Fedje kommune Møtebok for Eldrerådet Møtedato: 06.11.2014 Møtestad: Fleirbrukshallen, møterommet Møtetid: 10:00-12:00 Møtedeltakarar Arne Stormark Elsa Herøy Marie Karlsen Oddvar Nilsen Husa Parti Krf Følgjande møtte frå administrasjonen: Vidar Bråthen
Sakliste Saknr Tittel 011/14 Godkjenning av møteinnkalling og sakliste 012/14 Godkjenning av møtebok 013/14 Referatsaker 014/14 Økonomiplan 2015-2018 015/14 Prisjustering - praktisk bistand ( heimehjelp) 2015 016/14 Prisjustering - matombring 2015 017/14 Prisjustering trygghetsalam 2015 018/14 Dagtilbod for demente - prisjustering 019/14 Kommunebudsjettet 2015 020/14 Tannhelsetenesta - ny klinikkstruktur 2015-2013 høringsuttale frå Fedje kommune
Sakspapir Saksbehandler Arkiv ArkivsakID Øyvind Tolleshaug 14/764 Saksnr Utvalg Type Dato 011/14 Eldrerådet 06.11.2014 Godkjenning av møteinnkalling og sakliste Saksutgreiing: Forslag til vedtak: Møteinnkalling og sakliste vert godkjent. Eldrerådet - 011/14 E - behandling: Innkallinga kom litt seint. E - vedtak: Møteinnkalling og sakliste vert godkjent. Samrøystes.
Sakspapir Saksbehandler Arkiv ArkivsakID Øyvind Tolleshaug 14/764 Saksnr Utvalg Type Dato 012/14 Eldrerådet 06.11.2014 Godkjenning av møtebok Saksutgreiing: Forslag til vedtak: Møtebok frå sist møte vert godkjent. Eldrerådet - 012/14 E - behandling: E - vedtak: Møtebok frå sist møte vert godkjent. Samrøystes.
Sakspapir Saksbehandler Arkiv ArkivsakID Øyvind Tolleshaug 14/764 Saksnr Utvalg Type Dato 013/14 Eldrerådet 06.11.2014 Referatsaker Saksutgreiing: Forslag til vedtak: Eldrerådet - 013/14 E - behandling: Ingen referatsaker. E - vedtak:
Sakspapir Saksbehandler Arkiv ArkivsakID Vidar Bråthen 14/751 Saksnr Utvalg Type Dato 009/14 Arbeidsmiljøutvalet 11.11.2014 014/14 Eldrerådet 06.11.2014 Ungdomsrådet Formannskapet Kommunestyret Økonomiplan 2015-2018 Vedlegg: økonomiplan2014 vb utkast Skjema 1AB_2AB Saksutgreiing: Bakgrunn Utkast til økonomiplan for planperioden 2015 2018. Fast rutine. Kommunebudsjettet for 2015 inngår som basisår i økonomiplanen. Enkel rullering av planforslaget frå sommaren 2014. Det aller meste av det som vart omtalt i økonomiplanen tidlegare i år ligg fast, men pga. tilstrammingar i kommuneøkonomien, var det nødvendig å gjennomføra ytterlegare driftsmessige innsparingar. Vurdering Inntekstsveksten i statsbudsjettet frå oktober i år er ikkje nok for å dekka inn kommunen sine løpande kostnader fullt ut. Driftsnivået må ned. Det er ikkje rom for at inntektene lenger held tritt med kostnadsutviklinga. For å kunne levera eit tilfredsstillanade resultat i framtida, må kommunen dekka inn delar av kostnadsveksten ved driftsmessige innsparingar. Dette er det teke høgde for i den økonomiplanen som vert lagt fram i november 2014. Alternativt må kommunen vurdera å utvida ordninga med eigedomsskatt for verk og bruk til og å omfatta hus og fritidseigedom for å dekka inn det meste av inntekstapet for neste 4 års periode. For dei fleste områda, er revidert økonomiplan i godt samsvar med planforslaget som kommunestyret handsama i septembermøte i år. Nytt: Driftsnivået for komande 4 års periode er justert ned pga. statsbudsjettet som vart lagt fram.
Driftsnivået for 2015 ligg godt under dagens driftsnivå. Stillingstalet er justert ned. Dette er grunngjeve med at dette er ein helt nødvendig korrigering for å kunne oppretthalda ein tilfredsstillande budsjettbalanse for resten av perioden. Det ligg ingen dramatikk i dette. Pleie og omsorgssenter er sett på vent. I staden vert det sett av penger til ombygging til enkeltrom med bad for dei av våre eldre pleietrengjande som ikkje har tilfredsstillande buforhold på sjukeheimen. Grunngjeving: Ledig kapaistet / senger i pleie og omsorgssektoren. Konklusjon Utkast til ny økonomiplan for perioden 2015-2018 er tilpassa prognosar og talmateriale frå statlege styresmakter + føringar som kjem fram i statsbudsjettet for 2015. Mykje er ved det gamle, men noen innstrammingar var nødvendig for å leggja fram eit saldert budsjett for neste 4 års periode. Driftsnivået er nedjustert og planane om bygging av nye omsorgsbustader er sett på vent. Forslag til vedtak: Kommunen sluttar seg til planforslaget frå rådmann slik det ligg føre. Eldrerådet sluttar seg til rådmannen sitt planforslag med følgjande tillegg / merknader: Tilrettelegging av private livsløpsbustader / husvære. Eldrerådet ser det som ønskjeleg at kommunen legg til rette for bygging av av livsløpshusvære i nært samarbeid med private utbyggjarar/ andre. Målet er å imøtekoma dei eldre som har behov for andre buformar på sine eldre dagar. Eldrerådet - 014/14 E - behandling: E - vedtak: Eldrerådet sluttar seg til rådmannen sitt planforslag med følgjande tillegg / merknader: Tilrettelegging av private livsløpsbustader / husvære.
Eldrerådet ser det som ønskjeleg at kommunen legg til rette for bygging av av livsløpshusvære i nært samarbeid med private utbyggjarar/ andre. Målet er å imøtekoma dei eldre som har behov for andre buformar på sine eldre dagar. Samrøystes vedteke.
Sakspapir Saksbehandler Arkiv ArkivsakID Grete Herøy 14/760 Saksnr Utvalg Type Dato 015/14 Eldrerådet 06.11.2014 Formannskapet Kommunestyret Prisjustering - praktisk bistand ( heimehjelp) 2015 Saksutgreiing: Bakgrunn Heimhjelp, også kalla praktisk bistand er eit tilbod som vert gitt etter søknad og vurdering av individuelt behov, med heimel i Helse og omsorgsloven 3-2, 6b. Kommunen er forplikta etter denne lova å ha eit slikt tilbod. Vurdering Det er varierande etterspørsel etter tenesta, og den vert ytt i ulikt omfang i ulike situasjonar slik det har vore lang tradisjon for. Det er eit viktig tiltak for den einskilde sitt liv og velvære, og også eit tiltak som kan vere med å gjere det mogeleg å vere i eigen heim så lenge som råd. Betaling for praktisk bistand vert rekna ut på grunnlag av husstanden si samla inntekt før særfrådrag. Siste tilgjengeleg likning vert lagt til grunn. Inntekt under 2 G ( = f.t. kr. 176.740) har ein fast sum pr. månad ( f.t. kr 180,-). Andre betalar timesats, med ein maks sum pr. månad. Maks summen har ikkje vore justert dei siste åra, men det vert no lagt opp til ein liten justering. Det er i dag 16 brukarar av tenesta, der 11 betalar minstesats og 5 betalar timepris. Folkehelse: Førebyggjande og trygghetsskapande tiltak Miljø Økonomi: Etter faste satsar Konklusjon Netto inntekt siste år Timepris Maks betaling pr månad 2-3 G: kr 176.740 261.985 Kr 127 ( før kr 121) Kr 800 (før kr 750) 3-4 G: kr 261.986 347.230 Kr 191 ( før kr 182) Kr 1100 (før kr 1000) 4-5 G: kr 347.231 432.505 Kr 255 ( før kr 243) Kr 1350 ( før kr 1250) 5-6-G kr 432.506 517.720 Kr 318 ( før kr 303) Kr 1600 ( før kr 1500) Over 6 G kr 517.721 Kr 347 (før kr 331 ) Kr 2100 ( før kr 2000)
Forslag til vedtak: Prisjustering for praktisk bistand/ heimehjelp slik det går fram av tabellen ovanfor vert gjort gjeldande frå 01.01.2015. Eldrerådet - 015/14 E - behandling: E - vedtak: Prisjustering for praktisk bistand/ heimehjelp slik det går fram av tabellen ovanfor vert gjort gjeldande frå 01.01.2015. Samrøystes.
Sakspapir Saksbehandler Arkiv ArkivsakID Grete Herøy 14/758 Saksnr Utvalg Type Dato 016/14 Eldrerådet 06.11.2014 Formannskapet Kommunestyret Prisjustering - matombring 2015 Saksutgreiing: Bakgrunn Eit tilbod om å få kjøpa ferdiglaga middagsmat frå Fedje sjukeheim, og få den tilkjørt til eigen heim i eit på førehand avtalt omfang. Vurdering Dette er eit tiltak som kan gje eldre og/eller andre avtalte grupper eit tilbod om å kjøpa eit varmt næringsrikt måltid. Ein kan få middag m/dessert alle dagar i veka. Det er forholdsvis stabilt tal brukarar ( vanlegvis under 10). Dette er også eit trygghetstiltak, då ein veit at personalet kjem og levere og at ein dermed møter andre. Folkehelse: Ein mulighet for rett ernæring, tilsyn og trygghet. Miljø Økonomi: Ingen endring i eksisterande opplegg, utover prisjustering. Konklusjon Middagsombringing vert oppretthalde og prisen justert frå kr 80,- pr måltid til kr 84,- Forslag til vedtak: Pris for middagslevering vert justert frå 01.01.2015 frå kr. 80,- til kr. 84,- pr middag m/dessert, inkludert kjøring Eldrerådet - 016/14 E - behandling:
E - vedtak: Pris for middagslevering vert justert frå 01.01.2015 frå kr. 80,- til kr. 84,- pr middag m/dessert, inkludert kjøring. Samrøystes.
Sakspapir Saksbehandler Arkiv ArkivsakID Grete Herøy 14/759 Saksnr Utvalg Type Dato 017/14 Eldrerådet 06.11.2014 Formannskapet Kommunestyret Prisjustering trygghetsalam 2015 Saksutgreiing: Bakgrunn Innbyggjarane kan inngå avtale med Fedje kommune, pleie og omsorg om leige av trygghetsalarm. Denne ordninga har fungert lenge og medverkar til at eldre ( stort sett) kan bu lengre i eigen heim og vere trygge for at om dei utløyser trygghetsalarmen, vil dei få hjelp så raskt som mogeleg. Vurdering Ordninga vert brukt i mykje same omfang som tidlegare år, med om lag 8 brukarar. Det er ei ordning som ikkje krev mykje, men som kan gjere ein stor forskjell for dei som er abonnent. Fedje kommune har avtale med firma Trygghetssentralen A/S om alarm. Folkehelse : Eit viktig førebyggjande tiltak, som gjev trygghet for den einskilde og deira pårørande, og kanskje kan bidra til utsett institusjonsopphald. Miljø Økonomi: Eit lite kostandskrevjande tiltak både for brukarar og kommune Konklusjon Ordninga med trygghetsalam fortset på same vilkår som i dag. Prisen for leige av trygghetsalarm vert justert med 5 % frå kr. 265,- til kr. 278,- pr. månad. Forslag til vedtak: Abonnement for trygghetsalarm vert endra med verknad frå 01.01.2015 frå kr. 265,- til kr. 278,- pr månad.
Eldrerådet - 017/14 E - behandling: E - vedtak: Abonnement for trygghetsalarm vert endra med verknad frå 01.01.2015 frå kr. 265,- til kr. 278,- pr månad. Samrøystes.
Sakspapir Saksbehandler Arkiv ArkivsakID Grete Herøy 14/750 Saksnr Utvalg Type Dato 018/14 Eldrerådet 06.11.2014 Formannskapet Kommunestyret Dagtilbod for demente - prisjustering Saksutgreiing: Bakgrunn I 2007 sette Helsedirektoratet fokus på utbygging av dagtilbod til heimebuande demente. Så kom demensplan 2010-2015, der alle kommunar vart oppfordra å starte opp tilbod. Det vart gitt særskilte løyvingar til dette. Fedje kommune søkte og fekk ein sum til etablering av tilbod, personalkostnader låg ikkje i tilskotet. ( F sak 35/12) I demensplan 2010-2015 var det eit uttalt mål at alle kommunar burde opprette tilbodet innan 2015, då det mest truleg vart lovpålagt. Fedje kommune har no hatt tilbod i om lag 2 år, med varierande tal brukarar. Pr i dag er talet så lavt, at tilbodet vert samordna med tilbod også til dei som bur i institusjon. Vurdering Tilbodet har stor verdi for denne målgruppa. Utfordringa er det varierande og til dels lave talet brukar, versus dei faste utgiftene som føl med tiltaket. I fylkesmannens brev til kommunane om budsjettføresetnader for 2015, står det at det øremerka tilskotet til dagaktivitetstilbod for demente vert styrka, utan at det er oppgitt omfang. Folkehelse: Det er eit godt aktivitetstilbod for brukarar og avlastning for pårørande. Miljø Økonomi: Dei som brukar tilbodet vert henta og bringa på dagtilbodet. Der får dei middag og kaffimat, og aktivitetstilbod. Pris pr. dag er kr 90,-. Konklusjon Dagtilbodet for heimebuande demente fortset, men ved lavt tal brukarar ( mindre enn 3) må det vurderast samordningsløysingar som held kostnadene nede. Forslag til vedtak: Betalingssats for deltaking på dagtilbod for heimebuande demente vert med verknad frå 01.01.2015
fastsett til kr 95,- pr dag Eldrerådet - 018/14 E - behandling: E - vedtak: Betalingssats for deltaking på dagtilbod for heimebuande demente vert med verknad frå 01.01.2015 fastsett til kr 95,- pr dag. Samrøystes.
Sakspapir Saksbehandler Arkiv ArkivsakID Vidar Bråthen 14/747 Saksnr Utvalg Type Dato 010/14 Arbeidsmiljøutvalet 11.11.2014 019/14 Eldrerådet 06.11.2014 Ungdomsrådet Formannskapet Kommunestyret Kommunebudsjettet 2015 Budsjettframlegg Vedlegg: Budsjett 2015 tekstdel Budsjett 2015 Saksutgreiing: Bakgrunn Administrasjonen v/ rådmann er beden om å leggja fram eit saldert budsjettframlegg etter same lest som fjoråret. Nytt: Verbaldelen er forenkla. Den er tilpassa kontoplanen på ansvarsnivå etter følgjande inndeling: Faktadel endringsdel og til slutt mål for 2015. Heimel: Kommunelova. Vurdering Budsjettframlegg med kommentarar vart sendt ut elektronisk i månadsskiftet oktober / november slik som avtalt i kommunen sitt økonomireglement. Materialet vart gjort tilgjengeleg for alle same dag som det vart lagt fram. Kommunebudsjettet for 2015 byggjer på innkomne budsjettframlegg frå våre budsjettansvarlege og andre bindingar som administrasjonen må halda seg til. Økonomiplanen er retningsgjevande for dei prioriteringar og val årsbudsjettet legg opp til. Rammene for neste år er litt svakare enn forventa. Inntektsveksten er mindre enn snittet for landet.
Vinnaren i år er vekstkommunane. For administrasjonen har det vore viktig å presentera eit budsjett i balanse med rom for framtidige investeringar. Vi klarer ikkje å imøtekoma anbefalingane om 3 % netto driftsresultat i 2015, men med eit stramt kommuneopplegg i 2015, er det neppe mange kommunar som klarer å levera eit slikt resultat. Nytt: Kommentarheftet er stramma opp slik som avtalt i fjor. Vi vonar at denne omlegginga vert vel motteke. Når det gjeld målformuleringane, er det framleis ein lang veg å gå. Alt er ikkje på plass slik vi vil, men mykje er gjort for å få økonomiarbeidet inn på eit betre spor. I årsbudsjettet er måla i økonomiplanen bryte ned som årsmål. I år vert utkast til økonomiplan lagt fram samtidig med årsbudsjettet. Førsteutkastet frå dei budsjettansvarleg viste seg å vera for optimistisk. Inntekstssvikten var større enn forventa og driftsnivået måtte ned med ca. 2 mill. kroner. Det vart noen ekstrarunder i administrasjonen før vi kom i mål. Det er sjølvsagt disponeringar her som smertar, men slik talgrunnlaget er, var det heilt nødvendig å justera driftsgrunnlaget. Når det gjeld innhalda og prioriteringar, viser vi til årsbudsjettet med kommentarar. Konklusjon Med dei tilstrammingar som kom i statsbudsjettet, var det nødvendig å justera driftsgrunnlaget for å leggja fram eit saldert kommunebudsjett for 2015. Det ligg ingen dramatikk i dette. Driftsnivået er tatt ned, der dette er fagleg forsvarleg og / el. behovet for kommunale tenester går ned. Forslag til vedtak: Kommunebudsjettet for 2015 vert godkjent slik det ligg føre. Eldrerådet - 019/14 E - behandling: E - vedtak: Fellesmerknader i eldrerådet : Slik situasjonen er på Fedje no, er eldrerådet samd i at bygging av eldrebustadar er sett på vent og at eksisterande rom vert modernisert. At kommunen har fått hand om areal ved sjukeheimen er gledeleg. Likeeins at aggregatet på det neraste er kome hamn. Den kulturelle spaserstokken: Slik eldrerådet ser det, er den kulturelle spaserstokken eit positivt insitament for våre eldste. Eldrerådet vil på det sterkaste anbefale at dette tilbodet held fram slik vi kjenner det i dag.
Folkehelsa: Eldrerådet krev at ansvarlege syter for at vegen til Vestkanten får ein tilfredsstillande standard. Det må vera mogleg å ferdast på våre vegar utan fare for liv og helse. Aktuelle tiltak : Bygging av møteplassar + trafikkskilt med gangfelt. Kommunebudsjettet for 2015 vert godkjent slik det ligg føre. Samrøystes.
Sakspapir Saksbehandler Arkiv ArkivsakID Grete Herøy FA - G40 14/704 Saksnr Utvalg Type Dato Formannskapet Kommunestyret 020/14 Eldrerådet 06.11.2014 Tannhelsetenesta - ny klinikkstruktur 2015-2013 høringsuttale frå Fedje kommune Vedlegg: Tannhelsetenesta klinikkstrukturplan 2015-2030 - høyringsdokument Tannhelsetenesta klinikkstrukturplan - høyring Saksutgreiing: Bakgrunn Planen er utarbeidd etter mandat fylkesrådmannen gav fylkestannlegen i 2013. Målet er å utvikle ein klinikkstruktur som kan tilby innbyggjarane stabil tannhelseteneste av høg fagleg kvalitet. Planen peikar på at klinikkane må vere så store at dei er robuste og kan ta hand om pasientar både ved feriar, sjukdom og andre fråvær. I planen vert det peikar på at ordninga med ambulering til klinikkar i distriktet ikkje er særleg ettertrakta og gjev lite effektiv arbeidstids for personalet. I tillegg vert driftskostnadene relativt store. Erfaringsmessig er det lite stabilitet i dei ambulerande stillingane, då personalet i hovudsak ikkje ønskjer ambuleringsordningar. I tillegg til effektivisering, stabilitet og kvalitet i tenesta, er det også peika på økonomiske tilhøve. Det vert vist til at knappare ressursar, må få konsekvensar. Det er nødvendig å omprioritere slik at det må vere flest klinikkar der det bur mest folk. Det vert også lagt til grunn at akseptabel reisetid til klinikk er ein time kvar veg, og ettersom tannhelsa generelt er blitt betra,vil tidsintervalla for tannlegebesøk vere om lag 1 ½ til 2 år. I planen er folkehelsearbeidet og førebyggjande tiltak omtalt. Her vert det drege fram at tannpleiarar er ein viktig ressurs, som i dei siste åra har fått ei viktig rolle, ikkje minst innan folkehelsearbeid. Situasjonen er at tannpleiarane ofte har mange arbeidsstader og arbeider mykje åleine. Dette legg planen opp til at skal endrast slik at alle tannklinikkar i Hordaland skal ha ei 100 % stilling som tannpleiar. I Nordhordland Tannhelsdistrikt er det totalt 14 klinikkar, 9 klinikkar med heiltidsdrift. I tillegg kjem 13 privatpraktiserande tannlegar i same distrikt. Planen seier også at det er ønskjeleg å samle all tannhelseteneste i det nye planlagte Helsehuset i Knarvik, då det vil gje betre samhandlingsmulighet
med andre helsetenester og betre tilbod til pasientar med samansette helseutfordringar. Planen legg opp til fleire endringar i Nordhordland. For Fedje kommune sin del er framlegget at klinikken vert lagt ned i 2015, og at pasientane vert overførde, først til Lindås og seinare til Knarvik tannklinikk. Tannhelsetenesta i Hordaland vil ikkje dekke reisekostnader når tannklinikkar vert lagt ned. Vurdering Fedje kommune ser med stor uro på planframlegget. Med den endringa det vert lagt opp til, vil det i praksis bety at ei lang historie med lokal tannhelseteneste vert avslutta. Sjølv om tenesta lokalt har vore varierande i periodar, har det i den siste tida vore eit tilfredsttillande tilbod med tannlege to dagar for månaden. Det er tilpassa det behovet som er, for at dei grupper som etter Lov om tannhelseteneste har rett på, vert ivareteke. Dette gjeld barn og unge frå fødsel til og med det året dei fyller 18, ungdom som fyller 19 eller 20 i behandlingsåret, psykisk utviklingshemma i og utanfor institusjon, grupper av eldre, langtidssjuke og uføre i institusjon og i heimesjukepleietenesta, og andre grupper som fylkeskommunen har vedtatt å prioriterer ( f.eks rus) Med ei sentralisering av tannhelsetenesta til Lindås og deretter til Knarvik, vil det verta ei urimeleg belastning for desse gruppene, som i stor grad er dei svakaste, og som treng hjelp til å koma seg til tannlege sentralt. Ikkje berre er det ei belastning for den einskilde med lang reiseveg, men det vil påføra foreldre, pårørande og helsepersonell ei ekstra oppgåve med følgje til tannlegen, som ein i dag har i minimalt omfang. Det innebær kostnader både i tid og pengar som er urimelege. Foreldre må ta fri frå arbeid for å følgje, og sjølv om det er redusert frekvens på tannlegebesøk, kan det vere meir enn eit barn som treng følgje,og gjerne fleire påfølgjande tannlegebesøk. Det er ikkje mogeleg å senda ein førsteklassing med buss til Lindås eller til Knarvik. Sjølv for dei større barna er det langt og ofte komplisert med mange bussbyte, og det vil fort ta mange timar. Reisetida, slik den er beskriven i planen med 94 min til Knarvik, inkl ferje, betyr iallfall privatbil løysing. For dei sjuke/eldre vert og dette ei utfordring, som høgst truleg vil inkludere hjelp til reisa frå pårørande og/eller helsepersonell. I eit samfunnsøkonomisk perspektiv er dette ei lite gunstig løysing. Med den klinikkstrukturen som her vert lagt opp til, kan ein risikere at nokre utsette, både barn og eldre, vil gå meir sjeldan til tannlege enn forutsett, med den konsekvensen det innbær for tannhelsa. Så sjølv om kvaliteten i klinikkane vert betra, får det ikkje nødvendigvis eit betra tannresultat for den einskilde. I planen vert det peika på at det er belastande for tannhelsepersonalet å driva ambulerande verksemnd. Det kan vi sjå, men meinar likevel at belastninga for barn og eldre og deira pårørande som skal reisa til Lindås/Knarvik, heller ikkje skal undervurderast. Tannklinikken på Fedje er slik vi oppfattar det, i god stand og med det utstyr som er nødvendig for å driva eit kvalitativt godt tilbod. Fedje kommune meinar tidsplanen for avvikling av tannlegetilbod i kommunen er urimeleg. Når ein først får planen til høyring seint i oktober med uttalefrist til 15.desember og nedlegging planlagt gjennomført frå 2015, så gjev det lite rom for gode prosessar. I eit større perspektiv opplever Fedje kommune at stadig fleire tenester til innbyggjarane vert redusert og avvikla. Kommunen må heile tida kjempa for å oppretthalda dei tilbod som gjev bulyst og god kvalitet i lokalsamfunnet. Folkehelse: Jo større avstand til tannhelsetilbodet, jo meir sannsynleg er det at fleire vil unnlata å møta opp til tannlegetime, fordi det innebær reisetid og kostnader. Det kan verte eit dårleg signal om tannhelse blir redusert, i ei tid då det er sterkt fokus på alt førebyggjande arbeid Miljø: Fleire må ut på reise, oftast i privatbilar. Fleire bilar på vegen, meir forureining.
Økonomi: Ei teneste som hittil har vore lokalt har hatt så godt som ingen kostnader for den einskilde. Barn, i allfall etter ein viss alder, og unge har i stor grad kunne gå til tannlegen utan skyss og følgje, og om det er følgje vil det vere avgransa til ein liten halvtime. Det har stor betyding for dei som skal følgje, anten det er barn eller eldre, at tidsbruket er så lite som råd, då det vannlegvis handlar om å ta fri frå eige arbeid. Så lenge tilbodet har vore lokalt, har det ikkje vore nemneverdige reisekostnader knytt til tannlegebesøk. Med ei ordning som innbær reise til Lindås eller Knarvik kjem det reisekostnader som ein sjølv må dekka. I tillegg går det mellom ein halv og ein heil dag, som foreldre/pårarande/helsepersonell må nytta som reisefølgje. Dette vert kostbart både for arbeidsgjevarar og arbeidstakarar. At tannhelsetenesta i Hordaland har fått strammare økonomiske rammer, får direkte konsekvensar for innbyggjarane i distrikta, anten det er på Fedje eller andre ikkje- bynære område. Konklusjon Fedje kommune vil ikkje akseptera at endå eit velferdstilbod vert sentralisert, med dei konsekvensar det får for særskilte innbyggjarargrupper og deira pårørande. Den overordna gevinsten står ikkje i forhold til den ulempa det fører til for innbyggjarne, med omsyn til avstand til næraste klinikk, tidsbruk og økonomi. Kommunen har ein spesiell geografisk beliggenhet, som må kunne takast omsyn til. Forslag til vedtak: Fedje kommune finn ikkje å kunne akseptere framlegg til ny klinikkstrukturplan for tannhelsetenesta i Hordaland for perioden 2015-2030. Fedje kommune meinar eksisterande tilbod om ambulerande tannhelseteneste med to dagar pr. månad må oppretthaldast. Eldrerådet - 020/14 E - behandling: Fellesframlegg. Eldrerådet rår til at vedtaket vert forsterka ved at konklusjonen i tilrådinga inngår i vedtaket. E - vedtak: Fedje kommune vil ikkje akseptera at endå eit velferdstilbod vert sentralisert, med dei konsekvensar det får for særskilte innbyggjarargrupper og deira pårørande. Den overordna gevinsten står ikkje i forhold til den ulempa det fører til for innbyggjarne, med omsyn til avstand til næraste klinikk, tidsbruk og økonomi. Kommunen har ein spesiell geografisk beliggenhet, som må kunne takast omsyn til. Fedje kommune finn ikkje å kunne akseptere framlegg til ny klinikkstrukturplan for tannhelsetenesta i Hordaland for perioden 2015-2030. Fedje kommune meinar eksisterande tilbod om ambulerande
tannhelseteneste med to dagar pr. månad må oppretthaldast. Samrøystes.