VANYLVEN KOMMUNE OFFENTLEG MØTEPROTOKOLL UTVAL: Formannskapet Møtestad: Ordførarens kontor - Rådhuset, Fiskå Dato: 29.11.2016 Møtet tok til 09:00 Møtet slutta 15:25. Frå kl. 09.00 var det orientering B-sak; jfr. sak 215/206. Frå kl. 09.40: Olav Elling Gausdal, Nav arbeidslivssenter, orienterte om inkluderande arbeidsliv IA-avtalen 2014 2018. Ordinært møte vart sett kl.10.50. Møtet var innkalla ved utsend sakliste datert 24.11.2016. Ordførar Lena Landsverk Sande leia møtet. Faste medlemar som møtte: Namn Funksjon Representerer Lena Landsverk Sande Ordførar V Bjarne Sætrenes Varaordførar FRP Idar Brekke Medlem H Lena Nordal Vedeld Medlem H Ottar Jan Løvoll Medlem AP Ingebrigt Berget Medlem SP Faste medlemar som ikkje møtte: Namn Funksjon Representerer Øystein Blom Medlem KRF Varamedlemar som møtte: Namn Møtte for Representerer Jens Erling Ekroll Lillebø Øystein Blom KRF 7 av 7 medlemar møtte.
Frå administrasjonen møtte: Namn Stilling Andreas Chr. Nørve Rådmann Kåre Kvangarsnes Møtesekretær. Dessutan møtte kommunalsjef teknisk sektor Terje Kolstad f.o.m. sak 212/2016 (ikkje sak 2015/2016) og økonomileiar Hallvard Takset i sak 212/2016. Varaordførar Bjarne Sætrenes gjekk frå som ugild i sak 214/2016. Underskrifter: Vi stadfestar at det som er ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel Arkivkode Orientering B-sak Orientering Nav Arbeidslivssenter v/olav Elling Gausdal. PS 207/2016 Godkjenning av innkalling PS 208/2016 Godkjenning av møteprotokoll frå siste møte PS 209/2016 Skriv og meldingar PS 210/2016 Arbeidsgruppe for evaluering Vanylven Utvikling AS U00 PS 211/2016 Utekontakt for ungdom - endring av prosjektperiode 420 PS 212/2016 Økonomiplan 2017-2020 med budsjett for 2017 151 PS 213/2016 Omstillingsprosess - vurdering av struktur og organisering 031 PS 214/2016 Olivinhallen - finansiering av tilbod til barn og unge 231 PS 215/2016 B-SAK: Søknad om lån frå risikofondet. 252 Eventuelt
PS 207/2016 Godkjenning av innkalling Innkallinga vart godkjend. PS 208/2016 Godkjenning av møteprotokoll frå siste møte Møteprotokoll frå siste møte vart godkjend. PS 209/2016 Skriv og meldingar Tilråding frå arbeidsmiljøutvalet i møte 25.11.2016 sak 34/20106: Økonomiplan 2017-2020 med budsjett for 2017. Brev av 22.11.2016 frå Tussa Kraft AS: Invitasjon til eigarmøte 1. desember 2016 kl. 09.00. Ordføraren orienterte frå dialogmøte 110- sentralen der m.a. utdanninga i brannvernet vart teke opp. Vidare delte ho ut kalender over kva tid ho er oppteken, ledig etc. Framlagde skriv og meldingar vart tekne til vitande. PS 210/2016 Arbeidsgruppe for evaluering Vanylven Utvikling AS Tilråding: Arbeidsgruppe for evaluering av Vanylven Utvikling AS/næringsarbeidet i Vanylven kommune vert sett saman slik: - representant frå administrasjonen (rådmannen) - representant frå dei politiske partia: o Venstre: o FrP: o Sp: o Ap: o H: o KrF: - representant frå administrasjonen i Vanylven Utvikling AS - representant frå styret i Vanylven Utvikling AS (næringslivsrepresentant)
Framlegg frå Ottar Jan Løvoll: Stryk to siste punkta i tilrådinga. Frist: 1. mars 2017. Votering: 6 røyster for tilrådinga frå adm. inkl. føreslegne medlemar frå partia (jfr. under) + framlegg om frist 1 mars 2017. 1 røyst for framlegget for Ottar Jan Løvoll om å stryke dei to siste punkta i tilrådinga frå adm. Arbeidsgruppe for evaluering av Vanylven Utvikling AS/næringsarbeidet i Vanylven kommune vert sett saman slik: - representant frå administrasjonen (rådmannen) - representant frå dei politiske partia: o Venstre: Knut Ingvald Bøstrand o FrP: Svein A. Nordal. Vara: Miriam Nystøyl o Sp: Solveig Menes o Ap: Ottar Jan Løvoll o H: Stig Rusten o KrF: Øystein Blom - representant frå administrasjonen i Vanylven Utvikling AS - representant frå styret i Vanylven Utvikling AS (næringslivsrepresentant) PS 211/2016 Utekontakt for ungdom - endring av prosjektperiode Samrøystes tilråding som framlegget. Prosjektperioden for utekontakt for ungdom blir forlenga til 31. desember 2019. PS 212/2016 Økonomiplan 2017-2020 med budsjett for 2017 Tilråding: 1. Driftsbudsjettet for 2017 med rammetildeling per sektor og investeringar per prosjekt slik det framgår av taldel i budsjettdokumentet, vert godkjent. 2. Økonomiplanen sin driftsdel og investeringsdel for perioden 2017-2020, slik det framgår av taldel i budsjettdokumentet, vert godkjent. 3. Samla låneopptak i 2017 vert på kr 19.252.000 inklusiv kr 2.000.000 til vidareutlån av startlån
4. Som oppfølging av økonomiplanen vert rådmannen bedt om leggje fram forslag til endringar på struktur/organiseringa innan oktober 2017, med effekt for 2018 og 2019 - samt gi ei utgreiing av eigedomsskatt eller tilsvarande inntekt med effekt frå 2020. Framlegg frå Ottar Jan Løvoll: 1. Driftsbudsjettet for 2017 med rammetildeling per sektor og investeringar per prosjekt slik det framgår av taldel i budsjettdokumentet, vert godkjent. 2. Økonomiplanen sin driftsdel og investeringsdel for perioden 2017-2020, slik det framgår av taldel i budsjettdokumentet, vert godkjent. 3. Samla låneopptak i 2017 vert på kr 19.252.000 inklusiv kr 2.000.000 til vidareutlån av startlån 4. Som oppfølging av økonomiplanen vert rådmannen bedt om leggje fram forslag til endringar på struktur/organiseringa innan oktober 2017, med effekt for 2018 og 2019. 5. Inntekt på kr. 3.000.000 for eigedomsskatt eller tilsvarande inntekt med effekt frå 2020 blir balansert med: Reduksjon i folketalsnedgang med 77 personar a kr. 29.600 = kr.2.286.000 Forventa nedgang med 1 % sjukefråver (ca 800.000-1.00.000= kr. 800.000 Totalt kr. 3.086.000. 6. Utviding av opningstidene for symjebassenga på Åheim skule og Myklebust skule med 6 veker til kostnad kr. 20.000 pr. veke x 6 veker = kr. 120.000. 7. Etablering av sommar-sfo i 2017 med 4 veker til kostnad kr. 12.500 pr.veke x 4 veker = kr. 50.000. Inndekking for punkt 6 og 7 er auke i inntekt på sal av konsesjonskraft med 5,6 mill kwh a kr. 0,07 = kr. 390.000. Framlegg frå ordføraren: Thue skule vert flytta frå 2017 til 2018. Mannskapsbil Syvde + utdanningsplan for brannkorpset vert framskunda til 2017. Framlegg frå Idar Brekke Ein viser til sak 117/2015 i kommunestyret og omdisponere beløpet på kr. 1,7 mill. i budsjettet frå Thue skule. Administrasjonen startar prosessen med å avhende bygget. Mannskapsbil til brannvernet vert prioritert i 2017 ny bil med 4x4 og med god motorkraft med inntil kr. 800.000,- (førarkort kl. B). Votering: Samrøystes punkt 1 4 i tilrådinga frå adm. m/slik endring i punkt 4: - samt nytte disposisjonsfond, eller skaffe tilsvarande inntekt med effekt frå 2020. Framlegget frå Idar Brekke vart sett opp framlegget frå ordføraren: 4 røyster for framlegget frå ordføraren. 3 røyster for framlegget frå Idar Brekke. Punkt 5 i framlegget frå Ottar Jan Løvoll gjekk ut. Punkt 6 i framlegget frå Ottar Jan Løvoll: Tilrådd med 4 røyster mot 3 røyster. Punkt 7 i framlegget frå Ottar Jan Løvoll: Samrøystes tilrådd.
1. Driftsbudsjettet for 2017 med rammetildeling per sektor og investeringar per prosjekt slik det framgår av taldel i budsjettdokumentet, vert godkjent med slik endring: Utviding av opningstidene for symjebassenga på Åheim skule og Myklebust skule med 6 veker til kostnad kr. 20.000 pr. veke x 6 veker = kr. 120.000. Etablering av sommar-sfo i 2017 med 4 veker til kostnad kr. 12.500 pr.veke x 4 veker = kr. 50.000. Inndekking er auke i inntekt på sal av konsesjonskraft med 5,6 mill kwh a kr. 0,07 = kr. 390.000. 2. Økonomiplanen sin driftsdel og investeringsdel for perioden 2017-2020, slik det framgår av taldel i budsjettdokumentet, vert godkjent med slik endring: Thue skule vert flytta frå 2017 til 2018. Mannskapsbil Syvde + utdanningsplan for brannkorpset vert framskunda til 2017. 3. Samla låneopptak i 2017 vert på kr 18.532.000 inklusiv kr 2.000.000 til vidareutlån av startlån. 4. Som oppfølging av økonomiplanen vert rådmannen bedt om leggje fram forslag til endringar på struktur/organiseringa innan oktober 2017, med effekt for 2018 og 2019 - samt nytte disposisjonsfond, eller skaffe tilsvarande inntekt med effekt frå 2020. PS 213/2016 Omstillingsprosess - vurdering av struktur og organisering Samrøystes tilråding som framlegget. Vanylven kommune set i gong ein prosess for vurdering av struktur og organisering, med ei målsetjing om å føreslå konkrete endringar for at organisasjonen skal kunne nå fastsette mål for økonomi og målstyring. PS 214/2016 Olivinhallen - finansiering av tilbod til barn og unge Tilråding: Livsløpsutvalet tilrår: Drifta av Olivinhallen vert tilført kr 50 000 frå disposisjonsfondet i 2017, for å kompensere for fråfall av leigeinntekter frå aktivitetar knytt til barn og unge opp til 18 år. I løpet av 2017 vil rådmannen legge fram sak om alternativ finansiering av Olivinhallen. Gratis hall-leige for born og unge kan finansierast ved å legge stillinga i Olivinhallen under driftsavdelinga.
Varaordførar Bjarne Sætrenes tok opp spørsmål om gildskap bror er dagleg leiar i Olivinhallen. Han vart kjend ugild og gjekk frå under handsaming av saka. Framlegg frå Idar Brekke: Endre frå disposisjonsfondet til konsesjonskraftmidlane. Stryk siste setning i tilrådinga frå livsløpsutvalet. Votering: 3 røyster for tilrådinga med endra finansiering: Konsesjonskraftmidlane. 3 røyster for framlegget frå Idar Brekke om å stryke siste setning i tilrådinga frå livsløpsutvalet. Med ordførarens dobbeltrøyst vart framlegget frå livsløpsutvalet tilrådd. Drifta av Olivinhallen vert tilført kr 50 000 frå konsesjonskraftmidlane i 2017, for å kompensere for fråfall av leigeinntekter frå aktivitetar knytt til barn og unge opp til 18 år. I løpet av 2017 vil rådmannen legge fram sak om alternativ finansiering av Olivinhallen. Gratis hall-leige for born og unge kan finansierast ved å legge stillinga i Olivinhallen under driftsavdelinga. PS 215/2016 B-SAK: Søknad om lån frå risikofondet Møtet vart lukka med heimel i kommunelova 31 nr. 2 og forvaltningslova 13 nr. 2 teieplikt forretningsforhold. Samrøystes vedtak som framlegget. Eventuelt: Ottar Jan Løvoll tok opp fylgjande: Beredskapsferje Årvik Koparnes. Opplyste at saka vart teke opp i fylkessamferdselsutvalet 14. november, oversendt juridisk avdeling på Fylkeshuset. Løyvingar til gang- og sykkelvegar. Saka kjem opp i fylkestinget i desember. Varaordførar Bjarne Sætrenes tok opp problemstilling kring brannberedskap. Viste til brannen på Selje Hotel sist fredag der også Vanylven brannvern deltok i sløkkingsarbeidet: Kva hadde skjedd om det oppstod ein brann på Rovde på same tid?
Ingebrigt Berget tok opp sak vedk. folketalsnedgang. Saman med Ottar Jan Løvoll la han fram slikt oversendingsframlegg som formannskapet slutta seg til: Tiltak for å bremse folketalsnedgang: Gratis kommunale tomter for bustader i 2017 med byggefrist 12 mnd. Unnateke Fredsvoll. Kommunestyresak desember 2016. Lena Nordal Vedeld tok opp problemstilling vedk. tidlegare ferjekaiområde på Syvdsnes. Ordførar Lena Landsverk Sande tok opp desse sakene: Fått tilbod om å kjøpe bilete av folk frå kommunen kr. 10.000,-. Er det interesse for dette? Det var semje om at det vert lagt fram eiga sak. Utdanning av deltidspersonell brannmannskap. Kommunalsjef teknisk sektor Terje Kolstad orienterte. Rett utskrift 30.11.2016 Kåre Kvangarsnes