Å KOMME HEIM OPPFØLGING AV DEG OG FAMILIEN DIN
VELKOMMEN HEIM Foto: Magnus Endal OPPFØLGING ETTER HEIMKOMST Her finn du informasjon til både deg som har vore på oppdrag i Sierra Leone, og til familien din. Sjølv om ikkje alt som står her vil vere aktuelt for deg, er det viktig å vite om tips og tilbod som er tilgjengelege for deg og dine. Du kan til ei kvar tid kontakte oss dersom du har spørsmål. Etter opphald i Sierra Leone blir helsepersonell samla til ei oppsummering for heile teamet. Overgangen frå livet i leiren, til å komme heim er ofte stor. Det er derfor viktig med eit slikt mellomopphald slik at du får mogelegheita til å senke skuldrene litt før du kjem heim. Kontakt 24 timar i døgnet: TLF. 482 41 744 Tema for samlinga blir: Oppsummering for heile teamet Medisinsk sjekk ved behov Drøfting av mogelege kvalitetsforbetringar i prosjektet Gjennomgang av rutinar i forhold til mogeleg ebola-smitte og risikovurdering Gjennomgang av rutinar i forhold til media Individuell samtale med psykolog eller sjukehusprest Vidare oppfølging hos psykolog ved behov Foto: Colourbox
KORLEIS KAN HELSEPERSONELL BLI SMITTA AV EBOLA? Ebola kan smitte dersom ein får infiserte kroppsvæsker på slimhinner, til dømes nase, auge eller munn. Ebola smittar ikkje gjennom luft. Norsk helsepersonell som er på oppdrag i Vest-Afrika, har fått grundig opplæring i forholdsreglar mot smitte. I utgangspunktet er det lite sannsynleg at helsepersonell blir smitta av ebola dersom dei arbeider med nødvendig verneutstyr, og har gode rutinar for smittevern. I dei tilfella der helsepersonell er blitt smitta under opphald i Vest-Afrika, har tiltaka for smittevern ikkje vore gode nok. symptom som har arbeidd med, eller på annan måte vore i kontakt med pasientar, som er sjuke av ebola-viruset. Alle som har vore i område ramma av ebola og/eller har vore i kontakt med pasientar sjuke av ebola eller deira kroppsvæsker, og utviklar symptom som samsvarar med ebola, skal vurderast telefonisk for innlegging på isolatavdeling i sjukehus. Dei skal ikkje oppsøke legekontor eller legevakt, men ringe lege eller AMK 113 og avtale vidare handtering. Ebola smittar ikkje før pasienten blir sjuk. Teikn på ebola-sjukdom er feber og eventuelt andre symptom som slapphet, hovudpine, smerter i musklar og ledd, vondt i magen, diaré og oppkast. Det er derfor ikkje nødvendig å isolere personar utan Foto: Magnus Endal
Foto: Colourbox DEI TRE FØRSTE VEKENE HEIME Helsepersonell som kjem heim frå Vest-Afrika skal følgje med på eiga helse i 21 dagar etter heimkomst, ved mellom anna måling av temperatur morgon og kveld. Dersom du ikkje føler deg vel, om du føler at du er i ferd med å utvikle feber, eller eventuelt andre symptom som slapphet, hovudpine, smerter i musklar og ledd, vondt i magen, oppkast og diaré, gå heim dersom du ikkje allereie er der, og sjekk temperaturen din. Er temperaturen over 37,5 C, ring vår vakttelefon 482 41 744. Her vil du bli set i kontakt med infeksjonsmedisinsk ansvarleg. Det vil då bli vurdert behov for vidare undersøkingar, og nødvendige testar vil eventuelt bli utført på sjukehus. Dersom ein slik situasjon skulle oppstå, er det viktig å behalde roen; det er framleis lav risiko for at du har utvikla ebola, og større sjanse for noko anna som er årsaka. Det er likevel sjølvsagt viktig å gjere testar for å utelukke ebola, og finne ut årsaka til kvifor du er sjuk. Helsepersonell som ikkje har feber eller føler seg sjuke er ikkje smittefarlege, og kan leve som normalt. Ingen blir isolerte eller sett i karantene med mindre dei har symptom. Vi rådar helsepersonellet til å ikkje møte andre som er sjuke, ettersom han/ho kan bli smitta av andre sin sjukdom. Ein må i dei første 21 dagane etter at ein forlate Sierra Leone vurdere sjansane for at eventuell sjukdom kan vere ebola, og det er derfor ein fordel å halde seg frisk. Sentralisert behandling Høgsikkerheitsisolat ved Oslo universitetssykehus, Ullevål, er førsteval for innlegging av ein pasient med ebola. FOR DEG SOM ER HEIME Når helsepersonell kjem heim kan det vere mange kjensler i sving, både hos ein sjølv og hos venner og familie. Vedkommande kan vere sliten, og trenge ro og kvile. Det er naturleg å vere engsteleg for å få symptom på sjukdom. Redsla for å vere smitta av ebola er for mange langt større enn det er grunn til, og den skuldast i stor grad redsla for å smitte dei som står nærast. Både dei som er komne heim, og dei som står nærast, bør snakke om slik uro og redsle, slik at kjenslene kan bli behandla så godt som råd. Overdriven handvask, avstand frå nærleik, og ikkje minst tendensar til hypokondri vil vere ein del av tilværet for mange dei første tre vekene etter heimkomst. Forsøk å forstå og bidra til rasjonell tenking og handling. Ha låg terskel for å kontakte oppfølgingstenesta ved uro og spørsmål. Det er ikkje farleg å vere saman med hjelpearbeidaren dersom han/ho ikkje er sjuk, og det er heller ikkje farleg å klemme, kysse, dele seng og så vidare - sjølv ikkje dei første tre vekene.
TIPS VED HEIMKOMST Til ektefelle/partnar Ofte er begge slitne, etter fleire veker med utfordringar på kvar sin kant. Snakk saman i forkant, og planlegg kor mykje aktivitet de vil prioritere den første tida. Du som er heime har fått god erfaring i å administrere heimen aleine. Det er viktig å kommunisere endringane som er gjort, og ikkje ta for gitt at den som kjem heim er einig i alt. Til deg med barn Barn har behov for å bli sett og høyrt. Dei treng ofte merksemd frå deg når du kjem heim. Det kan vere lurt å tenkje igjennom kva for opplevingar du har lyst til å dele med ungane frå perioden i Sierra Leone. Barn har små føresetnader for å kunne forstå alvorleg sjukdom, og kan derfor bli skremde når dei får høyre om det. Til foreldre Helsepersonellet kjem heim med mange opplevingar og erfaringar, og er som regel veldig stolte over det dei har vore med på. Det er derfor fint om du tar deg tid til å lytte til dei erfaringane som sonen din eller dottera di har hatt. Hugs at du som forelder alltid kan ta kontakt med oss på tlf. 482 41 744.
VIL DU TREKKE DEG? Dersom du som helsepersonell finn ut at du ikkje ønskjer å vere ein del av oppdraget lenger må du ta kontakt med rekrutteringsansvarleg Wibeke Krokås. Ho vil hjelpe deg vidare. Mobil: 95 87 55 71 E-post: wibeke.krokaas@helse-bergen.no MEIR INFORMASJON OM EBOLA Helsedirektoratet og Folkehelseinstituttet har utarbeidd informasjon som kan være nyttig å kjenne til: Generell informasjon på www.helsenorge.no //helsenorge.no/sykdom/infeksjon-og-betennelse/ebola Nasjonal handlingsplan mot ebola på Helsedirektoratet.no //helsedirektoratet.no/om/hoyringar/sider/nasjonal-handlingsplan-mot-ebola Ikkje nøl med å ta kontakt med oss dersom du har spørsmål. Vi lyttar og ønskjer å hjelpe deg.
Takk for innsatsen og ha ein god kvileperiode! Nr. 202 4298. Kommunikasjonsavdelinga HUS 2015