VANYLVEN KOMMUNE MØTEPROTOKOLL UTVAL: Formannskapet Møtestad: Rådmannens kontor - Rådhuset, Fiskå Dato: 19.11.2015 Møtet tok til 09:00 Møtet slutta 14:00 Møtet var innkalla ved utsend sakliste datert 12.11.2015. Ordførar Lena Landsverk Sande leia møtet. Faste medlemar som møtte: Namn Funksjon Representerer Lena Landsverk Sande Ordførar V Bjarne Sætrenes Varaordførar FRP Ingebrigt Berget Medlem SP Ane Malene Søvik Nygård Medlem H Øystein Blom Medlem KRF Lena Nordal Vedeld Medlem H Faste medlemar som ikkje møtte: Namn Funksjon Representerer Ottar Jan Løvoll Medlem AP Varamedlemar som møtte: Namn Møtte for Representerer Mona Stenersen Ottar Jan Løvoll AP 7 av 7 medlemar møtte.
Frå administrasjonen møtte: Namn Stilling Arnhild Nordaune Kommunalsjef helse- og sosialsektor / fung. rådmann Terje Kolstad Kommunalsjef teknisk sektor Hallvard Takset Økonomileiar. Ikkje under Eventuelt. Kåre Kvangarsnes Møtesekretær Mona Stenersen gjekk frå som ugild i sak 145/2015 sambuar med dagleg leiar for kafeen. Ordføraren fekk innvilga permisjon etter dei innleiande orienteringane i sak 149/2015. Varamedlem Jens Erling Lillebø, Krf, møtte. Varaordførar Bjarne Sætrenes tok over møteleiinga. Ordføraren kom tilbake og overtok møteleiinga før spørsmåla frå Ingebrigt Berget under Eventuelt. Jens Erling Lillebø gjekk frå. Underskrifter: Vi stadfestar at det som er ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel PS 140/2015 Godkjenning av innkalling PS 141/2015 Godkjenning av møteprotokoll frå siste møte PS 142/2015 Skriv og meldingar Orientering frå rådmannen. PS 143/2015 Atle Brudevik - Massetak - Dispensasjon - Gnr 4 Bnr 1 og 2 PS 144/2015 Hurtigladestasjon For EL-bil i Vanylven kommune PS 145/2015 Combi Kafe AS Serveringsløyve PS 146/2015 Val av forhandlingsutval kommunereforma PS 147/2015 Solsikka barnehage: Avrekning driftstilskot for 2014 PS 148/2015 Tilskot for 2015 til drift av privat barnehage i Vanylven kommune PS 149/2015 Økonomiplan 2016-2019 med budsjett for 2016 Eventuelt
PS 140/2015 Godkjenning av innkalling Innkallinga vart godkjend. PS 141/2015 Godkjenning av møteprotokoll frå siste møte Møteprotokoll frå siste møte vart godkjend PS 142/2015 Skriv og meldingar Ordføraren viste til at sidan korkje ordførar eller varordførar hadde høve til å delta på KS fylkesmøte 18. november grunna studietur til Danmark i samband med kommunereformarbeidet, møtte Øystein Blom; jfr. vedtak i kommunestyret 10.11.2015. Øystein Blom orienterte om KS fylkesmøte 18. november konstituerande møte. Anders Rise vart vald til leiar i KS Møre og Romsdal. Fung. rådmann Arnhild Nordaune orienterte om følgjande: Finansiering av stilling som strategi- og utviklingsleiar. Forsøksordning statleg finansiering av eldreomsorga. Delte ut informasjon. Framlagd skriv og orienteringar vart teke til vitande. Formannskapet bed om at det til formannskapsmøte 1. desember og kommunestyremøte 8. desember 2015 vert lagt fram sak vedk. søknad om deltaking i forsøksordning statleg finansiering av eldreomsorga. PS 143/2015 Atle Brudevik - Massetak - Dispensasjon - Gnr 4 Bnr 1 og 2 Samrøystes vedtak som framlegget. 1. Vanylven kommune viser til plan- og bygningslova 19-1 og gjev dispensasjon frå kommuneplanens arealdel for masseuttak i Brudevika som omsøkt. 2. Vanylven kommune gjev løyve til tiltaket som omsøkt. 3. Tiltakshavar er ansvarleg for at tiltaket stettar krav etter plan- og bygningsloven med tilhøyrande forskrifter.
4. Tiltakshavar må ta omsyn til miljømessige forhald under drifta av masseuttaket og i ettertid når drifta er ferdig. 5. Kommunen skal føre tilsyn med tiltaket jf. PBL 1-4 og 25-1. PS 144/2015 Hurtigladestasjon for EL-bil i Vanylven kommune Samrøystes vedtak som framlegget. Formannskapet vedtek at det ikkje per dato vert sett opp hurtigladar for el-bil i Vanylven kommune, men ventar til bruken av el-bilar i Vanylven dekker dei kommunale kapital- og driftsutgiftene ved eit slikt anlegg. PS 145/2015 Combi Kafe AS - Serveringsløyve Mona Stenersen gjekk frå som ugild sambuar med dagleg leiar for kafeen. Samrøystes vedtak som framlegget. Det vert gitt serveringsløyve til Combi Kafe AS for kafe og kantinedrift i Combisenteret, Fiskå, med Stig Rusten som dagleg leiar. Ein tek atterhald om evt. merknader frå politiet og Mattilsynet. PS 146/2015 Val av forhandlingsutval kommunereforma Etter framlegg frå Øystein Blom vart det gjort slik samrøystes Til forhandlingsutval i samband med kommunereforma vert desse valde: Ordførar Lena Landsverk Sande Varaordførar Bjarne Sætrenes Gruppeleiar i Ap Ottar Jan Løvoll Rådmann Andreas Chr. Nørve
PS 147/2015 Solsikka barnehage: Avrekning driftstilskot for 2014 Tilråding frå rådmannen i Ulstein: Solsikka barnehage får eit samla driftstilskot på kr 8 258 610 for 2014. Styreleiar og eigar av selskapet er sambuar med rådmannen i Vanylven. Det ligg difor føre saksutgreiing og tilråding frå rådmannen i Ulstein kommune. På grunn av tilleggopplysingar la ordføraren fram slikt tilleggsforslag: For mykje utbetalt tilskot på kr. 103.850 vert å motrekne på neste tilskotsutbetaling til barnehagen. Det vart gjort slik samrøystes Solsikka barnehage får eit samla driftstilskot på kr 8 258 610 for 2014. For mykje utbetalt tilskot på kr. 103.850 vert å motrekne på neste tilskotsutbetaling til barnehagen. PS 148/2015 Tilskot for 2015 til drift av privat barnehage i Vanylven kommune Tilråding frå rådmannen i Ulstein: Solsikka barnehage får eit samla tilskot på kr 9 201 833 for 2015. Styreleiar og eigar av selskapet er sambuar med rådmannen i Vanylven. Det ligg difor føre saksutgreiing og tilråding frå rådmannen i Ulstein kommune. Samrøystes vedtak som tilrådinga frå rådmannen i Ulstein: Solsikka barnehage får eit samla tilskot på kr 9 201 833 for 2015. PS 149/2015 Økonomiplan 2016-2019 med budsjett for 2016 Tilråding: 1. Driftsbudsjettet for 2016 med rammetildeling per sektor og investeringar per prosjekt slik det framgår av taldel i budsjettdokumentet, vert godkjent. 2. Økonomiplanen sin driftsdel og investeringsdel for perioden 2016-2019, slik det framgår av taldel i budsjettdokumentet, vert godkjent. 3. Samla låneopptak i 2016 vert på kr 16.925.000 inklusiv kr 2.000.000 til vidareutlån av startlån.
4. Som oppfølgjing av økonomiplanen vert rådmannen bedt om å utarbeide og utdjupe innsparingstiltak, mellom anna dei som ligg i taldelen til budsjettet. Ordføraren fekk innvilga permisjon etter dei innleiande orienteringane. Varamedlem Jens Erling Lillebø, Krf, møtte. Varaordførar Bjarne Sætrenes tok over møteleiinga. Det vart gjort slik samrøystes Formannskapet tilrår: 1. Driftsbudsjettet for 2016 med rammetildeling per sektor og investeringar per prosjekt slik det framgår av taldel i budsjettdokumentet, vert godkjent med slik endring: - Prosjekt Treningsrom Fiskå vert erstatta av nytt prosjekt Behandlingsrom/oppussing av gamle sjukeheim. Auka løyving kr. 700.000 i 2016, finansiert med lån. - Parkeringsplass rådhus. Auka løyving kr. 463.000 i 2016, finansiert med lån. 2. Økonomiplanen sin driftsdel og investeringsdel for perioden 2016-2019, slik det framgår av taldel i budsjettdokumentet, vert godkjent med slik tillegg: - Ny brannbil vert innlagt i 2018. Auka løyving kr. 3.200.000, finansiert med lån. 3. Samla låneopptak i 2016 vert på kr 17.855.000 inklusiv kr 2.000.000 til vidareutlån av startlån. 4. Som oppfølgjing av økonomiplanen vert rådmannen bedt om å utarbeide og utdjupe innsparingstiltak, mellom anna dei som ligg i taldelen til budsjettet. 5. Det vert teke til vitande at rådmannen vil omorganisere i staben slik at kulturrådgjevarstillinga vert oppretthalden i inntil 80 % stilling. Vidare vert bassengdrifta utvida med 8 veker, med finansiering frå statstilskot til einslege mindreårige. 6. Rådmannen vert oppmoda om å prioritere arbeidet med avhending av Rovdetun, Åram skule, Eidsåtun, Thue skule og evt. andre kommunale bygg.
Eventuelt: Øystein Blom tok fylgjande: Spurde om Nav Vanylven har aktivitetstilbod for trygdemottakarar. Fung. rådmann Arnhild Nordaune svarde at det vert lagt inn aktivitetskrav til trygdemottakarar. Opplyste at bussruta frå Åheim til Maurstad kl. 07.15 går ut frå nyttår. Formannskapet meiner at det ikkje er akseptabelt at kommunen ikkje har fått denne endringa til høyring. Ordføraren tek dette opp med fylkeskommunen. Ingebrigt Berget tok opp desse sakene: Reagerte på kritikken mot ordføraren, framsett av gruppeleiaren i Arbeidarpartiet i lesarinnlegg i Synste Møre i samband med møte i fylkessamferdselsutvalet sak vedk. beredskapsferjer. Ordføraren oppmoda om at formannskapsmedlemane arbeider aktivt opp mot sine politikarar på fylkesnivå i dei einskilde partia. Bad om betre oppdatering av møtekalender på nettbrett. Rett utskrift 20.11.2015 Kåre Kvangarsnes