www.vegvesen.no/vegprosjekter/vossapakken E16 og rv. 13 Vossapakko over halvvegs Februar 2012 www.vegvesen.no/vegprosjekter/vossapakken Delprosjekta riksveg 13 Øvre Granvin Voss grense og Mønshaug Palmafoss opna 20. desember 2011. Arbeidet med sprenging av Vangstunnelen er godt i gang. Det nye krysset på E16 Stanghelle i Vaksdal er framleis på teiknebrettet. Det ser ut til at ein ny og lengre tunnel frå Seim langs Granvinsvatnet (Jobergtunnelen) vil kome med i neste Nasjonal transportplan (NTP). Her var planlagd ein kortare tunnel som gjekk ut av pakko fordi den ikkje dugde med tanke på rassikring langs vatnet. Finansiering av Jobergtunnelen var ikkje avklara da denne brosjyra gjekk i trykken. E16 Vangstunnelen kan bli eit godt miljøprosjekt Den tyngste pakken i Vossapakko-øskja er Vangstunnelen som vert 2467 meter lang inkludert portalar ved Svartenakken og Ringheim. Rundkøyringar i begge endar skal syte for god trafikkflyt, og tunnelen vil svelge unna gjennomgangstrafkken slik at Vossevangen vert endå trivelegare. Vossapakko har sett saman ei arbeidsgruppe som skal utarbeide prioritert tiltaksplan for opprusting av eksisterande E16 gjennom Voss sentrum. Det vil seie E16 frå Svartenakken gjennom Vangen Strandavegen til Rongsfossen/Lundarosen samt rv.13 Brynagilet Langabrui Sverresplass. I denne arbeidsgruppa er folk frå Voss kommune og Statens vegvesen med. Her kan du sjå korleis rundkøyringa ved Svartenakken skal pyntast. Det grå og kvite er steinlagd, det raude er ein lågt veksande plante kalla Sedum, eller Bergknapp på norsk. Dette «vegetasjonsbelegget» vert produsert i matter, og inneheld ulike sortar bergknapp. Dei vil difor ikkje alltid vere raude, men variere i farge etter kva for sort som blomstrar.
E16 og rv. 13 Vossapakko Oversiktskartet syner heile Vangstunnelen frå Svartenakken i vest til Ringheim i aust. Kartet vert lagt ut på prosjektsidene til Vossapakken/ Vangstunnelen på vegvesen.no, og skal oppdaterast kvar veke for å syne kor langt tunneldrivinga har kome. Det er entreprenørselskapet NCC som står for bygging av tunnelen og det som høyrer til av veg i dagen. Det er også dei som har bygd tunnelportalen på Svartenakken og sprengd dei fyrste førti metrane av Vangstunnelen. Dei har avtale med Statens vegvesen om to års byggetid. 6. februar var vi 400 meter inne i fjellet. Det vert no drive opp mot 50 meter i veka etter som vi er så langt under overflata at det kan sprengast større salver. Det meste av tunnelsteinen vert nytta til fylling i Vangsvatnet i samband med rundkøyringa ved Svartenakken. Voss kommune har ynskje om å nytte stein til den strandplanen dei har for området frå Svartenakken i retning sentrum. Slik vert vegløysinga ved Svartenakken. På vegen frå rundkøyringa i retning sentrum tar ein lokalveg av til høgre og går «tilbake» langs E16 i retning Seim. Her kryssar lokalvegen hovudvegen i ny bru som erstatter dagens atkomst til m.a. Gullfjordungen. Brua vert som vist i neste illustrasjon.
www.vegvesen.no/vegprosjekter/vossapakken Nybrua på Seim
E16 og rv. 13 Vossapakko Miljøet i Vangsvatnet I ein godkjend reguleringsplan frå 2002 er det gitt løyve til fylling av tunnelmassar i Vangsvatnet. Men nye krav til inngrep i naturen gjer at vi må finne gode løysingar som hindrar til dømes utslepp og avrenning frå fyllinga. I mars 2012 skal det difor monterast doble siltgardiner i vatnet ved Svartenakken for å vere heilt sikker på at korkje Vossolaksen eller anna fisk i Vangsvatnet skal verte skadd. Vi vil følge nøye med og ta prøver av vatnet bak gardinene for å vere på den sikre sida, og eventuelt da stogge lekkasjar. Det finst svovelkis i bergarten (fyllitt) der Vangstunnelen skal byggast. Men analyser viser at svovelinnhaldet er i så små mengder at utfyllinga ikkje vil ha betydning for miljøet i Vangsvatnet. På illustrasjonen her ser du rundkøyringa ved Svartenakken og inngang til Vangstunnelen frå vest. Her er og teikna inn fyllinga i Vangsvatnet, og her går lokalvegen som skal krysse E16 i bru lenger vest.
www.vegvesen.no/vegprosjekter/vossapakken Her kjem Vangstunnelen ut ved Ringheim. Det er ikkje bestemt korleis rundkøyringa skal utsmykkast her, men det kan bli likeeins som på Svartenakken. Slik vert vegløysinga ved Ringheim. Vegen til Bavallen vil kome inn på same rundkøyring slik at denne vil få fire «armar».
E16 og rv. 13 Vossapakko Støy Vangstunnelen skal drivast frå Svartenakken, og det vil seie at all transport av tunnelmassar vil kome ut her, for å fyllast ut i Vangsvatnet eller fraktast til andre stader. Massetransporten og tømming av lastebilar vil føre til støy i nærområda, men det som kan iverksettast av tiltak for å minke støyen vil bli gjort. Anleggsdrifta følgjer statlege retningsliner for avgrensing av støy frå bygg- og anleggsverksemd og skal ikkje overskride dei støygrenser som er fastlagde i Miljøverndepartementet sine retningsliner. Vert det naudsynt å gjere arbeid som overskrid grenseverdiane, vil dispensasjon bli søkt hos kommunale helsemyndigheiter. Dersom slikt arbeid skal utførast, vert aktuelle naboar informerte på førehand, og naudsynte tiltak vil bli gjort. Når det gjeld støy frå vegtrafikk i framtida, vil eigarane av dei bustadane som vert liggande innafor kartlagt støysone ved Svartenakkken/Seim og Ringheim få utført støydempande tiltak på bustaden. I dei komande vekene til og med mars vil støykonsulent som skal prosjektere tiltaka for dei einskilde bustadane kome på vitjing. Under tunneldrivinga vil dei som bur over tunneltraseen merke støy og rystingar frå boring og sprenging i tunnelen. Rysting Frå naturen si side er mennesket utrusta med stor kjensle for vibrasjonar. Vi kan merke rystingar som er fleire hundre gonger svakare enn grenseverdiane. Difor kan sprengingane opplevast som kraftige og ubehagelige utan at det er fare for skader. Ulike lydar og støy Nedanfor er dei mest karakteristiske lydane som kan opptre i samband med tunneldrifta omtala. Sjølv om rystingane er forholdsvis små, kan lette gjenstandar bevege seg mot kanten på hyller og bord. Vi oppmodar difor naboane om å halde auge med lause ting og kontrollere at bilete, speil o.l. er godt festa. Lyd Varigheit Arbeidsoperasjon During Svak, jamn summelyd som kjem og går i 1-3 timar. Knatring Varar i 5-6 sekund. Ujamn frekvens Sprenging Hamring 2-4 støyt pr. sekund. Varar i ca. 30-60 minutt. Boring for sprenging, injeksjon eller installering av boltar. Reinsk (gravemaskin med hydraulisk hammar).
www.vegvesen.no/vegprosjekter/vossapakken Slik vert tunnelen bygd Boring og lading Det vert bora ca. 5 meter lange hol som ladast med sprengstoff. Sprenging For å minske rystingane på overflata vert kvar sprenging delt opp i mange små salver som fyrast av i rask rekkefølgje (5-6 sekund). Salvene tilpassast i forhold til omgivnadene og kvaliteten på fjellet. Utlasting Dei utsprengde fjellmassane vert lasta på bilar og frakta dit dei skal brukast eller til mellomlager/deponi. Alle illustrasjonar: Arild W. Solerød, Statens vegvesen Reinsk og sikring Laust fjell vert pigga ned med ein stor hydraulisk hammar før manuell reinsk. Er fjellkvaliteten dårleg må tunnelen sikrast med boltar, sprøytebetong og/eller armering. Kontrollingeniørane i Statens vegvesen kontrollerer fjelltilhøva etter kvar einaste salve og vurderer omfanget av nødvendig sikring. Ønskjer du varsling på SMS før sprenging, send melding til 906 79 484. Finn elles informasjon om Vossapakko på www.vegvesen.no/vegprosjekter/vossapakko
E16 og rv. 13 Vossapakko Omsyn til vegnaboar Statens vegvesen kjem til å halde opne møte for bebuarar både på Vossevangen/ Svartenakken og ved Ringheim. Her vert høve til å sjå planar og teikningar av prosjektet, og få svar på spørsmål. På Statens vegvesen sine nettsider vegvesen.no, vil vi på prosjektsidene til Vossapakken/Vangstunnelen/Framdrift legge ut kart som syner heile strekninga. Kvar veke skal her markerast kor langt tunneldrivinga har kome, noko som kan vere interessant å følge med på. Der det er kort avstand mellom sjølve tunnelen og opp til overflata (Svartenakken) vert det sprengd med varsemd i små salver. Dette for å unngå eventuelle skader på hus og eigedom. Om ønskjeleg vert det og mogleg å melde seg på såkalla SMS-varsling. Da vil du få tekstmelding på mobiltelefonen før kvar salve skal sprengast, og veit kva som er i vente. Skader i samband med sprenging I samband med tunnelbygginga er det gjennomført tilstandsvurdering på alle bygningar langs tunneltraseen. For å redusere risiko for skader på bygningar som følgje av rystingar etter sprenging, er det sett strenge krav til sprengingsarbeidet. På aktuelle bygningar er det sett opp rystingsmålarar som skal registrere nivået på rystingane, slik at fastsette grenser ikkje vert overstige. Mottoet er: Trygt Fram Saman Kontaktperson Prosjektleiar Lars Magnar Røneid tlf. 905 33 318 lars.roneid@vegvesen.no Byggeleiar Bjarne Løne tlf. 950 86 772 bjarne.lone@vegvesen.no Besøk prosjektsidene våre: http://www.vegvesen.no/vegprosjekter/vangstunnelen E-post: vossapakko@vegvesen.no 0044-12 grafisk.senter@vegvesen.no www.vegvesen.no/vegprosjekter/vossapakken