TILSYNSRAPPORT Skulen sitt arbeid med elevane sitt psykososiale miljø Hjartdal kommune Sauland Skule 06.01-11.05.12 Barnehage- og utdanningsavdelingen 1
Innhald 1. Tema for tilsynet: Skulen sitt arbeid med elevane sitt psykososiale miljø... 3 2. Gjennomføring av tilsynet... 4 3. Fylkesmannen sine vurderingar og konklusjonar... 4 3.1 Førebyggjande arbeid og internkontroll... 4 3.2 Det individuelt retta arbeidet ved skulen... 7 3.3 Brukarmedverknad... 8 4. Pålegg om endring... 11 5. Oppfølging av tilsynsresultata krav om eigenerklæring om at lovbrota er retta... 12 6. Klage... 12 Vedlegg 1 Oversyn over innsend dokumentasjon... 13 Vedlegg 2 Oversyn over dei som er intervjua... 14 Vedlegg 3 Rettslege krav... 15 2
1. Tema for tilsynet: Skulen sitt arbeid med elevane sitt psykososiale miljø Det blir gjennomført felles nasjonalt tilsyn i 2010-2012 der temaet er skulen sitt arbeid med elevane sin rett til eit godt psykososialt miljø, jf. opplæringslova kapittel 9a. Hovudregelen for tilsynet er 9a-1, og dei andre reglane som er kontrollerte, må sjåast i lys av denne. Tilsynet er likevel avgrensa til berre å gjeldeskulen sitt arbeid med det psykososiale miljøet. Det rettslege utgangspunktet for tilsynet er delt inn i tre hovudkategoriar: Det førebyggjande arbeidet ved skulen - 9a-4, jf. 9a-3 første ledd. Det individuelt retta arbeidet ved skulen - 9a-3 andre og tredje ledd. Skulen si plikt til samhandling og involvering med ulike råd og utval (brukarmedverknad) - 9a-5, 9a-6 og kapittel 11. Opplæringslova 13-10 om forsvarleg system og 9a-4 om internkontroll Det er ikkje ført særskilt tilsyn med opplæringslova 13-10 andre ledd i dette tilsynet. Opplæringslova 13-10 andre ledd er ein overordna regel som pålegg skuleeigar å ha eit forsvarleg system for oppfølging av alle lovkrava. I tidlegare tilsyn har det vore stort fokus på internkontrollsystemet i kommunane. I det felles nasjonale tilsynet 2010-2012 er det internkontrollen ved kvar enkelt skuleknytt til elevane sitt psykososiale miljø det blir ført tilsyn med. Kravet til internkontroll i samband med dette er særleg regulert i opplæringslova 9a-4, jf. 9a-3 første ledd. Kommunen sitt ansvar Sjølv om opplæringslova legg ansvaret på skuleleiinga for den daglege gjennomføringa og etterlevinga av dei kontrollerte reglane, er det kommunen som har det overordna ansvaret. Det er kommunen som skuleeigar som må syte for at skuleleiinga ved kvar skule etterlever krava og pliktene i lova, og at dei tilbyr dei tenestene og aktivitetane som lova omtalar. Oppfyllinga av elevane sin rett til eit godt psykososialt miljø skjer på skulen. Det er skuleleiinga og dei tilsette som i det daglege må arbeide for eit godt skulemiljø. Kommunen som skuleeigar er likevel øvste ansvarlege for at pliktene etter kapittel 9a blir oppfylde. Dette inneber at det er kommunen som er ansvarleg for oppfylling av elevane sine rettar sjølv om det tilsynet har undersøkt har vore handlingar som skjer i skulen. Kommunen er derfor adressat for eventuelle pålegg om endring i samsvar med opplæringslova 14-1 tredje ledd. Føremålet med tilsynet Det overordna målet med tilsynet er å rette fokuset mot og styrkje arbeidet med det psykososiale miljøet ved skulane og skulane si evne til å førebyggje og handtere krenkjande åtferd. Gjennom kontroll med om skulane følgjer lovkrava på dette feltet, skal eventuell lovstridig praksis avdekkjast. Gjennom pålegg om endring skal slike forhold rettast opp. Eit godt skulemiljø er ein viktig innsatsfaktor for ein god skule og for realisering av føremålsparagrafen i 1-1 i opplæringslova. Manglar ved skulemiljøet kan føre til mistrivsel blant elevane, og det vil kunne ha direkte innverknad på læringsutbytet deira. Dei overordna føremåla med det felles nasjonale tilsynet i 2010-2012 er å: sikre at skuleeigarar og skuleleiarar driv eit aktivt og førebyggjande arbeid for å sikre elevane eit godt psykososialt miljø sikre at skuleeigarar og skuleleiarar syter for at dei tilsette på ein tilfredsstillande måte handterer krenkjande åtferd som dei får kunnskap eller mistanke om sikre at skuleeigarar og skuleleiarar syter for at elevar, foreldre, råd og utval blir involverte og engasjerte i skulemiljøarbeidet Det blir presisert at tilsynsrapporten ikkje gir ei heilskapsvurdering av skuleeigaren og skulen. Rapporten omhandlar berre resultat knytte til det temaet som er valt for det felles nasjonale tilsynet 2010-2012. 3
2. Gjennomføring av tilsynet Etter opplæringslova 14-1 fyrste ledd har Fylkesmannen heimel til å føre tilsyn med offentlege skular. Fylkesmannen skal ha tilgang til skuleanlegg og dokumentasjon. Tilsynet har vore utført ved å hente inn og vurdere dokumentasjon, skriftlege utgreiingar og munnlege opplysningar. Fra Fylkesmannen deltok Reidun Fløseth og Tor Villanger-Tvedt, med sistnevnte som tilsynsleiar. Det er skulen som etter lova pliktar å sikre at den enkelte eleven får oppfylt retten sin til eit godt psykososialt miljø, jf. 9a-1 og 9a-3 første ledd. Skulen vil her seie: skuleeigar, skuleleiinga og dei tilsette ved skulen. Gangen i tilsynet Varsel om tilsyn med pålegg om å sende inn utgreiing og dokumentasjon til kommunen og skulane datert 06.01.2011 Mottak av dokumentasjon og utgreiing frå kommunen og skulane 14.02.2012 Opningsmøte 06.03.12 Intervju/samtalar 07.03.12 Varsel om vedtak og førebels rapport datert 16.04.2012 Sluttmøte 19.04.12 Frist for tilbakemelding om varsel om vedtak og førebels rapport 11.05.2012 3. Fylkesmannen sine vurderingar og konklusjonar Det er informert nærare om dei rettslege krava og kva dei inneber i opningsmøtet 06.03.12. Dei rettslege krava er tekne med i vedlegg 3 til denne rapporten. Vi viser også til rundskrivet frå Utdanningsdirektoratet om elevane sin rett til eit godt psykososialt miljø, Udir-2-2010. 3.1 Førebyggjande arbeid og internkontroll For å oppnå eit godt psykososialt miljø er det ein naudsynt føresetnad at det blir drive eit førebyggjande arbeid som skal forhindre uønskt/krenkjande åtferd. Dette inneber at skuleleiinga må ha ei føre var haldning til eventuelle situasjonar og utfordringar som kan oppstå i skulekvardagen, og som kan ha negativ innverknad på elevane sitt skulemiljø. Rettslege krav Det rettslege utgangspunktet for tilsynet sin kontroll med det førebyggjande arbeidet ved skulen finst i opplæringslova 9a-4, jf. 9a-3 første ledd. Skuleeigarar og skuleleiarar skal arbeide førebyggjande for å forhindre at uønskt åtferd oppstår. Det førebyggjande arbeidet skal vere aktivt, systematisk og kontinuerleg. Reglane presiserer plikta skulen har til å sikre at elevane sin rett etter 9a-1 blir oppfylt. Sjå også vedlegg 3. Dokumentasjon og vurdering Dokumentasjon Hjartdal kommune har sendt med felles dokumentasjon som gjeld alle skulane i kommunen: Felles plan for utviklingsarbeid i barnehage og skule 2010-2014, Forskrift av 13.04.2011 om ordensreglement for grunnskulen i Hjartdal, Årshjul for kvalitetsarbeid per 30.01.2012, Varslingsrutinar ved ekstern varsling og Tilstandsrapport for grunnskulen Hjartdal 2011. Sauland skule har i Ordensreglementet for Sauland skule sett seg mål for skulemiljøet. Skulen skal vere ein trygg og god arbeidsplass, og alle skal vise medansvar og respekt for kvarandre og det fysiske miljøet. 4
Hjartdal kommune er ein MOT-kommune. MOT er ein haldningsskapande organisasjon som jobbar for ungdom. MOT har ein heilskapleg modell for korleis lokalsamfunn kan jobbe saman med ungdom og har mellom anna eit eige program for ungdomsskulen. MOT handlar om å vise MOT og ta eine val. Ifølgje intervju ser dei no klare effektar av MOT-jobbinga i klassane. Skulen har fleire dokument som gir retningsliner i arbeidet med det psykososiale miljøet/mot mobbing/krenkjande ord og handlingar: Handbok for Sauland skule 2011 2012, Sauland skule Plan mot mobbing med tilhøyrande mobbekontrakt, Retningslinjer for tilsyn med elevar, Kriseperm levert av firmaet Personalomsorg, Ordensreglementet for grunnskulen i Hjartdal kommune og Varslingsrutiner ved ekstern varsling. Varslingsrutiner ved ekstern varsling er ein ny rutine utarbeidd i 2012. Rutinen er ifølgje kommunalsjefen laga for å gje elevane ein ny kanal for å kunne melde frå om hendingar eller situasjonar dei opplever som vanskelege. Det er også laga eit eiget varslingsskjema der den som varslar kan krysse av for kva det gjeld, til dømes mobbing/plaging/erting, trugsmål/valdsbruk/våpen, diskriminering eller kjønnsorientert/seksuelt. Rektor opplyser at dei har rutinen, men at den enno ikkje er tatt i bruk. I ordensreglementet som gjeld for alle skulane, står det mellom anna om elevane sine rettigheiter og plikter, sanksjonar ved brot på reglementet og sakshandsamingsreglar ved brot på reglementet. Det står i reglementet at skulen skal følgje saksbehandlingsreglane i 9a-3 og dei rutinar som følgjer av skulen sin tiltaksplan mot mobbing. Skulen har laga eigne utfyllande ordensreglar: Ordensreglement Sauland skule, Forskrifter til ordensreglementet, Bruk av mobiltelefon ved Sauland skule og Elevkontrakt med eigne reglar for elevane i 10. klasse. I Sauland skule Plan mot mobbing er det gitt døme på kva som kan vere mobbing, kva for verktøy skulen har for å fremje eit positivt skulemiljø, korleis skulen kan oppdage mobbing og kva skulen gjer når den får signaler om mobbing. I Handbok for Sauland skule 2011 2012 står det korleis konfliktar ved skulen skal handterast. Det er ein framgangsmåte for å løyse konfliktar mellom elevar og ein annan framgangsmåte for å løyse konfliktar mellom ein lærar og ein elev - eller ein lærar og heimen. Det går ikkje fram av handboka kva type konfliktar det her er snakk om - om dei til dømes gjeld både ved grov vald og ved ueinigheit om det pedagogiske opplegget. I den same handboka, under punktet Kriser er står det at skulen har ein Kriseperm som står på opphaldsrommet. Fylkesmannen har fått kopi av utvalde rutinar i krisepermen: Vold fra medelev, Mobbing fra medelev og Mobbing fra ansatt. Rektor meiner at dei tilsette er kjent med at skulen har ein slik perm, men at dei nok ikkje kjenner til innhaldet i permen godt nok. Skulen har ein inspeksjonsplan for tilsyn med elevane. Den har i tillegg utarbeidd dokumentet Retningslinjer for tilsyn med elevar. Der er det gitt døme på uønska åtferd som dei skal påtale, og det er spesifisert kva dei ikkje skal tolerere. Det står òg kor dei som har inspeksjon skal vere i friminutta og før og etter skuletid. Skulen gjennomfører Elevundersøkinga i regi av Utdanningsdirektoratet på 5.-10. trinn. Skulen har ifølgje rektor ikkje skriftlege rutinar for å følgje opp resultata, men dei har ein praksis. Rektor går gjennom resultata frå elevundersøkinga med kontaktlærar. Om ein elev har meldt frå om mobbing, skal kontaktlæraren gjennom elevsamtalene finne ut kven det gjeld og gjennomføre tiltak. Eventuelle tiltak blir ifølgje rektor ikkje dokumentert. Det er satt av tid til elevsamtalar og utviklingssamtaler. Kontaktlærarane har ein time i uka til elevsamtaler. Skulen gjennomfører to utviklingssamtalar i året. Kontaktlæraren lager sitt eige skjema til bruk i utviklingssamtalen. Fylkesmannen har fått tilsendt to ulike skjema: i begge er det spørsmål om korleis eleven har det på skulen og om han/ho har blitt plaga/mobba på skulen i det siste. 5
Fylkesmannen sin vurdering Sauland skule arbeider aktivt med skulemiljøet på mange område, og både skuleleiinga og personalet har som mål å skape eit godt og trygt skulemiljø for alle elevane. Skulen får informasjon om skulemiljøet gjennom elevundersøkinga og elevsamtalane. Skulen bør slik Fylkesmannen vurderar det, ha god oversikt over korleis den einskilde elev har det på skulen. Men, det er ikkje utarbeidd rutinar for korleis informasjonen på individnivå skal handsamast og følgjast opp på skulenivå slik at informasjonen blir ein del av det planmessige førebyggjande arbeidet. Inspeksjonsplanen og retningslinene for tilsyn med elevane før og etter skuletid og i friminutta er med på å sikre at det er vaksne til stades som kan følgje med på det som skjer og at elevane har vaksne å vende seg til om noe skjer. Rutinane i Krisepermen med tilhøyrande logg er slik Fylkesmannen har oppfatta det, ikkje i bruk. Skulen skriv i sin plan mot mobbing at dersom ein blir plaga gjentekne gongar over lengre tid, må vi sjå på det som mobbing. Fylkesmannen vil presisere at enkeltståande utsegn/hendingar er omfatta av lova. Enkeltståande utsegn/hendingar er krenkjande dersom den som blir utsett for det, opplever det som krenkjande. Det står vidare i planen at når skulen får signal om mobbing, skal kontaktlærar undersøke kva som er skjedd, informere rektor innan tre dagar, dei føresette for dei involverte innan ei veke, og det kan resultere i eit møte med dei involverte elevane og føresette kvar for seg saman med rektor. Om det etter eit slikt møte blir sett i gang tiltak, skal alle partar følgje opp. Etter 9a-3 andre ledd skal tilsette som får kunnskap eller mistanke om at ein elev blir utsett for krenkjande ord eller handlingar, snarast undersøkje saka og varsle skuleleiinga, og dersom det er nødvendig og mogleg sjølv gripe direkte inn. Det betyr at skuleleiinga skal varslast snarast, og tre dagar er slik Fylkesmannen vurderar det, å vente for lenge. Det same gjeld varsling til foreldra. I 9a-6 tredje ledd står det: Dersom skulen blir klar over tilhøve ved skolemiljøet som kan ha negativ verknad for helsa til elevane, skal elevane og dei føresette snarast mogleg varslast om det. Dette betyr at skulen ikkje kan vente i ei veke med å varsle foreldra. Skulen har i dei fleste tilfelle som fell inn under 9a-3 andre ledd ei plikt til å informere foreldra. Om skulen sjølv ikkje har fatta enkeltvedtak, vil foreldra kunne krevje dette etter 9a-3 tredje ledd. I Ordensreglement for Sauland skule, Retningslinjer for tilsyn med elevar og i Handbok for Sauland skule er det andre varslingsrutinar. o Under punktet Oppgåver for vaktene i handboka står det: Banning og anna respektlaus tiltale eller åtferd ovafor medelevar eller lærarar, elevar som ikkje rettar seg etter tilsnakk, og elevar som øydelegg noko skal rapporterast til klassestyrar/rektor umiddelbart. o I retningslinene for tilsyn: Det er viktig at lærar meldar vidare til kontaktlærar rektor om ein ser grove brot på våre ordensreglar. o I ordensreglementet står det: Grove brot på ordensreglementet slik som mobbing, vil det føre til at heimen blir kontakta umiddelbart. Når det er fleire ulike rutinar som gir ulik informasjon, kan det slik Fylkesmannen vurderer det, oppstå uvisse om kva som er gjeld for elevane, foreldra og dei tilsette. Skulen har ikkje skriftlege rutinar/planar for kva dei tilsette skal gjere om dei får kunnskap eller mistanke om at ein elev blir utsett for krenkjande ord eller handlingar som ikkje er mobbing slik mobbing er definert i handlingsplanen mot mobbing. Den har heller ikkje skriftlege rutinar for kva som gjeld om det er ein vaksen som krenkjar/mobbar. Det går ikkje fram av den skriftlege dokumentasjonen kven som har oppgåva med å følgje opp og handsame oppmodingar om tiltak frå elevar/foreldre. Det same gjeld plikta til å gjere enkeltvedtak etter 9a-3 tredje ledd. 6
Skulen har ikkje skriftlege rutinar for brukarmedverknad, og heller ikkje noko skriftleg om kva råda og utvala skal ha informasjon om og uttale seg om. Det er ikkje dokumentert at dei planane og rutinane som skulen har, blir evaluert og halde ved like slik at dei heile tida er oppdatert i høve til lovverket og tilpassa dei utfordringane som skulen har. Internkontroll føreset at arbeidet blir løpande vurdert og jamleg revidert. Fylkesmannen sin konklusjon Hjartdal kommune Sauland skule har nokre rutinar som kan gå inn i eit system for internkontroll, men det ligg ikkje føre eit heilskapleg system for internkontroll slik det er krav om i opplæringslova 9a-4 og 9a-3 første ledd. 3.2 Det individuelt retta arbeidet ved skulen Det førebyggjande arbeidet må sjåast i samanheng med det individuelt retta arbeidet ved skulen. Det er viktig for oppfyllinga av krava i opplæringslova at dei førebyggjande tiltaka som blir planlagde, blir etterlevde i praksis. Skulen si plikt til å gripe inn når det oppstår forhold som er krenkjande for éin eller fleire elevar, følgjer hovudsakleg av 9a-3, andre og tredje ledd. Opplæringslova oppstiller særskilte plikter for skulen knytte til det psykososiale miljøet og gir eleven/foreldra særskilte rettar knytte til saksbehandlinga ved skulen. Ved å kontrollere korleis skulane etterlever dei konkrete pliktene i 9a-3 andre og tredje ledd, vil tilsynet kunne medverke til å sikre at skulane i praksis arbeider for å fremje elevane si helse, trivsel og læring. Rettslege krav Skuleeigar, skulen, rektor og alle tilsette pliktar å sikre elevane sin individuelle rett etter 9a-1 gjennom individuelt retta arbeid. Det individretta arbeidet ved skulen er regulert i 9a-3 andre og tredje ledd i opplæringslova. Reglane presiserer at alle som er tilsette ved skulen, har ei handlingsplikt som inneber plikt til i å gjere undersøkingar, plikt til å varsle rektor og plikt til å gripe inn når det er naudsynt og mogleg. Vidare blir skulen pålagd å behandle oppmodingar frå elevar eller foreldre som gjeld det psykososiale miljøet, etter reglane om enkeltvedtak i forvaltningslova. Sjå også vedlegg 3. Dokumentasjon og vurdering Dokumentasjon/observasjonar: Handlingsplikta handtering av hendingar, 9a-3 andre ledd Det gjekk fram av intervjua at dei tilsette har drøfta kva som er krenkjande ord og handlingar på infomøter, teammøter og mellom personalet utan at det har blitt konkludert. Rektor opplyser at ulike lærarar kan ha ulike oppfatningar av kva som er krenkjande ord og handlingar, og at dei må bruke skjønn. Det gjekk fram av intervjua at dei tilsette kjenner til plikta om å undersøkje og gripe inn dersom dei får kunnskap eller mistanke om at ein elev blir utsett for krenkjande ord eller handlingar. Dei tilsette meiner òg dei har ein felles oppfatning for når dei skal gripe inn. Dei har ikkje motteke tilbakemeldingar frå elevar om at det er vaksne som ikkje grip inn når dei skal. Det kom fram i intervjuet med rektor at han har sagt at han skal varslast dersom det er sannsynleg at foreldra kan komme til å ta kontakt med skulen, og at han vil ha beskjed når det skjer noko alvorleg. Ein av dei tilsette opplyste at rektor har sagt at dei skal varsle om det som skjer er noko utover dei vanlege åtferdsmerknadene. Det gjekk frem av intervjua at dei tilsette i praksis vurderer kor alvorleg eller spesiell ei sak er før dei eventuelt varslar rektor. Fylkesmannen sin vurdering: Handlingsplikta handtering av hendingar 9a-3 andre ledd Fylkesmannen finn det dokumentert at dei tilsette har ein tilnærma lik oppfatning av kva som er å anse som krenkjande ord og handlingar, sjølv om det ikkje har blitt endeleg konkludert på dette. Fylkesmannen viser mellom anna til at dei tilsette har drøfta dette på ulike møter, og i intervju hadde konkrete døme på kva som kunne vera krenkjande ord eller handlingar. 7
Så lenge dei tilsette sitt skjønn/forståing ligg innanfor det som må defineras som krenkjande ord og handlingar, vil kravet i lova på dette punkt måtte vere oppfylt. Fylkesmannen legg vidare til grunn at dei tilsette undersøkjer og grip inn når dei har mistanke eller kunnskap om at ein elev blir utsett for krenkjande ord eller handlingar. Rektor blir også ofte underretta om hendingar ved skulen, men skulen har ikkje rutine eller praksis for at skuleleiinga blir varsla systematisk i alle dei høve lova krev. Dokumentasjon/observasjonar: handtering av oppmodingar om tiltak - 9a-3 tredje ledd Rektor skriv i si utgreiing til Fylkesmannen at det er ikkje er fatta einskildvedtak etter oppmodning frå foreldre. Det er sett i verk tiltak/undersøking etter oppmoding frå foreldre. Fylkesmannen har motteke tre skriftlege døme på klager/oppmodingar frå foreldre om tiltak. To av klagene gjeld det psykososiale miljøet til elevane og det går fram av klagene at foreldra fleire gonger har klaga over dei same forholda ved skulemiljøet. Den eine klagen er underteikna av i alt tolv foreldre. Det er ikkje gjort enkeltvedtak i desse sakene. Det gjekk òg fram av intervjua at dei tilsette har motteke oppmodingar frå foreldre om tiltak, utan at det har blitt fatta enkeltvedtak. Rektor skriv i si utgreiinga at foreldra på skulen ikkje har blitt informert om deira rett til å få enkeltvedtak når dei ber om tiltak knytt til det psykososiale miljøet. Fylkesmannen sin vurdering: handtering av oppmodingar om tiltak 9a-3 tredje ledd Skulen er pålagd å behandle oppmodingar frå elevar eller foreldre som gjeld det psykososiale miljøet etter reglane om enkeltvedtak i forvaltningslova. Fylkesmannen vil understreke at hovudregelen er at tilfelle der eleven/foreldra ber om tiltak knytt til skulemiljøet, er oppmodingar etter 9a-3 tredje ledd. Det er ikkje nødvendig at eleven/foreldra skisserer kva for tiltak dei ønskjer eller at dei synar til kapittel 9a i opplæringslova. Terskelen for at noko er ei oppmoding, er låg. Fylkesmannen finn det dokumentert at skulen ikkje oppfyller vedtaksplikta si etter 9a-3 tredje ledd. 3.3 Brukarmedverknad Opplæringslova inneheld krav om at elevar og foreldre skal givast høve til å involvere og engasjere seg i arbeidet for eit godt psykososialt miljø ved skulen. Eit av verkemidla frå lovgivar for å sikre brukarmedverknad har vore å stille krav til oppretting av ulike råd og utval og å gi desse råda og utvala høve til å uttale seg før endelege avgjerder blir tekne. Brukarmedverknad er ikkje ein statisk tilstand som kan oppnåast ein gong for alle i skulen, det er i tvert imot noko det må arbeidast kontinuerleg med. Tilhøyrsle i ein sosial og fagleg fellesskap gjennom verdiar og verkemiddel som verdsetjing, aktiv deltaking og medverknad er noko som må gå føre seg kontinuerleg i kvardagen. Det er skulen som skal syte for at elevane blir engasjerte i skulemiljøarbeidet. Skulen i denne samanhengen vil seieskuleleiinga. Dersom det ikkje er tilrettelagt for at elevane eller dei føresette blir involverte og engasjerte i skulemiljøarbeidet, er det skuleeigar som blir gjort ansvarleg. Rettslege krav 9a-5 slår fast at elevane skal engasjerast i det systematiske skulemiljøarbeidet, både i planlegginga og i gjennomføringa av det. Elles er det gitt reglar for ulike organ for brukarmedverknad både i 9a-6 og i kapittel 11. Det går m.a. fram at råda og utvala skal givast relevant informasjon og reelt høve til å uttale seg. Rutinar for å sikre informasjon og varsling til dei ulike råda og utvala må innarbeidast i internkontrollen ved skulen etter 9a-4. Sjå også vedlegg 3. Dokumentasjon og vurdering Dokumentasjon Sauland skule har 136 elevar på 10 klassetrinn. Hjartdal kommune har eit ordensreglement som gjeld for alle skulane i Hjartdal. Skulen har i tillegg utarbeidd eigne ordensreglar og forskrift til ordensreglementet. 8
Skulen har utarbeida ein plan mot mobbing med tilhørande kontrakt mot mobbing. Både elevane og foreldra skriv under på kontrakten. Dette gjer dei ifølgje rektor kvart år. Det går fram av Handbok for Sauland skule at skulen har ei rekke sosiale og haldningsskapande aktivitetar. Døme på dette er Barn hjelper barn, turdagar, overnattingsturar, juleball med julebord for elevar og lærarar på ungdomstrinnet, musikal, idrettsdag og ulike ekskursjonar. Det gjekk frem av intervjua at elevmedverknaden skjer gjennom elevrådet. Det blir sett av tid i klassane før og etter møte i elevrådet slik at elevane kan kome med innspel til møte og få informasjon frå møte. Dokumentasjonen viser at det er oppretta to elevråd eit for barneskulen og eit for ungdomsskulen - arbeidsutval for foreldrerådet (FAU), samarbeidsutval (SU) og skulemiljøutval (SMU). Elevrådet på barneskulen består av ti representantar, med to tillitsvalde for kvar av klassane frå 3.- 7. trinn. Elevrådet på ungdomsskulen består av åtte representantar, med to tillitsvalde frå 8. klasse, to frå 9. klasse og fire frå dei to 10. klassane. Elevråda har kvar sin kontaktlærar som skal hjelpe dei i arbeidet. Fylkesmannen bad skulen sende innkalling til og referat frå dei tre siste møta i elevrådet. Fylkesmannen har motteke referat frå to møte i elevrådet på barneskulen. Elevrådet hadde møte 09.09.11 og 06.10.11. I referata står det om valet og kva elevrådet ynskjer for det nye skuleåret, og det er mellom anna basseng med vatn, nye faste PC ar til alle, skulekantine, nye dusjar, nye slengtau i gymsalen, sykkelløype og skaterampe/skateboard. Elevrådet på ungdomsskulen hadde møte i september 2011, november 2011 og februar 2012. På saklistene sto arbeid med reglar for høfleg framferd og ordensreglar. Det er ikkje fastsett kva for saker som skal leggjast fram til drøfting i elevråda. I Handbok for Sauland skule står det: Dei (kontaktlærarane) skal hjelpe elevane til å finne og bruke dei rette vegane i skuledemokratiet. Rektor har ansvar for å informere elevrådet om verksemda ved skulen, og å be elevrådet om synspunkt i høve til utviklinga av skulen. Kontaktlærar for elevrådet skal ifølgje kontaktlæraren for elevrådet på ungdomsskulen ikkje vere bindeledd mellom elevrådet og skuleleiinga, og han ber elevrådet gå til rektor om det er saker dei vil ta opp med skuleleiinga. Det kom fram i intervju med rektor at det var fyrst i samband med tilsynet at han har sett innkalling til og referat frå møte i elevråda. Elevråda har ifølgje rektor ikkje drøfta eller gitt innspel til skulens rutinar/planar. Elevrådet har vore representert i ei arbeidsgruppe for eit utbyggingsprosjekt ved skulen. Fylkesmannen har motteke innkalling til og referat frå møte i SU 06.01.11, 14.03.11 og 22.10.11, samt innkalling til møte i SU og referat frå møte i SU/SMU 08.02.12. SU/SMU er ifølgje referat frå møte 08.02.12 samansett av tre representantar for elevrådet, tre for foreldra, to for undervisningspersonalet, ein for andre tilsette og to for kommunen. Den eine av representantane for kommunen er rektor. På saklistene til møta i SU i 2011 sto: tak som lekker, uteområdet, inngjerding, rehabilitering av garderobar og toalett, ombygging/nybygging av Sauland skule, vaktmeistertenesta, informasjon om ordensreglementet for Hjartdalsskulane og oppmoding til foreldra om å svare på spørsmåla i Foreldreundersøkinga. På saklista til møte i SU/SMU 08.03.12 sto: informasjon om tilsynet, val, informasjon om formålet med å etablere eit skulemiljøutval, status ballbinge, tilbod for avtrekk på skulekjøkkenet og når SU/SMU skal ha møte. Det blei bestemt at SU/SMU skal ha møte 15.03, 19.04 og 14.05. 9
Fylkesmannen sin vurdering Skulen har ikkje rutinar for å involvere alle elevane i skulemiljøarbeidet slik det er krav om i 9a-5. Elevane deltek ifølgje rektor gjennom dei tillitsvalde i elevråda. Det har vore få møte i elevråda og rektor har ikkje informert elevrådet om verksemda ved skulen, eller bede elevrådet om synspunkt i høve til utviklinga av skulen. Slik Fylkesmannen ser det, kan ikkje skuleleiinga overlate oppgåva med å involvere elevane til dei tillitsvalte; det er skuleleiinga sin oppgåve å følgje opp og sikre at elevane blir engasjerte i skulemiljøarbeidet. Skulen har oppretta dei råda og dei utvala dei etter lova skal ha. SU skal etter 11-1 ha ni representantar: to for undervisningspersonalet, ein for andre tilsette, to for foreldrerådet, to for elevane og to for kommunen. Den eine av representantane for kommunen skal vere rektor. SU var i 2011 sett saman i samsvar med 11-1. I 2012 blei det oppretta eit felles SU/SMU med elleve representantar. Det er ein elevrepresentant og ein foreldrerepresentant meir enn det skal vere i SU. I SMU skal elevane, foreldrerådet, dei tilsette, skuleleiinga og kommunen vere representerte, og representantane for elevane og foreldra skal vere i fleirtal. Det er til saman seks elevar og foreldre i SMU, og dei er dermed i fleirtal. SMU er sett saman i samsvar med 11-1a. SU og SMU er sjølvstendige utval. Dette betyr SMU ikkje kan vere ein sakspost på saklista, slik det går fram av referatet frå møtet 08.02 der SMU er sak 7 på saklista. Kommunen kan velje å la SU være SMU. Når SU skal vere SMU, må det supplerast med ekstra representantar slik at elevane og foreldra til saman er i fleirtal. Opplæringslova opnar ikkje for at SMU kan erstatte SU. Det har vore få møte i elevråda, tre møte i SU i 2011, og eit i SU/SMU i 2012. Elevane sitt psykososiale miljø eller skulen sitt arbeid med elevane sitt psykososiale miljø har ikkje vore tema, jf. referat frå møta. Utvala har altså ikkje blitt haldt løpande underretta om alle tilhøve som har vesentleg betyding for skulemiljøet og heller ikkje blitt tatt med i planlegginga og gjennomføringa av miljøtiltak ved skulen. Føremålet med reglane om brukarmedverknad er å sikre elevane, foreldra og dei tilsette innverknad på avgjerd som gjeld skulen. For at innverknaden skal vere reell, er det ein føresetnad at elevrepresentantane er til stades på møte i SU og SMU, at råda/utvala jamleg har møte og at skulen legg fram saker til drøfting. Fylkesmannen sin konklusjon Fylkesmannen finn med bakgrunn i det som er nemnt over, at Hjartdal kommune Sauland skule ikkje oppfyller krava til brukarmedverknad etter 9a-5, 9a-6, 11-1 og 11-1a. 10
4. Pålegg om endring På bakgrunn av det som går fram av punkta 3.1-3.3, gir Fylkesmannen slikt pålegg: Førebyggjande arbeid og internkontroll - 9a-4, jf. 9a-3 fyrste ledd 1. Hjartdal kommune skal sjå til at Sauland skule arbeider aktivt, systematisk og kontinuerleg for å forhindre at uønskt åtferd oppstår. Hjartdal kommune må i denne samanhengen sjå til at Sauland skule: a. lager ein skriftleg rutine/plan for korleis informasjonen frå kartleggingar på individnivå skal handsamast og følgjast opp på skulenivå. b. utarbeider rutinar for kva dei tilsette skal gjere om dei får kunnskap eller mistanke om at ein elev blir utsett for krenkjande ord eller handlingar og sikrar at rutinane er i samsvar med krava i 9a-3 andre ledd i opplæringslova. c. lage rutinar for korleis oppmodingar om tiltak skal handsamast. Det skal gå fram av rutinen kven som skal handtere oppmodingar, kven som skal gjere enkeltvedtak og kven som handtere og vidaresende ei eventuell klage frå eleven eller foreldra. d. lager skriftlege rutinar for brukarmedverknad som mellom anna viser når dei ulike råda og utvala skal veljast, og kva dei skal ha informasjon om og uttale seg om. e. lager rutinar for evaluering og vedlikehald av planane/rutinane for det førebyggjande arbeidet f. har eit system for å kontrollere at planane og rutinane blir følgde i praksis og kan dokumentere at kontrollen er utført Det individuelt retta arbeidet ved skulen Opplæringslova 9a-3 andre ledd: 2. Hjartdal kommune skal sjå til at dei tilsette ved Sauland skule handterer krenkjande åtferd dei har kunnskap/mistanke om. Hjartdal kommune må i denne samanhengen sjå til at Sauland skule: a. sørgjer for dei tilsette varslar skuleleiinga i samsvar med krava i 9a-3 andre ledd 3. Hjartdal kommune skal syte for at Sauland skule behandlar oppmodingar om tiltak ved å gjere enkeltvedtak etter reglane om dette i forvaltningslova. Hjartdal kommune må i denne samanhengen sjå til at Sauland skule: a. informerer alle tilsette ved skulen, samt foreldre og elevar om eleven sin rett til å få enkeltvedtak i 9a-saker når det kjem oppmoding til skulen om å setje i verk tiltak b. gjer enkeltvedtak for alle oppmodingar som gjeld det psykososiale miljøet og som kjem frå elevar, foreldre eller råd/utval c. følgjer reglane for enkeltvedtak i forvaltningslova om at vedtaket skal vere skriftleg, vere grunngitt, ta stilling til om eleven sin rett etter 9a-1 er oppfylt, gi opplysingar om retten til å klage mv. Brukarmedverknad - 9a-5 og 9a-6 og kapittel 11 4. Hjartdal kommune skal sjå til at Sauland skule involverer og engasjerer elevar og foreldre i skulemiljøarbeidet. Hjartdal kommune må i denne samanhengen sjå til at Sauland skule: a. sørgjer for å involvere alle elevane i skulemiljøarbeidet, jf. 9a-5 b. etablerar eit samarbeidsutval etter 11-1 c. held råda og utvala løpande underretta om alle tilhøve som har vesentleg betydning for skulemiljøet, jf. 9a-6 første ledd d. så tidleg som mogleg tek råda og utvala med i planlegginga og gjennomføringa av miljøtiltak, jf. 9a-6 andre ledd 11
5. Oppfølging av tilsynsresultata krav om eigenerklæring om at lovbrota er retta Tiltak for å rette lovbrot skal setjast i verk med det same. Hjartdal kommune skal gi ei skriftleg erklæring om at lovbrota er retta og dokumentere at det er utarbeidd tiltak i samsvar med pålegga. Frist for innsending av slik erklæring er 01.10.2012. 6. Klage Tilsynsrapporten er eit enkeltvedtak etter forvaltningslova 2 bokstav b, og kan påklagast til Utdanningsdirektoratet. Ein eventuell klage skal sendast til Fylkesmannen innan tre veker frå det tidspunktet underretning om vedtaket er komen fram til kommunen som skuleeigar, jf. forvaltningslova 28 og 29. Sjå forvaltningslova 32 om utforming av klage. Vedlegg: 1. Oversyn over innsend dokumentasjon 2. Oversyn over dei som er intervjua 3. Rettslege krav 12
Vedlegg 1 Oversyn over innsend dokumentasjon Brev frå rektor om skulen sitt arbeid med elevane sitt psykososiale miljø: det førebyggjande arbeid/internkontroll, den individretta handlingsplikta og brukarmedverknad Vedlegg - Verksemdsplan for Sauland skule 2011-2012 - Årshjul for kvalitetsarbeid i Hjartdal kommune, per 31.01.12 - Årshjul for Sauland skule - Ordensreglement Sauland skule o elevkontrakt for elevar i 10. klasse o forskrifter til ordensreglementet o bruk av mobiltelefon ved Sauland skule o retningslinjer for tilsyn med elevar - Elevundersøkinga 2011 - Malar 9. trinn: brev til foreldre/føresette om konferansetimen, skjema for kartlegging: Kva for sansar er viktigast for deg?, intervju før utviklingssamtala, spørreskjema om leksene, svarskjema for foresatte, skjema for kartlegging: analytisk eller global - Referat frå møte i elevrådet, b-trinn: 09.09.11, 06.10.11 - Innkalling til og referat frå møte i elevråd, u-trinn: september, november og februar - Innkalling til møte i SU 08.02.12, innkalling til og referat frå møte i SU 06.01.11, 14.03.11, 22.11.11. - Sauland skule: Plan mot mobbing med kontrakt mot mobbing - Vaksenstandarder for Sauland skole - Handbok for Sauland skule 2011-2012 Dokumentasjon ettersendt og mottatt 03.04.12 - Utskrift av rutinar frå krisepermen o Vold fra medelev o Mobbing fra medelev o Mobbing fra ansatt - Tre døme på oppmodingar frå foreldre - Referat frå møte i SU/SMU 08.02.12 - Døme på skjema for førebuing til utviklingssamtale i 10A 13
Vedlegg 2 Bjørn Rugaas Reidar Solberg Vera Dyhre Espen Granlund Svein Tore Engene Astrid Granlund Oversyn over dei som er intervjua kommunalsjef rektor assistent kontaktlærar 7. trinn kontaktlærar 8. trinn kontaktlærar 9. trinn Det er dessutan gjennomført samtalar med representantar for elevrådet og foreldrerepresentantar i FAU, SU og SMU. 14
Vedlegg 3 Rettslege krav 1 Det førebyggjande arbeidet 9a-4, Systematisk arbeid for å fremje helsa, miljøet og tryggleiken til elevane (internkontroll) Skolen skal aktivt drive eit kontinuerleg og systematisk arbeid for å fremje helsa, miljøet og tryggleiken til elevane, slik at krava i eller i medhald av dette kapitlet blir oppfylte. Skoleleiinga har ansvaret for den daglege gjennomføringa av dette. Arbeidet skal gjelde det fysiske så vel som det psykososiale miljøet. 9a-3 første ledd Det psykososiale miljøet Skolen skal aktivt og systematisk arbeide for å fremje eit godt psykososialt miljø, der den enkelte eleven kan oppleve tryggleik og sosialt tilhør. Det systematiske skulemiljøarbeidet skal sikre at elevane sin rett blir oppfylt ved at skulen arbeider kontinuerleg og systematisk for eit godt skulemiljø. Det avgjerande er at skulemiljøarbeidet er eigna til å sikre elevane eit godt psykososialt miljø og at brot på retten til eit godt miljø blir oppdaga og handtert på ein effektiv måte. Føremålet med skulen sine plikter etter 9a-4 er å sikre at uønskt/krenkjande åtferd blir oppdaga og teke hand om tidleg. Dette vil seie at skulen må ha rutinar for å kartleggje skulemiljøet og den enkelte eleven si oppleving av det psykososiale miljøet. Ein naudsynt føresetnad for det systemretta arbeidet er at skulen overfører krava i kapittel 9a til konkrete mål og handlingar. Skulen må ha planar og rutinar for korleis elevane sin rett skal oppfyllast. Skulen blir i 9a-4 pålagd å arbeide aktivt, systematisk og kontinuerleg slik at krava i kapittel 9a blir oppfylde. Dette inneber at skulen skal arbeide etter eit føre var -prinsipp, og førebyggje brot på eleven sin rett etter 9a-1. Skulen kan ikkje vere passiv og avvente at ein situasjon oppstår, som til dømes at læraren faktisk ser mobbing eller at nokon klagar på forholda. Med kontinuerleg meiner ein at det systematiske arbeidet må vere gjennomgåande i skulen sitt arbeid, og ikkje berre noko som blir gjort når det oppstår ubehagelege situasjonar eller ved oppstart av kvart skuleår. Arbeidet skal drivast heile tida, gjennom heile skuleåret. Eit anti-mobbeprogram eller ein perm med internkontrollrutinar som står i ei hylle, er ikkje tilstrekkeleg for å oppfylle kravet til systematisk arbeid. Det systematiske arbeidet skal vere gjennomtenkt og planmessig. Planane og rutinane må vere innarbeidde og må følgjast av personalet når det blir arbeidd med saker som omhandlar det psykososiale miljøet til elevane. Skuleleiinga ved rektor har ansvaret for at det systematiske arbeidet er aktivt, systematisk og planmessig. Skulen må for å oppfylle kravet til internkontroll: Setje seg konkrete mål for skulemiljøet og skulemiljøarbeidet Arbeide systematisk og planmessig for å nå måla og førebyggje problem Ha rutinar for å følgje med på skulemiljøet og den enkelte eleven si oppleving av det, medrekna rutinar for å avdekkje og handtere problem når dei dukkar opp og kontrollere at rutinane blir følgde 15
Skulen må kunne dokumentere at dei har eit system for internkontroll. Internkontroll inneber å overføre krava i lov og forskrift til konkrete mål for skulemiljøet, kartleggje utfordringar, planleggje og setje i verk tiltak for å nå måla. Skulen må dokumentere at dette er etablert, og at det faktisk blir følgt opp. I tillegg til det som blir dokumentert skriftleg, må skulen kunne vise at: - internkontrollen dekkjer alle reglane i kapittel 9a - kvar tilsett utfører pliktene dei har etter lova og kjenner til interne mål, rutinar/planar - dei tilsette har tilstrekkjeleg kompetanse om skulemiljøarbeid og handtering av utfordringar og hendingar som gjeld skulemiljøet - skulen har tiltak for å fremje skulemiljøet og førebyggje, avdekkje og handtere krenkingar - tiltaka blir sette i verk og planar og rutinar blir følgde i praksis - leiinga er aktivt med i arbeidet med internkontroll/skulemiljø. I det systematiske arbeidet med det psykososiale miljøet må også andre reglar i opplæringslova dragast inn. For det fyrste må skulen kartleggje krava til brukarorgan i kapittel 11. Eit sentralt organ i det systematiske arbeidet er skulemiljøutvalet. Ordensreglementet ved skulen er eit sentralt verkemiddel i arbeidet med skulemiljøet, og skulen må sjå til at dette er integrert i skulemiljøarbeidet/internkontrollen. Eit system for skulemiljøet som ikkje blir sett i samanheng med ordensreglement, er ikkje heilskapleg nok. I tillegg må skulen også trekkje inn vurdering i orden og i oppførsel etter forskrift til opplæringslova 3-5. 2 Det individretta arbeidet Skuleeigar, skulen, rektor og alle tilsette pliktar å sikre elevane sin individuelle rett etter 9a-1 gjennom individuelt retta arbeid. Det individretta arbeidet ved skulen er regulert i 9a-3 andre og tredje ledd i opplæringslova. Handlingsplikta etter 9a-3 andre ledd Plikta til å behandle oppmodingar om tiltak frå elevar/foreldre som enkeltvedtak etter 9a-3 tredje ledd Handlingsplikta 9a-3 andre ledd plikta til å undersøkje, varsle og gripe inn Dersom nokon som er tilsett ved skolen, får kunnskap eller mistanke om at ein elev blir utsett for krenkjande ord eller handlingar som mobbing, diskriminering, vald eller rasisme, skal vedkommande snarast undersøkje saka og varsle skoleleiinga, og dersom det er nødvendig og mogleg, sjølv gripe direkte inn. Regelen slår fast at alle som er tilsette ved skulen, har ei handlingsplikt som inneber - plikt til i å gjere undersøkingar, - plikt til å varsle rektor og - plikt til å gripe inn når det er naudsynt og mogleg. Handlingsplikta gjeld for alle som er tilsette ved skulen ved at dei har eit tilsetjingsforhold/ein arbeidsavtale med skuleeigar. I førearbeida til lova 1 er det sagt at tilsette i praksis ofte vil vere 1 Sjå Ot. prp. nr. 72 (2001-2002). 16
lærarar og miljøarbeidarar, men at plikta også gjeld anna personale. I tillegg til undervisningspersonalet på skulen kan dette til dømes vere vaktmeister, assistentar, kontor- og reingjeringspersonale. Den tilsette si handlingsplikt tek til å gjelde når ho/han får kunnskap eller mistanke om at ein elev blir utsett for krenkjande ord eller handlingar. Kunnskap om vil seie at den tilsette faktisk veit at ein elev blir utsett for uakseptabel åtferd frå elevar, lærarar eller andre ved skulen. Dette kan vere hendingar som den tilsette sjølv er vitne til eller blir fortald om. Ein del av handlingsplikta er plikta til å undersøkje om eleven faktisk har blitt utsett for krenkjande ord eller handlingar, og få klargjort kva som faktisk har skjedd. Handlingsplikta gjeld også dersom den tilsette får ein mistanke om at ein elev er utsett for ord og handlingar. Det er altså ikkje naudsynt med faktisk kunnskap for at handlingsplikta gjeld. Den tilsette må, når ho/han får kunnskap eller mistanke om krenkjande åtferd, vurdere kva som blir neste steg. Skuleleiinga skal varslast, og i nokre tilfelle har den tilsette plikt til å gripe inn. Dette må vurderast konkret i den enkelte situasjonen. I akutte situasjonar, til dømes når elevar slåss eller ein overhøyrer krenkjande ord til ein elev, er det naturleg å gripe inn straks og undersøkje nærare i etterkant kva som faktisk skjedde. Det følgjer av 9a-3 andre ledd at etter at den tilsette har undersøkt saka og kome til at dette er forhold som bør følgjast opp, skal skuleleiinga informerast. Skuleleiinga pliktar å sikre at alle saker dei blir varsla om òg blir følgde opp. Tilsette som varslar etter 9a-3 andre ledd skal takast på alvor. Skulen, ved rektor, pliktar å undersøkje saka ytterlegare dersom det er behov for dette, og setje i verk eigne tiltak. Skulen med alle sine tilsette må ha ei felles forståing av når det skal varslast, og korleis varslinga skal skje. På same måte må alle ved skulen ha eit avklart forhold til terskelen for å gripe inn. Desse avklaringane og rutinar for dette må innarbeidast i internkontrollen etter 9a-4. Det er ikkje noko krav i 9a-3 andre ledd om at skulen skal gjere eit enkeltvedtak når det blir sett i verk tiltak etter eige initiativ. Dette skil seg frå når ein elev eller forelder ber om tiltak, jf. 9a-3 tredje ledd. At det ikkje må gjerast enkeltvedtak tek likevel ikkje frå skulen ansvaret for å følgje opp saka på føremålstenleg vis. I nokre tilfelle vil tiltaka skulen set i verk, likevel krevje at det blir gjort enkeltvedtak. For enkelte tiltak er det fastsett eksplisitt i opplæringslova eller forskrift til opplæringslova at avgjerda er eit enkeltvedtak. Døme på dette er bortvising etter opplæringslova 2-10 og skulebyte etter opplæringslova 8-1 tredje ledd. Elles er det definisjonen av enkeltvedtak i forvaltningslova 2 sett opp imot karakteren av tiltaket som er avgjerande for om reglane om enkeltvedtak skal brukast. Samstundes har skulen eit visst handlingsrom knytt til ordensmessige og opplæringsmessige tiltak. Dette er mindre inngripande tiltak som blir gjorde for å gjennomføre opplæringa. Det skriftlege, som enkeltvedtaksformagjev, er viktig for skulen si dokumentering av at dei har gripe inn og prøvd å sikra eleven sin rett etter 9a-1. Plikta til å behandle oppmodingar om tiltak frå elevar/foreldre 9a-3 tredje ledd Eleven/ foreldra sin rett til å be om tiltak og saksbehandlinga ved skulen Dersom ein elev eller forelder ber om tiltak som vedkjem det psykososiale miljøet, deriblant tiltak mot krenkjande åtferd som mobbing, diskriminering, vald eller rasisme, skal skolen snarast mogleg behandle saka etter reglane om enkeltvedtak i forvaltningslova. Om skolen ikkje innan rimeleg tid har teke stilling til saka, vil det likevel kunne klagast etter føresegnene i forvaltningslova som om det var gjort enkeltvedtak. Skulen er pålagd gjennom 9a-3 tredje ledd å behandle oppmodingar frå elevar eller foreldre som gjeld det psykososiale miljøet etter reglane om enkeltvedtak i forvaltningslova. Dersom det ligg føre ei slik oppmoding, må skulen snarast råd ta stilling til om eleven sin rett er oppfylt, og eventuelt kva tiltak som skal setjast i verk. Det blir streka under at skulen alltid skal gjere eit enkeltvedtak når elevar/foreldre oppmodar om tiltak som gjeld det psykososiale miljøet. Skulen har altså ei vedtaksplikt. Dersom skulen ikkje oppfyller plikta til å gjere enkeltvedtak i saka, kan foreldra/eleven likevel klage som om det var gjort enkeltvedtak. 17
Oppmodingar frå elevar og foreldre treng ikkje vere skriftlege. Skulen må også ta stilling til munnlegeførespurnader. Skulen kan ikkje avvise ei oppmoding fordi ho ikkje er skriftleg eller unnlèt å oppgje kva tiltak eleven/foreldra ynskjer. Skulen kan heller ikkje krevje at eleven/foreldra må levere ei skriftleg oppmoding. Dersom skulen er i tvil om ei oppmoding frå eleven/foreldra er ei oppmoding etter 9a-3 tredje ledd, må skulen avklare dette. Skulen har ei rettleiingsplikt etter forvaltningslova 11. Ein del av dette vil vere å informere eleven/foreldra om rettane etter kapittel 9a og klarleggje om ei oppmoding frå ein elev eller foreldre om det psykososiale miljøet er ei oppmoding om tiltak. Den som tek imot førespurnaden, pliktar også å informere om retten til å be om tiltak og klageretten etter 9a-3 tredje ledd. Alle oppmodingar, også munnlege, skal takast på alvor og utgreiast. Dette er ein del av skulen si utgreiingsplikt etter forvaltningslova 17. Oppmodinga skal normalt rettast til skuleleiinga ved rektor, men oppmodingar kan også rettast til lærarar og andre tilsette. Dersom oppmodinga blir retta til ein lærar, må han/ho vurdere kva oppmodinga gjeld og om dette er noko som kan og bør løysast innanfor klassen. Læraren si vurdering vil vere viktig når det skal avgjerast kva tiltak som eventuelt skal inn i enkeltvedtaket. Uansett om oppmodinga kan løysast innanfor klassen, skal denne bringast vidare til skuleleiinga. Ei oppmoding frå elevar/foreldre skal aldri stoppast på klassenivå. Dette har samanheng med kravet i 9a-3 tredje ledd fyrste punktum om at alle tilfelle der det blir bede om tiltak knytte til det psykososiale miljøet, skal behandlast som enkeltvedtak etter forvaltningslova. Regelen slår også fast at saka skal behandlast snarast mogleg, og dersom det ikkje er gjort eit enkeltvedtak etter forvaltningslova innan rimeleg tid, kan eleven/foreldra klage som om skulen hadde gjort eit enkeltvedtak etter forvaltningslova. Ei klage skal alltid sendast til det forvaltningsorganet som har eller skulle ha gjort enkeltvedtak i saka i fyrste instans. Det vil seie at klaga skal sendast til skulen. Fylkesmannen er klageinstans, men før klageinstansen kan ta saka til behandling, må skulen eller skuleeigar sjå på saka på nytt, og eventuelt førebu saka for fylkesmannen, jf. forvaltningslova 33. Elles inneheld ikkje opplæringslova kapittel 9a krav til saksbehandlinga. Saksbehandlingsreglane i forvaltningslova gjeld for saker etter 9a-3. Dersom skulen ikkje behandlar noko som var meint som ei oppmoding, er dette alvorleg og kan få konsekvensar, m.a. anna etter strafferegelen i 9a-7. 3 Brukarmedverknad Elevane skal engasjerast i det systematiske skulemiljøarbeidet, både planlegginga og gjennomføringa av det, jf. 9a-5.Første ledd i denne lyder: 9a-5 første ledd Elevdeltaking i skulemiljøarbeidet Elevane skal engasjerast i planlegginga og gjennomføringa av det systematiske arbeidet for helse, miljø og tryggleik ved skolen. Skolen skal leggje oppgåver til rette for elevane etter kva som er naturleg for dei enkelte årstrinna. Dette inneber at elevane skal takast med i skulen sitt arbeid med å oppfylle krava i kapittel 9a. Dette kan til dømes vere deltaking når skulen lagar ordensreglement, deltaking i gjennomføring av gjennomføre enkle målingar, osv. Det er skuleleiar sitt ansvar at elevane blir tekne med i skulemiljøarbeidet. I førearbeida er det vist til at det er viktig i seg sjølv at elevane kan få oppleve å bli høyrde, og for skulen vil det vere lettare å planleggje og å gjennomføre tiltak i samarbeid med elevane og dei føresette. Elevane si deltaking i skulemiljøarbeidet skal vere sikra i internkontrollsystemet ved skulen etter 9a-4. I lova 9a-6 og kapittel 11 er ulike organ for brukarmedverknad regulerte. Dei råda og utvala opplæringslova stiller krav til at skulane skal opprette, er: Elevråd jf. 11-2/11-6 18
Foreldreråd og FAU jf. 11-4 Samarbeidsutval/skuleutval jf. 11-1 Skulemiljøutval jf. 11-1a Råda og utvalga skal gjevast relevant informasjon og einreell sjanse til å uttale seg, jf. 9a-6. 9a-6 - Informasjonsplikt og uttalerett Samarbeidsutvalet, skoleutvalet, skolemiljøutvalet og dessutan elevrådet og foreldrerådet skal haldast løpande underretta om alle tilhøve - deriblant hendingar, planar og vedtak - som har vesentleg betydning for skolemiljøet. Råda og utvala har på førespurnad rett til å få framlagt dokumentasjon for det systematiske helse-, miljø- og tryggleiksarbeidet ved skolen. Råda og utvala som er nemnde i første ledd, skal så tidleg som mogleg takast med i planlegginga og gjennomføringa av miljøtiltak ved den enkelte skolen, og har rett til å uttale seg og komme med framlegg i alle saker som har betydning for skolemiljøet. Dersom skolen blir klar over tilhøve ved skolemiljøet som kan ha negativ verknad for helsa til elevane, skal elevane og dei føresette snarast mogleg varslast om det. Rutinar for å sikre at informasjon og varsling til dei ulike råda og utvala må innarbeidast i internkontrollsystemet ved skulen etter 9a-4. 19