Jnr. 1114.13 Ordførarar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland fredag 3 mai kl. 09.30 på Kulturhuset Husnes. Då vert føre: Sak 25/13 Godkjenning av referat frå møte 15 mars 2013 Sak 26/13 Skriv og meldingar a) Regionalt Næringsfond 2013 b) Plan for idrett, friluftsliv og kulturanlegg c) Møte i Miljøverndepartementet d) Møte i Fiskeridepartementet e) Møte i Stortinget f) Møte med fylkespolitikarane frå Sunnhordland g) Møte med Hordalandsbenken h) Samferdsleplan for Sunnhordland Sak 27/13 Kommunestruktur Sak 28/13 Ymse Etter sakene vert det arbeid med Strategisk plan for Samarbeidsrådet. Det vert omvisning i det nye Kulturhussenteret etter lunsj. Eventuelle forfall vert å melde til administrasjonen snarast. Sunnhordland, 25. april 2013 Gro Jensen Gjerde dagleg leiar Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
MØTEBOK Samarbeidsrådet for Sunnhordland Fredag 3. mai 2013 kl. 09.30 Kulturhuset Husnes Sak 26/13 SKRIV OG MELDINGAR a) Regionalt næringsfond 2013 Midlane til Regionalt næringsfond er lyst ut og første tildelingsmøte vert 12 juni. Totalramma for regionalt næringsfond er på kr. 10 800 000 for 2013. Med utgangspunkt i retningslinene, prioriteringsmodellen og framlegget til fordeling av skjønsmidlane gjorde fylkesutvalet i møte 21. mars følgjande vedtak til fordeling i Hordaland: Region Basistildeling Sonetildeling Skjønnstildeling Sum tildelt Sunnhordland 393000 2237000 600000 * 3230000 Hardanger 393000 2432000 600000 3425000 Voss 196000 937000 1133000 Bjørnefjorden 393000 247000 640000 Gode Sirklar 500000 Osterfjorden 393000 301000 260000 954000 Nordhordland 393000 325000 200000 918000 SUM 2160000 6480000 2160000 10800000 *Samarbeidsrådet for Sunnhordland har fått skjønsmidlar til omdømmeprosjektet (400 000) og matprosjektet (200 000). Samarbeidsrådet for Sunnhordland gjorde i møte 15 februar ei prosentvis fordeling av midlane. Nedanfor syner ein fordelinga i kr. Hovudsatsingsområde Nyskaping/entreprenørskap Marin sektor/havbruk Kulturbasert næringsutvikling/matkultur Fordeling i kr Tiltak 920 500 (35%) Direkte støtte/etablerar/bedrifter 131 500 (5%) Havbruksprosjekt Rekruttering/omdømmebygging 263 000 (10%) Kampanjar Reiseliv Rettleiing/administrasjon 394 500 (15%) Kulturetablering og støtte til næringsretta kultur herunder satsing på matopplevingar 789 000 (30%) Produktutvikling/marknadsføring 131 500 (5%) Rettleiing/sakshandsaming/rekneskap, revisjon
Nytt frå i år er at alle søknadar skal sendast digitalt på www.regionalforvaltning.no Styre i regionalt næringsfond er frå 2013 samansett av ordførarane i alle kommunane i tillegg til to valte representantar frå næringslivet. b) Plan for idrett, friluftsliv og kulturanlegg Gjeldande plan gjeld for 2009-2013. Planen vart rullerti 2011. På AU møte 19 april drøfta ein om det er behov for å gjera ei revidering no. Administrasjonen stilte spørsmål om ein ved ei eventuell revidering bør kunna gjera tydlegare prioriteringar mellom anlegga, jamf. at alle kommunane har med sine kulturhus i planen. c) Møte i Miljøverndepartementet Rådmann Trond Sætereng, prosjektleiar Tore Bjelland og dagleg leiar i Samarbeidsrådet møtte i Miljøverndepartementet blant anna for å drøfta følgjande: I dei statlige planretningslinjene for strandsona er det uttalt at ein i 2014 skal vurdera kva av dei tre hovudområda i planretningslinja kommunane i Sunnhordland skal plasserast i. Samarbeidsrådet meiner det er uheldig at denne vurderinga skal skje i 2014 fordi kommunane då er i ein prosess for å vedta kommunedelplan for strandsona og fordi ein då enda ikkje har hausta erfaringane frå dette arbeidet. I møte kom det fram at MD stiller seg positiv til at denne vurderinga kan utsetjast, men må sjå nærmare på situasjonen i 2014. d) Møte med Hordalandsbenken på Stortinget Ordførar Ruth Eriksen, Sveio, ordførar Kjetil Hestad, Tysnes, ordførar Odd Harald Hovland, Bømlo og varaordførar Edvard J. Stangeland, Austevoll kommune møtte i Fiskeri og kystdepartementet onsdag 17. april. Då var tema konsekvensar for innføring av ei eventuell Hardangerfjordforskrift. I møte orienterte Fiskeriminister Lisbeth Berg- Hansen om at forskrifta no vert lagt vekk. e) Møte i Stortinget Ordførar Ruth Eriksen, Sveio, ordførar Kjetil Hestad, Tysnes og varaordførar Edvard J. Stangeland, Austevoll kommune møtte Hordalandsbenken på Stortinget tysdag 16.april. Då var tema konsekvenser for innføring av ei eventuell Hardangerfjordforskrift, endring i politidistriktet, nytt fengsel og Nasjonal transportplan, med fokus på behovet for at det vert gjort val av trasè på strekninga mellom Stord og Bergen. f) Møte med fylkespolitikarane frå Sunnhordland I møte i AU 19. april tok ordførar Kjetil Hestad opp at ein bør få til ein tettare kontakt mellom fylkespolitikarane frå Sunnhordland og Samarbeidsrådet. Ein vil arbeida for å få til eit møte med representantane tidleg i haust. g) Møte med Hordalandsbenken Det er kome innspel om at Samarbeidsrådet bør invitera Hordalandsbenken på Stortinget til Sunnhordland, slik at dei kan møta både politikarar og næringsliv. På grunn av at det er stortingsval i år bør dette møte utsetjast til seint på hausten.
h) Samferdsleplan for Sunnhordland Handlingsplanen for 2013 vart vedteken i Representantskapet 5. april. Under samferdsle står det følgjande under kapittelet om fylkesvegnettet: Mål Sikra finansiering til lokale og regionale veganlegg. Det var i 2012 forventa at ein gjennom arbeidet med Fylkesdelplan for Sunnhordland og skulle dekka behovet for ein ny samferdsleplan for Sunnhordland. Samferdsle er teken ut av planprogrammet. Difor bør regionen utarbeida ein ny samferdsleplan der ein og gjer prioriteringar. Prioritert arbeid 2013 Starta arbeidet med ny samferdsleplan for Sunnhordland Prioritera mellom regionale og lokale veganlegg Sikra at flest mogleg veganlegg i Sunnhordland vert definert som overordna veganlegg i RTP Arbeida for å få på plass eit teneleg sykkelvegnett i regionen Minst eit møte med samferdsleutvalet i fylkeskommunen Arbeide for innkorting av ferjesambandet Kvinnherad-Stord Arbeidsutvalet drøfta dett ei møte 19. april og vart samde om at Samarbeidsrådet bør ha eit temamøte der ein drøfter desse punkta før ein eventuelt tek stilling til om det skal utarbeidast ein ny samferdsleplan for Sunnhordland. Ordførar Liv Kari Eskeland vart beden om å gjera ein gjennomgang av vedteken Regional Transportplan som ei innleiing til arbeidet. Saka kjem opp i eige møte.
MØTEBOK Samarbeidsrådet for Sunnhordland Fredag 3. mai 2013 kl. 09.30 Kulturhuset Husnes Sak 27/13 Ny kommunestruktur Bakgrunn I dagane 23.-25. april var det ordførarmøte i Oslo. På dette møte var det innlegg frå leiar i Høgre, Erna Solberg og Statsminister Jens Stoltenberg. Begge var tydelege på at det fram til no har vore gulrot og ikkje pisk for å gjera noko med kommunestrukturen. Resultatet er at det ikkje har skjedd noko. Begge var like tydlege på at det difor må gjerast nokre grep for å få fortgang i desse prosessane. Då Samarbeidsrådet for Sunnhordland var i Lyon i januar hadde ein sett kommunestruktur på dagsorden, men vart samde om å utsette debatten til eit seinare møte der alle kommunane var tilstades. Difor vert det no lagt opp til ei vidare drøfting på kommunestruktur. Det er lagt opp til ei orientering frå ein representant frå eit regionråd eller ein kommune i Hordaland som har starta ein prosess der dei ser på kommunestruktur. Nordhordland Via Region Nordhordland er det søkt om statlege midlar til utgreiing om framtidig kommunestruktur i Nordhordland. Dei seks aktuelle kommunane, Lindås, Meland, Radøy, Austrheim, Masfjorden og Fedje, representerer ei befolkning på 42 500 innbyggjarar med ein gjennomsnittleg årleg vekst på 1,2 prosent. Kommunane har teke fram ei utgreiing frå 2006 som skal oppdaterst. Målet med utgreiinga er å sikra at kommunane sine funksjonar skal takast i vare ved tenesteproduksjon, samfunnsstruktur og lokaldemokratiforvaltning. Det er lagt opp til at det vert gjeve innstilling i 2014 og folkeavrøysting i samband med kommunevalet i 2015. Region vest I region vest har Fjell og Askøy gjeve tilslutnad til at det vert gjennomført eit interkommunalt samarbeid og moglegheitsstudium av ulike modellar for kommunestruktur. Øygarden kommunestyre har sagt nei til dette, men skal i neste møte behandla spørsmålet om kommunen skal takka ja til å ha ein observatørstatus i det vidare arbeidet. Sund kommune har så langt ikkje teke stilling til spørsmålet om moglegheitsstudium. Etter innleiing vert det ei drøfting på korleis kommunane i Sunnhordland ser på ein framtidig kommunestruktur og korleis ein eventuelt tek denne prosessen vidare. Saka vert lagt fram til drøfting.