DEL 1 KRAV TIL BYGGESØKNAD

DEL 1 KRAV TIL BYGGESØKNAD 1 INNLEIING Kvinnherad kommune ynskjer å bidra til auka kvalitet på tiltaka kring i kommunen, samt vere så effektive som mogleg i sakshandsaminga. Søkjar ynskjer så kort handsamingstid som mogleg. Difor er kommunen avhengig av at utbyggjarane sender inn ein søknad som er så komplett som mogleg og oppfyller dei offentlege krava som blir stilt. Då slepp ein unaudsynte stopp i sakshandsaminga, til dømes grunna manglande dokumentasjon eller nabovarsling. I denne rettleiaren følgjer ein gjennomgang av søknad og innhald, mellom anna sjekkliste og oversikt over dokumentasjon som må vere med i ein byggjesøknad. 2 SØKNAD I utgangspunktet er alt av oppføring, tilbygg, påbygg og plassering av bygning, konstruksjon og anlegg søknadspliktig (etter plan- og bygningslova (PBL) 20-1 eller 20-2). Unntaka er det som kjem inn under unntaksføresegner i PBL 20-3 eller byggesaksforskrifta (SAK10) 4-1. Bruksendring, vesentleg endring eller reparasjon av søknadspliktige tiltak og vesentlege terrenginngrep er søknadspliktig. 2.1 Ansvar Tiltak etter PBL 20-1 skal i utgangspunktet dekkjast med ansvar for dei ulike fagområda, og ein profesjonell aktør (til dømes byggeføretak) skal vera ansvarshavande. Tiltakshavar kan søkja om å stå ansvarleg for byggjearbeidet på eigen bustad/fritidsbustad dersom arbeidet er av liten kompleksitet og vanskegrad, tiltaksklasse 1 (SAK10 6-8). Somme mindre tiltak kan bli utført av tiltakshavar utan at tiltaket treng ansvar (PBL 20-2). 1

4 OBLIGATORISK DOKUMENATSJON FOR ALLE SØKNADER (PBL 20-1 og 20-2) 4.1 Søknad Søknad om løyve til tiltak. Byggesøknaden skal dokumentera at krava i PBL blir ivaretatt for det aktuelle tiltaket. Difor er det viktig å fylle ut all informasjon. Det er to måtar å fylle ut søknaden på: Elektronisk gjennom ByggSøk (anbefalt) og papirblankett. a. Kvinnherad kommune oppfordrar alle til å nytte ByggSøk når dei søkjer om løyve til tiltak. ByggSøk er ei gratis, nettbasert teneste og hjelper deg trinn for trinn i utfyllinga av søknaden. Søknaden blir meir komplett, som igjen fører til kortare handsamingstid. b. Papirblankettar finn ein på kommunen si heimeside, eller på heimesida til Direktoratet for byggkvalitet. 4.2 Opplysingar gitt i nabovarsel Blanketten blir automatisk generert i ByggSøk. Dersom ein nyttar papirblankett (5155), må blanketten fyllast ut og leverast inn i lag med søknaden til kommunen. 4.3 Nabovarsel Nabovarsel (5154) er eit eige skjema som ein fyller ut (automatisk i ByggSøk) og legg ved i nabovarslinga til naboane. 5154 skal ikkje kommunen ha med i søknaden. 4.4 Nabovarselkvittering Blanketten blir automatisk fylt ut i ByggSøk etter at ein har ført inn informasjon om naboar/gjenbuarar. Utfylt papirblankett (5156) eller utskrift frå ByggSøk med vedlegg (situasjonsplan, teikningar, m.m.) sender ein rekommandert til naboar/gjenbuarar eller naboar/gjenbuarar kvitterar personleg for motteke nabovarsel og eventuelt samtykkjer. Når alle er informert, skal blanketten leggjast ved søknaden, enten elektronisk eller i brev (16/14 dagar etter at alle naboar/gjenbuarar har motteke varselet). 4.5 Nabomerknader Dersom nokon av naboane/gjenbuarane har merknader til tiltaket, skal desse leggjast ved søknaden i lag med kommentarar til merknaden frå tiltakshavar/ansvarleg søkjar. Hugs å føre dette inn i søknaden. 4.6 Situasjonsplan Bestill situasjonskart frå Kvinnherad kommune eller skriv ut eit kart frå Fonnakart. Teikn inn tenkt tiltak med eksakte mål, samt avstand til veg, nabogrense, andre bygningar, eventuelle høgspentliner og VA-leidningar. Høgdeplasseringa skal visast i kartet. 4.7 Teikningar Alle søknader (med få unntak) skal innehalde fasadeteikningar og planteikningar av tenkt tiltak. Teikningane skal vera målsatt (inkl. målestokk). 4.8 Tverrprofil Alle søknader skal innehalda ein tverrprofil som viser det tenkte inngrepet i terrenget og innteikna tiltak. I tilfelle der dette ikkje er naudsynt, kan kommunen frita søkjar frå å levera 2

tverrprofil (t.d. terreng utan gradient). I dei tilfella ein gjer endringar på avkøyrsle eller vegtrassé, skal det leverast ein tverrprofil av desse tiltaka. 4.9 Dispensasjonssøknad I somme tilfelle må det søkjast dispensasjon frå plankrav, arealføremål i plan eller PBL 1-8. Dispensasjon krev grunngjeven søknad (PBL 19-1). Når det skal dispenserast frå lova eller forskriftene til lova, skal det leggjast vekt på konsekvensane dispensasjonen har for helse, miljø, tryggleik og tilgjengelegheit, og fordelane ved å gje dispensasjon skal vera klart større enn ulempene etter ei samla vurdering (PBL 19-2). Grunngjeven søknad om dispensasjon må skrivast på eige ark og sendast inn i lag med søknaden om tiltak. Hugs å nabovarsle dispensasjonssøknaden (kan gjerast i lag med søknad om tiltak eller for seg sjølv), og leggje ved kvittering for nabovarsel (punkt 3). 4.10 Fråsegn bygging nær eigedomsgrense Dersom tiltaket skjer nærare nabogrense enn PBL 29-4, TEK10 11-6 eller føresegner gjort av kommunen seier, skal eigar (festar) av naboeigedomen gje skriftleg samtykkje om plassering. 4.11 Veg Der det er aktuelt, må ein sørgja for at det er gitt godkjent avkøyrsle og at tiltaket ikkje er innanfor byggjegrensa mot veg. Byggjegrensa mot fylkesvegen er 50 meter og mot kommunal veg og gang- og sykkelveg 15 meter. Søknad om løyve til avkøyrsle og søknad om dispensasjon frå byggjegrense mot veg, må følgje søknaden eller leverast inn før søknaden. Søknadspapir for fylkesveg finn du her. Søknad som gjeld avkøyrsle frå kommunalveg finn ein her. Dersom det gjeld dispensasjon frå byggjegrense mot kommunal veg, vil sakshandsamar på byggesak senda søknaden om tiltak til uttale hjå kommunale vegmynde. Rammeplanen for avkøyrsle og byggegrenser fortel kva ein kan forvente av haldning frå vegvesenet og fylkeskommunen, men er ikkje absolutt. 4.12 Vassforsyning 4.12.1 Offentleg vassverk Kommunalt eller felles privat vassverk. Søknad om tilknyting til kommunen eller felles privat vassverk. 4.12.2 Privat vassverk Brønn, borehol eller tilsvarande. Må godkjennast av Mattilsynet. 4.13 Avløp 4.13.1 Offentleg avløpsanlegg Kommunalt. Søknad om tilknyting til kommunen. 4.13.2 Privat avløpsanlegg Søknad om utsleppsløyve til kommunen, elektronisk eller papirblankett. 3

5 SØKNAD OM TILTAK MED ANSVARSRETT (PBL 20-1) 5.1 Søknad Ein kan velja mellom ulike søknadsformer: 5.1.1 Eitt-trinnssøknad Eitt-trinnssøknad nyttar ein når det er oversiktlege tiltak. Søknaden skal vera komplett, sjå punkt 2-16. Søknaden kan fyllast ut på ByggSøk eller papirblankett (5174) (Sjå tabelloversikt side 6). 5.1.2 To-trinnssøknad To-trinnssøknad nyttar ein når det er meir kompiserte tiltak. Her er søknadsprosessen delt i to: Søknad om rammeløyve og søknad om igangsetjingsløyve. Søknad om rammeløyve (5174) inneheld info om tiltakets arkitektoniske form og overordna tekniske rammeføresetnader, nabovarselkvittering og nabomerknader med kommentar, eventuell avklaring vegrett. Søknad om igangsetjingsløyve (5151) må innehalda alle ansvarsrettar. Sjå side 6 for meir detaljar. Det kan bli gitt trinnvise igangsetjingsløyver når delprosjekteringa er ferdig. 5.2 Ansvarsrettar Søknaden skal innehalda søknad om ansvarsrettar. Dersom det blir søkt om eit frittliggjande bygg, må eit godkjent firma ha ansvar for oppmålingsteknisk prosjektering og innmåling og utstikking av tiltak (SAK10 13-5). 5.2.1 Ansvarleg søkjar Er tiltakshavar sin representant ovanfor kommunen og står for all kontakt mellom kommunen, føretaka og tiltakshavar. Har ei administrativ rolle, koordinerer prosjektet og passar på at ansvarsoppgåvene til føretak blir ivareteke. 5.2.2 Prosjekterande (PRO) Ansvar for all prosjektering innan fagfeltet; teikningar, dimensjonering, dokumentasjon. 5.2.3 Utførande (UTF) Utførande innan bygge- eller rivearbeidet i samsvar med prosjekteringa (som berre kan utførast av PRO). Utførande skal òg plassera tiltaket korrekt i terrenget, eventuelt melda frå om endringar. 5.2.4 Ansvarleg kontrollerande (KPR/KUT) Skal kontrollera at prosjekteringa og utføringa følgjer PBL, forskriftene og byggeløyve. 5.2.5 Uavhengig kontrollerande Det er krav om uavhengig kontroll av fuktsikring ved bygging av våtrom i bustader og lufttettleik i nye bustader. Det same gjeld fritidsbustader med meir enn ei bueining. Dersom tiltaket er meir kompisert og ligg i tiltaksklasse 2 og 3, skal det vera kontroll av bygningsfysikk, konstruksjonstryggleik, geoteknikk og branntryggleik (SAK 14). 4

5.3 Gjennomføringsplan Oversikt i tabellform som gjer kommunen opplysningar om gjennomføringa av tiltaket der det er krav om ansvarsrett. Blir fylt ut automatisk i ByggSøk eller bruk papirblankett (5185). 5.4 Avfallsplan Skal gjera greie for planlagt handtering av avfall. Avfallsplanen kan fyllast ut på ByggSøk, eller papirblankett (5178 eller 5179). Tiltak der avfallsplan er naudsynt, finn ein i TEK10 9-6. Ved søknad om mellombels bruksløyve eller ferdigattest skal det leverast sluttrapport for avfallet (same skjema). Punkta vidare er skildra nærare under punkt 4.2-4.13 5.5 Situasjonsplan 5.6 Opplysingar gitt i nabovarsel 5.7 Nabovarsel 5.8 Nabovarselkvittering 5.9 Teikningar 5.10 Tverrprofil 5.11 Eventuelle nabomerknader 5.12 Dispensasjonssøknad 5.13 Fråsegn bygging nær nabogrense 5.14 Veg 5.15 Vassforsyning 5.16 Avløp 5

6 SKJEMATISK OVERSIKT OVER KVA EIN SØKNAD MED ANSVARSRETT SKAL INNEHALDA 7 1. Eitt-trinnssøknad 1 2 3 2. Søknad om rammeløyve 3. Søknad om igangsetjingsløyve Søknadsskjema 5174 fylt ut nøyaktig og underteikna av både tiltakshavar og søkjar (dersom søknaden er fylt ut på ByggSøk, treng ikkje kommune tiltakshavar si underskrift, men ansvarleg søkjar må ha eit eksemplar med tiltakshavar si underskrift) Opplysningar om dei ytre rammene til tiltaket, 5175. Korleis oppfyller tiltaket føresegnene om arealdisponering, bruk, grunnforhold, rasfare og miljøforhold, tilknyting til off. veg- og leidningsnett. Opplysingar gjeve i nabovarsel 5155. Dersom det blir søkt om dispensasjon, skal dette òg bli varsla om. Kvittering for nabovarsel 5156. Eventuelle nabomarknader skal sendast inn til kommunen i lag med kommentar frå tiltakshavar/ansvarleg søkjar. Situasjonsplan der ein har teikna på tenkt tiltak, med eksakte mål, samt avstand til veg, nabogrense og andre bygningar, tilknytingspunkt til leidningsnett, avkøyrsle. Planteikning og fasadeteikningar i passande målestokk (1:100, 1:200, 1:500) og fagmessig utført. Målsatt. Tverrprofil som viser tiltaket si plassering i terrenget, både noverande og framtidig. Målsatt. Søknad om ansvarsrettar for prosjekterande (PRO) og eventuelt kontrollerande for prosjekterande (KPR) med relevant dokumentasjon om forhold som blir avklart i rammeløyve (5181, og ved lokal godkjenning 5159 og 5160). Gjennomføringsplan med oversikt over ansvarsområde inndelt i godkjenningsområde og etter tiltaksklasse, kontrollområde, ansvarleg føretak og gjennomføring av oppgåvene (5185). Dokumentasjon som tek hand om krav i rammeløyve. Søknad om ansvarsrett for prosjekterande føretak i den grad det ikkje er dokumentert ved rammesøknad, samt utførande (UTF) og evt. kontrollerande for utføringa (KUT) med relevant dokumentasjon (5181, og ved lokal godkjenning 5159 og 5160). Uttale og avgjersle frå andre myndigheiter, til dømes vegmynde. Ein eventuell søknad om dispensasjon frå plankrav, arealføremål i plan eller PBL 1-8. Søknad om dispensasjon må skrivast på eige ark. Hugs å nabovarsle dispensasjonssøknaden. Kjelde: NKF Dei fleste skjemaa blir danna automatisk generert når ein nyttar ByggSøk. Unnataka er Uttale frå andre mynde, situasjonsplan, kommentar til eventuelle merknad. 6

8 SØKNAD OM TILTAK UTAN ANSVARSRETT (PBL 20-2) 8.1 Søknad Søknad om tiltak utan ansvarsrett (5153) kan nyttast for mindre tiltak, PBL 20-2, SAK10 Kap. 3. Punkta vidare er skildra nærare under punkt 4.2-4.13 8.2 Situasjonsplan 8.3 Opplysingar gitt i nabovarsel 8.4 Nabovarsel 8.5 Nabovarselkvittering 8.6 Teikningar 8.7 Tverrprofil 8.8 Eventuelle nabomerknader 8.9 Dispensasjonssøknad 8.10 Fråsegn bygging nær eigedomsgrense 8.11 Avfallsplan 8.12 Veg 8.13 Vassforsyning 8.14 Avløp 7

9 SJEKKLISTE før innsending av søknad til kommunen Søknad med ansvarsrett 20-1 Merknad 1. Søknad Eitt- eller to-trinnssøknad 2. Ansvarsrettar Lokal eller sentral? Hugs ansvarsrett for oppmålingsteknisk prosjektering og innmåling og utstikking av tiltak 3. Gjennomføringsplan 4. Avfallsplan Sjå TEK10 9-6 for tiltak der avfallsplan er naudsynt 5. Opplysingar gitt i nabovarsel 6. Nabovarselkvittering Sendast kommunen minimum 14 dagar etter varselet er sendt ut. Kommentarar på merknad frå tiltakshavar eller ansvarleg søkjar 7. Eventuelle nabomerknader med kommentar 8. Situasjonsplan Hugs målsetjing og målestokk 9. Teikningar Både fasadeteikningar og planteikningar 10. Tverrprofil 11. Dispensasjonssøknad Grunngjeven søknad. Skal nabovarslast 12. Fråsegn bygging nær eigedomsgrense 13. Veg Vegrett, avkøyrsle og byggjegrense 14. Vassforsyning Røyrleggjar 15. Avløp Røyrleggjar Søknad om tiltak utan ansvarsrett 20-2 Merknad 1. Søknad 2. Opplysingar gitt i nabovarsel 3. Nabovarselkvittering Sendast kommunen minimum 14 dagar etter varselet er sendt ut. 4. Eventuelle nabomerknader med kommentar Kommentarar på merknad frå tiltakshavar eller ansvarleg søkjar 5. Situasjonsplan Hugs målsetjing og målestokk 6. Teikningar Både fasadeteikningar og planteikningar 7. Tverrprofil 8. Dispensasjonssøknad Grunngjeven søknad. Skal nabovarslast. 9. Fråsegn bygging nær eigedomsgrense 10. Avfallsplan Sjå TEK10 9-6 for tiltak der avfallsplan er naudsynt 11. Veg Vegrett, avkøyrsle og byggjegrense 12. Vassforsyning Røyrleggjar 13. Avløp Røyrleggjar 8