Aust-Telemark vassområde Møte : Styringsguppemøte Møteprotokoll Vår dato: 08.05.2017 Møtestad : Landbrukskontoret i Atrå Møtedato/-tid : 05.05.2017 kl 12:00 14:45 (møtet utsett frå 28.03.17) Møteleiar: Ragnar Gunleiksrud Referent: Liv R. Flå STYRINGSGRUPPA: Tilstades: Ragnar Gunleiksrud (leiar) Håvard Bakka Ole Henning Skogen Forfall: Børre Rønningen Stine Johanne Haugen (vara) ARBEIDSGRUPPA: Tilstades: Ingrid Strande Bjørn Bjørnsen Dorthe Huitfeldt Jørn Ingar Sanda Liv Rigmor Flå Forfall: Arne Kjellsen Nicolai Østhus Tinn kommune Telemark fylkeskommune (Tfk) Notodden kommune Vinje kommune Vinje kommune Telemark fylkeskommune (Tfk) Tinn kommune Vinje kommune Notodden kommune Vassområdekoordinator (VK) Fylkesmannen i Telemark (FM) Øst-Telemarkens brukseierforening (ØTB) Saksliste: Nr. Sak 01.01 Godkjenning av møteinnkalling og saksliste Møteinnkalling og saksliste godkjent. 01.02 Referatsaker/ orienteringssaker 1. Referat frå styringsgruppemøtet 06.09.2016 godkjent utan merknader 2. Nytt frå vassregionen og staten v/ingrid Strande.
- Morten Eken er ny sakshandsamar i vassregion Vest-Viken etter Hilde Reine frå 01.04.2017. - Rullering av regional vassforvaltningsplan startar hausten 2017. - Staten har fokus på tiltaksgjennomføring og kunnskapsgrunnlaget i 2017 og 2018. Det blir ein stor jobb å kvalitetssikre karakteriseringa av vassforekomstane. - Vann-nett gjenopna 2. mai, i utgangspunktet får berre Fylkesmennene tilgang til å legge inn data. Det blir jobba med ein heilt ny versjon av Vann-Nett, som etter planen skal opne i august. - Dei fleste vassforekomstane som er påverka av kraftregulering fekk endra miljømål i den sentrale godkjenninga, desse vassforekomstane er no lagt ut på vannportalen med endringane som er gjort. - Regional vassforvaltningsplan er ikkje juridisk bindande, men skal leggast til grunn for all kommunal, regional og statleg planlegging og verksemnd. Kommunane bør samordne sektorane sine (landbruk, vann/avløp og veg) ved tiltaksgjennomføring. - Miljødirektoratet skal arrangere fylkesvise kurs for innlegging på Vannportalen. 3. Telemark fylkeskommune har gjeve konsesjon til Salmafarm AS (tidl. Akvafarm Rjukan AS) til årleg produksjon av 2,4 mill settefisk og ca 10.000 tonn matfisk av laks, aure og regnbogeaure. Konsesjonen er gjeve på bakgrunn av løyve frå NVE 14.09.2016 til uttak av grunnvatn til akvakultur, løyve frå Mattilsynet 30.01.2016 til etablering av settefiskanlegg og matfiskanlegg, og utsleppsløyve frå Fylkesmannen i Telemark 13.01.2017. Kort orientering om utslippsløyvet frå Fylkesmannen v/ Bjørn Bjørnsen og godkjenninga frå Mattilsynet v/ Ingrid Strande. - Utselppsløyvet gjeld utslepp både til vatn og luft, samt at det set grenser for støy frå anlegget - Rensekrav på 90 % for fosfor, 35 % for nitrogen - Avløpsvatnet skal førast ca 1,5 km ut i Vestfjorden og sleppast på minst 50 m djup, og på ein måte som gjev god innlagring i dei djupare vassmassane - Produksjon av 30 tonn slam pr. dag. Må fraktast bort, slammet kan nyttast til produksjon av elektrisitet, fosfor-gjødsel m.m. - Fiskesperrer i anlegget skal hindre rømming av fisk - Rogna skal desinfiserast før innsett i klekkeriet og avløpsvatnet skal desinfiserast før utslepp til Tinnsjå 4. Kort orientering v/ vassområdekoordinator (VK) om førebelse planer om røyeoppdrett i Tinnsjå. Telemarksrøye AS har i dag oppdrett av røye i Fyresvatn. I samarbeid med professor Espen Lydersen v/ Høgskulen i Bø vil Telemarksrøye AS vurdrer tilhøva for økonomisk og økologisk røyeoppdrett i Tinnsjå, Seljordsvatn og Nisser, i prosjektet GreenChar eller Grønn Røye. - Gode forutsetningar for røyeoppdrett i Tinnsjå med stor vassgjennomstrøyming og kaldt vatn - Vassmålingar som skal gje grunnlag for å berekne kor mykje røye som kan produserast innafor regelverket for god vasskvalitet - Stadeigen røye - Utan antibiotikabruk Det kom forslag om å arrangere eit ope møte om røyeoppdrett i Tinnsjå, evt. i samarbeid med Midtre Telemark vassområde. På dette møtet kan det også informerast om planene til Salmafarm AS. 5. Kort orientering om status for prosjektet «Turveg nedre Måna» v/ VK - Det skal etter planen lagast turveg mellom Bråvoldparken på Rjukan og Tinnsjå. Strekninga frå Bruflåt til Tinnsjå gjenstår. - Tinn kommune skal inngå grunneigaravtalar og finne trasé for turvegen, jf. avtale frå 2007 mellom Hydro Produksjon/ Øst-Telemarkens Brukseierforening (ØTB) og Tinn kommune. - ØTB/Hydro skal koste vegen. - Dei aller fleste grunneigarane er positive og ser verdien av tiltaket. - Vegen vil for ein stor del følgje kanalforbygninga. Elveleiet og kanalforbygninga er organisert i eit sameige. Fleirtalsvedtak i sameiget har stilt elveforbygninga til disposisjon for turveg. - Tinn kommune er i forhandlingar med to private grunneigarar om bruk av grunn til turveg, der visse krav frå grunneigarane til kommunen/ Hydro må vera innfridd før ein avtale kan godkjennast. Det er sendt førespurnad til Norsk industriarbeidermuseum, Rjukan om vegen kan krysse jernbanelina på to gamle kryssingspunkt. Førebels svar er positivt.
- Trasevalet som kommunen har gjort forbi skytebanen på Gaustajordet vil truleg bli godkjent - Vassområdet fekk innvilga kr. 50.000 i 2016 av fylkeskommunale fondsmidlar til vassforvaltningstiltak til arbeidet med grunneigaravtalar. Vassområdet har søkt om kr. 25.000 for 2017 til sluttføring av prosjektet. Turveg nedre Måna er organisert som eit eige prosjekt i kommunen, med eigen finansiering. Kommentar: Prosjektet bør vera i dialog med Telemark Jeger & Fisk/ Tinn Jeger & Fisk ved tilrettelegging av fiskeplassar i Måna. 01.03 Årsrapport 2016 Forslag til årsrapport var sendt ut med sakspapira til styringsgruppa og arbeidsgruppa. Tilråding frå arbeidsgruppa (AU) til styringsgruppa: AU anbefaler styringsgruppa å godkjenne årsrapporten med følgjane tilføyingar : Pkt. C: Dette har vassområdet lykkast med Alle vassområde har eit eige område på Vannportalen og blir oppfordra til å nytte denne kanalen for å nå ut til brukargrupper og interessentar med informasjon om møte, aktivitetar, høyringar, planarbeid m.m. Prosjektleiar har fått opplæring i innlegging på Vannportalen, og har begynt å legge ut informasjon frå vassområdet. Forhåpentlegvis vil dette medverke til betre informasjon og medverknad, og til å skape større engasjement i vassområdet. Pkt. D: Erfaringar frå prosjektleiar (PL) I arbeidet med regional forvaltningsplan la vassområdet ned mykje arbeid for at vassforekomstar som er påverka av kraftproduksjon skulle få godt begrunna forslag om minstevassføringar/ magasinrestriksjonar og miljømål godt økologisk potensial. I den sentrale godkjenninga av planen vart desse forslaga teke ut og alle vassforekomstane fekk mindre strenge miljømål og dagens tilstand som miljømål, noko som har verka demotiverande for arbeidet i vassområdet etter godkjenninga. Pkt. F: Forventningar til Telemark Fylkeskommune Vegleiaren Virkning og oppfølging av plan er ikkje ferdig frå Miljødirektoratet. Denne bør vera på plass før gjennomføring av seminaret. Årsrapport 2016 godkjent med desse tilføyingane: Pkt. C: Dette har vassområdet lykkast med Alle vassområde har eit eige område på Vannportalen og blir oppfordra til å nytte denne kanalen for å nå ut til brukargrupper og interessentar med informasjon om møte, aktivitetar, høyringar, planarbeid m.m. Prosjektleiar har fått opplæring i innlegging på Vannportalen, og har begynt å legge ut informasjon frå vassområdet. Forhåpentlegvis vil dette medverke til betre informasjon og medverknad, og til å skape større engasjement i vassområdet. Pkt. D: Erfaringar frå prosjektleiar (PL) I arbeidet med regional forvaltningsplan la vassområdet ned mykje arbeid for at vassforekomstar som er påverka av kraftproduksjon skulle få godt begrunna forslag om minstevassføringar/ magasinrestriksjonar og miljømål godt økologisk potensial. I den sentrale godkjenninga av planen vart desse forslaga teke ut og alle vassforekomstane fekk mindre strenge miljømål og dagens tilstand som miljømål, noko som har verka demotiverande for arbeidet i vassområdet etter godkjenninga. Pkt. F: Forventningar til Telemark Fylkeskommune Vegleiaren Virkning og oppfølging av plan er ikkje ferdig frå Miljødirektoratet. Denne bør vera på
plass før gjennomføring av seminaret. 01.04 Økonomi REKNESKAP 2016 Budsjettet for 2016 vart sett opp med ein differanse mellom utgifter og inntekter på kr. 199.000. Differansen skulle dekkast av bundne prosjektmidlar. Rekneskapet viser at utgiftene (kr. 551.382) vart mindre og at inntektene (kr. 499.993) vart større enn budsjettert. Differansen som vart dekt av bundne prosjektmidlar vart såleis kr. 51.389. Hovudgrunnen til større inntekter enn forventa var at vassområdet fekk tilført kr. 63.000 meir enn budsjettert frå fylkeskommunen. I følgje vedtak i styregruppa 21.04.2016, sak 09.04 er lønnsutgifter og kjøreutgifter til vassområdekoordinator i samband med vassprøvetaking ført på posten overvaking i rekneskapet. Fylkesmannen (FM) har årleg (2010-2016) overført eit samla beløp til vassområdet som både skulle gå til drift av prosjektet og til overvaking. Overvakinga kom ikkje i gang før 2013, og midlane til overvakingsarbeid har derfor vore med og skapt eit økonomisk overskott i prosjektet som er overført til bundne prosjektmidlar. Ubrukte midlar frå FM pr. 31.12.2016 avsatt som bundne prosjektmidlar er kr.172.303. FM vil bruke dette overskottet til å finansiere sin andel av driftsutgiftene inntil midlane er oppbruka, etterpå kan vassområdet søkje FM om nye midlar til drifta/ tiltak. FM vil fortsatt overføre midlar til overvaking. Tinn kommune har overført kr. 140.889 meir til prosjektet enn budsjettert i perioden 2013-2016. Kommunen vil bruke desse midlane til å finansiere sin andel av driftsbudsjettet framover. Ubrukte prosjektmidlar til Aust-Telemark vassområde pr. 31.12.2016 var kr. 515.231. Av dette kan FM og Tinn kommune nytte tilsaman kr. 313.192 til å finansiere sin andel av vassområdearbeidet, d.v.s at resterande beløp på fond er kr. 202.039. Tilråding frå arbeidsgruppa (AU) til styringsgruppa: AU anbefaler styringsgruppa å godkjenne rekneskapet for 2016. Rekneskapet for 2016 godkjent. BUDSJETT 2017 Utgifter til overvaking er ikkje med i driftsbudsjettet for 2017. Overvakinga vil bli finansiert av Fylkesmannen. Vidare kan regulanten o.a. som påverkar vassdraget få pålegg om overvaking. Forslag til budsjett for 2017 på 480.000 er sett opp med eit samla bidrag frå kommunane på kr. 180.000 (37,5 %). Styringsgruppa handsama ein ny fordelingsnøkkel mellom kommunane på møtet 06.09.16, basert på folketal, areal og antall vassområde som den enkelte kommune deltek i. Budsjettet vart sett opp med følgjande fordeling: Notodden kr. 27.000 (ca 5 %), Vinje kr. 45.000 (ca 9 %) og Tinn kr. 108.000 (ca 23 %). Finansieringsplanen er vedteken av alle tre kommunane. Resterande beløp er finansiert gjennom bidrag frå fylkeskommunen kr. 90.000 og statlege midlar (v/ fylkeskommunen kr. 90.000 og v/vassregionmyndigheita (VRM) kr. 50.000). Bidraget frå Fylkesmannen i Telemark kr. 45.000 er henta frå bundne prosjektmidlar, jf. kommentar under rekneskap. I tillegg har VRM v/buskerud fylkeskommune overført midlar for 2015 og 2016 på tilsaman kr. 235.000 i 2017. Budsjettet var sett opp med forslag om å bruke kr. 25.000 av desse midlane til befaring på Møsvatn og ope møte i tilknytning synfaringa.
Tilråding frå arbeidsgruppa (AU) til styringsgruppa: AU anbefaler styringsgruppa å vedta forslag til budsjettet for 2017. Med bakgrunn i at vassområdet fekk tilført kr. 235.000 frå VRM for 2015+ 2016, kan inntil kr. 50.000 av desse midlane nyttast til å ferdigstille arbeidet med grunneigaravtalar i Prosjekt turveg nedre Måna Dette utan å forespørre styringsgruppa igjen om dette. Kommentarar/ synspunkt: - Turveg langs Måna er eit viktig tiltak for både Tinn kommune og regionen. - På bakgrunn av at vassområdet tenkjer på å arrangere ope møte om røyeoppdrett i Tinnsjå/ info om planene for Salmafarm AS bør posten Befaring/ ope møte aukast med kr 10.000 til kr. 35.000. Styringsgruppa vedtek forslag til budsjettet for 2017, med følgjande justeringar: - Posten befaring/ ope møte blir auka til kr. 35.000 - Det kan nyttast inntil kr. 50.000 av 2015+2016- midlane frå VRM til å ferdigstille arbeidet med grunneigaravtalar i Prosjekt turveg nedre Måna. Dette utan at AU må forespørre styringsgruppa om dette igjen. - Styringsgruppa går dermed inn for at tilsaman kr. 85.000 av 2015+2016-midlane frå VRM kan nyttast i 2017. 01.05 Overvakingsplan 2017 Kort gjennomgang av forslag til overvakingsplan 2017 og overvakingsrapport 2016 (tilsendt i eigen e- post i forkant av møtet). For å få ein lengre tidsserie på overvakingsdata i Måna legg overvakingsplanen opp til prøvetaking i elva med bruk av dei same prøvetakingsstasjonane/ parametrar som i 2016. Overvakingsrapporten viser at tilstanden i 2016 vurdert ut frå fysisk-kjemiske prøvar var svært god/god på alle stasjonane i Måna. Nokre stasjonar hadde i enkelte periodar høgt innhald av e-coli, d.v.s. at vasskvalitetetn tilfredstiller ikkje krav til bading/fisking. Prøvetakinga av Møsvatn vart gjort ved utløpet av Frøystul kraftverk. Innsjøen fekk moderat tilstand p.g.a. ein prøve med forhøya total-fosfor i 2016. Overvakingsrapporten konkluderer med at det bør takast fysisk-kjemiske prøvar i sjølve innsjøbassenget i 2017, samt biologiske prøvar. Kommentarar/ synspunkt: - På grunn av store utbyggingar i Vatnedalen/ Kvitåvatn/ Gaustablikk, bør prøvetaking av lokalitetar i dette området vurderast. - Møsvatn er teke inn i den nasjonale basisovervakinga, og skal etter programmet prøvetakast i 2018. Det bør likevel takast fysisk-kjemiske prøvar i innsjøen i år for å kontrollere verdiane frå 2016, medan vi kan avvente biologiske prøvar til basisovervakinga. Forslag til overvakingsplan for 2017 godkjent. - Prosjektleiar høyrer med Fylkesmannen om prøvetakingsstasjonar i Gaustablikkområdet. - Fysisk-kjemiske prøvar frå innsjøbassenget i Møsvatn i 2017. 01.06 Synfaring på Møsvatn Styringsgruppa har tidlegare beslutta at vassområdet skal ha ei synfaring til Møsvatn i vår når vatnet er nedtappa.
Førebels status: - Etter samråd med Jon Neset i Møsstrond grunneigarlag er dato sett til 1. eller 8.juni, avhengig av isgangen på Møsvatn. - Møstrond grunneigarlag, ØTB, NVE og elevar/lærarar ved Rjukan vidaregåande er invitert med på turen. - Det vil bli leigd 2-3 båtar med plass til 12 personar i kvar båt. Båtane har redningsvestar til alle. - I forkant av synfaringa er det planlagt eit møte på Nasjonalparksenteret mellom naturlina på Rjukan vidaregåande og vassområdet, for tovegs informasjon. - Vi har ikkje førespurt foredragshaldar til å delta på synfaring/ope møte, sidan vassområdekoordinator (VK) i samråd med leiaren i styringsgruppa har gått bort frå å arrangere ope møte om kvelden etter synfaringa. VK jobbar vidare med følgjane punkt etter forslag frå arbeidsgruppa/ styringsgruppa: - Møsstrond grunneigarlag bør ha mykje av regien på synfaringa (kva vi bør sjå, informasjon på synfaringa m.m) - Det bør vera ein kjentperson med i kvar båt - Høyre om vi kan bruke det gamle skulehuset på Hovden, for matpause, foredrag og felles fagprat. - Informasjonutveksling mellom naturlina og vassområdet som i utgangspunktet var planlagt på Nasjonalparksenteret i forkant av synfaringa, kan også leggast til skulen. - Høyre med Hilde Hovden om ho kan sørge for bevertning i skulehuset. - Omvisning i Møsstrond kyrkje - Bør starte synfaringa så tidleg som råd, gjerne kl 09. - Det er av interesse at Åge Brabrand, UiO eller andre med kjennskap til røyebestanden i Møsvatn deltek på synfaringa/har foredrag om resultata frå fiskeribiologiske undesøkinga i Møsvatn i 2011. 01.06 Eventuelt O.H. Skogen informerte om prosjektet Plast på avveie som m.a. foregår i Midtre Telemark vassområde. Prosjektet som har fokus på forureining av plast i innlandsvassdrag, har initiert til ei masteroppgåve på Høgskolen i Bø om plast i Norsjø. Forslag frå O.H.Skogen: Aust-Telemark bør ta tak i plastforureining av innlandsvassdrag og kan i den samanheng invitere masterstudenten frå Høgskolen i Bø på neste styringsgruppemøte for å få informasjon om opplegg/ resultat av plastinnsamlinga som blir gjennomført i Norsjø. Atrå, 11.05.2017 Ragnar Gunleiksrud (sign.) leiar Vedlegg: Årsrapport 2016 (justert 05.05.17) Budsjett 2017 (justert 05.05.17)