Austevoll kommune Innkalling Viltnemnda Møtestad: Kommunehuset, Globen Møtedato: 23.03.2017 Møtetid: 15.00 Eventuelt forfall skal meldast til tlf. 5508 10 00 servicekontoret eller til postmottak@austevoll.kommune.no. Varamedlemmar møter etter nærare innkalling. Møtet er ope for tilhøyrarar. Saksdokument er lagt ut til offentleg gjennomsyn på nettsida til kommunen. Sakliste Sak nr. Sakstittel 008/17 Godkjenning av møtebok 009/17 Søknad skadeløyve på 2 koller og 2 kalvar 010/17 Søknad om skadeløyve for gås på Sjursamyra og Hufthammar 011/17 Svar på klagen til Vik hjortevald frå Fylkesmannen i Hordaland Storebø, 16.03.2017 Eidvin Haveland (sign.) Leiar 1
Saksframlegg Saksnr Utval Type Møtedato 008/17 Viltnemnda PS 23.03.2017 Sakshandsamar Arkiv ArkivsakID Astrid Norunn Fagerbakke 17/373 Godkjenning av møtebok Tilråding frå rådmannen: Møteboka frå møte i viltnemnda 19.01.2016 vert godkjent slik ho ligg føre. Vedlegg: Møteprotokoll - Viltnemnda 24.01.2017 195240 Bakgrunn for saka: Møteboka er lagt ut på kommunen si heimeside under politikk/saksdokument: www.austevoll.kommune.no
Austevoll kommune Møteprotokoll Viltnemnda Møtestad: Kommunehuset, Storebøportalen, Globen Møtedato: 19.01.2017 Møtetid: 15.00 Sak nr: 001 007/17 Følgjande medlemmar møtte Alf Reidar Hanøy Eidvin Haveland John Inge Vik Parti FrP Forfall meldt Parti Varamedlemmar møtte Parti Jannicke Vassnes John Arve Kleppe Marte Kalve Klepsvik Gunnar Teisnes FrP Møteleiar Frå adm. møtte Utlevert i møtet Orientering Merknader Innkalling Eidvin Haveland Kommunalsjef Ruth Larsen, Ole Kristian Trondsen møtte som sekretær. I tillegg møtte Olav Jarnes. Ingen Ingen Eidvin Haveland Leiar Alf Reidar Hanøy John Inge Vik Gunnar Teisnes John Arve Kleppe
Sakliste Sak nr. Sakstittel 001/17 Godkjenning av møtebok viltnemnda 17.11.2016 002/17 Klage på vedtak om avslag av skadeløyvesøknad 003/17 Søknad skadeløyve gås - Sjursamyra på Storebø 004/17 Søknad om utviding av jakttid for hjort til 31. januar 2017 - Storebø vald 2016 005/17 Klage frå Vik hjortevald 006/17 Hjortejakta 2016. Fellingstillatelse og fellingsrapport 2016 007/17 Informasjon om jakta og rutiner i hjorteforvaltninga
001/17: Godkjenning av møtebok viltnemnda 17.11.2016 Viltnemnda - 001/17 Handsaming: Vedtak: Møteboka frå møte i viltnemnda 17.11.2016 vert godkjent slik ho ligg føre. 002/17: Klage på vedtak om avslag av skadeløyvesøknad Viltnemnda - 002/17 Handsaming: Viltnemnda legg vekt på at kommunal representant alltid skal synfare skadeomfanget ved søknader om skadefelling. Framlegget frå rådmannen med tillegg om synfaring vart samrøystes vedteke. Vedtak: Austevoll viltnemnd tar til etterretning punkta i klaga og er samd med klagar om at søknaden vert handsama seint. Skadeomfanget skal alltid synfarast av kommunal representant. Vedtaket frå møte i viltnemnda 17.11.2016 vert ståande. 003/17: Søknad skadeløyve gås - Sjursamyra på Storebø Viltnemnda - 003/17 Handsaming: Viltnemnda diskuterte om det er rett at kommunen sender søknaden vidare til fylkesmannen eller om det er opp til søkjer å gjere det. Ei ny tilråding vert lagt fram: Austevoll viltnemnd har ikkje mynde til å gje løyve på skadefelling av Hvitkinngås og tilrår søkjer, om skadeomfanget held fram, å søkje fylkesmannen om skadefelling. Det nye framlegget vert samrøystes vedteke. Vedtak: Austevoll viltnemnd har ikkje mynde til å gje løyve på skadefelling av Hvitkinngås og tilrår søkjer, om skadeomfanget held fram, å søkje fylkesmannen om skadefelling.
004/17: Søknad om utviding av jakttid for hjort til 31. januar 2017 - Storebø vald 2016 Viltnemnda - 004/17 Handsaming: Viltnemnda meiner det ikkje er naudsynt å ha med den siste setninga i framlegget: «det må vere eit fast årleg trekk som medfører stort beitetrykk og skader om vinteren». Framlegget frå rådmannen utan den siste setninga vart samrøystes vedteke. Vedtak: Austevoll viltnemnd avslår søknaden om utviding av jakttida fram til 31. januar 2017 i Storebø hjortevald. Grunngjeving er at det ikkje er grunnlag for ein eigen forskrift om utvida jakttid i Austevoll. 005/17: Klage frå Vik hjortevald Viltnemnda - 005/17 Handsaming: Framlegget frå rådmannen vart samrøystes vedteke. Vedtak: Austevoll viltnemnd sender brev og klage samt dokument i saka til fylkesmannen for handsaming. 006/17: Hjortejakta 2016. Fellingstillatelse og fellingsrapport 2016 Viltnemnda - 006/17 Handsaming: Leiar la fram tal og data for hjortjakta 2016. Framlegg frå rådmannen vart samrøystes vesteke. Vedtak: Austevoll viltnemnd tar resultatet av hjortejakta 2016 til orientering.
007/17: Informasjon om jakta og rutiner i hjorteforvaltninga Viltnemnda - 007/17 Handsaming: Vedtak: Viltnemnda sender ut brev til alle valdleierane med informasjon om jakta og dei årlege rutinane i hjorteforvaltninga. Inviterer til møte på kommunehuset, Storebøportalen, måndag 6. februar 2017 kl. 16.00.
Saksframlegg Saksnr Utval Type Møtedato 009/17 Viltnemnda PS 23.03.2017 Sakshandsamar Arkiv ArkivsakID Ole Kristian Trondsen FA - K40 16/78 Søknad skadeløyve på 2 koller og 2 kalvar Tilråding frå rådmannen: Austevoll viltnemnd har med heimel i Naturmangfaldlova 18 og med vilkår gitt Stein Magnar Kalvanes, på gnr. 41/7 skadeløyve på inntil 2 koller og 2 kalvar grunna stor avlingsskade og beitetråkk på fulldyrka mark. Vilkår: Synfaring og kartlegging av hjorten fram til 1. april. Viltnemnda vurderer situasjonen og fastsett kva dyr som skal takast ut. Hjorten skal felles av representant frå viltnemnda. Kommunen skal ha melding når viltet er felt. Felt hjort skal kontrollerast av godkjent feltkontrollør. Verdien av hjortekjøttet tilhørar viltfondet i Austevoll kommune. Prisen er kr 40,-/kg og liste over kjøparar skal sendes til kommunen for fakturering. Vedlegg: Søknad skadeløyve på 2 koller og 2 kalvar 17.02.2017 197776 Bakgrunn for saka: Kalvanes skriver at hjorten gjer stor skade utanom vekstsesongen ved at dei trakkar ned innmarka, som førar til avlingsreduksjon og oppblomstring av ugras. Dette gjer dårleg kvalitet på fôret. Søkjer fekk skadeløyve på 2 koller og 1 kalv i fjor og fekk teke ut 2 koller. Han meiner dette hadde god effekt på beitepresset i nærleiken av der kollene vart tekne ut. Søkjer har etablert viltåker og satt opp elektrisk viltgjerde på deler av arealet men ser at skadeomfanget likevel er omfattande. Vurdering: Skadefellingsløyve er eit tiltak som settas inn når ein har ein akutt skade. Ein vil i forvaltninga at uttak av dyr som gjer skade i størst mogleg grad skjer i den ordinære jakttida. Mykje dyr vart teken ut under jakta i haust. Viltforvaltar foreslår at viltnemnda saman med Kalvanes følgjer opp med fleire synfaringar og kartlegging av hjorten åtferd på bakkane på Hufthammar for så å ta ut dyr som gjer skade i det vekstsesongen startar opp for alvor. På den måten får ein størst effekt på å hindra skade på graset på bakkane.
Til Austevoll kommune: Søknad om skadeløyve på hjort. 17.02.17 Underteikna søkjer med dette om skadeløyve på 2 koller og 2 kalvar. Underteikna er med i Storebø- valdet, og jaktåret 2016 vart det teke ut omlag 18 dyr på landbrukseigedomen. Det er mildt sagt ein skam at det er mogleg å ta ut så mykje dyr på eit så lite areal. Det vitnar om at forvaltninga i kommunen har vore ute av styr, og at omsynet til landbruksnæringa har vore fråverande. Hjorten gjer stor skade på avlinga i vekstsesongen og utanom vekstsesongen trakkar denne innmarka sund, som fører til stor avlingsreduksjon, oppblomstring av ugras, og dårleg kvalitet på fôret. Attlegga frå i fjor vart snaugnegne, somme av dei hausta eg ikkje i det heile, på andre fekk eg berga 1/3 av avlinga.. I fjor fekk eg skadeløyve på 2 koller og 1 kalv, fekk teke ut 2 koller. Dette hadde god effekt på beitepresset i nærleiken av der kollene vart tekne ut. Underteikna har elles etablert viltåker og satt opp elektrisk viltgjerde på deler av areal, men ser at skadeomfanget likevel er omfattande. Underteikna søkjer om dette skadeløyvet då dette er dyr som har sitt faste beitemønster på enga. For Gnr 41, Bnr 7 Stein Magnar Kalvenes Hufthammar 17.02.17
Saksframlegg Saksnr Utval Type Møtedato 010/17 Viltnemnda PS 23.03.2017 Sakshandsamar Arkiv ArkivsakID Ole Kristian Trondsen FA - K45, GBNR - 41/0007 17/56 Søknad om skadeløyve for gås på Sjursamyra og Hufthammar Tilråding frå rådmannen: Med heimel i Naturmangfaldlova 18b og forskrift om felling av skadegjerande avslår Austevoll viltnemnd søknad frå Stein Magnar Kalvanes på felling av 14 grågås. Grunngjeving er at gåsa ikkje gjer ein betydeleg akutt skade. Vedlegg: Søknad om skadeløyve for gås på Sjursamyra og Hufthammar 28.02.2017 198664 Bakgrunn for saka: Kalvenes søkjer om å få fella 14 grågås på Storebø og Hufthammar. Grågåsa beitar mykje på enga utanom jakttida og difor søkjer han om skadeløyve for å kunne fella gåsa når den er til stades på enga. Vurdering: Kommunal representant har vore ute fleire gonger for å sjå til gåsa. Ein vurderer at beitepresset ikkje er stort på denne tida. Ein kan berre gje skadeløyve når ein har ein betydeleg akutt skade.
Til viltforvaltninga i Austevoll kommune: Søknad skadeløyve grågås. Søkjer med dette om skadeløyve på 14 grågås. På Storebø har gåsa valda stor skade på Sjursamyra som vart sådd på nytt i fjor. På Hufthammar er det grågåsflokkar som beitar på enga og gjer skade. Grågås beitar mykje eng utanom jakttid, og underteikna søkjer om skadeløyve for å kunna fella gåsa når den er til stades på enga. For Gnr 41 Bnr 7 Stein Magnar Kalvenes Hufthammar 27.02.17
Saksframlegg Saksnr Utval Type Møtedato 011/17 Viltnemnda PS 23.03.2017 Sakshandsamar Arkiv ArkivsakID Ole Kristian Trondsen FA - K40 16/746 Svar på klagen til Vik hjortevald frå Fylkesmannen i Hordaland Tilråding frå rådmannen: Austevoll viltnemnd tek avgjerda til Fylkesmannen i Hordaland til etterretning og ber administrasjonen v/sekretær i viltnemnda om å svare Vik hjortevald på påstanden om ulik behandling av Vik og Haukanes hjortevald ved tildeling av hjorteløyve. Vedlegg: Vedtak - Klage - Austevoll - Godkjenning av 500 daa som minsteareal ved tildeling av hjorteløyver - Vik Hjortevald Ber om stadfesting vedk. vedtak for godkjenning av 500 daa som minsteareal ved tildeling av hjorteløyver 13.03.2017 199718 13.03.2017 199717 Bakgrunn for saka: Sjå brev og vedtak frå Fylkesmannen i Hordaland, referanse 2017/1294 433.53 og e-post frå Vik hjortevald dagsett 12.03.2017. Vurdering:
Sakshandsamar, innvalstelefon Jørgen Aarø, 55 57 20 46 Vår dato 24.02.2017 Dykkar dato 27.01.2017 Vår referanse 2017/1294 433.53 Dykkar referanse 16/746-2017001152/4673 Austevoll kommune Birkelandsvegen 2 5392 Storebø Opphevar vedtak om tildeling av fellingsløyver til Vik hjortevald Fylkesmannen opphevar den delen av vedtaket av 22. juni 2016 som gjeld tildeling av to løyver til Vik hjortevald basert på 1000 dekar minsteareal og 2268 dekar teljande areal. Vedtaket er heimla i hjorteviltforskrifta 18, jf. Forskrift om minsteareal for hjort, Austevoll 1. Fylkesmannen stadfestar den delen av kommunens vedtak som gjeld bruk av 50 %- regelen etter hjorteviltforskrifta 7. Kommunens vurdering er konsistent med det som kjem fram av sett-hjort og fellingsstatistikk, og vi har ikkje grunnlag for å overprøve kommunens frie skjøn, jf. forvaltingslova 34 andre ledd. Vi har ikkje tatt stilling til påstanden om skilnadsbehandling mellom valda i Austevoll og klagen på tildelinga til Haukanes hjortevald. Kommunen har ikkje oppfylt sine plikter som underinstans etter forvaltingslova 33 første ledd og Fylkesmannen har ikkje tilstrekkeleg grunnlag for å vurdere desse punkta. Verknaden av vedtaket er at Austevoll kommune må vurdere tildelinga av løyver til Vik hjortevald for sesongen 2016 på nytt. I tillegg må kommunen ta stilling til påstanden om usakleg skilnadshandsaming og klagen på tildelinga til Haukanes hjortevald for 2016. Vi viser til Vik hjortevald si klage på tildeling av løyver i Austevoll kommune for jaktsesongen 2016. Saka er handsama etter hjorteviltforskrifta, med heimel i viltlova og naturmangfaldlova. Bakgrunn Den 22. juni 2016 tildelte viltnemnda i Austevoll løyver til valda i kommunen for jakta i 2016. Vik hjortevald fekk tildelt to løyver basert på 1000 daa minsteareal og 2268 daa teljande areal i valdet. Valdet fekk avslag på bruk av 50 %-regelen grunna låg fellingsprosent. Tildelingbrevet til Vik hjortevald er datert 4. juli 2016. Den 11. juli klaga Vik hjortevald på vedtaket, men e-posten vart sendt feil og klagen vart ikkje registrert i tide til møte i viltnemnda 24. august, og klagen vart ikkje handsama. Den 31. august fremma Vik hjortevald klagen på nytt og den 29. september vart klagen handsama av viltnemnda. Dei opprettheldt vedtaket på grunnlag av låg fellingsprosent og sett hjort-indeks i Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
fleire år. Vedtaket vart sendt ut 18. oktober. Klagen er lagt fram for kontrollutvalet i kommunen, men dei tok ikkje stilling til merknadane. Den 27. januar 2017 vart klagen sendt til Fylkesmannen for endeleg handsaming. Vi legg både klagebrevet datert 11. juli og e-posten datert 31. august til grunn for vår klagehandsaming. Merknadar i klagen 1. Vik hjortevald krev at valdet blir godkjent med minsteareal på 500 daa etter gjeldande forskrift. 2. Vik hjortevald krev at løyver vert tildelt med 50 %-regelen på grunn av aktivt landbruk, og historisk/noverande skadepress. 3. Vik hjortevald meiner at det ikkje er likebehandling mellom valda i kommunen. Dette er grunngitt med at Vik får to løyver, når det totale talet løyver er auka frå 105 til 123 frå 2015 til 2016. Samstundes har andre vald fått historisk høge tildelingar. 4. Vik hjortevald meiner Haukanes sin kvote skal reduserast med tre dyr og Vik få tildelt minst to dyr. Bakgrunnen for dette er at Haukanes driv aktivt viltstell, men ikkje landbruk, og skal dermed ikkje få tildelt kvote basert på 500 daa minsteareal og har heller ikkje rett på bruk av 50 %-regelen. Fylkesmannens vurdering Klagen vart først fremma innan tre veker frå vedtaket vart fatta, men ein feil i oversendinga gjorde at kommunen ikkje registrerte brevet. Vi legg til grunn at kommunen tok klagen til handsaming etter at klagen vart fremma på nytt i e-post datert 31. august. Vik hjortevald er part i saka for dei tre første klagepunkta og vilkåra for å handsame desse er til stades, jf. forvaltningslova 28 og 29. Det siste klagepunktet angår tildelinga til Haukanes hjortevald, der klagar ikkje er part. Kommunen har ikkje vurdert om klagar har rettsleg klageinteresse, og heller ikkje tatt stilling til dette punktet i klagehandsaminga. Vi meiner difor at kommunen for dette klagepunktet ikkje har oppfylt sine plikter som underinstans etter forvaltingslova 33 andre ledd. Etter forvaltingslova 34 andre ledd skal Fylkesmannen vurdere alle synspunkt som klagar fremmer. Vi kan prøve alle sider ved saka, ta omsyn til nye moment og kan ta opp tilhøve som ikkje er nemnt i klagen. Når Fylkesmannen er klageinstans for vedtak fatta av kommunen skal vi legge vekt på det kommunale sjølvstyret ved prøving av det frie skjøn. Etter fjerde ledd kan Fylkesmannen treffe nytt vedtak i saka eller oppheve det og sende det tilbake til kommunen for ny handsaming. Ikkje sakleg grunn for å avslå bruk av 500 daa som minsteareal Vik hjortevald fekk i vedtaket datert 22. juni 2016 tildelt løyver basert på eit minsteareal på 1000 daa. Grunnlaget for dette kjem ikkje fram i vedtaket. I klagen skriv Vik hjortevald at det er aktivt landbruk i valdet og at dei difor burde få tildelt fellingsløyver basert på 500 daa minsteareal. Under klagehandsaminga innstilte rådmannen om å legge til grunn 500 daa som minsteareal på bakgrunn av produktiv innmark med dokumentert historisk skadepress. Etter handsaming i Viltnemnda vart klagen avslått på bakgrunn av låg fellingsprosent og låg setthjort-indeks frå dei siste åra. Fellingsprosenten er 12,5 % dei siste fire åra, og 2
bestandstettheita er under 1/3 av snittet i heile kommunen. I 2016 fekk Vik hjortevald løyve til felling av ein hjort som gjorde skade, medan ein søknad vart avslått. Minstearealet i Austevoll kommune er som hovudregel 1000 daa, med unntak for dyrka, produktiv innmark og jordbruksområde med dokumentert høgt skadepress, jf. Forskrift om minsteareal for hjort, Austevoll 1. I slike området er minstearealet 500 daa. I saksutgreiinga som ligg til grunn for rådmannens innstilling står følgjande: «På spørsmål om kva som skal vera minsteareal for Vik hjortevald er det ingen tvil om at valdet ligg i eit jordbruksområde med produktiv innmark og skadepress.» Området har produktiv innmark og eit visst skadepress, noko som er understøtta av at valdet fekk innvilga ein av to søknader om skadefelling av hjort i 2016. Vi meiner at bestandstettheit og fellingsprosent ikkje er sakleg grunn for å avslå bruk av 500 daa som minsteareal i det aktuelle valdet, ettersom desse ikkje er vilkår i forskrift om minsteareal 1. Vi vurderer dette som ein sakshandsamingsfeil. Ikkje grunnlag for å overprøve avslaget på å nytte 50 %-regelen Vik hjortevald fekk avslag på bruk av 50 %-regelen grunna låg fellingsprosent. I klagehandsaminga er avslaget vidare grunngitt på grunn av låg fellingsprosent på 12,5 % siste fire år og bestandstettheit under 1/3 av snittet for kommunen. Vik hjortevald meiner at dei har rett på bruk av 50 %-regelen på grunn av aktivt landbruk og historisk og noverande skadepress. Dei viser òg til avvik mellom kommunens tildeling av løyver i 2015 og kva som vart formidla til valdet. Dette medførte at valdet ikkje fekk felt kvoten i 2015, noko som har verka inn på fellingsprosenten. Vik hjortevald meiner dei ikkje skal straffast for dette. Etter 7 i hjorteviltforskrifta kan kommunen avvike frå minstearealet med inntil 50 %. Fråvik kan gjerast med bakgrunn i ulike levevilkår for arten i kommunen, bestandens storleik og utvikling, skade forårsaka av viltet eller andre ekstraordinære tilhøve. Kommunen kan nytte 50 %-regelen ved tildeling av fellingsløyver når tilhøve nemnt i førre avsnitt tilseier det. Tilgjengelige sett hjort-registreringar i Hjorteviltregisteret frå 2013-2015 viser eit lågt snitt i Vik hjortevald samanlikna med heile kommunen, høvesvis 0,21 og 1,34 sett hjort per jegerdag på innmark og utmark. Sjølv om ein utelet resultatet frå 2015-sesongen har det vore nokre år med låg fellingsprosent i valdet. Vi meiner kommunens grunngjeving er konsistent med sett hjort-registreringane og fellingsstatistikken, og vi har ikkje grunnlag for å overprøve kommunens faglege skjøn på dette punktet, jf. forvaltingslova 34 andre ledd. Kommunen har ikkje tatt stilling til påstanden om usakleg skilnadshandsaming Vik hjortevald skriv i klagen at det blir gjort usakleg skilnad på valda Hufthamar, Kolbeinsvik og Vik til fordel for valda Haukanes, Storebø og Austevoll. Dette er grunngitt med at tildelinga i kommunen har auka frå 106 dyr til 123, at andre vald har fått historisk høge kvoter, medan Hufthamar, Kolbeinsvik og Vik har fått låge tildelingar. Det følgjer av forvaltingslova 33 andre ledd at underinstansen skal gjere dei undersøkingane som klagen gir grunn til. Vi kan ikkje sjå at kommunen har tatt stilling til dette punktet i klagehandsaminga. For at vi skal kunne vurdere dette klagepunktet må vi vite kva for vurderingar som ligg til grunn frå kommunens side, men desse kjem ikkje fram av saksdokumenta. 3
Konklusjon Forskrift om minsteareal for hjort i Austevoll kommune 1 gjer unntak for dyrka, produktiv innmark og jordbruksområde med høgt skadepress. I slike område er minstearealet 500 daa. Fellingsprosent og bestandstettheit er ikkje vilkår etter forskrift om minsteareal, og er mindre relevant som grunnlag for å avgjere kva for minsteareal som skal ligge til grunn. Vi vurderer dette som ein sakshandsamingsfeil. Låg fellingsprosent og låg bestandstettheit er relevant når kommunen vurderer om det er grunnlag for å avvike frå minstearealet ved tildeling av løyver, jf. hjorteviltforskrifta 7. Vi meiner at kommunens grunngjeving er konsistent med statistikken i hjorteviltregisteret, og vi vil difor ikkje overprøve kommunens faglege skjøn på dette punktet. Klagepunktet om usakleg skilnadshandsaming mellom vald i Austevoll er ikkje vurdert av kommunen. Underinstansen har ikkje gjort dei vurderingane klagen gir grunn til, jf. 33 andre ledd. Vi kan ikkje vurdere dette punktet utan å vite kva for vurderingar som ligg til grunn frå kommunens side. Vi tar ikkje stilling til Vik hjortevald sin klage på tildelinga til Haukanes hjortevald. Vik hjortevald er ikkje part i saka og kommunen har ikkje vurdert om dei har rettsleg klageinteresse eller tatt stilling til merknaden i klagen. Kommunen har heller ikkje her gjort dei vurderingane som klagen gir grunn til, jf. 33 andre ledd. Vi meiner at minstearealet som er lagt til grunn for tildelinga i 2016 er gjort på manglande grunnlag, og er å rekne som ein sakshandsamingsfeil. Dette kan ha påverka utfallet av vedtaket, jf. forvaltingslova 41. I tillegg meiner vi at kommunen ikkje har utført sine plikter som underinstans etter forvaltingslova 33, og at vi ikkje har tilstrekkeleg grunnlag for å handsame påstanden om skilnadsbehandling mellom vald i Austevoll og klagen på tildelinga til Haukanes hjortevald. Etter ei samla vurdering opphevar vi vedtaket av 22. juni 2016 om tildeling av to fellingsløyver til Vik hjortevald basert på 1000 daa minsteareal, men stadfester kommunens avslag på bruk av 50 %-regelen. Kommunen må òg ta stilling til påstanden om usakleg skilnadshandsaming og klagen på tildelinga til Haukanes hjortevald. Klagerett Vedtaket er endeleg og kan ikkje klagast vidare i forvaltinga. Med helsing Kjell Kvingedal miljøvernsjef Jørgen Aarø rådgjevar Brevet er godkjent elektronisk og har derfor inga underskrift. Kopi Vik hjortevald v/ketil Helland e-post: ketil.helland@lysglimt.net 4
Fra: Ketil Helland <ketil.helland@lysglimt.net> Sendt: søndag 12. mars 2017 15.36 Til: Postmottak Austevoll Emne: VS: Vedtak - Klage - Austevoll - Godkjenning av 500 daa som minsteareal ved tildeling av hjorteløyver - Vik Hjortevald Vedlegg: Vedtak - Klage - Austevoll - Godkjenning av 500 daa som minsteareal ved tildeling av hjorteløyver - Vik Hjortevald.PDF Til viltnemnda i Austevoll, Vik hjortevald ber viltnemnda i Austevoll stadfesta at valdet har minsteareal på 500 mål for hjortejakta 2017 etter vedtak i klagesaka om minsteareal som vart omgjort av fylkesmannen 24.02.2017. Vik hjortevald ber også om at viltnemnda frå no av også ser til at fristar i klagesak også gjeld for viltnemnda slik at ein ikkje treng venta til jaktsesongen er over før endeleg vedtak. (Denne klagesaka gjekk til fylkesmannen fordi ein ikkje ville gje seg og at det vart lagt press ved å bruka kontrollutvalt i tillegg.) Viltnemnda har eit arbeid å gjera etter presisering av fylkesmannen: «Verknaden av vedtaket er at Austevoll kommune må vurdere tildelinga av løyver til Vik hjortevald for sesongen 2016 på nytt. I tillegg må kommunen ta stilling til påstanden om usakleg skilnadshandsaming og klagen på tildelinga til Haukanes hjortevald for 2016.» På vegne av Vik hjortevald Ketil Helland Fra: Aarø, Jørgen [<mailto:fmhojaa@fylkesmannen.no>] Sendt: fredag 24. februar 2017 15:01 Til: postmottak@austevoll.kommune.no <mailto:postmottak@austevoll.kommune.no>; ketil.helland@lysglimt.net <mailto:ketil.helland@lysglimt.net> Emne: Vedtak - Klage - Austevoll - Godkjenning av 500 daa som minsteareal ved tildeling av hjorteløyver - Vik Hjortevald Vedlagt følgjer brev frå Fylkesmannen i Hordaland. Dette brevet vert berre sendt med e-post. Ved kontakt om saka ber vi om at du nyttar fmhopostmottak@fylkesmannen.no <mailto:fmhopostmottak@fylkesmannen.no>. Venleg helsing Fylkesmannen i Hordaland
tlf: 55572000 sip: fmhopostmottak@fylkesmannen.no <mailto:sip:%20fmhopostmottak@fylkesmannen.no> www.fylkesmannen.no/hordaland <http://www.fylkesmannen.no/hordaland>