Austevoll kommune Møteprotokoll Formannskapet Møtestad: Kommunestyresalen Møtedato: 27.08.2015 Møtetid: 15:00-18:00 Sak nr: 056 067/15 Følgjande medlemmar møtte Renate Møgster Klepsvik Helge Andre Njåstad Olav Jarnes Edvard Johannes Stangeland Kurt Frank Liv Bente F. Storebø Ingrid Møgster Kai Eliassen Forfall meldt Kjetil Østervold Følgjande varamedlemmar møtte Jostein Blænes Parti Frp Frp FrP Sp H H Ap KrF Parti FrP Parti FrP Møteleiar Frå adm. møtte Utlevert i møtet Orientering Merknader Innkalling Ordførar Renate Møgster Klepsvik Rådmann Helge Skugstad, kommunalsjef Ruth Larsen, kommunalsjef Liv Margareth Østervold og økonomisjef Thomas M. Larsen. Astrid N. Fagerbakke møtte som sekretær. Ingen Ingen Renate Møgster Klepsvik Ordførar Helge Andre Njåstad Olav Jarnes Edvard Johs. Stangeland Kurt Frank Liv Bente F. Storebø Ingrid Møgster Kai Eliassen Jostein Blænes
Sakliste Sak nr Tittel 056/15 Godkjenning av møtebok 057/15 Politisk kvarter 058/15 Referatsaker 059/15 Rekneskapsrapportar 2015 - Juli 060/15 Finansforvaltning, status pr 30.06.2015 062/15 Rapport for sjukefråvær 1. kvartal 2015 061/15 Budsjettramme for Austevoll ungdomsskule - 2015 063/15 Sekretariat for kontrollutvalet 064/15 Gnr. 40 bnr. 0002 og Gnr.41 bnr. 0005 Haugland. Søknad om refusjon av oppstartsgebyr. 065/15 Kommunestyrevalet og fylkestingsvalet 2015 - løn og godtgjeringar 066/15 Søknad om tillatelse til akvakultur av tare på lokaliteten Stegavåg - Austevoll Seaweed Farm AS 067/15 Søknad om løyve til sal av alkohol
056/15: Godkjenning av møtebok Møteboka frå møte i formannskapet 08.06.2015 vert godkjent slik ho ligg føre. 057/15: Politisk kvarter Spørsmål frå Liv Bente Storebø, Høgre: 1. Vaksenopplæringa har stort meirforbruk mot budsjett på sitt område. Me har blitt fortalt at det no er grupper som skulle hatt norskundervisning som ikkje får dette tilbodet grunna pengemangel, stemmer det? 2. Parkeringsplassen til gravplassen på Veivåg ser ut som ein anleggsplass, og store delar av plassen kan ikkje brukast til parkering, med den konsekvens at bilar står parkert langsetter vegen. Det er lagre tømmer på plassen, ikkje så mykje tømmer igjen no som det var tidlegare, men der det har vore tømmer ser det ikkje ut, og ein kan ikkje parkere der utan å søle seg til. Har kommunen gitt løyve til at parkeringsplassen kan brukast til oppbevaring av tømmer? Er det krevd opprydning av entreprenør? Om så, blir det fylgd opp, seinast forrige torsdag var det kaos der i ei gravferd med mykje folk. 3. Kan me få status på vegutfordringa til Austevoll fiskerihamn? Er ein komen lenger med kven som tar kostnaden? 4. Kan me få løypemelding på forholda rundt bygging av Storebø skule? a) Er framdrifta på bygginga etter planen? b) Er planen for uteområda ferdig, kva løysingar blir det? c) Trafikksikring i og ikring skulen, samt trafikkfarleg skuleveg, korleis ligg me an på løysingar her? d) Er det andre forhold som me bør vita om, som eg ikkje har nevnt ovanfor? 5. Er ein komen nokon veg med prosessen rundt kva arbeidsoppgaver tidlegare rektor på ungdomsskulen skal ha? 1. Svar frå rådmannen: Kan ikkje gje svar på dette i dag, må koma tilbake til saka. 2. Svar frå rådmannen: Det er ikkje kommunen som har gjeve løyve til oppbevaring av tømmer på parkeringsplassen ved gravplassen på Veivåg. Kommunen har teke saka opp med entreprenør når det gjeld opprydding etter uttak av tømmer. Det gjeld stort sett over heile kommunen at det ikkje er rydda opp etter tømmerhogsten. Til ein viss grad må ein rekne med spor etter uttak av tømmer, men det er miljøkrav forbunde med dette. Kommunen har og vore i kontakt med kommunen sin forvalter når det gjelder skogsdrift og har bestilt gjennomgang av saka. Førebels ikkje fått tilbakemelding. Tilleggsspørsmål frå Ingrid Møgster, Ap: Er det grunneigar eller entreprenør som har ansvar for opprydding etter uttak av tømmer.
Svar frå rådmannen: Både grunneigar og entreprenør har eit ansvar. Det er miljøkrav for bruk av anleggsmaskinar og uttak av skog. Skal følgje opp saka. 3. Svar frå ordføraren: Kostnader for vegen spelt inn til statsbudsjettet. Det er framleis inga avklaring på kven som skal ta kostnaden. Kystverket skal vere ferdig med arbeidet til jul. Haster med å få på plass avtale om veg. 4. Svar frå ordføraren: a) Ja, bygginga er à jour i forhold til justert framdriftsplan. Nybygget som erstattar norstrandbygget, vil vera innflytningsklart ved månadsskiftet september oktober, og skulen skal vera ferdigstilt innan skulestart 2016. b) Arbeidsgruppa som består av tilsette og elevar frå begge skular, arbeidar med dette. Ballbinga er no rusta opp. Plan for resten av uteområdet jobbar arbeidsgruppa med enda. c) Det er ei eiga arbeidsgruppe som jobbar med dette. Arbeidsgruppa består medlemmar frå begge skular, samt statens vegvesen. 5. Svar frå rådmannen: Prosessen rundt eventuelle arbeidsoppgåver for tidlegare rektor ved ungdomsskulen er ikkje klar. Kommunalsjef for oppvekst og helse orienterte om samanslåing Selbjørn og Kolbeinsvik skule og oppstart i haust og stoda på ungdomsskulen. Vert lagt ved møteboka. 058/15: Referatsaker Meldingane vert tekne til etterretning slik dei ligg føre. 059/15: Rekneskapsrapportar 2015 Juli Austevoll kommunestyre tek rekneskapsrapport for juli til orientering.
060/15: Finansforvaltning, status pr 30.06.2015 Austevoll kommunestyre tek rapport om finansforvaltning pr 30.06.2015 til orientering 061/15: Budsjettramme for Austevoll ungdomsskule - 2015 Tilleggsframlegg frå Frp, Sp og Krf v/helge Andre Njåstad: Tillegg til framlegg etter første setning, "slik at det vert rom for to lærarar og ein assistent ut budsjettåret, samt musikal". Austevoll formannskap forventar at det vert gjort grundige gjennomgangar i løpet av hausten og i budsjettframlegg, slik at ein unngår liknande overforbruk i budsjett 2016. Austevoll formannskap gjer vedtak ihht kommunelovas 13 (hasteparagrafen). Det vart først røysta over rådmannen si tilråding som vart samrøystes vedteke. Deretter vart det røysta over tilleggsframlegget frå Helge Andre Njåstad som vart samrøystes vedteke. Austevoll kommunestyre vedtek at Austevoll ungdomsskule skal tilførast kr 2.6 millionar for budsjettåret 2015, slik at det vert rom for to lærarar og ein assistent ut budsjettåret, samt musikal. Midlane skal takast frå ekstraløyving i rammetilskotet med kr 1.1 millionar. Resterande beløp på kr 1.5 millionar blir finansiert med estimert ekstra skatteinngong. Austevoll formannskap forventar at det vert gjort grundige gjennomgangar i løpet av hausten og i budsjettframlegg, slik at ein unngår liknande overforbruk i budsjett 2016. Austevoll formannskap gjer vedtak ihht kommunelovas 13 (hasteparagrafen). 062/15: Rapport for sjukefråvær 1. kvartal 2015 Rapport for sjukefråvær for 1. kvartal 2015 vert teke til orientering. 063/15: Sekretariat for kontrollutvalet Framlegg frå Høgre v/liv Bente F. Storebø: Pkt. 2 i tilrådinga frå rådmannen: Rådmannen får fullmakt til å gjennomføra anbod etter Lov om offentlege anskaffingar.
Det vart røysta over rådmannen si tilråding og framlegget frå Liv Bente Storebø. Rådmannen si tilråding vart vedteke med 7 røyster (Renate Møgster Klepsvik, Helge Andre Njåstad, Olav Jarnes og Jostein Blænes Frp, Edvard Johannes Stangeland Sp, Ingrid Møgster Ap og Kai Eliassen Krf) mot 2 røyster for Liv Bente Storebø sitt framlegg (Liv Bente Storebø og Kurt Frank H). Austevoll kommunestyre ber primært om at rådmannen søkjer å etablera samarbeid med ein eller fleire nabokommunar om sekretariatsteneste for Kontrollutvalet. Dersom ein slik modell ikkje kan realiserast får rådmannen fullmakt til å gjennomføra anbod etter Lov om offentlege anskaffingar. 064/15: Gnr. 40 bnr. 0002 og Gnr.41 bnr. 0005 Haugland. Søknad om refusjon av oppstartsgebyr. Austevoll formannskap refunderer ikkje oppstartsgebyret til tiltakshavar. 065/15: Kommunestyrevalet og fylkestingsvalet 2015 - løn og godtgjeringar Austevoll formannskap vedtek at medlemer av valstyret og valfunksjonærane får ei godtgjering og vert løna med kr. 230,- pr. time etter medgått arbeidstid og med tillegg av overtidsbetaling etter gjeldande satsar. 066/15: Søknad om tillatelse til akvakultur av tare på lokaliteten Stegavåg - Austevoll Seaweed Farm AS Austevoll kommune har vurdert søknaden frå Austevoll Seaweed Farm AS om løyve til å utvida akvakultur av tre nye tare artar, butare, blæretare og søl på lokalitet Stegavåg i Austevoll kommune. Austevoll kommune vil etter ei heilhetsvurdering tilrå søknaden. Anlegget er plassert i område for akvakultur i kommuneplanen, løyve av 06.08.14 på 20 dekar. 067/15: Søknad om løyve til sal av alkohol
1. Austevoll kommunestyre gjev løyve til sal av øl med lågare alkoholinnhald enn 4,76 volumprosent til følgjande personar: Marianne Horseng Skogseth med stedfortredar Mareno Skogseth for Rimi Storebø Austevoll Dagligvare AS. 2. Løyvet gjeld fram til 30. juni 2016. 3. Salstidene for løyvet vert: Måndag til fredag frå kl. 0900 til kl. 2000. Laurdag frå kl. 0900 til kl. 1800. 4. Kommunestyret føreset at styrar og avløysar har avlagt kunnskapsprøve om alkohollovgjevinga. Dersom dette ikkje er gjennomført må styrar/avløysar avlegge kunnskapsprøve om alkohollovgjevinga innan 30.11.2015. 5. Kommunestyret føreset at løyvet vert dreve i samsvar med lover, forskrift og kommunale vedtekter. Kommunestyret kan dra løyvet inn dersom kontrollverksemda avdekkar avvik. 6. Kommunestyret føreset at forfalt alkoholavgift og andre skatter og avgifter til ei kvar tid er betalt.