HORDALAND FYLKESKOMMUNE Økonomiavdelinga Eigedomsseksjonen Arkivsak 201300121-4 Arkivnr. 111 Saksh. Haavardtun, Helge; Orvedal, Roald Saksgang Møtedato Fylkesutvalet 21.03.2013 REHABILITERING/OMBYGGING/MINDRE TILBYGG I SKULESEKTOREN 2013 - BUDSJETTENDRING 2 SAMANDRAG I 2013 er det budsjettert med kr 105,0 mill. inkl. mva. til rehabilitering /ombygging/mindre tilbygg i skulesektoren. I denne saka vert det foreslått fordeling av 46,4 mill. kr. til internkontroll elektro, inneklima-, enøk- og ombyggingstiltak, tilbygg og universell utforming. Det er tidlegare i år løyvd kr 10,0 mill. kr. innafor denne posten. FORSLAG TIL VEDTAK Fylkesutvalet godkjenner slik fordeling av midlar til rehabilitering/ombygging/mindre tilbygg i skulesektoren 2013 og at det vert gjort fylgjande budsjettendring. 10.621.020.00 03225 10.643.020.00 03226 10.661.020.00 03227 10.645.020.00 03228 Bergen katedralskule Ombygging/Inneklimatiltak Nyanlegg kr 1.500.000,- Askøy vidaregåande skule Inneklimatiltak Nyanlegg kr 1.000.000,- Olsvikåsen vidaregåande skule Internkontroll elektro Nyanlegg kr 400.000,- Sotra vidaregåande skule, avd. Sund Inneklimatiltak Nyanlegg kr 1.000.000,-
10.655.020.00 04098 10.647.020.00 04091 10.646.020.00 04096 10.648.020.00 004099 Bergen maritime vidaregåande skule Enøk/Inneklimatiltak Nyanlegg kr 1.000.000,- Fyllingsdalen vidaregåande skule Enøk-/inneklimatiltak Nyanlegg kr 3.100.000,- Os vidaregåande skule Enøk/Inneklimatiltak Nyanlegg kr 1.900.000,- Austevoll vidaregåande skule Enøktiltak Nyanlegg kr 500.000,- 10.615.020.00 04093 10.620.020.00 04100 Øystese gymnas Enøktiltak Nyanlegg kr 500.000,- Langhaugen vidaregåande skule Enøktiltak Nyanlegg kr 500.000,- 10.633.020.00 2103 Slåtthaug vidaregåande skule, ny bygghall Mindre tilbygg Nyanlegg kr. 20.000.000,- 10.777.025.00 00208 Universell utforming Tiltak 2013 Nyanlegg kr 15.000.000,- 10.777.021.00 03000 Rehabilitering/ombygging og mindre tilbygg i skulesektoren Ombygging, rehabilitering, Enøk og inneklima Nyanlegg - kr 46.400.000,- Rune Haugsdal Fylkesrådmann Johnny Stiansen Økonomidirektør 2
FYLKESRÅDMANNEN, 05.03.2013: Tiltak 1. Bergen katedralskole, gamle hovedbygg, sanering av underetasjen pga. av fukt og soppskader. I underetasjen gamle hovudbygget ved Bergen katedralskole er det registrert fuktskader som igjen har ført til soppdanning i konstruksjonen. Skadane er så omfattande at arealet må fullstendig sanerast og byggast opp på nytt. Drenasjen rundt hovudbygget er gamal og fungerer dårleg. Dette saman med dårlege grunnforhold som gjer at bygget har setningssprekker, fører til at vatten trengjer inn i bygget både gjennom mur og opp frå grunnen. I første omgang må heile området sanerast innvendig slik at ein for oversikt over eventuelle skader og deretter kan planleggja ny oppbygging av området. Det må lagast nytt drensystem rundt bygget. Omfanget av dette er vanskeleg å sjå i denne omgang då kulturmyndigheter må inn i bilde før ein eventuelt får løyve til å grava. Areala i underetasjen er i dag nytta til toalett, garderobar med dusj, møterom, kontorarbeidsplassar, lager og arkiv. Slik vi vurderer desse areala er dei ikkje egna som faste arbeidsplassar. Foreløpige planar er å opna deler av desse areala og nytta dei som foajé i samband med trappehuset. Resterande areal er tenkt nytta til ny oppbygging av toalett, garderobar, lager og eventuelt møterom. Det må også framførast vassboren varme frå eksisterande bygg og området må i framtida ha ei god ventilering. Dette prosjektet må nødvendigvis gå over noko tid, då kultumyndigheter vil være ein aktør som vil stille krav til prosjektet. Det vert i denne saka foreslått ei løyving for å dekka kostnadane med riving/sanering av eksisterande rom. Det må i tillegg gjerast grunnundersøking for å kartleggja grunnforholda ved graving inn mot byggets fundament. Vidare må det avklarast kva som har kulturhistorisk verdi både i bygget og i samband med drenering rundt bygget. Kostnader på kr 1.500.000,- inkl.mva. er basert på kalkyle. Det vil bli fremma ny sak når oppbyggingsarbeidet skal iverksetjast. Tiltak 2. Askøy vgs verkstadfløy, nytt ventilasjonsaggregat. Eksisterande ventilasjonsanlegg i verkstadfløy er 22 år gamalt og frå skulen var ny. Ventilasjonsaggregatet tilfredsstiller ikkje dagens krav til inneklima og Enøk. I tillegg oppnår ein ikkje tilstrekkeleg temperatur på lufta. Anlegget er gamalt og det vil ikkje være lønsamt å utbetra aggregatet. Tiltaket går ut på å skifta aggregatet og behalda eksisterande kanalnett til ei framtidig større rehabilitering av skulen. Då vil eventuelt kanalnettet bli skifta ut. Nytt aggregat vil bli tilkopla eksisterande SD-anlegg. Dette er eit godt Enøk-, inneklima og vedlikehaldstiltak. Det er søkt om Enovastøtte til prosjektet. Kostnad på kr 1.000.000,- inkl.mva. er basert på kalkyle. 3
Tiltak 3. Olsvikåsen vgs, avvik på elektriske installasjonar. Det lokale el.tilsynet har gjennomført kontroll på det elektriske anlegget på skulen. Det vart registrert avvik som mangelfull dokumentasjon, mangelfull merking, feilmerka sikringar. Det er også nokre avvik på utførte installasjonar. Anlegget må gjennomgåast nøye og alle avvik utbetrast i samsvar med krava i Norsk elektroteknisk norm, forskrift for elektriske anlegg og rapport frå det lokale el. tilsynet. Kostnad på kr 400.000,- inkl. mva. er basert på kalkyle. Tiltak 4. Sotra vgs avd. Sund, tiltaket for å redusera radoninnhaldet i skulen. Sund vidaregåande skule har gjennomgått grundige målingar for å kartleggja radonnivået i skulen. Desse syner at radonnivået ligg noko over krava frå statens strålevern, men varierer ein del ut frå vind og utetemperatur. Det er gjort ein del tettingsarbeid mot kulvert under skulen, utan at dette har gitt radonnivå under Etter ein grundig inspeksjon av skulen er det funne relativt store opningar mellom byggets fundamen/ringmur og golv. Vidare er det stor ubalanse i ventilasjonsanlegga ved skulen. Dette fører til undertrykk i enkeltrom og dermed ekstra innsug av radon gjennom utettheter. I eit forsøk på å redusera radonnivået til forskriftskrav vil fylgjande tiltak bli utført. 1. Tetting av alle utettheter mellom golv og fundament og andre sprekker eller utettheter i golvet. 2. Alle ventilasjonsanlegga vert innregulerte på nytt med eit lite overtrykk som skal hindre at radon siver inn frå grunnen. Når desse tiltaka er gjennomført vil skulen bli kontrollert igjen får å avdekkja om den tilfredsstiller dagens forskriftskrav til maksimum radonnivå. Er radonnivået framleis for høgt vil det bli nødvendig med tiltak i grunnen som eventuelt etablering av radonbrønnar frå kulvert under skulen. Dette må ein eventuelt komma tilbake til. Kostnader på kr 1.000.000,- inkl. mva. er basert på kalkyle. Tiltak 5. Bergen maritime vgs, utskifting av vindauge. Ved Bergen maritime vidaregåande skule er det mykje gamle vindauge som må skiftast ut. I denne omgang er det vindauge på vestfasaden og deler av maskinhallen som skal skiftast. Nye vindauge som vert installert skal tilfredsstilla dagens energi- og lydkrav ifølge teknisk forskrift, samt ha solreflekterande glas der det er nødvendig. Det vil bli fremja ny sak over Enøk-budsjettet i 2014 for å skifta ut vindauge i resten av maskinhallen samt aust fasaden. 4
Utskifting av vindauger er godt vedlikehald-, Enøk- og inneklimatiltak Kostnader på kr 1.000.000,- inkl.mva er basert på kalkyle. Tiltak 6. Fyllingsdalen vgs, etterisolering i samband med ny taktekking og nytt ventilasjonsaggregat. Ved Fyllingsdalen vidaregåande skule vart ca. 1200 m2 av taket tekka om igjen i 2012 og etterisolert opp mot dagens krav i TEK. Det vart i 2012, i sak 127/12, løyvd kr 300.000,- frå Enøk-budsjettet til dette tiltaket. Det er no nødvendig å tekka om resten av taket frå 1980. Dette utgjer eit areal på ca. 2100 m2. Planen er å etterisolera taket med ca. 200 mm isolasjon, eller så langt som mulig opp mot dagens Etterisolering er eit godt Enøk-tiltak og er tenkt dekka over Enøk-budsjettet, medan sjølve tekkingsarbeidet er tatt med i budsjettet for ekstra ordinært vedlikehald. Kostnad på kr 600.000,- inkl. mva er basert på kalkyle. Skulen har tidlegare skifta ut to av dei tre ventilasjonsaggregata som var frå bygget var nytt. Kanalnettet er ikkje skifta men dette vil bli vurdert i samanheng med større bygningsmessig rehabilitering, viss ikkje store avvik ved kanalnettet blir avdekka når større luftmengder no blir transportert ut i kanalnettet. Ventilasjonsaggregatet tilfredsstiller ikkje dagens krav til inneklima og Enøk. Anlegget er gamalt og det vil ikkje være lønsamt å utbetra aggregatet. Det nye aggregatet må tilfredsstilla dagens krav til luftmengder og blir derfor ein del større enn eksisterande aggregat. Det må derfor byggast nytt vifterom på taket. Nytt aggregat vil bli tilkopla eksisterande SD-anlegg. Kostnad på kr 2.500.000,- inkl. mva. er basert på kalkyle. Totalkostnad for tiltaket på kr 3.100.000,- inkl. mva er basert på kalkyle Tiltak 7. Os vidaregåande skule, utskifting av vindauge, oppgraderingn av yttervegg og etterisolering av tak. Os vidaregåande skule, som er frå 1981/82, har ein del dårlege bygningsmessige løysingar som gjer at fasade med vindauge må oppgraderast. Det vart i 2012, sak 245/12 løyvd kr 570.000,- frå Enøk-budsjettet til dette tiltaket. Vidare er det løyvd midlar over budsjettet for ekstraordinært vedlikehald både i 2012 og 2013. For å gjera ferdig arbeidet med utskifting av vindauge og ekstra isolering av fasade under vindauge i D-fløyen må det løyvast midlar også i årets budsjett. Dette er i tillegg til å være eit godt Enøk-tiltak, også eit nødvendig vedlikehaldstiltak. Kostnad på kr 500.000,- inkl. mva er basert på kalkyle. Ved fløy A, er taket i dårleg stand og må tekkast på nytt, areal ca. 1100 m2. 5
Planen er å etterisolera taket med ca. 200 mm isolasjon, eller så langt som mulig opp mot dagens Kostnad på kr 400.000,- inkl. mva er basert på kalkyle. Ved Os vidaregåande skule, fløy D, er platetaket i dårleg stand og har fleire lekkasjar. Heile taket må skiftast ut og i samband med dette skal det etterisolerast så langt som mulig opp til dagens forskriftskravt. Bygget har eit areal på ca. 1000 m2. Kostnad på kr 1.000.000,- inkl. mva er basert på kalkyle. Etterisolering er godt Enøk-tiltak og er tenkt dekka over Enøk-budsjettet, medan sjølve tekkingsarbeidet er tatt med i budsjettet for ekstra ordinært vedlikehald. Det er søkt om Enovastøtte til etterisolering. Totalkostnad for tiltaket på kr 1.900.000,- inkl. mva er basert på kalkyle. Tiltak 8. Austevoll vidaregåande skule, etterisolering av tak. Ved Austevoll vidaregåande skule, gamle hovudbygg er taket i dårleg stand og må tekkast på nytt, areal ca.1680 m2. Planen er å etterisolera taket med ca. 200 mm isolasjon, eller så langt som mulig opp mot dagens Etterisolering er eit godt Enøk-tiltak og er tenkt dekka over Enøk-budsjettet, medan sjølve tekkingsarbeidet er tatt med i budsjettet for ekstra ordinært vedlikehald. Kostnad på kr 500.000,- inkl. mva er basert på kalkyle. Tiltak 9. Øystese gymnas, etterisolering av vegger og tak, samt utskifting av vindauge. I 1959 bygget ved Øystese gymnas er det behov for å utføra ein del Enøk- tiltak. Følgjande tiltak er tenkt utført: - Etterisolering av loft ca. 330 m2 - Utskifting av vindauge med enkle glas - Etterisolering av vegger Etterisolering og utskifting av enkle glas er gode Enøk-tiltak og er i hovudsak tenkt dekka over dette budsjettet. Det er søkt om Enova-støtte til alle tiltaka. Kostnad på kr 500.000,- inkl.mva er basert på kalkyle. Tiltak 10. Langhaugen vgs, utskifting av vindauge. Ved Langhaugen vidaregåande skule er store delar av gamle vindauge skifta ut, men ein del står att. Det er no ønskeleg å skifta ut resterande vindauge. Nye vindauge som vert installert skal tilfredsstilla dagens energi- og lydkrav ifølge teknisk forskrift, samt ha solreflekterande glas der det er nødvendig. 6
Då dette er eit delvis Enøk-, inneklima og vedlikehaldstiltak vil det også bli avsett midlar i budsjettet for ekstra ordinært vedlikehald. Kostnader på kr 500.000,- inkl.mva er basert på kalkyle. Tiltak 11. Slåtthaug vgs. Ny bygghall Fylkestinget godkjente i møte 16. oktober 2012 sak 55/12 som omhandla forprosjekt for ny bygghall på Slåtthaug vgs. Det er tidlegare løyvd 8 mill. kr. til prosjektet. Det er no henta inn tilbod som visar ein prosjektkostnad på 28 mill. kr. Dette er 2 mill. kr. høgare enn kalkylen i forprosjektet. I denne saka ber ein om 20 mill. kr. som endeleg finansiering av prosjektet. Tiltak 12. Universell utforming Fylkestinget vedtok i møte 08.12.2009 / sak 84/09 handlingsplan for universell utforming av fylkeskommunale bygg. Saka var basert på ei kartlegging som viste ca. 3000 tiltak som måtte utbetras med ein kostnadsramme på 200 mill. kr. Fram til og med 2012 er det løyvd til saman 30 mill. kr. I tillegg inngår det midlar til universell utforming i løyvingar til ombygging- og rehabiliteringsprosjekt. I sak 36/06 Fylkesdelplanen «Deltaking for alle- universell utforming» var 2019 satt som frist for utbetring av tiltaka. Regjeringa si handlingsplan har 2025 som mål for Norge som universelt utforma. Når vedtak til ny skulebruksplan ligg føre vil ein utarbeide ein tidsplan som visar når tiltaka på bygningane til Hordaland fylkeskommune kan verte fullført. I 2013 vil ein fortsette arbeid knytt til inngangsparti, rampar, heisar, innvendige dørar og korridorar. Arbeid med nye HC-toalett vil og halde fram. Midlane vil gå til ferdigstilling av UU-tiltak på Manger folkehøgskule, Os gymnas og Stend vgs. I 2013 vil ein starte opp med tiltak på Os vgs, Slåtthaug vgs, Knarvik vgs og Langhaugen vgs. Midlane vert også nytta til generell planlegging. I vedtaket i sak 84/09 er fylkesrådmannen gjeve fullmakt til å prioritere/omprioritere tiltak. I denne saka ber ein difor om ei løyving på 15 mill. kr. for tiltak i 2013. 7