Å rsmelding 2015
Å rsmelding 2015 Om rådet og rådet sitt arbeid. Molde ungdomsråd vart valde på ungdomskonferansen 6. mars 2014. Medlemmer: Leiar Nora Waagbø, nestleiar Jens Kristian Sæther, Andrea Marie Skeid, Joachim Bratseth, Kristian Ferenc Sylthe (permisjon frå september), Simen Tomren Grip, Thor Due, Ania Zofia Zajkowska, Fimke Frederika Pijfers, Fride Monsen, Live Grindevik Vorpenes, Michael Helberg, Norunn Brøste Kjersem, Ole Marius Inderhaug. Rådet har hatt 10 møter i tida mars 2014 til mars 2015. Ungdomsrådet sine tre politikarkontaktar har møtt når dei har hatt høve til det. På våren var møta i lokala til Frivilligsentralen, frå hausten har møte vore på UP. Saker: Mange av sakene har handla om val av representantar til deltaking i arbeidsgrupper, komitear og møter. Heile året er prega av tre store saker for ungdomsrådet: gjennomføring av regionkonferanse for ungdomsråda, UKM og ungdomskonferansen. Deler av Ungdomskonferansen 2014 vart nytta til å få innspel frå deltakarane om utvikling av UngdomsPlassen (UP). Ungdomsrådet etablerte ei arbeidsgruppe som har gått igjennom innspela, dette vart grunnlag for møte på UP i september. Kultursjef Jan Olav Szontheimer og leder Therese Grønvold orienterte om drifta av UP.
Ungdom sine erfaringar frå Moldejazz sitt konserttilbod for dei under 18 år, var grunnlaget for å ynskje ein dialog med Moldejazz. Fire medlemmer av rådet møtte festivalsjef Hans-Olav Solli. Han fekk presentert ungdom sine erfaringar og ynskje om ei betre tilrettelegging for at dei under 18 år kan på gå på konsertar på kveldstid på Plassen. Festivalsjefen har notert seg tilbakemeldinga. To representantar frå rådet har delteke i arbeidet med ny delplan for idrett og friluftsliv 2015-2019. Ungdomsrådet gav også uttale til planen før handsaminga i kommunestyret. I råda sitt dialogmøte med ordførar og rådmann, fremja ungdomsrådet spørsmålet om Molde kommune kunne verte fairtrade-kommune og gjennomføre/markere bilfri dag. Dette vart ikkje vurdert som aktuelt. Ungdomsrådet har gjeve uttale til fordeling av kulturmidlar og til UKM Norge si nye strategiplan. Ungdomsrådet kontakta ordføraren med ynskje om at det vert utarbeidd retningslinjer for opparbeiding av leikeplassar/friareal ved utbygging av nye området. Rådet har gjeve permisjon til tre faste medlemmer som ynskte å slutte før tida. Det vart valt nye representantar til rådet frå varalista. Dette vart gjort av omsyn til å sikre kontinuiteten i rådet. Orienteringar på møtene: September: Oktober: November: Kultursjef Jan Olav Szontheimer og leiar ved UP orienterte om drifta av UP. Daglig leiar ved Molde Eigedom KF orienterte om bustadsituasjonen for ungdom i Molde. Tone Silseth Haukebø orienterte om arbeidet med plan for barn og unge. Hallvard Straume orienterte om kommuneplanarbeidet Strande Årø. Februar: Helsesjef Henning Fosse og helsesøster Anne Reidun Rottem orienterte om status for skulehelsetenesta og bruk av midlar/nye ressursar. Kommunalsjef Eirik Heggemsnes orienterte om Plan- og utviklingsavdelinga og deira ynskje om eit tettare samarbeid med ungdomsrådet.
Ungdomsrådet har hatt representantar i/delteke på: 17-mai komiteen TV-aksjonskomiteen gruppa som arrangerte Frivillig forum. fylkesting for ungdom fylkesmannen si markering av at barnekonvensjonen var 25 år stormøte om kommunereforma Teatret Vårt sitt samsnakk arrangement om «Kven bestemmer» ordføraren og rådmannen sitt dialogmøte med råda. UKM i fylket si UngRessursGruppe (URG) Frå fylkesmannen si 25-års bursdagsfeiring for barnekonvensjonen. Live Grindevik Vorpenes frå Molde ungdomsråd, saman med varaordfører Frøydis Austigard, rådmann Arne Sverre Dahl og medlem i fylket sitt ungdomspanel Solveig Buvik (tidlegare medlem i MUR). Work-shop om arealplanen Strande-Årø. Plan- og utviklingsavdelinga og ungdomsrådet inviterte elevråda ved ungdomsskulane og dei vidaregåande skulane i Molde, til ein work-shop om arealplanen. Det var 22 deltakarar som brukte 4 timar på å gjere registreringar på kartgrunnlaget og svare på spørsmåla kva pregar Molde i dag og kva vil du skal prege Molde i 2040. Svaret på det siste spørsmålet er kort oppsummert i denne ordskya: Resultatet av work-shopen er no ein del av grunnlaget til arbeidet med planen.
Regionkonferanse for ungdomsråda i Romsdal. Ungdomsråda i Romsdal vert invitert til ei dagssamling i førkant av fylkesting for ungdom. Fylkesting for ungdom har ei lang sakliste og det er mykje materiale å gjere seg kjende med. Dagen vert nytta til å verte kjende med representantar frå dei andre ungdomsråda i regionen og til å gjere seg kjende med sakene som skal handsamast på fylkesting for ungdom. UKM Molde. Ungdomsrådet i Molde er arrangør av UKM siste helga i januar. UKM vert arrangert på Plassen, med ei kunstutstilling og ei forestilling i teatersalen. Ungdomskonferansen 6. mars 2015. Ungdomskonferansen hadde 120 deltakar frå ungdomsskulane og dei vidaregåande skulane i Molde. Konferansen vert nytta til å informere om ungdomsrådet sitt arbeid, innlegg frå Natur og ungdom om klima, politisk paneldebatt og til slutt val av nytt ungdomsråd. Speed-dating på ungdomskonferansen.