Lindås kommune Føresegner til reguleringsplan Langheiane B1 og B2 Plani ID: 201004 Dagsett 07.februar 2011 Generelt: Føresegnene er juridisk bindande og gjev nærare detaljering av arealbruken på plankartet. 1. GENERELT Det regulerte området er i planen vist med stipla grense på kart i målestokk 1:1000. Arealbruken i planområdet er delt i følgjande reguleringsformål med underformål (Jf. plan- og bygningslova 12-5 og 12-6). Føremålet med planen er å leggja til rette for konsentrerte bustader med gode felles leike- og uteopphaldsareal. Trafikken skal lokaliserast til eit felles parkeringsområde midt i planområdet. 1. BYGNINGAR OG ANLEGG Bustader-konsentrert-småhus Leikeplass Uteopphaldsareal 2. SAMFERDSELSANLEGG OG TEKNISK INFRASTRUKTUR Køyreveg-felles Fortau - felles Gangveg/gangareal - felles Parkeringsplassar - felles 3. GRØNTSTRUKTUR Grønstruktur 4. OMSYNSONER Frisiktsone
2 FELLESFØRESEGNER 2.1 Krav til opplysningar ved rammesøknad Søknad om løyve til tiltak skal for kvart delområde innehalde ein detaljert, kotesett situasjonsplan i målestokk 1:250 som syner bygningsvolum, terrassar, handsaming av terreng, avkøyrsler, plassering av bygningar, parkeringsplassar, interne gangvegar, leikeareal, post, trafostasjonar og felles hentestad for avfall. Materialet skal òg innehalde terrengsnitt med bygningar, og illustrasjonar som viser bygningane kvar for seg og samla for planområdet. Soldiagram skal lagast for vår/haustjamdøgn og midtsommar. Støttemurar skal kotesetjast. Det skal gjerast greie for vurderingar knytt til bruk av alternative fornybare energikjelder i samband med søknaden. I samband med rammesøknad skal brannstyresmakt gje uttale. Føresegnene i reguleringsplanen skal leggjast til grunn for detaljering. 2.2 Krav om utomhusplan ved rammesøknad Ved handsaming av byggesaka skal kommunen sjå til at bygningar og utomhusanlegg får ei god form og god materialbruk, er tilpassa terrenget og at nye bygningar harmonerer i volum, form og fasadar med utbygginga i området elles. Terrassar, gjerder og murar skal visast for kvart av delfelta B1, B2, B3, B4 og B5 for å sikre heilskaplege løysingar. Det skal sendast inn ein utomhusplan som kommunen skal godkjenna i samband med rammesøknad. Her skal også krav til møblering av leikeplassar og torg visast. Utomhusanlegga som ikkje er relatert til byggjesøknader knytt til bygningane skal vera eit eige tiltak som krev godkjenning i medhald av planog bygningslova 20-1. 2.3 Støy Bustadane skal byggjast ut slik at støybelastninga ikkje vert høgare enn krav i retningsline T-1442. 2.4 Utbyggingsrekkefølgje 2.4.1 Krav til opparbeiding av fellesvegar og fortau Det kan gjevast igangsettingsløyve under føresetnad av at felles køyreveg m/fortau og felles parkeringsplassar vert opparbeidd og bygd samstundes med bustadane. Utomhusanlegga må vera godkjent før det vert gjeve bruksløyve for bustadene. 2.4.2 Krav til opparbeiding av torg og felles leikeplassar Det kan gjevast igangsettingsløyve i felt B1, B2 og B3 under føresetnad av at torget og leikeplass Fe1, Fe2 og Fe5 vert opparbeidd og ferdigstilt samstundes med bustadane. Det kan gjevast igangsettingsløyve i felt B4 og B5 under føresetnad av at leikeplass Fe3 og Fe4 vert opparbeidd og ferdigstilt samstundes med bustadane. Alle leikeplassane og torget skal vera ferdig opparbeidd og møblert i samsvar med utomhusplanen, jf. krava ovanfor for delfelta, før det kan gjevast ferdigattest for bustader i respektive felt.
Leikeplass Fe2 skal sikrast med gjerde mot Lonsvegen før det kan gjevast ferdigattest for bustader i felt B1,B2 og B3. 2.4.3 Rammeplan for vatn og avløp For felta skal det ikkje gjevast igangsettingsløyve før det ligg føre godkjent rammeplan for vatn og avløp. Plan for slokkevatn, drenering og ev. fordrøyningsbasseng m.m. skal vera ein del av rammeplanen. 2.4.4 Utbyggingsavtale Det skal framforhandlast ny utbyggingsavtale med Lindås kommune for etablering av tiltak i samband med teknisk infrastruktur som veg, fortau, gangveg, vatn og avløp. Det kan ikkje gjevast igangsettingsløyve før det ligg føre slik avtale. 2.4.5 Utbyggingstakt Utbyggingstakten for det nye byggefeltet skal vere i samsvar med det til ei kvar tid gjeldande bustadbyggeprogram. 2.4.6. God overgang på Lonsvegen God overgang på Lonsvegen må drøftast og sikrast før ferdigattest for bustader kan gjevast. 2.5 Medlemskap i sameige Det skal opprettast eit sameige/ felles lag som sikrar at alle bueiningane skal ha plikt til å delta i drift av alle fellesareal inkludert leikeplassar. Organisering og driftsform må avtalast nærmare i utbyggingsavtalen. 2.6 Anna 2.6.1 Støttemurar med høgd over 1 meter skal mot offentleg veg/ felles veg sikrast med gjerde. 2.6.2 Planting må ikkje gjerast slik at den etter kommunen si meining er til hinder eller ulempe for offentleg ferdsle eller vedlikehald. 2.6.3 All distribusjon av telefon, kabel-tv o.l. i planområdet skal skje via kabelanlegg nedgrave i bakken. 2.6.4 Alle tiltak skal legge tilhøva tilrette for orienterings- og rørslehemma. 2.7. Kulturminne Dersom det vert gjort funn avgjenstandar eller konstruksjonar i samband med gravearbeid skal dette meldast inn til kulturstyresmakt, jf. lov om kulturminne 8.2 ledd. 3 BYGNINGAR OG ANLEGG 3.1 Bustader konsentrert - småhus (B1-B5) 3.1.1 Innanfor området skal det ikkje tillatast anna verksemd enn bustadformål. Bustadane skal ha form som rekkjehus i to eller tre etasjar.
3.1.2 Innafor området kan det oppførast maksimum 52 bueiningar og med maksimum etasjetal fordelt slik i felta: B1, maksimalt 6 bueiningar og inntil 2 etasjar, maksimum BRA 550 m2 B2, maksimalt 14 bueiningar og inntil 3 etasjar, maksimum BRA 1260 m2 B3, maksimalt 10 bueiningar og inntil 2 etasjar, maksimum BRA 700 m2 B4, maksimalt 12 bueiningar og inntil 3 etasjar, maksimum BRA 1550 m2 B5, maksimalt 10 bueiningar og inntil 2 etasjar, maksimum BRA 850 m2 I B4 skal det vera 475 m2 parkeringsareal under bakken, dette inngår i maksimum BRA for delfeltet. 3.1.3 Bustadene skal plasserast innafor byggjegrenser som vist på plankartet. 3.1.4 Maksimum mønehøgd er vist på plankartet for dei enkelte felta. Byggjegrense er definert på plankartet. Utanfor byggjegrensa kan det byggjast terrassar på bakken. Terrassane skal vera i samsvar med godkjent utomhusplan. Desse skal ha ei heilskapleg utforming og vera ferdigbygd samstundes med innsending av ferdigattest. 3.1.5 Det er ikkje tillete med garasjar i planområdet. 3.1.6 Bygningane skal ha pulttak med minimum 5 graders vinkel. 3.1.7 Minimum 70 % av bustadene skal stette krava til universell utforming. Dokumentasjon for dette må visast i samband med rammesøknad. 3.1.8 Det vert ikkje tillete med sekundære bueiningar eller hyblar. 3.1.9 Areal for privat uteopphald, terrasser og balkongar - Arealkravet er min. 6m2 per bueining for privat uteopphald. - Private uteareal kan inngjerast med hekk ikkje høgare enn 1,2 meter. - Utearealet skal ikkje tilplantast med tre og busker som kan vera sjenerande for ferdsel eller nabo. - Privat treterrasse på bakken kan maksimum vera 14 m2 og utforminga skal visast i rammesøknaden og i utomhusplanen. Resterande privat uteareal skal ha vegetasjon og grasdekke. - Alt privatareal for universelt utforma bueiningar skal ha universell utforming. 3.2 Postkasse areal Her skal det etablerast felles postkassestativ. Denne skal visast i utomhusplanen. 3.3 Bossoppstillingsplass Her skal det etablerast felles plass for bossdunkar. Utforminga skal visast i utomhusplanen. 3.4 Trafo areal Her kan det etablerast trafo. Plassering må godkjennast av netteigar og visast i utomhusplanen.
3.5 Uteopphaldsareal og leik 3.5.1 Område for felles leik og uteopphald. Områda skal vera felles for alle innanfor planområdet. Krav til opparbeiding og møblering av leikeplassane må visast i utomhusplanen. Det skal minimum vera opparbeidd 25 m2 leikeareal per bueining i området. 3.5.2. Kvalitetskrav til felles leikeareal og uteopphaldsareal - trafikksikker lokalisering. - gode lokalklimatiske tilhøve, mellom anna solrik plassering på min. 50% av arealet - støynivået skal ikkje overstige 55 dba - skjerma frå forureining - hensiktsmessig form og samanhengande areal - tilgjengeleg utan kryssing av bilveg - areal brattare enn 1:3 skal ikkje reknast med - Fellesarealet leik skal ha universell utforming og tilkomst. 3.5.3 Landskapsmessige kvalitetar i uteopphaldsareala Eksisterande vegetasjon, tre og markdekke bør i størst mogleg grad søkjast bevart. Dette må visast i utomhusplanen og dokumenterast i rammesøknaden. 4 SAMFERDSELSANLEGG OG TEKNISK INFRASTRUKTUR 4.1 Terrenginngrep Terrenginngrep i samband med veganlegg skal vere skånsame. Skjeringar og fyllingar skal handsamast på ei god måte t.d. med tilplanting. Eksisterande vegetasjon og større tre må takast vare på i størst mogeleg grad. 4.2 Felles areal Tilkomst- og parkeringsareal, torg og alle fortau vist på plankartet er felles for alle med rettar innanfor planområdet. Fellesskapet har ansvar for drift og vedlikehald av desse anlegga. 4.3 Parkering Det skal opparbeidast minimum 1,4 plassar per bueining i feltet. Det skal etablerast minimum 62 parkeringsplassar på terreng. Minimum 11 parkeringsplassar skal i tillegg vera lokalisert under terreng i felt B4. Minst 3 av parkeringsplassane skal vere øyremerka for HC-parkering. Parkeringsplassen Fe 15 skal ha ei overflate som skal brytast opp med ulik materialbruk og skal brytast opp med vegetasjon. Maksimum 53 plassar skal ha jordfarga asfalt, og dei andre parkeringsplassane skal planerast med grasarmering. Utomhusplanen skal visa detaljar knytt til denne. Vurderingar knytt til trafikktryggleik skal leggjast ved utomhusplanen. 5 GRØNTSTRUKTUR
5.1. Grønstruktur Områda skal ha tilgjenge for ålmenta, skal ikkje gjerdast inn og det kan ikkje oppførast konstruksjonar eller bygg i områda. Det er ikkje tillete å lagre massar eller å nytte områda som rigg-plass. Det er heller ikkje tillete med kvistdeponi i områda. 6 OMSYNSONER 6.1. Frisiktsone mot veg I frisiktsona skal det ikkje plantast tre eller busker eller etablerast hinder som er høgare enn 0,5 meter over bakken. Sikta skal vera fri i ei høgd på 0,5 meter over tilstøtande veg sitt planert nivå.