Post: Liane, 4164 Fogn Faktura: Finnøy Kommune, Rådhuset, 4160 Finnøy 03.05.16 Referat frå møte i SU (Samarbeidsutvalet) ved Møtedato og stad: Tysdag 3. mai kl. 18.00 på personalrommet. Desse møtte: Kristel Borgemyr (foreldrerepresentant i barnehagen) Kristine Bø (representant for tilsette i barnehagen) Aud Marie Bø (representant frå andre tilsette) Morten Sangedal (foreldrerepresentant i skulen) Anne Sunde (foreldrerepresentant i skulen) Frida Hole Runestad (elevrådsrepresentant) Jakob Bø (representant frå lærarane) Jon Olav Runestad (kommunal representant) Håvard Østhus (rektor og kommunal representant) Forfall: Pål Rune Grønås (foreldrerepresentant i barnehagen) Dag Sæbøvåg (verneombod, møter ved behov) Elin Bø Roverud (representant for tilsette i barnehagen) Magnus Hovda Rørheim (elevrådsrepresentant)
Sak 25 15/16: Godkjenning av innkalling og sakliste Innstilling frå rektor: SU godkjenner innkalling og sakliste. Sak 26 15/16: Godkjenning av referat frå førre møte Innstilling frå rektor: SU godkjenner referat frå førre møte. Sak 27 15/16: Status - uteplassen Saksutgreiing: Denne saka vil stå på sakskartet i SU til vi er «i mål» med grinda ved enden av Rasmus sitt drivhus, portane inn til bålhuset og har ei løysing for tømming av utedoen. I førre møte vedtok vi at: Morten og Ståle tek ansvar for å montera grinda Jakob finn ei løysing for dette med portane inn til bålhuset Håvard høyrer med Oskar om korleis ein går fram for å tømma utedoen på uteplassen Sidan sist har dette skjedd: Morten og Ståle har montert grinda. Det som gjenstår av gjerding har Rasmus sagt at han skal ta seg av. Håvard har høyrt med Oskar i forhold til tømming av utedoen. Oskar seier at han aldri har gjort dette, men at det nok er noko som dei fleste kan få til Innstilling frå rektor: Vedtak: Dette skal skje framover: Jakob finn ei løysing for dette med portane inn til bålhuset. Pål Rune tek ansvar for at utedoen vert tømt. Morten føl opp dette. Sak 28 15/16: Orienteringar frå rektor Saksutgreiing: Her vil rektor orientere om: Personalsituasjonen
o Karim Abdullah, som har vore i introduksjonspraksis ved oppvekstsenteret dei siste månadane, har no gått over til fem dagar med skule på Jørpeland. o Helge Magnar Iversen er tilsett som 100% lærar frå hausten av. o Marianne Bø Skregelid skal ha eit års permisjon frå lærarjobben skuleåret 2016-17 grunna adopsjon. Stillinga er utlyst som ein del av ei felles utlysning i kommunen, og søknadsfrist er/var 1. mai. o Kristine Bø går av med pensjon til sommaren. Hennar stillingsprosent (50%) vert i desse dagar lyst ut som ein del av ei felles fagarbeidar/assistentutlysing i kommunen. o Elisabeth Rygg har sagt opp si stilling som assistent i skulen. Ei assistentstilling (ca. 40%) vert i desse dagar lyst ut som ein del av ei felles fagarbeidar/assistentstilling i kommunen. Nytt nærmiljøanlegg er «oppe og går» og er særs populært for både store og små! Det har skjedd ein feil i forhold til det blå dekket, og dette skal leverandør retta opp i innan kort tid. På førre møte i SU var det snakk om at Finnøy Sentralskule gjerne skulle starta tidlegare (om morgonen) til hausten, og at dette kunne få fylgjer for oss på Fogn oppvekstsenter. Då denne saka var oppe politisk gjekk den ikkje gjennom, og det vert difor ikkje endring i skulestarttida til hausten. På førre møte i SU hadde vi ei sak om dette som gjekk på bilfri sone på oppvekstsenteret. Ulike løysingsforslag var framme, men vi var einige om at den beste løysinga ville vere å få til noko rett over vegen for skulen, der det er planlagt leiligheiter. Rektor har vore i kontakt med Gordon Sunde i denne saka, og Gordon har vist parkeringsplanane for leilighetskomplekset. Her er det lagt opp til minst 12 parkeringsplassar til dei fire leiligheitene, og Gordon er positiv til å få til ei løysing ift. at nokre av plassane kan verta reserverte til oppvekstsenteret. Plassane ligg mellom bygget og oppvekstsenteret, noko som gjer plasseringa optimal for vår del. I og med at dette ser ut til å vera ei god løysing, men at løysinga ligg litt fram i tid, ser ikkje rektor for seg at det vil vera mogleg å starta bilfri sone til hausten 2016, som var målet i SU-vedtaket i førre møte. Rektor ser det likevel ikkje naturleg å laga mellombels løysingar andre stadar, mellom anna grunna kostnadar knytta til løysingar som ikkje er varige. Barnehagen kjem frå hausten av til å vera med på ei nasjonal satsing knytta til språk i barnehagen, som heitter «Språkløyper». Det er Utdanningsdirektoratet som står bak satsinga, som heile kommunen er ein del av. Elin og Håvard har vore på introduksjonssamling og fått opplegget presentert. Dei som ynskjer kan lese meir om dette på sprakloyper.no
Det er mindre enn fem barn som har søkt SFO til neste år, og det vil difor ikkje bli gitt eit tilbod om eigen SFO, slik det har vore dei siste åra. Born som har søkt om SFO plass vil få tilbod om opphald i barnehagen i SFO-tida. Innstilling frå rektor: SU tek orienteringane til etterretning. Sak 29 15/16: Årsplan for barnehagen 2016-17 Saksutgreiing: Framlegg til årsplan ligg vedlagt. Vi vil ha det som ei fast rutine at barnehagen sin årsplan vert lagt fram for SU i det siste møtet før det aktuelle barnehageåret. Planen skal då ha vore til drøfting både hjå tilsette (personalmøte) og blant foreldra (foreldremøte og/eller FAU), før den vert presentert for SU. I år har vi hatt planen oppe både i foreldremøte og i to personalmøte med ein månads mellomrom. Pedagogisk leiar Elin har motteke nokre små endringsforslag til den vedlagte planen, som ikkje enno er lagt inn, dette orienterer ho om i SU. Av dei sju fagområda i rammeplanen for barnehagar, vil fagområdet «Natur, miljø og teknikk» ha eit særskilt fokus neste år. I år har fagområdet «Nærmiljø og samfunn» vore spesielt mykje framme, og då kan «Natur, miljø og teknikk» vere eit naturleg fokusområde å gå vidare med. Innstilling frå rektor: SU tek planen, med pedagogisk leiar sine endringar, til etterretning. Sak 30 15/16: Lokale endringar i skuleruta 2016-17 Saksutgreiing: Skuleruta ligg vedlagt. Den kommunale skuleruta for 2016-17 er politisk godkjent, men evt. lokale endringar må vedtas av SU ved i god tid før skuleåret startar opp. Vi har tradisjon for å gjere enkelte lokale endringar, og rektor har desse forslaga: Den første dagen i det nye barnehageåret, altså måndag 15. august, vert lokal planleggingsdag i barnehagen. I skuleruta står det ikkje når denne første planleggingsdagen skal gjennomførast, men det er lagt opp til at det skal skje anten 15., 16. eller 17. august. I fjor gjorde vi oss gode erfaringar med å ha solidaritetsaksjonen på kveldstid. Dette fører med seg eit avspaseringsbehov for både elevar og vaksne. Rektor foreslår at
elevane avspaserer fredag 18. november, slik at dei vaksne kan reise på skulemøtet for Rogaland denne dagen. Dei vaksne avspaserer ein lokal planleggingsdag på våren. Julefesten, som etter planen vert tysdag 20. desember 2016, fører med seg eit avspaseringsbehov. Rektor foreslår at både elevar og vaksne avspaserer onsdag 21. desember. Grillfesten før sommaren skal etter planen gjennomførast tysdag 20. juni 2017. Denne fører også med seg eit avspaseringsbehov. Rektor foreslår at både elevar og vaksne avspaserer torsdag 22. juni. Innstilling frå rektor: SU vedtek dei foreslåtte endringane i skuleruta Sak 31 15/16: Arbeidsmiljøundersøking Saksutgreiing: Rapport etter arbeidsmiljøundersøkinga ligg vedlagt. Vi ynskjer å ha eit godt arbeidsmiljø på, og arbeider aktivt for dette. Både våren 2015 og våren 2016 har vi gjennomført arbeidsmiljøundersøkingar ved Fogn oppvekstsenter. Alle tilsette (med unnatak av dei som er tilsett som ringevikarar) har hatt høve til å svare på undersøkingane. Undersøkinga i 2016 vart gjennomført i april, og det er bedriftshelsetenesta til Finnøy Kommune, raft BHT som gjennomfører undersøkinga. Undersøkinga er såkalla «halvopen», dvs. at rektor, som har bestilt undersøkinga, ikkje veit kven som har svara kva, men raft BHT sit med informasjon om dette. På denne måten kan dei kontakta personar som evt. svarar avvikande på spørsmål, og spørje om dei vil koma med meir utfyllande informasjon som kan vera med og bidra til eit betre arbeidsmiljø. På denne måten vil ikkje resultata nødvendigvis gi ein «dårleg følelse» og ein må ikkje berre «famla i blinde» når ein fokuserer på å få eit best mogleg arbeidsmiljø. Bedriftshelsetenesta har vore inne og hatt ein gjennomgang av vedlate rapport for alle tilsette. I denne framlegginga vart det sagt at gjennomsnittstal frå 4.5 og som hovudregel kunne sjåast på som gode, for det kan ha med t.d. personlighetstype å gjere om to personar kryssar av for 4 eller 5, sjølv om dei eigentleg er like einige i påstanden dei gir «karakter» på. På bakgrunn av dette, er rektor i hovudsak godt nøgd med resultata av undersøkinga. Det som kan kommenterast, er dei to første påstandane under «Kommunikasjon og samhandling». Desse påstandane handlar om trakassering på jobben, både det ein sjølv opplever og evt. observerer at andre opplever. Her er maksimal score, i positiv forstand, 1,0. Som vi ser er det enkelte utslag på desse to påstandane, og det er i slike tilfelle det er særleg praktisk at undersøkinga er «halvopen». Bedriftshelsetenesta har gått inn og kvalitetssikra
desse utslaga. Ved ei slik kvalitetssikring kan ein t.d. avsløre om nokon har tenkt feil når dei svara, slik at dei gav ein høg score, men meinte eigentleg å svara 1,0. Dei utslaga som ikkje handlar om slike «feilslag», vil rektor arbeida aktivt med, slik at arbeidstakarane sine krav til det psykososiale arbeidsmiljøet (ref. arbeidsmiljøloven 4-3) vert ivaretatt. Innstilling frå rektor: SU tek orienteringa til etterretning Sak 32 15/16: Sakliste til SMU SMU si sakliste for dagens møte er denne: Sak 17-15/16: Godkjenning av innkalling og sakliste Sak 18-15/16: Godkjenning av referat frå førre møte i SMU Sak 19 15/16: Drøfting av resultat av elevane si trivselsundersøking Sak 20 15/16: Gjennomgang av ordensreglementet for Sak 21 15/16: Ymse Innstilling frå rektor: SU tek SMU si sakliste til orientering Sak 33 15/16: Ymse Ingen saker vart spelt inn