REGULERINGSFØRESEGNER Detaljregulering for gnr./bnr. 39/100 m.fl., Djupevikneset avløpsreinseanlegg Plan ID: 1221_201506 1 REGULERINGSFØREMÅL 1.1 Det regulerte området er i reguleringsplanen (plankart M=1:1000 i A3) vist med plangrenser. 1.2 Arealet innanfor plangrensa er regulert til følgjande føremål: Område for bygningar og anlegg, jf. pbl. 12-5 nr. 1: - Andre typar bygningar og anlegg (1500) 0,3 daa - Energianlegg (1510) 0,1 daa - Kombinert byggje- og anleggsformål (1800), 5,6 daa som i denne planen kombinerer føremåla: Vass- og avløpsanlegg (1540) Kontor (1310) Lager (1350) Samferdselsanlegg og teknisk infrastruktur, jf. pbl. 12-5 nr. 2: - Veg (2010) 1,8 daa - Gang-/sykkelveg (2015) 1,3 daa - Annan veggrunn - grøntareal (2019) 1,2 daa Bruk og vern av sjø og vassdrag, jf. pbl. 12-5 nr. 6: - Friluftsområde i sjø og vassdrag (6710) 1,7 daa Omsynssoner, jf. pbl. 12-6: - Frisikt (140) Bestemmelsesområder, jf. pbl. 12-7: - Vilkår for bruk av areal, bygningar og anlegg #2_1 - Vilkår for bruk av areal, bygningar og anlegg #2_2 - Vilkår for bruk av areal, bygningar og anlegg #2_3 - Vilkår for bruk av areal, bygningar og anlegg #2_4 - Vilkår for bruk av areal, bygningar og anlegg #2_5 - Vilkår for bruk av areal, bygningar og anlegg #2_6 2 FELLES FØRESEGNER 2.1 Allment 2.1.1 Området skal primært nyttast til reinseanlegg for avløpsvatn. Tiltak kan òg romme andre føremål i medhald av desse føresegnene. Området skal vere ope for strandpromenade lagt mot formålslinje til område o_bkb. 1
I planområdet, både i sjø og på land, kan det leggjast arrangement knytt til vatn og avløp (røyr, ventilasjon og andre tekniske komponentar), utslepp til sjø, medrekna etablering av utsleppsleidning med tilhøyrande anlegg for utslepp av reinsa spillvatn/kloakk i grunnen. Leidninga skal forankrast og dekkast over. Det kan òg leggast leidningar for straum, telenett o.l., samt etablerast interne vegar for vedlikehald av bygningar. Desse tiltaka kan etablerast utanfor byggjegrenser sett i plankartet. 2.1.2 Krav til søknad Ved søknad om løyve til tiltak skal det i målsett situasjonsplan med høveleg målestokk, på eintydig måte, vise tiltaket/bygningar og anlegg si plassering og utforming med kotehøgd for eksisterande og opparbeidd terreng. Søknaden skal elles vise: a) Tiltaket si art, plassering, utforming og tilpassing b) Opplysning om byggehøgder, %-BYA og m 2 BRA c) Tilkomst og parkering d) Anlegg for renovasjon, belysning og tilkoplingspunkt til tekniske anlegg/leidningsnett, kablar e) Dokumentasjon på tiltaket/bygningar og anlegg si landskapstilpassing f) Dokumentasjon på korleis krav til universell utforming er løyst g) Energiløysing h) Ved søknad i siste byggjetrinn skal utomhusplan for bestemmelsesområdet #2_5 følgje søknaden. Planen skal syne beplanting av området, dekke, sitjeplassar og ev. leikeapparat. 2.1.3 Teknisk plan Teknisk plan for veg, vatn, avløp og overvatn skal godkjennast av SKT og Stord kommune i samband med byggemeldinga av dei tekniske anlegga. 2.1.4 Renovasjon Det skal etablerast renovasjonsløysingar tilpassa verksemdene i områda, med tilstrekkeleg rom for sortering av avfall. Løysing for renovasjon skal synast i samband med byggeløyve. 2.2 Universell utforming Prinsipp om universell utforming skal leggast til grunn for utforming av uteareal og tilkomstsoner, jf. gjeldande teknisk forskrift. Dokumentasjon på korleis krav til universell utforming er løyst skal synast i samband med byggeløyve. 2.3 Vegetasjon Ved tilplanting av utbyggingsområde skal det ikkje nyttast giftige planter, eller framande artar i medhald av gjeldande Norsk svarteliste (Fremmede arter i Norge med norsk svarteliste). 2.4 Parkering Det skal etablerast minst 0,5 parkeringsplassar og 0,2 plassar for sykkelparkering per 100 m 2 BRA. 5 % av parkeringsplassane skal vera dimensjonert og reservert for rørslehemma. 2.5 Skilt Skilt og reklameinnretning over 0,5 m 2 er søknadspliktig. Skilt og innretningar på laus fot skal ikkje vere til hinder for ferdsle eller til fare for fotgjengarar, syklistar, synshemma, rørslehemma eller andre. 2.6 Tekniske bygg Transformatorkioskar, kabelskap og andre tekniske bygg kan plasserast innanfor planområdet etter nærare avtale med Stord kommune. Anlegga skal sikrast ei god arkitektonisk utforming. 2
2.7 Sikring mot radon I bygningar med rom for varig opphald skal grunn sikrast mot radon, jf. krav i forskrift om tekniske krav til byggverk (TEK10). 2.8 Hamne- og farvasslova Tiltak i sjø som kjem inn under lov om havner og farvann skal i tillegg til ev. godkjenning etter plan- og bygningslova godkjennast av hamnemynde. 2.9 Støy og lukt Verksemd innanfor planområdet skal stette krav til støy og lukt sett i byggteknisk forskrift, og være i samsvar med Retningslinje for behandling av støy i arealplanlegging T-1442 og krav sett i regelverk regulert av Mattilsynet. 2.10 Kulturminne Ein skal så langt mogleg unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, tufter m.m. Dersom det i samband med gravearbeid kjem fram automatisk freda kulturminne, som gjenstandsfunn, flekkar med trekol eller konstruksjonar, må dette straks meldast til Fylkeskonservatoren i Hordaland fylkeskommune, og alt arbeid stansast til rette forvaltingsstyresmakt har vurdert funnet. Slik gransking vil bli utført mindre enn tre dagar etter melding om moglege funn, jf. kulturminnelova 8, 2. ledd. Dersom det under arbeid i sjøområda vert funne skipsvrak, keramikk eller andre marine kulturminne må tiltakshavar melde frå til Bergen sjøfartsmuseum. Dersom kulturminne på sjøbotn kan bli råka av tiltaket, må arbeidet under vatn straks stoppast. Verksemda må ikkje takast opp att før museet har undersøkt og ev. frigjeve området. Ev. brot på desse vilkåra vil være i strid med føresegnene i kulturminnelova. 2.11 Definisjonar 2.11.1 Målt byggehøgd Maks byggehøgd skal målast frå gjennomsnittleg nivå frå planert terreng ved veggliv og til gesims eller møne. 3 BYGNINGAR OG ANLEGG 3.1 Område for kombinert byggje- og anleggsformål, o_bkb 3.1.1 I denne planen er føremåla Vass- og avløpsanlegg (1540), Kontor (1310) og Lager (1350) kombinert i dette føremålet. Det skal etablerast reinseanlegg for avløp med tilhøyrande funksjonar og innretningar. Del av bygninga kan nyttast til parkering. Byggehøgder er sett i bestemmelsesområda #2_2-4, jf. 8.2, 8.3 og 8.4. Bygget skal plasserast godt i terrenget og tilpassast landskapet så langt råd er. Bygning skal gjevast ei tiltalande arkitektonisk utforming godt tilpassa terreng og omgivnad. 3.1.2 Utnyttingsgrad %-BYA er sett til maks 65 %. Ubygd del av tomta skal gjevast ei tiltalande utforming, med gode dekkemateriale og vegetasjon. Farlege skrentar og kantar skal sikrast. 3.1.3 Eksisterande bygg for avløpsreinseanlegg er føresett fjerna i samband med igangsetjing av nye tiltak. 3.1.4 Området skal planerast på min. kote +2,5, og nivå for golv i underetasje er sett til min. kt. +2,5. 3
3.2 Område for energianlegg, BE Innanfor området kan det etablerast anlegg for trafo med tilhøyrande innretningar og kablar med tilkomst. 3.3 Område for andre typar bygningar og anlegg, BAB Innanfor føremålet kan det byggjast kai med kaifront. Nivå for bryggekant er sett til maks kt. +2,5. Kaifront skal sikrast. Kaiområdet bør òg forsynast med livredningsutstyr, leider og god belysning. 4 SAMFERDSLEANLEGG OG TEKNISK INFRASTRUKTUR 4.1 Veg, SV Vegnettet er fastsett i planen og skal opparbeidast i samsvar med denne. Asfaltert vegbreidde går fram av plankartet. Piler som syner avkøyrsel i plankartet har ikkje juridisk bindande plassering. 4.2 Gang-/sykkelveg, o_sgs Gang-/sykkelveg er fastsett i planen og skal opparbeidast i samsvar med denne. Gang-/sykkelveg er universelt utforma. 4.2.1 Gang-/sykkelveg, o_sgs1, skal opparbeidast i breidd 3,0 m og asfalterast. 4.2.2 Gang-/sykkelveg, o_sgs2 (strandpromenade), skal opparbeidast i breidd 3,0 m og asfalterast, ev. grusast. Vegen skal vere køyresterk. Veglinja kan tilpassast anna utbygging i området dersom dette er godgjort. Slik omlegging skal ikkje føre til ringare kvalitet på veglinja. 4.3 Før igangsetjing av tiltak skal det utarbeidast tekniske planar for vegar i samsvar med Statens Vegvesen sine handbøker. 4.4 Annan veggrunn, o_svg Innanfor føremålet er det høve til å setje opp anlegg for tekniske innretningar som høyrer vegen til, som støttemurar, rekkverk og grøfter. Desse skal ikkje vere i strid med siktkrav i frisiktsona. Terrenginngrep som følgje av veganlegg skal utførast skånsamt. Rabattar i trafikkarealet skal gjevast ei tiltalande utforming. Områda avsett til anna veggrunn skal vere ordna/- tilplanta og farlege skrentar skal sikrast. 5 FRILUFTSOMRÅDE I SJØ OG VASSDRAG, VFV 5.1 Området er ope for allmenn ferdsle. Etablering av konstruksjonar, oppankring av slike, eller av fartøy innanfor området, er ikkje tillate, med mindre det går fram av desse føresegnene. 5.2 I området kan det etablerast fylling i sjø med tilhøyrande anlegg, jf. 8.6 om bestemmelsesområde for fylling i sjø. 6 OMSYNSSONER 6.1 Frisiktsoner H140 I frisiktsonene skal det til ei kvar tid vere fri sikt i ei høgd av 0,5 m over tilstøytande vegar sitt plan. 4
7 REKKEFØLGJEKRAV 7.1 Tilkomstveg SV med gang-/sykkelveg o_sgs1 skal vere ferdig opparbeid før bruksløyve vert gjeve for nye bygningar og anlegg i området. 7.2 Strandpromenade o_sgs2 skal opparbeidast ferdig samstundes med kai/kaifront i BAB. 7.3 Parkanlegg, jf. 8.5, skal opparbeidast ferdig før det vert gjeve ferdigattest for siste byggjetrinn i o_bkb. 8 BESTEMMELSESOMRÅDER 8.1 Innanfor bestemmelsesområda #2_1 og #2_2 kan det etablerast parkeringsplassar for tilsette og besøkande. 8.2 Innanfor bestemmelsesområdet #2_2 skal maks byggjehøgd være kote +10,5, som svarar til ei maks byggjehøgd på 8 meter. 8.3 Innanfor bestemmelsesområdet #2_3 skal maks byggjehøgd være kote +12,5, som svarar til ei maks byggjehøgd på 10 meter. 8.4 Innanfor bestemmelsesområdet #2_4 skal maks byggjehøgd være kote +19, som svarar til ei maks byggjehøgd på 16,5 m. 8.5 Innanfor bestemmelsesområdet #2_5 skal det opparbeidast parkanlegg, med sitjebenkar, beplanting, ev. enkle leikeapparat o.l. 8.6 Innanfor bestemmelsesområdet #2_6 kan det etablerast fylling i sjø med tilhøyrande sikring. Fyllinga skal ikkje gå ut over plangrensa, og kan ha eit fall frå kailinje til botn på 1:1,5. Ved utfylling må ein sørge for å nytte reine massar, og det skal nyttast siltgardin som dekker heile vassjiktet frå sjøbotnen til overflate. Plan Vest AS 24.10.2016 Rev. etter offentleg ettersyn, Abo Plan & Arkitektur Stord AS 20.06.2017 5