til Håfoss. Den nemnde Strondavegen er likevel ikkje ein slik veg, men det er brei semje om namnet sidan den ligg langs stranda heilt til Skånevik. Den får stigande nummerering frå Etne. Det skal ikkje være fleire like adressenamn i kommunen. Namnet bør følgje den lokale namneskikken, samstundes som det bør være lett å skrive og oppfatte. Skrivemåten av parsell- / områdenamna vert fastsett etter reglene i Lov om stadnamn. Ein har under arbeidet vore i dialog med Stadnamntenesta for Vestlandet (sentralt stadnamnregister SSR) Skrivemåten av vegnamna skal vere i tråd med reglane samt lokalhistorisk namneskikk og tradisjon. Saksgong: Informasjonsplikta er ein naturleg del av den demokratiske prosessen. Før kommunen tildelar eller endrar vegadresse skal det informerast, slik at dei avgjera får verknad for, skal få mogelegheit til å uttale seg. Kommunen stiller krav om at eventuelle uttale skal være grunngjeven og underteikna. Høyringsvedtaket vert og sendt til aktuelle lokale utval og Stadnamntenesta for Vestlandet og Kartverket for uttale. Utval og enkeltpersonar er å oppfatte som rådgjevande høyringsinstansar for namneforslaga. Alle innspel til saka må vere mottekne i kommunen- eller vere poststempla seinast 4 veker etter utsending frå kommunen. Etter høyring skal komite Drift gjere endeleg vedtak i namnesaka. Dersom det er usemje mellom Namnetenesta og kommunen om eit- eller fleire vegnamn kan det reisast namnesak. I så fall vert den framlagde lista med vegnamn vedteken med unntak av vegar som det evt. vert reist namnesaka for. Skilting:

4 Kommunen har ansvaret for skilting av gater, vegar, stiar, område eller plassar som er naudsynte for å oppnå god merking av adressa. Naudsynte skilt skal settast opp snarast råd etter at skrivemåten til adressenamnet er vedteke. Det skal lagast ei skiltplan som etter godkjenning av Statens vegvesen skal følgjast under oppsetting av alle vegskilt. Adresser og skilt skal syte for at alle på ein lett og forståeleg måte kan identifisere og finne fram til bygningar, tilkomst til bygningar, bustader og andre objekt eller stader som det er viktig å finne fram til. Offisiell adresse vert tildelt i form av vegadresse og brukseiningsnummer (husnummer). Vegadressa skal knytast til kjørbar gate, veg eller plass. Dersom det ikkje er mogeleg, kan vegadresser knytast til sti, gangveg eller eit eintydig avgrensa område. Det siste vil være aktuelt i område kommunen ikkje har noko vegsystem, men som likevel skal få adresser. Oppsetting av slike skilt skal skje etter vegleiing gjeve i adressevegleiaren som utgjeven av Kartverket. Mellom anna gjeld dette storleik i høve til fartsgrense på vedkomande veg og retning. Oppsetting av adresseskilt skal vere avklara med grunneigar og fagetat for påvising av evt kablar i grunnen. Husnummer: Adressenummeret vert tildelt den vegen som er godkjend som tilkomst, og dersom ein ikkje har det, skal adressa knytast til kjøyrbar gate, veg eller plass. På eit seinare tidspunkt vert alle adressatar tilskrivne med orientering om den nye adressa og om husnummer (kjøp og montering). Der det er stor avstand frå veg til hus må det oppsettast henvisningskilt ved vegen. Dette må vurderast som del av skiltplanen. Registrering i matrikkelen: Matrikkelen er det offisielle adresseregisteret for landet. Folkeregisteret og andre brukarar hentar (automatisert) dei offisielle adressene som kommunen fører inn i matrikkelen. Det er difor viktig at adressene vert ført i matrikkelen straks dei er fastsett i kommunen. Adressa skal tildelast så snart det er behov for den, og seinast saman med igangsettingsløyve for tiltaket som skal ha adresse. Felles arbeid med nabokommunar: Ordførar- og rådmannskollegiet (ORK) tok i sitt møte den , under sak 08/13; Eventuelt, opp dette med fellesnamn på E 134. Konklusjonen i saka vart: Vindafjord kommune inviterer kommunane i regionen til å samle seg om «Haukelivegen» som felles namn på E 134 gjennom regionen. Haukelivegen finst alt i Haugesund og ein del av E 134 i Røldal sentrum heiter det same. Med bakgrunn i dette, har Haukelivegen som nytt namn på E 134 vore føreslege. I samband med pågåande adressering i kommunane på Haugalandet, er det blitt starta nettverksgruppe av deltakarar i regionen som til vanleg arbeider med dette temaet. Ulike

5 utfordringar / problemstillingar har vore drøfta, mellom anna felles namn på E 134 frå Haugesund til Odda kommune. Det er tydeleg at der er ynskje om å kalle E 134 for Haukelivegen og den bør nummererast frå Haugesund til Vinje kommune. Dette vil nok medføre noko omadressering i Odda kommune og Tysvær kommune. Dette medfører då at kvar kommune langs vegen vil få tildelt eit vist antal nr. Dette er den beste måten ein kan få ei fornuftig nummerering langs E Vurdering: Rett inndeling i adresseparsellar er viktig for å få eit godt og tenleg adressesystem. Etter regelverket, skal det vere eintydige parsellar og namnet bør i størst mogeleg grad avspegle endepunktet eller målområdet for vegen. Mange og korte parsellar på den same vegen utan at der finst eit naturleg start-/sluttpunkt på parsellen er ikkje lenger aktuelt. Det er av stor verdi at utrykkingskøyrety finn fram snarast mogeleg. Dei fleste av dei tidlegare vedtekne vegnamna i sentrumsområda i kommunen har ein nytta vidare no i denne prosessen. Dei vegparsellane som ligg utanfor tettstadane i kommunen har no fått eit namn som anten er føreslegne av lokalbefolkning eller av administrasjonen i kommunen. Alle nytta vegnamn frå vedtaket i kulturstyret frå 1995, bør vege tungt ved namnsettinga av parsellane. Under høyringa kan ein uttale seg til dei aktuelle namneforslaga. Evt. nye forslag må grunngjevast. TILRÅDING FRÅ RÅDMANNEN: 1. Komitè Drift legg forslag til vegnamn ut på høyring i 4 veker. 2. Høyringsutkastet vert lagt ut på kommunen si heimeside, annonsert i lokal avis sendt aktuelle lokale utval og Stadnamntenesta til uttale med kopi til Kartverket 3. Evt. merknader må vere mottekne innan 4 veker etter utlegging KOMITE DRIFT DR-004/15 VEDTAK: samrøystes TILRÅDING FRÅ RÅDMANNEN: 1. Komitè Drift legg forslag til vegnamn ut på høyring i 4 veker.

6 2. Høyringsutkastet vert lagt ut på kommunen si heimeside, annonsert i lokal avis sendt aktuelle lokale utval og Stadnamntenesta til uttale med kopi til Kartverket 3. Evt. merknader må vere mottekne innan 4 veker etter utlegging.