Denne månaden har me blant anna arbeid med «Barn hjelper barn» som ei førebuing til haustfesten vår 3. november, der inntektene vil gå til SOS-barnebyer Bergen. Barna har mellom anna laga epletrykk og lykter som skal seljast på festen. (Invitasjon og meir informasjon til festen heng i barnehagen) ta med familien og kom (kl. 14.00 15.30)!! Tarzan har vore på flotte turar blant anna til leikeplassen ved Stølen der dei gjekk alle i lag. Elles har dei vore i Landåsen, der me arbeidde med knivar, sager og tenger, og samla inn naturmaterial og kosa oss med varm og god kakao. Dei har også hatt språksprell på måndagar med Else J. og gruppeaktivitetar på torsdagar, med Lena, der dei blant anna har laga haustkransar og arbeidd i Tarzanboka si. Dei har også arbeidd med naturmaterial saman med Kjersti, i form av ein regnbogepinne der barna sjølve kom med ide og ynskje til aktivitet. 3 og 4 åringane har ikkje fått alle turane sine denne månaden då me har vore ein vaksen i minus ein periode, men dei har fått gode alternativ. Dei har vore på skattejakt med Renate i uteområdet vårt, og har arbeidd med rundingar der dei blant anna gjekk på leit etter rundingar i barnehagen og fotograferte. Dei har og arbeidd med måling, der dei fekk måle seg sjølve. I staden for tur eine torsdagen hadde me ei samling der me hadde tema venskap i form av dramatisering. Dei har også hatt språkleik på måndagar. Fredagane er avdelingsdagar, og då har me hatt magisk samling, og smøremat, noko barna ser fram til. Her har me hatt kunstformidling der barna vart introduserte for maleriet «Skrik» av Edvard Munch, og arbeidde med dette i etterkant. Ein annan fredag kom Haustdronninga på besøk under frukosten ho dreiv å kosta lauv ute! Me har og vore på tur til Stadion. Neste månad og fram mot jul vil me ha ekstra fokus på venskap og vil nytta ulike metodar i høve til arbeidet med dette meir informasjon finn du i garderoben eller ved å ta kontakt med oss på avdelinga. Me vil også arbeida ein del med ulike eksperiment i gruppeaktivitetane. Måndagar vil framleis ha fokus på språk og språkutvikling i mindre grupper. Me har endeleg fått på plass informasjonstavla vår i garderoben, der kan du finne informasjon om kva barnet ditt har vore med på i løpet av dagen dersom du ikkje treff på ein vaksen frå avdelinga når du hentar. Nyttar høvet til å minne om : Klede og sko sjå over at det er heilt, passar, og at det er rikeleg med byteklede og alternativ i høve til skiftande vær. God tursekk og drikkeflaske til turdagane (dette kan gjerne ligge i barnehagen til ei kvar tid) Det er framleis nokre som ikkje har sett seg opp til foreldresamtale.
Leik med sand Magisk samling «Skrik» Arbeid med naturmaterial «Her har haustdronninga vore» seier Abelone. Det trur eg ho har heilt rett i.
Tur til Stadion Tarzan i Landåsen Hoppeparadis i garderoben Spikking «Hagearbeid» i barnehagen «Smøremat» nudlar med kyllingpølse Brev til «Haustdronninga»
Barnas tolking av «skrik» du finn utstillinga inne på Revahiet Reven vår. «Renate e god te å teina rev» Handletur til Rema 1000 Tarzanjentene og Lena Barna har laga epletrykk til haustfesten saman med Kjersti Dei barna, som ynskte det, har laga flotte pinne-lykter til haustfesten, desse får de høve til å kjøpe, og kan kose dykk med i haustmørke. Dei har også laga lykter / kuler av tråd, lim og ballong.
Litt informasjon om språktreninga vår: Språksprell nyttar me i særleg grad saman med «Tarzan-barna», som ei trening i å snakke om og å analysere språket som system. Formålet er altså å stimulere barnas språklege og i særleg grad det fonologiske medvitet. Samstundes gjev det barna ei felles språkleg plattform der dei stiller med like føresetnader. Song, leik, dikt, rim, regler og gode samtalar i kvardagen er også ein viktig del av språktreninga vår. Språkgrupper for dei minoritetsspråklege barna Snakkepakken nyttar me ein del i språktreninga saman med barna i tillegg til «språksprell». Snakkepakken nyttar me i høve til motivasjon og lystbetont bruk av språket, og den er også eit godt verktøy i språktreninga uansett språkferdigheit og morsmål. Her er mange fine forteljingar der det følgjer figurar med for å gjer det enklare for barna å forstå sjølv om språket ikkje skulle vere heilt på plass. Lyd-lotto er også ein spanande aktivitet i frå denne pakken. Innhaldet i pakken er nøye gjennomtenkt og er satt saman for å kunne dekke sju nærværande, grunnleggande og viktige områder for barn: MAT KLEDE KROPP HUS - DYR FARGAR EVENTYR.