Østfold fylkeskommune

Østfold fylkeskommune Fylkeskonservatoren 2004/237 OPSTAD VEST SARPSBORG KOMMUNE (Utvida registrering 2014) Figur 1. Morten Bertheussen stirrande utover Lok. 6. Spaden står ved pinnen som kanskje indikerer det positive prøvestikket her i 2004. Mot A. Jan Berge 2014 1

RAPPORT FRÅ ARKEOLOGISK REGISTRERING Kommune: Sarpsborg Gardsnamn: Viste søndre & Opstadmoen Bruksnamn: Evjebakken Gnr./bnr.: 2070/19, 2074/439 Høgde over havet: 25-35 moh Tiltakshavar: Multiconsult v/ Valborg Leivestad Namn på sak: Reguleringsplan for Opstad Vest Saksnummer: 2004/237 Registreringsperiode: 14.-29.04 2014 Ved: Morten Bertheussen & Jan Berge Rapportperiode: 30.04-06.05 2014 Ved: Jan Berge FAGLEGE KONKLUSJONAR: ASKELADDEN ID: Ingen funn: Funn av automatisk freda kulturminne: Lausfunn ikkje automatisk freda: Forenkla dispensasjon utgraven: X Frå før kjente kulturminne: 95213, 95228, 95236, 95258, 95322, 95333, 95365 Stikkord: Åtfunne og avgrensa 3 steinalderlokalitetar. Figur 2. Plassering av planområde i Sarpsborg kommune. 2

BAKGRUNN FOR UNDERSØKINGA I samband med at Block Watne, Betongbygg Eigedom AS m. fl. ønskte å regulere området Opstad Vest til bustad- og friområde, føretok Østfold fylkeskommune i 2004 ei arkeologisk registrering av planområdet. I den samanheng vart det gjort funn av 7 automatisk freda lokalitetar. Av desse var 3 stykk busetnadsspor i form av kokegroper, eldstadar og stolpehull, med moglege dateringar frå steinalder til eldre bronsealder. Dei siste 4 er tolka som reine steinalderlokalitetar i form av flintfunn i prøvestikk. På dei 10 åra som har gått, har krava til dokumentasjon av arkeologiske registreringar auka i takt med teknologiutviklinga og profesjonaliseringa av arkeologisk feltarbeid. Den arkeologiske registreringsrapporten frå 2004 vart difor frå fylkeskommunens side ikkje rekna som fullgod etter dagens standard, særleg med tanke på kva avgjersler som må tas hos Riksantikvaren og Kulturhistorisk museum om eventuelle utgravingar og budsjetta for desse. Dette resulterte i at vi ville ha ei tilleggsregistrering av dei 4 steinalderlokalitetane, der hovudfokuset låg på å få avgrensa lokalitetane og skildra dei litt meir i klartekst. Same lokalitetsnummerering vert nytta no, så det er snakk om lokalitetane 4-7 frå 2004-rapporten. SAMANDRAG 3 av dei 4 steinalderlokalitetane vart åtfunni, med til saman 35 prøvestikk. Av desse var 7 stykk funnførande, med til saman 10 små avslag av flint. Dette samsvarar godt med den registreringa som vart gjort i 2004. Figur 3. Funn frå undersøkinga. 3

OMRÅDESKILDRING TERRENGET Det generelle nærområdet består i all hovudsak av ein del busetnad i sør og aust, dyrka mark i nord, Visterflo i vest og generelt er det små, skogkledde åsryggar spreidd rundt i landskapet. Det undersøkte området består i all hovudsak av vestsida av ein skogkledd åsrygg. Toppen består av busetnad og nakent berg i stor grad, som då skrånar nedetter mot vest. Siste stykket går det ganske bratt nedetter, og lok. 4 & 5 ligg heilt på brinken. KULTURMINNE I NÆROMRÅDET Det er kjent til ein del kulturminner i nærleiken, då særleg gravhaugar og røyser, men funna frå 2004-registreringa ga eit godt tilsig av kulturhistorie til området. Figur 4. Nærliggande kulturminne. Dei kvite pilene viser til dei undersøkte lokalitetane, med lok. 4 & 5 øvst. KULTURMINNE I NÆROMRÅDET Askeladden ID: Kulturminnetype: 9861 3 gravhaugar. 9884 Gravrøys. 9892 Gravrøys. 19 265 Helleristning i form av 5 skålgroper og ein bandslynging. 19 267 2 gravrøyser. 68 622 Naturdanning i form av eit fotavtrykk i berget. 77 460 4 gravhaugar. 79 105 Fjerna bautastein. 95 213 Busetnadsspor frå eldre jernalder i form av stolpehull, kokegroper og eldstadar (lok.1). 95 228 Busetnadsspor frå steinalder-bronsealder i form av 2 kokegroper (lok.2). 95 236 Busetnadsspor frå steinalder i form av kokegroper/eldstadar (lok.3). 95 258 Steinalderlokalitet påvist med prøvestikk (lok.4). 4

95 322 Steinalderlokalitet påvist med prøvestikk (lok.5). 95 333 Steinalderlokalitet påvist med prøvestikk (lok.6). 95 365 Steinalderlokalitet påvist med prøvestikk (lok.7). 151 727 Kokegrop frå eldre bronsealder. 155 645 Lausfunn av skafthulløks, gjort i 1881. METODE & PERSONELL På denne undersøkinga vart prøvestikking nytta som registreringsmetode. Prøvestikking går ut på at ein med spade grev mindre prøveruter, om lag 40x40 cm, ned til ein støyter på berg eller steril undergrunnsmasse. Massane i prøvestikket vert sålda gjennom eit handhalde såld med 4 mm masker. Kan ein nytte vatn er dette å føretrekke, men det var ikkje mogleg på denne undersøkinga. Det er hovudsakleg kulturspor frå steinalder ein vil påvise med denne metoden, t.d. i form av tilverka flint og andre minerale råstoff. Figur 5. Morten sålder massene i eit av prøvestikka på lok. 7. Mot SA. Som dokumentasjon vart det teke digitale foto, samt prøvestikka vart målt inn med CPOS RTK 3D-Float oppløysing, med ein anteke presisjon ned mot 20-500 cm. Kartgrunnlag for innmålingane er WGS84_UTM32N. DELTAKARAR OG TIDSROM Med på denne undersøkinga var arkeologane Morten Bertheussen & Jan Berge frå Østfold fylkeskommune. Arbeidet i felt føregjekk i tidsromet 14. til 29. april 2014, medan rapporten 5

vart utarbeida innanfor tidsromet 30. april til 6. mai 2014. Totalt vart det nytta 87 timesverk frå fylkeskommunens side. Dette omfattar arbeid i felt og køyring, samt for og etterarbeid. UNDERSØKINGA Med friskt mot og kulturminnesøk-appen på mobilen, vandra vi straka vegen rett mot lok. 6, som låg lengst i frå i høve til kor vi sette bilen. Figur 6. Lok. 6 med P1-6 markert. Pila indikerer mogleg positivt prøvestikk frå 2004. Mot NA. Vi kan starte skildringa her med å mimre attende på kva han Øystein fortalte om prøvestikka i sin rapport frå 2004: «Prøvestikkene ble tatt i den vestlige delen av felt B og i den nordlige og østlige delen av felt A. I felt B ble det tatt 11 prøvestikk hvorav 1 var positivt (PS 2). De øvrige 45 prøvestikkene ble tatt i felt A. Fem av prøvestikkene var positive (PS 12, PS 14, PS 31, PS 43 og PS 48). De positive prøvestikkene fordeler seg slik at en kan skille ut fire lokaliteter. Prøvestikk 2 hører således til lokalitet 4 (felt B), prøvestikk 12 og 14 hører til lokalitet 5 (felt A), prøvestikk 31 hører til lokalitet 6 (felt A) og prøvestikk 43 og 48 hører til lokalitet 7 (felt A). Området hvor prøvestikkene ble tatt ligger fra 25 til 36 meter over havet. Det ble foretatt prøvestikking i de områdene hvor sannsynligheten for funn ble antatt å være størst, dvs. på tørre flater, på brinker og nedenfor bergvegger. Området består for øvrig av en del fjellknauser og fuktige flater. Disse områdene ble ikke prioritert. Positive prøvestikk ble markert med en pinne med merkelapp på. Pga. lokalitetenes beliggenhet antas de å kunne dateres til steinalder.» (Dahle 2004: 6) 6

LOKALITET nr 6 (ID95 333) TYPE: ANTAL: Prøvestikk: 9 (P1-9) Funnførande: 0 Funnmengde: 0 Figur 7. Lok. 6 med P1-6 markert. Pila indikerer mogleg positivt prøvestikk frå 2004. Mot V. Dette meinte Øystein om lok. 6: «PS 31 inneholdt et fragment av flint. Fragmentet antas å ha ligget 10-13 cm nede i prøvestikket. Undergrunnen består av 10 cm torv og mørk jord. Deretter ligger det et tre cm tykt lag med grå sand. Det resterende er brun jord med berg i bunnen. Området består av en flate, ca 60 meter lang og 15 meter bred. Flaten er gressbevokst med noe mose og blåbærlyng/røsslyng. Mot øst er det en tre meter høy bergvegg. Vegetasjonen rundt består av blandingsskog. Restene av en grunnmuren står igjen ca 100 meter mot SV. Moderne bebyggelse ligger ca 80 meter mot øst. Det positive prøvestikket ligger i den nordre enden av flaten. Se bilde under (tatt mot nnv). 7

Figur 8. Flaten som lok. 6 ligg på. Mot N.» (ibid 2004: 7) Det var enkelt å finne att denne flata, og ut i frå skildringa ovanfor, samt topografien, også ganske enkelt å finne ut kor vi skulle sette prøvestikka. I tillegg var det ein merkepinne her, ved sidan av ei stor gran (som nok har vokse ein del sidan 2004), som det sto skrevet «6.» på med sprittusj. Det var nærliggande å fundere på om dette er ein pinne som markerar det funnførande PS31 frå førre registrering. Øystein nemner jau noko om at han har markert dei funnførande stikka med pinne og «merkelapp»? Det er likevel usikkert, for det står liknande pinnar rundt om kring i skogen her, utan at dei er merka på ein måte som hinta verken om kjente lokalitets- eller prøvestikknummer. Både terreng og vegetasjon er som omtalt av Øystein. Figur 9. Lok. 6. P4, 5, 8 & 9 markert. Mot SSV. 8

Figur 10. Lok. 6 & 7 med innmålte prøvestikk og lokalitetsgeometrien slik den står i Askeladden per mai 2014. 9

Figur 11. Oversikt over prøvestikka frå 2004 i området lok. 6 & 7. Som det no en var, vi sette i sving i nordre del av den omtalte flata. Til saman tok vi 9 prøvestikk, ganske tett til tider. Stikka i sør og vest visar ein undergrunn som er steinete, fuktig og full i mørk, seig torv, så det lukter ikkje fugl av dette området. Det er den nordre delen av flata som er aktuell, for her består undergrunnen av podsol med guloransje sand og eigentleg lite stein. Lett å grave og sålde, om enn noko seigt. Med vatn ville det gått som fot i hose. Resultatet var likevel nedslåande, ikkje ei einaste lita flintflis vart funne. Med tanke på at Øystein berre fann eit fragment av flint i si tid, så er det klart at det ikkje akkurat bognar av funn her. Til slutt ga vi opp og stakk vidare mot lok. 7, som ligg rett nord for her vi er no. 10

LOKALITET nr 7 (ID95 365) TYPE: ANTAL: Prøvestikk: 11 (P10-20) Funnførande: 2 (P14, 18) Funnmengde: 4 avslag av flint. Vi starter med å sjå på kva Øystein sa om lok. 7: «PS 43 inneholdt et avslag av flint. Avslaget ble funnet mellom 5-18 cm nede i prøvestikket. Undergrunnen består av 5 cm torv, deretter 13 cm med grå sand. Nederst er det brun sand. Vegetasjonen er blandingsskog. Prøvestikkene ble tatt ved siden av en bergvegg. Området ligger ca 50 meter nord for enden av flaten på bildet over. PS 48 inneholdt et avslag av grovkornet flint. Undergrunnen består av ca 8 cm torv øverst. Deretter følger 10 cm med grå sand. Det nederste laget består av brun, kompakt sand. Det er ikke opplyst noe om hvor i prøvestikket flinten ble funnet, men sannsynligvis lå det i laget med grå sand. Prøvestikket er tatt i umiddelbar nærhet til PS 43.» (ibid). Figur 12. Lok. 7 med P13-14 & 17-20 markert. Mot A. Ut i frå denne informasjonen, kombinert med appen, var det ein smal sak å finne lok. 7. Topografisk var det ei mindre flate som passa til skildringa på akkurat den staden som den skulle ligge. Etter få stikk dukka det opp eit lite, lurvete flintavslag i P14, og så heile tre stykk i P18 liggande 3,5 meter nordaust for P14. Stikka ligg 3-3,5 meter frå bergveggen. Dette burde 11

vere nok til at vi kan definere ein lokalitet her. Utifrå prøvestikk-kartet til Øystein ligg hans P43 svært nære, om ikkje rett på, der vi har funn (P46-48 finn eg ikkje på karta hans, men som det står i skildringa, så ligg P48 kloss på P43). Rett ved P14 var det også eit lite firkanta søkk i skogsbotnen som kan indikere eit av prøvestikka frå 2004. Figur 13. Lok. 7 med P14-15 & 18 markert. Mot NA. Lok. 7 ligg er ei svakt skrånande flate mot vest, med berg i aust. Terrenget stig gradvis mot sør og sig ditto mot nord. Storleiken på lokaliteten er utifrå det vi har funne no ca. 25 m². Vegetasjonen er blandingsskog, noko tett, men ikkje særleg gamal. Høgda over havet er ca. 35 meter. Om vi ser for oss at lokaliteten var strandbunden, så vil dette tilseie ei datering til ca. 4000 f. Kr.; Kjeøyfasen/Fase 4 av seinmesolitikum, eller på godt norsk; slutten av eldre steinalder. 12

Figur 14. Lok. 7 med P13-14 & 17-18 markert. Mot SA. Dernest gjekk turen til lok. 5. LOKALITET nr 5 (ID95 322) TYPE: ANTAL: Prøvestikk: 8 (P21-28) Funnførande: 3 (P21, 22, 24) Funnmengde: 4 avslag av flint. Dette seier Øystein om den: «PS 12 inneholdt et flintavslag. Avslaget lå 20-30 cm under overflaten. Undergrunnen består av mørkegrå jord de første 10 cm, deretter brun jord. Vegetasjonen og områdebeskrivelsen er som ved PS 2 (minus oppdyrkingen). PS 14 inneholdt et flintavslag som ble funnet 10-15 cm under overflaten, og et fragment av flint som ble funnet på 30 cm dybde. Fragmentet ser ut til å være varmepåvirket. Undergrunnen, vegetasjonen og området er som ved PS 12.» (ibid: 6-7). Nok ei gong lett å finne lokaliteten, sjølv om eg her nytta kulturminnesøk-appen i endå større grad for å vere sikker. Stadfestinga kom allereie på fyrste stikket, med eit lite avslag av flint. Neste stikk ga også funn av eit lite avslag, og så dobla Morten gevinsten med to små krabatar i P24. 13

Figur 15. Lok. 4 & 5 med prøvestikk og lokalitetar avmerka. I tillegg geometrien i Askeladden slik den er per mai 2014. Positive prøvestikk er markert med raudt. 14

Figur 16. Prøvestikka frå 2004 rundt området med lok. 4 & 5. Lok. 5 ligg på ei stor flate med blandingsskog, mest lauvtre. Det har tydelegvis vore hogd her nyleg, for det ligg tre og haugar av trestammer og kvist både her og der. Det er nok difor meir opent her no enn det var under registreringa i 2004. Lokaliteten avgrensast i aust av negative prøvestikk. Her byrjar au terrenget å stige gradvis og er fuktig. I vest stupar terrenget kraftig nedover mot eit jorde i botn. I nord og sør er det kvar si ravine som effektivt set ein stoppar for utbreiinga av lokaliteten. Den er delvis øydelagt av ein skogsveg i vestre og nordre del. Eit ganske svært grevlinghi ligg rett nord for P22. I storleik er lok. 5 ca. 25x13 meter, men det er medrekna skogsvegen. Høgda over havet er ca. 25 meter. Om vi ser for oss at lokaliteten er strandbunden, vil dette datere den til ca. 2700 f. Kr., som er overgangen mellom mellomneolitikum periode A og B. Eller midtre del av yngre steinalder om ein vil. 15

Figur 17. Lok. 5 med P21-22 & 24 markert. Mot N. Figur 18. Lok. 5 med P21-22 markert. Vi ser korleis skogsvegen går gjennom lokaliteten. Mot N. 16

Figur 19. Lok. 5. P21 markert. I forkant grevlinghiet og svingen i skogsvegen. P22 ligg rett bak kvisthaugen i senter av biletet. Mot S. Figur 20. Lok. 5 med P22-24 markert. Mot SA. 17

Figur 21. P21 markert. Vi ser korleis terrenget stupar nedover mot jordet i botnen. Mot SV. Lok. 4 ligg rett nord for lok. 5, på andre sida av ravinen. LOKALITET nr 4 (ID95 258) TYPE: ANTAL: Prøvestikk: 7 (P29-35) Funnførande: 2 (P29-30) Funnmengde: 2 avslag av flint. Dette seier Øystein om lokaliteten: «PS 2 inneholdt et flintavslag. Avslaget ble funnet 10 cm nede i bakken. Undergrunnen består av mørk jord de første 27 cm. Deretter blir jorden gråbrun og fuktig. Området ligger på en flate. Vegetasjonen består av større og mindre løvtrær, tildels nokså tettvokst. Mot nord og vest ligger det et jorde. Vått i nord, skråner mot vest og stiger mot bebyggelsen i øst. Flaten strekker seg videre mot sør. Området bærer preg av å ha vært oppdyrket tidligere.» (ibid: 6). Her var eg rett på med funn av eit lite avslag i fyrste prøvestikk. Neste vart teke ut på brinken for å få ein stadfesting av det fyrste, og her var det au flint. Det er berre snakk om to små avslag til saman, så det tek ikkje heilt av. Dei neste fem stikka vart teke rundt dei funnførande for å få ei avgrensing, og ingen av desse ga funn. Lok. 4 ligg på ei stor flate, eigentleg den same som lok. 5, men åtskilt av ravinen. I sør skrånar difor flata ned mot denne, fyrst svakt, så brattare. I nord måtte det negative prøvestikk til for å avgrense lokaliteten, likeeins i aust. I vest er det eit steingjerde, og bak dette stuper terrenget bratt, men kort, ned til ein sti og eit jorde. Truleg er det grave ut litt her for å få det flatare. Flata som lok. 4 ligg på har vore dyrka mark før, truleg beitemark. Storleiken på lokaliteten er 18

ca. 15x9 m ut i frå mine prøvestikk. Ut i frå topografien smalast i sør, men er plasseringa av PS2 hos Øystein nokolunde korrekt, så ligg det lengre inn på flata, aust-nordaust for mine funnførande stikk. Figur 22. Lok. 4 med P29-30 markert. Mot N. Figur 23. Lok. 4 med P29-30 & 35 markert. Mot S. 19

Figur 24. Lok. 4 med P30 markert. I bakgrunnen ser vi flata med lok. 5. Mot SA. Figur 25. Lok. 4 med P29 & 30 markert. Mot SV. 20

Sidan høgda over havet er likt med lok. 5, så er truleg eldste moglege datering her også mellomste delen av yngre steinalder. Det er mogleg at lok. 4 & 5 er ein og same lokalitet eigentleg, men ut i frå funnmengda frå både 2004 og 2014, så ser det ikkje ut til at det har vore for omfattande flintknakking i teigen. KONKLUSJON I april 2014 føretok fylkeskommunen ei etterregistrering av 4 steinalderlokalitetar funne under ei arkeologisk registrering i 2004. Føremålet var å få meir kontroll på storleik og avgrensing av funnområda. Dette resulterte i at ein av lokalitetane ikkje vart funne att med positive prøvestikk, sjølv om den topografiske plasseringa var enkel nok å finne ut av. Dei andre tre lokalitetane vart funne att med mellom to og tre funnførande prøvestikk. Det var ikkje mykje flint i nokre av prøvestikka, men nok til at vi no har fått ein klarare oppfatning av korleis desse lokalitetane visar seg i tid og rom. Dei funnførande stikka vart markert med ein pinne med kulturminneband knytt rundt, samt påskrive P- og F-nr, dato og initialar. 06.05 2014 Jan Berge.. Arkeolog Litteratur: Dahle, Øystein (2004): Reguleringsplan for Opstad Vest, Sarpsborg kommune. Kulturhistorisk registrering, rapport ØFK. VEDLEGG 21

Vedlegg 1. Oversikt over lok. 2-7. 22

Vedlegg 2. Lok. 6 & 7. 23

Vedlegg 3. Lok. 7. 24

Vedlegg 4. Lok. 4 & 5. 25

VEDLEGG 5 FIGUR- & VEDLEGGSLISTE Nr: Skildring: Kjelde: Fig.1 Foto: Morten Bertheussen stirrande utover Lok. 6. Spaden står ved pinnen som Jan Berge, 14.04.14 kanskje indikerer det positive prøvestikket her i 2004. Mot A. Fig.2 Kart: Figur 2. Plassering av planområde i Sarpsborg kommune. https://askeladden.ra.no Fig.3 Foto: Funn frå undersøkinga. Jan Berge, 02.05.14 Fig.4 Kart: Nærliggande kulturminne. https://askeladden.ra.no Fig.5 Foto: Morten sålder massene i eit av prøvestikka på lok. 7. Mot SA. Jan Berge, 15.04.14 Fig.6 Foto: Lok. 6 med P1-6 markert. Pila indikerer mogleg positivt prøvestikk frå Jan Berge, 29.04.14 2004. Mot NA. Fig.7 Foto: Lok. 6 med P1-6 markert. Pila indikerer mogleg positivt prøvestikk frå Jan Berge, 29.04.14 2004. Mot V. Fig.8 Foto: Figur 8. Flaten som lok. 6 ligg på. Mot N. Øystein Dahle, 14.10.04 Fig.9 Foto: Lok. 6. P4, 5, 8 & 9 markert. Mot SSV. Jan Berge, 29.04.14 Fig.10 Kart: Lok. 6 & 7 med innmålte prøvestikk og lokalitetsgeometrien slik den står ØFK v/ Jan Berge i Askeladden per mai 2014. Fig.11 Kart: Oversikt over prøvestikka frå 2004 i området lok. 6 & 7. ØFK v/ Øystein Dahle Fig.12 Foto: Lok. 7 med P13-14 & 17-20 markert. Mot A. Jan Berge, 29.04.14 Fig.13 Foto: Lok. 7 med P14-15 & 18 markert. Mot NA. Jan Berge, 29.04.14 Fig.14 Foto: Lok. 7 med P13-14 & 17-18 markert. Mot SA. Jan Berge, 29.04.14 Fig.15 Kart: Lok. 4 & 5 med prøvestikk og lokalitetar avmerka. I tillegg geometrien i ØFK v/ Jan Berge Askeladden slik den er per mai 2014. Positive prøvestikk er markert med raudt. Fig.16 Kart: Prøvestikka frå 2004 rundt området med lok. 4 & 5. ØFK v/ Øystein Dahle Fig.17 Foto: Lok. 5 med P21-22 & 24 markert. Mot N. Jan Berge, 29.04.14 Fig.18 Foto: Lok. 5 med P21-22 markert. Vi ser korleis skogsvegen går gjennom Jan Berge, 29.04.14 lokaliteten. Mot N. Fig.19 Foto: Lok. 5. P21 markert. I forkant grevlinghiet og svingen i skogsvegen. P22 Jan Berge, 29.04.14 ligg rett bak kvisthaugen i senter av biletet. Mot S. Fig.20 Foto: Lok. 5 med P22-24 markert. Mot SA. Jan Berge, 29.04.14 Fig.21 Foto: P21 markert. Vi ser korleis terrenget stupar nedover mot jordet i botnen. Jan Berge, 29.04.14 Mot SV. Fig.22 Foto: Lok. 4 med P29-30 markert. Mot N. Jan Berge, 29.04.14 Fig.23 Foto: Lok. 4 med P29-30 & 35 markert. Mot S. Jan Berge, 29.04.14 Fig.24 Foto: Lok. 4 med P30 markert. I bakgrunnen ser vi flata med lok. 5. Mot SA. Jan Berge, 29.04.14 Fig.25 Foto: Lok. 4 med P29 & 30 markert. Mot SV. Jan Berge, 29.04.14 Ved.1 Kart: Oversikt lok. 2-7. ØFK v/ Jan Berge Ved.2 Kart: Lok. 6 & /7. ØFK v/ Jan Berge Ved.3 Kart: Lok. 7. ØFK v/ Jan Berge Ved.4 Kart: Lok. 4 & 5. ØFK v/ Jan Berge Ved.5 Liste: Figur- og vedleggsliste. Jan Berge Ved.6 Liste: Funnliste. Jan Berge Ved.7 Liste over prøvestikk. Jan Berge VEDLEGG 6 FUNNLISTE Fnr: Lok: Anr: Sjakt: Skildring/kontekst: Dato/init. 1 7 1 lite, frostsprengt flintavslag. P14, ca. 20 cm. 15.04.14/JB 2 7 3 små flintavslag. P18, 10-20 cm. 15.04.14/JB 3 5 1 flintavslag. P21, 20-30 cm. 15.04.14/JB 4 5 1 lite flintavslag. P22, 20-40 cm. 15.04.14/JB 5 5 2 små flintavslag. P24, 15-30 cm. 15.04.14/MB 26

6 4 1 lite flintavslag. P29, 20-40 cm. 25.04.14/JB 7 4 1 lite flintavslag. P30, 10-20 cm. 25.04.14/JB VEDLEGG 7 PRØVESTIKKLISTE Nr: Djupn: Profil: Funn: Lok: 1 40 cm Podsol med guloransje sand, noko småstein, stor stein i botn. 6/ID95 333 2 25 cm Mørk, fuktig torv. Ender på stein eller berg. 6/ID95 333 3 45 cm Torv og grå grus. 6/ID95 333 4 50 cm Lik P1. 6/ID95 333 5 45 cm Lik P1. 6/ID95 333 6 40 cm Meir brun grus/sand. 6/ID95 333 7 40 cm Lik P6. 6/ID95 333 8 40 cm Ein slags mellomting mellom P1 & 6. 6/ID95 333 9 55 cm Lik P1, men med meir stein. 6/ID95 333 10 50 cm Torv og mørk, brun sand. 7/ID95 365 11 55 cm Lik P10. 7/ID95 365 12 50 cm Lik P10. 7/ID95 365 13 50 cm Lik P10. 7/ID95 365 14 50 cm Lik P10. 60 cm mot S ligg eit mogleg prøvestikk frå 2004. 1 7/ID95 365 15 40 cm Grå sand, ein del stein. 7/ID95 365 16 40 cm Lik P10. 7/ID95 365 17 50 cm Lik P1. 7/ID95 365 18 45 cm Lik P10. 2 7/ID95 365 19 50 cm Lik P1. 7/ID95 365 20 45 cm Blanding av P1 & 10. 7/ID95 365 21 60 cm Torv og gulbrun, fin sand, gul steril i botnen, lett å grave, lite stein. 3 5/ID95 322 22 50 cm Torv og gråbrun, fin sand, trekullbitar. 4 5/ID95 322 23 45 cm. Lik P21. 5/ID95 322 24 55 cm Lik P21. 5 5/ID95 322 25 57 cm Lik P21. 5/ID95 322 26 55 cm Litt mørkare og seigare masse enn i P21, elles ganske likt. 5/ID95 322 27 55 cm Lik P21. 5/ID95 322 28 50 cm Lik P21. 5/ID95 322 29 70 cm Ikkje torv, berre rett på tykt lag med brun jord/sand, guloransje i botn. Svært 6 4/ID95 258 lite stein, lett å sålde. 30 70 cm Lik P29. 7 4/ID95 258 31 65 cm Lik P29, men litt seigare masse. Ein god del trekullbitar i brunlaget. 4/ID95 258 32 65 cm Lik P29. 4/ID95 258 33 60 cm Lik P29. Eit par smidde jernspiker og eit randskår av keramikk av uviss alder. 4/ID95 258 34 70 cm Lik P29, men med eit par lommer av gulgrå sand. Mogleg omrota. 4/ID95 258 35 65 cm Lik P29. 4/ID95 258 27