Fylkesmannen i Møre og Romsdal atab Vår dato 03.11.2014 2014/6168/FMMRTHAU/ Saksbehandlar, innvalstelefon Dykkar dato Dykkar ref. Overingeniør Thomas Aurdal, Vår ref. Westre Brygge AS Keiser Wilhelms gate 22 6003 Ålesund Inspeksjonsrapport utfyllingsområde ved Skutvika i Ålesund kommune Inspeksjon hjå Westre Brygge AS i Kjøpmannsgata 3-7 i Ålesund kommune. Dato for inspeksjonen: 09.10.2014. Til stades under inspeksjonen Frå verksemda: Kaj B. Westre Svein Egil Hegstad (AF Decom) Frå Fylkesmannen i Møre og Romsdal: Mattis Mikkelsen Thomas Aurdal Frå Ålesund kommune: Anne Bjørdal Lars Olav Lundanes Resultat frå inspeksjonen Denne rapporten omhandlar inspeksjonen som vart utført av Fylkesmannen ved utfyllingsområdet ved Westre Brygge AS sin eigedom med gnr200 bnr279 i Ålesund kommune. Fylkesmannen i Møre og Romsdal avdekka 1 avvik under inspeksjonen. Avviket og andre tilhøve vert skildra nærare på side 3-6 i rapporten. Avviket omhandlar: Bruk av ureine massar til utfylling (sjå side 5 i rapporten) Andre tilhøve: Fylkesmannen ynskjer å få tilsendt dokumentasjon (sjå side 6 i rapporten) Fylkesmannen anbefaler tiltak mot dumping av avfall av eksterne aktørar på eigedomen til tiltakshavar (sjå side 6 i rapporten) Postadresse: Fylkeshuset 6404 Molde Telefon: 71 25 84 43 Telefax: 71 25 85 10 E-post: postmottak@fmmr.no Web: www.fylkesmannen.no
side 2 av 5 For at Fylkesmannen i Møre og Romsdal skal kunne rekne saka som avslutta, må verksemda sende dokumentasjon på at avviket er retta opp innan 01.12.2014. Oppfølging etter tilsynet vert skildra nærare på side 3-6. Vi vil til slutt nytte høvet til å takke for god mottaking og godt samarbeid under tilsynet. Med helsing Anne Melbø fagansvarleg Thomas Aurdal overingeniør Dokumentet er elektronisk godkjent og har ingen signatur. Kopi: Ålesund kommune Postboks 1521 6025 Ålesund
side 3 av 5 Informasjon om verksemda Namn på bedrifta: Westre Brygge AS Organisasjonsnummer: 938 644 411 Forretningsadresse: Keiser Wilhelms gate 22, 6003 Ålesund Kontrollert anlegg Namn på anlegg: Utfylling i Kjøpmannsgata Kommune: Ålesund kommune Fylke: Møre og Romsdal Epost: kbwestre@westregruppen.no Telefonnummer: 90 93 35 80 Anleggsnr.: 1504.0237.01 Anleggsaktivitet: Utfylling Lokalitetsnamn/gateadresse: Kjøpmannsgata 3-7 Bakgrunn for inspeksjonen Ålesund kommune fekk varsel med bilete av utfylling i Skutvika der det såg ut til at det kunne ha vore brukt forureina eller forsøpla massar. Ålesund kommune vart så einige med miljøvernavdelinga ved Fylkesmannen i Møre og Romsdal om å gjennomføre tilsyn ved denne lokaliteten for å undersøke utfyllinga nærare. Informasjon om inspeksjonen Temaet for inspeksjonen var utfyllinga ved Westre Brygge AS sin eigedom med gnr200 bnr279 ved Skutvika i Ålesund. Definisjonar Avvik: Brot på krav fastsett i medhald av lovgjevinga for helse, miljø eller tryggleik (til dømes krav satt, eller forksrift heimla, i forureiningslova eller internkontrollforskrifta, eller krav og vilkår satt i løyvet. Merknad: Eit tilhøve som ikkje vert omfatta av definisjonen på avvik, men som tilsynsetatane meiner det er rett å peike på då tilhøvet kan ha innverknad på det ytre miljøet. Andre tilhøve: Saker som kom fram under inspeksjonen, og som det kan vere nyttig å kjenne til for både verksemda og saksbehandlarar. Her kan det også vere kommentarar til tema som vart tatt opp under inspeksjonen, men der det ikkje vart gitt avvik eller merknad. Oppfølging etter inspeksjonen Verksemda pliktar å rette opp avviket som vart funne snarast. For at Fylkesmannen i Møre og Romsdal skal kunne avslutte denne saka, må verksemda sende inn dokumentasjon på at dei påpekte avvika er retta opp innan 01.12.2014. Fylkesmannen ber og om å få tilsendt dokumentasjon på at resten av utfyllinga er utført etter vilkåra gitt i løyvet innan same frist (sjå side 6 i rapporten). Vi ber om at brev eller epost med svar vert send til Fylkesmannen i Møre og Romsdal merka med saksnummeret. Fylkesmannen har postadresse Julsundveien 9, 6414 Molde og epostadresse fmmrpostmottak@fylkesmannen.no. Pålegget om skriftleg tilbakemelding er gitt med heimel i forureiningslova 49. Det kan klagast på vedtaket, jf. forvaltningslova 14, innan ein frist på 3 dagar. Ein eventuell klage skal grunngjevast og sendast til Fylkesmannen i Møre og Romsdal.
side 4 av 5 Gebyr for inspeksjonen Verksemda skal betale gebyr for kontrollen, jf. forskrift om begrensning av forurensning (forureiningsforskrifta) 39-6 om gebyr for kontroll i verksemder med løyve. Gebyret skal dekke kostnader i samband med førebuing, gjennomføring og oppfølging av kontrollen. Forskrifta er tilgjengeleg på www.lovdata.no, eller kan fåast ved å kontakte Fylkesmannen i Møre og Romsdal. Verksemda ble varsla om gebyret under tilsynet. Tilsynet ved Westre Brygge AS sin eigedom i Skutvika er plassert i gebyrsats 4. Dette betyr at Westre Brygge AS skal betale kr. 4 600 i gebyr. Vedtaket om gebyrsats kan klagast på innan tre veker etter at rapporten er mottatt, jf. forureiningsforskrifta 41-5 og forvaltningslova 28. Ein eventuell klage bør stilast til Miljødirektoratet og sendast til Fylkesmannen i Møre og Romsdal. Klagen vil ikkje føre til at gjennomføringa av vedtaket vert utsett, difor må gebyret betalast sjølv om det vert klaga på. Dersom Miljødirektoratet aksepterer klagen, vil det overskytande beløpet verte refundert. Faktura med innbetalingsblankett vil verte send frå Miljødirektoratet. Offentleggjering i forvaltninga Denne tilsynsrapporten vil vere tilgjengelig for offentlegheita via Fylkesmannen i Møre og Romsdal sin postjournal, jf. offentleglova. Ein kopi av den endelege rapporten vert sendt til Ålesund kommune. Regelverk Dei viktigaste HMS-krava for bransjen kan finnast på www.regelhjelp.no. Meir informasjon kan finnast på Miljødirektoratet si heimeside, www.miljodirektoratet.no, og på www.lovdata.no. Heimlane for avvik under dette tilsynet er omtala i følgjande regelverk og dokument: Lov av 13. mars 1981 om vern mot forurensninger og om avfall (forurensningsloven) Forskrift av 1. juni 2004 om begrensning av forurensning (forurensningsforskriften) Forskrift av 1. juni 2004 om gjenvinning og behandling av avfall (avfallsforskriften) Forskrift av 6. desember 1996 om systematisk helse-, miljø- og sikkerhetsarbeid i virksomheter (internkontrollforskriften) Løyve til utfylling i sjø ved Kjøpmannsgata 3 gitt av Fylkesmannen 18.11.2003 Tilsynet har elles tatt utgangspunkt i: Korrespondanse mellom Ålesund kommune og Fylkesmannen i Møre og Romsdal Tidlegare søknad frå bedrifta om løyve til utfylling, miljørapport frå Multiconsult og løyve frå miljøvernavdelinga ved Fylkesmannen (alle desse dokumenta er frå 2003)
side 5 av 5 Resultat frå inspeksjonen Fylkesmannen i Møre og Romsdal fann følgjande avvik: Avvik: Ureine massar har vorte brukt til utfylling. Avvik frå: Forureiningslova 28 (forbod mot forsøpling) Løyve til utfylling av 18.11.2003 Kommentar: Nokre av massane som er nytta til utfylling ved eigedomen med gnr200 bnr279 inneheld kork, trevirke og anna avfall. Dei ureine massane vart i følgje tiltakshavar brukt ved eit mistak som skyldast svikt i kommunikasjonen hos entreprenøren. Verksemda må snarast fjerne all synleg forsøpling og vurdere tiltak for eventuelt søppel lenger nede i fyllinga. Andre tilhøve Fylkesmannen ser positivt på at hendinga med bruk av ureine massar har vorte tatt hand om gjennom interne rutinar hos Westre Brygge AS og AF Decom. Oppryddinga av synleg avfall var allereie i gang på tilsynsdagen. I tillegg til avviket vart følgjande tilhøve diskutert under inspeksjonen: 1) Dokumentasjon på utføring av utfylling og skildring av innhald i massar Fylkesmannen ynskjer å få tilsendt dokumentasjon på følgjande: Ei nærare skildring av korleis utfyllinga har vorte utført frå starten i 2003 og fram til i dag (avbøtande tiltak som fiberduk og sandlag må skildrast) Ei skildring av dei massane som har vorte nytta til utfylling sidan utfyllinga vart starta opp i 2003 Ei skildring av innhaldet i dei massane som vart nytta til utfylling av AF Decom hausten 2014 2) Dumping av avfall på eigedomen Verksemda opplever at det dumpast avfall på eigedomen sjølv om porten er låst. Verksemda bør vurdere å melde frå om slik forsøpling til kommunen eller politiet, eventuelt treffe andre tiltak som til dømes å sette opp eit skilt mot ulovleg dumping av avfall.