Oppland Sau og Geit Referat frå styremøte fredag 18. august 2017 kl. 12.00 17.00 Møtet vart halde på Quality Hotel Strand på Gjøvik. Deltakarar: Styret: Arnfinn Beito, Ellen M. Syse, Anne Kari Veikleenget, Bjørn Even Stenberg, Berit L. Kaltoft og Pål Kjorstad. Pål Eiesar hadde meldt forfall. Representantar frå NSG: Lars Erik Wallin og Kjell Erik Berntsen var med på sak. 28/2017. Sakliste: Sak 25/2017: Referatsaker - Referat frå styremøte 07.06.2017 vart formelt sett vedteke, vedteke i e-postrunde og lagt ut på heimesida frå før. - Møte hos FM 16.06.2017 i anledning rovvilt og spesielt ulvesaka på Gran/Toten, Arnfinn og Pål møtte - Møte 26.06.2017 med Øystre Slidre fjellstyre angåande leie av beite - Møte i Rovviltnemnda 28.06.2017 på Sør-Fron, Arnfinn og Pål møtte - Møte 01.07.2017 på Sanderstølen angåande leie av beite i ei sameie, Arnfinn deltok - Møte 02.07.2017 på Vang angåande leie av beite i sameige med beitebrukarar frå Hadeland, Arnfinn deltok - Møte på Lygna 04.07.2017 om ulvesaka, Arnfinn (OSG) og Pål (NSG)møtte - Møte 06.07.2017 med Akershus og Hedmark Sau og Geit utsatt - Møte på Lygna 26.07.2017 med beitebrukarar på Gran, Arnfinn møtte - 09.07.2017-24.07.2017: Flytting av sau frå Toten/Gran til Valdres/Gudbrandsdalen, OSG administrasjon og hjelp v/pål, der OSG skal fakturera utgifter jmf. avtaler - Møte 24.07.2017 på Fåvang med Fåvang Gjeterlag, ulv/kadaverhund/fkt, Pål møtte - Møte 04.08.2017 på Lygna m/statsråder i regi av FMOP, Pål møtte for NSG - Følgt opp uteståande hos ulike aktørar. Sendt ut purringar angåande ubetalte fakturarer angåande opphaldet under årsmøtehelga 2017, sal i medlemsbutikken under arrangementet, div. leie av elektronisk utstyr, sendt fakturaer om ulveaksjon/freda rovviltartikkel 2017 til OB og OBS og sendt faktura om administrasjonsutgifter til beitebrukarar som har flytta dyr i sommar. Sak 26/2017: Årsmøte og seminar for 2018 OSG skal arrangera årsmøtehelg saman med Hedmark og Akershus Sau og Geit i tida 2. 4. mars 2018. Akershus har vald Gardermoen som destinasjon. I årsmøtevedtaket vårt står dette: Det ble imidlertid inntatt en klausul om å prøve å flytte årsmøtet litt lenger nordover både for å få med Hedmark og få en kortere vei for mange fra Oppland. Vedtak: Årsmøte 2018 blir den 3. mars på et hotell Akerhus-, Hedmark- og Oppland Sau og Geit blir enige om. Det vert frå OSG si side valgt å kjøre stort sett same opplegg som i fjor m/dette grovprogrammet: Seminar og årsmøter i OSG, HSG, ASG, Ring 41, Ring 30, Ring 12, OGL, HGL og AGN. Fredag 02/03: kl. 12.00: Styrene/arrangør møter: Lunch/førebuingar kl. 16.00: Årsmøter i ringane og seminarstart Postadresse: Telefon: Bankkonto: Oppland Sau og Geit 99034406 2095.19.84249 v/pål Kjorstad, Moarusta 13 E-post: Heimeside: 2647 Sør-Fron pkjorstad@outlook.com http://www.nsg.no/oppland/
kl. 19.30: Middag Laurdag 03/03: kl. 09.00: Årsmøter og generaldebatt/seminar kl.19.30: Årsmøtemiddag Søndag 04/03: kl. 09.00: Seminar kl. 13.00 Avslutning m/lunch Det har vore bestemt eit møte med førebuingar, som diverre datoen ikkje passa. Arnfinn tek ny kontakt og datoen for møte vert 28/09 kl. 11.00 på Comfort Hotel RunWay, Gardermoen. På møtet skal vi gå i gjennom dette: Vi treng maksimum 4 møtesaler inkl. hovudsalen. Vi går i gjennom grovprogrammet, får oversikt over møtesaler, oversikt over romkapasitet på hotellet og oversikt over tider/ønsker for måltider. Vi hører om påmeldingsfristar/metodar og tek med oss erfaringar frå i fjor. - Aktuelle årsmøter, fylkeslaga, ringane, gjetarhundlaga - Fordeling av arbeidsoppgåver mellom fylkeslaga, Akershus Sau og Geit er hovudansvarleg som vertskap - Seminartema som kan vera aktuelle innanfor desse områda: Gjetarhund kan vera ein av seminartema for å få dette miljøet meire med Elles er sauavl, produksjon, utstyr, forvaltning, organisasjonsarbeid og andre tema aktuelle. - I tillegg må det drøftast: Stands, innlegg frå stands og eller andre produksjonsrelaterte bedrifter. For Oppland Sau og Geit møter Arnfinn og Pål. Sak 27/2017: Oppfølging av sak 17/2017 angåande Stortingsvalget i haust Arnfinn har hatt kontakt med faglaga og vorte einig i at ein representant av oss 3 er delaktig i alle valgkamp-opningar og større tilstellingar rundt dette temaet. Det vart også vedteke at styremedlemmar i OSG skulle stilla på aktuelle lokale møter under valgkampen etter dette oppsettet: Ellen: Norddalen, Anne Kari: Sør- og Midtdalen, Bjørn Even: Toten, Arnfinn: Valdres, Land og Hadeland. Sak 28/2017: Møte med representantar frå NSG Styret i OSG ville i denne saka snakke ved Lars Erik Wallin og Kjell Erik Berntsen angåande tidlegare purringar og informasjon rundt saklister styreprotokollar, hendingar på førre landsmøte og gjennomføring av ulvesaka. Arnfinn Beito la fram saka og viste fyrst til 3 e-postar av 15/03-2016, 08/06-2017 og 30/06-2017. I tillegg la han fram hendingar under Landsmøte i NSG 15/03 og 16/03-2017: - Innspel om innkallingar, saklister og referat angåande styremøter i NSG har ført fram - Innspel i forhold referat frå landsmøte og rep-møte er enda ikkje teke til følge - Kritisk til at Landsmøte i NSG svarar på OSG sine innspel i gangane og ikkje frå talarstolen - Sakna tettare samarbeid og oppfølging mellom OSG og NSG i ulvesaka, og meiner at OSG har hatt betre dialog med faglaga enn NSG - Kritisk til prosessen rundt val av tillitsvalde i gjetarhundmiljøet både i region øst og leiar av gjeterhundrådet i NSG, der tilsett i NSG utan tvil har hatt ein finger med i spelet. Likeeins var han enda kritisk til val av representant til avslrådet til Working Kelpie, der han kunne informera om at representanten ikkje ein gong er medlem i NSG. Styret i NSG er ansvarlege for organisasjonen og må ordna opp i dette Kjell Erik Berntsen la fram dette: - Beitebrukar er fokuset til NSG
- Bra med betringar i rutinar rundt innkalling, sakliste og referat. Dette handlar om rutinar, men også ressursar - Landsmøtet: Visste ingenting om dette og kunne ikkje kommentera det - Ulvesaka: Møtet NSG var på med Statsminister var ikkje planlagte møter i NSG-regi. Strategi for bruk av ressursar i NSG vert avgjort av styret og administrasjonen i NSG - NSG har ivareteke sine lokallag og fylkeslag, mange fylkeslag ringer styreleiar. Oppland har sendt 2 e-postar og har aldri ringt. - Naturleg med betre samarbeid mellom fylkesorganisasjonane. Dialogen mellom NSG og OSG må sjølvsagt oppretthaldast og da verta betre - Val i gjetarhundmiljøet i region øst og til gjeterhundrådet i NSG har gått føre seg heilt i tråd med NSG sine lover og ingen sakshandsamingsfeil er funne. Det har høgst sannsynleg vorte prega av nemnte hendingar, som er ein uting og etisk sett ikkje held mål - Medlemmar i alle råd og utvalg i NSG må sjølvsagt vera medlemmar i NSG Lars Erik Wallin la fram dette i tillegg: - Referata frå rep-møte og årsmøter vil nå koma mykje raskare med ny rutine og betra gjennomføring. - Svært viktig for organisasjonen at tilsette og tillitsvalde opptrer ryddig i alle høver Konklusjon: Berntsen og Wallin utrykte at slike møter var viktige for organisasjonen. Styret i OSG var glade for at NSG kunne stilla så sterkt på dette styremøtet både for at både dei sjølve og NSG kunne oppklara og informera frå kvar sine ståstadar. Sak 29/2017: Rovviltsaker Ulvesaka på Gran/Toten, samandrag: 1. Ulv antatt vore der i vinter, dokumentert 03/05, sett 26/05, skadefellingsløyve/er samanhengande frå 30/05 og felt 07/08. Størst skade Gran Saubeitelag og Kolbu Saubeitelag. Rovbase angir 217 dokumenterte/antatte skader av ulv i Oppland i dette området. Tek ein med Hurdal er det 285 tilfelle. 2. Organisering jakt og organisering organisasjon. Her er det mykje å ta tak i, da dette vart ein svært alvorleg og langdryg prosess. Ein kan vel som ein konklusjon seia at jakta bar preg av at fleire kommunar med liten erfaring fekk ei svært vanskeleg oppgåve. I tillegg var desse kommunane i 2 ulike fylker. Jaktlaga fekk bistand frå fellingsleder i SNO, frå svenske mannskap med 2 løs på drevet halsende hunder og frå erfarne jegere frå Midt- Gudbrandsdalen. Til slutt var det likevel ei naturleg jakt av lokalt fellingslag med postering der ulven vart felt under jakt på sau som avslutta prosessen. Organisasjonane våre har også hatt litt å stri med, der beitelaga lokalt har hatt den tyngste jobben og vel ikkje kunne gjort det stort betre. Faglaga og Sau og Geit lokalt, regionalt og sentralt har kasta seg på, og til slutt må ein vel seia at sentrale innspel frå desse organisasjonane kan konkluderas som eit godt samarbeid. Oppland Sau og Geit har vore ein pådrivar for samarbeidet på alle frontar, i tillegg til at dei har bidrege på møter, bidrege med hjelp til å kjøpa inn 200 ekstra radiobjøller og bidrege med info, hjelp og støtte til flytting av besetningar som ikkje såg andre løysningar. 3. Flytting av dyr. Det er flytta 442 søyer og 812 lam til innmarksbeite i Nord-Fron, 413 søyer og lam til inngjerda utmarksbeite i Haldorbu i Valdres og fleire har flytta dyr til meire lokale områder. I tillegg vart eit stort arbeid med planlagt flytting av fleire besetningar til ulike beiteområder i Valdres stoppa av lokale grunneigarar med beiterett. 4. Erstatning og kompensasjonar. I tillegg til sjølve skadeomfanget, jakta og arbeidet med å finna egna beite til sauene, så er det nok spørsmåla rundt erstatningane og eventuelle kompensasjonar det er jobba mest med i saka. Grunna det store omfanget i både mengde og
tid, så kan ein seia at dette kunne brukast til å få på plass prinsipielle erstatningsordningar/satsar, noko vi enda ikkje veit om vi lykkast med. Det har vore jobba med ordningar der slike tilfelle både nå og i framtida kunne føra til: a) At alle beitebrukarane kunne vera sikre på å få utbetalt utmarksbeitetilskot for dei dyra dei normalt ville sleppa, sjølv om dei i slike år ikkje oppfyller kravet om 5 veker. b) At alle beitebrukarar kunne vera sikra ein kompensasjon for at dei ikkje kunne sleppa dyr på utmarksbeite for å dekka utgifter til ekstra gjerding, beiting av innmark, kjøp av vinterfôr, medisinering etc. på kr. 10,- pr. dyr pr. dag. c) At alle beitebrukarane kunne vera sikre på å få dekka alle ekstrautgiftene til tilsyn utover det dei er pålagt. Andre rovviltrelaterte saker: Skadane i Fåvang av ulv/bjørn er 57 registrerte ulveskader og 7 bjørneskader. Skadane i Fron/Ringebu av jerv aukar nå, men er ikkje rapportert inn i Rovbasen enda. OSG bør fremme ei sak om beiting i beiteprioritert i forhold til jerv og etterlysa kva beitebrukarar skal gjera i desse områda nå: Tidleg nedsanking er ikkje ein framtidsretta veg å gå. Arnfinn tek dette med til Rovviltnemnda i Oppland og etterlyser også at Rovviltnemnda både i sakene og generelt må vera meire synleg i den offentlege debatten. Rovviltnemnda v/aud Hove har teke initiativ til eit møte med KLD og LMD etter valet for å få forklart det nye regimet kva Oppland slit med. Styret såg i møtet på 10 punkter som Aud Hove har skissert som ein agenda for møtet og svara på dette i e-post sendt direkte frå styremøte. Sak 30/2017: Saker frå Ring 41/avlsutvalget Det vart referert til sakene frå Avlsrådsmøte i NSG, der Oppland hadde spelt inn råd/innvendingar. Med den nye samansetjinga av avlsrådet fekk region øst inn ny representant da tidlegare medlem Sven Reiersen vart vald til leiar. Hans Petter Vaberg var vår soleklare kandidat, men han ønskte ikkje å stilla grunna tidspress. OSG valde dermed Stein Bentstuen frå Akershus som kandidat til medlem frå region øst med Hans Petter Vaberg som vara. Kåringsoppsettet er sendt ut til laga, og oppsettet vert lagt ut på heimesida med det fyrste. Sak 31/2017: Geitesaker Ingen saker vart teke opp. Sak 32/2017: Saker Oppland Radiobjøllelag Det vart kjøpt inn ekstra radiobjøller for kr. 200.000,- + mva til Gran/Toten, som er utdelt. Vi har motteke tilskot frå FKT via FMOP til innkjøp for sesongen, men manglar kr. 200.000,- for saka nemnt over og rest på kr. 45.000,- frå Tilskot til tiltak i beiteområder. Elles er framleis nokre som ikkje har betalt leia for året, noko som pr. dags dato er omlag kr. 50.000,- Dette har det vorte sendt skriftleg purring på med gebyr. Sak 33/2017: Saker Oppland Gjeterhundlag. Svar er motteke frå NSG angåande mailer og spørsmål frå OSG om valg av representant til avlsrådet i Working Kelpie. Representanten har ikkje pr. dags dato betalt medlemskontingenten i NSG for 2017. Dette vart teke opp i sak 28/2017. Brev frå Valdres Gjeterhundlag angåande reaksjon frå NSG på dommer Henning Andrè Andersen på gjeterhundprøve av 16.07.2017 hos Oddgeir Hilmen Fodnes. Støttebrev frå Oppland Gjeterhundlag av 27.07.2017 om arrangementet. Mail til Nord-Gudbrandsdal Gjeterhundlag angåande saka. Dette resulterte i følgjande uttale frå OSG i saka:
Angående gjeterhundprøven arrangert av Valdres Gjeterhundlag på Fodnes 16/7 2017. Uttalelse fra Oppland Sau og Geit: (Godkjent på styremøtet og sendt 21/08) Viser til krava i saka datert 24/7 2017 til NSG fra Valdres Gjeterhundlag, som også er underskrevet av leder i Oppland Sau og Geit, Arnfinn Beito. Styret i Oppland Sau og Geit har ikke formelt sett vert underrettet om dette og vil i ettertid med denne uttalelsen beklage at dette positive arrangementet har tatt en slik vending. Ut fra styrets mening er ikke dette engang en offisiell prøve i utgangspunktet, og i skrivet fra Valdres Gjeterhundlag påpekes dette med Prøven ble meldt inn på vanlig måte, mest fordi vi ønsket tilgang til dataprogrammet for gjennomføringen. I ettertid mener vi dette er et artig konsept som bør ligge under gjeterhundprøver til NSG. Vi i styret i OSG mener vi må påpeke at dette var et positivt tiltak ifra et lokallag til å arrangere denne form for konkurranse, en mønstring av ekvipasjer, der terskelen var lav for å "slenge" seg med, og der lagarbeid/samarbeid skulle styrkes. I det hele tatt var dette et grasrotarbeid med fokus på en samling som var sosial og skulle omfavne alle. Når det kommer den type reaksjoner via gjeterhundansvarlig i NSG, pulveriseres hele intensjonen med et slik arrangement. Vi håper at denne saken blir ryddet opp i ifra sentrale hold i NSG. Av omsyn til regelverket ser vi at ikke alt var like klart og absolutt rett, men denne samlinga betydde ingenting for videre kvalifiseringer eller rangeringer. At det var lagt ut på diverse sosiale medier var bare en positive reaksjoner i forhold til det positive arrangementet. Vi er på samme måte som andre leie oss for at dette arrangementet ble skjemmet av dette negative etterspillet og vil oppfordre NSG til å: 1. Svare på hvorfor dette måtte rapporteres og hva vi skal gjøre etter dagens regelverk for å unngå slik i fremtiden. 2. Svare på hvorfor dette måtte tas så byråkratisk, da alle deltagere var klar over og enige i både dommeroppsettet og reglene for denne uhøytidelige prøven. 3. Frikjenne og fjerne rapportering av dommeren, i dette tilfelle Henning Andrè Andersen. Oppland 21/08 2017 Styret i OSG Ellen M. Syse (sign) Anne Kari Veikleenget(sign) Bjørn Even Stenberg (sign) Pål Eiesar (sign) Sak 34/2017: Eventuelt. a) Radioaktivitet i Oppland 2017: Det er sendt ut pålegg om overvaking i 39 beitelag/beiteområder i 9 ulike kommunar i Oppland. Oppland var og er det klart mest råka fylke i Norge etter Tsjernobyl-ulykka i 1986. b) Det har vorte arbeida litt med å verva nye medlemmar til sauekontrollen og Berit Kaltoft har utarbeida forslag til eit skriv som skal visa fordelane med medlemskapet. Gjøvik, 18/08 2017 Pål Kjorstad, sekretær