Notat: Ein gjennomgang og ei kort evaluering av valkampen for Sogn og Fjordane SV for stortingsvalet 2017 Sakshandsamar: Hege Lothe Målet: Vårt felles mål var reell framgang ved stortingsvalet i 2017 og at den offentlege forteljinga om SV etter valet er prega av framgangen vår. I 2013 hadde vi 2076 røyster og 3.4 %. (2076 stemmer) Målet vårt er 5 %. Valresulatet vart 4.5% av røystene og 2 781 røyster. Ein framgang på 1.1%. SV vart femte største parti i Sogn og Fjordane bak Sp, Ap, H og FrP. Valkampen var prega av at vi fekk meir merksemd og meir positiv merksemd enn valkampane på mange år. Det var fleire av våre «eigne» veljarar som kom tilbake til oss gjennom valkampen og vi hadde gode målingar. Når vi fyrst fekk ein såpass positiv valkamp, var det litt skuffande at vi ikkje greidde ein høgare prosentoppslutning på valdagen, og at vi ikkje kapra utjamningsmandatet. Planlegging av valkampen: Vibeke skreiv valkampplan gjennom våren. Den vart gått gjennom siste gong i fellesskap mellom toppkandidatane, fylkessekretær og sentral kontakt på stortingssekretariatet i midten av juni. Den inneheld gode konkrete politiske saker og satsingsfelt, men organisatorisk vart den ikkje skikkeleg detaljert og konkretisert på våren. Valkampopning: Denne var utanfor Førde Torg med 1576 legofigurar (ein figur for kvar unge som lever i familiar med vedvarande låginntekt), steiking av sveler, høgtalaranlegg for Vibeke som heldt appell. Det var mange aktivistar som var med den dagen, og vi fekk både god mediemerksemd og mykje merksemd frå forbipasserande. Skrivegruppe: Vi kontakta fleire om å vere med å skrive for oss. Dei som gjorde den viktigaste skriveinnsats var Gaute Losnegård, Magne Aardal, Helge Schei og Oddbjørn Bukve. Det fungerte best når Hege og Vibeke fordelte ut emne med direkte spørsmål om ta skriveoppdrag. Vi fekk ut fleire lesarinnlegg enn tidlegare valkampar og vi fekk mange på trykk digitalt eller på papir. Pressearbeid: Nokre utspel gjorde vi med å skrive pressemelding, og andre utspel var det vi som ringte for å få på saker, og andre gonger var det pressa som ringte til oss. Valkampstart-utspelet om å heve barnetrygda fekk mykje merksemd. Vi held oss til dei landsmøtevedtekne hovudsakene, i tillegg til nokre meir lokale saker mot fylkessamanslåing, kampen for Førdefjorden og mot nedlegging av asylmottak i Florø. At huset til Vibeke brann ned på svært dramatisk vis fekk mykje mediemerksemd. Sosiale media-utspel: Vi brukte mykje tid på å lage #diforrøysteregsv-memo til Facebook-sida vår, og Vekas kandidat. Desse fekk god spreiing og mykje merksemd. Vibeke spelte inn fleire filmsnuttar gjennom valkampen som vart lagt på Facebook. Det vart brukt noko annonsepengar for å få høg spreiing på desse utspela, og dei fekk til dels god spreiing. Valkamptilskipingar: Vibeke utfordra laga til bålprat. Dette vart gjort i fleire kommunar, og der vi gjorde det, vart det mykje gode samtalar. Nokre stadar som i Florø og i Måløy vart det fine medieoppslag. Opphaveleg var planen å få til bålprat gjennom heile våren, men det kom vi ikkje i gang med. I tillegg var det nokre lag som laga SV-party og nokre plassar der vi fekk til bedriftsbesøk og liknande. I Sogndal vart det laga kafemøte når Bård Vegar Solhjell kom til bygda, og det fungerte veldig godt. Deltaking frå lokallag: I valkampen var det svært mykje godt arbeid i lokallaga. Dei lokale medlemane gav god støtte til toppkandidatane, tok godt i mot dei og var entusiastiske på stand og i møte med folk. Svært mange bidrog med køyring og overnatting, og bidrog med god organisering lokalt. Valdebattar: Vi stilte opp i alle debattar vi vart inviterte til. For å rekke over alle invitasjonane var både Gaute Losnegård, Hege Lothe, Yrla Klein og Turid Vallestad i sving for SV. Vibeke tok dei viktigaste debattane sjølv, og har etter kvart god røynsle med å sitje i debattpanel, noko ho brukte til å vere tøffare i ordskifta enn for fire år sidan.
Partiutspørjinga av Vibeke vart i år lagt til Hoven i høve at NRK sentralt var der for å lage valsending derifrå. Dette gjorde at det vart eit ekstra merksemd rundt denne utspørjinga. Materiell: Vi laga eit hovudflygeblad som gjekk ut til alle husstandar i Sogn og Fjordane, og vart sendt ut til alle aktive lokallag. I tillegg vart det laga eit kort A5-flygeblad, i tillegg til eit flygeblad for vern av Førdefjorden. I år hadde vi teke oss råd til å bruke profesjonell fotograf, dette gjorde både flygeblada finare, og nettsideoppslag, Facebook-oppslag og presseoppslag finare. Skulevalkampen: Når SV og SU fyrst fekk i gong kontakten gjekk arbeidet veldig godt. Audun Syltevik i Hordaland SU organiserte, og Albert Andersen frå sentralstyret i SU var både organiseringsmannskap, kjentmann, debattant og standsmannskap. SU i Sogn og Fjordane hadde veldig mange aktive medlemer som gjorde ein veldig god innsats på stand i valkampen, og i oppstart av lokallag etter valet. Mange av SV-laga stilte opp og bidrog med overnatting og køyring, og å stå på stand. Støtte frå sentralt: Toppkandidatane opplevde god støtte frå sentralt. Det var gode lesarinnlegg og framlegg til utspel. Og på sentralt er det opparbeidd eit digitalt arkiv som gjev god støtte for dei som skal snakke fram partiet sin politikk. Det var gjort ein god jobb i framkant av valkampen frå partileiinga til det politiske opplegget for valkampen. Læringspunkt (smått og stort) til neste gong: x) Start planlegginga tidleg. Gjerne ei samling med gjennomgang med toppkandidatane rett i etterkant av nominasjonsmøtet. Deretter fleire planleggingsøkter i framkant av fylkesårsmøtet og utetter våren. x) Lag ei eiga forventningsavklaringsliste til dei som stiller som kandidatar på lista FØR dei er valde av nominasjonsmøtet. Kva vert forventa av dei tre-fire på toppen av lista (om å ta avspasering, frikjøp, om å skrive, gjere utspel, ta valkampdebattar) x) Avklar tidleg frikjøpsavtalar med toppkandidat(ar) og valkampsekretærar. x) Bruk tid og pengar på å få teke gode kandidatbilete. x) Lag ferdig valkampmateriellet på i mai/juni. Sørg for at namna til alle på lista er skriven inn i hovudflygebladet. x) Fordel skriveoppdrag på mange fleire enn kandidatane. Gjerne frå april-mai og gjennom valkampen. x) Ver tydleg(are) i forventningane til lokallaga i framkant av valkampen. Desse forventningane til aktivitet gjennom valkampen kan fylkesårsmøte / lokallaga vedta i fellesskap allereie i februar. x) Bruk telefonmøte / videomøte valkampansvarlege / lokallaga eit par gonger gjennom valkampen. x) Planlegg på førehand ei oppsummeringssamling med alle interesserte aktivistar i passeleg tid etter valdagen. x) Eit eige Excel-ark for heile skulevalkampen fungerte veldig godt. Planlegginga frå SU (og eventuelt involvering frå SV-fylkeslaget) kan godt byrje tidleg på våren. x) Felles google-kalender for alle dei involverte fungerer veldig godt. Vedlegg 1: Presseutspel / lesarinnlegg: 25.05 Utfordrar AP og SP til å snu, artikkel, utspel om fylkessamanslåing, Fjordabladet, 26.05 Full støtte til bøndene, lesarinnlegg, Fjordenes Tidende, Firda, Sogn Avis, porten.no 30.05 Fylkessamanslåing - kva no?, lesarinnlegg, Sogn Avis, Firda 13.06 Ber Venstre om hjelp, artikkel, Fjordabladet, Firda Tidend, 13.06 Sender jordbruket ut i kaos, artikkel, Sogn Avis 16.06 Meiner Vingle-Venstre aldri har passa betre, artikkel, porten.no 14.07 Firda har sjekka dei i korta: Slik har dei tenkt å vinne valet, artikkel, Firda 06.08 Debattinnlegg om Hiroshimadagen og kampen mot atomvåpen, lesarinnlegg, porten.no 06.08 Vi krev profittfri velferdstenester no!, lesarinnlegg, porten.no
09.08 Oppdrettar: - Blir ei misunningsavgift, artikkel, ilaks 10.08 Vi krev profittfrie velferdstenester no 10.08 Gode tenester der vi bur, lesarinnlegg, Bergens Tidende 16.08 Ein legofigur for kvart barn som lever under fattigdomsgrensa, artikkel og innslag, nrk.no 17.08 Folkevald, artikkel i Kommunal Rapport med Vibeke 22.08 Navarsete: - Eg starta elbileventyret, artikkel, nrk.no 23.08 Utspørjing av Vibeke Johnsen (SV), artikkel, nrk.no 23.08 SV-Johnsen vil lenke seg fast mot fjorddeponi, artikkel, nrk.no 25.08 Er det ideologi som er årsaka?, artikkel, Firdaposten 26.08 Tafatt landbruksoppgjer, artikkel, Firda 28.08 Lær av Johnsen og Storehaug, lesarinnlegg, Firda 29.08 Ta kampen mot klimaendringane!, lesarinnlegg, Firda 29.08 Vegen har vore lang, men no har Odd snart fagbrev, artikkel, Firda 30.08 Skatt, ulikskap og fellesskap, lesarinnlegg, Fjordabladet 30.08 KrF-topp meiner abort er å ta liv, artikkel, nrk.no 30.08 Ein god distriktspolitikk 01.09 Til kamp mot barnefattigdom!, lesarinnlegg, Firda 01.09 Saka om Førdefjorden er ikkje avgjort, lesarinnlegg, Firda 04.09 Stopp våpensalet!, lesarinnlegg 05.09 Umulig å drive slik som vi gjør, artikkel, Fjordenes Tidende 05.09 No trengst ho Vibeke på tinget, lesarinnlegg, Firda 05.09 Kos rundt SV-bålet, artikkel, Fjordabladet 06.09 SV tar kampen for elevane, lesarinnlegg, Firda 05.09 SV mest fram i Sogn og Fjordane (om skulevalet) 07.09 Fyrte opp bålet, snakka nullutslepp, lesarinnlegg, Firdaposten 07.09 9 gode grunnar til å røyste SV, lesarinnlegg, 07.09 Asfaltdamer for gode kvardagsvegar på Tinget! (fellesutspel om trygge vegar med Yvonne Wold i Møre og Romsdal) 08.09 Vi meiner regjeringa ikkje skal halde fram, lesarbrev, Firda 08.09 Ein politikk for dei mange, lesarinnlegg, Fjordingen 08.09 Sheikh har sett behovet for flere lærere, Fjordenes Tidende 08.09 Bruk røysteretten, artikkel med Mohammed Abdi Sheikh, Fjordabladet 09.09 Sjå den siste debatten mellom toppkandidatane, nrk.no Vedlegg 2: Tilskipingar / valdebattar / anna opplegg: (fyrst og fremst tilskipingar der fylkeslaget har vore involverte) 22.07 Skjergardstreff, Askvoll, Gaute og Vibeke
22.07 Malakoff, stand i Eidsgata, Vibeke og Hege 27.08 Landskyttarstemne, Førde, stand saman med lokallaget, Vibeke 06.08 Hiroshima-dagen. Fjelltur på Nuken i Sogn, Vibeke heldt appell 10.08 SV-stand i høve Målrock i Årdal, Vibeke og Steinar 11.08 Bedriftsbesøk hjå Norsk Bergsikring, Askvoll, Vibeke og Gaute 11.08 Bålprat i Askvoll. Gaute og Vibeke deltok 11.08 Pubdebatt i Holmedal, Vibeke deltok i debatten, Gaute var med 12.08 SV-frukost i Dale i høve Dalsfjordveka, Vibeke deltok 12.08 SV-stand i Dale saman med Fjaler SV, Vibeke deltok 15.08 Valkampopning i Førde, svært mange lokale stilte opp, Vibeke heldt appell 14.08 Bålprat ved Bergheimsvatnet, Gloppen SV vertskap, Vibeke deltok 17.08 Debatt på Vassenden, Vibeke deltok i debatten, Jølster SV på stand 18.08 Stand i Aurland, Steinar og Vibeke 19.08 Debatt på Eikefjorddagane, stand saman med Flora SV, Vibeke deltok i debatten 20.08 Debatt på Sandane-dagane, stand saman med Gloppen SV, Vibeke deltok i debatten 22.08 Valdebatt på Hermannsverk, Vibeke deltok i debatten, NRK-sendt debatt 22.08 Duell om barnefattigdom mot FrP, NRK-sendt debatt 23.08 El og IT-samling i Førde for Hordaland og Sogn og Fjordane, Hege deltok i debatten 23.08 Helsepolitisk dag med Sjukepleiarforbundet, Førde, Yrla Klein deltok i debatten 23.08 NRK-partiutspørjing frå Hoven i Loen, Vibeke deltok 23.08 Pensjonistforbundet i Sogn og Fjordane, debatt på Skei, Hege deltok 24.08 Grøn transportkonferanse i Hyen, Gaute deltok i debatten 24.08 Møte i TV-aksjonen i Sogn og Fjordane, Vibeke deltok 24.08 Fjord-markering i Vevring, saman med Naustdal SV, Vibeke deltok 24.08 Skuledebatt på Måløy vgs, stand SU og SV, Jeffery Meijer møtte i debatten 24.08 Skuledebatt på Eid vgs, stand SU og SV, Yrla møtte i debatten 25.08 Landbrukspolitisk dag med Bondelaget, Stryn / Byrkjelo, Vibeke deltok 25.08 Skuledebatt på Firda vgs, stand SU og SV, Jeffery Meijer møtte i debatten 25.08 Landbruksdebatt i regi av Bondelaget, Byrkjelo, Vibeke møtte i debatten 25.08 Sosialistisk valkampparty hjå Sølvi Songstad på Hardbakke i Solund, Hege og Vibeke 26.08 Solund-dagen, stand saman med Solund SV, Vibeke og Hege deltok 28.08 Møt NAV, arbeidsgjevar og ungdom på Dekkmann, Førde, Bård Vegar, Yrla og Vibeke 28.08 Stand på Hafstad vgs, SU, SV, Vibeke, Yrla og Bård Vegar 28.08 Stand på Høgskulen på Vestlandet, Sogndal, Vibeke og Bård Vegar 28.08 Kafemøte: Politikk & sjakk i Sogndal, Bård Vegar og Vibeke deltok pluss mange fleire 28.08 Skuledebatt på Stryn vgs, stand SU, Jeffery Meijer deltok i debatten 28.08 Skuledebatt på Nordfjord folkehøgskule, stand SU, Hjørdis Kure deltok i debatten 29.08 Transportpolitisk dag i Førde, Gaute deltok 29.08 Skuledebatt på Hafstad vgs, stand SU, Yrla Klein deltok i debatten 29.08 Nasjonal aksjonsdag om skulepolitikk 29.08 Bedriftsbesøk på basen i Florø, saman med LO, Vibeke deltok 29.08 Skuledebatt på Mo og Øyrane vgs, stand SU, Albert deltok i debatten 29.08 Skuledebatt på Høgskulen på Vestlandet, Førde, stand SU og SV, Yrla Klein i debatten 30.08 Bedriftsbesøk i Svelgen saman med LO, Vibeke deltok 30.08 Møte med Bremanger SV, Vibeke deltok 30.08 Bålprat med Vågsøy SV i Måløy, Vibeke deltok 30.08 Skuledebatt på Flora vgs, SU og SV stod på stand, Yrla tok debatten 31.08 Klimadebatt i Sogndal, Vibeke var til stades på seminaret
31.08 Debattmøte i Høyanger, Fagforbundet, Hege deltok og heldt innlegg 31.08 FFO-debatt i Førde, Vibeke deltok i debatten 31.08 Raud pub i Førde, Vibeke deltok med innlegg 31.08 Skuledebatt på Dale vgs, SV og SU på stand, Albert tok debatten 01.09 Skuledebatt på Høyanger vgs, SU på stand, Albert tok debatten 01.09 Skuledebatt på Sygna vgs, SU på strand, Albert tok debatten 01.09 Bedriftsdag med byggnæringa, saman med NHO, Vibeke deltok 01.09 Bålprat i Stryn saman med Stryn SV, Hege og Vibeke deltok 02.09 Stand i Lærdal saman med Lærdal SV, Vibeke deltok 02.09 Stand i Gaupne saman med Luster SV, Hege deltok 03.09 Debatt i Kalvåg, Bremanger SV hadde stand, Gaute deltok i debatten 03.09 Bålprat saman med Balestrand SV, Vibeke og Steinar deltok 04.09 Bedriftsbesøk hjå Holen instalasjon, saman med NHO, Vibeke deltok 04.09 Skuledebatt på Sogndal vgs, SV og SU på stand, Albert tok debatten 04.09 Debatt på Høgskulen på Vestlandet, sendt på NRK, Sogndal, Yrla deltok 04.09 Bålprat med Flora SV, Vibeke deltok 05.09 Bedriftsbesøk hjå Sogn og Fjordane Teater, Vibeke 05.09 Marine Harvest inviterte til bedriftsbesøk i Vågsøy, Gaute deltok 05.09 Skuledebatt på Årdal vgs., SU på stand, Albert deltok 06.09 Arbeidsplassbesøk på Nordfjord sjukehus saman med LO, Vibeke deltok 06.09 Debatt med Fagforbundet, Nordfjordeid, Vibeke deltok 06.09 Bålprat: Forum for natur og friluftsliv, Turid Vallestad deltok 06.09 Debatt på Dalsøyra, Gaute deltok 08.09 Samtale med Utdanningsforbundet i Sogn og Fjordane, Hege og Vibeke deltok 08.09 Partidebatt i NRK Sogn og Fjordane, Førde, Vibeke deltok 09.09 Stand over heile fylket, Vibeke deltok i Sogndal 09.09 Kringkastingsorkesteret-konsert på Sandane, Vibeke var med som frivillig 10.09 Ferjekaiaksjon fleire stadar, Vibeke deltok på Mannhellar 11.09 Valdag