Internt notat Til: Frå: Forskingsutvalet Forskingssjefen Dato: 30.11.16 Kopi: HR-direktøren i Helse Møre og Romsdal Ref: FU-sak 2016-23 Emne: Mandat for utarbeiding av strategi- og handlingsplan for forsking, innovasjon, utdanning og kompetanseutvikling i Helse Møre og Romsdal HF (HMR) for perioden 2017-2022 Forslag til vedtak: FU- tek saka til orientering og sender den til leiargruppa for Helse Møre og Romsdal til orientering og endeleg vedtak. Dokument som er brukt som bakgrunn for saka 1. Protokoll frå føretaksmøte Helse Møre og Romsdal HF «Styringskrav og rammer for 2016» http://docplayer.me/21345888-styringskrav-og-rammer-2016-for-helse-more-og-romsdal-hfforetaksmote-5-februar-2016.html 2. HelseOmsorg2021 3. Helse Midt-Norge RHF Strategi 2030 4. Strategi for forsking Helse Midt-Norge 2016-2020 5. Strategi for innovasjon Helse Midt-Norge 2016-2020 6. Strategi og handlingsplan for utdanning- og kompetanseutvikling Helse Midt-Norge RHF 2015-2020 7. Forskings- og retningsmeldinga for HMR 2015 8. Handlingsplan forsking HMR 2012-2014 Saksopplysning: Innovasjon er eit omgrep som blir omtala i saka under. Definisjonen på innovasjon i dette dokumentet er henta frå Helse Midt Norge RHF sin Strategiplan for innovasjon 2016-2020 s, 1 som seier: «Med innovasjon i Helse Midt-Norge menes: Utvikling av nye produkter, tjenester eller organisasjonsformer som bidrar til en styrket helsetjeneste i form av økt kvalitet, forbedrede arbeidsprosesser, økt sikkerhet for pasienter og ansatte, og på denne måten bidra til verdiskaping». Bakgrunn og innleiing: Kvifor treng ein eigen strategi- og handlingsplan for forsking, innovasjon, utdanning- og kompetanseutvikling i HMR?
Utvikling i folketal, endra alderssamansetjing, endra busettingsmønster, ei rivande fagleg og teknologisk utvikling, auka forventningar til fleire og meir spesialiserte helsetenester, auka globalisering, miljøutfordringar og øydeleggjande krigar og konfliktar er utfordringsbiletet for samfunnet i åra som kjem. Dei mange og store utfordringane vil setje også spesialisthelsetenesta på prøve. Strategi 2030 viser retninga for korleis spesialithelsetenesta i Midt- Norge RHF (HMN) ønskjer å ta for å møte framtida. Ein viktig føresetning for å nå dei strategiske måla er mellom anna å fremje forsking, innovasjon, utdanning og kompetanseutvikling i heile føretaket. Alle sjukehus i Norge er pålagde å drive forsking, pasientbehandling, utdanning av helsepersonell og opplæring av pasient og pårørande. Innovasjon er ikkje pålagt på same vis, men inngår som del av Helse- og omsorgsdepartementet (HOD) sin forskingsstrategi frå 2006. Saman med strategi for forsking, har innovasjon vore ein del av det årlege oppdragsdokumentet frå HOD til dei regionale helseføretaka sidan 2007. Helseregionane har også forplikta seg til å ta del i ei felles satsing på innovasjon og næringsutvikling gjennom Koordineringsutvalget for innovasjon i helsetenesta (jf. Strategi for forsking i Helse Midt- Norge 2016-2010 s, 1). HMN har utarbeidd tre strategidokument: Strategi for forsking 2016-2010, Strategi for Innovasjon 2016-2020 og Strategi og handlingsplan for utdanning og kompetanseutvikling 2015-2020. Dei tre strategiplanane skal tene som grunnlag for planlegging og organisering av forsking, innovasjon og utdanning/kompetanseutvikling på eit overordna nivå, og er i så måte eit viktig grunnlag for HMN sine prioriteringar for dei tre sentrale fagområda i åra framover. Per dato har ikkje HMR utarbeidd eigen strategi for korleis ein ønskjer å tilpasse dei regionale planane til den daglege verksemda i føretaket. For å møte framtida sine mange utfordringar er det viktig at slike planar kjem på plass og at desse vert tilpassa det øvrige planarbeidet som er under utvikling. Korleis sikre god kvalitet på forsking, innovasjon, utdanning/kompetanseutvikling i HMR? Dei tre regionale strategiplanane må sjåast i samanheng. Forsking, innovasjon, utdanning/kompetanseutvikling er tett integrerte i kvarandre og er i så måte vesentleg for at befolkninga skal få ei helseteneste av høg kvalitet. Dei overordna premissane for å utvikle ein berekraftig strategi for forsking, innovasjon og utdanning/kompetanseutvikling er mellom anna at føretaka i HMN skal auke omfang og implementering av klinisk pasientretta forsking, helsetenesteforsking, global helseforsking og innovasjonar som aukar kvalitet, pasienttryggleik, kostnadseffektiviteten, meir heilskaplege pasientforløp. Dette skal skje gjennom auka nasjonalt og internasjonalt samarbeid og aktiv medverknad frå brukarane. Eit auka antal pasientar skal giast tilbod om deltaking i kliniske studiar (Strategi for forsking HMN s, 2). Same overordna premissar bør framhevast for HMR sin strategi. HMR sin overordna visjon er: På lag med deg for helsa di. For å leve opp til visjonen, og ikkje minst være eit føretak som set kvalitet av pasienttenester i sentrum, blir det jobba breitt med strategiar og handlingsplanar på fleire område.
I styremøte i HMN 16. juni 2016 fekk HMR i mandat å utarbeide ein utviklingsplan for perioden 2018-2021 basert på føringar frå RHFet. Arbeidet med utviklingsplanen skal sjåast i samanheng med Nasjonal Helse- og sykehusplan, Strategi 2030 (vedteken i styret i HMN nov 2016) og andre regionale strategiar og fagplanar. Som presisert over, ligg det per dato ikkje føre nokon oppdatert strategi- og handlingsplan for forsking, innovasjon og utdanning/kompetanseutvikling for HMR som byggjer på dei regionale planane. Det er viktig og vesentleg at føretaket får slike planar eventuelt ein felles plan - på plass og at desse/denne vert sett i samanheng med Strategi 2030, HMR sin varsla utviklingsplan (2018-2021) samt andre nasjonale, regionale og lokale strategiar og fagplaner. Ikkje minst er det viktig å sjå ein samla strategi i relasjon til den store omorganiseringa (OU-prosjektet) som går føre seg i føretaket. Forslag til mandat Med bakgrunn i momenta over ber Fagdirektøren om å få sette i gong arbeidet med å utvikle ein samla strategi- og handlingsplan for forsking, innovasjon og utdanning/kompetanseutvikling. Vidare ber fagdirektøren om følgjande mandat for arbeidet: - Strategien med handlingsplanar skal være vegvisar for utvikling av kvalitativt gode helsetenester for befolkninga i regionen - Planarbeidet skal angi prioriteringar og satsingsområde for dei tre områda forsking, innovasjon og utdanning/kompetanseutvikling i HMR - Strategien med handlingsplanar skal byggje på øvrige nasjonale, regionale og lokale planar og strategiar - I arbeidet med strategi- og handlingsplanen skal ein også sjå spesielt på korleis stabsavdelingane på eit overordna nivå kan bistå klinikkane med å byggje opp forsking, innovasjon og utdanning/kompetanseutvikling på ein god måte (del av OUprosjektet). Her er det spesielt viktig med nær dialog med klinikksjefane. - Strategi- og handlingsplanen skal også gi råd om korleis ein kan «rigge» utvalsstrukturen i framtida om ein skal fortsetje med Forskingsutvalet eller om ein skal tenkje seg implementering av ein ny modell der fokus er å sjå forsking, innovasjon og utdanning/kompetanse i eit felles perspektiv. Organisering av planarbeidet Overordna arbeidsgruppe: - Det blir sett ned ei eiga arbeidsgruppe med mandat å utvikle planverket o Arbeidsgruppa får slika samansetjing: Leiar: Forskingssjefen/seksjonsleiar for FoU Medlem postdoktor/forskingsrådgjevar Guro Berge (begynner i jobb i FoU-seksjonen 2. januar 2017) Personalsjef Trude Fjærli Giskås, HR-avdelinga Personalrådgjevar Øyvind Eriksen, HR-avdelinga Brukarrepresentant Daniel Ask
Therese Istad, forskingskoordinator FoU-seksjonen, sekretær Del-arbeidsgrupper/ ressursgrupper/personar: Arbeidsgruppa kan knytte til seg ulike ressurspersonar etter behov (opplæringsleiar, rådgjevar for profesjonsutdanningane, kvalitetssjefen, IKT-sjefen, samhandlingssjefen, innovasjonskoordinator mv). Styringsgruppe: Leiargruppa i HMR er styringsgruppe for planarbeidet. Arbeidsgruppa rapporterar til styringsgruppa etter nærare avtale. Prosess: Før ein set i gong arbeidet er det vesentleg at det blir gjennomført dialogmøter med sentrale aktørar. Følgjande dialogmøter bør gjennomførast: - Dialogmøte med klinikksjefane for innspel om deira ønske i høve planarbeidet - Møte med NTNU/St.Olavs/Helse Nord-Trøndelag om korleis ein kan samarbeide på eit regionalt, overordna plan - Møte med lokale samarbeidspartar om korleis dei ønskjer samarbeid med HMR her tenkjer ein seg å lage sak til det lokale Samarbeidsorganet for Møre og Romsdal for innspel frå medlemmane der (HiVolda, NTNU Ålesund, Fylkeskommunen, Kommunesektoren) - Brukarutvalet i Møre og Romsdal - Samhandlingsutvalet - Kvalitetsutvalet Arbeidsgruppa skal Med bakgrunn i dialogmøtene og sentrale styringsdokument skal arbeidsgruppa utarbeide forslag til planverk. Tenkt innhald i planarbeidet: - Felles innleiing med visjon - Samfunnsoppdraget til HMR - Overordna mål og vegval - Handlingsplan forsking - Handlingsplan innovasjon - Handlingsplan utdanning- og kompetanseutvikling - Formidling og kommunikasjon - Leiing, medverknad, ressursar - Forslag til framtidig (-e) utval og organisering/mandat for dette/desse Høyring Planforslaget sendes ut på høyring i klinikkane, i stabsavdelinga, i brukarutvalet, samhandlingsutvalet, til Samarbeidsorganet i HMN mfl. Politisk handsaming
Saka blir fremja for styret i HMR juni 2017, i Forskingsutvalet for HMR og vert sendt som orienteringssak/referatsak til styret i HMN RHF. Implementering Planverket, når det er ferdig, skal definere kven som er ansvarleg for implementering og måloppnåing. Det skal lagast ei årleg melding over status i måloppnåing både på stabs- og klinikknivå. Dette arbeidet vert lagt til FoU-seksjonen eller den som leiinga finn å ville sette på saka. Framdriftsplan (oppstart januar 2017) Januar: Konstituering og oppstart planarbeidet Fordeling arbeidsoppgåver med milepælar Avtale dialogmøter Starte skrivearbeidet Februar: Gjennomføre dialogmøter Samanfatte Mars (primo): Ferdigstille forslag Presentere for styringsgruppe Sende ut på høyring April: Høyring Mai (primo): Samanfatte sluttprodukt Presentere leiargruppa Forberede sak HMR til møte juni 2017 o Kopi sak til HMN