Møteinnkalling 3/17 P3 Delprosjekt: P3 Interkommunalt samarbeid Møtestad: Skodje rådhus Dato: 02.11.2017 Tid: 0900-1200 Medlem Vara Oddvar Myklebust, leiar Nils Magne Abelseth Sandøy kommune Frode Andresen, nestleiar Ørskog kommune Haldor Lillebø Haram kommune Kjell Haukeberg Karoline Stette Skodje kommune Svein-Rune Johannessen Anne Kristin Bryne Ålesund kommune Frode Nordstrand Hilde Skarbø HTV Stig Meisal HVO Meld frå om forfall til administrativ tilretteleggar på e-post tore.hals@alesund.kommune.no eller telefon 916 70 182. Vara møter etter nærare avtale. Sakliste: Sak nr Sakstittel 008/17 Interkommunalt samarbeid om brannvern og Åknes/Tafjord beredskap IKS 009/17 Interkommunalt samarbeid om: Legevakt. Overgrepsmottak 010/17 Interkommunalt samarbeid om NAV 011/17 Eventuelt Brannsjef Geir Thorsen delar i sak 008/17. Verksemdleiar for legetenester og akutt helseberedskap, Torfinn Vingen, deltar i sak 009/17. Prosjektkoordinator Anne Berit Støyva Emblem eltak i sak 010/17. Oddvar Myklebust (sign.) Delprosjektgruppe-leiar
Saksframlegg Interkommunalt samarbeid om brannvern og Åknes/Tafjord beredskap IKS Sak nr Utval Møtedato 008/17 Delprosjekt P3 Interkommunale samarbeid 02.11.2017 Vedtak: Framlegg til vedtak: Vedlegg: Saksframlegg: Bakgrunn for saka I delprosjektgruppa sitt møte 16. oktober i år, var interkommunalt samarbeid i form av administrativ vertskommune og interkommunale selskap (IKS) hovudtema. Gruppa drøfta mellom anna samarbeid om brannvern og selskapet Åknes/Tafjord beredskap IKS. Drøftinga enda opp med at gruppa ønskjer å få presenterte faglege vurderingar før nokon nærare konklusjon blir trekt. Brannsjefen i Ålesund, Geir Thorsen, har takka ja til å møte delprosjektgruppa og vil gi sin presentasjon i gruppa sitt møte 2. november. Dagens brannvernssamarbeid Kartleggingsrapporten Hopehav har registrert følgjande om brannvern: Ålesund er vertskommune for Giske, Haram, Norddal, Skodje, Stordal, Sula og Ørskog Ålesund sel brannførebyggjande tenester til Hornindal, Sandøy, Skodje, Sykkylven og Ørskog
Ålesund sel brannsjeffunksjon til Giske og Haram Ålesund sel kurs og opplæring til kommunar og private Ålesund sel feie- og tilsynstenester til Giske, Harm, Norddal, Sandøy, Skodje, Stordal og Sula Ålesund sel tilsyn av særskilt brannobjekt til Hornindal, Sandøy og Sykkylven Ørskog samarbeider med Vestnes om feiing og tilsyn Ålesund har sløkkjeavtale med Sula om austre deler av kommunen Ålesund kommune har eige kommunalt føretak, Møre og Romsdal 110-sentral KF, der alle kommunane i fylket er med Ålesund har organisert sitt brannvernsarbeid som eige føretak, KF. Ingden av dei andre kommunane i nye Ålesund har slik organisering Åknes/Tafjord beredskap IKS I repporten Hopehav står mellom anna dette om selskapet: Da selskapet vart etablert, var ein viktig del å overvake farlege fjellparti med høg risiko for store steinras. Denne oppgåva er blitt tatt over av staten. Oppgåva som selskapet no har er å utvikle og drifte varslingssystem når alarmen for ras eller når rasfaren er overhangande stor. Dessutan kan selskapet hjelpe kommunane med å utarbeide beredskapsplanar. Kommunane har eit sjølvstendig ansvar for å ha beredskapsplanar og å handle når faresituasjon oppstår. Derfor må kommunane ha gode tekniske løysingar og rutinar for varsling. Dette gjeld ikkje berre ras. Fellesnemnda bør vurdere framtidig deltaking i Åknes/Tafjord beredskap IKS i lys av dette. Haram og Sandøy er i dag ikkje deltakarar i selskapet. Skodje har vurdert deltaking, men er førebels ikkje blitt med. Utanom dei kommunane som grensar til Storfjorden (ikkje Sula), er fylkeskommunen, Rauma og Ørsta selskapsdeltakarar. Vurdering Det blir her ikkje gjort noko nærare administrativ vurdering av korkje brannvernssamarbeidet eller vidare deltaking i IKS-et. I staden blir det vist til den orienteringa brannsjefen vil gi i møtet.
Tore Hals administrativ tilretteleggar
Saksframlegg Interkommunalt samarbeid om: Legevakt. Overgrepsmottak Sak nr Utval Møtedato 009/17 Delprosjekt P3 Interkommunale samarbeid 02.11.2017 Vedtak: Framlegg til vedtak: Vedlegg: Saksframlegg: Bakgrunn for saka I delprosjektgruppa sitt møte 16. oktober i år, var interkommunalt samarbeid i form av administrativ vertskommune og interkommunale selskap (IKS) hovudtema. Gruppa drøfta mellom anna samarbeid om legevakt og om overgrepsmottak. Drøftinga enda opp med at gruppa ønskjer å få presenterte faglege vurderingar før nokon nærare konklusjon blir trekt. Torfinn Vingen, verksemdleiar for legetenester og akutt helseberedskap, Ålesund kommune, har takka ja til å møte delprosjektgruppa og vil gi sin presentasjon i gruppa sitt møte 2. november. Han tek truleg også med seg ein av fagsjefane innan verksemda. Dagens legevaktssamarbeid Kartleggingsrapporten Hopehav har registrert følgjande om legevakt: Ålesund er vertskommune for Haram, Skodje og Sula når det gjeld kveld og helg Ørskog er vertskommune for Norddal, Stordal og Vestnes når det gjeld kveld og helg
Ålesund er vertskommune for Giske, Haram, Norddal, Skodje, Stordal, Stranda, Sula, Vestnes og Ørskog Ålesund er vertskommune for Giske, Haram, Norddal, Skodje, Stordal, Stranda, Sula, Sykkylven, Vestnes og Ørskog for naud-nett Sandøy har legevaktsamarbeid med Aukra og Midsund Sandøy har samarbeid med Molde sjukehus om legevaktformidling I rapporten Hopehav står det følgjande om legevakt: Legevakt er ei oppgåve nye Ålesund kan ta på seg fullt og heilt på eigen kjøl utan behov for interkommunalt samarbeid. I dag er legevaktsamarbeidet svært fragmentert der nokon samarbeider om vakt på natt og helg (Ørskog er vertskommune for Norddal, Stordal og Vestnes) og Ålesund er vertskommune for Haram, Skodje og Sula. I tillegg er Ålesund vertskommune for natt-legevakta (for 9 kommunar) og for naudnettet (10 kommunar). Sandøy samarbeider med Aukra og Midsund, men har sjukehuset på Åse som sitt nærsjukehus. Desse ulike samarbeidsformene med ulike deltakarar er svært krevjande å administrere og bør ta slutt. Fellesnemnda må sette i gang eit grundig arbeid med å finne fram til gode og tenlege legevakttenester internt i nye Ålesund og om kommunen skal tilby samarbeid med andre kommunar og på kva vilkår. Overgrepsmottak Ålesund er vertskommune for drift av overgrepsmottak for Giske, Haram, Hareid, Herøy, Norddal, Sande, Skodje, Stordal, Stranda, Sula, Sykkylven, Ulstein og Ørskog. Det økonomiske ansvaret ligg hos Helse Møre og Romsdal HF. I repporten Hopehav står mellom anna dette om overgrepsmottaket: Ålesund er i dag administrativt vertskommune både for krisesenter og overgrepsmottak. 18 kommunar samarbeider om krisesenteret medan 14 av desse samarbeider også om overgrepsmottaket. Desse tenestene er av ein slik karakter at det kan vere tenleg å organisere dei gjennom interkommunalt samarbeid sjølv om det blir endringar i kommunestrukturen. Fellesnemnda bør ta ein grundig gjennomgang av denne problemstillinga. Vurdering Det blir her ikkje gjort noko nærare administrativ vurdering av korkje legevaktsamarbeidet eller samarbeidet om overgrepsmottaket. I staden blir det vist til den orienteringa Torfinn Vingen vil gi i møtet.
Tore Hals administrativ tilretteleggar
Saksframlegg Interkommunalt samarbeid om NAV Sak nr Utval Møtedato 010/17 Delprosjekt P3 Interkommunale samarbeid 02.11.2017 Vedtak: Framlegg til vedtak: Vedlegg: Saksframlegg: Bakgrunn for saka I delprosjektgruppa sitt møte 16. oktober i år, var interkommunalt samarbeid i form av administrativ vertskommune og interkommunale selskap (IKS) hovudtema. Gruppa drøfta mellom anna samarbeid om NAV. Drøftinga enda opp med at gruppa ønskjer å få presenterte faglege vurderingar før nokon nærare konklusjon blir trekt. Prosjektkoordinator for nye Ålesund, Anne Berit Støyva Emblem, vil møte i delprosjektgruppa for å presentere den kontakten som er innleia om nye NAV Ålesund. Dette vil skje i gruppa sitt møte 2. november. NAV NAV-kontoret er spesielt på den måten at det har både statleg og kommunalt eigarskap. NAV Storfjorden er eit administrativt vertskommunesamarbeid med Skodje som vertskommune og med Norddal, Stordal og Ørskog som samarbeidskommunar. I rapporten Hopehav står fjølgande om NAV:
NAV Storfjorden og PPT Storfjorden må ta slutt i si noverande form. To av dei samarbeidande kommunane går inn i nye Ålesund medan dei to andre går inn Storfjord kommune. Nye Ålesund vil kunne ta på seg desse oppgåvene fullt og heilt på eigen kjøl utan behov for interkommunalt samarbeid. Fellesnemnda må sette i gang eit grundig arbeid for å finne fram til gode og tenlege løysingar for NAV- og PPT-tenestene i den nye kommunen og om det kan vere aktuelt å tilby vertskommunesamarbeid med andre kommunar. Vurdering Det blir her ikkje gjort noko nærare administrativ vurdering av korkje legevaktsamarbeidet eller samarbeidet om overgrepsmottaket. I staden blir det vist til den orienteringa Anne Berit Støyva Emblem vil gi i møtet. Tore Hals administrativ tilretteleggar
Saksframlegg Eventuelt Sak nr Utval Møtedato 011/17 Delprosjekt P3 Interkommunale samarbeid 02.11.2017 Vedtak: Framlegg til vedtak: Vedlegg: Saksframlegg: