Indre Hordaland jordskifterett Rettsbok Sak: 1230-2013-0014 SYSE Gnr. 51 i Ulvik herad Oppstarta: 11.03.2014 Avslutta: 02.07.2014
RETTSBOK Domstol: Indre Hordaland jordskifterett. Møtedag: 11.03.2014. Stad: Heradshuset i Ulvik. Sak nr.: 1230-2013-0014 SYSE. Saka gjeld: Krav om sak etter jordskiftelova 2. Jordskiftedommar: Thorbjørn Svane, som einedommar etter jordskiftelova 9 andre ledd. Protokollførar: Saka er kravd av: Til handsaming: Jordskiftedommaren. Espen Drønen Eide og Jørgen K Lekve. Gjennomgang av kravet Vurdera fremming av saka Vidare framdrift i saka. Partar: Eigar av gnr. 51 bnr. 6 og bnr. 9, Jørgen K Lekve Eigar av gnr. 51 bnr. 13, Espen Drønen Eide Eigedomane ligg i Ulvik herad. Til stades: Jørgen K Lekve og Espen Drønen Eide. Frå jordskifteretten møtte også overing. Sigbjørn Hauge. På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at jordskiftedommaren er inhabil. Retten vart erklært for lovleg sett. Partslista vart gjennomgått. Følgjande dokument vart framlagde: 1 Krav om sak for jordskifteretten datert 03.07.2013, 1 kartvedlegg. 1 Gardskart i målestokk 1:500 datert 03.07.2013. 2 Innkalling til rettsmøte datert 30.01.2014. Dokumenta vart gjennomgått i nødvendig grad. Jordskiftedommaren foretok ei innleiande klarlegging av saka. 1230-2013-0014 SYSE gnr 51 Indre Hordaland jordskifterett 1
Framlagt vart dok. 3 Oversiktskart i målestokk 1:25000 datert 11.03.2014. 4 Kart i målestokk 1:1500 datert 11.03.2014. 5 Ortofoto i målestokk 1:1000 datert 11.03.2014. 6 Kart i målestokk 1:1000 datert 11.03.2014. Jørgen K Lekve, eigar av gnr. 51 bnr. 6 og bnr. 9, fekk ordet og orienterte om bakgrunnen for kravet. Espen Drønen Eide, eigar av gnr. 51 bnr. 13, fekk ordet. Fremming av saka. Etter å ha drøfta saka gjorde retten slikt vedtak: Retten ser slik på om saka skal fremmast: Denne saka er kravd som jordskifte for jordskifteretten etter jordskiftelova 2 b. Etter jordskiftelova 1 er det "Eigedomar som det er vanskeleg å nytte ut på tenleg måte etter tid og tilhøve", som kan leggjast under jordskifte. Vidare er det krav etter jskl. 3 at jordskifte ikkje kan fremmast "a) dersom kostnadene og ulempene blir større enn nytten for kvar einskild eigedom". Først må retten vurdere om eigedomane er vanskeleg å nytte på tenleg måte etter tid å tilhøve. I denne vurderinga må retten dra inn dei verkemiddla jordskiftelova gjev høve til å nytta samt dei kostnadane og ulempene dette medfører sett i høve til det ein kan oppnå. Retten har kome til at dei eigedomane som det er kravd sak for er vanskeleg å nytte på tenleg måte etter tid å tilhøve. Eigedomane har i dag ulaglege grenser i eit tunområde samt utenlege eigartilhøve knytt til eit felles stølshus i Vassdalane. Saka vil omfatta ombyting av grunn og rettar etter jordskiftelova 2 b. Ingen har sagt i mot at saka vert fremma. Retten er derfor komen til slik slutning: I medhald av jskl. 14 vert jordskiftesak 1230-2013-0014 fremma og vil, for gnr. 51 bnr. 6, 9 og 13, omfatte ombyting av grunn og rettar etter jordskiftelova 2 b. Synfaring. Etter dei innleiande drøftingane reiste retten og partane på synfaring på staden. Partane er samde om grenselina for det arealet som vert overført frå gnr. 51 bnr. 13 til gnr. 51 bnr. 9. To nye grensepunkt vart avmerka i terrenget. Grenselina vert ført vidare mot nordvest til den møter grensa for veggrunn. Mot søraust vert grenselina ført vidare til den møter eksisterande grense mellom gnr. 51 bnr. 9 og gnr. 51 bnr. 13. Gnr. 51 bnr. 9 sin eigarandel i stølhus i Vassdalane, jf. dok. 4, vert overført til gnr. 51 bnr. 13. Gnr. 51 bnr. 13 sin vegrett over gnr. 51 bnr. 9 sin grunn, rett vest for bnr. 9 sitt våningshus, fell bort som fylgje av semja og vil verta sletta ved vedtak i avsluttingsmøtet. 1230-2013-0014 SYSE gnr 51 Indre Hordaland jordskifterett 2
Vidare framdrift i saka. Den vidare framdrifta og behandlinga av saka vart drøfta. Eigar av gnr. 51 bnr. 6 og bnr. 9 ynskjer å samanføye desse to bruka til eitt bruk, bnr. 9. Vedtak om nemnde samanføying vert å føre inn i rettsbok i avsluttingsmøtet. Etter endeleg grensemerking og innmåling av dei nye grensepunkta vil det verta utarbeidd jordskiftekart med grensebeskrivelse. Framlegg til vedtak vil verta sendt partane til uttale. Saka vil deretter verta avslutta i eige rettsmøte. Partane vert ikkje innkalla til dette møtet. På spørsmål hadde ingen merknader til forhandlingane. Utskrift av rettsboka blir send til partane i vanleg brev. Saka blir utsett inntil vidare. Retten heva. Ulvik, 11.03.2014 Thorbjørn Svane jordskiftedommar (sign.) 1230-2013-0014 SYSE gnr 51 Indre Hordaland jordskifterett 3
RETTSBOK Domstol: Indre Hordaland jordskifterett. Møtedag: 02.07.2014. Stad: Jordskifterettens lokaler i Voss. Sak nr.: 1230-2013-0014 SYSE gnr 51 - utsett frå 11.03.2014. Saka gjeld: Krav om sak etter jordskiftelova 2. Jordskiftedommar: Thorbjørn Svane, som einedommar etter jordskiftelova 9 andre ledd. Protokollførar: Saka er kravd av: Til handsaming: Partar: Jordskiftedommaren. Espen Drønen Eide og Jørgen K Lekve. Avslutting av saka Fordeling av kostnader. Eigar av gnr. 51 bnr. 6 og bnr. 9, Jørgen K Lekve Eigar av gnr. 51 bnr. 13, Espen Drønen Eide Eigedomane ligg i Ulvik herad. Til stades: Jordskiftedommaren. Ingen av partane var innkalla til dette møtet. Jordskiftedommaren gjekk gjennom hovedreglane i domstollova 106 108 og fann ikkje tilhøve som kunne gjera han ugild. Retten vart erklært for lovleg sett. Partslista vart gjennomgått. Følgjande dokument vart framlagde: 7 Oversending av rettsbokutskrift datert 13.03.2014. 8 Førebels grensekart i målestokk 1:200/1:1500, datert 04.06.2014. 9 Brev frå retten til partane vedlagt framlegg til vedtak/rettsbok, datert 10.06.2014. 10 Skifteplan i målestokk 1:200/1500 datert 02.07.2014. 11 Jordskiftekart i målestokk 1:200, kartarkivnr. 129767. Dokumenta vart gjennomgått i nødvendig grad. 1230-2013-0014 SYSE gnr 51 Indre Hordaland jordskifterett 4
1 Krav om samanføying Krav om samanføying: Fylgjande eigedomar vert krevd samanføyd jamfør 18 i matrikkellova av 17.06.2005: Kommunenr Gnr Bnr Bruksnavn 1233 51 6 Syse 1233 51 9 Syse Bruk etter samanføying: Kommunenr Gnr Bnr Bruksnavn 1233 51 9 Syse 2. Skifteplan Jordskifteretten gjorde i medhald av jordskiftelova 17a andre ledd, slikt regulerande vedtak: Denne saka er kravd som jordskifte for jordskifteretten etter jordskiftelova 2 b. Eigedomane har i dag ulaglege grenser i eit tunområde samt utenlege eigartilhøve knytt til eit felles stølshus i Vassdalane. Saka vil omfatta ombyting av grunn og rettar etter jordskiftelova 2 b. Ved ombyting av grunn og rettar vil begge eigedomane kunna få nytte av ei endra eigedomsutforming. Gnr. 51 bnr. 9 vil kunna få ei meir tenleg utforming og rasjonell utnytting av tunområdet ved å leggja til ein mindre teig frå gnr. 51 bnr. 13. På bakgrunn av avtale mellom partane vert eigar av gnr. 51 bnr. 6 og 9 sin andel av eigedomsrett/brukrett til stølshus i Vassdalane å overføre til eigar av gnr. 51 bnr. 13. Skiftefeltet sine grenser mot naboeigedomar er urørde av jordskiftet. Etter jordskifteretten sitt skjønn medfører skifteplanen ombyting av grunn og rettar av like verdier mellom gnr. 51 bnr. 9 og og gnr. 51 bnr. 13. Framlegg til vedtak, datert 10.06.2014, vart sendt partane til uttale den 10.06.2014 med uttalefrist den 25.06.2014. Innan fristen er det ikkje kome merknader. Under finrekning av skifteplanen og grensemerkinga tek ein seg unna rett til mindre justeringar som praktiske omsyn eller terrengtilhøva måtte tilseia. Slutning Skifteplanen vert, i samsvar med ovannemnde, vedteken slik det går fram av kart datert 02.07.2014. Kartet er på eitt blad i målestokk 1:200/1500, jf. dok. 10. 1230-2013-0014 SYSE gnr 51 Indre Hordaland jordskifterett 5
3 Grenser 3.1 Grensefastsetting. Retten gjorde regulerande vedtak i samsvar med reglane i 17a i jordskiftelova for grense nr. 1. Kart med avlagd grense har vore sendt til partane til gjennomsyn. Vedtak: I denne saka er grense 1 mellom gnr. 51 bnr. 9 og gnr. 51 bnr. 13 fastsett i samsvar med skifteplan og semje mellom partane, slik som vist på jordskiftekart i målestokk 1: 200, kartarkivnr. 129767. Retten har kome til slik slutning: Grense nr. 1 vert fastsett slik den er skildra under og avlagt på jordskiftekartet, jf. dok. 11. På bakgrunn av ovannemnde vedtak samt merking og innmåling av grenser under leiing av overingeniør Sigbjørn Hauge er det utarbeidd slik utgreiing for: 3.2 Grenseforklaring og målegrunnlag Grensene går i rette liner mellom dei grensepunkta som det er oppgitt retning for. Retninga mellom punkta er rekna ut frå koordinatane til punkta og er oppgitt i høve til nordretninga på kartet. Sirkelen er delt inn i 400 gradar. Avstanden mellom grensepunkta er horisontale mål i meter. Grensemerka er boltar av aluminium med hovud. Hovudet har påskrift "GRENSE" og JORDSKIFTERETTEN. For grensepunkta i grense nr. 1 er koordinatane fastsette med fasemålande tofrekvent satellittmåleutstyr med bruk av C-pos. Koordinatane for grensepunkta har ein forventa presisjon betre enn 0,1 meter. Koordinatsystem, Euref 89 (WGS 84), sone 32. Grensene er viste på jordskiftekart med kartarkivnummer 129767. Kartet er på eitt blad i målestokk 1:200. 1230-2013-0014 SYSE gnr 51 Indre Hordaland jordskifterett 6
Grense 1 Eigedom til venstre: Gnr. 51 bnr. 9 Eigedom til høgre: Gnr. 51 bnr. 13 Punktnr Skildring Retning Avstand X-koordinat Y-koordinat Grensa tek til ved kommunal veg og går i retning 156,27 til 1 Off. godkj. grensemerke i jord 6717221,36 387198,40 156,27 17,08 2 Off. godkj. grensemerke i stein og vidare til grense mot gnr. 51 bnr. 2 6717208,16 387209,23 4 Rettar/plikter Jordskifteretten gjorde i medhald av jordskiftelova 17a andre ledd, slikt regulerande vedtak: I denne saka er den eigedomsrett/bruksrett til felles stølshus i Vassdalane som ligg til eigarane av gnr. 51 bnr. 6, bnr. 9 og bnr. 13 samt gnr. 51 bnr. 13 sin vegrett fastsett. Forslag til rettar/plikter er sendt partane til uttale. Retten kom til slik slutning: Rettar/plikter vert fastsett i samsvar med pkt 4.1 nedanfor. 4.1 Fastsetting av rettar/plikter Gnr. 51 bnr. 6, gnr. 51 bnr. 9 og gnr. 51 bnr. 13 Eigar av gnr. 51 bnr. 6 og 9 sin andel av eigedomsrett/brukrett til stølshus i Vassdalane er overført til eigar av gnr. 51 bnr. 13. Gnr. 51 bnr. 13 sin vegrett over gnr. 51 bnr. 9 sin grunn, rett vest for bnr. 9 sitt våningshus, fell bort. Rettar/plikter elles, som tidlegare er etablert, står ved lag. 5 Diverse føresegn 5.1 Jordskiftekostnader Jordskiftekostnader og gebyr skal dekkast av partane i samsvar med jordskiftelova 74. På denne bakgrunnen blir kostnadene slik: Registreringsgebyr kr 4300,00 Partsgebyr 2 x kr. 1548.- kr 3096,00 1230-2013-0014 SYSE gnr 51 Indre Hordaland jordskifterett 7
Grenselengdegebyr 1 x kr. 1720.- kr 1720,00 Grensemerke 2 x stk a kr. 50,- kr 100,00 Sum kr 9216,00 Partane har fått høve til å uttale seg om fordelinga av kostnadene. Det heiter vidare i jordskiftelova 74, 8. ledd, at jordskifteretten kan endre dei samla gebyrkostnadene dersom arbeidsmengda i saka avvik nemnande frå det vanlege. I denne saka vart partane raskt samde om grensene. Dette medførte at jordskifteretten har hatt noko mindre arbeid i saka enn det som er vanleg. Det skal koma partane til gode i form av reduserte gebyr. Etter ei skjønnsmessig vurdering, finn jordskifteretten at dei samla gebyra i denne saka skal settast til kr. 8 600,00. Av dette utgjer gebyret kr. 8 500,00 og utgifter til grensemerker kr. 100,00. Kostnadene er etter retten sitt skjønn fordelt mellom partane etter den nytten dei har hatt av jordskiftet, jf. jordskiftelova 76. Jordskifteretten har i samband med dette lagt til grunn at partane har lik nytte av jordskiftet. Av dette skal partane ta kvar sin halvdel av kostnadane i saka. Jordskiftekostnadene vert etter dette fordelt slik: Gnr./bnr. Eigar skal betale kr har betalt kr skuldar kr 51/9 Jørgen K Lekve 4300,- 4300,- 51/13 Espen Drønen Eide 4300,- 4300,- 0,- SUM 8600,- 4300,- 4300,- Faktura for skuldige beløp vert i eige brev sendt ut frå Domstoladministrasjonen. Betalingsfristen er påført fakturaen. Skuldig beløp som ikkje vert betalt innan denne fristen, kan tvangsinndrivast utan nærmare varsel. Pengar til gode blir tilbakebetalt. 5.2 Avslutting av saka Saka blir avslutta i dette møtet. 5.3 Forkynning og mogelegheit for anke Forkynning skjer etter reglane for postforkynning. Fristen for anke er ein månad frå forkynning. Reglane om anke er lagt ved forkynninga. 5.4 Ikraftsetjing Dersom ikkje anna er særskilt bestemt, vert avgjerdene i denne saka sett i kraft frå rettskraftdato. 5.5 Matrikkelføring Jordskifteretten vil setje fram krav om matrikkelføring av saka når saka er rettskraftig. 1230-2013-0014 SYSE gnr 51 Indre Hordaland jordskifterett 8
5.6 Tinglysing Jordskifteretten vil sende saka til Tinglysingen. Når saka er rettskraftig, vil den bli tinglyst på: Gnr. 51 bnr. 9 og gnr. 51 bnr. 13 i Ulvik herad. Saka slutt. Retten heva. Voss, 02.07.2014 Thorbjørn Svane jordskiftedommar (sign.) 1230-2013-0014 SYSE gnr 51 Indre Hordaland jordskifterett 9