MØTEBOK Kommune Styre, råd, utval Møtestad Møtedato Frå kl. 19.00 Til kl. 21.30 Aurland fjellstyret Fjordsenteret 5.11.14 TIL STADES PÅ MØTET Medlemar Erling Nesbø, John Håland, Bjørn Ebne, May Britt Martinsen, Bente Steine Varamedlemar Ingen Andre Håkon Øydvin HANDSAMA SAKER Sak nr./år 31/14, 32/14, 33/14, 34/14, 35/14, 36/14. UNDERSKRIFTER Vi stadfestar med våre underskrifter at blada i møteboka som vi har signert for er førde i samsvar med det som blei fastsett på møtet. UTSKRIFTER Hovudutskrift er sendt til Fjellstyremedlemane og.
Sak 31/14. Referat og meldingar Følgjande meldingar vart refererte i samsvar med utsend liste: 1) Møtebok fjellstyremøte den 11. juni 2014 2) Statskog SF 18.6.14: Utbetaling av tilskot til fjellstyret sitt oppsyn for 2014 3) Ny tariffavtale for fjelloppsynet inngått mellom Naturvitarane og Norges fjellstyresamband den 18.7.14 4) Sogn og Fjordane politidistrikt 17.7.14: Innvilga avgrensa politimynde til Håkon Øydvin, Harald Skjerdal og Knut Fredrik Øi Merknad: Viss Erlend Øydvin skal engasjerast som ferievikar/sesongoppsyn neste år, kan det vera aktuelt å senda han på oppsynskurs. 5) Aurland jakt- og fiskelag, brev 1. 9.14: Jaktlaget i Nordheimsdalen, samansetnad 6) DNT Oslo og omegn Varsel om revarding og merking av løypa Stemmerdalen Østerbø sommaren 2015 7) Statskog SF: Referat frå møte om steinbu i Stemmerdalen Fimreite Merknad: Bør vurdera å ta opp som sak i fjellstyret, før endeleg utforming av avtale. 8) E-co Energi, brev 29.9. Melding om tiltak - kjerneboring moglege steinbrot 9) Løyve frå Statskog SF til E-co Energi til kjerneboring 10) Info-møte hjå E-co Energi om ombygging av damanlegg i Aurland halde den 14. oktober. Merknad: Erling Nesbø orienterte frå møte med E-co. Fjellstyret reknar med at det kjem konsekvensutgreiing. Uheldig plassering av steinbrot/masseuttak til dam store Vargevatn. 11) Knut Fredrik Øi skal delta som innleiar på viltseminar på Hell i Trøndelag 6.-7. november 12) Innkalling til styremøte i FH, i Eidfjord fredag 5. desember, haustmøte villrein den 6. 13) Info frå NFS på e-post den 5. november aktuelle saker 14) Dato for fjellstyremøte i desember aktuelt i tida 9.-12. desember, på Holo gardstun. 15) Høyring på Forskrift om utøving av jakt og fangst: Merknad: Fjellstyret meiner at dei som tek på seg ettersøk i offentleg regi må ha gjennomført kurset «Ettersøk vidaregåande.» Ved regodkjenning av ettersøksekvipasje bør det vera valfritt om godkjenninga er på ferskspor eller blodspor ikkje begge deler. Jegerprøvegebyr: Bør halda med betaling av eitt gebyr. Dette gjeld ofte ungdom, viktig med rekruttering.
Sak 32/14. Oppsummering av reinsjakta 2014 Saksutgreiing, fellingsstatistikk m.m. låg føre. Momenta i saksutgreiinga vart drøfta, ingen vedtak gjort. Sak 33/14. Oppsynsbudsjettet for 2015 Saksutgreiing med framlegg til budsjett låg føre. Samrøystes vedtak: Det framlagde oppsynsbudsjettet for 2015 vert godkjent og oversendt til Statskog SF. Sak 34/14. Trekking av vinnar av «skrapdyrordninga» Det vart lagt fram ei liste med namn på 10 jegerar som hadde fått slakt vege av oppsyn, og som heldt vektgrensene på maks 28 kg for simle og 16 kg for kalv for å vera med i trekninga. For vidareføring av ordninga seinare år meiner fjellstyret det bør vurderast å dela dei to løyva (simle/ungdyr og kalv) på to jegerar. Vidare bør vektgrensene vurderast. Trekninga vart føreteken. Vinnar av fellingsløyve for simle/ungdyr og kalv for 2015 vart Ola Bjørgum. Sak 35/14. Søknad om løyve til oppsetjing av jervebås i statsallmenningen Saksutgreiing vedlagt søknad frå Ola Turlid låg føre. Samrøystes vedtak: Fjellstyret gjev Ola Turlid løyve til å driva fangst på jerv med jervebås i området Grånosi - Hellenuten i Aurland statsallmenning. Det vert ikkje kravd noka avgift for dette.
Sak 36/14. Søknad om gåve til auksjon i samband med støtte for Sogn jord- og hagebruksskule Saksutgreiing låg føre. Grunna utsetjing av dette fjellstyremøtet til etter at auksjonen var halden, vart det orientert om at det var gjort eit administrativt vedtak om å gje eit garnkort for 5 garn for sesongen 2015 til auksjonen. Det vart opplyst at dette gav ei inntekt på 1800 kr. Fjellstyret tok dette til vitande.