Hardangerrådet RÅDSMEDLEMMENE OG LEIAR I RÅDMANNSFORUM INNKALLING TIL RÅDSMØTE Dato: Torsdag 04.10.2012 Tid: 10.00 15.00 Stad: Rådhuset i Odda Møteplanen i Hardangerrådet IKS godkjent 10.11.2011 gjeld som møteinnkalling. Agenda:. Klokka 10.00 Sakshandsaming Hardangerådet. Klokka 12.30 Lunsj Klokka 13.15 Møte med Skyss. Klokka 15.00 Mogeleg vidare sakshandsaming Til sakshandsaming i Regionrådet: HR-sak 44/12 Meldingar (utdelt på møtet) HR-sak 45/12 Kvam Transformatorstasjon. Høyringsuttale til NVE. HR-sak 46/12 Regional Planstrategi Hordaland Fylkeskommune. Høyringsuttale HR-sak 47/12 Samferdselsplan for Hardanger 2014-2023 Del 4. HR-sak 48/12 Hardanger 2014. Fullmakt. HR-sak 49/12 Orienterings- og drøftingssaker: Stemmerettsjubileet og Grunnlovsjubileet Hordaland Hardinglaget i Oslo 100 år. Regionalt Forskingsfond HR-sak 47/12 Nasjonal Turistveg Hardanger. Søknad om forskottering. Mogelege andre saker melde til eller i møtet. Kinsarvik 27.09.2012 Forfall må meldast Hardangerrådet v/trude Rinaldo tlf 53 67 14 50 Varamedlemmene møter etter særskild innkalling. Ingebjørg Winjum/s Rådsordførar/s Leiv Vambheim Dagleg leiar
Kvam Transformatorstasjon. Høyringsuttale til NVE. Møtedato 04.10.2012 Saksansvarleg Leiv Vambheim HR-sak 45/12 Kvam Transformatorstasjon. Høyringsuttale til NVE. Saksvedlegg: Brev frå Statnett av 20.08.2012 Sakstilfang: Søknaden til NVE frå Statnett Saksutgreiing: Olje og energidepartementet har pålagt Statnett å søkja NVE om konsesjon for ein transformatorstasjon i Øysteseområdet i Kvam herad i samband med vedtaket om ny 420 kv kraftline gjennom Hardanger. Ein transformatorstasjon i dette området vil gjera det mogeleg å riva store deler av 132 kv BKK-lina mellom Samnanger og Norheimsund og leggja til rette for meir fornybar kraftproduksjon i området. Det er to alternative plasseringar: Tokagjel og Kjosås/Stuve. KK Nett har søkt om å få oppgradera denne lina. NVE har sendt søknaden ut på høyring der mellom andre Hardangerrådet er høyringspart. Høyringsfristen er 1. oktober. Den når me ikkje, men gjev uttale likevel og reknar med å bli høyrde. Vurdering: Eg la dette fram som melding å HR-møtet 14.09.12. I møtet med Statnett og kraftselskapa same dagen kom det fram at Hardanger må la seg høyra og vera tydeleg på korleis ein ser denne transformatorstasjonen. Derfor tek eg dette opp som sak. Eg har samordna denne uttalen med Kvam herad. Ein ny transformatorstasjon i dette området vil ha fleire positive effektar for regionene. Det viktigaste er nok at ein slik stasjon vil opna for at det kan byggjast fleire småkraftverk i området og at dei kan få produksjonen sin inn på lokal og sentralnettet. Vidare å kan ein riva ei linegate mellom Kvam og Samnanger og det vil totalt redusera naturinngrepa i området. Å byggja denne stasjonen er kostbart og det kan vera at NVE vurderer kost/nye og kjem til at stasjonen ikkje får konsesjon. Derfor er det viktig at dei som ser denne stasjonen som ei framtidssatsing no må gje uttale. Hardangerrådet har vore delaktiv i Kraftlinesaka frå starten av, og eg tilrår Hardangerrådet å gje uttale. Framlegg til vedtak. Hardangerrådet ICs er regionråd for dei 7 Hardangerkommunane og gjev med dette høyringsuttale til Kvam Transformatorstasjon som høyringsinstans: Hardangerrådet meiner at Kvam Transformatorstasjon må byggjast som del av etableringa av 420 kv-leidningen Sima Samnanger. Hardangerrådet tilrår lokalisering til Tåka gjelet. Det viktigaste for Hardangerrådet i denne saka er at denne stasjonen vil ha danna grunnlag for å løysa ut småkraftproduksjon i området og slik bidra til verdiskaping i Hardanger. Hardangerrådet legg også vekt på at ved å byggja ny trafostasjon så kan ein riva den gamle 132 kv lina til BKK Nett og slik redusera det totale naturinngrepet i Kvamskogen sitt bruksområde for ferie og fritid. Hardangerrådet viser til meir detaljert uttale frå Kvam herad.
Kopi frå protokoll formannskapet 25. september 2012. 056/12: STATNETT SF. KONSESJONSSØKNAD KVAM TRANSFORMATORSTASJON - HØYRINGSUTTALE FRÅ KVAM HERAD FSK-056/12 Tilråding: Kvam støttar søknaden til Statnett om å prioritere lokaliteten på Tokagjelet framfor lokaliteten Kjosås/Stuve, når det no vert søkt om konsesjon for Kvam transformatorstasjon. Det vil etter Kvam heradsstyre sitt syn vera svært positivt og eit viktig miljøtiltak at 132 kvlinja over Kvamskogen vert sanert, og plassering av Kvam trafostasjon i Tokagjel vil også gi ubetydeleg omlegging av trase på 420 kv linja. Ny 420kV trafostasjon vil gje auka forsyningssikkerheit til området og det blir etablert ein god kapasitet til å ta imot ny kraftproduksjon. Kvam herad føreset at arbeidet med transformatorstasjon vert gjort så skånsamt som mogeleg, og at infrastruktur og transformatorstasjon vert best mogeleg tilpassa terreng og omgjevnader. Det skal leggjast til rette for rask tilplanting av skråningar og andre område der vegetasjonen vert endra/ fjerna under anleggs- og byggeperioden. Kvam herad ser på løysinga med vinterbrøytt veg i frå Tokagjelet og ned mot Nyasete og fram til Kvam transformatorstasjon, som den beste løysinga for tilgjenge til transformatorstasjonen. Kvam herad legg til grunn at vegen vert stengt med bom på vinterstid for alle andre enn dei som skal drive med vedlikehald og drift av transformatorstasjonen. Bommen skal setjast opp ved enden av eksisterande hyttefelt, om lag ved gnr/bnr 19/651 og gnr/bnr 19/658. Kvam herad ber om at mogelege overskotsmassar frå etableringa av Kvam transformatorstasjon vert nytta til opparbeiding og utbetring av gang- og sykkelvegssystemet på Kvamskogen, og at dette vert teke inn som ein del av konsesjonen at overskotsmassar skal nyttast til samfunnsnyttige føremål.
Regional Planstrategi Hordaland Fylkeskommune. Høyringsuttale Møtedato 04.10.2012 Saksansvarleg Leiv Vambheim HR-sak 46/12 Saksvedlegg: Regional Planstrategi Hordaland Fylkeskommune. Høyringsuttale Høyringsbrev av 29.08.2012 frå Hordaland Fylkeskommune. Saksutgreiing og vurdering: Fylkestinget vedtok 13.desember 2011 oppstart av arbeidet med Regional planstrategi for Hordaland 2012 2016. Planstrategi skal utarbeidast kvar valperiode og vedtakast av fylkestinget innan eit år etter konstituering. Arbeidet har vore styrt av ei politisk styringsgruppe, leia av fylkesordførar. Arbeid med fylgjande plantema vert føreslått starta opp i perioden Kompetanse og arbeidskraft Landskap, grønstruktur, og regionalt viktige friluftsområde Regional plan for ferjefri E39 Aksdal-Bergen Utviklingsplan for Indre Hordaland Klimaplan- skal del-rullerast med hovudvekt på energi-og klimatilpassing Kystsoneplanen skal vurderast behov for rullering når Sunnhordlandsplanen er ferdig Når regional plan for kompetanse og arbeidskraft er ferdig, vil alle delområda i den tidlegare Fylkesplan for Hordaland vere reviderte. Fylkesplan vil då ikkje lengre vera gjeldande. Dette er ein plan for dei komande planane og slik svært viktig for korleis Hordaland Fylke skal arbeida og prioritera dei komande 4 åra. Eit par viktige moment. Hardanger og Voss vil få eigen Utviklingsplan for Indre Hordaland og det kan verta svært viktig for korleis me kan styra vår eiga utvikling. Regional plan for E 39 Aksdal Bergen må ha med seg både hovudtrasear, men også ha med seg vurderingar av verdien for tilstøytande område og nødevendige tilførselsvegar. Planen dekkjer dei viktigaste tema for regionale utfordringar, men har også nokre manglar: Satsinga i Hardanger på at ungdomen skal medverka i utforminga på eige framtid må også nedfellast i dei fylkeskommunale planane. For Hardanger er Reiselivet ei av dei største næringane og eg tilrår at ein av dei nye planane vert Reiselivsplan for Hordland. Framlegg til vedtak. Hardangerrådet ICs viser til høyringsframlegg til Regional Planstrategi 2012 2016 for Hordaland Fylke og gjev slik uttale: Hardangerådet iks støttar i hovudsak dei områda som skal arbeidast med og måten det skal arbeidast på, men vil peika på følgjande: Hardanger og Voss vil få eigen Utviklingsplan for Indre Hordaland og må innrettast slik at regionen kan medverka til å styra si eiga utvikling. Regional plan for E 39 Aksdal Bergen må omtala ulike hovudtrasear, men også ha med seg vurderingar av verdien for tilstøytande område og nødvendige tilførselsvegar. Både i arbeidet med Utviklingsplan for indre delar av Hordaland og i Regional plan for E39 må kommunikasjon mellom Hardanger og Bergen, verta eit hovudtema. Dette
er viktig for å utvikla Byen Bergen austover og knyta Regionen Hardanger opp i mot ein større arbeidsmarknad i Bergensområdet. Satsinga i Hardanger på at ungdomen skal medverka i utforminga på eige framtid må også nedfellast i dei 6 fylkeskommunale planane. For Hardanger og Bergensområdet er Reiselivet ei framtidsnæringane, samt at det no vert satsa på reiseliv i Sunnhordland. Hardangerrådet tilrår at ein av dei nye planane vert Reiselivsplan for Hordaland eller at Reiseliv vert eit tema i alle dei 6 føreslegne planane. Lista inneheld sentrale dokument som det er referert til eller sitert frå i saksframstillinga: Regional planstrategi for Hordaland 2012-2016. Høyringsutkast. Avsendar Hordaland fylkeskommune, journalid 12/14851 http://www.kvam.kommune.no/innsyn6/wfdocument.aspx?journalpostid=2012014851&dokid=403250&versjon=1&variant=p&ct=ra-pdf For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket. http://www.kvam.no/innsyn6/wfinnsyn.aspx?response=journalpost_sok&simple=false x
Samferdselsplan for Hardanger 2014-2023 Del 4. Møtedato 04.10.2012 Saksansvarleg Leiv Vambheim HR-sak 47/12 Samferdselsplan for Hardanger 2014-2023 Del 4. Saksvedlegg: Samferdselsplan for Hardanger del 3 til kontroll. Saksutgreiing: Korrigering del 3. På siste møte i Hardangerrådet der Samferdselsplan for Hardanger var opp til drøfting og vedtak konsentrerte rådet seg om del 3, Prioriteringsliste for vegar.. Det vart gjort nokre endringar i møtet, men grunna datafeil, er eg usikker på om eg har fått med dei endelege prioriteringane. Eg har fått nokre korrigeringar, men legg fram att lista til dykk for godkjenning. Ny Del 4. Kollektivtransport. På Hardangerrådsmøtet 14.09.12 vart det vedteke at Samferdselsplan for Hardanger også skulle ha ein del 4 som peika på andre samferdselsprioriteringar i Hardangerrådet. Eg oppfatta det som at Rådet då ville gje uttale til Kollektivtransport som buss, båt, ferje, jernbane. Eg har derfor forfatta eit forslag som de kan vurdera. Det kan høve godt å ha dette på møtet 04.12.12 sida me etter HR-møtet skal ha møte med Skyss, primært med fokus på satsinga etter Hardangerbrua/Folgefonntunnelen, men andre tema kan fremjast. Eg minner om at følgjande er spela inn til Hordaland Fylkeskommune i samband med RTP Hordaland: Hardangerådet er samd i: Strukturen som dokumentet legg opp til med Overordna rutestruktur, Regional knutepunkt i regionsentra og lokale knutepunkt i kommunesentra og ved strategiske andre punkt samt skulerute og alternativ ruteproduksjon som tingingsruter og «byruter». Vidare utvikling av tingingsruter og bruk av KID- ordninga Tilrettelegging av kollektivtilbodet til reiselivet. Hardangerrådet ber Hordaland Fylkeskommune om å ta inn slik endringar: Tabellar med rutetider Odda Norheimsund Bergen må få inn alternativ reisetid via Jondalstunnelen, då dette vil vera eit nytt tilbod med endra reisemønster som må synleggjerast i eit plandokument som Regional transportplan. Etablering av eit regionalt knutepunkt, ikkje eit lokalt knutepunkt, ved Hardangerbrua. Flytting av knutepunkt Seljestad til Jøsendal X E134 X Rv 13. Pkt 5.4.3. Fylkeskommunen skal leggja til rette for utvikling av rutetilbod som kan vera interessante i reiselivssamanheng. Slik tilbod kan vera kommersielle ruter men også vera ei kopling mellom fylkeskommunen si kollektivsatsing og reiselivet sine behov. Slik tener dei både Hordalandsbuarar og turistar. Hardangerrådet viser til punkt om reiseliv og forventar at «Turistruta på Hardangerfjorden» vert ei rute i sommersesongen som har start og stopp på Lofthus slik at ruta også er eit alternativ til fastbuande og turistar som bur i Hardanger og vil dagsvitja Bergen. Tabellar med rutetider Odda Norheimsund Bergen må få inn alternativ reisetid via Jondalstunnelen, då dette vil vera eit nytt tilbod med endra reisemønster som må synleggjerast i eit plandokument som Regional transportplan. Framlegg til vedtak. DEL 4 Samferdselsplan for Hardanger, Kollektivstrategi frå Hardangerrådet iks vedteken 04.10.2012 Generelt. Dei 7 kommunane som utgjer regionen Hardanger har ei lang soge og ein grunnleggjande kulturell identitet. Utfordringa i regionen er avstandar og høve til å møtast og samhandla. Siste 10-åra er privatbilen vorte hovudløysinga for hardingar til å koma saman. No vil det kunna endra seg. Etter nye samferdselsløysingar i Hardanger som Folgefonntunnelen, Kvammapakken, Vossapakken og Hardangerbrua skaper ein heilt ny kollektivsituasjon for
regionen. Det er derfor viktig at ein nyttar ny rutestruktur til igjen å skapa kollektivreiser i/til/frå Hardanger. Hardangerrådet viser til uttale til RTP Hordaland og understekar: Regionsentra Odda, Kvam og Voss må vera samferdselsknutepunkt i regionen. Rutestrukturen i Hardanger/Voss må vera i same «sone», slik at kommunikasjonen mellom kommunane i regionen opnar for samvær. Tabellane for ytre og indre deler av Hardanger må hanga saman. Det må vera høve til å reisa kollektivt frå 06.00 til 24.00 for å nytta tilboda i regionen på tvers av kommunegrensene. Buss: Kollektivstrukturen må etablerast med langruter og materuter. Det må etablerast ein Ringbuss Hardanger med hovudknutepunkt. Hurtigbåt: «Turistbåten» på Hardangerfjorden med start og stopp på Lofthus er viktig for intern kommunikasjon i Hardanger og tilkomst til/frå Bergen. Ferjer: Ferja Jondal - Tørvikbygd skal ha 2 ferjer og nattferje Ingen ferjer ha «kjellarsalong». Ferjetilbodet Kinsarvik- Utne Kvanndal skal ha seglingstider tilpassa pendling og kollektivtransport og oppretthalda frekvens og materiell. Jernbane: Bergensbanen får reisetid Bergen Oslo på 4t og 15 min. Vossebanen er regiontrafikk i Bergensområdet og Hardanger. Haukelibanen utløyser Høghastigheits jernbane og raske samband Oslo Stavanger/Haugesund/Bergen.
Del 3 Strekningsvise vegprioriteringar vedteke i Hardangerrådet 14.09.2012 Tabell 1 Prioriterte tiltak langs Riksveg E 134 Tiltak/stad Kommune P R I Stamvegar 1 2 3 Merknad E134 Grostøl Røldal Odda X Tunnelar E134 Røldal Vågslid Odda X Tunnelar Tabell 2 Prioriterte tiltak langs Riksveg 13 Strekninga Jøsendal Voss grense. Tiltak/stad Rv13 (Fjordvegen) Kommune P R I 1 2 3 Merknad Rv 13 Brattlandsdalen Odda/grense Suldal X Langs Røldalsvatnet Oddadalen Odda X Planarbeid Oddapakken i første del av planperioden. Smelteverkspassasjen Odda X Oddapakken Freim Skogen Odda X Flaskehalsutbetring Fresvik - Sandstå Ullensvang X Planar klare-fullføring Kinsarvik Ullensvang X Ferjekai Kinsarvik - Berget Ullensvang X Planar klare Fullføring Joberget Granvinsvatn Granvin X Utviding av Vossapakken Tabell 3 Prioriterte tiltak langs Riksveg 7 (+ E 16) Tiltak/stad Rv7 Kommune P R I 1 2 3 Merknad Hardangervidda Eidfjord X Planlegging Hardangerviddatunnel Høl Leiro Eidfjord X Planarbeid ferdig Finnasteinflaten Eidfjord X Plan oppdaterast Tunnel Eidfjord Øvre E Eidfjord X Opprusting Arnatunnelen E 16 Bergen X Gir Bergen kortare veg til Hardanger Tabell 4 Prioriterte Tiltak på Fylkesveg 7 Tiltak/stad Fv7 Kommune Fv 7 Granvin Trengereid Granvin-Kvam-Samnanger- Bergen P R I 1 2 3 Merknad X Avlastningsveg for E 16 Voss Trengreid Riksvegstatus Kjælandskrysset Granvin X Kvammapakken Bostippen Kvam X Kvammapakken Steinstøberget Kvam X Kvammapakken Skarpasvingen Øystese Kvam X Kvammapakken Omlegging til Håfjellstunnelen Nes Norheimsund Kvam X Kvammapakken. Kvamskogen Kvam X Kvammapakken Hardangertunnelen Kvam X Utgreiingsarbeid er i gang.
Tabell 5 Prioriterte tiltak langs resterande Fylkesvegar Tiltak/stad Resterande Riksvegar Kommune P R I 1 2 3 Merknad Fv48 Mundheim-Fusa gr. Kvam X Planarbeid i gang Fv49 Lingaparsellen Kvam X Kvammapakken Fv 49 Vikøy Norheimsund Kvam X Kvammapakken Fv520 Håradalen-Sauda Odda X Turistveg Ryfylke Fv550 Egne Hjem Odda X Plan klar Fv550 Ednaparsellen Odda X Plan klar Fv550 Utne-Herand Ullensvang/Jondal X Planar klare 10 tonns akseltrykk og 18,75 m vogntoglengde Fv 550 Jondal Jondal X Ferjekai Fv105 Jondal-Krossdalen Jondal X Oppgradering Planar under utarbeiding Fv108 Kinsarvik-Huse Ullensvang X Fv128 Steinsdalsf-NorhY Kvam X Fv130 Tolomarka Kvam X Oppgradering nødvendig Fv131 Øystese-Fyksesund Kvam Øystese X Fitjadalen X Ulvik X Omlegging ved Gartnarskulen pri 1 og ferdig regulert. Fv 301 Lekve Rondestveit Fv 572 Brakanes-Holven Ulvik X Oppgradering. Alternativ omkøyring Vallaviktunnel ALLE X 10tonns akseltrykk Tabell 6 Prioriterte tiltak på Gang/sykkelvegar Tiltak/stad Gang/Sykkelveg Kommune P R I 1 2 3 Merknad Rv 7 Eidfjord Øvre Eidfjord X Plan til høyring Eidfjord Fv7 N.heim.s Øystese Kvam X Kvammapakken.. Fv 49 Vikøy Aksnes Kvam X Planarbeid oppstarta Fv 49 N.h.sund-Vikøy Kvam X Kvammapakken Fv103 Eidfjord-Simadal Eidfjord X Gang og sykkleveg Fv 107 Sætveit- Jo. sentr Jondal X Planar under arbeid Fv 300 Brakanes-Lekve Ulvik X Plan under arbeid Tabell 7 Rassikringstiltak Riksvegar Tiltak/stad Rassikringstiltak Kommune Rv 13 Jøsendal Grønsdal P R I 1 2 3 Merknad Odda X Det ligg føre kartlegging av Oddadalen. Planarbeid trengs Rv 13 Aurskreda Odda X Rv 13 Odda Tyssedal Odda X Rv 13 Stana Skjelvik Odda X m/ Tunnel Planar klare Rv 13 Deildo/Otraflot Ullensvang X Reguleringsplan snart ferdig Rv 13 Joberget Granvin X Del av Vossapakken
Tabell 8 Rassikring Fylkesvegar: Tiltak/stad Rassikringstiltak Kommune P R I 1 2 3 Merknad Fv 7 Haukanesberget Granvin X Ny tunnel Fv 7 Lussandberget Granvin X Ny tunnel Fv 7 Snauhaugtunnel Kvam X Tokagjelet Hansagjeltunnel Fv 48 Mundheim Kvam X Tunnelplan klar Furhovda Fv 49 Mundheim - Kvam X Planlegging starta Norheimsund Fv 103 Eidfjord X Plan klar Simadal Fv 107 Jondal Hesvik X Fv 300 Ulvik - Osa Ulvik X
Hardanger 2014. Fullmakt. Møtedato 04.10.2012 Saksansvarleg Leiv Vambheim HR-sak 48/12 Hardanger 2014. Fullmakt. Saksvedlegg: Vedtak i Hardangerrådet 16.02.12 Saksutgreiing Vurdering: Eg viser til informasjonen i sak 42/12 der eg tilrådde å setja bort prosjektarbeidet med Hardanger 2014 ved å kjøpa tenestene frå lokalt firma. Etter reglar om offentlege innkjøp, så må dette ut på pris og vil verta presentert på databasen for offentlege innkjøp «Doffin». Eg la fram som sak i Hardangerrådet 14.09.12 om å kjøpa tenesta sidan vedtaket i februar gav underteikna fullmakt til å tilsetja prosjektleiar i ½ stilling. Prosessen på Doffin tek nok litt meir tid enn eg la opp til og ein beslutning vil ikkje høva i forhold til Hardangerrådet sine møte 04.10.12 og 08.11.12. Derfor ser eg det som praktisk å få endra fullmakta til å avgjera om og kven som skal få oppgåva med å drifta Hardanger 2014 og losa det vidare til suksess. Det kan vera greitt at Rådsordførar får denne fullmakta sidan dagleg leiar er prosessansvarleg for «Doffin». Framlegg til vedtak. Representantskapet i Hardangerrådet iks gjev med dette fullmakt til Rådsordførar Ingebjørg Winjum til velja tilbydar og å inngå avtale om prosjektleiing og prosjektutvikling av Hardanger 2014 etter innkomne tilbod etter utlysing i «Doffin».
Hardanger 2014 Frå møteboka 16.02.2012 i Hardangerrådet. Vedtak: Det vert oppretta eit 3-åring Hovudprosjekt frå mai 2012 til mai 2015. 1. Hardangerrådet er prosjekteigar med dagleg leiar som Prosjektansvarleg og Regionrådet i Hardangerrådet som Styringsgruppe. Hardanger Kulturråd vert invitert til å vera Arbeidsgruppe for prosjektet. Arbeidsgruppa kan etablera ei Referansegruppe for innspel og koordinering. 2. Dagleg leiar får fullmakt til å tilsetja ein prosjektleiar i minimum ½ stilling som kan knyta til seg eit programråd. 3. Prosjektleiar skal innan oktober 2012 utforma ein Hovudprosjektplan med bakgrunn i grunnlagsdokumenta og i tråd med denne saksutgreiinga. Ho/han skal også stå for framdrift og avtalar i prosjektet, aktivt vedlikehalda og knyta nettverk og søkja finansiering. 4. Hovudprosjektet skal ta utgangspunkt i allereie eksisterande aktørar innanfor kunst- og kulturproduksjon i og utanfor Hardangerregionen, men kan også inspirera til nye produksjonar innanfor føremålet. 5. Budsjettet i prosjektet er todelt: Driftsbudsjett for Hovudprosjektet og Tilskot til produksjonar. Budsjett 2012 2013 2014 Sum Prosjektleiar med sos.kost 350 000 350 000 350 000 1 050 000 Driftsutgifter 250 000 250 000 250 000 750 000 Tilskot til produksjonar 3 000 000 3 000 000 Totalt 600 000 600 000 3 600 000 4 800 000 Finansiering 2012 2013 2014 Sum Hardangerrådet 100 000 100 000 100 000 300 000 Hordaland fylkeskommune 200 000 200 000 200 000 600 000 Sponsor drift 300 000 300 000 300 000 900 000 Hardangerrådet Kraftlinemidlar 1 000 000 1 000 000 Kulturdepartementet 2 000 000 2 000 000 Totalt 600 000 600 000 3 600 000 4 800 000
Orienterings- og drøftingssaker: Møtedato 04.10.2012 Saksansvarleg Leiv Vambheim HR-sak 49/12 Saksvedlegg: Orienterings- og drøftingssaker: Stemmerettsjubileet og Grunnlovsjubileet Hordaland Hardinglaget i Oslo 100 år. Regionalt Forskingsfond Innkalling til møte 02.10.12 om jubileum. Brev frå Hordaland Fylkeskommune med bestillingsdokument til høyringsmøte 04.10.12 Saksutgreiing og Vurdering: Stemmerettsjubileet og Grunnlovsjubileet Hordaland På møtet i Hardangerrådet 14.09.12 vart det lagt fram som melding invitasjon til å delta i komitè for Stemmerettsjubileet 2013 og Grunnlovsjubileet 2014. Det vart bestemt at dagleg leiar møter på første møtet for å signalisera at Hardangerrådet vil delta i komiteen. Eg vil orientera om oppstartmøtet. Spørsmålet om kven som vert fast komitémedlem kan ein ta opp på dette Hardangerådsmøtet. Vedtak: Som representant frå Hardangerådet i komitè for Stemmerettsjubileet 2013 og Grunnlovsjubileet 2014 vert oppnemnd Hardinglaget i Oslo 100 år. Ordførar Anved Johan Tveit er oppnemnd av Hardangerrådet til å vera kontaktperson for samarbeidet med 100-års-jubilanten Hardinglaget i Oslo. Han vil orientera på møtet. Vedtak: Regionalt Forskingsfond Regionalt forskingsfond Vestlandet er vedteke av Stortinget som del av Forvaltningsreforma og er eit samarbeid mellom 3 vestlandsfylke: Rogaland, Hordaland og Sogn og Fjordane. Føremålet er å styrka forsking for regional innovasjon og utviking. Fylkeskommunane må vedta ein forskingstrategi og senda eit bestillingsbrev til Kunnskapsdepartementet. Den vedlagde bestillinga er for perioden 2012-2015 og skil seg lite frå gjeldande strartegiplan med forskingstema: Energi, Mat, Reiseliv og Oppleving, Offentlege utviklingsoppgåver, Vestlandet 2025. Dersom Hardangerrådet eller nokon av kommunane skal uttala seg, er fristen 06.10.12. Sidan både energi, mat og reisleiv/oppleving er satsingsområde, ser eg liten grunn til anna enn å understreka at dette er viktige tema for Hardanger. Me bør forventa at Bioforsk på Lofthus vert involverte. Eg meiner også det er viktig at denne ressursen vert godt kjent og at resultata vart godt publiserte. Framlegg til vedtak: 1. Hardangerådet iks ser svært positivt på at Bestillinga for Regionalt Forskingsfond Vestlandet inneheld viktige tema for Hardangerregionen. 2. Hardangerrådet vil peika på at lokale forskingsmiljø som Bioforsk på Lofthus må aktiv involverast i arbeidet. 3. Hardangerådet ber om at både tiltaket og resultata vart godt publiserte.
Nasjonal Turistveg Hardanger. Søknad om forskottering. Møtedato 04.10.2012 Saksansvarleg Leiv Vambheim HR-sak 50/12 Saksvedlegg: Nasjonal Turistveg Hardanger. Søknad om forskottering. Brev av 28.09.2012 frå Statens Vegvesen, Nasjonale Turistvegar Saksutgreiing og vurdering: Nasjonale Tursitvegar ved seksjonsleiar Jan Andressen har vendt seg til Hardangerrådet med søknad om forskottering av fordelte midlar frå Kraftlinemidlane. Han viser til at dessverre så har Første byggjetrinn for Steinsdalsfossen har vore ute på konkurranse. Dette gjeld vegsida av elva med parkering, busstopp, toalett og informasjonsbygg. Prisen er om lag 22 mill kr. Firmaet GBS i Øystese har fått oppdraget og vil driva frå 15.10.12 til 01.06.13. Altså kan dette vera ferdig til sesongen 2013. På budsjetta til NT er det ikkje tilgjengelege midlar i 2012 eller 2013. Altså står heile Steinsdalsfossprosjektet i fare for utsetjing. Det vil vera av stor verdi for heile regionen at me kjem i gang med Nasjonal Turistveg Hardanger og at me held den framdrifta som er stipulert. Som det går fram av brevet så vil neste etappe av Steinsdalsfossenutbygginga gå i 2014 og 2016 og så er det stipulert Vøringsfossen i 2016-2020 og Låtefossen 2021-2023. SV ber om at alle dei avsett 8 mill kr av kraflinemidlane no vert brukte på Steinsdalfossen saman med løyvde midlar frå Hordaland Fylkeskommune og Kvam herad. I utgangspunktet er Hardangerrådet sin del 1,6 mill kr. Det er klart uheldig at NT og SV disponerar midlane sine i ulike prosjekt slik at NT Hardanger havnar i ei utsetjing. Men også dei er avhengige av dei årlege løyvingane frå Stortinget. Sett frå mi vurdering, så har dette fleire sider. Me har eit vedtak om fordeling av kraftlinemidlane. Desse vert ikkje endra, sjølv om tidspunktet vert endra. Når det gjeld 2012-verdien så vil nok den endra seg til Vøringsfossen og Låtefossen skal byggjast. Renteinntektene er ca 250.000 kr året og vil kanskje vera lik inflasjonen. Viss me reknar at dette går opp-i-opp så er det SV som må ta ansvaret for auka kostnader i prosjekta. Ved ikkje å løyva dei 8 mill kr no, vil Steinsdalsfossutviklinga verta utsett, og då fryktar eg ein dominieffekt for NT Hardanger. Ved å løyva midlane kjem me i gang med NT Hardanger. Men me må ikkje koma i ein situasjon der Kraftlinemidlane er borte og Staten ikkje har midlar til å følgja opp sin del etter planen for dei andre to prosjekta. Me kan kanskje krevja å få tilbake midlane i 2014 og så betala inn att vår andel til Vøringsfossen i 2016 og i Låtefosen i 2021. Dette for å sikra at me har midlane sjølv om dei to andre prosjekta vert utsette. Eller me kan løyva midlane og krevja at NT og SV då forpliktar seg til å gjennomføra alle dei 3 fossepunkta i Hardanger etter planen og prioritera midlar til Hardanger til dette er fullført. Eg tilrår det siste. Då må også SV og NT ta høgde for inflasjonen sidan me taper renteinntektene. Framlegg til vedtak. Hardangerrådet iks viser til søknad frå Statens Vegvesen ved Nasjonale Turistvegar og godkjenner at dei avsette 8 mill NOK til Fossepunkta frå Kraftlinemidlane vert utbetalte i ein eingong til Statens Vegvesen i tråd med føresetnadane i brevet siste avsnitt. Hardangerrådet iks føreset og vil ha skriftleg lovnad frå Statens Vegvesen ved Nasjonale Turistvegar at med denne forskotteringa så vil den totale utbygginga av fossepunkta i Hardanger vera prioritert og gå etter tidsplanen: Steinsdalsfossen byggjesteg 2 vert fullført i 2014-2015, Vøringsfossenutbyginga vert påbyrja i 2016 og ferdig i 2020 og Låtefossutbygginga føregår i 2021-2023.