FØRESEGNER for detaljregulering for Haganes hytteområde 1 Det regulerte området er på planen vist med reguleringsgrense på plankart datert 12.02.2013. Føremålet med reguleringsplanen er å leggje til rette for fritidsbustader, småbåthamn, friluftsføremål og landbruk. Arealet innanfor plangrensa har følgjande føremål i samsvar med PBL 12-5: I. Bygningar og anlegg ( 12-5 nr 1) - Fritidsbustader - Småbåtanlegg i sjø og vassdrag med tilhøyrande strandsone - Naustbuer - Leikeplass - Trafo - Renovasjonsanlegg II. Samferdsle og teknisk infrastruktur ( 12-5 nr 2) - Veg - Kjøreveg - Parkeringsplass III. Grønstruktur ( 12-5 nr 3) - Badeplass IV. Landbruks- natur- og friluftsføremål ( 12-5 nr 5) - Landbruksføremål - Friluftsføremål V. Bruk og vern av sjø og vassdrag med tilhøyrande strandsone ( 12-5 nr 6) - Småbåthamn - Friluftsområde i sjø - Ferdsel VI. Omsynssoner ( 12-6 og 11-8) - Frisiktsone
2 BYGNINGAR OG ANLEGG (PBL 12-5 nr 1) 2.1 Fritidsbustader (F1 13) 2.1.1 Det kan byggjast inntil 34 hytter innanfor planområdet, inkludert eksisterande hytter. Tomter skal leggjast ut som vist på plankartet. 2.1.2 Hyttene skal førast opp i ein etasje utan kjellar eller loft. Frittliggjande uthus er ikkje tillate. 2.1.3 Hytter som ligg mindre enn 100-meter frå sjøen (hytter nr. 2, 3, 4, 5 og 6) kan ha grunnflate inntil 90 m 2 BYA. Hytter som ligg meir enn 100 meter frå sjø kan ha grunnflate på inntil 135 m 2 BYA. Parkeringsplassar kjem i tillegg. 2.1.4 Gesimshøgde skal vere maksimalt 3.5 meter og mønehøgd maksimalt 5.5 meter, målt frå gjennomsnittleg planert terreng. Grunnmur/pelar skal ikkje vere høgare enn 1,0 meter. 2.1.5 Det skal opparbeidast 2 parkeringsplassar pr fritidsbustad anten på eigen grunn eller på felles parkeringsplass. 2.1.6 Kommunen skal ved handsaming av den einskilde byggjemelding sjå til at hyttene samla får ei harmonisk og estetisk god utforming og god plassering i landskapet. Terrenget kring hyttene skal vere mest mogeleg urørt. 2.1.7 Utvendige fargar skal vere fargar som går igjen i naturen, t.d. grått, brunt og oliven. Utvendige materialar, utvendige fargar, takform og møneretning skal godkjennast av kommunen i samband med byggjesøknad. 2.1.8 Hytteeigarar kan gjerde inn eigedomane for å hindre beitedyr. 2.1.9 Det skal førast kommunalt drikkevatn fram til hyttene. Det kan leggjast inn vatn når det er gjeve utsleppsløyve. 2.1.10 Spillvatn/avløp skal førast til godkjent felles reinseanlegg med utslepp til sjø. 2.2 Naustbuer (FN1 og FN2) - felles 2.2.1 Innanfor områda kan det setjast opp felles naustbuer med grunnflate inntil 5 m 2 pr båtplass. Kvar bygning skal ha BYA på maks 35 m 2. Maks gesimshøgd skal vere 2,40 m. Bygningane skal ha saltak med takvinkel som eksisterande nabonaust, og brystveggen skal vende mot sjøen. 2.2.2 Naustbuer skal tilpassast lokal byggjetradisjon for naust. Fargesetting skal ta omsyn til landskapet på staden. 2.2.3 Naustbuer skal ikkje ha vindaugsareal på meir enn 0,6 m 2 pr bygning. 2.3 Båtopptrekk (BO) - felles Området skal nyttast til båtopptrekk.
2.4 Kai (K1-2) - felles Området skal nyttast til kai. 2.5 Leikeplass (L1-2) - felles 2.5.1 Prinsippa om universell utforming skal ivaretakast ved planlegging og tilrettelegging av leikeareal. 2.5.2 Leikeplassar skal vere felles for alle grunneigarar innanfor planområdet. 3 SAMFERDSEL OG TEKNISK INFRASTRUKTUR (PBL 12-5 nr 2) 3.1 Køyreveg (V1 V8) felles 3.1.1 Vegar (V1-V6) skal opparbeidast i samsvar med plankartet, med køyrebane inntil 3,0 m breidde med tillegg av nødvendige grøfter og skråningar. 3.1.2 Vegar skal opparbeidast med minst mogeleg terrenginngrep. 3.1.3 Vegar skal vere felles for alle grunneigarar innanfor planområdet og grunneigarar med vegrett gjennom området. 3.2 Veg (V9) - privat Vegen skal nyttast til drift av landbrukseigedom. 3.3 Parkeringsplass (P1-3) - felles Parkeringsplass P1 skal vere felles for hytte nr 1 og 2 Parkeringsplass P2 skal vere felles for hytte nr 3 7 Parkeringsplass P3 skal vere felles for hytte nr 9 15 Andre hytter skal ha parkering på eigen grunn. 4 GRØNSTRUKTUR 4.1 Badeplass (B1) - felles 4.1.1 Området kan nyttast som badeplass. Berre tiltak som legg til rette for denne bruken er tillatne.
4 LANDBRUKS-, NATUR- OG FRILUFTSFØREMÅL (PBL 12-5 nr 5) 4.1 Landbruksføremål (L1-5) Området skal nyttast til jordbruk. 4.2 Friluftsføremål (FR1-5) 4.2.1 Det er ikkje tillate å drive verksemd eller føre opp bygningar eller anlegg som er til hinder for bruk av området til friluftsføremål. 5 BRUK OG VERN AV SJØ OG VASSDRAG MED TILHØYRANDE STRANDSONE (PBL 12-5 nr 6) 5.2 Småbåtanlegg (SM1) - felles 5.2.1 Innafor området kan det leggjast småbåthamn med plass til inntil 39 fritidsbåtar. Båthamna skal vere felles for alle med rett til båtplass. 5.2.2 Båthamna skal prosjekterast og dimensjonerast for å tole påkjenning frå vind og bølgjer. Sikkerheitsklasse F2 og 200-årsbølgje skal leggjast til grunn. Det må leggjast fram dokumentasjon på at båthamna er planlagt og dimensjonert av personell med tilstrekkeleg kompetanse innan fagfeltet. Dokumentasjonskravet gjeld og for personell som skal leggje ut flytebryggjer. Før bygging/utlegging av bryggjer / bølgjebrytar skal det utarbeidast ein plan som syner utforming, plassering, materialval, m.m., og denne skal godkjennast av hamnemynde og bygningsmynde. Området skal opparbeidast på ein slik måte at det inviterer til ålmenn ferdsel. Stengsel eller anna type privatiserande innretningar skal ikkje etablerast. 5.3 Friluftsområde i sjø (FRS1) Området skal nyttast som friluftsområde; til sportsfiske, bading og andre fritidsaktivitetar og skal vere allment tilgjengeleg. Oppankring av båtar, båtfeste eller andre faste innretningar er ikkje tillate. 6 OMSYNSSONE (PBL 12-6 og 11-8) 6.1 Frisiktsone 6.1.1 Innanfor frisiktsoner skal det ikkje vere sikthindrande gjenstandar eller vegetasjon som er høgare enn 0,5 meter over tilstøytande køyrebane sitt plan. 7 FELLES FØRESEGNER 7.1. Innafor planområdet skal eksisterande vegetasjon og biologisk mangfald takast vare på så langt som råd er. Sprenging og fylling skal utførast med minst mogelege inngrep i naturen og landskapet. 7.2 Elektriske kablar og telekablar skal så langt som mogleg leggjast i jord.
7.3 Om det vert gjort funn av gjenstandar eller konstruksjonar under arbeid med tiltak i planområdet, må arbeidet straks stansast og rette kulturminnestyresmakt varslast for nærare gransking, jamfør kulturminnelova 8, 2. ledd. 7.4 Alle tiltak i sjø som fell inn under hamne- og farvasslova (kai, flytebryggje, sjøleidning, utfylling m.m.) krev løyve frå hamnemynde i tillegg til handsaming etter plan- og bygningslova. 8 REKKJEFØLGJEKRAV 8.1 I krysset mellom kommunal veg til Håvik og Fv732 er kravet til sikt i begge retningar 4 x 60 meter. Siktsonene skal vere opparbeidde og godkjende av Statens vegvesen før det vert gjeve løyve til nye tiltak i planområdet. 8.2 Før det vert gjeve løyve til nye tiltak innanfor planområdet skal det liggje føre godkjenning frå kommunen ang deltaking i opparbeiding og utbetring av møteplassar langs Håvikvegen. 8.3 Tilkomstvegar skal vere opparbeida før byggjeløyve vert gjeve. 8.4 Det blir ikkje gitt byggjeløyve for nye fritidsbustadar før nytt utslepp er godkjent og etablert, og før det er sikra godkjent vassforsyning til den omsøkte fritidsbustaden. 12.02.13 SAa