Inneklima Ølve skule: I utgreiinga om skulestrukturen, side 25, står det følgjande: Miljøretta helsevern har ikkje avdekka avvik ved skulen i 2012. Hatlestrand skule: I utgreiinga finn me ikkje at det står noko om at miljøretta helsevern eventuelt har avdekka avvik. Det vart difor bede om kopi av dokument som viser kva miljøretta helsevern eventuelt har funne på denne skulen. Etter siste purring pr 26. november, kom omsider kopi av fleire avvik ved Hatlestrand skule. 27. november 2006 27. november 2006 gjorde Miljøretta helsevern følgjande vedtak vedk Hatlestrand skule: 1. Oppvekstsenteret må etablere eit internkontrollsystem som sikrar og dokumenterer at krav i "Forskrift om miljørettet helsevern i barnehager og skoler m.v." blir følgd. 2. Ein oppfyller ikkje krav til tilfredsstillande inneklima, herunder luftkvalitet. Ein viser til vedlagt avviksskjema som vart sendt med tilsynsrapporten datert 20.10.06. 20. oktober 2006 I tilsynsrapporten av 20.10.06 finn ein m.a. følgjande: Avviksframstilling: Hatlestarnd Oppvekstsenter oppfyller ikkje krav til tilfredsstillande inneklima, herunder luftkvalitet. 3. april 2008 3. april 2008 finn me m.a. følgjande avvik i skriv frå Miljøretta helsevern: Hatlestarnd Oppvekstsenter oppfyller ikkje krav til tilfredsstillande inneklima, herunder luftkvalitet. 21. mai 2012 21. mai 2012 skriv Miljøretta helsevern m.a. følgjande ut frå synfaring:
Verksemdsleiar opplyste under synfaringa at skulen har taklekkasje. Taklekkasjene har pågått over lengre tid. Observasjonar som vart gjort på synfaringa stadfester verksemdsleiar sin omtale om at det er taklekkasjar på skulen. I eit klasserom dryppa det vatn ned i ein boks som var plassert der, og vi såg heilt tydeleg at veggen hadde fuktskade. Vidare hadde takplater i sløydsalen synleg oppvekst av muggsopp. Det må utførast ei grundig undersøking der omfanget av taklekkasjane vert kartlagde. Alt fuktskada materiale må fjernast og erstattast med nytt, alle lekkasjar må avdekkast og tettast. Viser til rettleiaren til Forskrift om miljørettet helsevern i barnehager og skoler m.v. 13 Rengjøring og vedlikehold: Ytre vedlikehold av bygningers tak, vegger, vinduer og sokkel: Skader må utbedres raskt da utvendige skader kan føre til at fukt trenger inn i bygningen som igjen kan gi fare forforringelse av inneklimaet ved at mikroorganismer gis gode vekstvilkår. Det vart observert noko høgt støynivå frå ventilasjonsanlegget i klasseromma. På bakgrunn av våre observarsjonar og foreliggande opplysningar vert det vurdert slik at vasslekkasjane i undervisningsromma er av ein slik karakter at elevar kan utsettast for negative helseeffekter av å opphalda seg der. Miljøretta helsevern varsla i same skriv slikt vedtak: 1. Å utføra tiltak slik at skulen kan gjennomføre eit hygienisk tilfredsstillande reinhald. 2. Å utføra tiltak for å førebyggje ulukke i teknisk rom. 3. Å utføra tiltak slik at skulen får eit tilfredsstillande inneklima. 4. Å kunne dokumentere at gjeldande støykrav er overhalde. Tiltak må gjennomførast snarast og innan 14.09.12. 7. juni 2012 Miljøretta helsevern skriv 7. juni 2012 til Hatlestrand skule om radonmåling i 7 av romma. I 3 av desse 7 romma er det funne radon frå 112 til 400 Bq/m3, som overskrid grensene. M.a. står det følgjande i skrivet frå Miljøretta helsevern: På bakgrunn av Statens strålevern si tiltaksgrense på 100 Bq/m3 og maksimumsgrense på 200 Bq/m3, må det gjerast tiltak for å få ned verdiane. I vedtaket vert skulen pålagt tiltak, med gjennomføringsfrist 14. desember 2012. 19. juni 2012
Miljøretta helsevern skriv 19. juni 2012 til Hatlestrand skule og tek opp det som var påpeika i varsel om vedtak i skrivet av 21. mai (varselet om vedtak) om muggsopp, fuktskader, taklekkasjar over lengre tid, støy frå ventilasjonsanlegget, radon, forringelse av inneklimaet og ikkje tilfredsstillande inneklima. Hatlestrand skule har tydelegvis ikkje reagert og retta avvik, fordi det varsla vedtaket vert no gjort: Miljøretta helsevern gjer så følgjande vedtak: Med delegert myndigheit og med heimel i Forskrift om miljørettet helsevern i barnehager og skoler m.v. 26 og Lov om Folkehelsearbeid av 01. januar 2012 9 og 14 blir Hatlestrand skule pålagt: 1. Å utføra tiltak slik at skulen kan gjennomføre eit hygienisk tilfredsstillande reinhald. 2. Å utføra tiltak for å førebyggje ulukke i teknisk rom. 3. Å utføra tiltak slik at skulen får eit tilfredsstillande inneklima. 4. Å kunne dokumentere at gjeldande støykrav er overhalde. Tiltak må gjennomførast snarast og innan 14.09.12. 22. juni 2012 Skriv frå Miljøretta helsevern av 22. juni 2012 om radon. Det vart gjort følgjande vedtak: Vedtak: Med delegert myndigheit og med heimel i Forskrift om miljørettet helsevern i barnehager og skoler m.v. 26 og Lov om Folkehelsearbeid av 01. januar 2012 9 og 14 blir Hatlestrand skule pålagt: 1. Dersom skulen har styrt/variabel ventilasjon må det gjennomførast korttidsmåling som grunnlag for radonreduserande tiltak, for å redusere radonnivåa i romma. Det bør også vurderast å setja i verk tiltak ved radonnivå under tiltaksgrensa på 100 Bq/m³ dersom det med enkle tiltak er mogleg å redusera radonkonsentrasjonen. 2. Etter at tiltak er utført må det gjennomførast ny langtidsmåling. For ventilasjonstiltak som for eksempel endra tidsstyring av ventilasjonsanlegget, kan ein vurdera at det held med å gjera nye korttidsmålingar. Tiltak må gjennomførast innan 14.12.12. Hatlestrand skule har svart på varsel om vedtak i epost av 04.06.12 til Miljøretta helsevern. Denne eposten har me ikkje fått innsyn i trass i at det er bede om innsyn i alle dokument.
Oppsummering Ved Hatlestrand skule er det ikkje berre nokre enkeltståande avvik som berre har skjedd ein gong. Det er eit mønster av avvik over fleire år som viser at inneklima ikkje er prioritert. Langvarig taklekkasje med muggsopp og fuktskader er døme på at dette er den forventa normaltilstanden. Hatlestrand skule har i fleire år hatt eit ikkje tilfredsstillande inneklima. Det går fram av kommunen sine eigne dokument v/miljøretta helsevern. Miljøretta helsevern meiner også at elevane kan utsetjast for negative helseeffektar av å opphalda seg i klasseromma. Opplæringslova seier følgjande i 9a-1: Alle elevar i grunnskolar og vidaregåande skolar har rett til eit godt fysisk og psykososialt miljø som fremjar helse, trivsel og læring. Kommunen sine fagfolk på inneklima har sagt at for Hatlestrand skule er det ikkje eit fysisk miljø som fremjar helse, slik lova her krev. Opplæringslova seier følgjande i 9a-2, 1. og 2. ledd: «9a-2. Det fysiske miljøet Skolane skal planleggjast, byggjast, tilretteleggjast og drivast slik at det blir teke omsyn til tryggleiken, helsa, trivselen og læringa til elevane. Det fysiske miljøet i skolen skal vere i samsvar med dei faglege normene som fagmyndigheitene til kvar tid anbefaler. Dersom enkelte miljøtilhøve avvik frå desse normene, må skolen kunne dokumentere at miljøet likevel har tilfredsstillande verknad for helsa, trivselen og læringa til elevane. «Kor er dokumentasjonen som er nemnt i 2. ledd? I utgreiinga om skulestruktur side 7 står det at endringar i skulestrukturen vil vera «til det beste for barn i kommunen, då det sikrar ressursgrunnlaget for grunnskulen, og dermed det lovmessige og kvaliteten i tilbodet for barn i grunnskulealder.» Korleis er det til det beste for skuleborn frå Ølve å bli flytta frå Ølve skule (som ikkje hadde avvik mht inneklima i 2012), til Hatlestrand skule (som over fleire år har hatt fleire avvik) og som Miljøretta helsevern seier «oppfyller ikkje krav til tilfredsstillande inneklima, herunder luftkvalitet.? Er det i samsvar med opplæringslova 9a-1 og 9a-2 å flytta elevar frå ein skule med godt inneklima til ein skule med ikkje tilfredsstillande inneklima?